Indholdsfortegnelse for 22 Jul 2021 i Huisgenoot

1 ‘STRALEND OP 65!’ Anneline Kriel, ons gewese Mej. SA en Mej. Wêreld, geniet haar goudste jare op die romantiese eiland Mauritius saam met haar man, Peter Bacon Anneline, jy lyk nog pragtig. Dis altyd lekker om oor jou te lees. Vir my is jy nog altyd die trots van Witbank, deesdae bekend as Emalahleni. Jy is nog altyd ’n baie goeie voorbeeld vir soveel ander. NANCY Jy is en bly die vrou wat ek al so baie jare lank bewonder. Jou energie is so suiwer en mooi en jou geselskap helend. Dankie dat jy deur al die jare die mooiste gesindheid teenoor almal getoon het. LEON Anneline, jy bly pragtig. Ek het jou op jou ma se begrafnis gesien ’n paar jaar gelede en jy lyk nog net so. Jy…

SPOGGERIGE ONTBYTBESKUIT Dié luukse beskuit is propvol ontbytheerlikheid, van semels tot klapperskaafsels en ontbytgraan – dit het alles wat jy nodig het om die dag mee te begin. LEWER 48 STAFIES BESKUIT BEREIDING: 20 MIN. BAK: 45-50 MIN. UITDROOG: 6-7 UUR OF OORNAG ◗ 500 g botter, gesmelt◗ 500 ml (2 k) natuurlike volroomjogurt◗ 2 eiers◗ 1 kg bruismeel◗ 250 ml (1 k) ligte bruinsuiker◗ 5 ml (1 t) sout◗ 15 ml (1 e) bakpoeier◗ 250 ml (1 k) elk hawer-en graansemels◗ 500 ml (2 k) ontbytgraan vlokkies, fyngedruk◗ 250 ml (1 k) klapper skaafsels◗ 125 ml (½ k) vlassade◗ 125 ml (½ k) elk sultanas en bosbessies◗ 100 – 200 g gemengde neute, grofgekap Voorverhit die oond tot 170 °C. Bespuit drie middelslagbroodpanne goed met kossproei. 1 Klits die…

BLY IN HUWELIK VASGEVANG V My vriendin is getroud met ’n man wat haar manipuleer. Sy wou van hom skei, maar twee dae voor die finale dokumente onderteken sou word, het sy die skeisaak teruggetrek. Haar man dreig haar met ’n klomp goed as sy die huwelik sou beëindig. Hy beskuldig haar ook van ’n verhouding. Sy het nie ’n inkomste of blyplek vir haar en haar kinders nie. O op A A Tensy ’n mens self in die greep van ’n manipuleerder vasgevang is, kan jy moeilik verstaan in watter mate so iemand jou gevoelslewe en bestaan kan beheer. Ek dink jy verstaan dat sy so erg geboelie word dat sy self geen uitweg kan sien nie. Sy is gelukkig om jou as vriendin te hê. Dikwels word vroue…

STOWAWAY Wetenskapsfiksieriller. Drie ruimtereisigers (Anna Kendrick, Daniel Dae Kim en Toni Collette) vertrek op ’n sending van twee jaar na Mars. Hul opdrag is taamlik alledaags – hulle is nie die eerste mense wat Mars toe gaan nie. Hul onbedoelde verstekeling is ’n ingenieur (Shamier Anderson van die TV-reeks Wynonna Earp) wat tydens toetse voor die lansering beseer is en bewusteloos geraak het. Toe hy bykom, sien hy die Aarde as ’n verre blou albaster. Toe hy sy aanvanklike paniek te bowe kom – hy het baie verantwoordelikhede tuis – vestig hy hom in ’n roetine saam met die bemanning deur hulle in die skip te help. Die probleem is hul skip was oorspronklik ’n tuig vir twee mense. Dis aangepas om drie ruimtereisigers te akkommodeer… Daar is glad nie…

