Indholdsfortegnelse for 18 August 2022 i Huisgenoot

1 ‘EK VOEL WEER SOOS ‘N KLEIN DOGTERTJIE’ Rolene Strauss, ons voormalige Mej. Wêreld, het op 30 besluit om te leer balletdans. “Dis baie uitdagend, maar ek geniet dit,” vertel sy Ai, dis iets wat ek ook as kind so graag wou doen. Maar my ma het gesê: “Nee, dit sal jou leer dans.” En toe ek 12 jaar oud was en in elk geval kon dans, het sy gesê ek is te oud om met ballet te begin. Toe nie, wys Rolene ons! AMANDA Jy is nooit te oud vir iets nuuts nie. Ek en my man het op 60 begin rolbal speel. Glo my, jou lyf is seer ná ’n dag se speel. Maar ons het wonderlike nuwe vriende ontmoet en dit hou ons kop en lyf aktief. Hou…

MEER as ’n jaar gelede het goeie vriende haar vertel van die “wonderlike ou” wat sy móét ontmoet. Hy het dieselfde persoonlikheidseienskappe as haar pa, het hulle vertel – ’n sin vir humor en hy is nie te uitgesproke nie. Sommer net ’n maklike mens, perfek vir haar. Maar daar was een probleem: Hy woon in Amerika! Die aktrise het haarself enkele maande tevore in Seepunt in Kaapstad kom vestig om ’n nuwe hoofstuk in haar lewe aan te pak. Sy het haar plekkie by die see geniet en wou niks weet van verhuis nie. Maar vandag is die aktrise Marguerite van Eeden (25) ewig dankbaar dat sy van Roy Harris (29) vertel is deur hul gemeenskaplike vriende, die akteur Edwin van der Walt en sy verloofde, Izél van der…

t – teelepel/s e–eetlepel/s k – koppie/s KOEKSISTERS LEWER ONGEVEER 36 KOEKSISTERS, AFHANGEND VAN DIE GROOTTE BEREIDING: 45 MIN. / GAARMAAK: 30 MIN. / STAAN: 30 MIN. DEEG ◗ 500 ml (2 k) koekmeel◗ 10 ml (2 t) bakpoeier◗ 2,5 ml (½ t) sout◗ 30 ml (2 e) gesmelte botter◗ 1 eier◗ 180 ml (¾ k) melk AFRONDING ◗ olie, vir diepbraai◗ 1 x hoeveelheid koue suikerstroop (sien resep links op bl. 27) 1 Deeg Meng die meel, bakpoeier en sout in ’n groot mengbak en maak ’n holte in die middel. 2 Klits die botter, eier en melk goed saam en giet dit in die holte van die droë bestanddele Meng goed tot die deeg begin saamkleef. 3 Keer die deeg uit en knie tot glad en elasties. Bedek…

BYKOMSTIGHEDE & BELIGTING MEUBELS & BÊREPLEK OPPIE MURE RUS & ONTSPAN KRY DIT HIER @HOME HOME.CO.ZA, 0860-834-834; APLACETOSHOP.CO.ZA, 079-351-0551 (WHATSAPP); AUTISM RESOURCES, 021-201-1238; CLMHOME.CO.ZA, 021-856-0484; DESIGNSTORE.CO.ZA, 071-670-2575; FANTASTICK.CO.ZA, 012-667-3109; GAME.CO.ZA, 0861-4263-2273; GROENJAN.CO.ZA, 082-749-6393; HUMBLESAFFA.CO.ZA, HUMBLESAFFA@GMAIL.COM; IKIDS.CO.ZA, 074-791-0000; KIDSLIVING.CO.ZA, 021-418-0615; MAPETITE.CO.ZA, 010-443-7136; MRPHOME.COM 064-584-1000; NESTDESIGNS.CO.ZA; NIFTYGIFTS.CO.ZA, CONTACT@NIFTYGIFTS.CO.ZA, 082-747-5443; PEPSTORES.COM, 0860-737-000; WOOLWORTHS. CO.ZA, 0860-022-002; YUPPIECHEF.COM, 0861-702-4969…

ONS almal se omstandighede verskil, en jy moet dalk moeilike geldkeuses maak. Soos wat is belangriker: om eerste jou skuld af te betaal, of om alles te spaar wat jy kan? Hier is vier vrae wat jou kan help om te besluit hoeveel om in watter blikkie te sit. 1 HET JY HOËRENTESKULD? Hoe duur jou skuld is, sal ’n groot rol speel in of jy jou ekstra rande moet spaar of eerder skuld moet delg. Die rente wat jy betaal op “duur skuld” soos kredietkaarte, betaaldaglenings, winkelkaarte en persoonlike lenings is gewoonlik hoer as die rente wat jy uit die deursneespaarplan kan verdien. Dit is dus wys om duur skuld so gou moontlik af te betaal. ? Die maksimum wetlike rentekoers op kredietkaarte is die repokoers (teen druktyd 5,5%)…

