Indholdsfortegnelse for 16 June 2022 i Huisgenoot

1 ‘DEPRESSIE IS WERKLIK’ Haar lewe is ’n emosionele wipplank weens die druk om haar beroep-en gesinslewe te balanseer, skryf die sangeres Charlize Berg Niemand wat dit nie self deurmaak, besef hoe erg dit is nie. Ek was twee jaar op medikasie en het asemhalingstegnieke gebruik. Vier jaar later, is ek ’n ander mens en van medikasie af. Ek bid jy kom gou daardeur. SHANTAL Ek mis jou mooi stem. Al hardop gewonder hoekom ons niks liedjies kry nie. Jy is ’n pragtige omgeemens. Dié wat jou nie geluk en sukses gun nie, is nie die moeite werd nie. Go girl, jy is pragtig en talentvol. MARITHA Charlize, ek weet waardeur jy gaan. Dis die ergste plek om te wees. Deur Gods genade en my tannie wat my na ’n…

Die eerste stap is om ’n geakkrediteerde organisasie te vind wat die magtiging het om die aannemings-proses te behartig, sê Sue Krawitz, direkteur van Impilo Child Protection and Adoption Services en ondervoorsitter van die National Adoption Coalition of South Africa. “Dit kan ’n kinderbeskerming-sorganisasie of ’n maatskaplike werker in die privaat praktyk wees, en ook die departement van maat-skaplike ontwikkeling.” Sy sê die keuringsproses vir aspirantaanneemouers kan tot nege maande duur en die voornemende ouers sal in dié tyd geassesseer word en deelneem aan ’n voorbereidings-program. Kwalifiserende aspirantaanneemouers se besonderhede word in die departement van maatskaplike ontwikkeling se register vir aanneemouers en -kinders geplaas. Sue sê maatskaplike werkers kan nie waarborg of iemand suksesvol gekeur sal word en of aspirantouers ’n baba sal kry nie. Sy sê as ’n mens…

VERLIEFDE tieners oor die wêreld heen belowe mekaar sommer maklik die son, maan en sterre – of selfs meer. Helaas kwyn die liefde alte dikwels deur die jare en raak daardie romantiese beloftes vergete – behalwe as jou naam Sanjeev Deochand is. Dié Durbaniet en sy vrou, Urisha, is onlangs albei in die operasiesaal ingestoot sodat sy gesonde nier verwyder en in haar liggaam ingeplant kon word. En vir Urisha is haar man se opoffering die grootste liefdesgebaar waarvan sy ooit kon droom. “Ek is so dankbaar vir hom,” sê sy vanuit hul huis in Verulam, net noord van die vakansiestad, aan Huisgenoot. “Ons het soveel saam deurgemaak.” Die egpaar (albei nou 32) het mekaar ontmoet toe hulle gr. 8-leerders aan die Sekondêre Skool Verulam was. Sanjeev het sommer dadelik…

ONS hande en voete werk baie hard vir ons. Dis hoekom hulle ekstra BBP-behandeling verdien – en dit geld vir mans ook. Manikure en pedikure is vir almal voordelig. Dit verminder stres en angs en verseker dat jou naels, hande en voete gesond bly. Of jy nou jouself met ’n spoggerige salonbehandeling bederf of sommer net tuis pamperlang, daar is geen twyfel dat gereelde manikure en pedikure jou hande en voete in topvorm sal hou en sal klaarspeel met vele probleme wat kan opduik nie. Krap jy kop oor waar om te begin? Ons verduidelik jou hoe.…

MYERS-BRIGGS TYPE INDICATOR Hierdie toets is ontwerp deur die Ame ma-en-dogterspan Katherine Briggs en Isabel Briggs-Myers en is gegrond op die werk van die psigiater en psigoanalis Carl Jung. Volgens die toets is daar 16 duidelike persoonlikheidstipes. Dit word bepaal volgens faktore soos of jy ’n introvert of ekstrovert is, of jy inligting deur jou sintuie of intuïsie inneem, of jy dinge beoordeel op grond van wat jy voel of dink, en of jy dit verkies om vinnig te besluit of liewer alle moontlikhede oop te laat. ENNEAGRAM OF PERSONALITY Dis nie duidelik waar dié toets vandaan kom nie, maar die huidige weergawe is waarskynlik geïnspireer deur die werk van die Brasiliaanse geestelike Oscar Ichazo en die Chileense psigiater Claudio Naranjo. Volgens dié toets is daar nege persoonlikheidstipes, elkeen met…

