Indholdsfortegnelse for 10 Jun 2021 i Huisgenoot

1 ‘EK KAN NIE GLO IEMAND KON DIT AAN MY KIND DOEN NIE’ Yolandi Botes se ma, Ria, worstel nog met talle vrae nadat haar dogter vermoor, haar liggaam in stukke gekap en in die Vaalrivier gegooi is Baie sterkte, liefste tannie. Ek besef daar is nie woorde om hierdie vreeslike hartseer weg te vat of beter te maak nie. Weet net een ding is verseker: Jesus is elke sekonde by jou en is lief vir jou. KOBIE Dit breek ’n mens se hart. Om so vermoor en dan geslag te word … Dit maak nie saak wie jy is nie: Niemand verdien dit om met so ’n gebrek aan respek deur iemand anders behandel te word nie. ANNAMARIE Ons is saam met Ria ontsteld en hartseer. Hoe kan ’n…

DEUR die jare het dit ’n hoogtepunt van hul gesin se jaarlikse kalender geword. Hulle spring op ’n vliegtuig en laat die beskawing agter om hulle ’n paar maande lank in ’n tropiese paradys met suikerwit strande, wuiwende palmbome en kristalhelder water te vestig. Daar snorkel, swem en sonbaai Nico (47) en Christi Panagio (43) saam met hul dogters, Evah (10) en Shay (8), soms tot twee maande lank. En wat stel dié gesin in staat om so lank en uitspattig vakansie te hou? Wel, vir Nico is dit eintlik allermins vakansie, want tussen alles deur werk hy so hard dat die biesies bewe en moet hy tyd afknyp om saam met sy gesin te baljaar. Sy dae is lank, maar al moet hy voor die kameras bontstaan, sorg hy…

DIE TIKTOK-DANSSTERRE Ontmoet Addison Rae en Charli D’Amelio, die dansende sterre van TikTok. Hul aanhangers hou van hul ontspanne sport-sjiek voorkoms. ADDISON RAE (20) Die sangeres en danseres het roem verwerf met haar gewilde TikTok-video’s. Sy is een van die gewildste dansers op die platform en spog met 80 miljoen volgers. CHARLI D’AMELIO (17) Dié Amerikaanse tiener het die meeste volgers op TikTok – 116 miljoen. Charli is ’n mededingende danseres en haar styl is ’n mengsel van meisie-langsaan en rockster. SILWERDOEKSKOONHEDE Zendaya en Sophie Turner is glansryke vroue wat altyd deur ’n ring getrek kan word. Die jong Hollywoodsterre is ware styl-ikone in formele en straatdrag. ZENDAYA (24) Die voormalige Disney-kinderster wat in die trefferreeks Euphoria speel, is ’n ware stylprinses. SOPHIE TURNER (25) Die Game of Thrones-aktrise lyk…

WONDER jy dalk waar jou onverklaarbare rug-en nekpyn vandaan kom? Of hoekom jy party dae so lusteloos en futloos voel? Die kans is goed jy werk soos baie ander mense dagin en daguit voor ’n rekenaar. En met die afgelope 14 maande se inperkingsregulasies werk talle mense van die huis af. Die gevolg: Jy is ure aaneen agter jou lessenaar. Weg is daardie daaglikse stappies van jou motor na jou kantoor, of die roetine om saam met jou kollegas vir ’n oggendkoffie na die kafeteria te stap. Of om die trappe in jou kantoorgebou te klim. Mense sit deesdae veel meer as wat gesond is vir ons, sê Katryn Brecher, ’n persoonlike fiksheids-en Pilatesafrigter van die Wellergy Ateljee in Pretoria. “Dit hou ons heeltemal te lank in een posisie vasgepen…

