Indholdsfortegnelse for 19 May 2022 i Huisgenoot

HUISGENOOT VANDAG HUISGENOOT SE TOPSTORIES VAN DIE DAG: WARE LEWENS-DRAMAS, MENSESTORIES, NUUS OOR BEKENDES EN DIE DINGE WAAROOR ALMAL GONS. JY KRY DIT DAAGLIKS HUISGENOOT JUNIOR SPESIAAL VIR OUERS, KINDERS EN TIENERS: TOPRAAD OOR ALLES WAT JOU KIND RAAK, STUDIEHULP MET SKOOLWERK, EN LEKKER INHOUD VIR JOU EN JOU KIND. JY KRY DIT MAANDELIKS HUISGENOOT MOOI RAAD, WENKE EN INSPIRASIE OM JOU VOORKOMS EN LEWE LIEFLIK TE MAAK: ALLES OOR MODE, SKOONHEID, JOU STYL EN DEKOR. JY KRY DIT MAANDELIKS HUISGENOOT HARTSAKE O, DIE LIEFDE! ONS VIER DIT, ONS GEE RAAD, ONS DEEL BESONDER-SE VERHALE EN ONS DRAAI NIE DOEKIES OM NIE. JY KRY DIT MAANDELIKS HUISGENOOT WENRESEPTE BEPLAN JOU SPYSKAART MET ’N KEUR VAN HUISGENOOT SE HEEL BESTE RESEPTE UIT ONS TOETSKOMBUIS. JY KRY DIT WEEKLIKS HUISGENOOT BOEKKLUB SLUIT…

VIR Zephany Nurse was “gesin” lank ’n moeilike begrip. Daar is die pa en ma wat die lewe aan haar geskenk het. Maar daar was ook ’n tweede gesin, dié van die vrou wat haar as baba ontvoer en as haar eie grootgemaak het. Oor die jare heen is lesers ontroer deur die verhaal van dié meisie wat tussen twee gesinne verskeur is. Maar volgende jaar gebeur iets groots in Zephany (25) se lewe: Sy bou aan haar eie gesin wanneer sy in die huwelik tree met ’n man wat haar onvoorwaardelik liefhet. Sedert sy in 2015, sewe jaar gelede, moes uitvind die ouers wat haar grootgemaak het, is nie haar geboorte-ouers nie, moes sy diep in haarself delf om rigting in haar lewe te kry. Twee jaar gelede het…

HY HET nog nooit in sy lewe ’n vrou die trekpas gegee nie. Geen wonder dan dat dít vir hom die moeilikste deel van sy deelname aan Op my eish! was nie: daardie oomblikke aan die einde van elke episode wanneer hy ’n vrou wat sy hart wil wen, moet vra om haar tasse te pak en huis toe te gaan . . . Dikwels het dié “afsê” voor die kameras groot ontsteltenis veroorsaak. Dit was taai, erken die akteur Francois Jacobs (33) teenoor Huisgenoot. In die tweede seisoen van dié werklikheidsreeks wat nou op kykNET te sien is, volg kykers Francois se soeke na liefde en beleef hulle ’n mengelmoes van emosies saam met hom en die deelnemers: drama, jaloesie en trane. “Elke keer wanneer daardie oomblik aanbreek dat…

TOPS Sorg vir ’n knus voorkoms met tops van donsige en sagte materiale, soos vliesstof, en wollerige items vir ’n snoesige afronding wat perfek is vir die koue. LANGBROEKE Glip ’n gemaklike rekbroek of langbroek aan en ontspan in styl, of vaar die strate in met dié tekstuurryke items wat ideaal is om mee te meng en pas. BAADJIES Troef die koue met hierdie modieuse, donsige baadjies wat als insluit van kammaskaapvel tot sagte pluismateriale. BYKOMSTIGHEDE EN SKOENE Van emmerhoede tot wollerige skoene – hierdie items gee enige winteruitrusting ekstra skop. GEE JOU WINTERKLEREKAS ’N HUPSTOOT MET WARM MAAR MODIEUSE VOORKOMSTE WAT DEUR HIERDIE STRAATSTYLDIVAS GEÏNSPIREER IS Vat jou uit in dié gemaklike, tekstuurryke kledingstukke. Dis perfek vir die bibberweer. SJIEK Dié voorkoms is informeel maar sjiek en dus perfek…

