Indholdsfortegnelse for 01 September 2022 i Huisgenoot

1 LAUREN DICKASON VRA DAT VERHOOR SKUIF Die dokter wat van die moord op haar kinders aangekla word, se regspan is bekommerd oor die omstandighede van haar verhoor Dit bly hartseer. Ek kry haar jammer en kan my nie voorstel waardeur sy moes gegaan het nie. Maar as sy dit gedoen het, moet sy verantwoordelikheid aanvaar en haar straf uitdien. Dit is tog wat geregtigheid is. NICO Sy verdien ’n regverdige verhoor. Maar tensy daar duidelike bewyse is dat sy dit nie gedoen het nie, sal sy haar straf moet vat. As sy skuldig is, is daar niks – g’n siekte of gemoedstoestand –wat dit kan regverdig nie. CARLI My hart bloei vir haar. Iemand wat nog nooit depressie ervaar het nie, sal nie verstaan waardeur ’n mens gaan nie.…

GROEN inheemse bome, bosse en duisend rose met voëls wat op die agtergrond tjirp. Dis prentjiemooi op hierdie stil en rustige plek, met gepoeierde wit sneeu op die blou berge. Dis hier waar die Dickason-dogters, wat in September 2021 in hul huis in die kusstad Timaru in Nieu-Seeland dood is, met ’n gedenkplaat gehuldig word nadat hulle hier veras is. Hul ma, dr. Lauren Dickason, kon haar drie kinders, Maya (2), Karla (2) en Liane (6), nie kom groet toe hulle veras is nie. En hul pa kom selde hier nadat hy sy weg eindelik teruggevind het Suid-Afrika toe. Die dood van die kinders op Donderdag 16 September 2021 het skokgolwe deur die Timaru-gemeenskap gestuur, en ook deur Suid-Afrika, waar die Dickasons tot kort tevore gewoon het. Toe dr. Graham…

DENIM-DUO Denim is ’n stapel-item in elke klerekas en dit kan heeljaar gedra word. Dié klassieke alledaagse kledingstuk is in elke moontlike styl te kry. ’n Denim-oorbroek sal altyd modieus bly. Dra dit saam met verskillende teksture denim en ’n wit T-hemp vir ’n klassieke, ontspanne voorkoms en rond dit af met ’n paar wit tekkies. SAFARI-NEUTRAAL Neutrale of aardse kleure en materiale is die perfekte pasmaats vir ’n vakansievoorkoms of buiteluguitstappie. ’n Cargobroek is ’n goeie alternatief vir jeans. Dra dit saam met ’n streeptop en knoophemp vir ’n daguitstappie. PREPPIEPERFEKSIE Knus moulose truie is groot nuus. Maak ’n modestelling en dra joune saam met treffende helder kleure uit die 1960’s en motiewe vir ’n preppievoorkoms geïnspireer deur die trefferreeks Stranger Things. OP ’N STREEP Gaan krap in jou…

DIE wet is eenvoudig – as jy tans jonger as 65 is en meer as R91 250 per jaar verdien, is jy onderhewig aan belasting. Maar dis die proses om opgawes in te dien wat vir baie mense na Grieks klink. Ons verduidelik vir jou nege terme om dit makliker te maak. BELASTINGSEISOEN Dit is die tydgleuf waarbinne belastingbetalers hul opgawes moet indien. Die Suid-Afrikaanse Inkomstediens (SAID) se belastingseisoen vir individue begin gewoonlik op 1 Julie en sluit laat Oktober/vroeg November. Vanjaar is dit 24 Oktober, maar jy kan dit altyd op die SAID-webtuiste nagaan. 2 WAT IS ’N BELASTINGJAAR? Dit is die 12 maande waarvoor jaarlikse belasting gehef sal word. Vir ’n individu loop die belastingjaar altyd van 1 Maart tot 28/29 Februarie van die volgende jaar. Dit is…

