Indholdsfortegnelse for 27 January 2022 i Huisgenoot

1 ‘DIS NOU GENOEG!’ Die aktrise Jennifer Aniston sê sy is nou net mooi keelvol vir die alewige opmerkings omdat sy op 52 nie kinders het nie Ek is gevra of ek te sleg is om ’n man en kinders te kry. Dit is maklik vir ’n gesonde vrou – maar dit beteken nie jy is ’n vrou duisend net omdat jy ’n kind kry nie. Mense met vooropgestelde idees oor vrouwees gee my ’n kramp. ALETTA Ek ken daai een. En die ergste is, die pro bleem lê mos altyd by jou as vrou. Dit maak mos nie seer nie, want watse gevoelens het jy tog as ’n vrou? Eendag sal elkeen moet antwoord oor hul menslikheid teenoor ander. LEONIE Of sy nou kinders het of nie, dit verander net…

◼ Die nuuskanaal eNCA berig die polisie is vroeg in die ondersoek uit die loep gehou en ’n maatskappy uit Brittanje is ingebring om met die losprysonderhandelings te help. ◼ ’n Losprys van R50 miljoen is volgens News24 betaal om die vrylating van die seuns te verseker. ◼ eNCA berig nes Rapport dat bronne sê die polisie het kort ná die kinders se vrylating ’n bevel gekry wat gelei het tot ’n vroegoggendklopjag. Die uitsaaier berig die familie het ná die klopjag ’n interdik gekry wat die polisie verbied om die kinders of enige ander familielede te ondervra. ◼ Dubai het op 27 November ’n reisverbod teen Suid-Afrika ingestel as gevolg van die omicron-variant van die coronavirus, maar die Moti-gesin het volgens eNCA se bronne op 1 Desember met Kenya…

NIE eens die hitte wat vandag aan elke mens en dier in die Koue Bokkeveld kleef, kan die opwinding wat deur die klipkerkie bruis, demp nie. Die trougaste weet almal hulle is die getuies van ’n ware sprokieseinde. Voor in die kerk op Kaleo, ’n skilderagtige vrugteplaas buite die dorpie Prince Alfred Hamlet, wag die aantreklike bruidegom – netjies uitgevat in ’n vlootblou pak met gedroogde wit blomme aan sy lapel – saam met sy vier strooijonkers soos lyfwagte aan sy sy. Op die oog af is hy ontspanne, met net ’n diep asemteug af en toe wat enige senuwees verklap. Toe die kerk se houtdeure oopswaai, maak boer Niel Bruwer (34) homself gereed – sy bruid is op pad. Eers kom vier strooimeisies ingestap in vloeiende vlootblou rokke en…

HOENDERBOUDJIES MET VINKEL EN VARS VYE GENOEG VIR 4 PORSIES MARINEER: 2 UUR BEREIDING: 15 MIN. GAARMAAK: 40 MIN. ◗ 1 kg hoenderboudjies◗ 3 jong vinkelbolle (sowat 390 g), in dik skywe gesny en blare bewaar◗ 8 knoffelhuisies, ongeskil, gekneus◗ 2 e vars roosmarynblare◗ 1 t suurlemoenskil, fyngerasper◗ 90 g heuning◗ 60 ml (4 e) olyfolie◗ 30 ml (2 e) heuning, ekstra sout en peper◗ 30 g babaroketblare◗ 6 vars middelslagvye (sowat 360 g), middeldeur geskeur◗ 30 ml (2 e) suurlemoensap 1 Meng die hoender, vinkel, knoffel, roosmaryn, skil, heuning en die helfte van die olie in ’n groot skottel. Bedek en verkoel 2 uur. 2 Voorverhit die oond tot 220 °C. Voer ’n groot oondbak met bakpapier uit. 3 Plaas die hoender, vinkel, knoffel en roosmaryn in ’n bak…

WANNEER JY BRAAI ◼ Kies ’n tafelloper of-doek van PVC pleks van materiaal wanneer jy braai sodat morskolle maklik afgevee kan word en jy jou nie oor vetvlekke hoef te bekommer nie. ◼ ’n Drankietrollie naby die braai is ideaal, want almal kan self skink en jy hoef nie pal kombuis toe te draf om drankies aan te vul nie. ◼ Hou ’n paar groot skinkborde byderhand vir opdien en om items soos bakke en glase van buite af in die kombuis in te dra. ◼ As jy min plek het vir braai, is ’n opvoubare braaier ideaal. Dit kan vervoer word en is ook perfek vir kampeer. ◼ Sorg vir genoeg sitplek en ruimte waar jy en jou gaste borde en glase kan neersit, soos ’n sy-, koffie-of voutafel.…