WANNEER paartjies oor geld stry, gaan liefde dikwels by die agterdeur uit. Hierdie vyf wenke kan help om jou finansies én jou romanse of huwelik gesond te hou. 1 HOU AFSON-DERLIKE BANK-REKENINGE Baie paartjies gebruik net een rekening. Maar dit is belangrik dat elkeen ook ’n eie rekening moet hê in geval van ’n krisis. ’n Praktiese oplossing is een gesamentlike huishoudelike rekening waarin julle albei maandeliks ’n deel van jul salaris waaroor julle ooreengekom het vir gedeelde uitgawes soos kruideniersware en kragverbruik inbetaal. Die res van jou salaris betaal jy dan in jou eie persoonlike rekening in, en daarmee kan jy byvoorbeeld jou klere of persoonlike bederfies mee betaal. Sodoende kibbel julle nie oor daardie middagetes saam met vriendinne of ’n nuwe gholfstok nie. Dit kan ook gebeur dat…

DIE ANGLO-BOEREOORLOG IN KLEUR Deur TINUS LE ROUX Jonathan Ball, R350* ’n Mens is so gewoond om die Anglo-Boereoorlog deur swartwit foto’s te beleef dat dit ’n effense skok is om dit in volkleur te sien. Skielik leef die mense; selfs die dooies lyk – nie lewend nie – maar wel meer mens. Hier lê byvoorbeeld ’n loopgraaf vol lyke van Britse soldate wat soontoe gesleep is ná die nederlaag by Spioenkop. Is dit omdat die grusame foto in kleur is dat jy die pols sien wat soos ’n slapende kind s’n agteroorgebuig is? Die bruin borselkop wat met sy gesig in die grond lê? Ek kan nie help om te wonder of dit is soos dit nou in Oekraïne lyk nie, waar jy ál meer gerugte van massagrafte hoor.…

TWEELING 21 MEI – 20 JUNIE Daar is ’n moontlikheid dat jy nie die drome en aspirasies kan bewaarheid wat jy vandeesweek in jou loopbaanwêreld aantref nie. Probeer om nie alles in swart en wit te sien nie, maar kyk vir die grys skakerings tussenin. Wanneer dinge by die werk verander, probeer met die stroom saamgaan en kyk waarheen dit jou lei. Kyk van ’n objektiewe afstand af en hou kop bo water, veral as jy dink mense maak stories op. GELUKKIGE NOMMERS 1, 29, 45, 50, 35, 11 KREEF 21 JUN – 21 JUL Net voor die son op die 21ste by jou teken inbeweeg, kan jy ontnugter voel oor die lewe. Dit is net van korte duur; probeer dus om nie in gevoelens van hulpeloosheid en hopeloosheid vas…

TIKTOK-SENSASIE Die sanger van New Jersey het in 2017 op 17 sy debuutliedjie, “Cradles”, uitgereik. Maar dit het eers viral gegaan nadat hy dit op TikTok gedeel het. Mense is mal daaroor. “Cradles” is nou al meer as ’n miljard keer in TikTok-video’s gebruik en meer as 500 miljoen keer op Spotify geluister. “Mense wou onmiddellik weet wanneer ek nuwe musiek gaan uitreik, en ek het net gesê: ‘Ek probeer byhou.’ Dit was moeilik,” vertel hy. Nou is Sub Urban eindelik terug met ’n nuwe liedjie, “Candyman” – en dit lyk of dit net so op sy aanhangers se speellyste gaan boer. HALLO, EK’S SUB URBAN Die sanger (22) se regte naam is eintlik Danny Maisonneuve. Sy verhoognaam, Sub Urban, is geïnspireer deur sy van, Maisonneuve. “Dit beteken ‘nuwe huis’…

DIE Kaapse kobra (Naja nivea) is saam met die swartmamba die dodelikste slang in Suid-Afrika, wat jaarliks die meeste sterftes veroorsaak. Hy kom boonop mense se huis binne om prooi soos knaagdiere te soek. Soos ander kobras en die rinkhals het hy die vermoë om ’n kap te sprei. GOEIE RAAD As jy en ’n Kaapse kobra mekaar gewaar, moet jy dadelik minstens 5 m wegbeweeg. Dis onwaar dat hy jou nie sal byt as jy stilstaan nie.…