1 Hy was besig om die TV-reeks Peaky Blinders te skiet toe hy die draaiboek vir die fliek gekry het. “Om ’n bendelid in die 1930’s te speel is baie anders as om ’n sekswerker te speel,” sê Daryl. “Ek was uitgeboul dat ek oorweeg is om in ’n fliek te wees met iemand soos Emma. Ek is nog relatief nuut in my loopbaan, so dit was vir my baie vleiend.” 2 Hy het oor Zoom met sekswerkers gesels om vir die rol voor te berei. “Ek het mense ontmoet wat baie sterk in hul sin van self was. En hulle was op sekere maniere baie dapper, want hulle moes soms stoksielalleen na baie gevaarlike plekke gaan.” 3 Sy ma is Iers en sy pa Amerikaans. Hulle het mekaar een…

Afdelings • Poësie • Prosa • Redenaars • Sang Inskrywings Dit kos R120 per afdeling om in te skryf. Jou betaalde inskrywing gee jou toegang tot ’n eksklusiewe aanlyn meesterklas deur ’n vermaakkunstenaar, wat topwenke vir jou optrede sal deel. Die meesterklasse word deur ons beoordelaars aangebied: Poësie FRIEDA VAN DEN HEEVER Prosa ROELINE DANEEL Sang LYNELLE KENNED Redenaars SUE PYLER HOE WERK DIT? Skryf in en kyk na die afdeling waarin jy wil deelneem se meesterklas – kom leer by die bestes in die kunste-en vermaakbedryf! Deel dan op die webblad ’n video-opname waarin jy: n liedjie sing ’n gedig voordra ’n stuk prosa dramatiseer of as redenaar jou toespraak lewer Besoek eisteddfod.huisgenoot.com om deel te neem. PRYSE Daar is lekker pryse op die spel! Een deelnemer word aangewys…

Op hierdie dag is die laaste kwagga ter wêreld in ’n dieretuin in Amsterdam, Nederland, dood. Die diere het in Suid-Afrika voorgekom en die vlaktes van die Karoo bewoon. Hulle was bekend vir die wit strepe wat net aan die voorste helfte van hul lyf voorgekom het. Die boonste deel van die dier se lyf was ligbruin en hul maag en bene naaswit. Al is eers gemeen die dier was ’n afsonderlike spesie, het wetenskaplikes wat die diere se DNS getoets het, bevind hulle was familie van die vlaktesebra. Die kwagga se naam kom van die Khoi-Khoi-woord vir sebra. Die diere was sowat 257 cm lank en tussen 125 en 135 cm hoog by hul skouers. Nadat die Nederlanders na Suid-Afrika geseil en hulle hier kom vestig het, het hulle…

REEKSE HE-MAN AND THE MASTERS OF THE UNIVERSE KYK DIT OP: NETFLIX VIR OUDERDOMME: OUERDISKRESIE He-Man, die magtigste man in die heelal, en sy span nuwe helde moet die skurk Skeletor aanvat en die planeet Eternia red in die hoop om die geheime van Castle Grayskull te beskerm. Skeletor het sy oog daarop omdat dit die meeste krag in die heelal bevat. He-Man en sy dapper span helde moet Skeletor in sy spore stuit voor dié chaos saai en weer die vrede herstel. Wie gaan op die ou einde koning kraai oor die heelal? DEEPA & ANOOP KYK DIT OP: NETFLIX VIR OUDERDOMME: ALMAL Dié musiekgedrewe animasiereeks volg die avonture van ’n sewejarige dogtertjie, Deepa, en haar beste vriend, Anoop, ’n babaolifant wat van kleur kan verander. Deepa is van…

DR. DUDU MKHIZE, WISKUNDIGE EN SKRYWER, JOHANNESBURG ‘WISKUNDE het nie ’n “regte” antwoord nie. Onderwysers dink wiskunde en wiskundeprobleme het net een regte antwoord, en as kinders nie daardie regte antwoord kry nie, verstaan hulle nie wiskunde nie. Wiskunde is eerder gereedskap. Dit is nie net swart en wit nie. Wiskunde is daar vir probleemoplossing, en dit is hoe kinders en onderwysers daarna moet kyk. As onderwyser en wiskundige het ek nog altyd geweet daar is iets verkeerd met die onderwysstelsel. Onderwysers is geneig om die skuld op die leerders te pak as hulle swak punte of geen belangstelling in wiskunde toon nie, maar dit is die wiskundeonderwysers wat nie die nodige kennis en vaardighede het om die vak so aan te bied dat kinders dit verstaan nie. Dit het…

