Indholdsfortegnelse for 04 August 2022 i Huisgenoot

1 ‘ELKE LEERDER MOET VEILIG VOEL’ Johannes Mouton was geskok toe hy sien hoe ’n leerder ’n ander een aanrand. Die skoolhoof word nou wyd geloof vir sy besluit om die boelie te skors Welgedaan. Ons lewe in ’n samelewing waar daar dikwels meer empatie is vir die boelies as vir dié wat geboelie word. Ek verstaan die “seer mense maak seer”-fenomeen, maar ’n mens moet êrens standpunt inneem. BELINDA Gee hom ’n trofee. Dit is goed om te sien dat minstens een skoolhoof standpunt inneem teen die boelies. Dit is ’n euwel wat uitgeroei moet word; dit vernietig lewens op ’n vroeë ouderdom, en die skade is permanent. MARIA Wat van onderwysers wat kinders boelie? Ek ken ’n klomp van hulle: wat kinders nie toilet toe laat gaan nie, wat…

DIT was haar bruin oë wat hom vasgenael gehou het toe hy haar die eerste keer op die televisieskerm sien. Nie haar lang blonde lokke, vietse figuur of smeulende skoonheid nie, maar “haar ogies”. “Dit het ’n paar sekondes vir my geneem om te weet ek is verlief, al het ek haar nog nooit in my lewe ontmoet nie,” verklap André Claassen (46) vandag hier in sy woonkamer in Pretoria. Maar dat hy en die Russiese vrou in die televisiereeks eendag saam sou wees – en hoeveel water eers in die see moes loop – het hy in sy wildste drome nooit kon raai nie. Daardie oomblik toe haar “ogies” hom die eerste keer vasgegryp het, was byna ’n jaar gelede. Hier in die einste woonkamer het André die TV…

WANNEER iemand in jou familie skielik ernstig beseer of siek word, kan dit ’n geld-krisis veroorsaak. Hierdie inligting en wenke kan jou of die pasiënt help om dit te bestuur. 1 VIND UIT WAT DIE MEDIESE FONDS BETAAL As die pasient op jou mediese fonds is of lid van ’n ander fonds is, behoort daar hospitaaldekking te wees. Maar onthou: ● Kry so gou moontlik magtiging by die fonds vir die pasient se behandeling. In noodgevalle doen die dokter of hospitaal dit soms direk, maar andersins moet jy dit namens die pasient doen. ● Alle mediese fondse dek voorgeskrewe minimum voordele (VMV’s) – ’n omvattende lys voordele vir die algemeenste chroniese toestande en prosedures. Die koste word ten volle betaal mits die fonds se voorkeurverskaffer gebruik word. Gaan VMV’s, oftewel “Prescribed…

1 Die 29-jarige Puerto Ricaanse sanger en rapper word nie verniet die “koning van moderne reggaeton” genoem nie. Sy tweede album, Vice Versa, het verlede jaar sy debuut boaan Billboard se Latyns-Amerikaanse trefferlys gemaak, en daar is geen keer aan hom nie. Rauw is veral bekend vir sy megatreffer “Todo de ti”, “Cambia el paso” saam met Jennifer Lopez, en “Te felicito” saam met Shakira, wat nou op musiekkanale en trefferlyste boer. Die musiekvideo is al meer as 241 miljoen keer op YouTube gekyk en die snit is al meer as 184 miljoen keer op Spotify geluister. 2 Hy is nie die enigste musikant in sy gesin nie. Sy pa, Raúl Ocasio, is ’n kitaarspeler en sy ma, María Ruiz, ’n sangeres. “My familie het altyd hard gewerk. My pa het…

‘ADJUDANT, hier’s ’n tannie wat jou persoonlik wil sien.” Ek kyk op na konstabel Fortuin wat in my kantoordeur staan. “Stuur haar in.” My vorige kollega het aan my verduidelik op Zoar is daar drie soorte sake wat ons met reëls moet hanteer: veediefstal, huismoles en Vrydae se dronkies. n Pragtige middeljarige vrou in ’n rooi somerrok, groot handsak aan die arm, en ’n huismoles-frons op haar voorkop stap by die deur in. Ek steek my hand uit. “Adjudant Jones, bly te kenne, Mevrou. Sit gerus.” Sy gaan sit op die punt van die bruin goewermentstoel en kyk my reg in die oë. “Weet jy waar lê Zoar se onheil? Ledigheid.” “Hoe nou, Mevrou?” vra ek verward. “Die rykes is see toe, en ék, ’n arm weduwee, moet hier met…