PUNTE A Almal D Dwelms G Geweld Gr Gruwel  N Naaktheid O Ouerdiskresie S Seks T Taal  V Vooroordeel DIE KOLLIG / REEKSE EN FLIEKS / MUSIEK / BOEKE / VERHAAL /TV- GIDS / HUISGENOTJIES / BLOKRAAIE BESIGE BY Sy’s bekend as Mary Crawley, die karakter wat sy vyf seisoene lank in Downton Abbey gespeel het. Nou hervat die aktrise (40) dié rol in Downton Abbey: A New Era, die tweede fliek wat op die periodedramareeks gegrond is. Sy is ook te sien as die advokaat Kate Woodcroft in die Netflixreeks Anatomy of a Scandal. Dié reeks, gegrond op Sarah Vaughan se topverkoperboek, gaan oor ’n Britse minister, James Whitehouse (Rupert Friend), wat van verkragting beskuldig word. Die skoknuus toets die lojaliteit van die politikus se vrou, Sophie (Sienna Miller),…

PENVRIENDE Watter geluid maak ystervarke wanneer hulle mekaar soen? “Eina!” SAN MARCHARD GRATIS RIT Pietie is ses jaar oud en klim soos dikwels saam met sy ma op die bus. Maar hulle het ’n streng reël: As die busbestuurder hom vra hoe oud hy is, moet Pietie altyd sê hy is vyf, want dan betaal sy ma nie vir hom nie. Dis dié dag ’n nuwe bestuurder, en hy wil weet hoe oud die knapie is. “Vyf,” antwoord Pietie plegtig. Maar die bestuurder is agterdogtig. “Wanneer word jy ses?” vra hy. Pietie antwoord: “Sodra ek van die bus afklim, Oom.” JOHAN H, GONUBIE FLAPVOET Gehoor van die Fransman wat altyd ’n paar strandplakkies dra net waar hy gaan? Sy naam is Philippe Philoppe . . . LYNETTE, BETHAL SKOONMA-GEREGTIGHEID Die…

ONTMOET DIE JONG STERRE VAN DIE NUWE REEKS DINGE VAN ’N KIND MELISSA MYBURGH IN MART SE SKOENE Melissa is 23 jaar oud, maar vir haar rol as Mart speel sy ’n 16-jarige. “Mart is ’n deurmekaar dromer wat soveel moontlik van die wêreld wil weet en ervaar,” sê Melissa. Die aktrise bly in Kaapstad – in dieselfde woonstelblok as haar medester Mienke. MOEILIKE TIENERJARE Die uitdagendste deel van haar rol was om weer ’n tiener te speel, vertel Melissa. “Vir ’n tiener is alles hiperbolies. Hulle voel alles tot in hulle murg. Dit was vir my uitdagend om weer deur daai emosionele wipwarit te moet gaan.” EERSTE TV-ROL Melissa en haar pelle lag altyd lekker oor haar eerste rol. “Ek het een sin gehad in die kykNET-komediereeks Lui maar…

Die Amerikaanse mediese vereniging het alkoholisme in 1956 as ’n siekte beskou. Hul teorie was dat verslawing ’n toestand is wat die struktuur en werking van die brein aantas. “Ons kan alkoholisme nooit genees nie, maar ons kan dit stuit,” sê Ray. “En ons doen dit deur algehele onthouding.” Die AA se 12 stappe tot onthouding word in drie groepe verdeel: ■ Interne stappe Dit behels om te aanvaar jy is ’n alkoholis en dat jy liggaamlik en geestelik anders as ander mense is. Die verslaafde moet dan hulp vra. “Dit moet van hulle af kom,” sê Ray. ■ ’n Proses van introspeksie en verandering Jy moet diep in jouself delwe om te verstaan hoekom jy ’n alkoholis geword het en erken hoe jy ander mense geskaad het. “Vir elke…

1 MEJ. STYLVOL Of sy nou jeans en tekkies of ’n aandrok aanhet – Natasha sit altyd haar beste modevoet voor. “Ek sal my modestyl as simplisties beskryf, maar ek probeer ook myself uitdaag om iets anders te doen as wat ek dag tot dag dra,” sê sy. Natasha dra nie net skeppings van haar eie klereonderneming, Natalia Jefferys, nie; sy hou ook daarvan om in ander plaaslike ontwerpers se uitrustings te pryk. Sy stel binnekort ’n nuwe klerereeks bekend. 2 SY STEL HAARSELF EERSTE Natasha verstaan jy kan nie uit ’n leë beker skink nie; daarom maak sy seker sy kyk na haarself deur te oefen, reg te eet en tyd te maak vir haarself. “Ek het ’n uitdagende 2021 gehad met my deelname aan Mej. Heelal. Ek het…

