Indholdsfortegnelse for 28 July 2022 i Huisgenoot

1 NUWE LIEFDE WINK, MAAR ‘DIS EARLY DAYS’ Ja, sy was kwaad vir Francois en Nykie, sê Leyla van Greuning van Op my eish! Maar sy verstaan nou beter en daar is nog tyd vir haar om ook liefde te vind Sy het alles om nog eendag Mej. Suid-Afrika te word en dit selfs verder te vat. Ek is so bly Francois het haar nie gekies nie, want daar wag nog groot dinge vir hierdie jong vrou. Watch this space, julle. INA Ek dink Leyla is ge-lukkig om van daai nerd ontslae te wees. Hy is duidelik nie ge-woond aan ’n mooi dame se geselskap sonder om haar te wil soen en vatterig te raak nie. Leyla, jy kan baie beter kry as dit, en ek glo vas jy sal.…

PAPPAJEANS MET ’N HOË MIDDEL Vlei jou figuur en wys jou middel in dié gewilde denimstyl van die seisoen. Dra dit by klassieke swart en wit items om die donker indigo te beklemtoon. Jy kan dit dra saam met kort toppies of snoesige sweetpaktops. UITKLOKJEANS MET ’N HOË MIDDEL Dra denim-op-denim met uitklokpypjeans en ’n denim-oorjas in ’n effens ligter skakering. Dit lyk goed saam met ligpers en pienk aksente, en die kleurinspuiting sal die manlike voorkoms effens versag. DENIM-ROMP ’n Denimromp, sykouse en stewels is perfekte winterpasmaats. Dra dit saam met ’n rolhalstop of kamisool met ’n patroon om karakter by jou laag-op-laag-voorkoms te voeg. Rond dit af met ’n donker denimbaadjie, en jy’s gereed vir enige geleentheid. DENIM-DUNGAREES Lyk komkommerkoel maar sjiek in ’n donkerdenimdungaree, en dra dit…

MAATSKAPPYE se voordele kan verskil, maar die basiese doel is om hul werknemers se welstand te bevorder. Baie van ons is gelukkig genoeg om sulke voordele te hê, en dit wys natuurlik maandeliks ’n aftrekking op jou salarisstrokie. Tog is daar verbasend baie mense wat nie mooi weet wat hul voordele alles behels nie. Is jy dalk een van hulle? Ons verduidelik ses van die algemeenste voordele. 1 LEWENSDEKKING Die meeste werkgewers bied groeplewensversekering. ● Anders as tradisionele lewensversekering waar jy die polishouer is en die premies betaal, is groeplewensversekering onder jou werkgewer se naam. Daar word maandeliks geld van jou salaris afgetrek, maar jou werkgewer is daarvoor verantwoordelik om die versekeraar te betaal. ● Groeplewensdekking is gewoonlik billiker as individuele versekering. Nog ’n voordeel is dat baie maatskappye toelaat…

DIS winter in New York. ’n Rumoerigheid heers in die redaksiekantoor toe dit meteens begin sneeu. Ek haas my na die luukse klerewinkel oorkant ons gebou om ’n serp en handskoene te gaan koop. Met my aankoms is die meeste departemente besig om te sluit. Met die vat van ’n serp met bypassende handskoene in die winkel – onwetend dat iemand anders aan die anderkant van die rondomtaliestaander dieselfde idee het – raak ek in die serp om my nek verstrengel en sukkel om asem te kry. ’n Manstem vra om verskoning en of ek oukei is, en ek kyk op in die blou oë van die aantreklike man wat my probeer stut sodat ek nie val nie. Sy oë is sag en meteens staan hy reg voor my. Ek…

GROOT BLOKRAAI NO 2 450 As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VIR JOU LEWENSVERHAAL PLUS KOM IN AANMERKING VIR DIE MAANDELIKSE TREKKING VAN R1 000. VRAAG: Watter planeet is ter sprake? Hierdie week wen een leser Die storie van my lewe, ’n pragtige hardebandboek wat jou help om jou eie lewensverhaal neer te skryf. Op dié manier kan jy jou kosbare herinneringe verewig, uitdruk wie jy as mens is en jou storie vir jou nageslag bewaar. Kort opskrifte sal jou help om jou gedagtes te orden en staaltjies oor belangrike mense en gebeure in jou lewe te onthou. Daar is ook hoofstukke waarin jy langer kan skryf oor verskillende lewensfases. Om dit te bestel, gaan na…