Terwyl Traudl se aandag op haar hande gevestig bly, benut Berghammer die kans om haar deeglik te bekyk. Sy het ’n onwêreldse skoonheid. Haar vel lyk byna deurskynend, haar hare is ’n goue gloed, haar oë troebel. ’n Groot hartseer hang om haar, en Berghammer raak op die plek oortuig dat dit sy plig as man is om haar te beskerm. Dat daar reeds ’n man in haar lewe is, steek hom dwars in die krop, maar hy kry dit reg om te vra: “Is jou verloofde een van ons soldate? Ek kan probeer reël dat hy verlof kry.” Traudl maak haar oë toe en pers haar lippe saam. “Daar is nie verlof waar hy is nie,” antwoord Dehlinger. “Hy het gesneuwel deur sy lewe te gee om sy kamerade…

OOGGETUIE Regter aan getuie: “Is jy seker jy het die verdagte die betrokke aand in die kroeg gesien?” Getuie: “Ja, edelagbare, ek het hom selfs dubbeld gesien.” L. SAAYMAN, SABIE ERFPORSIE Piet lê op sy laaste in die hospitaal. Hy laat roep sy vrou en kinders. “My liewe vrou, jy moet die BMW-onderneming oorvat en aangaan,” begin hy. “Ouboet, jy moet die selfoononderneming oorvat en aangaan.” “Sussa, jy moet die straleronderneming by die lughawe oorvat en aangaan.” “My klein bulletjie, jy moet die mall oorvat en aangaan.” Hulle sak almal op die vloer neer en begin bitterlik huil. Die verpleegster staan nader om te troos en sê: “Sjoe, nou waaroor die trane? Julle is dan goed nagelaat.” Toe antwoord hulle in ’n koor: “Goed nagelaat? Hy’s die karwag by al…

FOTOBLOKRAAI WEN ’N CARIBBEANTAN-GESKENKPAK NO 2 143 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. VRAAG: WATTER BYKOS IS TER SPRAKE? Een wenner ontvang ’n Caribbeantan-geskenkpak ter waarde van R500. Caribbeantan se innoverende, professionele selfverbruinings-en verbruiningsorgprodukte is ontwerp om jou die gewone beslommernis van selfverbruiningsmiddels te spaar. Nou kan jy met ’n perfekte sonbruin vel spog sonder dat dit jou soveel uit die sak jaag. Selfvertroue en skoonheid gaan hand aan hand en almal verdien om op hul beste te lyk en voel – of dit nou winter of somer is! Caribbeantan-produkte is beskibaar by Dis-Chem, Clicks, Takealot, Zando, Superbalist, Skinmiles en Caribbeantan.online. NEEM SO DEEL Vul die blokraai in en gebruik die letters in die kleurblokke om die antwoord…

1 Wat is die nasionale blom van Nederland? 2 Waar of vals: Die Oranjerevier is die langste rivier in Suid-Afrika. 3 Dakar is die hoofstad van watter Afrikaland? 4 In watter sport gebruik jy dié bal? 5 Watter seedier het nie ’n brein, hart, bene of oë nie? ANTWOORDE 1. Tulp2. Waar3. Senegal4. Pluimbal5. ’n Jellievis BRONNE GOODNEWSNETWORK.ORG, WORLDATLARGE. NEWS, BBC.COM, EDITION. CNN.COM, HISTORY.COM, BBC.CO.UK, VOX.COM, NASA.GOV, BUSINESSINSIDER.CO.ZA…

KWOU nog altyd ’n vark gehad het. Ek het in die 1990’s ’n foto van George Clooney met sy troetelvark gesien en ek het daar en dan besluit ek wil ook een hê. My eerste vark het ek in 2004 by my eksman gekry. Ons het hom Winston gedoop. Winston is steeds met ons en hy is my hart se punt. Ek het nog altyd ’n sagte plek vir diere gehad, en iets omtrent ’n vark het my net betower. Hulle is sulke intelligente en interessante diere. Hulle is die vierde slimste diere in die wêreld. Dit is eintlik ’n wonderlike ervaring om ’n vark as ’n troeteldier te hê. Toe ek Winston gekry het, was dit vir my ’n groot leerkurwe gewees. Ek het hom soos ’n hondjie grootgemaak.…