Die komediant Steve Harvey het pas klaar verfilm aan die tweede seisoen van Family Feud South Africa toe ons hom via ’n video-oproep kontak. Dié gewilde Amerikaanse speletjiesprogram, wat Steve in 2010 begin aanbied het, het verlede jaar ’n plaaslike weergawe gekry en die tweede seisoen word nou uitgesaai. FAMILY FEUD SE AANTREKKINGSKRAG In elke episode moet twee spanne van vyf familielede vrae oor Suid-Afrika beantwoord. Die familie met die meeste regte antwoorde wen kontant en pryse. “Ek het ’n speletjiesprogram in ’n komedieprogram verander,” sê Steve (64). “Ek het besluit om my vaardighede wat ek jare lank as komediant gebruik het vir hierdie rol as aanbieder in te span.” Om met covid-19-voorsorgmaatreëls in plek te verfilm het beteken daar was nie ’n regstreekse gehoor vir die tweede seisoen nie,…

BREEK CAROLINE GRACE ’n Ballade met ’n stadige ritme in die popgenre deur die sangeres wat in 2017 in die tweede seisoen van The Voice SA in die topvier geëindig het. Sy vertel die liedjie gaan oor ’n gebroke verhouding waar die persoon hoop sy kan die ander een weer in haar lewe hê, al beteken dit wéér seerkry. YOUR POWER BILLIE EILISH Dié snit is ’n lusmaker vir die Grammybekroonde sangeres se tweede album, Happier Than Ever, wat in Julie uitgereik word. “Your Power” gaan oor die magsdinamika in verhoudings, veral wanneer een mens die ander probeer beheer. “Dis een van my gunstelingliedjies,” skryf sy. SKEMERBLOM WYNAND STRYDOM Die man met die diep rasperstem se nuwe enkelsnit is in die country-rockstyl. Die lirieke maak gebruik van die beeld van…

N0 2 391 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N GESKENKPAK VAN NIVEA PLUS KOM IN AANMERKING VIR DIE MAANDELIKSE TREKKING VAN R1 000. VRAAG: WATTER PERSOON WAT IN DIE GEHEIM WERK IS TER SPRAKE? Een persoon wen ’n NIVEA-geskenkpak ter waarde van R500. NIVEA bied hardwerkende versorgingsoplossings wat gesig-en skeersorg, lyfroom, sjampoe, stortjel en deodorant insluit. Die produkte is met aktiewe houtskool geformuleer om bakterieë teen te werk en beskerm jou teen vuiligheid en aanpaksels. Nuut in die reeks is die DEEP Rapid Pimple Clear-gesigwas met sy formule wat 99% van bakterieë teenwerk en die DEEP-lekkerruikspuitgoed wat jou langer vars sal laat ruik en voel. NEEM SO DEEL Vul die blokraai korrek in, skryf die…

6 JUNIE 1944 'D-DAY' IN DIE TWEEDE WÊRELDOORLOG Op dié belangrike dag in die Tweede Wêreldoorlog het die Geallieerde Magte ’n aanval geloods op die Duitse magte wat Frankryk beset het. Die VSA, Kanada, Frankryk en die Verenigde Koninkryk (wat ook toe Suid-Afrika ingesluit het) het aan dié operasie deelgeneem. “D-Day” is die term wat weermagmense in hul beplanning gebruik om na die oomblik te verwys waarop ’n plan in werking tree. Met 150 000 soldate en die steun van 200 000 matrose op see het die Geallieerdes ’n oorweldigende aanval uit die lug, op land en van skepe af op die strande van Normandië – ’n deel van Frankryk oorkant Engeland – uitgevoer. Dit was die grootste militêre mobilisasie wat die wêreld nog ooit gesien het. Duisende skepe het…

DIE opwinding het begin opbou toe ’n geheimsinnige man ’n skermgreep oplaai van ’n enkele belegging van $53 000 in die sukkelende Amerikaanse videospeletjiehandelaar GameStop. Gebruikers was verstom – wat sou enigeen besiel om so ’n waansinnige kans te waag? Die gebruiker, ’n daghandelaar met die skermnaam DeepFuckingValue, het in September 2019 die bewyse van sy opsie om aandele te koop op die sosialemediaplatform Reddit gedeel, saam met die boodskap “YOLO” – You only live once. Om spesifiek te wees, hy het dit op ’n Reddit-forum genaamd r/wallstreetbets gedeel, ’n woeste gemeenskap van meestal amateurbeleggers wat al vloekende beledigings uitruil, juig oor mekaar se seges en mislukkings en hulself met trots “degenerates” noem. GameStop se meestal miskende aandele was toe sowat R56 ($4) elk werd. Die volgende 15 maande lank…