Penelope Heyns is bekend as een van die beste vroueswemmers wat ons land al opgelewer het. Sy het Suid-Afrika in 1996 op die Olimpiese Spele in Atlanta verteenwoordig en die 100 m-én 200 m-borsslag gewen. Sy het geskiedenis gemaak as die eerste vrou wat albei dié nommers op een Spele kon wen. Tot vandag toe nog kon niemand haar dit nadoen nie. Penny het vroeg in haar lewe al aan swem begin deelneem en dit ernstig opgevat omdat sy geweet het sy wil daarvan ’n loopbaan maak. Sy het Suid-Afrika in 1992 op die Spele in Barcelona verteenwoordig en weer in 1994 aan die Statebondspele deelgeneem. In 1996, net voor die Spele in Atlanta, het Penny ’n nuwe wêreldrekord opgestel in die 100 m-borsslag. Sy het daarna haar eie rekord…

SY WAS ’n silwerdoekliefling. ’n Verspotte, beeldskone ster met ’n breë glimlag en genoeg persoonlikheid in haar pinkie om die kollig behoorlik te steel. Die blondekop het 60 flieks agter haar naam gehad, en in 2014 was sy die Hollywood-ster oor 40 wat die meeste geld laat inrol het. Haar rolprente het meer as $7 miljard by die loket verdien, en sy was die eerste vrou wat meer as $20 miljoen vir ’n enkele fliekrol gekry het. Toe verdwyn Cameron Diaz van die toneel af. Glansryke tydskrifvoorblaaie en rooitapytverskynings was iets van die verlede. En agt jaar lank het ons haar net gesien wanneer sy inkopies naby haar huis in Beverly Hills gedoen het. Maar toe kom die nuus waarvoor Cammie-aanhangers gehoop het: Sy maak ’n terugkeer. Die 49-jarige aktrise…

OM IN die hartjie van Namakwaland aan Desert Rose te verfilm en weer die Noord-Kaap se ongerepte skoonheid te beleef was vir Amalia Uys ’n spesiale lekkerte. Kindertyd het die boorling van Springbok en haar gesin altyd somervakansies by McDougallsbaai, ’n klein plekkie aan die kus in dié provinsie, deurgebring. “Ek het altyd in daai wêreld gery en gedink hoe cool dit sal wees om iets daar te kan skiet, want die wêreld leen hom so uit vir ’n goeie storie,” sê sy. Wat Desert Rose juis vir haar besonders maak, vertel sy, is die manier waarop die plek waar dit afspeel ook ’n karakter word. En daar, met die verlatenheid van die Noord-Kaapse vlaktes om haar, kon sy ondanks die reeks se intense intrige en ’n rowwe program gereeld…

PAMPOEN-en-CHORIZO-GNOCCHI GENOEG VIR 4-6 MENSE • 300 g pampoen, in blokkies gesny• 45 ml olyfolie• 6 takkies salie, fyngekap• 600 g gnocchi• 4 eiergele• 250 ml room• 5 ml neutmuskaat• 225 g chorizo, in skywe gesny• 100 g pekanneute, fyngekap• 200 g mozzarella kaas, gerasper• sout en vars ge maalde swartpeper Verhit die lugbraaier tot 180 °C op die airfry-funksie. 1 Plaas die pampoen in die lugbraaiermandjie, en sprinkel die olyfolie en salie oor. Braai 15 min. of tot die pampoen sag maar nie pap is nie. 2 Maak intussen die gnocchi gaar volgens die aanwysings op die verpakking. Dreineer in ’n vergiettes. 3 Klits die eiergele, room en neutmuskaat saam. 4 Plaas die gaar pampoen en gnocchi saam met die chorizo in ’n bak wat in die lugbraaier pas.…

