Indholdsfortegnelse for 12 Aug 2021 i Huisgenoot

1 EK GAAN HOM OP DIE ORRELSTOEL MIS Die akteur Lieb Bester (72) het op 21 Julie weens covidkomplikasies aan nierversaking gesterf. Sy domineebroer, André, het sy troosdiens waargeneem Wat ’n voorreg om ook na die troosdiens op YouTube te kon kyk. Ons is hartseer, maar voel vertroos, want ons weet waar Lieb nou is, en hy sou dit nie wou verruil nie. Hy sal deur sy rolle voortleef in Suid-Afrikaners se harte. BARBARA Ds. André, dit was so ’n pragtige diens. Lieb sou regtig verskriklik trots op sy kleinboet gewees het. Mag Jesus vir julle sowel as die kinders en kleinkinders die krag gee om voort te gaan sonder Lieb. MAGDA Ai, my hart is so seer oor Lieb se afsterwe. Ek het hom nie persoonlik geken nie, maar…

LANGBROEKE EN ROMPE Kry ’n voorsprong met dié moet-hêonderdrag. Waag met kontrasterende patrone en basiskleure. Kleurblok basiskleure soos groen en rooi of rooi en blou vir samehang. TOPS EN HEMDE Maak ’n stellling van kop tot tone met hierdie lewendige patroontops en -hemde wat net reg is vir meng en pas. Dra kontrasterende patrone in die res van jou uitrusting. Voeg effekleurige bykomstighede en laagitems soos rolnekke by om die voorkoms af te rond. ROKKE Laat jou rok se patroon die oog vang met ’n helder kleur-en-patroonkombinasie in een item. Kombineer dit met effekleurige baadjies en bykomstighede of wees waaghalsig en voeg vele patrone in dieselfde kleurpatroon by. BAADJIES EN JASSE Wees dapper met ’n patroonpartytjie van teenstellende patrone in dieselfde kleurstorie vir ’n eklektiese mengsel van motiewe.…

Olies vir reiniging klink dalk na ’n radikale konsep. Is die punt van reiniging nie juis om van oortollige olie ontslae te raak nie? Dink weer. Nie net kan die regte olie as ’n saamtrekmiddel dien nie; dit kan ook jou natuurlike velolie, of sebum, help stabiliseer. Tradisionele reinigers bevat surfaktante (oppervlakaktiewe middels) wat dinge soos vuilheid, olie en grimering verwyder. Dit kan ook goedheid soos vog in die vel neerlê. Oliereinigers bevat ook surfaktante, maar die surfaktante doen nie die harde werk nie. Olies is lipofilies (vetliewend), wat beteken dit is ’n spesiale soort oplosmiddel wat ander olies aantrek. Dit sluit sebum in en party olies wat in grimering voorkom. Die reinigingsolie werk deur sebum en grimering aan te trek en op te los. Daarna kombineer die surfaktante en…

DIE MOOISTE SPROKIES VAN GRIMM ’n Keur deur MARITA VAN DER VYVER; illustrasies deur PIET GROBLER (Human & Rousseau, R309*) Die mooiste sprokies van Grimm het die eerste keer in 2010 verskyn en hier is die tweede uitgawe nou in ’n nuttige slapbandvorm. Marita van der Vyver het 40 sprokies wat haar gunstelinge is uit Duits vertaal en afgestof en gepoets om ’n nuwe generasie aan ou gunstelinge bekend te stel soos Rooikappie, Die wolf en die sewe bokkies, Die musikante van Bremen, Klein Duimpie, Die Paddaprins, Raponsie en Sneeuwitjie. Ook minder bekende sprokies soos Die ganswagtertjie, Beervel, Die goue voël en Ysterhans is ingesluit. Marita vertel hierdie uitgawe is te danke aan die aktrise Cintaine Schutte wat tydens die covid-inperking eendag moedeloos in die Kaapse biblioteek ingestap het op…