SY IS die opperste “yskoningin” – kil en afsydig; dit lyk asof niks Anna Wintour van stryk kan bring nie. Selfs destyds in 1983, toe sy nog moderedakteur van New York Magazine was, het sy ’n gedugte reputasie gehad. Daarom was die Italiaanse fotograaf Oliviero Toscani verstom toe Anna gedurende ’n driftige rusie oor ’n fotosessie meteens in trane uitbars. “Luister, Anna,” het hy haar raad gegee, “ek dink jy moet by ’n kopdokter uitkom.” ’n Paar weke later het sy hom gebel. “Ek het ’n kopdokter gekry,” het sy gesê. “En ek gaan met hom trou.” David Shaffer, ’n kinderpsigiater oorspronklik van Suid-Afrika, was 13 jaar ouer as Anna. Hy het in 1977 saam met sy vrou, Serena Bass, van Londen na New York getrek om die hoof van…

JP DUMINY Die oud-Protea en sy modelvrou, Sue, het twee dogters, ISABELLA (6) en ALEXAROSE (3). Om ’n pa van dogtertjies te wees het hom baie sagter gemaak, sê JP. “Ek het meer geduld geleer en dit het my ook laat verstaan hoe sensitief en emosioneel hul harte is. Die lekkerste ding is as jy ’n moeilike dag gehad het en hulle oorval jou met drukke en soene wanneer jy by die deur instap. Ons gunstelingaktiwiteite is om bordspeletjies te speel, te swem of saam fiets te ry.” BRADLEY OLIVIER Die Binnelanders-akteur sê sy dogtertjie, KIARA (5), het sy perspektief op die lewe verander. In als wat hy benader – van werk tot sy sosiale lewe – oorweeg hy eers sy dogter voor hy ’n besluit maak. “My gunstelingdeel van…

JARE lank het hulle gesmag na ’n kind van hul eie – en eindelik lyk dit toe of hul droom waar gaan word. ’n Swanger ma wil haar baba vir aanneming opgee, en daar is die gemoedsrus dat die proses deur ’n maatskaplike werker hanteer sal word. Geld vir die aannemingsproses word betaal en babagoed gekoop. Maar dan kom die verskriklike nuus: Die baba is met geboorte of kort daarna oorlede. Dit klink soos ’n nagmerrie, maar volgens verskeie egpare is dit presies wat met hulle gebeur het. Dié verhale het een gemeenskaplike rolspeler, beweer hulle: ’n aannemingspesialis van Pretoria, Letitia van den Berg. Een van die egpare, Irene (34) en Marco Engelbrecht (36) van Pretoria, beweer hul droom is twee keer deur Letitia verpletter – en glo sy het…

WANNEER die son oor die baai van Beiroet sak, flikker die strale soms soos dansende engele oor die water. Tracey Bolton, ’n Suid-Afrikaner wat haar om werksredes in dié Midde-Oosterse stad gevestig het, het sweerlik ’n mate van heimwee gevoel toe sy, gemaklik geklee in net ’n T-hemp en haar onderklere, die skemersee deur haar woonstelvenster bekyk het. Dit was ’n dag wat ’n mens aan die mooiste sonsondergange oor die Oos-Kaapse water, by St. Francisbaai, waarvoor sy so lief is, herinner het. Dit was 4 Augustus 2020. In baie opsigte was die lewe vir Tracey toe so goed soos wat sy kon droom. Sy is ’n reisgeesdriftige wat haar in Libanon se mees gasvrye stad gaan vestig het. Sy en haar man het op die vyfde verdieping van ’n…