‘KINDERS IS VERANTWOORDELIK VIR HUL EIE GELUK, NES JY EN JOU MAN VIR JULLE S’N’– IRMA HELP! MY DOGTER EMIGREER V My dogter is my enigste kind. Sy is getroud en het twee jong kinders. Sy het nog altyd gesê sy sal nie emigreer nie. Toe uit die bloute kom die groot aankondiging: Haar man het ’n goeie betrekking gekry, en hulle gaan die land verlaat. Ek was so geskok, dit het kompleet gevoel of ek ’n hartaanval kry. Ek en my dogter is baie na aan mekaar, en my kleinkinders beteken alles vir my. Ons woon op dieselfde dorp, en elke keer wanneer ons nou saam kuier, praat hulle net opgewonde oor hul nuwe lewe wat wag. Al wat ek vorentoe sien, is dat ek nooit weer my kleinkinders…

1 JEREMY LOOPS IS TERUG Die plaaslike folkrocksanger JEREMY LOOPS is terug met nuwe musiek. Sy derde album, Heard You Got Love, is onlangs uitgereik en “Better Together”, die snit wat hy saam met die Britse treffermasjien ED SHEERAN geskryf het, het vinnig ’n goedvoelgunsteling geword. Hy het ook saam met Ladysmith Black Mambazo gewerk aan die snit “This Town”. Jeremy en Ed het mekaar in 2019 ontmoet toe die Grammy-sanger in Suid-Afrika opgetree het, sê Jeremy aan Huisgenoot. “Hy’t my oorgenooi vir ’n geselsie by sy partytjie ná die konsert, en dis toe dat hy sê ons moet ’n liedjie saam skryf. Die res, soos hulle sê, is geskiedenis.” Heard You Got Love is die album wat Jeremy “nog altyd wou maak”. “My hoop is dat van die dinge…

OORTOLLIG Twee mans sit en gesels. “Jy weet, dit pla my dat my vrou so aanhoudend van haar eksman praat,” sê die een. “Ag, dis niks…” sê die ander. “Myne bly aanhoudend van haar volgende man praat!” JOHAN H, GONUBIE CROCODILE KOOS Oom Koos het vir hom ’n piekniekplek by sy plaasdam ingerig, kompleet met ’n mangoboord. Een maanligaand stap hy oudergewoonte na die dam toe vir ’n bietjie alleentyd en vat ’n emmer saam om mango’s te pluk. Daar betrap hy toe ’n groepie vrouestudente van die dorp wat kaalbas swem. Ewe skaam sak die swemmers af in die water toe hy met ’n kwaai stem uitroep dat hulle oortree. “Ons klim nie uit voor Oom weggaan nie,” antwoord een. “Dis goed,” sê oom Koos en lig sy emmer…

1 Van watter land kom guacamole? 2 Na watter sport kyk jy as iemand ’n drie gedruk het? 3 Waar of onwaar: Pers is ’n primêre kleur. 4 Wat word die afdeling van wiskunde genoem wat met meting, lyne, hoeke, oppervlakte en vorms te doen het? 5 Wat word dit genoem as jy die middelpunt van ’n teiken tref? ANTWOORDE 1. Mexiko 2. Rugby 3. Onwaar 4. Meetkunde 5. Kolskoot BRONNE NYTIMES.COM, THEGUARDIAN.COM, DAILYMAIL.CO.UK, SWIMHISTORY.CO.ZA, BBC.COM, VETTIMES.CO.UK, BUSINESSINSIDER. CO.ZA, CAPETALK.CO.ZA…

Voltooi die formule Doen die somme om die regte formule vir kristalsamesmelting te kry. Dis die enigste manier waarop die XL-15 ligspoed kan bereik! Kry die span byeen Gee die korrekte naam by elke blokkie in die rooster hier onder om die spanne te voltooi. Elke ry en elke kolom moet al vier spanlede bevat. Doolhof van vorms Help vir Sox om die span deur die uitdaging te lei. Volg die sleutels deur die doolhof om veilig daardeur te kom. Ruimteredding Help Buzz tot by die ruimtetuig, en red die geel kol langs die pad. WEN Drie lesers kan ’n Disneygeskenkpak ter waarde van R8 560 wen! Geskenkpak 1 sluit in ’n Lightyear XL-15-ruimtetuig, Zurg-ruimtetuig, Buzz Lightyear-pop en ruimtetuig. Geskenkpak 2 sluit in ’n Avengers Mech Strike-pop; ’n Marvel Wooblies…