UITGEVANG ’n Man sit en lees koerant. Sy vrou bekruip hom en slaan hom met ’n pan oor die kop. “En waarvoor was dit?” vra die man verontwaardig. “Dis vir die papiertjie in jou broeksak waarop Mary-Lou geskryf staan,” sê sy vrou. Man: “Ek het perde gespeel en Mary-Lou was die perd waarop ek gewed het.” Drie weke later slaan sy vrou hom weer hard oor die kop. “En waarvoor was dít?” wil die man weet Vrou: “Jou perd het gebel!” JOHAN H, GONUBIE VERJAARDAGWENS “Wat is jou wens vir jou verjaardag?” vra Nellie vir Kotie. “Ek droom al lankal daarvan,” antwoord Kotie. “Germaans kom kuier teen die aand se kant vir my. My ma en pa slaap al, en ek en Germaans sit en TV kyk op die sitkamerbank.…

GROOT BLOKRAAI № 2 455 As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VIR JOU LEWENSVERHAAL Plus KOM IN AANMERKING VIR DIE MAANDELIKSE TREKKING VAN R1 000. VRAAG: Watter skoolvak is ter sprake? Hierdie week wen een leser Die storie van my lewe, ’n pragtige hardebandboek wat jou help om jou eie lewensverhaal neer te skryf. Op dié manier kan jy jou kosbare herinneringe verewig, uitdruk wie jy as mens is en jou storie vir jou nageslag bewaar. Kort opskrifte sal jou help om jou gedagtes te orden en staaltjies oor belangrike mense en gebeure in jou lewe te onthou. Daar is ook hoofstukke waarin jy langer kan skryf oor verskillende lewensfases. Om dit te bestel, gaan na…

1 Waar of onwaar: Ghana is een van die Karibiese Eilande. 2 In watter land sal jy Stonehenge aantref? 3 Waarin het alles waaraan koning Midas geraak het volgens die storie verander? 4 Wat maak ’n skrynwerker: skoene of kaste? 5 In watter sport word gepraat van “een hou oor baansyfer”? ANTWOORDE 1 Onwaar 2 Engeland 3 Goud 4 Kaste 5 Gholf BRONNE HISTORY.COM, BUSINESSINSIDER. CO.ZA, EDITION.CNN.COM, DAILYMAIL.CO.UK, BBC.CO.UK, DOGONEWS.COM, FIT4RHINOS.COM MAROELAMEDIA.CO.ZA…

AS JY ’n oomblik stilstaan en om jou kyk, sal jy waarskynlik baie dinge sien wat van glas gemaak is. Party daarvan is dalk deursigtig en laat lig deur – soos ruite, drinkglase en spieëls – en party is dalk kleurvol – soos vase of gebrandskilderde glas. Glas is veelsydig danksy sy sterkte, deursigtigheid, weerstand teen hitte, chemikalieë en elektrisiteit, en sy vermoë om gevorm te word. Maar anders as byvoorbeeld hout of klip kom glas nie natuurlik voor nie. Dit moet gemaak word. Die proses sluit ’n paar verrassende bestanddele in wat ’n ekstreme en fassinerende gedaantewisseling ondergaan om die glas te word wat ons oral om ons sien. ’N PAAR ONGEWONE BESTANDDELE Silikasand is die hoofbestanddeel vir die maak van glas. Vir sand om as silika geklassifiseer te…

AL IS hy deesdae deel van die wêreld van sterre en liggies, bly hy in sy hart ’n plaasseun. As kind het hy op sy oupa se plaas in Honeydew, Johannesburg, as die oudste van drie seuns op sy ouers se kleinhoewe op die plaas grootgeword. Daar het hy in die slikdamme kleilat gespeel, perdgery en met kaal voete tussen die hoenders en skape gespeel. Hy het met vragmotors en stootskrapers op die grondpaaie gery en sy oupa in die werkswinkel gehelp. Daarom het die radio- en televisieaanbieder Ewan Strydom (39) dit soveel geniet om in Maart vanjaar vier weke lank die kykNET-werklikheidsreeks Plaasjapie op ’n stuk grond van 5 ha op ’n plaas buite Philadelphia aan die Weskus te verfilm. Dit het herinneringe aan sy kinderjare op die plaas…