BRAAIBROODJIE MET TAMATIESOP My kinders is mal oor enigiets wat buite op die braaier gemaak word; hulle kan buite speel en gehaltetyd saam met my deurbring terwyl ek my ding doen. Spek en kaas op ’n braaibroodjie is ’n wenner, maar ek voeg tamatiesop by vir die perfekte winterbederf. GENOEG VIR 4 MENSEBEREIDING EN GAARMAAK:90 MIN. TAMATIESOP ➧ 30 ml (2 e) olyfolie➧ 3 heel uie, in blokkies gesny➧ 4 knoffelhuisies➧ 4 x 400 g-blikke heel geskilde tamaties➧ 2 x 70 g-blikke tamatiepasta➧ 500 ml (2 k) hoender-aftreksel BRAAIBROODJIE ➧ 1 pak streepspek➧ 1 suurdeegbrood, in 1 cmsnyegesny gesoute botter, vir op die brood smeer➧ ½ ui, in dun skywe gesny➧ 6 dik skywe boerenkaas of komynkaas➧ sout en swartpeper VIR AFRONDING ➧ 25 g mikrokruie, vir garnering 1 Tamatiesop…

’n Manikuur behels die versagting van die vel aan die hande, vorming van die naelvlies. Dit klink dalk na baie werk as dit iets nuuts is vir jou, maar die proses is taamlik eenvoudig. Trouens, jy kan dit maklik self tuis met ’n manikuurstel doen. As jy nie gereeld jou naels in stand hou nie, kan dit swak word, wat ’n dowwe, poeieragtige wit of geel voorkoms tot gevolg het. En dis nie net onooglik nie; jou naels sal ook makliker breek. Dit kan pynlik wees, veral as dit ver genoeg skeur om die naelbed te ontbloot. Naelversorging sal dit help sterk en die delikate vel rondom die naels – die naelvleis – gesond hou. ’n Draai by die salon vir ’n professionele sessie is eerste prys, maar as dit…

IS JY ’n introvert of ekstrovert? Kan jy druk hanteer? Werk jy liewer alleen of saam met ander mense? Kan jy ingewikkelde take uitvoer? Werk jy op jou beste onder toesig of wanneer jy jou eie ding doen? Dis net ’n paar van die vrae wat kan opduik wanneer jy ’n toets moet aflê as jy byvoorbeeld by ’n universiteit inskryf of om ’n pos aansoek doen. Dié soort loopbaantoetsing word die afgelope jare ál meer gebruik – en nie net om iemand ná skool te help verstaan waarvan hy hou en watter loopbaanrigting by hom pas nie. Die kans is deesdae baie goed dat jy een of meer sal teëkom wanneer jy werk soek. Persoonlikheidstoetse word gewoonlik nie alleen ingespan nie, maar word gekombineer met aanleg-en psigometriese toetse. (Lees…

Al is hierdie toetse nie eksamens nie, kan dit spannend wees as jy jou nie voorberei nie. Daar is heelwat dinge wat jy kan doen om dit ’n goeie ervaring te maak – en dit kan weer jou uitslag beïnvloed. Onthou dat daar nie ’n regte of verkeerde antwoord is nie. Jou gemoedstoestand speel egter ’n rol omdat baie van dié toetse op jou gevoelens en gedagtes inzoem. Probeer dus om die ideale omgewing te skep sodat jy die beste kans moontlik het. 1 GENOEG TYD Maak seker jy kry ’n spesifieke tydgleuf waarin jy nie onderbreek sal word nie. Baie toetse het ’n tydbeperking en jy word aangeraai om dit alles op een slag klaar te maak eerder as om dit te onderbreek en dan aan te gaan waar jy…

Fantasie. As jy ’n aanhanger van bloedsuierreekse soos True Blood en The Vampire Diaries was, dan is dié nuwe vampierromansereeks so reg in jou kraal. 1 Dit gaan oor die tieners Ju-liette (Sarah Catherine Hook) en Calliope (Imani Lewis). Een is ’n vampier en die ander jag vampiere. Juliette is ’n skaam hoërskooltiener én vampier wat haar hart verloor op die nuwe meisie op die dorp, Calliope. Sy beplan om haar haar slagoffer te maak sodat sy by haar familie van vampiere kan inpas, maar min weet Juliette dat Calliope eintlik uit ’n familie van monsterjagters kom. 2 Dié gruwelromansereeks bestaan uit agt episodes en is gegrond op V.E. Schwab se gelyknamige kortverhaal. 3 Sarah was verlede jaar te sien in die gruwelprent The Conjuring: The Devil Made Me Do…