Die internetsensasie Katinka Weyers, oftewel Katinka die Kat, het onlangs haar tweede liedjie, “Die antwoord is dans”, saam met Justin Vega uitgereik. “Ek het die liedjie geskryf en dis geïnspireer deur dans. Ek het baie lank op skool gedans en aan danskompetisies deelgeneem,” sê Katinka. Ons het die rapper gevra om drie waarhede en ’n leuen oor haarself te verklap. Kyk of jy kan raai wat die leuen is. 1 Ek is ’n introvert. 2 Ek was op 19 die jongste deelnemer wat al ooit aan Survivor South Africa deelgeneem het. 3 Ek het ’n jaar lank filmwese aan die rolprentskool Afda in Kaapstad studeer. 4 My eerste ernstige verhouding was met my man, Braam Weyers. Antwoord: Nommer drie is die leuen. Ek het net ses maande aan Afda studeer.…

OP DIE stel van Binnelanders het dikwels trane gevloei wanneer ’n karakter worstel om verlies te verwerk. Maar op Woensdagoggend 26 Mei was die hartseer tonele wat in die ateljee afgespeel het ánders – en baie rouer. Hierdie keer was die groepie akteurs se smart werklik. Geen draaiboek kon hulle voorberei op die tyding dat hul medeakteur Ben Kruger die oggend in sy huis in Brooklyn, Pretoria, weens covid-19 gesterf het nie. Hy was 64 jaar oud – nog ’n geliefde wat weggeruk is deur die pandemie. Met die skielike dood van die veteraan wat die rol van die gewilde oom Okkie Ferreira in die kykNET-sepie vertolk het, is kykers én sy kollegas in rou gedompel. Vir Hannelie Warren, wat TV-kykers as tannie Ilse Ferreira leer ken het, was Ben…

ZENDAYA (24) Die aktrise se voorkoms is sag en natuurlik, maar steeds glansryk. Kry dit só. GESIG Vir ’n douvars gelaat, wend ’n blink basislaag gevolg deur onderlaag aan. Die basislaag sal subtiel van onder die onderlaag die vel verlig. Gebruik ’n sagte pienk blosser om kontoere te skep. Sluit af met ’n setproei. OË Borsel wenkbroue met ’n wenkbrouborsel en seep, en vul dan in met ’n wenkbroupotlood of jel vir ’n voller voorkoms. Wend ’n sagte, blink pienk of goue oogskadu aan jou onderste en boonste ooglede aan. Maak ’n gevleuelde lyn op die boonste wimperlyn met ’n vloeibare, jel-of kohl-oogomlyner. Rond af met ’n paar lae maskara op die boonste en onderste wimpers, of met vals wimpers. LIPPE Wend ’n sagte pienk of bleek lipglans aan. Beproef…

KEELVOL VIR CORONAKRISIS V Ek voel die covidpandemie begin my nou toets en dat ek nie meer altyd die krag het daarvoor nie. Vóór die coronakrisis het ek weg van die huis gewerk, maar nou werk ek net van die huis af. Ek het nog nie iemand na aan my aan die dood afgestaan nie. Kollegas was siek, maar ek is net een keer vir die virussiekte getoets en dit was negatief. Ek is slapeloos. Ons het kinders op skool wat ek nou tuis onderrig en my man help baie. Ek voel net heeltyd so keelvol. E op A A Almal hanteer onsekerheid anders. Juis omdat daar met hierdie nuwe, onbekende siekte geen sekerhede is nie, vind soveel mense dit moeilik om die situasie te verwerk en sukkel hulle om…

ANATOMICUM Deur JENNIFER Z. PAXTON. Illustrasies: KATY WIEDEMANN (In Suid-Afrika uitgegee deur Protea Boekhuis, R429*) “Hierdie boek is vir enigiemand van nege tot 99 wat in die menslike liggaam belangstel.” So sê dr. Jennifer Paxton van Anatomicum, die vierde boek in die Welkom by die museum-reeks. Sy doseer anatomie aan die Universiteit van Edinburgh en is ook verbonde aan die Paxton Lab, wat navorsing doen oor die ontwikkeling van nuwe weefsel van die spier-skeletstelsel vir inplanting ná ’n besering of siekte. Daarom is sy uitstekend toegerus om die werking van die menslike liggaam te verduidelik, maar nie in stowwerige taal nie. “Al ken ek die onderwerp baie goed omdat ek anatomie doseer, moes ek navorsing doen oor hoe ander mense hierdie kennis aan die publiek oorgedra het. Ek moes ’n…

