Indholdsfortegnelse for 26 May 2022 i Huisgenoot

1 WITTEBROOD WORD NOU ‘BABYMOON’ Dit sou boer Niel en Chereze se langverwagte wittebrood wees nadat hulle in Januarie getrou het; nou vier hulle sommer ook hul eersteling wat op pad is Enjoy! Ek het lank laas in my lewe so ’n perfekte paartjie gesien, uitgeknip vir mekaar! Julle twee is gemaak vir mekaar en gaan die pragtigste swartkopkinders kry. Julle is stunning en bedoel om saam te wees. MARENA “Babymoon”… nou het ek als gehoor. Party mense trou as hulle ouer is en worry nie oor wittebroodvakansies nie. Ek het my kind op 35 gehad en my glad nie bekommer oor trou of wittebrood hou nie. Maar geniet dit. LINDA Geniet dit gate uit; binnekort begin die pajamadril! Dan is dit 25 jaar van uithaal en wys wat voorlê. ANETTE…

JA, NES enigiemand wat skei, het sy stukkend gevoel toe sy uit haar huwelik wegstap. Twyfelstemme het aan haar geknaag: Wat gaan mense daarvan dink dat sy, wat as verhoudingsberader vir ander raad gee, nie haar eie huwelik kon red nie? Maar nou, drie jaar ná die verbrokkeling van haar huwelik van 26 jaar, is die huweliksghoeroe Gretha Wiid allesbehalwe stukkend. “Iemand kom sê nou die dag vir my: ‘Gretha, jy lyk ongelooflik vry. Jy lyk lig, jy straal. Jy lyk soos Gretha sonder ’n las,” skryf sy onlangs op sosiale media. Dis dalk onverwags – baie mense sou moontlik verwag Gretha sou juis nou mismoedig wees aangesien haar eksman onlangs met sy destydse minnares voor die kansel gaan draai het. Francois, die gespierde breker, was jare lank aan Gretha…

Rolnekke Bly snoesig in stylvolle rolnektruie in opvallende kleure en ontwerpe. Dit laat enige uitrusting dadelik sjiek lyk en werk goed saam met informele én deftiger drag. Daar is ook ’n verskeidenheid om van te kies. Kleurblokke, kabelpatrone … Die lys is eindeloos. WENK Vermy hoë rolnekke wat jou nek heeltemal afsny. Kies laer rolnekke vir ’n subtiele kinkel. Langmoutruie Glip ’n oortrektrui of langmoutop aan saam met jou gunstelingonderstuk en ontspan saam met vriende en familie of draf in gemak draaie in hierdie gerieflike toevoegings tot jou winterkas. WENK Oortrektruie in ’n effens oorgroot snit en ontwerp is geskik vir alle liggaamsoorte. Vermy te groot truie, want dit sal jou vormloos laat lyk. Moulose truie Sjiek en preppie moulose truie in prettige kleure en patrone is ’n moet vir…

PUNTE A Almal D Dwelms G Geweld Gr Gruwel N Naaktheid O Ouerdiskresie S Seks T Taal V Vooroordeel IN DIE KOLLIG / REEKSE / MUSIEK / BOEKE / KORTVERHAAL / TV-GIDS / HUISGENOTJIES / BLOKRAAIE TV-STER Evan het kykers verlede jaar warm onder die kraag gehad as Brian Sutton, die gefolterde karakter wat sy vrou, Miranda (Jazzara Jaslyn), geslaan het in die M-Net dramareeks Lioness. Meer onlangs het hy vir groot drama gesorg in die kykNET-sepie Suidooster toe hy die restaurantbestuurder Bianca (Simone Biscombe) ontvoer het as deel van sy ma, die slinkse suster Ester Graaf (Marion Holm), se wraakplanne teen die Samsodiens. Dit was nogal skrikwekkend om Dirk te speel, verklap Evan (26). “Dit was my eerste sepie-ervaring, maar almal was so vriendelik en het my met ope…