GROOT BLOKRAAI № 2 451 As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VIR JOU LEWENSVERHAAL KOM IN AANMERKING VIR DIE MAANDELIKSE TREKKING VAN R1 000. VRAAG: Watter soort blom is ter sprake? Hierdie week wen een leser Die storie van my lewe, ’n pragtige hardebandboek wat jou help om jou eie lewensverhaal neer te skryf. Op dié manier kan jy jou kosbare herinneringe verewig, uitdruk wie jy as mens is en jou storie vir jou nageslag bewaar. Kort opskrifte sal jou help om jou gedagtes te orden en staaltjies oor belangrike mense en gebeure in jou lewe te onthou. Daar is ook hoofstukke waarin jy langer kan skryf oor verskillende lewensfases. Om dit te bestel, gaan na…

FLIEK ZOMBIES 3 KYK DIT OP: DISNEY+ VIR OUDERDOMME: 9+ In dié derde fliek in die Zombies-reeks is Zombie Zed (Milo Manheim) en die cheerleader Addison (Meg Donnelly) besig met hul laaste jaar by hul hoërskool op Seabrook, ’n dorp wat ’n veilige hawe vir monsters en mense geword het. Zed maak reg om ’n atletiekbeurs te kry. Dit beteken hy gaan die eerste zombie word wat universiteit toe gaan. Addison maak intussen gereed om aan Seabrook se eerste internasionale cheeroff deel te neem. Maar hul planne word deurmekaargekrap toe ruimtewesens op Seabrook land. REEKS SUPER GIANT ROBOT BROTHERS KYK DIT OP: NETFLIX VIR OUDERDOMME: OUERDISKRESIE Twee reuserobotte ontdek hulle is broers en span kragte saam om die aarde teen ruimtemonsters te beskerm. As jy mal was oor Kipo and…

SY HET op ’n plaas op die Australiese platteland grootgeword, wildevarke gejag en op ’n motorfiets kerjakker. Verder van haar werklikheid kon Hollywood nie wees nie. Tog het Margot Robbie haar weg soontoe gevind – en die blinkste ster in die verre skitterlandskap geword Die 32-jarige skoonheid is pas aangewys as Hollywood se besbetaalde aktrise nadat sy sowat R200 miljoen betaal is om lewe in ’n plastiekpop te blaas. Margot is boaan die tydskrif Variety se jongste lys van topverdieners in Hollywood – en die salaris wat sy kry om Barbie in die eersdaagse Barbie-fliek te speel is dieselfde as wat Ryan Gosling – wat die rol van Ken vertolk – verdien. Gelyke betaling is steeds skaars in die rolprentbedryf, en haar salaris het haar status as een van haar…

HIER mag ons maar in én uit die slaapkamer praat. Want vandag dien die sonnige hoekie in haar eie slaapkamer sommer as kantoor. Dis eintlik meer as gepas, want in háár werk bly bedsake nie net by die huis nie. En ’n slaapkamer is mos ook nie net vir slaap nie … In haar groen sigeunerrok lyk Elna Rudolph so vry soos haar denke oor wat tussen die lakens aangaan toe sy ons in haar huis op Stellenbosch innooi. Haar blonde hare krul vleiend om haar perfek gegrimeerde gesig, en haar oë vonkel. Op die agenda? Seks. Dis ook waaroor ons haar deesdae weekliks kundig, gemaklik en guitig op die TV-skerm sien gesels saam met haar medepaneellede in die VIA-geselsprogram Uit die slaapkamer. Maar “die seksding het heel toevallig gebeur”,…

AMPTELIK hou Boris Johnson nog die Britse premierstoel warm, maar sedert sy bedanking twee weke gelede word hy selde in die openbaar gesien – en die opvolgstryd is besig om warm te word. Gaan Rishi Sunak die Britte se eerste premier van Indiese afkoms wees? Of gaan Liz Truss in die voetspore van Margaret Thatcher en Theresa May volg? Die skatryk en sjarmante Rishi het die paleisrevolusie teen Boris help lei, maar volgens die jongste peilings is Liz die gunsteling. Die wêreld sal moet wag tot September om te sien wie die Konserwatiewe Party se leierskapstryd gaan wen. ‘EK BESNOEI NIE BELASTING OM VERKIESINGS TE WEN NIE. EK WEN VERKIESINGS OM BELASTING TE BESNOEI’ SLAGSPREUK ‘READY FOR RISHI’ IN DIE EEN HOEK: RISHI SUNAK (42) AGTERGROND Sy grootouers is van…