ÁL MEER mense begin gesondheidsversekering bo mediesefondsdekking verkies. Hoekom? Want dit is bekos- tigbaarder. Gesondheidsversekering is ’n polis wat jy uitneem en wat dan vir sekere mediese onkoste uitbetaal. Hier is die belangrikste dinge wat jy daaroor moet weet. 1 WAT DEK DIT EN WAT IS DIE VOORDELE? Daar is baie nuwe gesondheidsversekeringsprodukte op die mark. Hulle dek meestal dag-tot-dag-mediese uitgawes of betaal uit vir spesifieke mediese prosedures wat deur die polis gedek word. Maar terwyl jou polispremies goedkoper as mediesefondslidmaatskap is, is die dekking ook minder. ◼ Die polisse fokus meestal op primêresorguitgawes buite die hospitaal, soos dokterskonsultasies, voorgeskrewe medikasie, basiese tandheelkunde en sekere oogkundige dekking. Al die voordele betaal uit tot ’n sekere limiet. Doktersbesoeke word byvoorbeeld beperk tot R350 per besoek, met ’n perk van R1 750…

DOL DEFINISIES Kinderjare: Wanneer jy gesigte vir die spieël trek. Middeljare: Wanneer die spieël wraak neem. Chaperone: ’n Ouer vrou wat ’n jong meisie vergesel om seker te maak dat sy nie dieselfde foute maak as wat haar chaperone self in haar jong dae gemaak het nie. Getroude man: Iemand wat dink hy is die baas van die huis, maar eintlik huisves hy net die baas. Diplomaat: Iemand wat twee keer dink voor hy iets niksseggends kwytraak. Politikus: Iemand wat jou hand skud vóór die verkiesing en jou vertroue skok daarná. Televisie: ’n Pratende kassie wat programme uitsaai wat jou ’n hoofpyn gee en dan medisyne daarvoor adverteer. LOUISE NOETH NUUSKIERIGE AGIE Hoe maak jy ’n bobbejaan baie nuuskierig? Ek sal jou môre vertel. L. SAAYMAN, SABIE LAASTE WOORDE “Wat…

SÊ DIT SÓ: keel-vo-ri-mig Iets wat in die vorm van ’n keël is, het ’n ronde basis en word dan smaller sodat dit ’n skerp punt het. Alledaagse dinge met dié vorm is ’n tregter en ’n roomyshorinkie. SYFERSTORIES 400 Meer as 400 weerstasies wêreldwyd het verlede jaar nuwe temperatuurrekords aangeteken. Tien lande, onder meer Kanada, Italië, Turkye en die VSA, het boonop hul nasionale rekord oortref vir die hoogste temperatuur ooit aangeteken. 5 mm Dis hoe lank en breed ’n piepklein boekie is wat op ’n veiling in België verkoop is. Teen 5 mm by 5 mm is die boek byna kleiner as die punt van ’n potlood – en jy het ’n vergrootglas nodig om dit te lees. Dit bevat weergawes van die Onse Vader-gebed in verskillende tale en…

VAN TIKTOK TOT DIE VERHOOG Die 20-jarige Will Linley het einde 2020 be-gin TikTok en ’n hele paar video’s waarin hy sy musiek deel vanuit sy kamer op sy profiel gelaai. “En toe het dit ’n full circle-oomblik,” sê Will. Want, nadat hy einde 2020 ’n deel van sy debuutliedjie, “Miss Me (When You’re Gone)”, op TikTok gelaai het, het mense mal gegaan daarvoor. Hy het toe vir sy twee vervaardigers ’n boodskap gestuur dat hulle so gou moontlik dié liedjie moet klaarmaak en uitreik. “Dit was so vreemd, want Desember 2020 het ek hard gewerk en gehoop mense sal hou van my musiek wat ek op TikTok gelaai het,” sê Will. “En die afgelope Desember het ek voor van daai mense opgetree. Dit was so ’n spesiale oomblik. Dit…