SOOS baie ma’s is sy bedags by die werk doodmoeg, want haar babaseuntjie van nege maande hou haar dikwels snags wakker. En wanneer sy tuiskom, moet haar oudste kind, Ava (7), ook nog aandag kry. Maar Angelique Jonas sal selfs die moeilikste dag vir niks verruil nie, want net ’n jaar gelede het sy teen ’n seldsame velkanker gestry – en gevrees dat sy in die proses haar ongebore baba sou verloor. Sy was ses maande swanger met Ethan toe melanoom by haar gediagnoseer is. Die dokters het haar gewaarsku sy sou waarskynlik haar kind verloor. “Hulle het my ongebore baba behandel asof hy ’n ‘dit’ was,” vertel sy. “Hulle het net daaraan gewerk om my lewe te red.” Maar Angelique was vasbeslote om vir haar baba én haar eie…

Mpho en Mphonyana Mathibela het in 1986 die wêreld se aandag aangegryp met hul geboorte in die Tshepong-hospitaal in Klerksdorp in Noordwes. Die tweeling is in 1988 suksesvol geskei, maar klein Mphonyana is ’n jaar later aan longontsteking dood. Mpho (34), wat gesukkel het met loop, is in 2021 oorlede nadat sy jare lank aan epilepsie gely het. Die Kanadese saamgegroeide tweeling Krista en Tatiana Hogan (15) is in Vancouver gebore en is ’n wonderwerk genoem. Die twee deel ’n kop en brein en het onthul dat hulle die vermoë het om deur mekaar se oë te sien en te voel wat die ander een ervaar. Hul verbinding strek ook na ander liggaamsdele. Tatiana beheer drie arms en ’n been, terwyl Krista drie bene en ’n arm beheer.…

“Daar was soveel voordele daaraan verbonde om daardie fliek te maak. Ek bedoel, daar sou 200 mense wees saam met wie ek nooit geslaap het nie.”– JENNIFER COOLIDGE erken haar rol in American Pie het vir heelwat nuwe bedmaats gesorg. “Ek het ’n gesigsontrimpeling gekry en daarna daarmee opgehou, want ek wou nie verwronge lyk nie. Ek is nie trots daarop dat ek een gehad het nie.”– JANE FONDA “Kyk minder in die spieël; wees minder behep. Kyk na die res van die wêreld om te sien hoe jy eerder jou tyd kan gebruik.”– JENNIFER GARNER se skoonheidsraad aan haar dogters “Die eerste ding wat ek gaan koop, is ’n mikrofoon.”– OZZY OSBOURNE oor die eerste geskenk vir sy dogter Kelly Osbourne se baba “Ek is uiters gefokus daarop om…

BRITNEY SPEARS het haar stilte verbreek oor haar eksman KEVIN FEDERLINE se skok-onthullings oor hul kinders. In ’n ITV News-onderhoud wat binnekort op televisie uitgesaai sal word, sê Kevin hul seuns, SEAN PRESTON FEDERLINE (16) en JAYDEN JAMES FEDERLINE (15), “het besluit hulle sien haar nie nou nie”. “Hulle het haar ’n paar maande laas gesien,” vertel Kevin. “Hulle het die besluit geneem om nie na haar troue toe te gaan nie.” Kevin (44) sê ook dit is vir Britney se seuns “moeilik” wanneer sy amperkaalfoto’s van haar op sosiale media plaas. “Ek probeer net vir hulle verduidelik: ‘Kyk, dalk is dit net nog ’n manier hoe sy haar probeer uitdruk.’ Maar dit verminder nie wat dit aan hulle doen nie. Dit is moeilik. Ek kan my nie indink hoe…

HUH? Na watter moord verwys jy? Dis een van die vrae waarmee Huisgenoot byna ’n jaar ná die skokmoord op ds. Liezel de Jager (38) gekonfronteer word toe ons by die polisie probeer vasstel hoe dit met die ondersoek gaan. Dié moord het die land geruk nadat Liezel se lyk naby die agterdeur van die pastoriehuis van die NG kerk Suidkus op Amanzimtoti in KwaZulu-Natal aangetref is. Haar persoonlike besittings is verlate en onaangeraak op die toneel gekry, en die maande daarna het oënskynlik geen nuwe leidrade in die soektog na haar moordenaar opgelewer nie. Wat sê die vermoorde predikant se man, Werner, hieroor? Hy swyg. Waar hy hom bevind, weet nugter – hy wil dit nie self verklap nie, en ook nie die mense wat wél weet nie. Hy…