LANG TRANE Ek het my oupa gevra hoekom hy nie ’n testament het nie. Hy sê toe: “Want ek wil hê julle moet regtig treur wanneer ek heengaan.” LEON KRUGER VUL IN DAAI AANSOEKVORM Naam: Ek het een Voorletters: Twee Adres: Ons huis Telefoon: Samsung Gebore: Ja Geboorteplek: Hospitaal Geslag: Nee, ek leef nog Getroud: Met my man Kinders: Baie lastig Werksaam gewees by: My vorige baas Hoeveel jaar gewerk: Te veel Salaris verlang: Baie Siektes: Gehad Lengte: Gemiddeld Haarkleur: Veranderlik Watter soort werk verkies jy: Vuurwerk LOUISE NOETH VASGETREK Die polisie versprei vier foto’s van ’n bankrower landwyd: een van voor, een van agter, een van links en een van regs geneem. ’n Dag later kom ’n e-pos by die polisiekantoor aan: ”Het jou foto’s ontvang. Al vier is…

〉 FOTOBLOKRAAI N0 2 137 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N GESKENKPAK VAN BRAMLEY VRAAG: WATTER INSEK OF BOOM IS TER SPRAKE? Die wenner ontvang ’n geskenkpak van Bramley ter waarde van R500. Bramley se weefseloliereeks is in ’n verskeidenheid soorte beskikbaar: Magnolia, Cocoa Heaven, Pink Blossom, Lavender en Herbal Camphor. Bramley het onlangs ook die Afrika-versameling by hul produkreeks gevoeg en bied gehalte wat jy kan vertrou. Bramley-produkte is landwyd by Pep beskikbaar. Besoek www.bramleycosmetics.co.za of/bramleycosmetics op Facebook of Instagram vir nog inligting. NEEM SO DEEL Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad…

1 〉 Waar of vals: Die Russiese president, Wladimir Poetin, was voorheen ’n Russiese spioen. 2 〉 Watter kleur is die bessies van ’n koffieplant? 3 〉 Wat noem ons die kunsmatige hoofbedekking wat lyk soos regte hare? 4 〉 Wat is die naam van Indië se hoofstad? 5 〉 In watter oseaan sal jy die Maledive-eilande kry? ANTWOORDE 1. Waar 2. Rooi 3. ’n Pruik 4. Nieu-Delhi 5. Indiese Oseaan BRONNE BBC.COM; ALJAZEERA.COM; NEWSFORKIDS.NET; HISTORY.COM; IOL.CO.ZA; DW.COM; LIVESCIENCE.COM; KIDS.BRITANNICA.COM…

THE SUPREME LIE GERALDINE McCAUGHREAN Dié bekroonde skrywer se nuwe boek is vir tieners van 12 jaar en ouer. Dit speel af in ’n wêreld gevul met natuurrampe en leuens. Gloria is 15, maar is die bediende van Afalia se nare staatshoof, Madame Suprema. Toe die land deur oorstromings getref word, is Suprema bang die mense sal haar vir die krisis blameer en hardloop weg. Gloria word die nuwe staatshoof. Die land wemel van korrupte, desperate politici. Duisende mense se lewe is nou in die hande van ’n tiener. Die boek sal jou laat dink oor die dinge wat vandag in ons land en die res van die wêreld aangaan. SCAREDY CAT JAMES PATTERSON EN CHRIS GRABENSTEIN Ons almal weet James Patterson skryf die lekkerste fiksieboeke vir jong mense –…