O AARDE! Wat het die aarde vir die ander planete gesê? “Toe, toe, kry lewe!” TIBI, PRETORIA= BEWERASIE Gert: “Dokter, jy moet my help! My hande wil nie ophou bewe nie.” Dokter: “Drink jy baie?” Gert: “Nie regtig nie – ek mors die meeste daarvan!” JOHANNA, BRAKPAN GROOT VERSKIL V: Wat is die verskil tussen Jan Taks en ’n taksidermis? A: Die taksidermis los darem die vel aan. HESTER, NAMIBIË LAG-LAG V: Hoe kry jy dit reg om ’n blondine op ’n Maandagoggend te laat lag? A: Vertel haar Vrydagaand ’n grappie. LOUISE NOETH SEUN OF DOGTER? ’n Suinige ou en sy vrou wil ’n kind aanneem, maar hulle kan nie besluit of dit ’n seuntjie of ’n dogtertjie moet wees nie. Skielik gaan daar ’n lig vir die ou…

WEN ’N GESKENKPAK VAN VP HERBAL SOAP PLUS KOM IN AANMERKING VIR DIE MAANDELIKSE TREKKING VAN R1 000. NO 2 400 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. VRAAG: WATTER NAGEREG IS TER SPRAKE? Twee gelukkige wenners ontvang elk ’n VP Herbal Soap-geskenkpak ter waarde van R300. VP Herbal Black Soap reinig sagkens en is geskik vir alle veltipes. Dit bevat galambotter, wat die vel teen sonskade en hiperpigmentasie beskerm. Dit word vervaardig van 100% natuurlike geaktiveerde houtskool en bevat verskeie olies wat bevog terwyl dit die vel se pH balanseer. Die seep kan aknee help beveg en skeermesskade voorkom. VP Herbal Black Soap is by Clicks en Dis-Chem te koop. NEEM SO DEEL Vul die blokraai korrek…

HOE SÊ JY DIT? vlug-te-ling Dis ’n persoon wat gedwing is om uit hul eie land te vlug om ’n gevaarlike situasie te vermy op soek na ’n beter lewe. Dit kom van die Franse woord “réfugié” wat beteken “weg om na toevlug te soek”. SYFERSTORIES 39 Die ouderdom van Michael Moore, die eerste Amerikaanse pasiënt wat ’n prostetiese hart ontvang het. Die oorplanting is by die Duke-universiteit in Amerika uitgevoer. ’n Tekort aan orgaanskenkers het die Franse maatskappy Carmat die kunshart laat ontwerp om die man se lewe te help red nadat hy hartversaking gekry het. 150 000 Soveel werke het na raming weens die onlangse gewelddadige protes in die land in die slag gebly. Heelwat sakeondernemings in Kwa- Zulu-Natal en Gauteng het as gevolg van die plundery groot…

CRAIG LUCAS (28) Die Kapenaar en voormalige wenner van die sangkompetisiereeks The Voice is bekend vir hits soos “Happy” en “Smother”. Dié vyf dinge hou my sane tydens lockdown: 1 A New Earth deur Eckhart Tolle. Dié boek het my lewe verander. Ek het dit nou al vier keer gelees. Dit bring my altyd vrede. 2 My kat, Wooda. Ek is so lief vir haar. Sy is die beste geselskap en bring my soveel plesier (al is sy nogal soms soortvan onbeskof). 3 Draf. Ek het aan die begin van lockdown begin draf. Dit is ’n lekker uitdaging en dit het gehelp om my fiks te kry. Dit het verbasend baie gehelp vir my geestesgesondheid. 4 Kook. Ek hou baie van kook. Dit is goeie oefening om myself te centre en om…

‘SONDAGMIDDAGETES was ’n groot ding in ons huis. Dit was in die laat 1970’s op ons plaas in die distrik Memel in die Oos-Vrystaat. My pa was die bevelvoerder van die polisiestasie op die dorp, en Sondae het al die ongetroude polisiemanne by ons kom eet. Kyk, my ma was ’n pianis of note, maar sy het kos gemaak soos min mense. Brood was eintlik haar groot ding. My grootste herinnering aan haar is al die stunning goed wat sy kon aanvang met brood. Dit het by my vasgesteek, want tot vandag toe nog eksperimenteer ek met brood. Dit is my paartietruuk om brood in allerhande interessante vorms en krulle te bak. Jy kan dit mos sien aan my middellyf. Dan het my ma tuisgemaakte botter gemaak wat so ryk…