Wat is jou raad aan die volgende Mej. SA? Wees jouself, eg en eerlik, en gee dit alles wat jy het! Wat soek jy in ’n wenner? ’n Jong vrou wat passievol is om ’n verskil te maak, in haarself glo en verstaan dat dit ’n voltydse werk is en ’n wonderlike platform om naam te maak. Wat mis jy die meeste daarvan om Mej. SA te wees? Ek het my tyd geniet as Mej. SA en alles gedoen wat ek wou – ek het ’n biblioteek op my dorpie gebou en die Dare to Dream-meisiekampe geskep. Wat is jou raad aan die volgende Mej. SA? Wees altyd iemand wat haar nasie in glorie kroon en nie net die kroon vir haarself wil dra nie. Wat soek jy in ’n…

Die man wat Britney Spears se loopbaan die afgelope 25 jaar gelei het, tree nou uit as haar bestuurder. Vroeër vandeesmaand het Larry Rudolph (58) vir Britney (39) se onafhanklike kurator, Jodi Montgomery, en haar pa, Jamie Spears, die kurator van haar boedel, ’n e-pos gestuur waarin hy sê: “Ek het meer as twee en ’n half jaar laas met Britney gekommunikeer, en in daardie stadium het sy aan my gesê sy wou vir ’n onbepaalde ruk ’n breek vat. “Vroeër vandag het ek daarvan bewus geword dat Britney amptelik wil uittree. As haar bestuurder meen ek dit is in Britney se belang dat ek bedank aangesien my dienste nie meer nodig is nie.” Sy bedanking volg op Britney se hofgetuienis waar sy die kuratorskap waaronder sy sedert 2008 verkeer…

WAAR sy in die beskuldigdebank van die hof in Oos-Londen staan, voel die jong blondekopvrou verpletter en verneder. Al wat sy weet, is dat sy onskuldig is. Maar hier staan sy tereg dat sy die vrou aan wie sy van kleins af so geheg was, gehelp het om miljoene van die Padongelukkefonds te steel. Kirstie Leigh Voogt (27) was net twee jaar oud toe haar ouers geskei het en sewe toe haar pa weer trou. Van die begin af het haar stiefma, Retha (47), ’n spesiale rol in haar lewe vervul. Retha was haar bondgenoot in haar stryd om ’n verhouding met haar biologiese pa te smee. Toe Kirstie vir haar studies moes betaal, het Retha haar gehelp. Later het hulle kollegas by dieselfde Oos-Londense ouditmaatskappy geword: Moore Stephens PDB…

SY BESKRYF haarself as ’n “old soul” wat al baie beleef het. “Ek is nie meer nat agter die ore nie,” sê Amalia Uys. Die coronakrisis het haar tot stilstand geruk, maar ook vir haar nuwe lesse oor die lewe en liefde geleer. “In die eerste weke van die inperking het ek gecrash,” erken die 36-jarige aktrise uit haar en haar man, Shaun Golding (37), se tuiste in Tamboerskloof, Kaapstad. In dié tyd moes sy die teleurstelling verwerk dat die buitelugproduksie Mirre en aalwyn weens die pandemie onbepaald uitgestel moes word nadat sy spesiaal daarvoor leer perdry en paaldans het. Vandag, meer as ’n jaar later, kan sy sê sy het baie groei beleef. In die inperking het sy die rolle voor die TV-en rolprentkameras ingeryg, én nuwe insigte gekry.…

Om gevaarlike melanome te identifiseer, onthou die letters ABCDE, sê dr. Suretha Kannenberg, ’n dermatoloog verbonde aan die Universiteit Stellenbosch. Die gevaarligte is: ■ A: ASIMMETRIE As ’n moesie aan die linkerkant anders as die regterkant lyk, of bo anders as onder lyk.D ■ B: BUITELYN As die buitelyn van die moesie onreëlmatig begin lyk. ■ C: KLEUR (COLOUR) As ’n moesie verskillende skakerings of kleure begin kry. ■ D: DEURSNEE ’n Letsel groter as 6 mm (die deursnit van ’n standaardpotlood se uitveër). ■ E: EVOLUSIE / VERANDE-RING Jy moet beslis na ’n moesie laat kyk as dit enigsins van voorkoms verander. Dit sluit in as dit begin bloei, jeuk of swere vorm. Suretha sê ons ontwikkel nie eintlik nuwe moesies ná die ouderdom van 40 tot 45 nie.…