DIS ’n Vrydagoggend op die O.R. Tambo-lughawe in Johannesburg en ’n geesdriftige groep ondersteuners is daar om hul helde toe te juig. Die Suid-Afrikaanse swemspan keer terug van die Statebondspele in Engeland en onder hulle is Suid-Afrika se nuwe goue meisie – die swemmer Lara van Niekerk. Met die twee medaljes wat sy saambring, het sy rede om haar soos ’n superster te gedra, maar vandag flits Lara se oë deur die skare op soek na een mens: haar ma. En toe sy ma Hanalie gewaar, kies sy reguit koers na haar om haar eers lank en styf vas te druk. Want al het sy nou die stoffasie om ’n superster in die sportwêreld te wees, is Lara steeds ’n plat-op-die-aarde tiener van Pretoria. Haar blonde hare met die effense…

ERKEN dit maar. Enige TVreeks is lekkerder om te kyk as daar ’n nare skurk in is. En in Survivor SA was dié skurk dikwels die Kapenaar Marian de Vos. Die konkelaar wat niks daarvan dink om een alliansie vir ’n ander te verruil nie. “Ek het ’n alliansie binne ’n alliansie binne ’n alliansie,” sê sy met ’n glimlag. En nee, sy vra niemand om verskoning nie. Sy sal dit enige tyd weer doen. Trouens, sy lek al geruime tyd haar lippe af vir ’n kans om soos ’n gesoute speler haar vermoëns in die nuwe seisoen, Survivor South Africa: Return of the Outcasts, ten toon te stel. Toe die kans kom om aan nog ’n seisoen van die reeks deel te neem, het sy nie ’n oomblik oor…

PRETTIGE PATRONE Helder kleure en robuuste patrone is die hoeksteen van hierdie neiging. Van psigedeliese en vloeiende tot geometriese retro-patrone, glip dié moet-hê-items net so aan of meng en pas verskillendes vir ’n prettige en sorgelose voorkoms. WENK Bypassende patrone laat jou uitstaan en lyk treffend. ROCK ’N’ ROLL-ROKKE Laat die koppe draai in dié patroonrokke. Hou dit sjiek met strepe of maak ’n behoorlike stylstelling in abstrakte en helder rokke met geometriese en retro-blompatrone. WENK Patrone saam met soliede kleure is ’n maklike manier om aandag te trek sonder om oordadig te lyk. 4 maniere met motie we BOHEEMS MOOI Dra abstrakte patrone met ’n 1970’s-gevoel saam met spierwit bykomstighede vir ’n treffende voorkoms. Rond jou retro-sjiek uitrusting af met ’n haarband, platformskoene en oorbelle met madeliefie-detail. GEO-SJIEK Geometriese…

DIE HART HET SY REDES Deur HELENA GUNTER Protea Boekhuis R235* Daar is heelwat karakters in Helena Gunter se nuwe kortverhaalbundel wat ’n mens laat wens hulle het regtig bestaan, mense soos Basie Venter, die haarkapper met die blonde kuif, Mieta wat vir Sarah ’n uithangtroue reël en Mollie wat haar trousseau in die rivier gooi. Ja, sê Helena, maar hoewel mense, plekke, geografie en voorvalle herkenbaar is, herskep sy dit tot nuwe werklikhede. “Daar was byvoorbeeld werklike ‘inkommers’ wat die dorp ‘soos los blare in-en weer uitgewaai het, met ’n streep gebroke harte in hul sleurstroom’, maar ek gee hulle ander name en milieus as in die werklikheid. verbode liefde, maar die verbode liefde was nie tussen ’n balletdanseres en ’n apteker nie.” Helena vertel die groot gebeure soos…