BOEKE ‘A ANVANKLIK het ek Meer as jou seerkry vir myself geskryf,” sê Johannes de Villiers oor sy jongste boek. “Ek het baie sleg gevoel nadat ek my onderneming einde 2020 moes sluit en werkloos was, en ek wou uitvind hoe leef ’n mens met daardie stukkende gevoel saam. “Gaandeweg het ek agtergekom hoe universeel dit is, dat omtrent almal die afgelope twee jaar iets verloor het – ’n werk, huwelik, naasbestaande, ’n ou manier van leef. Wanneer ek nou oor die boek praatjies doen, kom mense ná die tyd na my toe – mense wat ek ken as immer glimlaggend – en vertel my hoeveel seerkry hulle in hulle ronddra. So die boek vra namens ons almal die vraag: Wat doen jy as jou lewe uitmekaargeval het, hoe leef…

TWEELING 21 MEI – 20 JUNIE Jy is tans omtrent gewild op die sosiale toneel en daar is niks waarvan ’n Tweeling meer hou as om boaan die uitnodigingslys te wees nie. Om ’n sosiale vlinder te wees is tweede natuur vir jou; wees net bedag daarop om ’n skedule te hê wat te bedrywig is, want dit sal net stres veroorsaak. Streef van jou toekomstige idees doelgerig na, selfs al word daar vir jou gesê dat jou planne dalk te ambisieus, groot of uit voeling is. GELUKKIGE NOMMERS 20, 25, 45, 47, 44, 21 ’N BLIK OP DIE TWEELING-HEELAL ◾ Jou BBP-faktor: Jy is skerp, geselserig en snaaks. ◾ Hoekom jou vriende jou liefhet: Jy is superintelligent. ◾ Wat hulle nie vir jou sê nie: Jou oppervlakkigheid is ’n…

DIE NUUS IN SYFERS 1 Dit is hoe oud (in jaar) die wêreld se enigste oorlewende negeling op 4 Mei geword het. Die nege babas se ouers kom van Mali, maar hulle is in ’n hospitaal in Marokko gebore en woon steeds in dié land sodat verpleegsters hul ma kan help om hulle te versorg. Die babas hou nou die wêreldrekord vir die meeste kinders wat op een slag gebore is en oorleef het. 632 Dit is hoe lank (in meter) die nuwe Bach Long-voetgangerbrug in Viëtnam is. Dit is die langste brug met ’n glasbodem ter wêreld, langer as ’n brug in Guangdong, China (526 m), hoewel Guinness-wêreldrekords dit nog amptelik moet erken. Die brug is glo sterk genoeg om tot 450 mense op ’n slag te dra. 4…

DIE meeste mense ken die naam Norma McCorvey van geen kant af nie. Maar in Amerika weet amper almal van “Jane Roe”. Dis die skuilnaam wat Norma gebruik het toe sy ’n regsuitdaging aangepak het wat gelei het tot die Roe v. Wade-uitspraak van die Amerikaanse hooggeregshof wat beslis het alle vroue in dié land het die reg om ’n aborsie te ondergaan. Dié uitspraak is meer as ’n halfeeu lank ’n brandpunt in Amerikaanse politiek. Sy was nie destyds in 1970 op soek na roem nie – sy was die derde keer swanger met ’n kind wat sy nie kon bekostig om groot te maak nie, en die 22-jarige kelnerin van Dallas, Texas, was desperaat. Nou, meer as ’n halfeeu later, is sy weer in die kollig aangesien dieselfde…