Tot dusver het Suid-Afrika slegs sowat 2,3% van die bevolking volledig ingeënt – sowat 1,36 miljoen mense. En volgens Barry is daar baie inhaalwerk om te doen. Maar hoe strook dit met berigte oor besendings entstowwe wat aan die einde van die dag weggesmyt word omdat dit “nie hou nie”? Hannelie verduidelik daar sal altyd ’n sekere persentasie entstofvermorsing wees – en dat dit gewoonlik in belang van pasiënte se veiligheid is. Sy verduidelik entstowwe word op verskillende tegnologieë gegrond, met verskillende eienskappe, en gevolglik het elke entstof sy eie bergingsvereistes. Die tydperk wat dit teen ’n sekere temperatuur gestoor kan word, verskil ook van entstof tot entstof. SUID-AFRIKA HET TOT DUSVER SLEGS SOWAT 2,3% VAN DIE BEVOLKING VOLLEDIG INGEËNT, EN DAAR IS BAIE INHAALWERK OM TE DOEN “Entstowwe wat…

MILITÊRE JAS Hierdie klassieke winterbedekking is sjiek en ’n uitstaanstuk vir enige voorkoms. Dit kan deftig of informeel gedra word en sal sorg dat jy in die nat weer warm en droog bly. WENK Maak seker jou militêre jas sit nie te styf oor jou bors en middel wanneer jy dit toeknoop nie. PARKABAADJIE Die klassieke parka pas by die meeste deftige én informele uitrustings. Meng dit met langmoutops en hemde vir ’n deftig-informele styl of met rekbroeke en kappietops vir ’n meer ontspanne voorkoms. WENK ’n Parka en denimjeans is die perfekte pasmaats vir ’n modieuse maar ontspanne voorkoms. Dis die ideale uitrusting vir vinnige uitstappies. POFBAADJIE Pof-of kwiltbaadjies is perfek vir die koue weer. Dit het pofferige dele wat gewoonlik met donsvere of poliëster gevul is om jou…

NES baie ander mense het jy dalk jou hoofinkomste weens die pandemie verloor en het jy geld nodig om jou blink plan vir ’n nuwe onderneming te finansier. Hier’s ’n paar basiese moets en moenies vir ’n suksesvolle leningsaansoek. 1 JOU DROOM MOET UITVOERBAAR WEES As jy geld wil leen, sal jy die finansier moet oortuig dat jy uit jou klein onderneming genoeg geld sal kan verdien om die skuld terug te betaal. As die finansier kan sien dat jou voorbereiding deeglik is, sal hy weet jy is ernstig oor jou plan. Gee alle belangrike inligting soos jou uitgawes en verwagte inkomste. Moenie jou verwagte inkomste oorskat en jou uitgawes onderskat nie. Jy moet presies uitvind hoeveel jy sal nodig hê en dan uiteensit hoe jy by daardie bedrag uitgekom…

EK KAN NET BID ZAAN SONNEKUS Hierdie 22-jarige langhaar-sanger van Pretoria het reeds die aandag op hom gevestig met sy 2020-enkelsnit, “Soos hel”. Met sy nuutste uitreiking bevestig hy sy talent as skrywer en musikant, en sy musiekvideo is boonop reeds ’n treffer. Dit het binne vier weke meer as 20 000 kyke op YouTube gekry. Die video is deur CoolerBox Brothers by Monte de Dios in Pretoria verfilm. Die dramatiese rockgedrewe melodie, en die liriek wat soos ’n gedig vastrapplek in jou binneste vind, het ook gou gesorg dat hierdie ’n radiotreffer word. Vieruur die oggend as die bed steeds kraak; ná al die oorlog, sukkel hy om te slaap; hy val deur die krake… hy val tot hy wegraak, sing hy in sy rou-hees stem. Die liedjie gaan…