DIT voel soos gister toe hulle nog kleintjies in hul bekende ouers se arms was, maar kyk net hoe mooi het hulle intussen grootgeword! Deesdae kerf baie Hollywoodsterre se kinders hul eie paadjie uit – en ontdek met selfvertroue hul eie identiteit. Dit was onlangs duidelik toe Hazel Moder, Julia Roberts se dogter, wat selde in die openbaar gewaar word, haar rooitapytdebuut gemaak het by die Cannes-rolprentfees in die suide van Frankryk. Die 16-jarige Hazel het pragtig gelyk in ’n kanthemprok en blinkleer-Mary Jane-skoene. Sy het gepronk aan die sy van haar pa, die kinematograaf Danny Moder. Hy het voorbrand gemaak vir sy nuwe fliek, Flag Day, met Sean Penn in die hoofrol sowel as die regisseurstoel. Hazel het al vroeër saam met haar tweelingbroer, Phinnaeus, en jonger broer, Henry…

‘DIT is seker die belangrikste toetswedstryd in Suid-Afrika se geskiedenis,” het die stem van die legendariese rugbykommentator Gerhard Viviers vol opwinding op ’n Saterdagmiddag in 1974 oor die radio opgeklink. Maar meer as vier dekades later het daardie toets – waarin die Springbokke ’n nederlaag van 26-9 teen die besoekende Britse Leeus gely het – al in die geheue vervaag, selfs vir van die destydse draers van die Groen-en-goud. Tot op ’n Woensdagmiddag in Maart 2019 toe een van hulle, Dugald MacDonald, oudergewoonte in ’n tweedehandsboekwinkel in Kalkbaai, Kaapstad, gaan rondsnuffel en op ’n stapel ou Huisgenote van die 1960’s en 1970’s afkom. Al was sy kennis van Afrikaans in sy skooldae maar skraps, het sy ma gereeld vir hom ’n Huisgenoot gekoop wanneer daar op die middelblad ’n plakkaat…

MOOI FLEURIG Meng eenderse blompatrone vir ’n maklike, ontspanne vertolking van die gemengde-motiewe-trend. Kombineer soortgelyke kleurpalette met wisselende blompatrone en bind dit met natuurlike skakerings soos taan en bruin. Rond dit af met goue bykomstighede. WENK ’n Maklike manier vir beginners om die trend te volg is om patrone met dieselfde basiskleur te meng. ASTEEKS EN BLOMME ’n Maklike klassieke mengsel van Asteekse en blompatrone is ’n natuurlike kombinasie en reg vir enige geleentheid. Rond jou voorkoms af met patroonbykomstighede in natuurlike skakerings om die motief saam te bind. WENK As jy patroonbykomstighede by ’n kontrasterende patroonmengsel voeg, hou die kleure neutraal. BLOMMEKETTING Hou dit ontspanne en koel in hierdie mengsel van blomme en ’n kettingpatroon wat gemaklik maar nie te informeel is nie. Dis ideaal vir kuier saam met…

SO VERSKIL GESIGBEHANDELINGSOLIES EN SERUMS ⁕ Serums is liggewig-waterbasisoplossings vol uiters aktiewe bestanddele, en dit behandel ’n paar velkwessies soos vog, tekstuur en vlekloosheid. Serums is in waterige of jelvorms beskikbaar en word vinnig geabsorbeer, wat dit geskik maak om onmiddellik ná reiniging te gebruik. ⁕ Gesigbehandelingsolies is oliebasis-oplossings wat met botaniese en vlugtige olies geformuleer word en vol plantekstrakte en antioksidante is. Die olies is gewoonlik niekomedogenies, ’n term wat verwys na skoonheidsprodukte wat nie die vel verstop nie en die vel se beskermende laag sal hidreer, versag en versterk. SLUIT OLIES EN SERUMS SO BY JOU ROETINE IN Jy kan serums en olies saam gebruik deur dit van die ligste na die swaartste in lae aan te wend. Dit beteken jou serum sal voor jou gesigolie kom. Maar…