DIT is vandeesweek 25 jaar sedert daardie ondenkbare dag toe TV-nuusdienste wêreldwyd die tragiese storie bekendgemaak het: Prinses Diana, geliefd onder mense oor grense heen, is in ’n hospitaal in Parys dood nadat sy in ’n grusame motorongeluk was. Vir haar naastes, maar ook vir miljoene aanhangers, was dit onmoontlik om te glo die stralende Prinses van Harte is so wreed weggeruk net ’n maand nadat sy haar 36ste verjaardag gevier het. ’n Kwarteeu later leef haar nalatenskap steeds voort, maar die wêreld is vandag anders as die een waarin sy geleef het. Haar eksman, prins Charles, het met sy minnares, Camilla Parker Bowles, getrou. Die publiek het hul houding teenoor die eens gewraakte Camilla versag en selfs koningin Elizabeth – wat eens geweier het om saam met haar in…

CANNES MELINDA en Adriaan het onlangs twee en ’n half weke lank in die suide van Frankryk uitgespan. Hulle het hul vakansie in Monaco afgeskop en het daarna Cannes en Saint-Tropez besoek. Hul laaste bestemming was die Franse hoofstad, Parys. Die voormalige Mnr. en Mej. Suid-Afrika het al in 2020 die vakansie beplan, maar die inperking het ’n stokkie daarvoor gesteek. “Dit was regtig net ’n droomtyd om weer in die suide van Frankryk te wees. Ons was al vantevore daar en het nog altyd ’n sagte plekkie daarvoor gehad. Dit was prentjiemooi,” vertel Melinda. Sy wens net sy het ’n lugversorger byderhand gehad, want die kwik het op ’n dag tot 46 °C gestyg. “Ons was in die middel van ’n hittegolf daar, maar dit was verskriklik mooi.” Die…

1 Beskryf jouself in drie woorde? Deernisvol, veerkragtig en ambisieus. 2 Wat is altyd in jou handsak? My selfoon en oorfone. Ek onthou die een keer dat ek my oorfone verloor het, het ek so gedisoriënteerd gevoel, want wanneer daar baie aangaan, is dit musiek wat my in my eie sone inkry. 3 Wat is tans op jou speellys? “Break My Soul” van Beyoncé. Daardie liedjie gee my net energie. 4 Wat is jou geheime plesiertjie? Kaaskoek. Ek kan nie verby ’n koekwinkel stap sonder om vir my ’n sny kaaskoek te kry nie. 5 Wat is jou gunstelingtelevisiereeks? Die Amerikaanse komediereeks Brooklyn Nine-Nine. Wanneer ek lus is vir lag, sit ek dit net aan en ek weet dat my dag net beter kan gaan van daar af.…

1 KEVIN SE TERUGKEER WANKEL KEVIN SPACEY (63) het ’n terugkeer probeer maak sedert aantygings van seksuele aanranding en wangedrag sy loopbaan in 2017 gesink het. Hy het die afgelope twee jaar drie rolprentrolle losgeslaan. Maar ’n nederlaag in die hof en nuwe bewerings van seksuele misbruik kan dalk enige hoop verydel dat sy loopbaan weer stoom sal kry. Vroeër vandeesmaand het ’n regter hom opdrag gegee om $31 miljoen (sowat R512 miljoen) te betaal aan die maatskappy wat hom by die reeks House of Cards afgedank het nadat bewerings van seksuele teistering aan die lig gekom het. Die nuus van sy regsbloutjie kom weke nadat hy in ’n Londense hof skuld ontken het op vier aanklagte van seksuele aanranding teen drie mans. 2 BRAD EN ANGIE STEEDS AAN 2…

SPIN ME AROUND-VERTONING HOLLYWOOD LOOK BOTH WAYS-PREMIÈRE HOLLYWOOD HOUSE OF THE DRAGON-PREMIÈRE LONDEN LOTR: THE RINGS OF POWER-PREMIÈRE KALIFORNIË…