RAY J KAP NA KIM Die sanger en akteur RAY J het bevestig daar is ’n tweede seksvideo van hom en die werklikheidstelevisiester KIM KARDASHIAN (albei 41), maar hy beweer sy is die enigste persoon wat ’n kopie daarvan het. Ray J en Kim was tussen 2003 en 2006 ’n paartjie, en in 2007, ’n jaar nadat hulle uitgemaak het, is ’n seksvideo van die twee aanlyn uitgereik. Die Celebrity Big Brother-ster het ook gekap na bewerings dat hy die berugte video uitgelek het en hou vol die hele seksvideo-ooreenkoms is beplan deur hom, Kim en haar ma, Kris Jenner, vir geld en om Kim se roem ’n hupstoot te gee en van haar ’n wêreldwye ster te maak. KALEY IS VERLIEF KALEY CUOCO (36) en die Ozark-akteur TOM PELPHREY…

Huisgenoot Loopbane is ’n ontsettend praktiese en bruikbare boek wat jou help om ’n loopbaanrigting te kies wat by jou persoonlikheid en talente pas én wat jou kans verbeter om ’n pos in die uitdagende SuidAfrikaanse mark los te slaan. WENKE BY DOSYNE •Hoe om ’n loopbaan te kies •Waar om te studeer •Hoe om vir jou studies te betaal •Hoe om jou CV op te stel •Hoe om ’n onderhoud te slaag •Opsies as jy nie matriek het nie •Opsies as jy oorsee wil werk •Die gesogste loopbane in SA DIGITAAL Laai dit af by magzter.com. BEL 021-406-4962 E-POS koop@huisgenoot.com Gaan na www.media24shop.com…

1 ‘NUWE BEWYSE’ OOR MADDIE SE LOT ’n Duitse staatsaanklaer beweer Maddie McCann is 15 jaar gelede deur die pedofiel Christian Brueckner ontvoer – en dat Maddie dood is Hoop dat hulle ein-delik die boek sal kan toemaak. Daardie ouers het al soveel trauma deurgemaak oor hul kind wat weggeraak het. Hoop regtig hulle het nou die ware skuldige. AMANDA As dit wel so is, sal haar arme ouers hopelik binnekort se-kerheid kry. En eindelik kan begin om afsluiting en genesing te kry. Die onsekerheid al die jare moes baie erg vir hulle gewees het. ELSABÉ Ek het na die dokkie gekyk. Net die feit dat die ouers die kinders alleen gelos het, het my reeds koue rillings gegee. Ek voel steeds vir die ouers; die skuldgevoelens sal hulle seker altyd…

’NMENS sien die hartseer op die tienermeisie se gesig terwyl sy na haar verminkte hande staar. “Ek is iemand wat baie, baie van my hande gehou het. Ek het my naels altyd baie lank gedra. Ek het sulke mooi lang vingers gehad; almal het vir my gesê ek moet eintlik klavier speel,” vertel sy. Met daardie vingers het Vanessa Grimbeek (16), van die skilderagtige Namibiese woestynkusdorpie Hentiesbaai, altyd graag mooi kunswerke geskep en naaldwerk gedoen. Maar die wrede ironie is dat dit juis ’n kunseksperiment was wat haar hande verwoes het. Vanessa het vandag net drie vingers oor aan haar regterhand. Aan haar linkerhand is steeds ’n spalk nadat sy verlede Julie haar hande met elektrisiteit gebrand het. “My duim en wysvinger is afgesit, ook die punt van my pinkie.…

DIT was ’n toneel waarop haar ryk en aanhangers lank gewag het: die prentjie van Haar Deurlugtige Hoogheid prinses Charlene wat omring deur haar gesin in die openbaar gesig wys. En toe sy eindelik weer haar verskyning maak, het die prinses gesonder gelyk as in maande. Die 44-jarige koninklike is vergesel deur haar man, prins Albert (65), en hul sewejarige tweeling, prins Jacques en prinses Gabriella, wat in die wolke gelyk het om weer saam met hul ma op ’n uitstappie te gaan. Die geleentheid was die Monaco E-Prix, waar elektroniese motors meeding in ’n voorloper vir die Monaco Grand Prix later vandeesmaand. Dit was die eerste keer dat die koninklike gesin saam in die openbaar gesien is sedert Charlene in Maart vanjaar na die prinsdom teruggekeer het. “Dit gaan…