1 Die karakter Lewis Dodgson word nou gespeel deur Campbell Scott (60), wat Mark Usher in House of Cards gespeel het omdat Cameron Thor (62), wat dié karakter gespeel het, in 2016 vir seksuele aanranding tronk toe is. 2 Chris Pratt glo Dominion is die laaste Jurassic-fliek. “Ek dink regtig dis die einde,” het hy onlangs in die program Today gesê. “Die ou sterre is terug – Sam Neill, Laura Dern, Jeff Goldblum – asook die akteurs van Jurassic World. Dis al die storielyne wat op ’n manier saamloop om te sê dis ’n slot.” 3 Laura, Bryce Dallas Howard en DeWanda Wise het ’n hegte band gevorm terwyl hulle byna vyf maande lank saam in isolasie was in die Langley-hotel in Buckinghamshire, Engeland, terwyl hulle tydens die pandemie aan die fliek geskiet…

DIS vreemd? Gaby frons toe Johannes se naam op haar foon wys. ’n Man wat betyds, nee wag, tien minute te vroeg is. Dis ’n wonderwerk. “Hi, Johannes, ek maak die hek oop.” “Nee, wag! Ek gaan ’n bietjie laat wees.” Gaby se mond trek op ’n reguit lyn. Hoekom het sy gedink hierdie man, wat haar kollega Kobus met soveel lof aanbeveel het, sal anders wees? Geen nutsman het deesdae respek vir ’n ongetroude vrou nie. Ek is ’n maklike teiken vir brouwerk en ’n paar vinnige rande. Sy en haar vriendinne spog soms sinies oor ’n glas wyn oor die stelle wat hulle al afgetrap het. Maar dit was in die Kaap. Hoekom het sy gedink dit sal hier anders wees? “Hi, Gabriella, is jy nog daar?” “Ek…

GROOT BLOKRAAI NO 2 444 As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VIR JOU LEWENSVERHAAL PLUS KOM IN AANMERKING VIR DIE MAANDELIKSE TREKKING VAN R1 000. VRAAG: Watter bordspel is ter sprake? Hierdie week wen een leser Die storie van my lewe, ’n pragtige hardebandboek wat jou help om jou eie lewensverhaal neer te skryf. Op dié manier kan jy jou kosbare herinneringe verewig, uitdruk wie jy as mens is en jou storie vir jou nageslag bewaar. Kort opskrifte sal jou help om jou gedagtes te orden en staaltjies oor belangrike mense en gebeure in jou lewe te onthou. Daar is ook hoofstukke waarin jy langer kan skryf oor verskillende lewensfases. Om dit te bestel, gaan na…

HOE GOED KEN JY BOB’S BURGERS? Die gewilde animasiereeks Bob’s Burgers geniet kultusstatus reg oor die wêreld. Nou kan jy al 12 seisoene op Disney+ kyk. Die fliek, The Bob’s Burgers Movie, sal ook later vanjaar op dié stroomdiens uitgereik word. Die reeks gaan oor die Belcher-gesin wat hul eie sukkelende burgerrestaurant het. Jy gaan lekker lag vir die Belcher-kinders, Tina, Gene en Louise, se skreeusnaakse avonture. Doen ons vasvra en kyk hoe goed jy dié supergewilde animasiereeks ken. 1 Die oudste Belcher-kind, Tina, is mal oor watter dier? A: Olifante B: Perde C: Honde 2 Elke dag het pa Bob ’n ander unieke burger wat hy ontwerp en op die kennisgewingbord in die restaurant skryf. Wat noem hy dié burger? A: Burger of the Day B: Bob’s Burger of…

Knip & plak Knip die vierkante versigtig al langs die stippellyne uit en plak dit dan op die regte plekke om die prent onder te voltooi. Die winter is hier Dink ’n storie uit of teken ’n prent van al die dinge van die koue seisoen waarvan jy hou. Winterdoolhof Bou ’n sneeuman Doen eers die somme en baan dan jou weg deur die doolhof. Beweeg van 1 tot by 10. Soek 7 verskille Pas die skaduwee Soek almal! Kyk mooi na die prent om te sien waar al die items hier onder weggesteek is. BONUS Kry die ysbeer in die prent. ANTWOORDE Pas die skaduwee 3.…