REINIG, afskilfer, behandel, maskers, hidreer, bevog, beskerm; kom ons wees nou maar eerlik, wanneer dit by ons daaglikse velsorgroetine kom, vertroetel die meeste van ons ons gesigte met roetines wat uit talle stappe bestaan. Maar ons is geneig om die res van die liggaam af te skeep. Die vel is die liggaam se grootste orgaan en verdien om ook bederf te word, maar aangesien dit dikker as gesigvel is, toon dit nie so vinnig tekens van veroudering nie. Die resultaat? Ons is geneig om te vergeet dat dit dieselfde vertroeteling vereis voor simptome soos droë hande, rug-aknee of borsplooie begin opduik. As jou bestaande velsorgroetine steeds bestaan uit was met seep en af en toe lyfroom gebruik, is dit tyd vir verbetering wat die gesondheid en voorkoms van jou vel…

“Eers moet mense erken hulle het ’n woedeprobleem,” sê Peter. “Wanneer jy aanvaar jy is kwaad, is dit tyd om te herskep.” “Herinner jouself jy is in beheer; jy kan dink en voel wat jy ook al wil,” sê hy. “Mense projekteer graag die oorsaak van hul woede op ander. Maar is jy ’n marionet met iemand wat jou toutjies trek? Jy is in beheer van hoe jy dink, voel en optree.” Let op die fisieke tekens van woede sodat jy jouself kan kalmeer voor jy kookpunt bereik. Dalk hamer jou hart, begin jy sweet, kners jy op jou tande, word jy rooi in die gesig of spring jou kaak. Vat ’n blaaskans. Wanneer jy voel die woede begin opbou, verwyder jou van die situasie. Probeer buitentoe gaan of gaan…

1 John het verlede jaar sy debuut gemaak as Christopher Smith, oftewel die Peacemaker, in die superheldfliek The Suicide Squad. Dié vigilante baklei tot elke prys vir vrede– maak nie saak hoeveel mense hy moet doodmaak om dit te kry nie. Nou spog die karakter met sy eie reeks, Peacemaker. 2 Nadat The Suicide Squad verfilm is, het die rolprentmaker James Gunn die reeks vir die lekker geskryf terwyl hy tydens die covid-19-pandemie tuis vasgekeer was. Toe bel hy vir John (45). “James het gesê: ‘Oukei, so ek het hierdie ding gedoen. En sal jy …?’ Dit was so ’n ervaring om saam met James te werk dat ek dadelik gesê het ek stel belang nog voor hy kon sê wat hy wil doen.” 3 Peacemaker is soos ’n donkerder…

SKOBBEJAK REËN & REFENTSE Die sangduo Reën (Richann Brüssow en sy nuwe sangmaat, Nolene Spinks) span kragte saam met Refentse vir hierdie nuwe enkelsnit. Nolene het voorheen die topses in Emo Adams se talentsoekreeks, Maak my famous, gehaal. Hul jongste enkelsnit het ’n poppunktempo en smeek jou om nie by die verlede stil te staan nie. Dis basies ’n “wakkerword”-snit. As jy vir my kyk, wil ek beter lyk, as wat ek was, ek was ’n skobbejak, sing hulle. En dit blyk aanhangers kan nie genoeg daarvan kry nie. INSOMNIA BRENDAN PEYPER Kort op die hakke van sy treffer “Meisies soos jy” kom dié tweede enkelsnit van die sanger se nuwe EP. Brendan het al die snitte op die EP self geskryf. Dis ’n mengsel van sokkie, moderne pop en…

TREKMOLES ’n Ou sukkel om sy nuwe bank by sy woonstel se deur in te kry en vra sy buurman om te help. Ná 20 minute se gesukkel sê die eienaar van die nuwe bank uitasem, “Ek dink ons los dit maar vir vandag. Daar is nie ’n manier waarop ons dié ding in die woonstel gaan kry nie.” Die ou kyk hom verbaas aan: “Wag ’n bietjie, het jy gesê ‘in’?” LOUISE NOETH TERUGSKOUEND Die tienermeisie word by die voorligtingskou gevra: “Wat wil jy eendag wees as jy ouer is?” Tiener: “Jonger, natuurlik.” E. MOELICH ONDER VIER OË Jannie pak ’n foto van sy ma en pa in sy skooltas. Sy ma sien en vra: “Hoekom vat jy die foto skool toe?” “Ma, die skoolhoof kerm aanhoudend dat hy…