In Nederland word daar soms aan kinders tussen die ouderdomme van vyf en ses ’n “veterstrikdiploma” toegeken nadat hulle hul veters leer knoop het. ’n Chileense kunstenaar, Marco Evaristti, wat in Denemarke woon, het opslae gemaak deur ’n ete te hou waar hy vir die gaste pasta voorgesit het met frikadelle wat gemaak is van sy eie vet wat vroeër deur liposuiging uit sy lyf verwyder is. Die “voorruitfenomeen” is die fenomeen wat baie mense oplet dat ’n mens ná ’n rit op die langpad deesdae minder dooie insekte van jou voorruit afkrap as ’n paar dekades gelede. Dit word toegeskryf aan die afname in insekbevolkings wêreldwyd weens habitatsvernietiging. Nadat ’n Kanadees genaamd Mike Rowe in 2003 die webdomein MikeRoweSoft.com geregistreer het, is hy deur Microsoft gedagvaar omdat hulle gesê…

TOM CRUISE (59) Die ster was dol oor Katie – in so ’n mate dat hy in 2005 op Oprah Winfrey se rusbank gespring en dit aan die wêreld uitbasuin het. Die twee het hul dogter, Suri, in April 2006 verwelkom en is sewe maande later getroud. Teen 2012 was alles verby. Tom se toewyding aan Scientology en Katie se verwerping daarvan is as die rede vir die skeiding genoem. Katie was bang Tom se lidmaatskap het ’n negatiewe uitwerking op hul kind. Hy het blykbaar sy dogter 10 jaar laas gesien omdat Katie weier om die beweging aan te hang. JAMIE FOXX (54) Katie het ses jaar lank ’n stil romanse met die Oscar-wenner gehad voor hulle dit in 2019 beëindig het. In ’n bedryf waar almal lief is…

LOCAL IS LEKKER M USIEKSTERRE soos KARLIEN VAN JAARSVELD, DEMI LEE MOORE en RICUS NEL het onlangs op Mauritius toegesak om op te tree by Afrikaans Is Groot by die weeklange Son Safari-landbouskou, wat aangebied is deur Laeveld Agrochem. Die bekendes het ook tyd gehad om die eilandlewe te geniet. Hulle het saam met dolfyne geswem, skemerkelkies weggeslaan en op die uitgestrekte wit strande van die tropiese eiland uitgespan. Vir Karlien was dit spesiaal om met die boere te gesels en te sien hoe hulle haar musiek geniet. “Dit het my opnuut my musiek laat waardeer,” sê die sangeres. “Ek het baie spesiale gesprekke met van die mense gehad – en natuurlik is Mauritius pragtig.” Demi Lee en haar verloofde, die kitaarspeler BARTHLO VISAGIE, het albei op die landbouskou opgetree. “Dit…

BABANUUS MICHELLE SE GESIN WORD GROTER MICHELLE WILLIAMS verwag nog ’n baba saam met haar man van twee jaar, die regisseur THOMAS KAIL (44). Die egpaar het hul seun, Hart, in 2020 verwelkom. Michelle (41) het ook ’n dogter, Matilda (16), by die akteur Heath Ledger, wat in Januarie 2008 dood is. “Die nuus het ons soveel vreugde gebring. Soos die jare aanstap, begin jy wonder wat dit dalk vir jou inhou. Dit is opwindend om te ontdek dat iets wat jy oor en oor wil hê jou nog ’n keer beskore is. “Ek en my gesin waardeer hierdie geluk,” het die aktrise aan Variety gesê. NOG ’N DOGTER VIR DIE BALDWINS ALEC (64) en HILARIA BALDWIN (38) verwag hul sewende kind saam, en Hilaria het vroeër vandeesmaand bekendgemaak dit…

DIS ’n winderige herfsdag, en buite lê die Goudstad in skakerings van rooi en geel voor jou voete uitgestrek. Op die horison staan Sandton se betonkranse; in die boomryke Rosebank klou die laaste oranje blare nog aan die amber bome. Dis prentjiemooi, dié herfsbaadjie wat Johannesburg in die aanloop tot ’n kil winter oor sy skouers gegooi het. Maar nie eens die natuurskoon kan vandag meeding met die mooie toneel van die verliefde paartjie wat nou hier vir die kamera poseer nie. “Kyk net hoe mooi is sy,” koer Reynardt Hugo en plak ’n soen op sy vrou, An-Maré, se voorkop – die soveelste in die afgelope uur of twee. Dan sê hy: “Of eerder, kyk hoe mooi is húlle!” Anna, soos die akteur sy vrou liefderik noem, is 30…