‘NÁ ELKE OUDISIE PROBEER ’N MENS DIT NET AGTER JOU SIT; JY WIL NIE TE OBSESSED WORD NIE’ ANNA GROBBELAAR (21), ASPIRANTAKTRISE IN DIE VSA ‘DIT was baie scary toe ek daardie eerste keer alleen na Los Angeles in Amerika toe getrek het. Dit was in 2018 en ek was 19 jaar oud. Ek het met twee tasse en ’n rugsak op ’n vliegtuig geklim en Hollywood toe gevlieg. Ek het snot en trane gehuil die hele pad hierheen. Toe ek die eerste keer die “Hollywood” teen die berg gesien het, was ek so opgewonde, maar dit het tog onwerklik gevoel. Ek bly in ’n bachelors flat in Hollywood, smack bang in die middel. Dis bietjie toerismerig, maar dis lekker. Ek kan die Hollywood-teken van buite my woonstel sien. Daar…

SY WAS skaars ’n maand ná haar man se dood terug op die verhoog en het in die vier jaar daarna byna nooit ophou werk nie. Uitverkoopte optredes, ’n skouspelagtige vertoning by die Billboard Music Awards in 2016, ’n toer na Europa en Kanada met 28 optredes, ’n Franse album, ’n nuutgevonde liefde vir byderwetse modes wat die tonge laat klap het – daar was g’n keer aan Celine Dion nie. Maar toe tref die pandemie. En die eerste keer sedert sy haar geliefde René Angélil, haar man van 22 jaar en die dryfveer agter haar musiekloopbaan, verloor het, moes sy haar hartseer konfronteer. Die kollig, aanhangers wat haar aanbid en ’n uitmergelende werkrooster het verdwyn en plek gemaak vir tyd: om rustiger te word, haar kinders te sien en…

DIT voel byna nes ’n reünie met jou oudste vriende. Jy kyk elkeen goed op en af om te sien of die ouderdom hulle genadig was. Jy voel sélf ’n bietjie ouer as jy sien die jare het ook vir hulle aangestap; tog lyk elkeen nog so baie soos destyds. Julle lag oor die goeie ou dae en al die snaakse gebeure. En soms kry jy ’n knop in die keel… Matt LeBlanc lyk stewiger en Matthew Perry sleep sy woorde so ’n bietjie. Maar Courteney Cox, Jennifer Aniston en Lisa Kudrow – almal nou aan die ander kant van 50 – lyk asof die jare hulle verbasend goed behandel het. En David Schwimmer het nie ’n dag ouer geword nie. ’n Volle 17 jaar nadat die suksesvolle komediereeks Friends…

Die rolprentmaker Sean Else en sy vrou, Carla, het onlangs ’n fotosessie saam met hul drie maande oue babaseuntjie, Levi Alexander, gehad, en die skattige kleinman vermurwe omtrent harte. Die egpaar is die ouers van nog vier seuns, Caylem (16), Vaughn (15), Daniel (7) en Noah (6). “Oor hy definitief ons laaste babatjie is, wou ek graag alles probeer inneem en geniet. Al die boeties was dadelik verlief toe hulle hom sien en kon nie genoeg kry nie,” sê Carla. Klein Daniel het twee jaar lank vir ’n boetie gebid. “Een oggend drieuur het Levi gehuil, toe kom Daniel in die kamer en vra hoe hy kan help. Dog ek vreet hom op,” koer Carla. Levi is baie anders as sy boeties. “Hierdie outjie hou baie van gesels en is…

DRIE maande het verloop sedert Kimye se paadjies geskei het en hul egskeidingsdokumente ingedien is – en nou lyk dit of die twee ekse finaal aanbeweeg het. Kim (40) het die partytjietoneel met mening getref, maar “soek nie op die oomblik iemand in haar lewe nie”, sê mense in die binnekring, en Kanye (43) het glo ’n romantiese verhouding met die Russiese model Irina Shayk (35) aangeknoop. Irina, wie se ekskêrel en die pa van haar dogter die akteur Bradley Cooper is, het ’n lang geskiedenis met Kanye. Sy het in die musiekvideo vir sy 2010-treffer “Power” verskyn en is ’n paar weke gelede op ’n uitstappie saam met haar dogter, Lea (4), gewaar in ’n DMX-huldeblyktop van sowat R3 000 wat deur Kanye en die modehuis Balenciaga ontwerp is.…