DIE skoonheidsbedryf bars uit sy nate met innovasie. Geen wonder ons grimeersakkies loop dikwels oor van produkte en monsters wat ons nooit gebruik nie. Dit beteken ons bestee die helfte van die tyd daaraan om deur ’n deurmekaar sakkie te grawe en te sif terwyl ons eintlik net ’n eenvoudige sakkie met ’n paar stapel-items nodig het. Ons het ’n lys saamgestel van die noodsaaklike grimeerprodukte wat jy kan inspan wanneer jy tuis of op die pad is en net ’n vinnige opknap nodig het. 1 ONDERLAAG ’n Gehalte-onderlaag is ’n moet om ’n egalige gelaat te skep. As jy swaarder bedekking soek, is ’n onderlaag met volledige bedekking die beste keuse vir jou. Diegene wat iets deursigtiger of subtiel verkies, moet ’n getinte bevogtiger of BB-of CCroom kies. BEPROEF:…

PUNTE A Almal D Dwelms G Geweld Gr Gruwel N Naaktheid O Ouerdiskresie S Seks T Taal V Vooroordeel MOEILIKHEIDMAKER Whaden laat kykers van die telenovelle Arendsvlei die afgelope ruk rooi sien as die arrogante Priester wat sy jong vrou, Angel (Chelsea Thomas), se lewe beheer. Tog lyk dit asof die skille eindelik van haar oë afval en sy sy streke raaksien. “Priester is ’n manipuleerder op ’n hoë vlak en die soort ou wat elke tannie net wil klap. Die enigste ooreenkomste tussen ons is dat ons albei ’n aanvoeling vir styl het en superaantreklik is,” spot Whaden (29) en lag. Dit was vir die akteur ’n uitdaging om Priester te speel, juis omdat hy en sy karakter hemelsbreed verskil. Kykers loop hom gereeld trompop op straat om hom…

TOKKELOSSIEBOSSIE EN ANDER DOL GEDOENTES Deur PHILIP DE VOS Illustreerder: PIET GROBLER LAPA, R219* Ek kry nie vir Philip de Vos vasge pen vir ’n onderhoud oor sy 30ste boek nie. Hy is uitstedig en besig êrens elders om ’n huis te verf. “Wag, laat ek eers uit die wind kom sodat ek jou beter kan hoor,” sê hy toe ek hom opspoor. Ek kry ’n paar vrae gevra en hoor onder meer dat hy vanjaar twee nuwe boeke op die rak het. Daar is geen aanduiding dat die digter, skrywer en voormalige operasanger 83 is nie. Piet Grobler, wat al 13 boeke saam met Philip gedoen het, is ook “uitstedig”, want hy en sy lewensmaat woon in Portugal. Hy is ’n besonder bedrywige illustreerder, en ek wil weet wat…

MAAGD 23 AUG – 22 SEP Die gemoedstemming is vandeesweek positief, en dit lyk asof meer geld uit die niet beskikbaar is, danksy ’n gelukslag of ’n geskenk. Dit is nie in jou aard om alles op een slag te blaas nie, maar kies ’n bederf vir jou en jou lewensmaat/eggenoot wat jy weet hulle sal waardeer. Liefde word vandeesweek vir jou ’n sentrale tema, want die godin van romanse, Venus, swiep jou teken binne. Dit is tyd om jou voorkoms te vernuwe. GELUKKIGE NOMMERS 9, 17, 24, 34, 20, 13 WEEGSKAAL 23 SEP – 22 OKT Jy is vandeesweek vol blink en briljante idees en jou lewensmaat/eggenoot is opgewonde dat jy daarvan werk maak en aan die gang kom. As jy dink hul geesdrif is oordrewe, dink in die…

DIT is selfs in die groot, gewyde oomblik ’n maklike vraag om te antwoord. “Hou jy van my rok?” vra Bridget Marshall toe sy by die kansel kom en eindelik langs haar bruidegom kom staan. Kobus de Kock se woorde is skoon weggeslaan. “Ja,” antwoord hy eenvoudig. Dit ís ’n fabelagtige rok, dié balrok met ’n hoë kantspleet deur die Oekraïense ontwerper Alena Leena. Maar dis die vrou daarin – en haar stappie kansel toe aan haar pa, Colin, se arm – wat die voormalige Goue Leeus-rugbyspeler so oorweldig dat sy oë nou van die trane blink. Bridget (34), die naaswenner en een van die kykers se gunstelingdeelnemers uit die tweede seisoen van die maatsoekreeks The Bachelor South Africa, pink self ’n traan weg. Vir haar is vandag, hier op…

