Indholdsfortegnelse for 08 September 2022 i Huisgenoot

1 ‘DIS NIÉ DIE KINDERS’ Die rede hoekom soveel Suid-Afrikaanse kinders met wiskunde sukkel, is dat te veel onderwysers nie die vak reg aanbied nie, sê dr. Dudu Mkhize Ek stem saam. Daar is nie meer goeie wiskundeonderwysers nie. Ons as ouers moet opdok vir ekstra klasse om die kinders deur te kry, en dit is ’n groot uitgawe. Die onderwysstelsel is beslis uiters swak. ERROL As ’n onderwyser kan ek sê: Almal het ’n manier van leer en verstaan. Een kind verstaan hoe jy verduidelik, maar ’n ander nie. Dan het jy 40 kinders in ’n klas en jy moet probeer om almal deur dieselfde ring te trek. BIANCA Moeg dat onnies altyd die skuld kry. Toe ek opgelei is, het my dosent te min tyd gehad vir ons module…

‘DAARDIE DAG HET KINDERS GESNIK EN GEHUIL EN MEKAAR HEELTYD GEVRA WAT PAS GEBEUR HET’ OP WAT ’n doodgewone skooldag moes wees, Donderdag 18 Augustus, is ’n laerskool in Noordwes deur ’n tragedie getref wat ’n mens jou skaars kan indink. Vyf kinders is dood en vier ernstig beseer toe ’n vragmotor buite beheer deur die skool se heining gebars het. Huisgenoot vertel die pynlike verhale van die mense wat dié ramp en sy gevolge moes aanskou. DIE OOGGETUIE SOOS elke weekdag het SIPHO NOMCOYIYA oudergewoonte verveeld teen sy minibus se deur geleun. Hy is elke dag om twaalfuur reeds voor die Laerskool Vyfhoek buite Potchefstroom om seker te maak hy kry goeie staanplek vir wanneer die kinders uitkom. Op die N12-hoofweg, wat voor die skool verbyloop, het motors en…

TOE haar oudste seun onlangs by die skool sy ma moes beskryf, het hy dié drie woorde gekies: sterk, liefdevol en mooi. . “Ek’s bly ‘sterk’ was heel boaan, ek dink dis nogal oulik vir ’n 11-jarige!” sê Willemien Jooste (38) vandag. Maar dis nie net oulik nie, dis wáár. Klein Hannes Jooste se ma het immers kort tevore iets reggekry wat nie in enigeen – man of vrou – se rybroek sit nie. Dié Karoo-ma en veearts-verpleegster het van die wêreld se topuithouruiters uitgestof in wat Guinness World Records as die wêreld se langste en taaiste perde-uithouren beskryf. Ná 1 000 km oor onherbergsame terrein en agt dae in die saal is Willemien saam met die Amerikaner Deirdre Griffith eerste oor die wenstreep in die 12de Mongol Derby in…

BANDJIES Wys jou hals in ’n bandjiesrok wat net genoeg lyf wys sonder om te skraps te wees. Dis koel, ontspanne en moeiteloos sjiek. As jy nie te veel lyf wil wys nie, dra ’n effekleurige toppie onder dit. Jy kan dit opdollie of as ontspanne drag dra saam met hakskoene of tekkies. WENK Dra jou bandjiesrok saam met ’n kort hemp of knooptrui vir ekstra bedekking op koue lenteoggende. TREFFENDE MOUE Die lente is veronderstel om hier te wees, maar daar is dalk nog ’n byt in die lug. Dra blomrokke met moue vir ekstra bedekking. Of jy delikate patrone of helder, treffende items verkies – gee jou klerekas ’n lieflike blom-inspuiting. WENK Kies die regte mou vir jou. Driekwart-, lang-of kapmoue kan subtiele volume aan jou uitrusting verleen.…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. ‘WANNEER JY OORMOEG, OORWERK EN EMOSIONEEL UITGEPUT IS, NEEM JY SOMS IMPULSIEWE BESLUITE’– IRMA TIENER ONTWRIG ONS LEWE ERG V My man het ’n seun van 18 jaar in gr. 11, en hy is baie selfbehep. Ons het ook twee jonger kinders, en ek is tans swanger met ’n onbeplande laatlammetjie. My bejaarde ma woon ook by ons. Sy betaal duisende per maand aan…

