Indholdsfortegnelse for 09 June 2022 i Huisgenoot

1 ‘DIT KAN GOED WEES OM TE SKEI’ Sy was stukkend nadat sy uit haar huwelik gestap het, skryf Gretha Wiid. Drie jaar later besef sy ’n “vry en vreeslose” lewe ná die huwelik is moontlik Moenie sommer net skei nie. Maar as dit nie anders kan nie, is dit nie die einde van jou lewe nie. Ek is ná 40 jaar van getroude lewe geskei. Nou, ’n paar jaar later, het ek vrede in my hart en lei ek ’n vol en gelukkige lewe. MATHILDA Al sou jy hoe hard probeer, wat kan ’n mens dan nou doen as jou man ’n gewoonte-egbreker is? Los hom, want hy sal daai doen tot hy eendag met ’n kierie loop. Maak nie saak hoeveel keer hy weer trou nie. MARIE Dit lyk…

MOEISAAM klim hy uit die motor en skuifel gebukkend oor sy houtkierie nader, een wankelrige tree op ’n slag. Jou hart wil-wil breek wanneer jy hom so sien en onthou hoe energiek hy altyd op die verhoog was. Want die rooikopman met die kierie is Thys die Bosveldklong, die sanger wat enige verhoor se voete kon laat jeuk. Uiterlik lyk Thys (47) na ’n skaduwee van die man wat hy was. Hy is brandmaer nadat hy 40 kg verloor het weens die aftakeling van meervoudige sklerose (MS), en sy eens netjies versorgde bokbaardjie is nou ’n ruie boskaas. Maar toe Thys (47) begin gesels, besef jy gou die siekte het nie sy gees gebreek nie. Hy is dieselfde spitsvondige mens wat sy aanhangers leer liefkry het – en ook liggaamlik…

HET jy al die storie gehoor van die dominee wat ’n begrafnisdiens vir sy kar gehou het? Of die predikant wat tydens een van sy dienste voor in die kerk ’n vuur in ’n Weber gestook het? Wat van die dominee wat in die kerk vir sy gemeente oor emosionele gesondheid praat en toe afhaak met die stelling: “Bid, maar drink ook jou f*kken pille!” Dié staaltjies is nie net grappies wat om die braaivleisvuur vertel word nie. Vra jy enige Bloemfonteiner en hulle almal sal jou sonder aarseling vertel: Jy praat van ds. Wollie Grobler (65). Die afgelope drie dekades het dié aweregse predikant van die Klipkerk (NG Kerk Bloemfontein-Noord) inwoners gedoop, sien grootword, getrou en later húlle kinders gedoop. Dalk is daar ook ’n paar sedebewakers in die…

REUSESKARES het kom kyk hoe koning George VI by die Westminster Hall naby Westminster Abbey in staatsie lê nadat hy op 6 Februarie 1952 ná ’n lang siekbed oorlede is. Op 12 Februarie 1952 het byna 80 000 mense in ’n tou verbygestap om hul eer te betoon aan die monarg wat op die betreklik jong ouderdom van 56 dood is. Baie mense het heelnag gewag. Paleisbeamptes wou eers die deure na die saal om tienuur die aand sluit, maar die toeloop was so groot dat die laaste rouklaer eers tweeuur die volgende oggend eindelik weg is. Binne drie dae het 300 000 mense hul respek voor die koning se kis kom betoon. Drie dae later het ’n stoet van 1,5 km lank sy somber reis van Westminster Hall na…

Sysag Satyn of sy – hierdie veelsydige, glansende serpe is ’n elegante en sjiek toevoeging tot jou winterklerekas. Dra dit as bykomstigheid aan jou handsak of as kopdoek, of drapeer dit aan jou klere vir ’n ekstra tikkie drama. Donsig Hierdie snoesige en kleurvolle serpe is die ideale bedekking om jou in die winterkoue warm te hou. Dit gee daardie sagte en warm gevoel wat jou winterklerekas moet hê, en jy kan dit saam met enige informele stapelstukke dra. Gebrei Breistofserpe van poliëster of wolmengsels is staatmakers vir die ysige weer. Span gebreide serpe met helder kleure of patrone in om ’n gedempte voorkoms ’n bietjie kleur te gee. Pasjminas Oorgooiserpe is die perfekte beskutting teen die winter se byt. Dit is modieus en beklemtoon enige uitrusting, en jy kan…