As jy ’n persoonlike probleem het, skryf gerus aan Liewe Elize, Posbus 1802, Kaapstad 8000 of elize@huisgenoot.com. Of SMS LIEWE ELIZE gevolg deur jou vraag na 36489. Elke SMS kos R1. V In my huwelik bestaan daar geen liefde, intimiteit, respek of kommunikasie nie. Ek word die hele tyd gekritiseer. Ek is finansieel afhanklik. Hoe red ek myself? F op R A Om jouself binne jou huwelik te red as jy geen ander opsie het nie, sal harde werk en ’n nuwe ingesteldheid verg. Jy kan die bal aan die rol sit deur kommunikasie te verbeter en ’n veilige ruimte te skep waarbinne jy aan die wedersydse gee van liefde, intimiteit en respek kan werk. Wanneer mense nie meer met mekaar praat nie, verg dit dikwels deurdringende selfondersoek om te…

LEEU 22 JUL – 22 AUG Die glansryke Leeu hou daarvan om die kollig te steel of om daarin te baai, maar vandeesweek gaan dit oor terugkeer na die daaglikse sleur en om pligte en verantwoordelikhede beter en doeltreffender uit te voer. Jy behoort daarop te fokus om klein irritasies uit die weg te ruim. As jy en die mense om jou ’n beter roetine volg, sal dit oor die algemeen voel of die lewe beter vloei. Dit beteken jy hou by ’n gestruktureerde plan, of dit nou oefening of ’n dieet behels of om jou begroting te laat klop. GELUKKIGE NOMMERS 39, 12, 22, 18, 45, 36 MAAGD 23 AUG – 22 SEP Jy het ’n kans om te vergoed in ’n hegte verhouding wat dalk deur onsekerheid geteister…

NO 2 146 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N GESKENKPAK VAN BRAMLEY VRAAG: WATTER BYKOMSTIGHEID IS TER SPRAKE? Die wenner ontvang ’n geskenkpak van Bramley ter waarde van R500. Bramley se weefseloliereeks is in ’n verskeidenheid soorte beskikbaar: Magnolia, Cocoa Heaven, Pink Blossom, Lavender en Herbal Camphor. Bramley het onlangs ook die Afrika-versameling by hul produkreeks gevoeg en bied gehalte wat jy kan vertrou. Bramley-produkte is landwyd by PEP beskikbaar. Besoek www.bramleycosmetics.co.za of /@bramleycosmetics op Facebook of Instagram vir nog inligting. NEEM SO DEEL Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net…

NOORWEË METEOOR VERLIG DIE LUG Die Noorse Meteoornetwerk, ’n organisasie wat waarnemings van meteore in dié land naspoor, het op kamera vasgelê hoe ’n groot vuur- bal die aarde se atmosfeer binnekom. ’n Stuk het die grond met ’n harde slag getref toe dit in ’n woud naby die land se hoofstad, Oslo, neergestort het. Meteore is klein stukke rots wat met ’n hoë spoed deur die buiteruim trek. Wanneer dit ons planeet se atmosfeer binnedring, brand dit op en veroorsaak ’n strook lig in die lug. Mense het ’n ligblits gesien toe die ruimterots teen 16 km per sekonde beweeg en die naglug verlig het. Kenners sal nou navorsing doen op die plek waar die stuk geval het om vas te stel hoe groot dit was en waaruit dit…

DIE Franse is nie lief vir weddenskappe nie, maar toe Nicolas Sarkozy en Carla Bruni in 2008 ná ’n romanse van twee maande besluit om te trou, het talle begin raai wat hul skeidatum sou wees. Dié twee, die sexy supermodel en “pres. Bling-Bling”– die bynaam wat die media hom gegee het oor sy voorliefde vir Rolex-horlosies, sonbrille met goue rame en die rykes se geselskap – was mal oor publisiteit, is gesê. Sy was mal oor mag; hy oor jong vroue. Dit sou nooit hou nie, het hulle oor sy derde huwelik voorspel. “Sy sal hom los as hy in 2012 verloor,” het ’n politikus-vriend vir my gesê. Nicolas, ’n Republikein, het toe teen die Sosialis François Hollande verloor en was nie vir ’n tweede termyn president nie. “Sy…