HULLE sê die oë is die vensters na die siel. En die hande? Hulle kan soos ’n vergrootglas op jou geboortesertifikaat wees. In ’n studie deur die Amerikaanse Vereniging van Plastiese Chirurge is bevind ’n persoon se ouderdom kan akkuraat voorspel word deur bloot na ’n foto van hul hande te kyk. Toe dieselfde foto’s egter gedokter is met naellak en versorgde vel, is daar geraai dat die persoon agter die hande heelwat jonger is. Om mense aan die raai te hou, beproef dié nuttige topwenke. VORM ’n Ovaalvorm is klassiek. “Ek sal aanbeveel om die naels korter te hou met ’n geronde vorm, want dit is vleiender op volwasse hande,” sê Jacqui Arnold, naelkenner by Esstudio Galleria. ’n Geronde rand is minder geneig om riwwe of skilfers te vorm,…

WIL GRAAG VAN MAN SKEI V Ná ’n huwelik van 42 jaar het ek uitgevind my man is die tweede keer ontrou aan my. Ons kinders is almal reeds getroud en uit die huis. Ek is in my 60’s en werk nog – ek wil nie ’n lening aangaan nie. Wat is die goedkoopste manier om te skei? Ons is buite huweliksvoorwaardes getroud. Die situasie is vir my bitter seer en baie vernederend. Help asseblief A Daar is verskillende liggame wat jou met ’n egskeiding kan help. Ek beveel ten sterkste aan dat jy van regshulp gebruik maak. Daar is bloot te veel regsaspekte wat ’n mens in gedagte moet hou wat ’n egskeiding betref. Moontlike maniere om dit meer bekostigbaar te maak is die volgende: ● Universiteite se regsklinieke.…

JIMMY SAVILE: A BRITISH HORROR STORY WAAROOR DIT GAAN Jimmy Savile was dekades lank ’n prominente figuur in die vermaakbedryf in Engeland. Hy het miljoene vir liefdadigheid ingesamel, is deur koningin Elizabeth tot ridder geslaan en was so bekend dat sy begrafnis ná sy dood op 29 Oktober 2011 regstreeks op BBC uitgesaai is. Maar sedert sy dood het polisie-ondersoeke ’n ander prentjie van hom geskets: dat Savile ’n seksoortreder was wat honderde – party van net vyf jaar oud – kinders mishandel het. Tot nou is al meer as 450 bewerings van seksuele aanranding en mishandeling teen hom ge maak. WAT ONS DAARVAN DINK Dié dokkiereeks het dae nadat ek dit gekyk het steeds by my gespook. Dis amper ondenkbaar dat die DJ en vermaakster, wat soveel liefdadigheidswerk…

BAREND DIE BARBAAR Deur LEON-BEN LAMPRECHT Illustrasies: THOMAS SNYMAN Kraal Uitgewers R160 by kraaluitgewers.co.za Barend, die barbaar, Was genadeloos en naar. Dis nogal erg vir ’n seuntjie van net sewe. Ja-nee, hy voer ’n skrikbewind: Hy trek meisies se hare of vryf modder in hul hare, hy besmeer die skoolhoof se spoggerige motor en laat selfs eenkeer sy juffrou huil. Die laaitie kap net aan. Al die reëls is na die maan. Ja, Barend voer nog steeds ’n skrikbewind. Barend raak net ál erger, maar toe op ’n dag verander alles en hy word so mak soos ’n lam. Wat het gebeur dat die wildewragtag sy aapstreke skielik los? Leon-Ben Lamprecht was ’n joernalis voor hy ’n makelaar geword het. Sy sjarmante rymende storie word wonderlik verryk deur Thomas Snyman se…