JOU vriende en familie wil jou alewig raad gee oor hoe jy met jou geld moet werk. Maar is hulle regtig so slim soos hulle dink? Hier is ses konvensionele denkwyses wat dalk nie die beste raad vir jou is nie. 1 JY MOET HUIS KOOP Daar is beslis tye wanneer jy ’n bietjie moet wag voor jy die langtermynbelegging aanpak. As jy byvoorbeeld ’n swak kredietrekord het, maar jy kry wel ’n huislening, sal dit waarskynlik teen ’n baie hoer rentekoers wees. Jy kan eerder ’n billike plek huur en eers jou skuld delg om jou kredietpunt te verbeter. Nog ’n rede om huiskoop uit te stel is as jy nie ’n deposito het nie. Met ’n goeie deposito is jou kans vir ’n gunstige rentekoers baie beter. Verder…

MARA is ’n Hebreeuse naam wat “ bitter” beteken. Marida Fitzpatrick sê sy het dit nie met voorbedagte rade gekies as titel vir haar roman nie. “Ek weet wat dit beteken, want ons het dit destyds in die Sondagskool geleer, maar dis nie noodwendig hoekom ek dit gekies het nie. Tog pas die simboliek daarvan eindelik by die karakter en by die verhaal in, want dit is inderdaad ’n donker en onheilspellende storie. Ek dink daar is baie onbewuste kragte en invloede betrokke wanneer ’n mens jou karakters se name kies,” gee sy wel toe. Om oor moedersambivalensie te praat is deesdae nie meer so ’n taboe nie. Pas het Michèle Meyer dit in Moer gedoen. En die aktrise Maggie Gyllenhaal het vir haar debuut as regisseur verlede jaar The…

Droom jy van kortverhale skryf? Skryf dan dadelik in vir die Kommadagga-kortverhaalkompetisie wat vanjaar in samewerking met Huisgenoot en LitNet aangebied word. As jy een van die gelukkige kandidate is, gaan jy dié lente drie weke lank gratis en verniet geleer word hoe om jou skryfwerk te verbeter. Die Jakes Gerwel-stigting bied verblyf van drie weke aan in die Paulet-huis en dek alle reiskoste en maaltye. Die naam van die projek, Kommadagga, verwys na die omgewing waar die akademikus en anti-apartheidsaktivis wyle prof. Gerwel op die Oos-Kaapse platteland grootgeword het. DIE REËLS Stuur een kortverhaal in van 2 000 woorde in Afrikaans. Die sluitingsdatum is Vrydag, 10 Junie 2022. Inskrywings word gestuur na Theo Kemp by theo@jgf.org.za. ’n Paneel van onafhanklike lesers, aangestel deur die Jakes Gerwel-stigting, sal die aansoeke…

GROOTGEWORD VOOR DIE KAMERA Al die jong sterre van die trefferreeks Stranger Things keer ná twee jaar weer terug vir die vierde seisoen, wat nou op Netflix te sien is. Die jongste seisoen is oor twee jaar geskiet. Omdat hulle ’n blaaskans moes vat weens die pandemie, lyk die sterre jonger aan die begin van die reeks en later, wanneer verfilming weer hervat is, lyk hulle ietwat ouer. PRET OP STEL Millie Bobby Brown (Eleven) is beslis die een wat die meeste pret het op die stel. Noah Schnapp (Will) sê op die laaste dag van verfilming het sy hom ’n poets gebak. “Ek wou haar gaan groet. Toe ek by haar aankom, het sy en 30 ander lede van die stel agter die woonwaens verskyn en my met ’n…