Dié reeks is gegrond op Marvel Comics se superheld She-Hulk. Dit volg die prokureur Jennifer Walters van Los Angeles, wat in haar 30’s is en in regsake oor superhelde spesialiseer. Sy kry ná ’n motorongeluk waarin sy beseer is ’n noodbloedoortapping van haar neef Bruce Banner, oftewel die groen Hulk. Nadat haar bloed met dié van Bruce gemeng het, verander sy in ’n twee meter lange groen superheld, She-Hulk – nes haar neef! Maar anders as die Hulk behou sy haar persoonlikheid, intelligensie en emosionele beheer wanneer sy in She-Hulk verander. Bruce help haar touwys maak oor haar nuwe superkragte, maar sy wil nie juis ’n superheld wees nie. Maar het sy enigsins ’n keuse? Hier is wat jy moet weet: 1 Die Kanadese aktrise Tatiana Maslany (36) vertolk die…

ROOIGETY Deur BETS SMITH Lapa, R315* Rooigety se storie Daleen Boshoff sien nuusberigte oor selfmoordbomaanvalle, moetiemoorde en orgaanhandel en hoop dit bly ver van Makulu Manzi en diegene na aan haar. Oënskynlik onverwante gebeure loop egter ineen en veroorsaak ’n krisis wat haar konfronteer met haar grootste vrees en met ’n onmoontlike keuse wat geen ma behoort te maak nie. Bets se gunstelingtoneel “’n Pretpark is ’n plek van gesinsvermaak en joligheid. Die spanning en vrees wat jy daar verwag, is voorspelbaar en jou eie keuse. Sou dinge egter skeefloop, is die moontlikhede vir tragedie soveel groter en die uiteinde daarom skokkender. “Gedurende Daleen en Josh se vreedsame rit op die Groot Wiel is daar ’n kragonderbreking wat die pretritte tot stilstand dwing. Josh vermoed sabotasie en klim af om…

MAAGD 23 AUG – 22 SEP Vandeesweek se volmaan val oor jou verhoudingsas en dit sal enige probleme beklemtoon wat jy dalk op hierdie gebied van jou lewe ervaar. Boonop be weeg jou heersende planeet, Mercurius, vandeesweek in jou geldhoroskoop agteruit. Dit dui daarop dat geld en finansiële kwessies dalk nou jou lewe versuur. Dit is waarskynlik ’n moeilike gesprek om te hê en jy kan oorweeg om ’n derde maar neutrale party by die gesprek te betrek. GELUKKIGE NOMMERS 2, 29, 33, 45, 32, 20 WEEGSKAAL 23 SEP – 22 OKT Net toe jy dink jy het alles uitgepluis, begin Mercurius, die planeet van kommunikasie, in jou teken agteruit beweeg. Jy sal dalk heelwat van jou projekte en planne vir eers op die lange baan moet skuif. Of jy…

werkgeleent@ schaney_ 113 000 volgelinge 1,9 miljoen likes KAROOMEISIE Schaney laat gereeld haar volgelinge op TikTok skater van die lag met haar skreeusnaakse sêgoed. Of sy nou haar mening lug oor beurtkrag, sommer net die Bokke ondersteun, of vir almal verkondig hoe suurlemoenwater haar “maer” laat voel – dié inwoner van die dorpie Oudtshoorn in die Klein-Karoo prikkel beslis ons lagspiere. Schaney het in 2019 haar profiel op TikTok geskep. “Ek het ’n agtergrond in verpleegkunde en was besig met my studies toe covid gebeur het, en dit het my finansieel geraak,” vertel sy. “Ek het nie geweet of mense van my inhoud sou hou nie, want ek praat plat en ek is myself. Ek het ook nie ’n karakter geskep nie.” Haar profiel was aanvanklik privaat en net vir…