TWEELING 21 MEI – 20 JUN Jy is waarskynlik moeg daarvan dat jou planeet, Mercurius, in jou teken agteruitbeweeg, veral as jy op meer vordering in ’n projek gehoop het. Hoekom vat jy nie ’n blaaskans van alles en gun jouself nodige aftyd om jou batterye te herlaai nie? Met dié dat die son op die 21ste in jou teken tot ruste kom, het jy ’n verjaardag in die vooruitsig waarvoor jy op jou beste wil lyk. Wat ’n beter verskoning is daar om meer skoonheidslaap te kry! GELUKKIGE NOMMERS 17, 21, 44, 49, 33, 19 KREEF 21 JUN – 21 JUL ’n Simbool van die kreef is die idee van twee tree agteruit en drie tree vorentoe, ’n versigtig afgemete manier om in die wêreld vordering te maak. Maar…

In 1929 het die Academy of Motion Picture Arts and Sciences in Amerika sy eerste prysgeleentheid gehou. Dié pryse word vandag nog toegeken en staan deesdae as die Oscars bekend. Die eerste seremonie is in ’n onthaalsaal in ’n hotel in Hollywood gehou. Die name van die eerste wenners is al voor die seremonie bekendgemaak – anders as deesdae, waar die uitslag van die Academy se stemproses in ’n verseëlde koevert bly tot iemand dit op die prysaand oopmaak en uitlees. Klank is eers kort voor die eerste Academy-pryse in flieks begin gebruik. Daarom kon The Jazz Singer, een van die eerste flieks met klank by, nie in aanmerking kom vir ’n prys nie omdat die Academy gevoel het dit sal onregverdig wees om so ’n rolprent teen dié sonder…

’N GROOT par tytjie vrage - woonlik ’n groot koek – en toe ’n bakker onlangs sien hoe die Suid-Afrikaanse musikant DJ Black Coffee ’n Grammy ontvang, het sy geweet net hoe dit gevier moet word. Vergeet maar van die koek in die vorm van ’n pophuis of ’n resieskar wat jy so trots vir jou kinders se verjaardae gebak het – Kurhula Makhuvele se lewensgroottekoek van die bekroonde DJ lyk soos iets uit die Madame Tussauds-museum; dis 2 m lank en weeg ’n volle 150 kg. Altesaam 15 kg fondant, 20 kg sjokolade, 360 eiers, 12 L olie, 25 kg meel, 20 kg suiker, 5 kg botter, 8 kg versiersuiker en 4,8 kg Rice Krispies Treats het in die koek ingegaan. Nadat Kurhula en haar helpers dit in haar…

AL WAT verander het, sê hulle, is dat hulle nie meer ’n romantiese paartjie is nie. Vir hom is die fyn donkerkop steeds sy “Flo”. En vir haar bly die sjarmante akteur steeds “skattie” – nes hy nog altyd was. Hulle het mekaar steeds lief. Hulle lag steeds vir én saam met mekaar. Hulle het bloot besef hul liefde is nie die liefde van ’n romantiese paartjie nie. En ja, hul romanse het sy einde bereik. Tog kan jy eintlik sê alles én niks het verander nie, spot die akteur Neels van Jaarsveld (42) en sy televisieliefde, Florinda Hearn (27). “Ons paaie het ongelukkig geskei weens faktore buite ons beheer,” vertel Neels en Florinda eksklusief aan Huis genoot. Maar hulle bly vriende en daar is geen bitterheid teenoor mekaar nie.…

SPANAKOPITA-FRITTATAS LEWER SOWAT 6 FRITTATAS BEREIDING: 20 MIN. GAARMAAK: 40 MIN. 1 ui, gekapolie500 ml (2 k) gekapte spinasie (styf ingedruk in die maatkoppie)4-6 swart olywe, gekap (opsioneel)6 eiers, geklits45-60 ml (3-4 e) natuurlike volroomjogurt’n groot knippie neutmuskaat of paprika en mosterdpoeiersout en peper na smaak180 ml (¾ k) fetakaas sonder pekel of wit cheddarkaas, gerasper VIR VOORSIT ’n paar gekapte tamatiesbalsemieke asyn’n bietjie suiker Voorverhit die oond tot 180 °C. Bespuit ’n muffinpan met groot holtes goed met kossproei. 1 Braai die ui tot sag in ’n klein bietjie olie. Voeg die spinasie en olywe by en verdeel tussen die holtes. 2 Klits die eiers en jogurt saam. Geur met die neutmuskaat of paprika, mosterdpoeier en sout en peper na smaak 3 Giet oor die spinasie in elke holte.…