WAT het haar tog besiel om in te stem, dink Esmé wrewelrig toe sy die deftige restaurant statig binnestap. Dis Sondagaand, maar dit wemel van mense. Sy kyk ondersoekend om haar rond. Nie ’n slegte keuse nie. Net effens te romanties na haar sin. Daar is spieëls teen al wat muur is om die sagte kerslig van elke moontlike hoek te reflekteer. Op die agtergrond speel klassieke musiek. Sy is totaal onbewus van die effek wat sy op die manlike geslag het en sien nie eens hoe talle nuuskierige oë haar volg nie. Die swart satynrok vloei sag oor haar slanke lyf en aksentueer haar sensuele kurwes. Haar blonde hare is elegant laag in haar nek gebind en haar grimering stylvol aangewend. Die hoofkelner bevestig die bespreking en lei haar…

LEEU 22 JULIE – 22 AUGUSTUS Eers die son, jou heersende hemelliggaam, en dan Mercurius, die planeet van die brein, beweeg jou teken in hierdie tyd binne. Om daardie rede kan jy daarna uitsien om ’n beter begrip te kry van die uitdagings waarmee jy nou te kampe het. Onthou egter om op die uitkyk te wees vir versoekings om te veel geld te bestee, veral as dit geleende geld is wat jy en jou lewensmaat later moet terugbetaal. Dit is heeltemal te verstane dat dit hulle moontlik sal ontstel, veral in die tyd van die volmaan. GELUKKIGE NOMMERS 33, 14, 22, 13, 20, 34 MAAGD 23 AUG – 22 SEP Die liefdesdiva, Venus, beweeg vandeesweek jou teken binne. Dit dui daarop dat dit tyd is om jou met ’n…

MONSTER IN MY KAS IS SONDAG 25 JULIE OM 20:00 OP KYKNET (DSTV-KANAAL 144). TV-STER Méla is ’n gr.7-leerder aan die Laerskool Lynnwood in Pretoria. Sy speel die hoofkarakter, Tanya, in Monster in my kas. Tanya word getreiter deur ’n groot monster, maar niemand glo haar nie, sê Méla. Tanya is nes baie ander tieners wat nie gehoor en geglo word nie. Toe Méla klein was, was sy bang vir “narre en donderweer”. Vandag, grap sy, "maak my sussie Grete-Lee, wat vir my ekstra wiskundeklasse gee, my heelwat banger”. Méla en Dior Botha, wat haar suster in die fliek speel, het goeie pelle geword. Hulle is nou soos susters. “Dit was ’n fees om saam met haar en die ander akteurs te werk.” BLINK GELEENTHEDE Méla is die tweede jongste van…

Vis-woordraaisel Die woorde op die lysie onder is horisontaal, vertikaal of skuins en vorentoe of agtertoe in die rooster versteek. Soek en omkring dit. Vis vir aandete! Doen al die somme en vind dan jou weg deur die doolhof vanaf 1 tot 10. Begin Onderwaterpret 1Vind dié items in die groot prent. 2Ontsyfer die letters sodat elke woord by een van die diere pas en vind hulle ook dan in die groot prent. Soek 30 verskille Omkring in elke ry die een wat nie pas nie Knip & plak Knip die stukkies uit en plak op die regte plekke. Gebruik die grys prentjie as handleiding. Wie kry die bederfie? Blaai om vir nog speletjies! Kry mamma tot by haar nes Vind hulle almal! 1 Vind die items in die groter…

Sonskyn, kristalhelder water, spierwit strande … Dis geen wonder plaaslike bekendes stroom deesdae na die Maledive-eilande nie. Die voormalige Mej. Suid-Afrika Melinda Bam, die TV-aanbieder Janez Vermeiren en die sanger Bobby van Jaarsveld het almal die afgelope ruk op dié tropiese eilandparadys gaan uitspan. Die geleentheidsbeplanner en TV-aanbieder Zavion Kotze-Brereton en sy man, John Brereton, is die jongste glanspaar wat Suid-Afrika se bibberweer verruil het vir ’n sonnige eilandvakansie. Zavion het foto’s van hul tropiese wegbreek op sosiale media gedeel, en dis duidelik dat die twee dit gate uit geniet het.…