Dis sportdag! Kan jy al 12 konyne vind wat in die prent versteek is? Tyd vir uitkom … Kom ons speel! Verbind die kolle Soek vyf verskille Wooordraaisel 1 Die woorde in die lysie onder verskyn horistonaal, vertikaal, vorentoe en agtertoe in die rooster. Vind en omkring dit. bons hardloop hoelahoepel huppel klim oorspring spring swaai touspring trap 2 Teken ’n prentjie of maak ’n storie op oor hoe jy en jou vriende aan jul gunstelingspeletjie of buitemuurse aktiwiteit deelgeneem het. Soek sewe verskille Pas die regte skaduwee Skaats om te wen! Tel hulle almal Begin Vul die antwoorde onder in: ANTWOORDE Soek vyf verskille 1. oogkleur; 2. kol tussen oë; 3. snor; 4. streep op medaljelint; 5. stert. Pas die regte skaduwee 3.…

SY IS nie iemand wat ’n geleentheid laat verbygaan om haar op te tof nie. Toe ons by haar huis in Milnerton, Kaapstad, aankom, is haar grimeerkunstenaar nog besig om haar af te rond. “Ek moet op my beste lyk, hartjie,” sê Thato Montse. “Kan ek vir jou ’n glas wyn gooi terwyl ek klaarmaak?” Sy wys na ’n bottel op haar eetkamertafel. Dit is van haar eie produk, Thato Wines. Aanhangers van Mzansi Magic se trefferprogram The Real Housewives of Cape Town sal weet dít is haar passie. Die program volg die wel en wee van Kaapstad se sosiale vlinders Kutazwa “Rooksie” Gqirana, Loveline Abinokauno, Beverley Steyn, Lulwando “Lue” Tukwayo, Rushda Moosajee en Camilla MacDowell. Thato is ’n bemarkingspesialis en wynkenner. Haar liefde vir wyn het daartoe gelei dat…

TOE die nuus uitkom dat hul troue in Las Vegas stemmig en eenvoudig was, was aanhangers teleurgesteld. Waar was die glans? Waar was die drama? Waar was die malle makietie van een van die suksesvolste A-lys-paartjies in Hollywood? Blykbaar moes ons net geduldig gewees het. Jennifer Lopez (53) en Ben Affleck (50) het mekaar op 20 Augustus wéér die jawoord gegee voor hul kinders en gaste op Ben se landgoed van R150 miljoen in Savannah, Georgia. Die bruid het op die groot dag die asem weggeslaan in drie Ralph Lauren-rokke wat elkeen ’n fortuin werd is. Ben het ’n aandpakbaadjie uit die Amerikaanse ontwerper se couture-reeks gedra, en hul kinders was ook in Ralph Lauren-skeppings uitgevat. Die plegtigheid van 45 minute is deur die lewensafrigter Jay Shetty waargeneem en het…

DOGTERTJIEFEES Megan het nog altyd daarvan gedroom om twee dogtertjies te hê en nou is dié droom verwesenlik. Die egpaar is die trotse ouers van MAIA (4) en ARIA (2). “Ons het altyd geweet ons gaan dogtertjies hê, en dit voel asof ek die boerpot gewen het,” sê sy. Die gesin woon deesdae in Ballito, sowat 40 km noord van Durban. “Dis pragtig hier! Ons bring baie tyd in die buitelug deur; die weer is altyd lekker.” Hul oudste dogtertjie, Maia, doen af en toe modelwerk. Sy is baie sosiaal, lief vir mense en propvol energie. “Dis so snaaks wanneer sy fotosessies doen en ek na haar kyk, want sy weet net wat om te doen. Ek weet nie hoe nie, want ek het nog nooit vir haar gesê wat…

DIE aksieheld Sylvester Stallone van Rocky-faam se huwelik is ná 25 jaar teen die planke. Sy vrou, Jennifer Flavin, het hom op 19 Augustus om ’n egskeiding gedagvaar. In reaksie daarop het hy ’n tatoe van haar op sy arm laat vervang met een van sy hond, Butkus, wat saam met hom in sy boksflieks te sien was. Die nuus van die egskeiding kom drie maande ná hul silwer huweliksherdenking en bronne in Sylvester se hoek beweer dít was die uitklophou. “Sylvester (76) was bereid om dinge met Jennifer te probeer uitstryk,” vertel een van sy vriende. Maar die krake in hul huwelik – wat lank as een van die standvastigste in Hollywood beskou is – wys al ’n ruk lank. Jennifer (54) het meer as ’n jaar gelede laat…