STADIGE GIF Pastoor: “Gert, ou vriend, jy moet die drank los. Dit maak jou stadig dood.” Gert: “Ek verstaan so, Pastoor, maar ek is nie haastig nie.” JANETTE D, ROODEPOORT SMULVRAAT Die tannie is al die jare Sondae getrou op haar pos in die voorste kerkbank, maar die ou oom bly altyd tuis. Mettertyd merk die dominee op dat sy pligsgetroue gemeentelid die nuwe gewoonte het om met ’n kardoesie in haar hand na die eredienste te kom. Later kan hy sy nuuskierigheid nie bedwing nie en vra hy haar daaroor. “Dominee, die saak staan so,” verduidelik sy. “Ek maak elke Sondag seker dat die skaapboud vir middagete gereed is voor ek kerk toe kom. Maar ek is nou moeg daarvoor dat die oom al die lekkerste stukkies vleis opeet…

GROOT BLOKRAAI NO 2 453 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. WEN ’N BOEK VIR JOU LEWENSVERHAAL PLUS KOM IN AANMERKING VIR DIE MAANDELIKSE TREKKING VAN R1 000. VRAAG: Watter adellike titel is ter sprake? Hierdie week wen een leser Die storie van my lewe, ’n pragtige hardebandboek wat jou help om jou eie lewensverhaal neer te skryf. Op dié manier kan jy jou kosbare herinneringe verewig, uitdruk wie jy as mens is en jou storie vir jou nageslag bewaar. Kort opskrifte sal jou help om jou gedagtes te orden en staaltjies oor belangrike mense en gebeure in jou lewe te onthou. Daar is ook hoofstukke waarin jy langer kan skryf oor verskillende lewensfases. Om dit te…

1 Watter seisoen is dit nou in die Noordelike Halfrond? 2 Waar of onwaar: Die hardste klank wat nog aangeteken is, het van ’n vulkaan gekom. 3 Karmosyn is ’n skakering van watter kleur? 4 Wat is die hoofstad van Skotland? 5 Vir watter sport wat op ys gespeel word, word die volgende toerusting gebruik? ANTWOORDE 1. Somer 2. Waar – In 1883 het die Krakatoa-vulkaan in Indonesië uitgebars. Mense het die klank 3 500 km ver in Australië gehoor. 3. Rooi 4. Edinburgh 5. Ysbal BRONNE: BBC.CO.UK, ALJAZEERA.COM, KIDSNEWS. COM.AU, WEFORUM.ORG, EDITION. CNN.COM, SAHISTORY.ORG.ZA, LONELYPLANET.COM, DOGONEWS.COM, SPACE.COM…

HET JY GEWEET? Die planeet Uranus lê op sy sy nadat hy miljoene jare gelede deur ’n ander hemelliggaam omgestamp is. HET JY GEWEET? ONTDEK DIE RUIMTE REISSAAMDEURDIEKOSMOS VERKENPLANETE ENSTERRE, SKIETOPMAANENMARSTOE, KUIERINDIERUIMTESTASIE& NOGBAIEMEER PLUS HEERLIKE PRETAFDELING: KNIP UIT & SPEEL! HET JY GEWEET? Waterbeertjies is mikroskopiese diertjies wat sonder ’n ruimtepak in die ruimte kan oorleef. DIGITAAL Laai dit af by magzter.com. BEL 021-406-4962 EPOS koop@huisgenoot.com Gaan na huisgenootwinkel.com…

Op huisgenoot.com kan kinders nou die nuwe aanlyn Afrikaanse kinderprogram Die Babbelbende kyk In dié videoreeks ondersoek die karakters Bibi, Ben, Paloeka die leeu en Palawa die kameelperd saam interessante dinge terwyl hulle speel-speel meer oor ons wonderlike wêreld leer. Besoek huisgenoot.com, kies dan “HG Junior” en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is sowat 12 minute lank. Op naweke deel ons aanlyn ’n omnibus van vyf episodes. Huisgenoot.com is deel van Netwerk24, en jy moet registreer om die episodes van Die Babbelbende te kyk. Besoek netwerk24.com om te registreer of laai die app in jou app-winkel af. Kom leer ken Die Babbelbende – en geniet hul vrolike…

DIE volmaakte Instagramfoto gebeur nie sommer net nie – en dis ook nie altyd eg nie. As jy dit rég wil doen, moet jy dink oor die hoek waarteen jy dit neem, hoe die lig moet val, wat op die agtergrond gaan wys. En dan moet jy seker maak almal op die foto lyk op hul beste, en ’n filter inspan as ’n ongewenste plooi te duidelik is. Party gebruikers gaan selfs so ver om beroepsfotograwe te betaal vir hul Instagramfoto’s, net om seker te maak joune troon bo ander s’n uit. Maar dié onegtheid steek ál meer mense dwars in die krop. Wat as ek net vir my vriende wil wys hoe my lewe régtig lyk? Al is dit dan ook soms hoe saai, sonder glans of gewoon. Dis…