JARE se lekker lag en giggel het klein plooitjies aan die buitehoeke van die oë gevorm. Ons glo jy moet daardie lagplooitjies omarm, maar dit beteken nie jy moet die delikate oogarea afskeep nie. ’n Tweeledige benadering is die beste manier om ongewenste fyn lyntjies te hanteer. En dís mos iets om oor te glimlag. DEEL EEN BEVOG Fyn lyntjies rondom die oë kom voor weens ’n kombinasie van veldehidrasie en ’n afname in kollageen en elastien. “Die vel om die oë is baie dunner, en plooie ontwikkel dus vinniger in hierdie area,” sê die dermatoloog dr. Michelle Hunt. As die oogarea gedehidreer is, vererger dit die voorkoms van lyne. “Om die oogarea te bevog sal die vel plomp en soepel hou en die voorkoms van fyn lyne verminder,” sê…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. PA EN DOGTER HET GEEN BAND V Ek het ’n seun en ook ’n jonger dogter wat ’n beplande baba was. Sy is nou ’n tiener. Van babatyd af wou sy nie eens hê dat my man haar bottel gee nie. My man is nou reeds 12 jaar nugter en het ’n hegte band met ons seun. Hy is baie lief vir ons…

REEKSE STAR WARS VIR AFRIKA! Die stroomdiens spog met ’n rits Star Wars-flieks en -reekse. Hier is van die beste én nuutste reekse. OBI-WAN KENOBI EWAN McGREGOR vertolk die hoofrol van Obi-Wan Kenobi in dié langverwagte reeks. Dit begin 10 jaar ná die dramatiese gebeure van die 2005-fliek Star Wars: Revenge of the Sith toe Obi-Wan Kenobi sy grootste nederlaag moes konfronteer: sy ondergang en die verraad van sy beste vriend en Jedi-leerling, Anakin Skywalker, wat oorgegaan het na die donker kant as die bose Sith Lord Darth Vader. Die Jedi’s gaan deur ’n rowwe tyd, sê die reeks se regisseur, Deborah Chow. “Die meeste van die Jedi’s is dood. Baie van hulle word gejag deur die Inquisitors. Dis ’n donker tyd om ’n Jedi te wees, en die meeste…

FIKSIE BENITA sit ingedoke op die vreemde bed. Watter deurmekaar jaar was dit nie. Weens covid het twee tydskr if te wat haar gereeld van ’n inkomste verseker het, eenvoudig gevou. As vryskutskrywer was sy hande-in-die-hare moedeloos. Op die rand van depressie. Iets waaraan sy haar nooit voorheen oorgegee het nie. Toe besluit sy om eers vakansie te hou. Daarna kan sy hard werk aan nuwe kontakte opbou. Ou werkesel, skielik ledig. Voel nutteloos en gefrustreerd. By dié vakansieoord sal sy eers chill, aan haar tan werk, en met hernude ywer die jaar aanpak. Vanaand is Oujaarsaand, en sy het nie ’n boyfriend of minnaar of vriende nie. Sy het nêrens om te gaan hang nie. Hoe pateties is dit? Ruk jou reg, Benita! Om op ’n hoop van selfbejammering…