‘EK WAS ses maande swanger toe ek ons baba verloor het. Dit was in die winter verlede jaar. Dit was ’n slegte tyd ná die miskraam, en ek het nie meer mooi na myself gekyk nie. Ek het ’n erge terugslag gehad met my depressie. So toe my lewensmaat, Edmund Balie, die plasing op sosiale media sien van die Miss Wheelchair SA-kompetisie, het hy dadelik gesê ek moet asseblief inskryf. Hy het geweet dit sal iets positief wees en my weer iets gee om na uit te sien. Ons het dit albei nodig gehad ná die seer – en daar wen ek, ’n Namakwalandse meisie van Nababeep buite Springbok in die Noord-Kaap. Dit was die eerste keer wat die Miss Wheelchair SA-kompetisie aangebied is en ek was die eerste wenner.…

‘ONS het dit gedoen. Die liefde is mooi. Die liefde is goedhartig. En klaarblyklik is die liefde geduldig. Twintig jaar lank geduldig.” Met dié woorde het Jennifer Lopez die wêreld laat weet sy en Ben Affleck het afgehaak – en so nog ’n hoofstuk in hul liefdesverhaal begin; een wat amper te goed klink om waar te wees. Toe dit ’n paar maande gelede duidelik word Bennifer is régtig weer saam, was aanhangers steeds versigtig om te glo hul storie kan ’n gelukkige einde hê. Dit ís immers Hollywood, waar aan-afromanses die norm is. Sou Jennifer en Ben werklik dié keer tot trou kom? Nou het ons die antwoord: ja! Twee dekades nadat hulle hul troue op die nippertjie afgestel het, is hulle nou eindelik wel man en vrou. En…

SUID-Afrikaners sit vasgenael voor oorgeklankte Turkse telenovelles, en nou spog kykNET&kie met twee van sy eie – In die ysterhand se greep en Kind van die noodlot. ’n Suksesvolle telenovelle moet universele temas soos verlies, romanse en familie aanspreek, sê Waldimar Pelser, hoof van kykNET-kanale. “Dit moet enersyds ontvlugting bied, maar andersyds waarhede oor ons gedeelde menswees beskryf en selfs bevraagteken. “Slegs reekse wat albei regkry – ontvlugting én iets wat werklikheidsgetrou is – sal by ons kykers gewild wees. Ons glo dat die reekse waarmee ons afskop, daardie toets sal slaag,” sê hy. Die plaaslike stemme agter die Turkse akteurs sluit 40 bekendes in, soos die aktrise Vinette Ebrahim, die 7de Laner Danielle Retief, die Legacy-ster Gustav Gerdener en die Getroud met rugby-aktrises Stephanie Petersen en Mandi du Plooy-Baard.…

1 KHLOÉ EN TRISTAN WORD WEER OUERS KHLOÉ KARDASHIAN (38) en TRISTAN THOMPSON (31) se gesin word groter – maar dis ’n “bittersoet situasie”, sê mense in hul binnekring. “Khloé was in die wolke toe sy in November uitvind die surrogaat is swanger,” beaam ’n bron, “maar kort daarna is Tristan se jongste verneukery ontbloot.” Daar is onthul dat Tristan in Desember 2021 ’n kind by ’n ander vrou gehad het. Bronne na aan die egpaar sê daar is nie tans ’n romantiese verhouding tussen die ekse nie. Hulle het ’n vierjarige dogter, TRUE 2 REGTER KEUR APPÈL AF Die Amerikaanse regstelsel het AMBER HEARD pas ’n tweede dwarsklap gegee. Haar versoek dat die bevinding in haar eksman, Johnny Depp, se naamskendingsaak teen haar uitgegooi word, het misluk. Amber (36) het die…