‘MY TWEE saxofone gaan oral saam met my. Ek neem dit altyd huis toe, en dikwels op vakansies ook. Dis seker skeidingsangs – dis darem net ’n grappie! Ek het ’n alt- en ’n tenoor-saxofoon. Ek verkies nie een bo die ander nie; elkeen is pragtig op hulle eie manier. Albei het verskillende klankeienskappe en stemme. Maar ek is meer ervare met die alt. Ek oefen tussen vier en ses uur per dag. Ek glo as jy te veel oefen, ry dit jou kreatiwiteit in die wiele. Soms speel ek ook by my huis. Gelukkig het my bure nog nie gekla nie. Ek is nie te seker of hulle my kan hoor nie. Snaaks genoeg is ek dikwels nogal skaam om my saxofoon sommer so uit te pluk vir ’n…

1 LAVERNE MAAK GESKIEDENIS LAVERNE COX (50) is onlangs met haar “eie Barbie” vereer – die eerste keer dat ’n transgender vrou as inspirasie dien vir die speelgoedvervaardiger Mattel se ikoniese pop. Die Orange is the New Black-aktrise sê sy hoop die mylpaal sal ’n inspirasie wees vir LGBTQ-jeug wat gestigmatiseer voel. “As hulle hulself nie in hierdie Barbie sien nie, hoop ek hulle weet hulle kan ruimtes skep waar hulle hulself wel sien, waar hulle verteenwoordig is, want verteenwoordiging maak saak.” 2 AARTJIE NA HAAR VAARTJIE En in die oorkantste hoek – AVA RAINE! Simone Johnson, dogter van die Hollywood-aksieheld Dwayne Johnson (50), se droom word eindelik waar. Sy is reg vir haar beroepstoeidebuut in die gewilde WWE-arena. Simone (20), oftewel Ava Raine, het onlangs haar stoeinaam op sosiale…

Die voorbereiding van Thys se stamselbehandeling, danksy twee skenkers, het meer as ses weke geduur, sê dr. Russel Raath. “Die voorbereiding het behels om bloedplaatjies uit die skenkerbloed te haal en dan die sogenaamde groeifaktore van die bloedplaatjies te skei – alles om die stamselle se groei te stimuleer. Die stamselle word dan saam met die plaatjies en die groeifaktore toegedien. Die doel hiervan is om die afgetakelde immuunstelsel van voor af op te bou,” verduidelik hy. Thys het drastiese verbetering getoon. “Dit was wonderlik om te sien. Hy was basies bedlêend. So om met ’n kierie oor die weg te kom is vordering met rasse skrede.” Sy dieetverandering is om sy kolon te rehabiliteer. “Daar kom ’n stof in die dikderm voor bekend as bottersuur, of butanoësuur. MS-lyers skiet…

JOU lewe hoef nie een lang hartseer verhaal te wees nie. Jy moet dit eerder sien as ’n bundel hoofstukke waarvan sommige met pyn en verlies gevul is, terwyl ander vars begin – vol vreugde en opwinding. Die aktrise Desiré Gardner (36) het dié waarheid besef toe sy daarin kon slaag om die verlies van haar egskeiding te verwerk en te sien dit hóéf nie die punt aan die einde van haar lewensverhaal te wees nie. Op die kusdorpie Groot-Brakrivier waar sy deesdae woon, kon sy daarin slaag om ’n heel nuwe loopbaan as skrywer en vertaler op dreef te kry. Daar het sy boonop ’n nuwe liefde gevind. Inderdaad ’n nuwe hoofstuk. Sy lyk vandag asemrowend in die helder rok wat haar gelaat laat skyn en haar blou oë…

Kenners noem dié dinge waarna jy kan oplet as jy onseker is: ■ Kyk of die gesig sy oë normaal knip. Amerikaanse navorsers het vasgestel deepfakegesigte knip nie juis hul oë nie. Kort daarna het deepfakes met knippende oë begin verskyn. Dié leidraad kan jou darem tog help om minder gesofistikeerde fopvideo’s te eien. ■ Beelde wat ‘spring’, kan ’n aanduiding wees dat iets uitgesny of bygevoeg is. ■ Lipbewegings strook nie heeltemal met woorde in minder gevorderde deepfakes nie. ■ Gelaatskleur en beligting kan onreëlmatig wees. Kyk uit vir abnormale skaduwees, ’n effense flikkering rondom die kante van ’n gesig, en vel wat te glad of geplooi lyk. ■ Dis moeilik om fyn haardetail in ’n deepfake te skep. Kyk of die harebuitelyn vreemd lyk. Ook swak beelding van…