LOS DIE DIGITALE ZOEM Inzoem op jou onderwerp lewer amper altyd ondergeskikte resultate, want dit verswak die beeldskerpte van die foto. Beweeg eerder nader om beeldgehalte te behou. BUITE IS DIE BESTE As gevolg van hul klein sensors verkies slimfone natuurlike lig bo binnenshuise lig. Afgesien van helderheid en donkerheid, skep beligting ook die stemming. Probeer altyd natuurlike lig gebruik. WORD ’N FOTOREDIGEERDER Leer jou foon se ingeboude fotoredigeerder ken of gebruik apps soos Adobe Lightroom of Photoshop om jou foto’s te sny en effekte by te voeg. BEPROEF ’N DRIEBEEN As jy ernstig is oor uitmuntende foto’s neem, belê in ’n driebeen om “bewende kamera” te vermy. Dit stel jou ook in staat om ander tegnieke soos tydsverloop en lang blootstelling te gebruik. BEPROEF DIE VOLUME+-KNOPPIE Om op die…

MUSA MTHOMBENI & LIESL LAURIE Die voormalig Mej. Suid-Afrika en Jacaran da FM-omroeper Liesl Laurie is op pad kansel toe Liesl en die mediese dokter en gewese YoTV-aanbieder Musa Mthombe- ni het in Junie hul verlowing op sosiale media angekondig. Die paartjie het nes Sean-Marco en Jay dit reggekry om hul romanse ’n jaar lank stil te hou. Liesl was uit die veld geslaan toe haar kêrel tydens ’n piekniek op een knie neersak en haar die jawoord vra. Musa het intussen lobola vir Liesl betaal, en noudat die onderhande lings afgehandel is maak die paartjie reg virhul Westerse troue wat deur ’n tradisionele vie- ring gevolg word. Kyk net daai verloofring! SEAN-MARCO VORSTER & JAY ANSTEY Die akteur Sean-Marco Vorster, wat die hoofrol vertolk het in Huisgenoot se tweede fliek,…

2002 Wayne pollevink saam met drie prostitute. Wayne, wat blykbaar op 16 prostitute begin besoek het, betaal £140 (ongeveer R2 250) om by Charlotte Glover (toe 21) te slaap en gee vir haar sy handtekening as ’n aandenking. ’n Maand later het hy seks met Gina McCarrick (toe 37) in ’n bordeel in Liverpool en ’n paar maande later met ’n 48-jarige ouma bekend as “Auld Slapper”. Die skandaal kom in Julie 2004 aan die lig. ’n Verpletterde Coleen sê sy het aan haar jeugliefde getrou gebly. 2010 Wayne verkul Coleen met Jennifer Thompson. Coleen kry dit reg om verby Wayne se verlede met sekswerkers te kyk en die twee trou in 2008. Maar in September 2010 onthul Britse skinderkoerante Wayne het geheime hotelsessies saam met die hoëklasprostituut Jenny gehad…

THAISE GROENKERRIE GENOEG VIR 4 MENSE BEREIDING: 20 MIN. GAARMAAK: 30-35 MIN. GROENKERRIEPASTA • 4 knoffelhuisies, gekneus• 5 cm-stuk vars gemmer, geskil• 2 groen brandrissies, grofgekap• 2 stingeluie, gekap• 2 groot hande vol vars koljanderblare• 5 ml (1 t) elk fyn koljander en komyn• 15 ml (1 e) water KERRIE • 30 ml (2 e) olie• 4-6 hoenderborsfilette, in blokkies gesny• 4 stingeluie, gekap• 125 ml (½ k) hoenderaftreksel• 1 x 400 g-blik klapperroom• 5 ml (1 t) vissous sap van 1 lemmetjie• 150-250 g groenbone, steelkante afgesny ekstra brandrissies (opsioneel) 1 Groenkerriepasta Plaas al die bestanddele in die bak van ’n voedselverwerker en verwerk tot fyngekap. 2 Kerrie Verhit die olie in ’n diep pan en braai die hoender tot goudbruin. Skep die hoender uit en hou eenkant. 3…

LIES het ’n gewilde skoonheidsneiging geword. Daar’s so te sê ’n olie vir elke velsoort – van reinigingsolies tot olieserums. Hier’s wat jy oor olies moet weet. VOORDELE ⁕ Reinigingsolies laat die vel sag en soepel voel. ⁕ Dit werk vir alle velsoorte en is veral goed vir droë vel. ⁕ Reinigingsolies verwyder grimering maklik, insluitend hardnekkige produkte. ⁕ Reinigingsolies kan voor ’n gewone reiniger vir dubbelreiniging gebruik word. MAAK SO ⁕ Wend sowat 2,5 ml (½ t) reinigingsolie aan nat vel aan en vryf dit sagkens oor die hele gesig. Spoel dit dan met warm water af en druk die vel met ’n handdoek droog. ⁕ Jy kan die reinigingsolie ook aan droë vel aanwend en water byvoeg om dit te emulgeer voor jy dit afspoel. ⁕ Moenie reinigingsolies…