Die vaandelparade word elke jaar op die eerste naweek van Junie gehou en is die amptelike viering van die koningin se verjaardag, wat op 21 April is. Die tradisie is 270 jaar oud en dateer terug na koning George II, wat in 1748 die jaarlikse militêre optog in die somer met sy verjaardagviering gekombineer het. Die naam Trooping the Colour dateer uit die 1700’s, toe verskeie regimente hul vlae (bekend as kleure) gewys het sodat hul medetroepe hul baniere tydens gevegte sou herken. Die parade behels meer as 1 400 soldate, 200 perde en 400 musikante. Lede van die koninklike familie wat in die parade perdry, doen dit in hul kapasiteit as koninklike kolonels van die huishoudelike kavallerie, die koningin se wagte. Die matroospakkie wat Louis na die vaandelparade gedra…

WILLEM BOTHA Die sanger was vir drie weke in Amerika om die huidige Mrs. Africa Globe, Gretha Garnett, se hare en grimering vir die Mrs. Globe-skoonheidskompetisie in Palm Springs, Kalifornië, te doen. “Dis onwerklik om hier te wees en om Amerika deur my werk te kan beleef, veral om ons eie produkte van die Willem Botha Beauty-grimeerreeks te kan gebruik,” vertel Willem. Hy het ook in Los Angeles ’n draai gemaak. “Ek het die Hollywood Walk of Fame, Universal Studios en die Santa Monica Pier besoek. Dis ongelooflik om die plekke in persoon te sien, want jy sien dit altyd net op televisie.” JEANNI MULDER Die model en voormalige Mej. SA-finalis is vir die volgende paar maande in Londen vir modelwerk. “Ek is opgewonde om weer hier te wees nadat…

1 MICHAEL LANGTAND OOR DOGTER SE EILANDKASKENADES Geen pa wil hoor sy kinders is losbandig nie, so verbeel jou die voormalige Manchester United-speler MICHAEL OWEN (42) se skok toe hy hoor sy 19-jarige dogter gaan in die werklikheidsreeks Love Island verskyn. In dié reeks ruil halfkaal jong mense maats oor en weer uit tot hulle voel hulle het die regte een ontmoet. “Dis waarskynlik ’n pa se ergste nagmerrie, maar jy moet ondersteunend wees,” sê hy oor sy dogter, GEMMA, se verskyning op die gewaagde reeks. “Ek het al baie dinge daaroor gehoor. Ek dink knorrige ou mans soos ek sal altyd ’n mening daaroor hê, want ek kyk dit nie en jy hoor net brokkies daaroor, maar sy het my verseker dis nie so erg soos ek dink nie.”…

EK WEET NIE OF DAAR REGTIG ’N BIOLOGIESE MA WAS NIE Vanuit Zeerust vertel Michael (’n skuilnaam) dat ’n surrogaats-kapadvokaat hom en sy man in 2014 na Letitia verwys het. In 2017 het Letitia hulle met die nuus gekontak dat daar ’n baba vir hulle op pad is. ’n Maand voor die bevallingsdatum het Letitia volgens Michael laat weet die ma het bloeddrukprobleme ontwikkel. “Die ma sou gekraam het, of sy het gekraam – ek weet nie eens of daar regtig iemand was nie – einde Februarie 2018,” beweer hy. Teen 22 Februarie moes hulle hoor die ma is dood en dat die baba kort ná die geboorte oorlede is, sê Michael. “Sulke dinge breek jou. Jy is so bly; jy sien so uit na die kind – en sy…

‘EK DINK ONS GAAN ONS MOSES MET TWEE VAN HULLE TEËKOM. MAAR OP ’N GOEIE MANIER’ DIS skuins ná die etensuur op ’n wolklose dag, en voor jou lê die Vrystaatse heuwels en vlaktes in die mooiste kleurskakerings gedrapeer. Voor die ou plaashuis vloei die Meulrivier vreedsaam verby; doer agter die landerye dans die bloekombome in die wind. Dis ’n bedrywige dag hier op Warden in die Noord-Vrystaat. Ver in die vlaktes jaag ’n boer en sy werkers ’n koei aan wat vanoggend gekalf het; op die kliphuis se groot werf klouter ’n kannetjie met ’n vriendelike lagmond op alles voor hom – ’n kwadfiets, ’n klipmuur en selfs die gesinshond – en Ma hol agterna, al is sy op 36 weke hoogswanger en minder rats as die 14 maande…