Op haar kroningsplegtigheid het koningin Elizabeth ’n wit syrok deur die ontwerper Norman Hartnell gedra. Dit was afgewerk met geborduurde blompatrone van elke land in die Statebond, waaronder ’n Skotse distel, ’n Indiese lotusblom, ’n Kanadese esdoringblaar en ’n Ierse vierblaarklawer. Borduurders het 3 000 uur lank aan die meesterstuk gewerk. Die uitrusting was swaar – byna 7 kg – en om daaraan gewoond te raak, het Elizabeth voor die tyd geoefen met ’n laken wat swaarder gemaak en aan haar skouers vasgemaak is terwyl sy op en af in die gange van Buckinghampaleis gestap het. Met teetyd om vyfuur smiddae het sy die maaltyd by haar lessenaar genuttig met die staatskroon op haar kop sodat sy aan die gewig van 2,25 kg gewoond kon raak. In ’n dokumentêr ter…

OEFENING 1 Staan handeviervoet. Beweeg jou rug dat dit ’n boog maak na bo, hou vir 3 sekondes, en beweeg dan so dat jou rug ’n boog maak na onder, en hou dié posisie vir 3 sekondes. Herhaal dit drie keer. Sit dan terug op jou voete met jou hande, arms vorentoe uitgestrek op die grond en jou kop tussen jou arms, haal diep asem en hou die posisie vir 10-15 sekondes. “Loop” dan albei hande saam na links, hou dit vir 3 sekondes. Doen dieselfde na regs, en kom dan terug na die handeviervoet-posisie. OEFENING 2 Lê op jou rug, met jou knieë gebuig, jou voete plat op die grond en jou bene teen mekaar. Strek jou arms uit in lyn met jou skouers – hou dit plat op…

TWEELING 21 MEI – 20 JUN Jy werk moontlik aan iets wat liefs nog ’n rukkie geheim moet bly. Jy sal jou kans op sukses bederf as jy die aap voortydig uit die mou laat. So maak nie saak hoeveel jy brand om dit aan die wêreld te wys nie, swyg soos die graf. Dit kan moeilik raak sodra jou planeet, Mercurius, op die 13de in jou teken gevestig is omdat dit jou tong heel moontlik kan losmaak. Wees dus ekstra waaksaam. GELUKKIGE NOMMERS 14, 26, 36, 39, 35, 19 KREEF 21 JUN – 21 JUL ’n Interessante nuwe vriendskap kan dalk vandeesweek broodnodige stimulasie en opwinding in jou lewe bring. Wees bedag daarop dat dié mens jou nie wegneem van ’n belangrike deel van jou lewe nie: jou gesin.…

1 Neil Sandilands, wat die hoofrol van die oudmusikant Freddy speel, is in die regte lewe ook ’n musikant. Hy het saam met Theo Crous en Frazer Georgio Barry oorspronklike musiek vir die reeks geskryf en gekomponeer. 2 Benewens Neil sluit die rolverdeling nog vyf ander professionele sangers in – Tarryn Lamb, Christia Visser, Tracey-Lee Oliver, Inge Beckmann en Daniah de Villers. 3 Dit was omtrent ’n wildtuin op stel! Die produksiespan het met wilde diere soos perde, valke, kobras en skerpioene gewerk wat ook in die reeks verskyn. 4 Die plaashuis waar die Greyling-familie in die reeks woon, is in die regte lewe al vir geslagte en meer as 200 jaar in ’n plaaslike familie van die Kamieskroon-omgewing se besit. 5 Neil, wat deesdae bekend is vir sy welige…

“Wát doen julle?” Dis Ma. Ons hou dadelik op en kom regop. “Ek het Viljoen net gekielie,” sê ek. En dis toe dat dit gebeur. Toe ek regop kom, sien Ma haar plate op die vloer lê. Terwyl ons gestoei het, het ons per ongeluk oor van hulle gerol. “Op my plate?” vra Ma. Haar stem klim. “Ek maak Ma se plate skoon,” probeer ek keer wat kom, “ek pak hulle reg.” Ek gryp die plaat van die mans met die baie gesigte, haal dit vinnig uit die karton en uit die plastieksakkie, begin dit met die lap vryf om vir Ma te wys. Sy gryp die plaat uit my hand uit. “Wat doen jy? Jy krap die plate! Jy krap hulle!” “Maar …” probeer ek weer. Sy pluk die afdrooglap…