HIERDIE LEWE GEWONE MENSE IN HUL EIE WOORDE TIARA SKYE (31), GASVROU BY MADAME TUSSAUDS “EK DROOM al van kleins af om tussen die sterre te wees. Ek het grootgeword in ’n arm dorpie waar ek as kind baie dinge moes deurmaak. Ek is in Sir Lowry’s Pass in die Kaap as Xavier gebore en grootgemaak. Vandag is my pronouns “sy”, “haar” en “queen”; ek’s ’n transgender vrou en ek’t vir die meerderheid van my lewe as ’n vrou geïdentifiseer. My pa was ’n harde werker. Hy was eers ’n bus-en toe ’n trok-driver, en my ma het in die haarsalon gewerk. Ons was nie ryk nie. Ons het altyd gehad, maar dit was als op skuld gekoop. Ek kom uit ’n baie godsdienstige huis. Ek het saam met die…

ELANA AFRIKA-BREDENKAMP Die TV-aanbieder en haar man, Ian, se dogter ESTHER BETH is vanjaar in graad 1. Esther was opgewonde en dit het goed verloop. “Ian was by, so my mamma-hart het my trane teruggehou, want my kind het vir my gekyk en sy het nie gehuil nie. Sy was baie dapper; toe ek in die kar klim, het ek ’n traan gepink.” NICOLE CAPPER Die oud-Mev. SA sê haar dogter, TATUM, het haar altesaam ses drukkies gegee voor sy haar gelos het om by die skool in te hardloop. Nicole, ook ma vir JOSH (10), sê sy het omgedraai en in trane uitgebars. “Ek was so trots op haar,” sê Nicole. APPEL Die sanger en sy vrou, Sally-Ann Kotzé, se dogter, LUNA, is ook nou in die skoolbanke. “Luna…

MACHINE GUN KELLY (31) EN MEGAN FOX (35) Nadat hulle langer as ’n jaar uitgegaan het, het Machine Gun Kelly vir Megan op ’n vakansie in Puerto Rico die jawoord gevra. Die spesiaal ontwerpte verloofring het ’n smarag en ’n diamant – die paartjie se geboortestene. “’n Jaar en ’n half later, nadat ons saam deur hel gestap het, en nadat ons meer gelag het as wat ek ooit gedink het moontlik is, het hy my op die een of ander manier gevra om met hom te trou,” deel Megan op Instagram. “En net soos in elke leeftyd voor hierdie een, en soos in elke leeftyd wat daarop sal volg, het ek ja gesê.” Hulle verwys na mekaar as “twin flames”. MILEY CYRUS (29) EN MAXX MORANDO (23) Miley het…

DIE betowering van Kersfees verleen ’n spesiale glans aan die liefde, en vir die paartjie op die foto is dit duidelik ook so. Hulle poseer teen ’n sprokiesagtergrond van liggies en ander Kersversierings. Hy hou haar styf vas in sy gespierde arms en kyk liefdevol af na haar; sy leun terug teen sy borskas en kyk bewonderend op na hom. Maar iets omtrent sy groot, sterk liggaamsbou laat jou weer kyk … Jou wrintiewaar, dis mos ons eie Springbokbreker Eben Etzebeth! En die aanvallige vrou op die foto waaroor die sosiale media gons, is niemand anders nie as die aktrise Anlia van Rensburg, ook bekend as Sasha van Getroud met rugby. Die sepie se draaiboekskrywers sou beswaarlik ’n beter kinkel kon bedink. Want Eben (30) en Anlia is immers nie…

OP DIE tennisbaan is hy ’n rekordmasjien wat byna altyd wen. Maar ná ’n uitgerekte visumdrama wat in die hof gedraai het, het Novak Djokovic kort voor Huisgenoot se druktyd nié by die Australiese Ope in Melbourne afgeslaan nie. Hoekom? Immigrasiebeamptes van Australië se binnelandse sake het hom uit die land geskop omdat hy nie ingevolge die land se covidmaatreëls ingeënt is nie. Dit was sy droom om ’n Grand Slam titel ’n 21ste keer in Melbourne te wen, maar met sy teenkanting teen die entstof het hy die tenniswêreld verdeel en baie van sy ondersteuners die harnas in gejaag. In Australië, waar 93% van die bevolking ingeënt is, was die algemene houding: Wie is hierdie ou dan om te dink die reëls geld nie vir hom nie? Die tennisster…