■ Knip en kleur self jou hare. Kyk haarklasse op You-Tube, koop ’n haarknipstel en ’n boks kleursel, en jy is slaggereed. ■ Kry ’n goedkoper haarsnit. Wees op die uitkyk vir skoonheidskole waar studente jou hare of grimering teen ’n afslag kan versorg. Party salonne bied ook op sekere dae afslag vir pensioenarisse. ■ Begin ’n bringen-deel-eetklub. Dit is ’n lekker manier om saam met familie en vriende te kuier as jy nie kan bekostig om op jou eie ’n groot aandete aan te bied nie. Elke gas bring ’n ander gereg, wat dan tussen almal aan tafel gedeel word, soos jy sou kon raai. ■ Vervang satelliettelevisie met ’n stroomdiens wat jy op jou rekenaar of slimfoon kan kyk. ■ Kanselleer jou gimlidmaatskap en volg ’n gratis aanlyn…

UITSTAPPIEMODES Shawn en sy ewebeeld-seuntjie, Aiden (4), lyk cool verby in hul bypassende winterdrag. Sjiek truie en chino’s sal jou warm hou en seker maak jy is ’n stylwenner op uitstappies. WENK Dra truie en oortrektruie by hemde en rolhalstops vir uitstappies of op kantoor. UITGEVAT Vir ’n deftiger voorkoms, dra slentersjiek hemde, skoene en baadjies. Hierdie items kan maklik gemeng-en-pas word met ander stapelitems in jou winterkas. WENK Kies aardse kleure en natuurlike skakerings van blou, groen en bruin vir ’n subtiele spatsel kleur. STAATMAKERWINTERDRAG Maak seker Pa is slaggereed vir die koue weer met dié staatmakers. ALTE POFFERIG Pofbaadjies is ’n staatmaker in enige man se winterkas. Pofbaadjies met motiewe en in helder kleure is die perfekte geskenk. Dra dit by chino’s of jeans vir ’n moeitelose deftige…

Van ingroeinaels en swamme tot eelte en knokkeleelte, die lys voetkwale wat uit onversorgde tone en ongesonde voete kan spruit, is lank, maar baie mans huiwer om professionele pedikuurdienste te soek of hulle aan selfversorging te steur. So hoe presies kan ’n bietjie bederf tot gesonder voete lei? Volgens die voetheelkundige Charlton Woodly is gereelde voetversorging belangrik vir jou algemene gesondheid. “Baie siektes manifesteer eintlik in die voete,” sê hy. “As jy nie jou voete versorg nie en jy verloor die vermoë om sonder pyn te loop, kan dit jou lewe behoorlik deurmekaarkrap.” Afhangend van hoe vinnig jou toonnaels groei, kan jy ’n pedikuur kry so gereeld as wat jy wil, solank dit veilig gedoen word. “Die deursneepersoon moet minstens een keer per maand een kry,” sê Charlton, aangesien dit…

Baie maatskappye gebruik psigometriese toetse om vas te stel of iemand vir ’n bepaalde pos geskik is. Party universiteite vereis dit ook vir sekere kursusse. Hierdie toetse is gewoonlik op ’n bepaalde rol gerig en nie so algemeen soos ’n persoonlikheidsof belangstellingstoets nie. Psigometriese toetse dek ’n reeks sake, onder meer jou vermoë om druk te hanteer, die voorkeurstyl waarop jy met ander mense werk en jou vermoë om die werk te doen wat van jou verwag sal word. Dis dus nie net ’n persoonlikheidstoets nie. “Psigometriese toetse is ’n standaard-en wetenskaplike metode wat gebruik word om iemand se geestelike vermoëns en styl van optrede te bepaal,” aldus Australië se instituut van psigometriese voorbereiding. “Psigometriese toetse stel vas in watter mate ’n kandidaat se persoonlikheid en verstandelike vermoë pas by…

‘OM ’N HUWELIK TERUG OP KOERS EN SUKSESVOL TE KRY, MOET TWEE MENSE DAARAAN WERK’– IRMA VEk was meer as 10 jaar alleen ná my eerste huwelik en is nou getroud met ’n man ’n hele paar jaar ouer as ek. Hy het in my lewe gekom toe my dogter met haar tienerdramas en verkeerde vriende op haar ergste was. Hy het begin versorger speel, my persoonlike ruimte betree en voor ek kon keer, toe trek hy in. Hy was passievol en het my lyf bemin. Maar toe ons trou, het alles doodgeloop. Ons het maande laas seks gehad, en hy beweer hy weet nie wat aangaan nie. Ek het weggesteekte opkikkerpilletjies tussen sy klere gevind. Hy het sowaar vir my gelieg en gesê dis iemand anders s’n. Ek het…