SÓ VERSLAWEND was sy stryd met hardehout dat niks hom kon verhoed om troos in die bottel te bly soek nie. Nie ’n rehabilitasiekliniek nie; ook nie sy dans met die dood nie. Van die afgelope paar jaar onthou hy nie veel nie, erken Stiaan Reynierse, want in die newels van dronkenskap het hordes herinneringe aan dae, weke en maande bloot verdwyn. Vir die sanger was brandewyn ál manier om sy angs en depressie te smoor. Maar sy drankmisbruik het so drasties handuit geruk, dat selfs ’n inplanting teen alkoholmisbruik hom nie uit die kloue van die drankduiwel kon loswikkel nie. Trouens, sy strawwe drinkery het hom ná die inplanting met alkoholvergiftiging in ’n intensiewesorgeenheid laat beland. Dit het hom byna sy lewe gekos. “Ek gaan nie doekies omdraai nie,”…

ROMANTIES Kies hierdie pofmourok met ’n hartjiehals vir ’n speelse, mooi kombinasie van groen en geel blommetjies en dra dit saam met treffende bykomstighede en hakskoene vir ’n romantiese gevoel. BLOMME EN VALLETJIES Lyk stylvol in klassieke donker blomme in ’n paisley-motief. Skep ’n treffende uitrusting met dié laeskouer-plooirok en rond dit af met pers bykomstighede. KOUE SKOUER Moenie skroom om oorboord te gaan met blomme nie. Dra hierdie oopskouer-maksirok met ’n tropiese blommotief saam met bykomstighede in die dominante kleur van die blompatroon vir ’n eenvormige voorkoms. EILAND-SJIEK Kies ’n treffende tropiese blomrok in helder skakerings van blou en groen met ’n tikkie wit. Dra dit saam met lemmetjiegroen bykomstighede vir ’n spatsel kleur. KRY DIT HIER ACKERMANS 0860-900-100; COTTON ON 087-550-4383; FOREVER NEW 0860-018-014; FOSCHINI 0860-834-834; H&M 086-069-0707;…

MET ’n gesig en lyf soos syne sou ’n mens dink hy bekommer hom nie een oomblik oor sy voorkoms nie. Maar tog was daar oor die jare een aspek van sy voorkoms wat ’n konstante bron van angs vir Janez Vermeiren was. Die voormalige Top Billing-aanbieder het pas 36 geword toe hy op ’n dag in die spieël kyk en dit opmerk: sy kwynende haarlyn. Hoewel haarverlies ’n toestand is wat 80% van mans in verskillende mates raak, was Janez erg verleë daaroor. “In my soort werk kry jy ’n kompleks daaroor as jou haarlyn begin wegkwyn,” sê hy. Maar die pa van drie het magteloos gevoel om enigiets daaraan te doen en het dit agt jaar lank bloot verduur. “As jy na my Instagram kyk, sal jy sien…

WAAROOR GAAN DIT? In dié wetenskapsfiksie-aksieprent moet Naru, ’n Comanche-vegter, haar stam teen ’n menslike ruimtewese beskerm wat mense vir sport jag. Dis nie hul enigste bedreiging nie – die wildernis is gevaarlik en pelshandelaars gewetenloos. DIE ‘PREDATOR’-FAKTOR Prey is gegrond op die gewilde Predator-franchise en is die vyfde fliek in dié rolprentreeks. Dis ’n voorloper vir die eerste vier flieks en speel in 1719 in die Noord-Amerikaanse Laagvlakte af. Die eerste Predator-fliek in 1987 met Arnold Schwarzenegger was ’n groot sukses. Daarin het Arnold se karakter, Dutch, en sy span op ’n sending gegaan om ’n groep gyselaars in Sentraal-Amerika te red, net om die teiken van ’n vegter uit die buitenste ruim te word. Die opvolg, Predator 2 (1990), was ’n flop en die derde fliek, Predators, het…