Dobbelverslaafdes is mense wat aanhou dobbel ten spyte van die negatiewe uitwerking daarvan op hul lewe, sê Sibongile Simelane-Quntana, hoof van die South African Responsible Gambling Foundation. Volgens haar is daar ’n paar duidelike gevaartekens. “Die persoon is behep met dobbel; lieg vir familie; en probeer die dobbelprobleem wegsteek. Hulle sal eerder dobbel as om belangrike familiegeleenthedetes by te woon.” Mense met ’n ernstige dobbelprobleem is gewoonlik angstig en emosioneel as hulle nie kan dobbel nie. “Die persoon skeep ook sy persoonlike behoef soos slaap, higiëne en eet af om te dobbel. slawing en mense “Iemand wat verslaaf is aan dobbel sal ook mense rondom hulle probeer manipuleer om geld te leen sodat hulle kan dobbel.” Dobbel is ’n erkende ver moet by ’n sielkundige of psigiater hulp kry. •…

GHOLFLEGENDES soos Gary Player het hom al as een van die talentvolste spelers ter wêreld bestempel. En met die ondersteuning van ’n liefdevolle gesin het sy toekoms blink gelyk. Maar toe die Suid-Afrikaanse ster se droom deur ’n fratsbesering verwoes is, het sy lewe uitmekaar begin val. En op 4 Januarie 2017 het Wayne Westner (55) sy eie lewe geneem voor sy vervreemde vrou, Alison, by hul gholflandgoedhuis in Pennington, KwaZulu-Natal. Vandag worstel sy geliefdes steeds met vrae oor wat hom daartoe gedryf het – en of hulle dit dalk kon verhoed het. “Ek en my pa was baie geheg aan mekaar. Hy het een maal vir my gesê hy sal nooit opgee op die lewe nie,” vertel sy dogter Chané Todd (31), vandag ’n semifinalis in die Mev. Suid-Afrika-kompetisie…

Verskillende entstowwe werk op effens verskillende maniere. Rose sê almal rig basies jou immuunstelsel af om mikroörganismes wat siektes veroorsaak te identifiseer en te neutraliseer – sonder om jou aan die werklike mikroörganisme bloot te stel. “Byvoorbeeld, die covid-19-entstowwe wat in Suid-Afrika beskikbaar is, gebruik die stekelproteïenlik sy. van SARS-CoV-2 om jou immuunstelsel af te rig. Wanneer jy ingeënt word, ontwikkel jou liggaam ’n reaksie teen die stekelproteïen van die SARS-CoV-2-virus,” verduidelik sy. Wanneer jy dan aan SARS-CoV-2 blootgestel word, het jou liggaam reeds teenliggame. Dit stel jou in staat om die virus te bestry voor dit kan vermeerder, siekte vestig en jou plattrek. Hannelie sê entstowwe is die enigste manier om ons land veilig nader te bring aan kuddeimmuniteit. “Die covid-19-entstowwe wat ons in Suid-Afrika gebruik, het getoon dit…

POFBAADJIE Meng tekstuurryke stukke in ’n kleurfamilie wat gedemp maar steeds stylvol is. Kies bonkige breidrag en donsige bykomstighede by die poftekstuur van die baadjie vir ’n modieuse voorkoms. WENK Dra wit tekkies by ’n kleurfamilievoorkoms om jou uitrusting saam te bind. MILITÊRE JAS Die klassieke militêre jas is die uitstaanstuk in enige voorkoms en word die fokuspunt. Stileer dit met ’n rolnekrok en bypassende skoene en bykomstighede in soortgelyke skakerings vir kleurblok-eenheid. WENK Kombineer ’n dunner militêre jas met wol-items om warm te bly. TOERITSBAADJIE Lyk informeel stylvol in ’n ontspanne toeritsbaadjie by ’n lang top en wyepypdenimjeans. Die sjiek maar informele voorkoms is geskik vir werk of speel. WENK Dra lang tops of rokke onder jou toeritsbaadjie vir ’n laag-op-laagvoorkoms en ekstra dimensie. PARKA Kies cool-meisie-glans met ’n…