GROOT BLOKRAAI NO 2 441 As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VIR JOU LEWENSVERHAAL PLUSKOM IN AANMERKING VIR DIE MAANDELIKSE TREKKING VAN R1 000 VRAAG: Watter element is ter sprake? Hierdie week wen een leser Die storie van my lewe, ’n pragtige hardebandboek wat jou help om jou eie lewensverhaal neer te skryf. Op dié manier kan jy jou kosbare herinneringe verewig, uitdruk wie jy as mens is en jou storie vir jou nageslag bewaar. Kort opskrifte sal jou help om jou gedagtes te orden en staaltjies oor belangrike mense en gebeure in jou lewe te onthou. Daar is ook hoofstukke waarin jy langer kan skryf oor verskillende lewensfases. Om dit te bestel, gaan na media24shop.com,…

Op 24 Mei 1921 het 34 deelnemers by die Pietermaritzburg-stadsaal aangetree vir die eerste Comrades-ultramarathon. Sestien van hulle kon dit eindelik regkry om die sowat 89 km na Durban binne die afsnytyd van 12 uur af te lê. Dié wedloop was Vic Clapham, ’n oudsoldaat van die Eerste Wêreldoorlog, se idee. Hy wou ’n unieke toets van uithouvermoë skep om die Suid-Afrikaanse soldate te gedenk wat in dié oorlog gesneuwel het. Dié wedloop was Vic Clapham, ’n oudsoldaat van die Eerste Wêreldoorlog, se idee. Hy wou ’n unieke toets van uithouvermoë skep om die Suid-Afrikaanse soldate te gedenk wat in dié oorlog gesneuwel het. In 2000 het die organiseerders die Bill Rowan-medalje ingestel vir enigeen wat nie ’n silwermedalje kry nie (vir mense met ’n tyd van 7:30:00 of vinniger),…

Die Puerto Ricaanse rapper het onlangs weer geskiedenis gemaak met sy nuwe album, Un Verano Sin Ti, toe dit die album geword het wat in 2022 tot dusver die meeste op een dag op Spotify geluister is. Jy hoef nie Spaans te praat om Bad Bunny se musiek te geniet nie. Sy aansteeklike liedjies sal jou voete laat jeuk! Maar hoe goed ken jy die 28-jarige musikant? Doen ons vasvra en kyk of jy ’n ware Bad Bunny-stan is. 1 In April vanjaar is aangekondig Bad Bunny gaan die hoofrol in die Marvel-superheldfliek El Muerto speel wat in 2024 uitgereik word. Sy karakter doen watter sportsoort wat hy self van jongs af geniet het om aan deel te neem? A: Pluimbal B: Stoei C: Karate 2 Daar is een klere-item…

DIE hart is die belangrikste orgaan in ons bloedsomloopstelsel. Dit werk saam met die longe om ons hele liggaam van onder meer suurstofbevattende bloed te voorsien. Dink aan die hart as ’n pomp – eintlik twee pompe in een. Die regterkant daarvan ontvang suurstofarm bloed van die liggaam en pomp dit na die longe, terwyl die linkerkant suurstofryke bloed van die longe ontvang en dit uitpomp na die res van die liggaam DELE VAN DIE HART Die hart bestaan grotendeels uit vier ruimtes – genoem kamers – wat met tussenposes met bloed gevul is. SUPERIOR VENA CAVA EN INFERIOR VENA CAVA Die vena cava is groot are wat bloed vanuit ander dele van die liggaam na die hart karwei. Die superior vena cava dra bloed van die bolyf – kop,…

DIS nié dat hy hom van die oggend tot die aand aan kos vergryp het nie. Maar ai, vertel Norman Nel (42), daardie een groot maaltyd per dag was waar dinge handuit geruk het. Hy het dikwels sommer drie opgehoopte borde kos direk ná mekaar geëet. Soetpampoen met baie suiker en botter. Groenbone vol room. Aartappels in olie. Rys. Of pasta, hope, hope pasta: lasagne, macaroni … Daarna witbrood met botter en konfyt. Ook Coke om als mee af te sluk. Tussen hom, sy vrou en dogter het hulle vier of vyf bottels Coke in ’n dag opgedrink. Wanneer hy gaan slaap het, was daar dikwels ’n driekwart bottel Coke langs sy bed wat hy deur die loop van die nag leeggemaak het. Die onteenseglike bewys dat daar ’n krisis…