ONS gaan deur bitter swaar tye. Baie Suid-Afrikaners is werkloos, die ekonomie is geknou deur die pandemie, en die prys van basiese lewensmiddele styg kwaai. Vir talle desperate mense wat nie hul rekeninge kan betaal nie, lyk geldskieters, ook bekend as loan sharks, na ’n maklike uitweg. Maar pasop – jy kan groot moeilikheid kry. Hier is vyf redes hoekom jy informele geldskieters moet vermy. 1 GEEN WETLIKE BESKERMING Die wet vereis dat formele krediteurs by die Nasionale Kredietreguleerder (NKR) geregistreer moet wees en dat hul registrasiesertifikaat duidelik vertoon moet word. Die sertifikaat moet die uitlener se registrasienommer hê. Jy kan ook ’n uitlener se registrasie op die NKR se webtuiste nagaan. As jy voel jy word onregverdig deur ’n geregistreerde lener behandel, kan jy by die NKR kla. Maar gebruik…

I’LL BE GONE IN THE DARK In die 1970’s en ’80’s het Joseph James DeAngelo, oftewel die Golden State Killer, Kalifornië geterroriseer. Hy het 13 mense vermoor, 50 verkrag en 120 keer ingebreek. Die nou ontslape misdaadskrywer Michelle McNamara het byna haar lewe lank probeer om geregtigheid vir sy slagoffers te kry. Sy is in 2016 oorlede voor haar boek oor dié moordenaar voltooi is. Haar man, die akteur Patton Oswalt van The Goldbergs -faam, haar navorser, Paul Haynes, en die misdaadskrywer Billy Jensen het haar boek, I’ll Be Gone in the Dark: One Woman’s Obsessive Search for the Golden State Killer, voltooi. Dit vorm nou deel van dié dokkiereeks, wat groot lof by kritici en kykers kry. 2020. 6 EPISODES. 16SGT BESKIKBAAR OP SHOWMAX OUR FATHER Jacoba Ballard was…

GROOT BLOKRAAI NO 2 440 As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VIR JOU LEWENSVERHAAL PLUS KOM IN AANMERKING VIR DIE MAANDELIKSE TREKKING VAN R1 000. VRAAG: Watter soort geraasmaker is ter sprake? Hierdie week wen een leser Die storie van my lewe, ’n pragtige hardebandboek wat jou help om jou eie lewensverhaal neer te skryf. Op dié manier kan jy jou kosbare herinneringe verewig, uitdruk wie jy as mens is en jou storie vir jou nageslag bewaar. Kort opskrifte sal jou help om jou gedagtes te orden en staaltjies oor belangrike mense en gebeure in jou lewe te onthou. Daar is ook hoofstukke waarin jy langer kan skryf oor verskillende lewensfases. Om dit te bestel, gaan…

1 Watter handelsmerk het die slagspreuk “Just do it”? 2 Watter van ons buurlande gebruik die pula as geldeenheid? 3 In watter land is die Visriviercanyon geleë? 4 Wie is tans Suid-Afrika se adjunkpresident? 5 Wat is die naam van die K-popgroep wat uit sewe lede bestaan en bekend is vir treffers soos “Butter”? ANTWOORDE 1 Nike 2 Botswana 3 Namibië 4 David Mabuza 5 BTS BRONNE: THEGUARDIAN.COM, BBC.COM, SCIENCEALERT.COM, EDITION.CNN.COM, NEWSFORKIDS.COM, LIVESCIENCE.COM, MONEYWEB.CO.ZA, COLLINSDICTIONARY.COM…

SY SPEELGROND was eens die beroemde grasbane van Wimbledon; sy slaapplek in een van sy rits luukse eiendomme. In Huisgenoot kon mense lees hoe hy en sy meisies op vakansie by die Franse Riviera rinkink. Maar dit gaan tans nie so goed met Boris Becker nie. Deesdae bly hy in een van Londen se berugste tronke, waar geweld koning kraai, etes op smerige trollies voorgesit word en daar geen privaatheid is nie – nie eens as jy toilet toe gaan nie. Die Wandsworth-gevangenis is minder as vier kilometer van Wimbledon, waar Becker (54) in 1985 sy eerste Grand Slam as 17-jarige gewen het. Om so naby te wees aan die plek waar hy eens op ’n tyd tennis se beroemdste trofee omhoog gehou het, sal waarskynlik sout in die Duitser…