APPELKOOS Sagte sitruskleure soos appelkoos, lemoen en perske is hierdie somer ’n wonderlik neutrale maar kleurvolle keuse. Kies ’n kledingstuk wat ’n effekleur is of voeg skakerings van die kleur by met patrone en bykomstighede. WENK Meng appelkoos met bleek en taan vir ’n kombinasie van helder en aards. Soos die meeste sorbetkleure by wit. AARBEI Geniet somerse aarbeiskakerings en kies uit ’n verskeidenheid pienke – van stowwerige roos-en muskusskakerings tot prettige opaalagtige afrondings. Pienk is ’n goeie manier om jou klerekas ’n tikkie vroulike speelsheid te gee. WENK Sorg dat ligpienk nog meer uitstaan deur dit te meng met ander stowwerige kleure, donkerder skakerings of klassieke wit. MENTKLEUR Peperment en salie is hierdie seisoen se vars bries. Spog met die kleur in lospassende tops, vloeiende onderstukke of prettige versiering…

NET R495 per program ◼ Sien en voel die resultate met behulp van fiksheidskenners. ◼ Jy kan die maklike aanwysings tuis op jou rekenaar, tablet of slimfoon volg. ◼ Jy benodig min of geen toerusting en internettoegang. ◼ Betaal een keer en kry lewenslange toegang. Verloor tot 1 kg per week met ons gewilde eet-en oefenplan vir vroue. ✔ 12 weke lank.✔ Eenvoudige, aanpasbare spyskaart.✔ Gesonde, vullende maaltye.✔ Illustrasies wys jou hoe om die oefeninge te doen.✔ Doen die oefeninge tuis. Besoek klopdieskaal.co.za vir nog inligting of om aan te sluit. Kry ’n plat maag met ons eet-en oefenplan vir mans. ✔ 12 weke lank.✔ ’n Verskeidenheid oefeninge om jou maagvet weg te brand én spiere te bou.✔ Illustrasies wys hoe jou hoe om die oefeninge te doen.✔ Doen die…

SPEL Deur ANNERLE BARNARD Tafelberg, R169* “Ek het een nag ’n droom gehad oor robotte wat met die mensdom in ’n dodelike spel verwikkeld was, en toe ek wakker word, het ek geweet ek moet daaroor skryf.” Toe skryf Annerle Barnard Spel en wen daarmee die gesogte goue medalje in die Sanlamjeuglektuurkompetisie. Dis ’n toekomsverhaal van ’n tyd toe niks meer dieselfde was nie en niks meer is soos dit was nie. Die hoofkarakters, Lukas en Dimpho, stry die goeie stryd teen robotte wat die kluts kwytraak en mense afmaai. ’n Tema is die stryd tussen mens en masjien, en ek vra haar of sy meen dit wag op ons. “’n Aantal kenners meen kunsmatige superintelligensie kan in die toekoms ’n gevaar inhou. Elon Musk het genoem dat kunsmatige superintelligensie…

WATERDRAER 21 JANUARIE – 18 FEBRUARIE Baie dinge kan hierdie week agter die skerms gebeur, of jy bewus is daarvan of nie. Diplomasie word vereis; wys dus jou beste gedrag te alle tye en probeer om nie op enige tone te trap nie. Met ’n sterk fokus op jou onderbewussyn, wees op die uitkyk vir ou, en dalk selfs pynlike, herinneringe wat onverwags begin opduik. Maak werk daarvan om dit te laat gaan en daarmee vrede te maak, pleks daarvan om langer as wat nodig is daaraan vas te klou. Gaan aan met jou lewe. GELUKKIGE NOMMERS 11, 41, 44, 47, 43, 40 VISSE 19 FEB – 20 MRT Die gety draai stadig wat jou vriendekring betref, en jy sal bly wees om te weet dat dinge goed lyk vir…