t – teelepel/s e– eetlepel/s k – koppie/s BESTE BEESLEWER GENOEG VIR 4-6 MENSE BEREIDING EN GAARMAAK: 20 MIN. ◗30 ml (2 e) kanola-olie◗ 1 groot rooi-ui, in blokkies gesny◗ 15 ml (1 e) fyngedrukte knoffel◗ 600 g beeslewer, in happiegroottestukke gesny◗ 150 g sampioene, in skywe gesny◗ 5 ml (1 t) rooipeper◗ 2,5 ml (½ t) droë origanum◗ 5 ml (1 t) elk brandrissievlokkies, matige kerriepoeier en paprika◗ sout en peper, na smaak◗ 30 ml (2 e) braaisous◗ 5 ml (1 t) brandsous◗ 250 ml (1 k) vars room◗ 250 ml (1 k) gerasperde cheddarkaas◗ 5 g vars pietersielie, vir afronding 1 Verhit die olie in ’n groot pan oor matige hitte. Voeg die ui en knoffel by en soteer 4-5 min. tot die ui deurskynend is. 2 Voeg…

GEE JOU YSKAS ’N NUWE BAADJIE Daar’s geen rede hoekom jou yskas nie die fokuspunt van jou kombuis kan wees nie. Kies ’n kleur wat jou dekorstyl komplementeer en besluit of jy dit daarmee wil laat saamsmelt of dit wil laat uitstaan. Die ou yskas op die foto is met Annie Sloan-krytverf in die kleur Emperor’s Silk geverf nadat die deuroppervlak skoongemaak en afgeskuur is. Drie lae verf is met ’n roller aangewend en toe verseël met Annie Sloan Clear Wax. Verwys altyd na die verfblik-aanwysings en die skoonmaakgids aanlyn van die verfhandelsnaam wat jy koop. Tjhoko Paint beveel byvoorbeeld aan dat die yskas-oppervlak met vernisverdunner skoongemaak word voor jy verf en dat ’n bokhaarroller gebruik word. VERFRIS KOMBUISKASSIES Hout- en melamienkombuiskassies kan soos splinternuut lyk met ’n laag (of…

JY WIL seker maak dat jy genoeg voorsorg tref vir jou aftrede, maar selfs die taal wat mense in die finansiële wêreld praat, is vir jou verwarrend, wat nog te sê van al die opsies … oemaar, jy is beslis nie die enigste een nie. Ons kyk na die vier algemeenste spaarplanne en hoe dit werk. PENSIOENFONDSE Jy kan net tot ’n pensioenfonds behoort as jou werkgewer dit as ’n voordeel bied. Jy en jou werkgewer dra by tot die fonds, en die trustees besluit hoe om die geld te bele. Die bydraes is aftrekbaar van belasting. (Vra jou pensioenfonds en jou werkgewer se menslikehulpbronneafdeling vir inligting, of gaan na die Suid-Afrikaanse Inkomstediens se webtuiste by sars.gov.za.) Kortom, die groei en inkomste van jou aftreegeld terwyl jy ’n lid van…

SEE VAN SPEKSKIETERS Daar was eendag drie mans wat gestaan en stry het oor wie se skepe die grootste is. Amerikaner: “By ons is die skepe so groot dat die kaptein met ’n vliegtuig moet rondgaan om te kyk dat alles goed gaan.” Engelsman: “Ag, dis nog niks, by ons moet die kaptein bevele uitstuur met ’n radio.” Boer: “Julle praat van groot – by ons moet die skeepskok met ’n duikboot afgaan om te gaan kyk of die aartappels in die sop al gaar is.” LEON KRUGER SPOOKPYNE Waarom is ’n spook se toon blou? Omdat hy die emmer geskop het! LEON KRUGER SO ’N KNOL ’n Vrou bel die polisiestasie en sê: “My man het twee dae gelede aartappels gaan koop en is nog nie terug nie!” Daar…