JY HET waarskynlik soos die meeste Suid-Afrikaners met verbystering gekyk na die skade aan eiendom en besittings tydens die onlangse plundertogte in KwaZulu-Natal en Gauteng en die aanvalle op vragmotors op die N3-snelweg. Dit was hoofsaaklik winkelsentrums en ondernemings – groot en klein – wat deurgeloop het. Maar tog het dit jou met ’n gevoel van onsekerheid gelaat: Wat gebeur as jou huis of gesinsmotor doelbewus of per ongeluk weens protes of oproer beskadig word? Is daar versekeringsdekking daarteen en hoe werk dit? 1 JA – MAAR SLEGS DEUR SASRIA Slegs die South African Special Risk Insurance Association (Sasria) dek alle mense en ondernemings met bates teen spesiale risiko’s soos protesaksies, oproer of terreur wat nie deur “gewone” persoonlike polisse gedek word nie. Dis ’n staatsbeheerde maatskappy wat direk aan…

AFRIKA JAN RHAAP & JUAN BOUCHER Nes hul vorige duettreffer, “Huisie in die bos”, gaan dié twee musikante se nuwe enkelsnit oor hul liefde vir die natuur. Hierdie poprockballade handel oor die waardering vir die Afrika-vasteland en die unieke ervarings wat dit bied. ’n Ruk gelede het Jan iemand ná ’n optrede op Kuruman ontmoet wat hom na sy huis genooi het vir ’n drankie. Sy kuier-area het ’n Afrika-gevoel uitgebeeld. “Hy vertel toe vir my hoe graag hy en sy gesin deur Afrika toer en dat hy eintlik maar ’n kind van Afrika is,” vertel Jan. “En op die plek is die idee vir die liedjie gebore, want ek is self mos ook ’n natuur- en Afrika-kind.” Jan het die woorde geskryf en Juan het vir die melodie gesorg.…

HET JY GEWEET? Op die Noordpool staan jy tegelyk in elke tydsone op die planeet. HET JY GEWEET? Van die wêreld se hoogste sandduine – tot 300 m hoog – kom in die Namibwoestyn voor. DIGITAAL Laai dit af by magzter.com. BEL 021-406-4962 E-POS koop@huisgenoot.com GAAN NA huisgenootwinkel.com…

1 In watter Suid-Afrikaanse provinsie is die dorp Bela-Bela? 2 Waar of onwaar: Pers is een van die vyf kleure van die Olimpiese ringe. 3 Watter bone is die hoofbestanddeel van sjokolade? 4 Die London Eye is ’n reuse-… 5 Op watter vasteland is die antieke Inka-stad Machu Picchu geleë? ATWOORDE 1. Limpopo 2. Onwaar 3. Kakaobone 4. Ferriswiel/kermiswiel 5. Suid-Amerika BRONNE: BBC.COM, THEGUARDIAN.COM, KIDS.BRITANNICA.COM, LIVESCIENCE.COM, BUSINESSINSIDER.COM, BBC.CO.UK, GOODNEWSNETWORK.ORG, EURONEWS.COM, BUSINESSTECH.CO.ZA, MG.CO.ZA, PMG.ORG.ZA…

BEKENDES spot dikwels dat jy eers régtig beroemd is as jou foto in ’n Huisgenoot-fotoblokraai verskyn het. Die voorblad is een ding, maar as jy eers ’n blokraai haal, is jy volksbesit. Huisgenoot se blokraaie is immers al dekades lank ’n hoeksteen van ons suksesresep en immergewild onder generasies lesers. Hoekom? Dit bied vermaak, laat jou ontspan én dit maak en hou jou slim. Dit toets nie net jou Afrikaanse woordeskat en taalkennis nie; dit leer jou dikwels met elke raaisel iets nuuts. En wat is dan nou meer bevredigend as om ’n hele groot blokraai te voltooi – veral as jy dit in jou eie rekordtyd kon baasraak? Noudat Huisgenoot ook digitale blokraaie, sudoku’s, koderaaisels en woordsoeke beskikbaar gestel het op ons splinternuwe raaiselwebtuiste, www.huisgenootraaisels.co.za, ondersteun deur Netwerk24, kyk…