» SOGGENS EET JY: Bacon, toast en avokado. Ek meen, dis die beste! » GUNSTELINGDING OM OP ’N PIZZA TE EET? Ek gaan nou baie omstrede wees, maar ek is baie lief vir pynappel op my pizza. Ham en pynappel saam proe net anders. » GUNSTELING-PLAASLIKE EN INTERNASIONALE SANGERS? Plaaslik is dit Matthew Mole. Ek luister sy musiek al vandat hy begin musiekmaak het. Ek was al by sy vertonings en hy is ongelooflik. Internasionaal hou ek van Chelsea Cutler, LANY en Justin Bieber. » WATTER LIEDJIE HET JY LAASTE VOOR DIE ONDERHOUD GELUISTER? Sam Fender se “Seventeen Going Under”. Ek het voor die onderhoud daarop ge-jam. » WATTER REEKS BINGE JY DEESDAE? Australian Survivor. Dis nou aan die einde en dit raak nou lekker spicy. » WAT OMTRENT JOU HOU…

‘EK HET VROEG REEDS AGTER GEKOM DAT HAAR INTENSIES EN IDEE OOR LIEFDE NIE REG IS NIE’ DIT klink soos menige jong man se grootste nagmerrie. Hy beëindig die liefdesverhouding met sy meisie. Sy soebat herhaaldelik, maar hy wil hy nie die verhouding ’n tweede kans gee nie. Dan pieng sy foon met die nuus wat sy lewe in ’n oogwink verander: Sy is swanger. En dit is presies wat gebeur het met Heinrich Olwage (26), een van die deelnemers aan VIA se maatsoekprogram Ram vir ’n Rus. Kykers het onlangs gesien hoe hy en sy gekose Rus, Tanya Belianicheva (23), se romanse misluk en hy haar die deur van sy huis in Villieria, Pretoria, wys. Ná vele onderonsies het Heinrich een oggend besluit tot hier toe en nie verder…

Die gewese Binnelandersaktrise Pascal Pienaar het saam met haar ma, JEANNE, en suster, YENTE UYS, twee weke lank in Mexiko vakansie gehou. Toe sy hulle in Cancún groet, was almal in trane; dis asof hulle geweet het hulle gaan haar vir langer as twee weke nie sien nie, want sy is al vir meer as twee maande in Amerika. “My aanvanklike plan was om ’n gevoel te kry oor Los Angeles en dan ’n besluit te neem. Ek was in New York op pad huis toe, en ek het ’n week lank gevoel dis nou of nooit.” Pleks daarvan om na Suid-Afrika toe terug te keer, is sy op ’n vlug terug na Los Angeles. Sy woon nou in Wes-Hollywood en geniet die verskeidenheid wat die stad bied. “Ek is…

ONS weet hoe belangrik dit is om ons vel teen die son te beskerm en dat sonskerm help om donker vlekke en pigmentasie te verhoed. Maar om die regte sonskerm vir jou vel te koop kan ’n uitdaging wees. Ons het raad. ONDERLAAG MET SONBESKERMING Deesdae is onderlaag beskikbaar wat nes sonskerm ’n breëspektrumproduk is en jou hoë beskerming bied. Wend dit mildelik en eweredig aan jou gesig aan, maar onthou jy het steeds waterbestande sonskerm nodig wanneer jy swem of sweet. Die Australiese Kankerraad beveel aan dat jy die twee in lae aanwend wanneer jy die dag lank in die son gaan wees. Moenie vergeet om dit gereeld weer aan te wend nie. SOORTE SONSKERMS Hier is verduidelikings van woorde wat jy kan teëkom wanneer jy sonskerm koop. Koraalveilig…

KÊREL WIL NIE TUSSEN HAAR EN EKS KIES V Nadat ek jare lank gesukkel het om weer vir iemand lief te word, het ek my hart verloor op ’n man wat besig was om te skei. Hy woon alleen, werk vir sy skoonpa en het twee kinders. Ons was baie gelukkig saam, en hy is ook bipolêr. Vriende wat hom en sy eksvrou lank ken, vertel dat hul huwelik al jare lank ongelukkig en baie spannend was en dat hy net ter wille van sy kinders gebly het. Nou het sy vrou besluit sy wil hom terughê, en sy skoonfamilie dreig om hom af te dank as hy my nie los en haar terugvat nie. Hy het vir my gesê hy wil my nie wil verloor nie, maar hy wil…