Hoe neem ek deel? Besoek Huisgenoot Raaisels, ondersteun deur Netwerk24, by huisgenootraaisels.co.za tussen 14 April en 31 Mei en koop ’n blokraaibondel ter waarde van R250. Jou naam word deel van ’n gelukstrekking en jy het die kans om een van 10 wenners te wees! R200-GESKENKBEWYS Inskrywings sluit op 31 Mei 2022 om 12:00. Kompetisiereëls, bepalings en voorwaardes geld. Besoek Huisgenoot.com om meer te lees. Foto’s is slegs ter illustrasie.…

1 Watter wêreldstad is vroeër Konstantinopel genoem? 2 Wat is die kleinste provinsie in Suid-Afrika (gemeet aan oppervlakte)? 3 In watter sportsoort verteenwoordig Bongi Msomi Suid-Afrika? 4 In watter land word die Statebondspele later vanjaar aangebied? 5 Hoeveel bene het ’n skoen-lapper? ANTWOORDE 1. Istanbul 2. Gauteng 3. Netbal 4. In Engeland, in die stad Birmingham 5. Ses BRONNE BBC.COM, NEWSFORKIDS.COM, THEGUARDIAN.COM, COLLINSDICTIONARY.COM, NETWERK24.COM, KIDSNEWS.COM.AU, SAHISTORY.ORG.ZA, SCIENCEALERT.COM, GUINNESSWORLDRECORDS.COM…

1 Lauren is in Portsmouth in die suide van Engeland gebore en woon deesdae op Vancouver-eiland in Kanada. Sy het in 2020 die top-20 van die sangkompetisiereeks American Idol gehaal. “Dit het beslis my lewe verander,” sê Lauren. “Ek het daarna baie meer geleenthede gehad.” 2 Haar lewe het soos handomkeer verander nadat sy in November verlede jaar “Fingers Crossed” uitgereik het. Die liedjie het op trefferlyste wêreldwyd geboer en was baie gewild op TikTok. Lauren was aanvanklik net ’n onbekende sangeres wat in ’n vriend se woonstel gebly en onderhoude vanuit haar kar gedoen het. Nou ken almal in die musiekbedryf haar naam. 3 Sy is eintlik beroemd danksy TikTok. Sy het voor “Fingers Crossed” uitgereik is ’n greep van 15 sekondes van die liedjie op TikTok gedeel. Dis…

1. WLADIMIR POTANIN Geldkraan: Palladium, platinum, nikkel Totale rykdom: $25,9 miljard (ongeveer R420 miljard) 2. LEONID MIKHELSON Geldkraan: Aardgas Totale rykdom: $22,6 miljard (ongeveer R366 miljard) 3. ALEKSEI MORDASHOF Geldkraan: Staal, toerisme Totale rykdom: $22,5 miljard (ongeveer R365 miljard) 4. WLADIMIR LISIN Geldkraan: Staal, spoorvervoer Totale rykdom: $21,6 miljard (ongeveer R350 miljard) SUPERRYK OLIGARGE 5. ALISJER OESMANOF Geldkraan: Staal, ystererts, telekommunikasie Totale rykdom: $19 miljard (ongeveer R308 miljard) 6. ANDREI MELNITSJENKO Geldkraan: Kunsmis, steenkool Totale rykdom: $17,8 miljard (ongeveer R288 miljard) 7. WIKTOR WEKSELBERG Geldkraan: Aluminium, olie, windenergie, telekommunikasie Totale rykdom: $16,7 miljard (ongeveer R271 miljard) 8. ROMAN ABRAMOVICH Geldkraan: Kommoditeite (hulpbronne), sport Totale rykdom: $14,1 miljard (ongeveer R228 miljard)…