Afdelings • Poësie • Prosa • Redenaars • Sang Inskrywings Dit kos R120 per afdeling om in te skryf. Jou betaalde inskrywing gee jou toegang tot ’n eksklusiewe aanlyn meesterklas deur ’n vermaakkunstenaar, wat topwenke vir jou optrede sal deel. Die meesterklasse word deur ons beoordelaars aangebied: Poësie FRIEDA VAN DEN HEEVER Prosa ROELINE DANEEL Sang LYNELLE KENNED Redenaars SUE PYLER HOE WERK DIT? Skryf in en kyk na die afdeling waarin jy wil deelneem se meesterklas – kom leer by die bestes in die kunste-en vermaakbedryf! Deel dan op die webblad ’n video-opname waarin jy: ’n liedjie sing ’n gedig voordra ’n stuk prosa dramatiseer of as redenaar jou toespraak lewer Besoek eisteddfod.huisgenoot.com om deel te neem. PRYSE Daar is lekker pryse op die spel! Een deelnemer word aangewys…

DIT was vyf weesolifantjies wat gemaak het dat die olifantliefde my byt. Die kolosse met hulle sagte hartjies wat soveel plesier aan mense gee. Hulle inte ligensie. Hulle positiewe en vriendelike geaardheid met interaksie teenoor mense. Ek werk al sedert die middel 1980’s met olifante toe ek as plaasbestuurder op wildsplase gewerk het waar daar ook olifante was. Maar dit is dié vyf wat dinge kom verander het toe my pad in 2002 met dié van Rory Hensman in Hoedspruit gekruis het wat die vyf wesies gekry het. Rory het ’n wildsplaas gehad en my meer oor die diere geleer en hoe hom hulle te versorg. Ek het ook gehelp met hulle daaglikse versorging. ANDRÉ KOTZE (68), OLIFANTHANTEERDER EN MEDEEIENAAR VAN ELEPHANT WHISPERS Ons het ’n plek gesoek waar hulle…

DIE groep vriendinne dans, gee mekaar drukkies en sing vrolik saam met die musiek – op die oog af is dit ’n doodgewone gesellige kuier op video vasgevang. Maar die teenwoordigheid van een spesifieke vrou op dié partytjie het die video van ’n alledaagse gebeurtenis in ’n herrie laat ontplof. Want al dans sy sorgeloos saam, geklee in ’n wit broek en swart toppie, is Sanna Marin allermins ’n gewone 36-jarige wat stoom afblaas saam met haar pelle. Sy is die premier van Finland – een van die wêreld se jongste staatshoofde en die jongste vroueleier. Haar gedrag in die video pas nie by die beeld van ’n premier nie, sê kritici. “Dis die premier van Finland, skryf Aleksi Valavuori, ’n Finse TV-aanbieder, op Twitter. “Party het gesê sy is…

HIPERPIGMENTASIE word deur ouderdom, sonskade, hormone of gene veroorsaak. Dis dikwels moeilik om weg te steek, vat lank om te vervaag, en in party gevalle kan dit ’n langtermynprobleem raak. Al is dit baie moeilik om die tekens van hiperpigmentasie volkome te verwyder, is daar wel maniere om verkleuring van die vel te voorkom of te verminder en jou gelaat langer te laat jonk lyk. Wat is hiperpigmentasie en hoe behandel jy dit? WAT IS HIPERPIGMENTASIE? Hiperpigmentasie verwys na ’n oorvervaardiging van melanien, ’n pigment wat vir vel- en haarkleur verantwoordelik is, op spesifieke areas van die vel. Dit lei tot donkerder vlekke of kolle, wat op hul beurt ’n onegalige gelaat skep. Ongeag velkleur kan donker vlekke of kolle verskyn aan enige deel van die gesig en lyf wat…

IS JY ongelukkig met jou versekeringsmaatskappy se eisproses, of soek jy na goedkoper dekking in hierdie moeilike tye? Die goeie nuus is dat jy deesdae sommer maklik aanlyn kwotasies kan verkry en versekering uitneem – dis trouens wêreldwyd ’n groeiende tendens. Hier is sewe wenke om jou ryding aanlyn te verseker. 1 KRY JOU BESONDERHEDE REG ● Persoonlik: die naam, geboortedatum en rybewysnommer van die hoofbestuurder en enigeen wat jou motor gaan bestuur. Sekere polisse sal outomaties die hoofbestuurder se eggenoot ook insluit, maar ander versekeraars kan vra dat jy al die verskillende bestuurders identifiseer. As jy die polisinligting kry, moet jy seker maak wie die kar mag bestuur – net die persoon wat as die bestuurder gespesifiseer word of enigiemand? ● Voertuig: die jaar, fabrikaat, model, koste en voertuigidentifikasienommer (VIN).…