BAIE jare het verloop sedert hy die eerste keer as lewensredder in ’n rooi speedo die branders bestorm het, maar bitter min het verander aan sy voorkoms. Daar is steeds die sonbruin vel, die skitterwit glimlag, en die gespierde bolyf – hy’s steeds die ene Baywatch. David Hasselhoff het op 70 dalk meer plooie as toe hy in die negentigerjare as die karakter Mitch Buchannon swemmers uit die see gered het, maar The Hoff is klaarblyklik gegiet uit die soort stof wat nie vergaan nie. Hy het onlangs sy mylpaalverjaardag gevier saam met verskeie van die akteurs uit die trefferreeks: Kelly Packard, wat April gespeel het; David Chokachi, die karakter Cody; Jeremy Jackson, Mitch se seun Hobie; en Parker Stevenson, destyds bekend as Craig. Pamela Anderson, die beroemdste Baywatch- bom…

KYLIE JENNER het onlangs onder kwaai kritiek deurgeloop oor sy uiters kort vlugte in haar privaat straler onderneem, en op die internet is sy as “ ’n klimaatsmisdadiger” gebrandmerk. Maar blykbaar is sy nie die glansmens wat die ergste oortree nie. Volgens nuwe navorsing is TAYLOR SWIFT die bekende wat die meeste koolstofdioksied vrystel weens die gebruik van privaat stralers wat brandstof vreet. Sedert Januarie het die sangeres 170 keer in haar privaat vliegtuig gevlieg. Die kortste vlug het net 36 minute geduur en die langste 80 minute. Basies was Taylor se straler in net 200 dae verantwoordelik vir 8 000t se gasvrystellings – dis meer as 1 000 keer die deursneemens se jaarlikse vrystellings. Duisende aanhangers kritiseer die popster se oormatige lugreise – en dit boonop in ’n klimaatskrisis.…

THE SANDMAN-PREMIÈRE LONDEN EASTER SUNDAYPREMIÈRE LOS ANGELES BULLET TRAIN-PREMIÈRE LOS ANGELES…

DIT was haar seuntjie wie se stryd die land geruk het, maar dit is haar suster wat nou in die spervuur is. En van bontstaan en vure doodslaan kan niemand Helga Muller na dese iets vertel nie. Nadat die skenkersgeld ingerol het om haar seuntjie se hospitaalrekeninge te dek nadat hy byna doodgewurg het op die glyplank van ’n Brakpanse kleuterskool, het vrae ontstaan oor hoe Marno Muller (5) se ma die skenkersgeld bestee. Voor in die koor was haar eksman, Rudi Muller, en Helga se eie suster, Nadia Minnie. Laasgenoemde is die stigter van Angels Who Care, ’n organisasie sonder winsoogmerk wat aktief vir Marno geld ingesamel het. Maar in ’n dramatiese wending het verskeie mense intussen na vore gekom om die vinger na Nadia te wys – en…

WANNEER ’n mens Mosselbaai op die N2 nader, pryk ’n beroemde gesig op ’n enorme advertensiebord vir aftreeoorde langs die pad. “Soos aanbeveel deur Riaan Cruywagen … die perfekte oplossing vir bejaardes wat graag by die see wil aftree,” sê die lokteks. Dis ’n goeie bemarkingskeuse. Want álmal ken sy naam – maak nie saak in watter generasie jy gebore is nie. Vir die oueres is hy die betroubare gesig van die nuus en die herkenbare stem agter Haas Das. Vir die jonges is hy ’n “meme”, die trefreël van grappies. Soos: “Chuck Norris het ’n plakkaat teen sy kamerdeur van Riaan Cruywagen.” Of daai verjaardagkaartjie met sy gesig op: “Brekende nuus: Jy is nou vrek oud.” Hy het self verlede jaar vir sy 76ste verjaardag in Oktober so een…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. ‘MOENIE SKULDIG VOEL AS JY JOUSELF NIE IN DIE AFSIENBARE TOEKOMS IN ’N HUWELIK SIEN NIE’– IRMA OUERHUIS WORD ’N ROMMELHOOP V Ons ouerhuis was altyd baie netjies, maar sedert ek en my sibbes die huis verlaat het, het die toestand daarvan geleidelik agteruitgegaan. My ouers se opgaardery het so handuit geruk dat nie een van ons meer daar gaan kuier nie. Dis hope…