DIS GRATIS! WAT BEHELS DIT? Dis ’n regstreekse uitsending van sowat ’n uur lank waar jy aanlyn kan gesels met ander Afrikaanse blokraaigeesdriftiges. Jy bespreek jou “plek” vir die uitsending deur aanlyn aan te meld sodat jy ’n skakel ontvang. Op die gegewe tyd klik jy op die skakel en die uitsending verskyn op jou skerm. WAT GEBEUR TYDENS DIE UITSENDING? Die programleier – Gerda Engelbrecht, een van Huisgenoot se gereelde blokraai-opstellers – lei die groep om saam-saam ’n paar blokraaie op die skerm in te vul. Tussendeur word raad gegee, gesels en baie gelag. Dis ’n aanlyn gemeenskap van lesers wat almal een ding gemeen het: Hulle is versot op Afrikaanse blokraaie. EK IS ’N BEGINNER; EK IS BANG EK MAAK MY NAAM KRATER? Beginners sal die uitsendings baie…

1 Pablo Picasso was ’n beroemde …? 2 Waar of onwaar: ’n Volstruis se oog is groter as sy brein. 3 Manila is die hoofstad van watter land? 4 Wat word die gekleurde deel van jou oog genoem? 5 As jy ’n appel in kwarte sny en dan twee stukke eet, hoeveel stukke bly oor? ANTWOORDE 1. Skilder. 2. Waar. 3. Filippyne. 4. Iris. 5. Twee BRONNE KIDS.BRITANNICA.COM, BBC.CO.UK, KIDSNEWS.COM.AU, HISTORY.COM, NYTIMES.COM, REUTERS.COM, BLOG.EMOJIPEDIA.ORG…

Chip ’n Dale: Rescue Rangers is onlangs vir ’n Emmy vir beste TV-fliek benoem. In die fliek, wat nou op Disney+ gesien kan word, moet die chipmunks Chip en Dale probeer om in hedendaagse Los Angeles aan te pas. Dié twee chipmunks is al dekades lank bekend. Jou ouers sal beslis weet wie hulle is, en nou is die perfekte tyd om die twee outjies te leer ken en na hul streke te kyk en dit te geniet. Hier is vyf cool feite oor Chip en Dale: 1 Chip en Dale het in 1943 die eerste keer op TV verskyn in die animasiereeks Private Pluto. Die hond Pluto het in dié program by die weermag aangesluit, maar Chip en Dale het dinge vir hom baie moeilik gemaak. 2 Hierdie twee…

Hank die hond bevind homself in ’n dorp vol katte wat ’n held nodig het om hulle te verdedig teen ’n gewetenlose skurk se bose komplot om hul dorpie te verwoes. WEN Drie lesers kan elk ’n geskenkpak van R2 900 wen. Die geskenkpak sluit in Paws of Fury: The Legend of Hank-fliekprodukte, fliekkaartjies en koopbewyse vir Coke & springmielies; R500-Pet Heaven-koopbewyse en JBL Kids- draadlose oorfone. SMS die woord HANK, die antwoord op die vraag en jou naam en adres na 33150* teen Donderdag 18 Augustus om 17:00. VRAAG Is Hank ’n hond of ’n kat? *ELKE SMS KOS R1,50. JY MOET DIE GEREGISTREERDE EIENAAR VAN DIE SELFOON WEES OF DIE EIENAAR SE TOESTEMMING HÊ OM DIT TE GEBRUIK OM DEEL TE NEEM. DIE BORG IS VERANTWOORDELIK VIR LEWERING…