ALS OOR ‘KWAAITJIE’ Prop het al talle liedjies vir bekendes geskryf – van “God se kunskafee” vir Laurika Rauch tot “Pinocchio se dam” saam met Robbie Wessels. Nou is sy debuutenkelsnit, “Kwaaitjie”, hier. “Ek het iets universeels dog speels in verhoudings gesoek om oor te skryf,” sê Prop. “Die geliefde se naam was eers Berta. Ek wou ook iets volkseie aan die lied verleen en het ou gedigte nagegaan.” Toe kom ’n frase van Piet van Rooyen se gedig “Kraaitjie Melaaitjie” by hom op. “Die sameloop van speelsheid in ’n verhouding en die speelsheid van die gedig het begin vorm aanneem. Toe het die naam Kwaaitjie by my opgekom, wat die betekenis van die liedjie heeltemal verander het en die koor na nuwe hoogtes geneem het.” Die TV-aanbieder Vanes-Mari du…

PYPKAN Net voor die Springbokke se toets teen die All Blacks sê die man se vrou vir hom: “Jy sal moet kies: Dis ek, of die rugby.” Die man antwoord: “Gee my asseblief net so honderd minute om daaroor te dink.” E. MOELICH SUURPRUIM ’n Verteenwoordiger van ’n maatskappy wat glas herwin, klop aan ’n deur en vra die vrou wat oopmaak of sy ou bierbottels het. Verontwaardig laat sy hoor: “Lyk dit vir jou asof ek bier drink?” Hy kyk so na haar en sê: “Seker nie … Maar wat van asynbottels?” LOUISE NOETH VERBODE GROENTE ’n Seuntjie maak sy broccoli soos ’n boompie in sy bord staan en stoot al sy groente onder die boompie in. “Wat doen jy nou?” vra sy ma. Hy antwoord: “In die Bybel…

GROOT BLOKRAAI NO 2 456 As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VIR JOU LEWENSVERHAAL PLUS KOM IN AANMERKING VIR DIE MAANDELIKSE TREKKING VAN R1 000. VRAAG: Watter hoofstad is ter sprake? Hierdie week wen een leser Die storie van my lewe, ’n pragtige hardebandboek wat jou help om jou eie lewensverhaal neer te skryf. Op dié manier kan jy jou kosbare herinneringe verewig, uitdruk wie jy as mens is en jou storie vir jou nageslag bewaar. Kort opskrifte sal jou help om jou gedagtes te orden en staaltjies oor belangrike mense en gebeure in jou lewe te onthou. Daar is ook hoofstukke waarin jy langer kan skryf oor verskillende lewensfases. Om dit te bestel, gaan…

1 Watter Formule 1-wêreldkampioen het onlangs in Namibië, Rwanda, Kenia en Tanzanië vakansie gehou? 2 Waar of onwaar: ’n Sonwyser word gebruik om die tyd aan te dui. 3 Hoeveel maande is daar in drie jaar? 4 Die bewer is die nasionale dier van watter land? 5 Watter dier staan as “die skip van die woestyn” bekend? ANTWOORDE 1. Lewis Hamilton 2. Waar 3. 36 4. Kanada 5. Die kameel BRONNE AFP.COM, BUZZFEEDNEWS.COM, FRANCE24.COM, THEGUARDIAN.COM, SAHISTORY.ORG.ZA, KIDS.BRITANNICA.COM, BBC.CO.UK, INVERSE.COM, DAILYMAIL.CO.UK…