DIE AKTEUR Sabelo Radebe het in 2021 sy debuut in die sepie 7de Laan gemaak as Rhulani Chauke, die jonger broer van die Laan se geliefde dr. Fikani (Nicholas Nkuna). Rhulani is ’n taxibestuurder wat na Hillside toe gekom het toe Fikani en sy vrou, Alexa (Carina Nel), deur renosterstropers ontvoer is. “Rhulani is soos die John Wick van 7de Laan. Hoewel hy en Fikani baie verskil, sal hy altyd daar wees vir sy broer. Hy is straatslim en sjarmant en kan maklik as ’n moeilikheidmaker beskou word,” sê Sabelo (33) oor sy karakter. Sedert hy by die sepie aangesluit het, het hy ’n goeie verhouding met sy TVbroer gebou, vertel hy. “Daar was soveel energie tussen ons tydens die tonele – dit was wonderlik. Ons het ook saam ons…

◼ Steven Spielberg was 10 jaar oud toe hy die eerste keer die musiek van dié musiekspel gehoor het. “Dit het my altyd bygebly,” vertel hy en noem hy het jare later geweet hy sal die fliek eendag moet maak. ◼ Die fliek is opgedra aan Steven se pa, Arnold Spielberg, wat in 2020, toe die fliek oorspronklik uitgereik sou word, gesterf het. Hy was 103 jaar oud toe hy op 25 Augustus van daardie jaar dood is. ◼ Die fliek sou op 23 September 2020 uitgereik word, maar is weens die pandemie vir meer as ’n jaar uitgestel tot einde Desember 2021. ◼ Toe Ansel die eerste keer vir ’n oudisie voor Steven gegaan het, het hy siekerig gevoel en niemand vertel nie. Toe Steven hiervan uitvind, het hy…

GROOT BLOKRAAI NO 2 424 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N BOEK VIR JOU LEWENSVERHAAL PLUS KOM IN AANMERKING VIR DIE MAANDELIKSE TREKKING VAN R1 000. VRAAG: Watter sportsoort is ter sprake? Hierdie week wen een leser Die storie van my lewe, ’n pragtige hardebandboek wat jou help om jou eie lewensverhaal neer te skryf. Op dié manier kan jy jou kosbare herinneringe verewig, uitdruk wie jy as mens is en jou storie vir jou nageslag bewaar. Kort opskrifte sal jou help om jou gedagtes te orden en staaltjies oor belangrike mense en gebeure in jou lewe te onthou. Daar is ook hoofstukke waarin jy langer kan skryf oor verskillende lewensfases. Om dit te bestel, gaan…

1 Wat is die eerste Grand Slam-tennistoernooi van die jaar, wat tans aangebied word? 2 Wat is die hoofstad van ons buurland Namibië? 3 Wat is die naam van die wêreld se naasgrootste varswatermeer, wat in Tanzanië, die Demokratiese Republiek van die Kongo, Burundi en Zambië geleë is? 4 Hoeveel spelers is in ’n netbalspan? 5 Wat noem ’n mens die gekleurde deel van ’n menslike oog? ANTWOORDE 1. DieAustralieseOpe, watelkejaarinJanuarie inMelbourneaangebiedword2. Windhoek3. Tanganjikameer4. Sewe5. Dieiris BRONNE THEGUARDIAN.COM, NYTIMES.COM, AFRICANEWS.COM, ALJAZEERA.COM, UNICEF.ORG, DOGONEWS.COM, HISTORY.COM, BRITANNICA.COM…

MET sommige hartroerende stories in die geskiedenis kan ’n mens jou so vereenselwig dat dit nie saak maak dat dit lank voor ons geboorte gebeur het en dat die betrokke mense al dood is nie. Ons onthou hierdie mense en hul verhale omdat hulle ons hoop gee en ons leer om nie die foute van die verlede te herhaal nie. Een so ’n storie is die verhaal van Anne Frank en haar dagboek. VROEË JARE Anne is in 1929 in Frankfurt, Duitsland, gebore. Sy en haar suster, Margot, was die enigste twee kinders van Otto en Edith Frank. Toe Anne nog ’n kleuter was, is Adolf Hitler in 1933 tot kanselier van Duitsland verkies. Baie Joodse gesinne het probeer vlug uit vrees vir vervolging deur sy rassistiese verregse party. Hoewel…