Waaroor gaan dit? Dié komiese drama vertel die ware verhaal van ’n wewenaar wat by die diepkant van ouerskap ingegooi word. Matt Logelin (Kevin Hart) en sy vrou, Liz (Deborah Ayorinde), se eersteling, ’n babadogter, word gebore. Maar kort ná haar geboorte sterf Liz skielik. Matt moet dan vinnig leer om die skoene van pa én ma vol te staan. Dis pajama dril, slapelose nagte, selfverwyt, druk van sy skoonma se kant… Hy probeer sy werk hou én staande bly met die hulp van sy vriende Jordan (Lil Rel Howery) en Oscar (Anthony Carrigan). Daar wink selfs ’n kans op liefde. Maar net wanneer dit lyk of die enkelpa alles onder beheer het, val dinge weer uitmekaar. Hoe gaan Matt die druk hanteer en waar pas sy dogter in sy…

1 Brümilda van Rensburg en Annelisa Weiland, wat onderskeidelik Belinda en Annetjie speel, het voor Lui maar op, Belinda, nog nooit saam in ’n produksie verskyn nie. 2 Die papegaai wat dié seisoen Dirkie se bestie word, gaan kykers se hart steel. 3 Trouklokke lui vir Annetjie en Frans (Eric Nobbs), maar daar gaan ’n paar duwweltjies in hul pad opduik voor hulle afhaak. 4 Daar is talle nuwe gesigte in dié seisoen. On-der hulle is Die oekklub-aktrise June van Merch, Albert Maritz van Alles Malan-faam, Craig Adriaanse van Arendsvlei en die Suidooster-akteur Marco Spaumer. 5 Ander bekendes wat weer hul terugkeer maak vir seisoen twee is Hannes van Wyk, wat weer die burgemeester speel. Die boekklub-aktrise Karli Heine speel weer Dirkie se meisie, Nicole. 6 Die reeks het ’n verbintenis met die sepie Suidooster. Die…

IRON MAN 3 SATERDAG E.TV 20:00 Tony Stark (Robert Downey jr.) kom teen ’n nuwe skurk, The Mandarin, te staan. SUIDOOSTER MAANDAG KYKNET 18:30 Ty (Maurice Paige) besef hul nuwe omstandighede skep probleme vir Lee-Ann. HAWAII FIVE-0 E.TV 20:30 Die span moet uitvind wie ’n hommeltuig gekaap en gebruik het om burgerlikes aan te val. Met Alex O’Loughlin.…

NO 2 397 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. VRAAG: Watter wilde diertjie is ter sprake? Een gelukkige wenner ontvang ’n geskenkpak ter waarde van R500 van Placecol. Die Optimum Hydro Mask van Placecol is ’n masker met Aloe vera wat die vel streel en bevog. Dit verrig ook wondere vir ’n geïrriteerde vel. Die masker bevat die bestanddeel AquaCacteen wat die vel beskerm en bevog, en boonop veroudering teenwerk. Gebruik Placecol se Optimum Hydro Mask gereeld vir ’n sagter, soepeler vel. OPGESTEL DEUR MARLENE HAMMANN NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS “HG” gevolg deur jou…

MY FIRST BOOK OF SOUTH AFRICAN FROGS JEANNE TARRANT Wat is slymerig, het gewebde pote en maak kwaakgeluide? Paddas natuurlik. Dié boek kyk na kleurvolle paddas wat ons hier in Suid-Afrika kry. Die boek is propvol foto’s en perfek vir diereliefhebbers. By elke padda is daar ’n QR-kode wat jy met jou selfoon kan scan om elke padda se unieke kwaakgeluid te hoor. Jy gaan onder meer leer oor die Tafelbergspookpadda, Noordelike mospadda en die langtoonboompadda. Die boek is ’n moet vir jou leesrak en is veral handig vir skoolprojekte. HARK-LIGHTS TIM TILLEY Wick het altyd by die suinige ou Ma Bogey in die donker en aaklige Harklights vuurhoutjiefabriek en kinderhuis gebly. Maar na ’n voël vir hom ’n “geskenk” gee, word hy besoek deur die magiese beskermers van die…