Wat sê die Suid-Afrikaanse wet? Enige foto’s van ’n naakte of gedeeltelik naakte kind onder die ouderdom van 18 is kinderpornografie. Dit is ’n oortreding om dit te skep en ook onwettig om dit te deel. As jou kind dit doen, kan hulle deur strafregtelike aanklagte in die gesig gestaar word ingevolge die Wysigingswet op die Strafreg (Seksuele misdrywe en verwante aangeleenthede), 2007. Die wet maak dit ook ’n oortreding vir ’n kind om een van hul maats aan te moedig, te help of te boelie om pornografiese foto’s van hulself of ander te neem en te stuur. Skokkende syfers Wêreldwye statistieke toon dat 1 uit 3 kinders seksueelverwante boodskappe stuur, sommige vannet sewe en meer algemeen vanaf 15 jaar. Gevaarligte ● Jou kind begin baie meer tyd op hul…

JARE lank het sy gevoel soos iets wat in ’n sirkus hoort. Haar welige gesighare het haar laat deurloop onder giftonge, en sy is als genoem – van ’n man en ’n monster tot ’n dierasie. Maar nadat sy die skeerroom en wasbehandelings laat vaar het, het sy die dapper besluit geneem om haar baard te los soos dit is. En vandag sê Harnaam Kaur (31) sy het nog nooit beter gevoel nie. “Ek is gelukkig om as ’n jong, pragtige, bebaarde vrou te leef. Ek het besef hierdie liggaam is myne; ek besit dit. Ek het geen ander lyf om in te woon nie, so ek kan dit netsowel onvoorwaardelik liefhê,” sê sy. Haar gesighare het op laerskool begin groei, en haar ma het haar dokter toe geneem. Op…

EERSTE FLIEKROL Die kollig ken sy góéd. As voormalige Mej. Heelal weet Zozi Tunzi al hoe dit voel om die wêreld se oë op jou te hê. Maar nou pak sy ’n nuwe uitdaging: haar akteursdebuut. Zozi speel in die rolprent The Woman King, wat in Suid-Afrika verfilm is en geïnspireer is deur die ware gebeure wat in die 19de eeu in Dahomey (in hedendaagse Benin) afgespeel het. Sy het verlede jaar tesame met Catriona Gray, Mej. Heelal 2018, agter die skerms kommentaar gelewer as aanbieders van die Mej. Suid-Afrika-kompetisie in Kaapstad toe sy die nuus kry dat sy dié rol gekry het. “Dit was my eerste keer wat ek regstreekse televisie aangebied het, so toe die nuus oor die rolprent kom, onthou ek hoe ek gedink het: Wat ’n…

‘EK HET RÉGTE TRANE GEHUIL. ONS ALMAL HET MOS MAAR TRAUMA UIT DIE VERLEDE’ OM DIE trane op bestelling vir die kameras te laat rol is glad nie so maklik nie. Veral as jy van nature lagplooie om jou mond en ’n ondeunde vonkel in daardie aantreklike groen oë het. Maar as dit is wat ’n dramatiese toneel van jou ernstige karakter verg, dan is dit wat jy moet doen, vertel Bobby van Jaarsveld – en begin op die daad demonstreer presies hoe. Woeps, weg is die glimlag, hy trek sy oë op skrefies en sy gesig word strak. Sy lippe begin bewe, en jy wil jou verbeel jy sien die eerste traan … maar dan bars hy uit van die lag. “Ek kan nie!” maak Bobby (35) verskoning. “Ek…

t – teelepel/s e–eetlepel/s k – koppie/s GARNAAL-en-PASTAGEBAK GENOEG VIR 4-6 MENSE / BEREIDING EN GAARMAAK: 35 MIN. ◗ 500 g orzo (pastarys)◗ 45 ml (3 e) olyfolie◗ 1 knoffelhuisie, in dun skywe gesny◗ 1 x 400 g-blik gekapte tamaties◗ 125 ml (½ k) gekapte stingeluie◗ 2 rooi brandrissies, saad verwyder en in dun skywe gesny◗ 700 g heel garnale, afgedop◗ 1-2 wiele fetakaas, gekrummel◗ 125 ml (½ k) fyngekapte basilieblare◗ 30 ml (2 e) suurlemoensap sout en swartpeper na smaak Voorverhit die oond tot 180 °C. 1 Maak die orzo gaar volgens die aanwysings op die verpakking. 2 Verhit die olie in ’n groot oondvaste pan terwyl die pasta kook. Roerbraai die knoffel 1-2 min. tot sag. Verwyder die pan van die hitte. 3 Dreineer die gaar pasta en…