OM VAN TE SIS ’n Bejaarde slang gaan sy veearts sien. “Dok, ek moet iets doen aan my oë, ek kan regtig nie meer goed sien nie.” Die veearts toets sy oë, gee ’n bril en sê hom om oor twee weke terug te kom. Ná die twee weke om is, seil die slang weer in die spreekkamer in en vertel hy is nou sommer baie depressief. Veearts: “Wat is die probleem? Het die bril jou nie gehelp nie?” Slang: ”Die bril werk baie goed, ek het net ontdek ek gaan al twee jaar lank met ’n tuinslang uit!” HESTER, NAMIBIË GLADDEJAN Die verwaande Matie vertel graag vir die meisies in die Neelsie watter goeie vangs hy is. “As jy die aantreklike voorkoms, geld, intelligensie, sjarme en sukses wegneem, dan…

AS IEMAND jou sou vra om aan ’n Julia Roberts-fliek te dink, sal daar waarskynlik baie titels by jou opduik. Pretty Woman, Steel Magnolias, Notting Hill, Erin Brokovich en My Best Friend’s Wedding – telkemale het sy ons hart met haar spel en sjarme verower. Ja goed, dis alles wonderlike flieks, maar jy sal ook iets anders oplet: Hulle is almal effens … oud. Julia, een van die grootste Hollywood-sterre van ons era, sit al vier jaar lank op die kantlyn. Dis nie dat niemand haar meer rolle aanbied nie. Sy vertel gewoon sy stel nie belang in enige van die werk wat beskikbaar is nie. “Baie mense dink die rede vir al die tyd wat sedert my laaste rol verloop het, is dat ek nie meer romkoms wil doen…

‘Prins William saam met Mike Tindall en Zara vandag by die perdeproewe. Mal oor hul verhouding’– TWITTER-GEBRUIKER PRINS WILLIAM (39) en MIKE TINDALL (43) was omtrent hand om die blaas met mekaar by die Houghton-internasionale perdeproewe in Norfolk. Hulle het omhels, gelag en gesels, en almal dink dis te oulik. Dié twee was by die perdeproewe om Mike se vrou, Zara (41), te ondersteun. Sy is prinses Anne se dogter en William se niggie. “Prins William saam met Mike Tindall en Zara vandag by die perdeproewe. Mal oor hul verhouding,” het een Twitter-gebruiker laat hoor. Die Tindalls se eenjarige seuntjie, Lucas, is ook die eerste keer in die openbaar sien loop voor sy agtjarige ousus, Mia, hom opgetel het. Die paartjie se ander dogter, die driejarige Lena, was ook by…

Heilet Smith, die hoof en eienaar van die kleuterskool waar die tragedie plaasgevind het, klink verpletter toe Huisgenoot haar bel. “Dit is ’n baie harde slag,” sê Heilet sag. Daardie spesifieke oggend het Marno met swart kokipen katstrepe op sy wange geteken. Toe sy ma hom inbring, het sy nog gesê: ‘Ag, die kind wil ’n kat wees. Dit gaan nou weer drie dae vat om die ink af te kry.’ Heilet sê sy is meer as 30 jaar in die onderwys en die skooltjie is drie jaar oop. “Marno is in die skool al vandat dit oopgemaak het. Ek was na aan Marno én sy ma.” Op die dag van die tragedie was sy uit om aankope te doen. Sy vertel Marno was een van 33 kinders wat buite…