‘DIT WAS ALGEMEEN VIR DIE OUER VLIEËNIERS OM VERHOUDINGS MET LUGWAARDINNE TE HÊ’ JY KAN jou dit skaars voorstel: vlieëniers wat in die stuurkajuit rook, met lugwaardinne flirt en hul vliegtuie soos cowboys vlieg, min gepla oor die gemak of veiligheid van hul passasiers. Destyds in die 1980’s was die SAL die “uiterste manneklub,” sê Robert Schapiro – en hy behoort te weet, want as ’n medevlieënier het hy dit alles beleef. En dikwels het nie net die vlieëniers se gedrag veel te wense oorgelaat nie; ook dié van die passasiers. In hierdie uittreksel uit sy memoires, Secrets from the Cockpit, lig hy die sluier oor dié manewales ‘CHICKEN OR BEEF?’ Dit was nie ongewoon vir vlieëniers en kajuitpersoneel om 10 kg of meer in hul eerste jaar by die…

DIS ’n massiewe arena in die Amerikaanse stad Las Vegas en meer as 17 000 toeskouers is rasend gretig om die vuiste te sien vlieg. Selfs al lyk die ander vegter gespanne en nors wanneer hy in die gevegskryt klim, tree die Afrikaanse outjie van Pretoria die kryt binne met sy arms omhoog. Hy glimlag breed en waai vir die toeskouers terwyl hy op en af op sy tone hop. En tog, al is die skare hoe uitbundig, juig hulle nie vreeslik hard toe die aankondiger die Suid-Afrikaner se naam sê nie. Want Dricus du Plessis (27) is nog ’n nuweling in die Ultimate Fighting Championship (UFC), die grootste organisasie vir gemengde vegkuns ter wêreld. En hy veg vanaand teen ’n Amerikaner wat duidelik die tuisskare aan sy kant het.…

DIE oud-Stormer Cobus Wiese, wat deesdae vir die Sale Sharks in Engeland uitdraf, en sy meisie van die afgelope paar jare, Rike-Mari du Preez, het onlangs stil-stil afgehaak nadat die strenger vlak 4-inperkingsreëls hul trouplanne in die wiele gery het. Die pasgetroudes het vir hul wittebrood ’n paar dae by die Gondwana-wildreservaat naby Mosselbaai in die Wes-Kaap gaan uitspan. Hulle het wildritte, staptogte en spa-behandelings geniet en kon lekker ontspan in hul wittebroodsuite wat op die reservaat uitkyk. “Jy kan die Groot Vyf sien en ook ander besienswaardighede aan die Tuinroete besoek,” sê Cobus. Die paartjie het mekaar destyds deur vriende op Stellenbosch ontmoet. Volgens Cobus moes hy Rike-Mari behoorlik beïndruk op hul eerste afspraak. “Ek het altyd geweet sy is die een, maar toe ek vir die eerste keer…

Hulle is al gewoond aan die eise van ’n politieke loopbaan. Tog bied die presidentskap nuwe uitdagings vir Joe en Jill Biden – soos om tyd te kry vir saamwees. In ’n onderhoud in Vogue se Augustus-uitgawe met Jill (70) as die voorbladster, vertel die president hoe drasties hul lewe verander het sedert hulle in die Withuis ingetrek het. “Ek mis haar. Dis nie asof ons net kan weggaan soos voorheen nie,” sê hy. “Toe ons ná ons troue in Delaware gewoon het, het ons een keer per maand na ’n bed-en-ontbytplek gegaan om seker te maak dat ons kan wegkom en ’n romantiese tydjie saam kan deurbring.” Maar deesdae is dit makliker gesê as gedaan om gehaltetyd vir mekaar in hul vol programme in te ruim. “Ons kan nie.…

Haar aan-af-verhouding met The Weeknd het in 2019 geëindig, maar nou het Bella Hadid weer liefde gevind. Die model gaan uit met die kunsdirekteur Marc Kalman, en die verhouding lyk taamlik ernstig. Bella (24) het hul verhouding amptelik gemaak toe sy ’n foto op Instagram gedeel het waarop sy en Marc dolverlief lyk. Maar presies wie is Bella se nuwe kêrel? Marc is ’n kunsdirekteur van New York met ’n indrukwekkende CV. Hy ontwerp logo’s, albumkuns en handelsware. Hy het al met groot modename saamgewerk en vir die rapper Travis Scott kuns geskep. Marc gaan dalk met een van die bekendste skoonhede ter wêreld uit, maar hy verkies om sy privaat lewe uit die kollig te hou en het sy sosialemediarekenings privaat gestel. Maar dit lyk of hy Bella se…