Chris sê Nadia Minnie, Marno Muller se tannie en stigter van Angels Who Care, het hulle van die begin af genader en versoek dat hulle dringend Marno se ongeluk op hul blad moet deel. “Sy het ons ’n dag of wat later meegedeel dat daar ernstige onkoste betrokke is en dat die familie nie oor die geld beskik nie, hoewel hulle ’n hospitaalplan het.” Chris sê Nadia het later vir hulle gesê Helga sukkel baie met haar vervoer van haar huis na die hospitaal. “In daardie stadium het ek ’n ekstra voertuig, ’n VW Passat 2.0 TDI, gehad.” Dié kar is aan Helga geskenk. Chris wou dit anoniem skenk. “Ek het die voertuig by Nadia se huis afgelewer en het daar met Helga gepraat.” Maar enkele dae later het…

HULLE het probeer wegtrek van alles wat hulle herinner aan die verlies van hul twee kinders. Meer as 182 km weg, na Barrydale aan die rand van die Karoo. “Ons het besluit ons moet hier wegkom. Dis hier waar ons kinders daagliks by die see gespeel het. Die see was hul lewe,” vertel Odeté de Vries (38) oor haar en André (35) se besluit om Gansbaai agter te laat – en ook die plaasdam waarin klein Dameon (7) en Kayllé (5) twee jaar gelede verdrink het. Maar hulle het net drie maande op Barrydale uitgehou. Dit was te koud daar, sê Odeté so asof sy haarself wil oortuig. En dan gee die egpaar toe: Eintlik is dit hul oorlede kinders wat hulle hier naby Gansbaai hou. Terug plaas toe is…

LOS SNIT Van reguit snitte tot pappajeans – belê in byderwetse lospassende jeans vir ’n ontspanne aanslag op alledaagse denimdrag. Dra dit by oorgroot kort hemde of toppies en denimbaadjies vir ’n cool voorkoms. DENIMBAADJIES ’n Denimbaadjie is tydloos en ongetwyfeld een van die staat-makers in jou klerekas. Dit is so veelsydig dat jy dit dwarsdeur die jaar kan dra. Dra dit as ’n sjiek laag onder ’n winterjas of maak dit die fokuspunt van jou uitrusting saam met rokke, toppies en serpe. NOUPASSEND Beklemtoon jou kurwes in noupassende jeans soos jeggings, rekjeans en snitte wat jou vorm wys. Dra dit saam met klassieke items soos denimbaadjies en jasse of span dit in met ’n laag-op-laagwintervoorkoms. UITKLOKJEANS Uitklokjeans is terug. Doen dit soos in die 1970’s met gemaklike, byderwetsestewelpyp- en…

IDEALE KEUSES Daar is veel meer plek in die badkamer vir plante as daardie palm langs die bad. Oorweeg kleiner plante op die wasbak, oop rakke, vensterbanke, die vloer, klein tafels en selfs in die stort. Die meeste badkamers het minder lig as ander vertrekke in die huis en klein vensters. Hou dit in gedagte wanneer jy kies waar om plante in die badkamer te sit. Party het dalk indirekte lig nodig en sal goed werk op die vensterbank; ander sal dalk in flou lig floreer. Kyk op die plante se aanwysings hoeveel lig en water dit benodig. Kleiner plante sal baie goed aard op plekke soos wasbakke waar jy nie wil hê die blare moet in jou pad wees nie. Plante op rakke, die bad en dié wat hang,…

Wanneer kinders hul heil in ander lande gaan soek, is dit lewensveranderend vir almal wat daardeur geraak word. Terwyl party ouers reken dit is die beste ding wat hul kinders kan doen, kan dit vir ander geweldig traumaties wees. Is jy ’n ouer wat dieselfde pad geloop het? Ken jy ander ouers in dieselfde omgewing wat dieselfde beleef het? Waarom begin julle dan nie met ’n steungroep waar julle jul ervaring en ook praktiese wenke kan deel nie? Julle kan weekliks of maandeliks by iemand se huis bymekaar kom. Julle het die ervaring om ander hul kinders of familielede se emigrasie beter te help hanteer. Julle sal ook kan agterkom as iemand dalk eerder vir ’n rukkie professionele hulp nodig het.…