MOENIE te geheg raak aan haar nie. Dit was die dokters se woorde aan haar ouers kort nadat sy gebore is. Haar vel het afgeskilfer en was met blase oortrek. Die risiko vir komplikasies – soos ’n dodelike infeksie – was so groot dat dokters gemeen het sy sou nie langer as ses maande leef nie. Maar nou is Shirvani Naran 35 jaar oud, en hoewel elke dag ’n uitdaging is, het sy geleer om met haar chroniese vorm van epidermolise bullosa (EB) saam te leef. Dis ’n groep seldsame oorerflike velafwykings wat daartoe lei dat die vel uiters broos word. Dit veroorsaak ook blase aan die binnekant van haar keel, “en iets so eenvoudigs soos water kan blase veroorsaak”. Al is dit moeilik, weier Shirvani om toe te laat…

UITGEDOS in sy beste pak klere maak hy seker dat alles perfek is. Die sjampanje op ys, ballonne, die ring in sy fluweelnessie bo-op ’n bos rose … Al wat hy nog moet doen is om uit te pluis hoe om die vrou van sy drome hier by die hospitaal te kry sonder dat sy iets vermoed. Maar as jy soos Navern Munian (30) van Durban ’n tweede kans in die lewe gekry het, stel jy niks van belang vir ’n enkele sekonde uit nie. Want net weke tevore het hy nie geweet of hy sou lewe om sy studenteliefde, Sherice Roopai, die jawoord te vra nie. Maar vandag bokspring sy splinternuwe, sterk hart behoorlik van opgewondenheid. Navern het so goed aangesterk dat hy net 10 dae ná sy lewensreddende…

“Soos ons met fopnuus geleer het, moet ons altyd skepties wees as ons ’n bekende skielik sekere produkte sien onderskryf of verregaande uitlatings sien maak,” sê prof. Danny Myburgh van Cyanre. Alexandros Antoniou, lektor in mediareg aan die Universiteit van Essex, waarsku dat gesigvervanging-apps soos FaceApp en Zao jou foto’s en video’s aanlyn beskikbaar stel, waar basies “enigeen hulle kan gebruik of misbruik”. Mense besef nie sulke maatskappye verkry grootliks die regte op die materiaal wat gebruikers op hul webtuistes of apps laai nie. Dit geld ook vir groot apps soos Instagram, wat derde partye toelaat om gebruikers se foto’s te benut. Kortom, mense moet versigtig nadink oor waar en hoe hulle hul foto’s en video’s deel. Almal moet ook verstaan hoe hul privaatheidstellings werk en dit reg gebruik. Om…

SJOKOLADEBROSKOEK LEWER 1 MIDDELSLAGKOEK BEREIDING: 15 MIN. GAARMAAK: 5 MIN. SET: 3 UUR OF OORNAG ◗ 150 g Mariebeskuitjies◗ 150 g Tennisbeskuitjies◗ 125 g botter◗ 125 ml (½ k) suiker◗ 150 g donkersjokolade, fyngekap◗ 1 eier, geklits◗ ’n knippie sout VIR VERSIERING ◗ 2 velle eetbare goudblad Voer ’n 20 cm-veerkoekpan met bakpapier uit en bespuit met kossproei. 1 Maak die Marie- en Tennisbeskuitjies grof fyn en sit dit in ’n groot mengbak. 2 Plaas die botter en suiker in ’n kastrol en roer oor lae hitte tot die suiker opgelos is. Verwyder van die hitte en voeg die sjokolade by. Roer tot die sjokolade gesmelt het. 3 Voeg die eier by die sjokolademengsel, en klits goed. Voeg die sout by en meng. 4 Giet die sjokolademengsel oor die koekies…

WENK Brand kerse weg van vlambare items soos gordyne, meubels, beddegoed en matte, en buite bereik van kinders en troeteldiere. WENK Rangskik kerse van verskillende groottes en vorms saam om ’n fokuspunt op ’n rak te skep of as versiering op ’n tafel. WENK Kies kerse in effekleure om ’n kalm omgewing te skep. Kleurryke kerse is weer ideaal as dekoratiewe element. KRY DIT HIER @HOME HOME.CO.ZA, 0860-834-834; ESQUE.CO.ZA, 079-087-7994; FAITHFUL-TO-NATURE.CO.ZA, 021-785-3268; MARISOL-CANDLES.MYSHOPIFY.COM, MARISOLCANDLESCO@GMAIL.COM; MRPHOME.COM, 064-584-1000 (WHATSAPP); OKRACANDLE. CO.ZA, EMAIL@OKRACANDLE.CO.ZA; STOREANDMORE.CO.ZA, 011-314-0002; TAKEALOT.COM, 087-362-8000; WEYLANDTS.CO.ZA, 021-914-1433; WOODWICKSA.CO.ZA, 011-450-1614; WOOLWORTHS.CO.ZA, 0860-022-002; YANKEECANDLESA.CO.ZA, 011-450-1614; YUPPIECHEF.COM, 0861-702-4969…