Seal draai nie doekies om oor wat hy van sy eksvrou se ouerskapstyl dink nie. Die sanger van treffers soos “Kiss from a Rose” sê die voormalige supermodel, Heidi Klum, was geen spanspeler met die grootmaak van hul kinders, Leni (17), Henry (15), Johan (14), en Lou (11) nie. “Dit kan uitdagend wees. Dit verg spanwerk. As jy ’n span is, as albei ouers deel van die span is, is dit baie maklik en nie veel van ’n uitdaging nie. Maar jy moet ’n span wees,” het Seal (58) aan Us Weekly gesê. Maar hy en Heidi het glo nie daardie band nie. Die twee is in 2012 ná 10 jaar saam uitmekaar en hul egskeiding is in 2014 gefinaliseer. Maar hulle was verlede jaar weer in die nuus weens…

DIE blonde atleet hardloop met ’n elegante en skynbaar moeitelose ritme. Daar’s al 28 km verby, maar Irvette van Zyl se hartklop en asemhaling is egalig en ongejaagd. As toeskouer sou jy jou beswaarlik kon indink watter moeilike jaar sy agter die rug het, want vandag hardloop sy vry en onbevange – asof sy al die emosionele en fisieke swaarkry van die vorige seisoen wil agterlaat. Ná 30 km val dit Irvette (33) by sy kan eintlik nou aftrek. Sy is immers nie vandag hier in die Baai om die moordende 50 km-marathon te wen of selfs te voltooi nie. Maar sy voel nog so sterk … Dan maar aanstoot, dink sy. By die 34 km-merk sien sy haar afrigter, Nick Bester, langs die pad staan. “Ek het vir hom…

SRIRACHA-LO MEIN Lo mein word ietwat anders as chow mein gemaak; chow mein word geroerbraai tot die noedels bros is, maar lo mein word met ’n sous geroerbraai sodat dit sag bly. Sriracha is ’n heerlike sous uit Thailand en werk goed saam met groente en noedels. GENOEG VIR 2 MENSE BEREIDING: 10 MIN. GAARMAAK: 8 MIN. 45 ml (3 e) sriracharissiesous30 ml (2 e) sojasous5 ml (1 t) suiker2 nessies vars lo mein-eiernoedels30 ml (2 e) groenteolie1 rooi soetrissie, in repies gesny8 vars babamielies, in die lengte gesny175g (3½ k) boontjiespruite ’n knippie sout 1 Meng die srirachasous, sojasous en suiker in ’n bak en laat staan eenkant. 2 Maak die noedels los in ’n bak met warm water, dreineer en laat staan eenkant. 3 Plaas ’n wok oor…

AL HET meer as ’n jaar verloop sedert die coronaviruskrisis ons lewe omgekeer het, werk baie mense steeds van die huis af. Dit wil inderwaarheid voorkom asof die neiging hier is om te bly. Talle maatskappye wêreldwyd het hul kantoordeure gesluit en gekies om van die huis af te werk. Dit beteken dit is belangriker as ooit om die eetkamerstoel te verruil vir ’n behoorlike kantoorstoel. En daar is een vir elke begroting; dit is dus nie nodig om oortrokke te gaan nie. “Met die aankoop van kantoormeubels is baie mense bereid om meer aan ’n lessenaar as ’n stoel te bestee,” sê Travers Hathrill van ChairClub. “Maar as jy in ag neem hoeveel ure jy op die stoel sit en hoe belangrik die stoel is vir jou algehele gesondheid…

JOU groot voordeel uit belastingvrye beleggings is dat die volle opbrengs (minus enige administrasiefooie) joune is. In vanjaar se nasionale begroting is jou persoonlike limiet op jaarlikse bydraes tot sulke beleggings boonop verhoog van R33 000 tot R36 000. Dis ’n welkome belastingvergunning, maar hoe maak jy die beste gebruik daarvan? Hier is raad. 1 LAAT JOU BELASTINGVRYE GELD MET RUS Hoe langer jy jou geld belê, hoe groter die groei én jou belastingvoordeel daaruit. Voorbeeld: As jy die volle jaarlikse bedrag van R36 000 in ’n belasbare belegging sit, kan jou groei R3 600 oor die jaar wees, maar Jan Taks kan sowat R600 vat, afhangend van jou belastingkoers.* In ’n belastingvrye belegging bly daardie R600 joune en kan dit op langtermyn aanhou groei. Hoe langer jy jou geld…