NADAT ds. Liezel de Jager verlede Oktober reg voor haar pastorie op Amanzimtoti, KwaZulu-Natal, vermoor is, het mense gereeld gegis dat haar dood ’n groot raaisel is. Die gemeente is stomgeskrik, het duidelik geblyk. Niemand weet wat daar kon gebeur het nie. Maar nou begin die stilte kraak. Byna ’n jaar het verloop, niemand is nog in hegtenis geneem nie, en die mense van Amanzimtoti begin voel daar is dinge wat gesê móét word. Liezel het voor haar dood ’n gedaantewisseling ondergaan, verklap kennisse nou. Dié reeds fyn donkerkop het baie gewig verloor en skielik baie meer begin werk. Haar vriende het die idee gekry dat sy haar huis vermy het. Soggens was sy lank voor dagbreek uit die vere om te gaan draf, en die res van die dag…

PORTUGESE HOENDER-en-PATATGEBAK GENOEG VIR 4 MENSE / BEREIDING EN GAARMAAK: 30 MIN. 700 g patat, geskil en in 2 cm-stukke gesny30 ml (2 e) olyfolie700 g hoenderfilette, in repies gesny15 ml (1 e) Portugese hoenderspeserye2 knoffelhuisies, fyngedruk250 g kersietamaties100 g fetakaas, gekrummel60 ml (¼ k) vars pietersielie, gekapbabaspinasie en roketblare, vir voorsit Voorverhit die oond tot 220 °C. 1 Verhit ’n oondpan in die warm oond. 2 Kook of mikrogolf intussen die patat tot net sag en dreineer. Meng met 15 ml (1 e) van die olie en hou eenkant. 3 Geur die hoender met die speserye en knoffel en meng met die oorblywende 15 ml (1 e) olie. Haal die warm pan uit die oond. Pak die patat en hoender in die pan en geur met die sout en…

KUNS-BLOMMEPRAG Gebruik neutrale vase met tekstuur om mooi blomme in te rangskik. Ons het vars blomme met kunsblomme gemeng om die vase te vul. NATUUR-INSPIRASIE Ons het ekstra blare, vetplante en tuinblomme by ’n groen middelstuk gevoeg om ’n treffende middelpunt te skep wat goed lyk saam met eenvoudige eetgerei. FLAIR MET VRUGTE Gebruik vars oorskietvrugte vir ’n treffende rangskikking. Voeg enige groente of blomme daarby om dit af te rond. ’n Rustieke houtrandbord sal goed daarby werk. KOEL IN BLOU Kies ’n hoofkleur soos blou en hou dan die res eenvoudig, soos enkelstingelblomme in vase en ander houertjies soos drinkbottels, wat ons ook hier gebruik het. KRY DIT HIER: HM.COM/ZA, 0860-690-707; MRPHOME.COM, 064-584-1000 (WHATSAPP); RIALHEIM.CO.ZA 079-898-3120; WONKIWARE.CO.ZA, 044-884-1883; WOOLWORTHS.CO.ZA, 0860-022-002 HOEWEL ONS ALLES IN ONS VERMOË DOEN OM KORREKTE…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. ‘IEWERS BINNE JOU SKUIL DAARDIE DAPPER MAN WAT SY HART OOPGEMAAK HET VIR ’N TWEEDE KANS OP LIEFDE’– IRMA VEk het die afgelope klompie jare baie hartseer beleef. My beste vriend en ek het van kleins af alles saam gedoen. Ons het drome en ideale met mekaar gedeel en ek was soos ’n eie kind in hul huis. Presies drie weke voor my…