OUTOPSIE Dokkie. Elke week kyk die senior forensiese patoloog Hestelle van Staden na sake waar forensiese patologie ’n groot rol speel. Daar word onder meer gekyk na die dood van die reggaesanger Lucky Dube en die Moffat Park-reeksmoordenaar wat tussen 2005 en 2006 ’n skrikbewind gevoer en sy slagoffers in vlak grafte begrawe het. ’n Kameelperd wat die rolprentmaker Carlos Carvalho se dood veroorsaak het, word ook bespreek. DONDERDAE OM 20:00 OP VIA BESIGHEID OP ’N BORD Kook. Dene Badenhorst sit in die aanbiederstoel van dié splinternuwe reeks. Die voormalige Mej. Suid-Afrika Amy Kleinhans-Curd gee restaurateurs ’n kans om weer op hul voete te kom nadat die pandemie die gasvryheidsbedryf hard getref het. Sy soek ’n baas vir haar restaurant op Swellendam. Vier finaliste spook dit uit in die vyf…

WEEGSLIM Sannie sien haar man op die skaal besig om sy maag in te trek. “Dit help jou niks, Koos.” “Dit help my baie, Sannie! Dis die enigste manier hoe ek die nommers op die skaal kan sien!” LESNA SAAYMAN WEERLIGAFLEIER ’n Vrou vra haar man: “Laat hierdie rok my vet lyk?” “Belowe om nie kwaad te word nie, maak nie saak wat ek sê nie?” sê haar man. “Ja,” antwoord sy huiwerig. “Ek het die kar gestamp.” JOHANNA RADEMEYER OORTOLLIGE BAGASIE ’n Sakeman spook met sy enorme reissak op die vliegtuig, en ’n ka juitbeampte help hom om die sak in die oorhoofse bêreplek te kry. “Is jou bagasie altyd so swaar?” vra sy uitasem. “Nooit weer nie!” sê die man. “Volgende keer vlieg ek in die tas, en…

DIGITAAL Laai dit af by magzter.com BEL 021-406-4962 E-POS koop@huisgenoot.com Gaan na www.media24shop.com…

1 Wie het die toneelstuk Hamlet geskryf? 2 Van watter Asiese land is Phnom Penh die hoofstad? 3 Wat is die algemeenste oogkleur ter wêreld? 4 In watter wêreldstad is die Roland-Garros-tennistoernooi onlangs aangebied? 5 Van watter land was die ontdekkingsreisiger Vasco da Gama? ANTWOORD 1 William Shakespeare. 2 Kambodja. 3 Bruin. Volgens skattings het meer as 70% van mense wêreldwyd bruin oë. 4 Parys, Frankryk. 5 Portugal. BRONNE THEGUARDIAN.COM, BBC.COM, TECHHQ.COM, NEWSFORKIDS.COM, SPACE.COM, PHYS.ORG, SYFY.COM, SCIENCEALERT.COM, EWN.CO.ZA, PHAROS, HISTORY.COM, YOUTUBE, WARRIORSOFWILDLIFE.ORG…

“Hy het geweet ek het ’n obsessie met die dirigeerkuns. Ná skool het ek skone kunste studeer, en jy skep ’n karakter, en ek het ’n dirigent geskep en ’n monoloog geskryf. So dit was iets wat nog altyd binne-in my was.” – BRADLEY COOPER OOR WAAROM STEVEN SPIELBERG HOM DIE ROL GEGEE HET NEE, dis nie twee grysaards op ’n middagwandeling in New York nie. Dis die rolprentsterre BRADLEY COOPER en CAREY MULLIGAN in volle grimering vir hul komende rolprent Maestro. Hulle is afgeneem op die stel van dié fliek, die tweede een waarvoor Bradley regisseur speel. Met behulp van ’n kunsneus en baie grimering lyk die 47-jarige akteur nes die legendariese komponis Leonard Bernstein, wat ikoniese musiekspele soos West Side Story gekomponeer het. Carey (37) lyk ewe onherkenbaar…