JY WEET seker die melk wat jy by die huis drink, kom van ’n koei af. Maar het jy al gedink deur watter lang proses dit gaan om in jou glas te beland? Dit begin op die plaas, waarna die melk deur verskeie prosesse gaan om seker te maak dis van ’n hoë gehalte voor jy dit eindelik kan koop en gebruik. VAN DIE PLAAS NA JOU GLAS 1 MELK VAN DIE KOEIE Koeie word gewoonlik vroeg soggens en laat in die middag gemelk wanneer hul uier vol is. Melkmasjiene word deesdae meestal hiervoor gebruik. Die masjien het vier suiers wat aan die koei se vier spene geheg word en na-aap ’n kalf wat drink deur ’n kloppende vakuum om die speen te vorm, wat maak dat die uier die…

Op huisgenoot.com kan kinders nou die nuwe aanlyn Afrikaanse kinderprogram Die Babbelbende kyk. In dié videoreeks ondersoek die karakters Bibi, Ben, Paloeka die leeu en Palawa die kameelperd saam interessante dinge terwyl hulle speel-speel meer leer oor ons wonderlike wêreld. Besoek huisgenoot.com, kies dan “HG Junior” en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is sowat 12 minute lank. Op naweke deel ons aanlyn ’n omnibus van vyf episodes. Huisgenoot.com is deel van Netwerk24, en jy moet registreer om die episodes van Die Babbelbende te kyk. Besoek netwerk24.com om te registreer of laai die app in jou app-winkel af. Kom leer ken Die Babbelbende – en geniet hul vrolike…

1 AGTER DIE SKERMS Rushda, wat alombekend is as RushTush, is ’n gekwalifiseerde persoonlike en aanlyn afrigter wat haar eie fiksheidsryk opgebou het. Sy het in ’n episode van die werklikheidsreeks The Real Housewives of Cape Town ontdek sy is swanger met haar en haar man, ISMAEL EBRAHIM, se vierde kind. “Ek het geen idee gehad dat die verfilmingskedule so dol gaan wees nie en die sosiale situasie met die vroue was intens,” vertel sy. Tussendeur al die drama kom die babanuus toe ook. “Die ander deelnemers én die kykers het my swangerskap ervaar soos ek dit ervaar het. Dit was nie beplan nie.” Sy was aanvanklik swanger met ’n tweeling, onthul Rushda. “Ek het een baba tydens verfilming verloor.” 2 #SEUNTJIEMAMMA Ismael en Rushda het onlangs hul vierde seuntjie…

1 SHIA PAK UIT SHIA LABEOUF het gepraat oor die bewerings van mishandeling wat sy loopbaan gekelder het. Shia (36) het op die akteur Jon Bernthal se podsending Real Ones gesels oor die bewerings van seksuele aanranding en fisieke en verbale mishandeling wat FKA Twigs in ’n hofsaak in 2020 teen hom gemaak het. Shia en FKA Twigs (34) was sowat ’n jaar lank ’n paartjie nadat hulle mekaar op die stel van sy 2019-fliek Honey Boy ontmoet het. Die sangeres het hom beskuldig van gewelddadige aanvalle, dat hy haar gewurg het, en dat hy haar willens en wetens met ’n seksueel-oordraagbare siekte besmet het. “Ek het daardie vrou seergemaak,” het Shia erken. “En ek het in die proses soveel ander mense seergemaak. Ek was ’n plesiersoekende, selfsugtige, selfbehepte, oneerlike, onbedagsame,…

“Ons het Frankryk toe gegaan en als gesien – die Louvre en al daai plekke. Toe vra ek hulle: ‘Wat was jul gunstelingding van Frankryk?’ En hulle antwoord: ‘Die hotel se vrugteslaai.’ ” – RYAN GOSLING OOR SY TWEE DOGTERS, AMADA EN ESMERALDA “As jy mooi na Casper kyk, sal jy sien ek is treurig daarin. Mense raak ontsteld wanneer ek dit sê, want dis ’n fliek uit hulle kinderdae wat hulle koester. Maar ek is aaklig daarin.” – CHRISTINA RICCI OOR HAAR VERTONING IN DIÉ 1995-FLIEK “Ek was al drie keer in haar teenwoordigheid. Een keer het ek by ’n teater gewerk en sy was met iets daar besig. Ek het net rondgehang en haar dopgehou. Ek was vreemd. Ek was ’n bekruiper.” – STERLING K. BROWN VAN THIS…