WAAROOR GAAN DIT? Die 55-jarige weduwee Nancy Stokes (Emma Thompson) was haar lewe lank getroud met ’n superkonserwatiewe man. Ná sy afsterwe – en met hul kinders al groot en uit die huis – is dié afgetrede onderwyseres desperaat om op te maak vir verlore tyd. Sy soek ’n seksuele ontwaking wat sy misgeloop het terwyl sy haar lewe lank in haar man se behoeftes voorsien het en haar eie begeertes op ys gesit het, veral wat seks betref. Sy span die hulp van die jong sekswerker Leo Grande (Daryl McCormack) in en gebruik hom as haar persoonlike seks-en verhoudingsensiklopedie. En hy hou nie terug met sy antwoorde nie. Leo beantwoord al haar vrae, want sy het vir ewig gewag en wil alles in die slaapkamer beproef. WAT ONS DAARVAN…

Elke jaar besoek Micky die landbouskou, elke jaar met ’n nommer wat die vorige jaar s’n oortref. Die eerste jaar verskyn hy met ’n vet man in ’n karavaan. Jy betaal en dan kan jy deur ’n groot venster, spesiaal aan die kant van die karavaan ingebou, vir die man kyk. Dié sit op ’n skuimrubbermatras, kaalbolyf met net ’n broekie aan soos mens laterdae op TV sien sumo-stoeiers dra. Al die walle en hompe van die arme mens ten toon gestel. Kennie Loots is ontevrede. Hoekom nie liewer ons eie Little-Lottamet-die-bene op ’n matras in ’n karavaan sit en so plaaslike talent ondersteun nie, meen hy. Dominee moet Kennie aanspreek; almal weet Little Lotta (klein Liesbet Wahl) is met elefantiase gebore. spookOf Micky Kennie se kritiek ter harte neem,…

LEEU 22 JUL – 22 AUG Met Venus, die planeet van liefde en toegeneentheid, wat tans deur die vrygewige Jupiter ondersteun word, kan jy vergewe word as jy dink dat die wêreld vir jou oopstaan. Deel jou vrygewigheid en groothartigheid met dié wat minder as jy het, hetsy op ’n praktiese of emosionele vlak. Moet egter nie toelaat dat iemand jou skuldig laat voel oor geld, bates en besittings nie. Dit is jou keuse hoeveel en met wie jy deel. GELUKKIGE NOMMERS 13, 22, 43, 49, 33, 15 MAAGD 23 AUG – 22 SEP Wees bedag daarop om aannames in jou liefdeslewe te maak wat dalk nie op die werklikheid gegrond is nie. Jy en jou geliefde kan verby mekaar praat, wat onbewustelik misverstande en verwarring skep. Dis ’n tyd…

SÊ DIT SO: si-stêr-ne ’n Sisterne is ’n ander woord vir ’n tenk of opgaardam, maar waar die water bedek bly deur 'n dak of, wanneer dit ondergronds is, deur die grondoppervlak. Die woord is afgelei van die Latynse woord cisterna wat vat of vaatjie beteken. SÊ DIT IN SYFERS R143 Die prys wat die mense van Libanon vir platbrood betaal. Burgers dok sowat 13 000 Libanese pond op en staan elke dag ure tou net om brood te koop sodat hul gesinne kan eet. Baie mense kan nie die stapelvoedsel bekostig nie, terwyl die Midde-Oosterse land ’n ernstige ekonomiese ineenstorting beleef. 30 Die getal moontlike nuwe spesies seediere wat die Natural History Museum in Londen op die bodem van die oseaan gevind het. Wetenskaplikes het ’n afstandbeheerde voertuig, ’n…

‘HIERDIE UITDAGING WAS SOOS GEEN ANDER WAT EK AL TEËGEKOM HET NIE. MY LEWE WAS OP DIE SPEL’ ’N STEEKPYN het by my rug afgeskiet, soos ’n spies wat in my boonste ruggraat gedruk is. Dit was ondraaglik. Ek het nog nooit so iets ervaar nie, al was my hele lewe as uithou-atleet daaraan gewy om uiterste fisieke pyn te takel. Ek was in die see besig om my reg te maak vir die begin van die Shaw and Partners Doctor (wat deur baie as die voorste seeroeikompetisie beskou word), ’n 27 km-wedvaart van Rottnest-eiland na die Sorrento-strand in Wes-Australië. Dié wedvaart is ’n hoogtepunt op die wêreldwye roeiski-kalender en lok baie van die wêreld se voorste roeiers. Daardie jaar, 2019, was daar 437 van ons. Ek neem gereeld deel…