IN HAAR skooldae het sy al geweet toneelspeel is hoe sy eendag haar brood wil verdien. Maar nooit sou Franci Swanepoel toe kon raai dat sy meer as 30 jaar later na die Hoërskool Linden sou terugkeer in die rol van ’n bekommerde enkelma nie. Tonele vir die kykNET-spanningsdrama Spoorloos: Steynhof, waarin die veteraanaktrise die rol van Therese van Tonder vertolk, is by die einste skool geskiet waar Franci (49) in 1989 gematrikuleer het. “Watter ondervinding was dit nie om weer daar te kom nie,” vertel sy. “Maar sjoe, dit het intussen so verander dat ek skoon verdwaal het! Dit het my ’n rukkie gevat om te onthou waar die saal is en waar die hoof se kantoor is. Nie dat ek destyds dikwels in die kantoor gekom het nie.”…

Die Mej. Suid-Afrika-naaswenner, Thato Mosehle, het onlangs na Pole vertrek om die land in die Mej. Supranasionaal-kompetisie te verteenwoordig. “Ek is verheug om Pole te verken, nuwe kosse te beproef en eendersdenkende vroue van reg oor die wêreld te ontmoet,” sê sy. Dis die eerste keer dat die Mej. Suid-Afrika-organisasie ’n deelnemer na dié skoonheidskompetisie stuur. Thato hoop om op 21 Augustus as die wenner gekroon te word. Lees hier om haar beter te leer ken. FIKSHEID BO! Thato oefen drie keer per week. Dit sluit pilates en elektro-spierstimulasieoefeninge in. En sy pluk duidelik die vrugte van al haar harde werk in die gimnasium. HALLO, DR. MOSEHLE Die oud-Kovsie-student en mediese dokter het in Maart haar internskap by die Charlotte Maxeke-hospitaal in Johannesburg voltooi. “Ek was in ekstase! Die internskap…

KELLY CLARKSON is dalk nou “Miss Independent”, maar sy kan nie heeltemal van haar vervreemde man losbreek nie. Die sangeres en televisieaanbieder is gelas om BRANDON BLACKSTOCK te midde van hul voortslepende egskeiding sowat R2,9 miljoen per maand in onderhoud te betaal. Die bedrag is op grond van die musikant se geraamde maandelikse inkomste van R22,9 miljoen vasgestel. ’n Onbekende bron beweer die reëling “is streng tydelike steun tot ’n finale skikking bereik word”. Brandon (44) het eers meer as dubbel die bedrag onderhoud gevra en bronne sê Kelly (39) is dit aan die bekende egskeidingsadvokaat Laura Wasser, wat haar verteenwoordig, te danke dat dit minder is. Sedert hulle uitmekaar is, het Brandon, wat langer as ’n dekade as Kelly se bestuurder gewerk het, die musiekbedryf verlaat. Hy bly nou…

Die akteur WENTWORTH MILLER van Prison Break-faam het onthul outisme is ’n jaar gelede by hom gediagnoseer. “Hierdie afgelope herfs is dit ’n jaar sedert ek my informele outismediagnose gekry het. Voorafgegaan deur selfdiagnose. Gevolg deur ’n formele diagnose,” skryf die 49-jarige akteur in ’n lang Instagram- inskrywing. “Kom ons sê maar net dit was ’n skok, maar nie ’n verrassing nie.” Die toestand wat verband hou met breinontwikkeling beïnvloed oor die algemeen ’n persoon se sosiale vaardighede, verhoudings en kommunikasie en word gewoonlik in die vroeë kinderjare gediagnoseer. Hoewel Wentworth nie uitgebrei het oor wat hom aangemoedig het om hom daarvoor te laat toets nie, het hy daarop gesinspeel dat hy jare lank bewus was daarvan dat hy anders as die mense rondom hom was. Maar hy weet om…