ERLA-MARI DIEDERICKS Waar trek jou uitgewer die streep oor wat jy mag skryf? My uitgewer gee my vrye teuels, maar gee my wel leiding as ek hulp vra. My laaste twee boeke val in die rillergenre en waar die eerste, Do minique, sekstonele ingehad het, het die klem in Die bewonderaar verskuif van gille van genot na gille van vrees. Daar is nie sekstonele in Die bewonderaar nie, maar daar is verwysings na verkragting, mishandeling, sadisme en mensehandel. Wat lok jou na die genre? Ek hou daarvan om speletjies met mense se kop te speel, en my boeke is ’n skaakspel waarin ek my volgende skuif altyd onverwags maak. Rillers spreek ook tot my donker kant. Is jy selfbewus om oor hierdie sake te skryf? Die mens se donker kant…

LEEU 22 JULIE – 22 AUGUSTUS Oppas om hierdie week te veel selfvertroue te hê, want jy kan as strydlustig of arrogant ervaar word wanneer jy eintlik op ’n pad is van nuwe deure oopmaak. ’n Ommekeer by die werk is dalk nie so sleg as wat dit eers lyk nie. Dit kan ’n kans wees om vry te breek, iets anders te doen of die moed bymekaar te skraap om ’n lankbegeerde verandering te maak. Maak jou reg dat jou geliefde dalk teen so ’n verandering gekant sal wees. GELUKKIGE NOMMERS 8, 22, 38, 46, 26, 20 DIE WÊRELD VAN DIE LEO ■ Jou BBP-faktor is jy is selfversekerd, ekspressief en baie, baie lojaal. ■ Jou vriende hou van jou, want jou liefde kom uit die hart. ■ Hulle…

■ Die Duitse wetenskaplike Justus von Liebig het Marmite in 1902 per ongeluk uitgevind. Hy was – tipies Duitser – besig om bier te maak toe hy sien die gis wat hy gebruik, kan gekonsentreer word en kry dan die geur van vleisekstrak. ■ Marmite is oorspronklik in ’n klein kleipotjie verkoop. Dit kry sy naam van ’n soortgelyke pot wat in Frankryk gebruik is om kos te maak, geskryf “marmite” maar – tipies Frans – uitgespreek “mar-miet”. ■ In 1912 het die Engelse biochemikus Frederick Hopkins, ’n Nobelpryswenner, en ’n kollega vorendag gekom met die teorie dat sekere siektes die gevolg is van ’n tekort aan vitamiene. Hulle het gesien Marmite het baie vitamien B, en die smeer het toe gou gewild geraak in skole en hospitale se voedingskemas.…

WELKOM BY DIE SPOORLOOS-SPAN Leché (25) van Pretoria het in 2020 mense laat regop sit toe sy haar akteursdebuut gemaak het in Huisgenoot se fliek Vergeet my nie. Nou is sy terug in nóg ’n groot rol in die splinternuwe vierde seisoen van die kykNET-dramareeks Spoorloos, getiteld Spoorloos: Die eiland. Dié keer speel sy die sanger Bobby van Jaarsveld – ja, dié Bobby! – se verloofde. “Leandri is iemand wat haar hele lewe nog na perfeksie streef. Dis wat dit partykeer so moeilik maak om met haar oor die weg te kom,” vertel Leché. “Sy’t alleen getrek na ’n nuwe dorp, ’n werk gekry as ’n eiendomsagent en toe na die perfekte maat gesoek om by haar prentjie in te sluit. Sy is ’n sterk, intelligente, moderne vrou wat tog…

NUWE SEISOEN, NUWE BOERE Marciel, wat die reeks vir ’n derde keer aanbied, is “ongelooflik opgewonde” oor die jongste seisoen. “Ons het reeds begin met die verfilmingsproses en ek het elke boer al beter leer ken,” vertel sy. “Hulle is fantasties, met baie energie! Ek kan nie wag om te sien wat die avontuur van die liefde vir elkeen gaan oplewer nie.” OP REIS MET MY #BESTIE Sy het onlangs vir twee weke in Spanje uitgespan voor die verfilming van Boer soek ’n vrou hervat het. “Ek was in 2018 in Madrid en Barcelona en het toe al verlief geraak op Spanje, en dit was altyd deel van die droom om die suide en die strande te sien,” vertel sy. Hierdie keer reis sy saam met haar beste vriendin van…