MY MAN SWYG OOR VORIGE HUWELIK V Ek is ’n tweede keer getroud nadat my eerste man oorlede is. Ek was onder die indruk dat ek gelukkig getroud is, maar ek het onlangs uitgevind dat my nuwe man ook voorheen getroud was. Hy beweer dit was net ’n saketransaksie. Ek is in twee geskeur hieroor. My man sê ek oorreageer. Hy sê hy doen soveel vir my, hoekom pla hierdie ding my dan? Ek voel of ek weer verloor het. Verloorder A Dit is een van die pynlikste ervarings vir enige mens om ’n eggenoot aan die dood af te staan – ’n mens dink nie jy kan ooit weer gelukkig wees nie. Om daarna in ’n tweede huwelik weer geluk te vind, is ’n onverwagse seën. Dit het met…

1 Die Hollywood-ster het die meeste van sy loopbaan die rolle van jong hartebrekers gespeel in flieks soos High School Musical (2006), 17 Again (2009) en Baywatch (2017). Nou, ná twee dekades in die kollig, speel hy vir die eerste keer die rol van ’n pa in Firestarter – ’n nuwe weergawe van die 1984-gruwelfliek wat Drew Barrymore in die titelrol gehad het. Zac (34) is Andy McGee, wie se dogter, Charlie (die 12-jarige Ryan Kiera Armstrong van American Horror Story-faam), brande kan stig deur net haar brein in te span. Andy moet sy dogter beskerm toe ’n geheimsinnige regeringsagentskap Charlie as ’n dodelike wapen wil gebruik. 2 Zac is ’n groot aanhanger van die Amerikaanse gruwelkoning Stephen King, op wie se boek van 1980 die rolprent gegrond is. “Stephen…

DAN + SHAY DAN SMYERS en SHAY MOONEY het mekaar 10 jaar gelede ontmoet op ’n huispartytjie van Dan in Nashville, Tennessee. Kort daarna het hulle die countrypopduo Dan + Shay gestig en sedertdien vier albums uitgereik en sukses gehad met treffers soos “Speechless”, “Tequila” en “10,000 Hours” – saam met Justin Bieber. Hul jongste enkelsnit, die ballade “You”, van hul jongste album, Good Things, is ’n oorwurm. Hulle het dit onlangs op die Billboard-prysaand gesing en is huis toe met die beeldjie vir beste countryduo. Elke maand luister meer as 11 miljoen mense op Spotify na hulle. Dan (34) en sy vrou, Abby, is in Mei 2017 getroud; Shay (30) en sy vrou, Hannah, het vyf maande later afgehaak. Hulle het twee seuns. HET JY GEWEET Die manne en…

SY GAAN sit voor die rekenaar en soek met bewende vingers na inligting oor gevalle waar ’n lastige kraaiende haan die oorsaak van groot moeilikheid was. En sowaar, daar staan dit. Dus was haar persoonlike wrewel glad nie so uniek nie. So wyd as Amerika, Oostenryk en Turkye en tot in Frankryk word gevalle beskryf wat tot hofsake gelei het, veral die geval in Frankryk wat gaan oor Maurice, die ongelukkige slagoffer. Die beskuldigde is uiteindelik met 300 euro beboet en mag nooit weer ’n vuurwapen gebruik nie. Boonop het hy ’n opgeskorte vonnis van vyf maande gekry. Sy sidder skielik en sien haarself agter in die vangwa op pad na die polisiekantoor. Wat gaan háár vonnis wees? En as hulle haar sou opsluit, wat gaan dan van oom Faan…