EKLÊ wakker in die bed en wonder hoe dit sal wees om in my doodskis te lê. Die vooruitsig laat my nuuskierig, opgewonde en vreemd genoeg vreedsaam voel. Ek voel die eggo’s van wilgerlote aan my palms en vingers. In my kop sien ek weer die weeftegnieke wat ek vandag gesukkel het om aan te leer. Ek ervaar ’n onverwagte gevoel van “mal de débarquement”, daardie sensasie wanneer jou liggaam snags die gewieg van ’n lang seereis herleef lank nadat jy aan wal gestap het. Pleks van wankelrige bene keer my hande, moeg gewerk aan doodskiste, my om in te sluimer. Een vingernael klop met ’n splinter; ’n kneukel is gekneus. My boarmspiere protesteer ná die dag se werk. Ek en my ma het ’n ruk gelede besluit om self…

SY BREI al 89 jaar lank sonder ophou. In, om, deur, af; amper elke dag van die week, jaarin, jaaruit – byna nege dekades lank. Gielie Claassen was net ses jaar oud toe sy destyds begin brei het. Die jaar was 1932, en geld was maar skraps. Sonder ’n patroon en “sommer so op gevoel” het sy haar steke begin brei met die garing wat sy uit mieliesakke geryg het en met ’n paar ou fietsspeke vir naalde. Altyd op die maat van die rympie wat die gesin se huishulp haar geleer het: In, om, deur, af … Toe sy 10 jaar oud was, kon Gielie al blokke brei en dit mooi aanmekaarheg – weliswaar soms nog ’n bietjie skeef – en het sy vir haar gesinslede elkeen ’n trui…

HY IS bekend vir sy vertolking van die sjarmante aan-af-minnaar van een van die kassie se geliefste karakters, en toe Sex and the City van 1998 tot 2004 uitgesaai is, het vroue saam met Carrie Bradshaw oor Mr. Big geswymel. Daarom was kykers verstom toe dié karakter sommer net so in die program se opvolgreeks, And Just Like That …, sterf. Maar dié skok was nog niks, want toe ruk ’n veel groter storm kykers van die program waarin Carrie en kie pronk. Talle vroue beweer Chris Noth, die akteur wat Mr. Big gespeel het, het hulle seksueel aangerand. Hul skokbewerings skets ’n prentjie van ’n ster wat sy gewildheid misbruik het om jong vroue te dwing om met hom seks te hê. Soos een van die vroue wat hom…

Die aktrise Nadia Herbst, wat bekend is vir haar rol as Olivia in 7de Laan, woon deesdae in Guadalajara in Mexiko, waar sy modelwerk doen. “Ek neem ook Spaanse klasse en kan die taal al verstaan. Sodra ek dit onder die knie kry, gaan ek ’n agent skap kry. Ek wil graag my toneelspel hier voortsit,” sê sy. Nadia vertel sy het in Oktober verlede jaar vir haar familie gesê sy gaan nie na Suid-Afrika toe terugkeer nie. “Ek is baie lief vir Mexiko; toe ek die eerste keer hiernatoe gekom het, het my siel baie gelukkig gevoel. Sy het ook einde verlede jaar iemand spesiaal ontmoet. Die nuwe man in haar lewe se naam is HECTOR, maar meer wil sy nie verklap nie. “Ek het in Cancún gesing toe…

Te oordeel na die onlangse snedige woordewisseling tussen BRITNEY SPEARS en haar jonger suster, JAMIE LYNN, is hul vete nog lank nie verby nie. Die wedywering tussen die susters het weer opgevlam ná Jamie Lynn (30) se Good Morning America-onderhoud om haar nuwe boek, Things I Should Have Said, te bemark. Die boek werp lig op wat agter geslote deure gebeur het tydens Britney (40) se openbare ineenstorting in 2007. Jamie Lynn was toe 16 jaar oud en swanger. Sy sê sy het Britney gehelp om moontlike maniere te ondersoek waarmee sy uit haar kuratorskap kon kom. Sy beskryf ook ’n voorval waarin ’n “paranoïese” Britney hulle in ’n vertrek toegesluit het terwyl sy ’n mes by haar gehad het. Soos verwag was die sangeres nie in haar noppies oor…

CIRQUE DU SOLEIL SE ‘LUZIA’-PREMIÈRE MANS-MODE-WEEK, MILAAN…