ANDRIES knip die aktetas toe en druk sy swartraambril met sy wysvinger in plek. Hy’s deeglik voorbereid vir môre se voorlegging. ’n Donkerblou pak, kraakwit hemp en strepiesdas sit hy ook sorgvuldig gereed. Al sy besigheidslektuur van oor die jare heen staan netjies in gelid gerangskik op die boekrak in die sitkamer. Die woonstel is keurig gemeubileer in aardse kleure. Dis klinies en silwerskoon. Elke ding op sy plek, nes hy daarvan hou. ’n Mens se lewe moet georden wees, dink hy toe hy ’n bakkie bevrore kos in die mikrogolf druk. Hy verskuif die kunsvaring effens na regs en dan weer terug na die middel van die tafel. Dit lyk bloot beter gesentreerd. Dis ’n soel aand, en hy besluit om sy slaaptydtee in vrede buite op die stoep…

Op dié dag is die Titanic, wat in 1912 gesink het nadat hy ’n ysberg in die Noord-Atlantiese Oseaan langs die Kanadese kus getref het, op die bodem van die see gevind. Duikers en avonturiers het 73 jaar lank na “die onsinkbare skip” se rusplek gesoek nadat hy op sy inwydingsvaart die ondenkbare gedoen het deur te sink. In 1977 het dr. Robert Ballard, ’n voormalige Amerikaanse vlootoffisier, sy eerste ekspedisie geloods om die wrak te vind. Dit was ’n mislukking. Agt jaar later het dr. Jean-Louis Michel, ’n oseanograaf met baie kennis van die seebodem, seevloer en strome, by hom aangesluit. Saam het hulle ’n span Franse en Amerikaanse kenners gelei op ’n diepseesending. Met ’n robotduikboot genaamd Argo, wat dit al die pad tot by die bodem kon…

DIE LANG WAG IS VERBY een dié tyd het jy Hailee dalk al in flieks soos Bumblebee en die Pitch Perfect-rolprentreeks gesien. Dié Amerikaanse aktrise is ook ’n talentvolle sangeres wat bekend is vir treffers soos “Love Myself” en “Starving”. Maar haar musiek het in 2020 opgedroog. Nou, ná twee jaar, is sy eindelik terug met ’n nuwe liedjie, “Coast”. En dit was die wag werd, want dis reeds no. 1 op die Spotify Pop Rising-trefferlys. “Dit was ’n lang pad tot hier,” sê Hailee (25). “Dankie vir jul geduld, liefde en ondersteuning. Ek het elke stukkie daarvan gevoel tydens hierdie mal proses en myself voortdurend daaraan herinner in oomblikke van selft wyfel.” ANIMASIEPRINSES Hailee se stem is al in talle bekende animasieflieks en -reekse gehoor. Haar grootste stemrol tot…

Ná ’n lang, koue winter is die lente hier! Lente-wegkruipertjie Kan jy al 14 items vind wat in die prent weggesteek is? Lente-woordraaisel 1 Die woorde onder is horistonaal, vertikaal of skuins en vorentoe of agtertoe in die rooster versteek. Soek en omkring dit. blare bloeisels bye eiers nes reën skoenlapper spruit voëls warm 2 Dink ’n storie uit of teken ’n prent deur soveel moontlik woorde op die lys te gebruik. Soek vyf verskille Vlieg tot by die blom Fladder in syfervolgorde van 1 tot 16. ANTWOORDE…

‘Hy doen altyd moeite om hulle gewaardeer te laat voel en herinner hulle daaraan dat hul ma die baas is’– JEN OOR BEN DIE tema was ouwêreldse Hollywood, die koek ’n skepping in room en goud, en die gaste was almal glansryk in wit klere toe BEN AFFLECK en JENNIFER LOPEZ hul liefdesverhaal van meer as twee dekades gevier het. Ná hul kitstroue in Julie in Las Vegas het die paartjie vroeër vandeesmaand ’n tweede, luukse onthaal by Ben se plantasie-paleis van $8,9 miljoen in Georgia gehou. Lugfoto’s wys hoe Ben (50) en Jennifer (53) mekaar glimlaggend omhels op ’n kaai langs ’n meer buite die massiewe huis, en dan met ’n spierwit paadjie langs, wat spesiaal vir die dag ingerig is, kansel toe stap En die hele uitgebreide gesin…