1 Dit is maar die derde keer in die geskiedenis van Survivor dat ’n seisoen van die reeks in Afrika verfilm word. Twee van die Amerikaanse seisoene is ook in Afrika geskiet. Survivor Africa en Survivor Gabon is onderskeidelik in Kenia en Gaboen verfilm. 2 ’n Slanghanteerder was deel van die produksiespan omdat die omgewing bekend is vir ’n groot verskeidenheid slange. Daar is onder meer swartmambas, nagadders en pofadders. 3 Die stamme is losweg gegrond op ’n tradisionelekraalkonsep, kompleet met hutte wat ’n Afrikagevoel het, maar dis nie gegrond op enige spesifieke Afrikakultuur nie. 4 Dit het die kunsdepartement vier weke geneem om die stamraadstel te voltooi. 5 Tydens die opname, wat 39 dae geduur het, het die produksie geen covid-19-infeksies gehad nie. SURVIVOR SA: IMMUNITY ISLAND IS DONDERDAE…

TWEELING 21 MEI – 20 JUNIE Die nuwemaan wat die 10de die Tweeling betree, beteken dis dalk vir jou ’n week van nuwe beginne. Maar aangesien Mercurius steeds agteruit beweeg, sal jy waarskynlik nou sukkel om die feite of inligting oor belangrike kwessies te kry. By die werk lyk dit ook of sake in geheimenis gehul is – asof ’n mistigheid oor die weg vorentoe neergedaal het. Maar in die land van die blindes is eenoog koning. Probeer dus om nie die kwessie te druk nie. GELUKKIGE NOMMERS 2, 30, 13, 27, 17, 38 KREEF 21 JUN – 21 JUL Jy het vandeesweek ’n blaaskans van jou gewone bedrywighede broodnodig, veral as jy moet herstel, aansterk of jou batterye herlaai. Noudat die uitdagende Mars jou teken verlaat, slaak jy dalk…

1 ONS KEN HOM AS DIE KITAARSPELER EN SKAATSPLANKRYER RICKY BOWEN in die nuwe Disney-reeks High School Musical: The Musical: The Series waarin hy tot saam met Olivia Rodrigo (18) gesing het – jip, daai Olivia van die hit “Drivers Licence”. Dis nie die eerste keer dat Joshua op TV is nie. Hy was in 2018 ook te sien as Aidan Peters in die Disney Channel-reeks Stuck in the Middle. 2 JOSHUA (20) IS ’N MUSIKANT NES SY KARAKTER, RICKY Die Kaliforniese sanger is bekend vir songs soos “Lie Lie Lie” en “Feel Something”. En moenie dink hy’s vies vir Olivia omdat sy ’n song oor hom geskryf het wat mense wêreldwyd luister nie. Hy’t op sosiale media geskryf hy is mal oor haar nuwe hit, “Deja Vu”. 3 HY…

MEISIES: POFMOUTRUIE Vergeet gewone truie. Dié met pofmoue is nou die in ding. Dis oulik en iets wat elke meisie in haar klerekas moet hê. Dié winter kry truie se moue nuwe lewe in verskillende ontwerpe. As jy nie hou van jasse dra oor jou klere nie omdat dit jou look wegsteek, is dié trend vir jou. Dis die perfekte item vir ’n dag uit saam met jou pelle. Dra ’n pofmoutrui in ’n sagte blou, geel of pienk kleur, en rond dit af met ’n sjiek handsakkie en jou gunstelingtekkies of wit stewels. SEUNS: SWEETPAKKE Gemaklike sweetpakke is supergewild onder Hollywood se beroemde jongklomp. As jy hou van ’n gemaklike, sportiewe styl en nuwe lewe in jou klerekas wil blaas, is ’n sweetpak die antwoord. Daar is hope style…