Kenners meen die toename in die getal mense wat BeReal aflaai, spruit onder meer uit gebruikers se ongelukkigheid met hoe Facebook en Instagram, wat albei deur die maatskappy Meta besit word, onlangs begin het om nuwe algoritmes toe te pas. In ’n poging om mee te ding met die Chinese app TikTok, wat gemik is op vermaak eerder as verbintenisse met kennisse, vriende en beïnvloeders, het Instagram begin om meer video-inhoud, wat op die app as Reels bekendstaan, aan gebruikers te wys. Die video’s is dikwels inhoud geskep deur gebruikers wat jy nie noodwendig volg nie. Facebook volg nou dieselfde benadering met video-inhoud. Die sosialemediareuse het die besluit geneem omdat gebruikers ál meer video-inhoud verslind, sê die Instagramhoof, Adam Mosseri. Hulle het ook aangekondig dat enige video’s wat jy op…

IN DIE hospitaalgang het die familie angstig gewag. Met hul arms om mekaar het hulle saam gebid en op één ding gehoop: nuus dat die twee seuntjies oorleef het. En toe dokters die twee boeties Arthur en Bernardo Lima eindelik op hul hospitaalbed by die operasiesaal uitrol, kon hul ouers, Adriely en Antonio Lima, die trane van blydskap nie keer nie. “Ek kan nie glo my kinders is geskei nie!” het Adriely vir die mense wat enkele oomblikke tevore so bedees was, geskree. Die verligting was te verstane. Hul driejarige seuns het die operasiesaal as saamgegroeide tweeling binnegegaan en meer as ’n dag later veilig geskei daar uitgekom – als danksy baanbrekerswerk in Rio de Janeiro, Brasilië. Arthur en Bernardo se saak was hoogs ingewikkeld aangesien hulle ’n kraniopagusgekoppelde tweeling…

FRANSE AVONTURE Die oud-Stormer DILLYN LEYDS en sy vrou, NAZLI, woon al byna twee jaar in Frankryk, waar hy vir die rugbyklub La Rochelle uitdraf. Die rugbybreker is onlangs as die speler van die wedstryd aangewys in die Europese Kampioenebeker-eindstryd teen die Ierse rugbyreus Leinster. “Ons geniet die maklike leefstyl en om vrylik deur Europa te reis. Die mense hier is baie vriendelik en La Rochelle is ’n pragtige dorp,” vertel Nazli. EWIGE REISIGERS Die paartjie is mal oor reis en deel gereeld foto’s van hul avonture op sosiale media. Hulle het sedert hul groot trek Frankryk toe al Spanje, Switserland en Italië besoek. Hul gunstelingvakansie was toe hulle verlede jaar in Griekeland uitgespan het. “Ek droom daarvan om vir altyd hier te bly,” skryf Nazli by ’n foto van…

DIE vrou van die Leicester City-sokkerster Jamie Vardy het oplaas haar stilte verbreek oor haar mislukte lastersaak teen Coleen Rooney, wat as die Wagatha Christie-verhoor bekend is. Die drama het in 2019 begin toe Coleen op sosiale media Rebekah Vardy daarvan beskuldig het dat sy onvleiende stories oor haar aan die Britse skinderkoerant The Sun gelek het. Rebekah het Coleen toe vir laster gedagvaar. Maar tot haar skok het die regter vroeër vandeesmaand in Coleen se guns beslis. Rebekah is nou vasbeslote om haar reputasie te red. Sy hou vol sy is onskuldig en dat die regstelsel haar “gefaal” het. Sy vertel sy is al twee keer weens kwaai stres in die hospitaal opgeneem nadat die sogenaamde Wagatha Christie-sage begin het. “Ek het ernstige paniekaanvalle gekry,” sê Rebekah. “Dit was…

ANNE HECHE kry tonne steun van haar vriende in die vermaakbedryf nadat sy in ’n grusame motorongeluk was. Nadat die aktrise onlangs in ’n ongeluk was en in die hospitaal opgeneem is, stroom boodskappe van glansvriende soos Alec Baldwin (64) in. Hy beskryf Anne op Instagram as “ ’n wonderlik talentvolle vrou”. Die aktrise Rosanna Arquette (62) vra op Twitter gebede vir Anne en sê “dit is werklik tragies”. Intussen het Thomas Jane (53), wat saam met die aktrise in HBO se Hung ’n hoofrol vertolk en later van 2019 tot 2020 met haar uitgegaan het, vir verslaggewers gesê: “Al is ek en Anne nie meer ’n paartjie nie, was vandag se tragiese nuus verpletterend vir my en almal wat vir haar lief is.” Die 53-jarige Emmywenner is steeds in…