GROOT BLOKRAAI NO 2 443 As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VIR JOU LEWENSVERHAAL PLUS KOM IN AANMERKING VIR DIE MAANDELIKSE TREKKING VAN R1 000. VRAAG: Watter soort monster is ter sprake? Hierdie week wen een leser Die storie van my lewe, ’n pragtige hardebandboek wat jou help om jou eie lewensverhaal neer te skryf. Op dié manier kan jy jou kosbare herinneringe verewig, uitdruk wie jy as mens is en jou storie vir jou nageslag bewaar. Kort opskrifte sal jou help om jou gedagtes te orden en staaltjies oor belangrike mense en gebeure in jou lewe te onthou. Daar is ook hoofstukke waarin jy langer kan skryf oor verskillende lewensfases. Om dit te bestel, gaan…

TOE die kameelperdkalfie Msituni op 1 Februarie by die San Diego-dieretuin in die VSA gebore is, het haar een voorbeen verkeerde kant toe gebuig. Dit het beteken dat haar ander voorbeen te hard moes werk om haar gewig te dra en toe ook probleme begin gee het. Haar gewrigte het ook swaargekry. Die parkpersoneel was bekommerd dat sy sal doodgaan as sy weens haar been sukkel om te drink en rond te loop. Die veeartse by die park het eers beenklampe wat vir mense gemaak is op hul langste verstelling gebruik. Dit het gehelp, maar het nie gehou nie. Hulle het toe ’n kliniek wat spesialiseer in prosteses (sien Woord van die Week) vir mense genader. Die spesialiste daar het modelle van Msituni se bene gemaak en vir haar ’n…

1 In watter sportsoort het die Suid-Afrikaner Bianca Buitendag verlede jaar ’n Olimpiese silwermedalje gewen? 2 In watter provinsie is die Suid-Afrikaanse dorp Clocolan? 3 Aan watter land behoort hierdie vlag? 4 Hoeveel putjies het ’n standaard-gholfbaan? 5 Waar in jou lyf sal jy ’n been met die naam humerus aantref? ANTWOORDE 1 Branderplankry. 2 Vrystaat. 3 Mexiko. 4 18. 5 In jou boarm – dis die been tussen jou skouer en jou elmboog. BRONNE THEGUARDIAN.COM, SCIENCEALERT.COM, GUINNESSWORLDRECORDS.COM, NEWSFORKIDS.NET, NYTIMES.COM, BBC.COM, THE WEEK JUNIOR, NETWERK24.COM, REUTERS.COM…

'EK HOU DAARVAN OM WEG TE KRUIP AGTER DIE KARAKTERS WAT EK SPEEL' DIS asof die herfsblare vandag padlangs ’n tapyt uitrol tot hier in De Waalpark aan die voet van Tafelberg. Dalk nie ’n spoggerige rooitapyt wat wag op ’n gepronk nie; dis eerder een wat swygsaam uitstrek. ’n Mens sien die lang, lenige donkerkopman sommer van ver af al aangestap kom na die koffiestalletjie in die pagoda in die park. Op 33 is Ludwig Binge nie net ’n akteur nie; hy is ook ’n drama-en draaiboekskrywer wat ál meer sy stempel in die vermaakbedryf afdruk. Tog lag hy wanneer jy so met die intrapslag by die koffiewinkeltjie vra of mense hom deesdae gereeld op straat herken. Sy glimlag is breed en innemend, maar hy is beskeie, en van…

SALIG GETROUD Greteli het in November verlede jaar aan haar videograaf-kêrel, JUAN DE SWARDT, verloof geraak. Die paartjie het in Februarie vanjaar in ’n intieme tuintroue op Stellenbosch afgehaak. Die aktrise het gestraal in dieselfde trourok wat haar ma, Lisl, meer as twee dekades gelede op haar groot dag gedra het. “Dit was net ons gesinne in die tuin, en dit was besonder spesiaal,” vertel Greteli. “Ons het almal aan die einde van die aand in die sitkamer gesit en Juan het ’n toespraak vir elke mens op die troue gemaak. Ons het later ook gedans, en dit was by verre die beste dag van my lewe. Dit is so lekker om hom my man te noem.” ’N NESSIE VAN HUL EIE Die pasgetroudes het kort ná hul bruilof gaan…