Leeswoordraaisel 1 Die woorde op die lys onder is horisontaal, vertikaal of skuins en vorentoe of agtertoe in die rooster versteek. Vind en omkring dit. 2 Maak jou eie storie op deur soveel as moontlik van die woorde op die lys te gebruik, en teken dit dan. Knip & plak Knip die malvalekkers uit en plak dit in die koppies warmsjokolade. Watter pad lei na die biblioteek? Vind vyf verskille Pas die skaduwee Kopieer die prent Vind die volgende voorwerpe in die prent Vind sewe verskille Soek die pasmaats ANTWOORDE Pas die skaduwee 4. Soek die pasmaats 1-12, 2-5, 3-8, 4-7, 6-9, 10-11…

SKOTLAND en sy mense het nog altyd ’n spesiale plekkie in koninklike harte gehad. Dis waar koningin Elizabeth ’n groot deel van haar kinderjare deurgebring het en waarheen sy elke somervakansie – dikwels saam met verskeie familielede – terugkeer na haar geliefde Balmorallandgoed. Dis ook waar prins William en Kate Middleton se sprokiesromanse presies 20 jaar gelede begin het. En toe die paartjie onlangs die St. Andrews-universiteit in Edinburgh – waar hulle ontmoet en verlief geraak het – tydens hul minitoer van dié land besoek het, was koninklike aanhangers omtrént in vervoering. Hul Kensingtonpaleis-kantoor kon dit boonop nie weerstaan om hierna te verwys as ’n “nostalgietoer” toe hulle aankondig die paartjie, wat in April hul 10de huweliksherdenking gevier het, keer terug na St. Andrews toe nie. Nie eens die triestige…

Die kykNET-reeks Leef jou reis sou aanvanklik net vir een seisoen op die kassie wees. Nou, 10 jaar later, neem die sanger Gerrie Pretorius kykers steeds reg oor die wêreld saam op sy reisavonture op die kassie. “Om 130 opnames agter die blad te hê in elke uithoek van die wêreld het soms rof gegaan,” sê Gerrie. Hier onthul hy meer oor sy reise. 5 lande wat jy al besoek het? Chili, Switserland, Rusland, Indië en Etiopië. 4 dinge waarsonder jy nie kan reis nie? 1. Goeie reisversekering. 2. Sonroom. Ek smeer dit elke dag aan. 3. Goeie koffie; ek sukkel met kitskoffie. 4. ’n Spaartandeborsel, want ek is obsessief oor skoon tande. Daarom is daar altyd ’n spaartandeborsel in my handbagasie. 3 wenke vir lesers wat in die coronakrisis plaaslik of oorsee…

Kelly Osbourne het aanhangers geskok met haar jongste transformasie in ’n onlangse sosialemediaplasing. Sewe maande nadat sy met haar gewigsverlies van 40 kg by haar verjaardagpartytjie gespog het, het die televisiepersoonlikheid ook ’n heelwat slanker gesig en nek in die foto. Hoewel talle gebruikers gegis het dat sy plastiese snykunde ondergaan het, het sy dit vinnig afgemaak. “Ek wil net ’n onderwerp ophaal waaroor julle ouens gesels, want ek is altyd eerlik oor wat ek aan my liggaam gedoen het en wie ek is,” het Kelly (36) in ’n video aanlyn gesê. “Ek het nie plastiese chirurgie ondergaan nie. Ek het nog nooit aan my gesig laat werk nie, behalwe vir ’n paar inspuitings in my lip, kakebeen en voorkop. Kom ons los nou die simpel gerugte.” Kelly se ontkenning…

As ’n mens na Rebel Wilson se jongste Instagraminskrywing kyk, lyk dit asof die aktrise nog meer gewig afgeskud het. Ten spyte van haar indrukwekkende gewigsverlies tydens haar onlangse “jaar van gesondheid”, het sy erken sy is “hartseer” sy het tot in haar 40’s gewag om die gewig af te skud. “Noudat ek weet ek kan dit doen, voel ek soms hartseer dat ek dit nie vroeër gedoen het nie,” het Rebel (41) aan die tydskrif InStyle gesê. Sy het erken sy het ’n bietjie laat wakker geskrik en wens sy het “probeer toe ek 30 was en nie 40 nie.”…