Wit breekware en silwer eetgerei is ’n algemene keuse vir die etenstafel. Dan kan jy bloot items soos jou tafeldoek, tafelloper of plekmatte verander vir ’n splinternuwe voorkoms. Maar kleurvolle tafelgerei word ál gewilder, en daar is vele opsies om uit te kies. Hier is mooi stukke in modieuse kleure – blos, groen en blou, en swart en hout. Die kleure sal jou tafel opkikker en goed saam met ander kleure werk. Kombineer blos en blomme met wit, grys of metaalkleure; groen en blou met wit en neutrale kleure; en swart en hout met wit, groen of grys. GROEN & BLOU BLOS & BLOMME SWART & HOUT @HOME 0860-834-834 HOME.CO.ZA; APLACETOSHOP.CO.ZA 079-351-0551 (WHATSAPP); BABYLONSTOREN.COM; BLOOMSPACE.CO.ZA 082-700-3610; ETHOS-STORE.CO.ZA 010-110-7722; GAME.CO.ZA 0861-4263-227; ICONOMYONLINE.COM 081-219-0576; KITCHENIQUE.CO.ZA 011-804-5826; KNUS.CO 087-550-7600; LECREUSET.CO.ZA 0800-014-886; MRPHOME.COM 064-584-1000…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. HELP! MY VROU KOOP EN KOOP V Ek en my vrou is sowat ’n jaar getroud. Ons albei werk en het ’n begroting vir ons huishoudelike uitgawes. Elkeen het ook ’n sekere bedrag sakgeld per maand. Onlangs het ek begin agterkom dat my vrou baie aanlyn koop toe ál meer pakkies by ons afgelewer is. Ek het haar gevra of sy dit kan…

POLSSLAG Human & Rousseau R275* DIE vrou op die skrywersfoto lyk nie of sy in staat is om ’n bloed-en-dermsverhaal oor ’n reeksmoordenaar uit te dink nie. Marie Lotz lag. “Kan ’n mens ooit iemand op sy baadjie takseer?” vra sy. “Ek dink alle misdaadfiksieskrywers probeer die donker siele van moordenaars verstaan.” Sy het met haar uitstekende debuut, Roofdier, reeds gewys sy verkies die hardebaard-krimi, en met Polsslag hou sy ook nie terug nie. Marie werk nog haar hele lewe in ’n taalrigting. Sy was ’n teksredigeerder by onder meer Beeld en ’n uitgewery, en sy werk deesdae by ’n Pretoriase sielkundepraktyk as teksredigeerder van mediese, regs- en sielkundeverslae. Die droom om te skryf was egter deur al die jare daar, en sy was al as kind lief vir misdaadstories.…

LEEU 22 JULIE – 22 AUGUSTUS Jy en jou geliefde sit vas oor hoe om jul individuele loopbaanpaaie die beste te bestuur sodat julle albei kan floreer pleks van oorleef. Dis sinloos om jou kop teen die muur te stamp as julle nie vordering maak nie. Julle het dalk net ’n bietjie van ’n blaaskans weg van mekaar nodig, so hoekom nie net vir eers aanvaar dat julle van mekaar verskil nie. As jy iemand in die geheim bewonder, kan die versoeking groot wees om ’n grens te oorskry. GELUKKIGE NOMMERS 12, 35, 43, 52, 38, 25 LEO: FIKSHEID EN WELSTAND ▪ Houding oor oefening: Ydelheid dryf jou om te oefen. ▪ Voorkeuraktiwiteit: Jou beste opsie is om gholf te speel of gim toe te gaan. ▪ Finansiële fiksheid: Jy…

SYFERSTORIES 3 m Die hoogte van die skelet van ’n Gorgosaurus wat onlangs die eerste keer in New York opgeveil is. Die afslaer Sotheby’s het die geraamte beskryf as “een van die waardevolste dinosourusse wat l ooit op die mark verskyn het”. Die Gorgosaurus het 77 miljoen jaar gelede die aarde bewandel. 56 636 Die getal blikkieskoshouers wat verlede maand op Mandeladag gebruik is om ’n mosaïek van Madiba te skep. Op dié dag, waarop mense hul tyd opoffer om iets goeds te doen, het ’n organisasie genaamd Ladles of Love die blikkies aan arm mense in Kaapstad geskenk. Die organisasie werk daaraan om hongersnood te beveg. 40 °C Die hoogste temperatuur wat in Brittanje aangeteken is op die land se warmste dag ooit. Temperature wat die rekords laat spat…

KOS speel ’n belangrike rol in ons lewe. Ons het dit nodig om te oorleef, en ons moet ’n verskeidenheid kos eet om gesond te bly. Soms eet ons sekere kos omdat ons gehoor het dit is goed vir ons. Maar soms eet ons kos net omdat ons van die smaak daarvan hou. Party kos is gesonder as ander, en dit is ons verantwoordelikheid om seker te maak ons weet wat met ons kos gebeur voor ons dit eet. WAT IS DIE VERSKIL? Ons het al almal gehoor verwerkte kos is sleg vir ons en dat ons dit heeltemal moet vermy as ons gesond wil bly. Maar dit is nie noodwendig waar nie. Kos word om ’n aantal redes verwerk, en nie alles daarvan is sleg nie. Die geheim is…

‘DIE plaas was ’n rustige plek. Dit was letterlik onder die Franschhoekse berge. Ek onthou soggens as ek wakkerskrik, kon ek die tarentale en die voëltjies hoor. Daar was een blommetjie wat ek onthou wat so lekker geruik het. Dit was great op die plaas. Smiddae as ek en my vriende uit die skool gekom het, het ons Brakanjan gekyk en dan soos musketiers in die boorde met houtswaarde gevegte gehad. Dis wat ek van my kinderjare op daai plaas onthou. Die dag wat ons van die plaas af uitgesit is, is ’n dag wat vir my altyd sal uitstaan. Ek was 15, en daar was rumours op daai stadium. My ouers het geweet dit gaan kom, want daar was rumours oor dit – die ander mense was al uitgesit.…

‘SY IS KLAAR MET TRISTAN EN SY LEË BELOFTES’ HUL verhouding het meer kinkels en kronkels as ’n goedkoop tuinslang. Hy het haar verkul terwyl sy swanger was, ’n familievriendin gesoen, en boonop by sy persoonlike afrigter ’n kind verwek. ’n Mens sou dink Khloé Kardashian (38) sou ná dit alles niks meer met Tristan Thompson (31) te doen wou hê nie, maar twee klein mensies sal sorg dat Khloé en Tristan altyd ’n band sal hê. Hul dogter, True, is vier. En hul tweede baba sal eersdaags deur ’n surrogaat gebore word. Dit sal die basketbalster se vierde kind wees. En al praat hy en Khloé skaars met mekaar, het sy “geen twyfel” dat hy ’n goeie pa vir die nuwe kleinding sal wees nie, sê sy. “Die een…

VOOR DIE KAMERA Die paartjie en hul seuntjie het onlangs ’n gesinsfotosessie net voor sonsondergang in Durbanville in die Wes-Kaap gehad. “Joshy was vir die eerste 45 minute baie geduldig, maar toe raak hy honger en moeg. Hy is nes sy pa, hulle hou niks van foto’s nie,” vertel Charlene. Die fotograaf Vanessa Correia van Menina & May het die gesin afgeneem. “Sy het ’n spesiale gawe met kinders en het wonderlike oomblikke vasgevang waarvoor ek baie dankbaar is,” sê Charlene. ASPOESTERTJIEOOMBLIK Sy is eintlik gemakliker agter ’n kamera as voor een, bieg Charlene, maar sy het gestraal in ’n rooi skepping deur die Kaapse ontwerper Cindy Bam. “Ons paadjies het einde laasjaar gekruis en ek het geweet ek wil eendag een van haar mooi skeppings dra,” vertel Charlene. Sy…

“My gunsteling-ding ooit, wat ek nog moet bereik, is dat ek ’n kind wil hê. Dit is my droom.” – PETE DAVIDSON SÊ HY WIL ’N PA WEES “ ’n Voorbeeld sou wees: Het jou ma jou geborsvoed? Dis ’n goeie vraag, want dit het baie met jou sielkunde en jou geaardheid te doen.” – MEGAN FOX OOR EEN VAN DIE VREEMDE VRAE WAT HAAR VERLOOFDE, MACHINE GUN KELLY, HAAR GEVRA HET TOE HULLE BEGIN UITGAAN HET “Ek is nie eintlik die ruimte gegun om te glo ek is begeerlik nie. Vir my is ’n deel van popster wees dat mense jou wil wees of by jou wil wees – DIE RAPPER LIZZO OOR DIE GEBREK AAN LIGGAAMSINKLUSIWITEIT IN DIE MUSIEKEN MODEBEDRYF “Ek mis dit regtig glad nie. Die span…