Indholdsfortegnelse for 15 September 2022 i Huisgenoot

1 ‘SY GEES IS TEENWOORDIG’ Ashur Petersen, seun van die oorlede musieklegende Taliep Petersen, en sy bruid, Kathur, het hulde gebring aan hom met ’n spesiale troufoto Jou pa sou so trots op jou gewees het. Baie geluk met julle troudag en voorspoed met jou eie sangloopbaan. Alles van die beste, mag julle vir altyd op alle vlakke net gelukkig wees. Mwah! GAIL Ek wil presies dieselfde sê: Taliep sou so trots op sy kinders gewees het. Dit is ’n bittere onreg wat hulle aangedoen is. Maar Taliep kyk beslis van daar bo af na sy kinders, en hy glimlag. HETTIE Baie geluk aan julle twee. Jou pa was regtig ’n wonderlike mens, en hy sou erg trots gewees het op julle. Hy sal altyd in ons almal se harte lewe.…

LANGS die kantlyn skree al die ouers hulle hees, maar in die video styg een pa se stem bo almal s’n uit: “Dryf, dryyyf … mooi, Seuna, kom!” Op die veld mik ’n agtjarige kannetjie in ’n blouwit- en-maroen rugbytrui met drie, vier teenstanders op sy hakke doellyn toe. “Gaan, Josh! Mooi!” kom dit van sy pa. En dan, toe die laaitie oorval en die drie plant: “Daarsy!” Dis eers toe die klein rugbybreker opstaan dat die prostese regtig sigbaar word. Want Josh Adam skrum, hardloop, duik en skop die bal met dieselfde oorgawe en vaardigheid as sy maatjies van die Laerskool Gene Louw se o.8-spannetjies. Wanneer jy met sy pa, Chester, en ma, Juanita, in hul huis in Durbanville praat, is dit duidelik hulle bars van die trots. Hul…

ROSTI’S met GEKARAMELLISEERDE UIE LEWER 8-12 ROSTI’S / BEREIDING: 20 MIN. / STAAN: 15 MIN. / GAARMAAK: 25-30 MIN. ROSTI’S ◗ 6 groot aartappels◗ 2,5 ml (½ t) sout◗ 15 ml (1 e) olyfolie◗ 2 groot uie, gekap◗ 250 ml (1 k) gerasperde botterskorsie◗ ’n hand vol koljanderblare◗ vars gemaalde peper, na smaak◗ 60 ml (¼ k) meel◗ 1 eier◗ olie, vir vlakbraai VIR VOORSIT ◗ 125 ml (½ k) roomkaas◗ 5 ml (1 t) gekapte vars ment◗ 2 stingeluie, gekap (opsioneel) 1 Rosti’s Rasper die aartappels en meng die sout deur. Plaas in ’n vergiettes en laat staan 15 min. 2 Verhit intussen die olie in ’n pan en braai die uie tot goudbruin. Skep uit in ’n groot mengbak en hou eenkant. 3 Druk enige oortollige vloeistof uit…

KRY DIT HIER @HOME 0860-834-834, HOME.CO.ZA; APLACETOSHOP.CO.ZA, 079-351-0551; CARASAVEN.COM, 087-250 0361; DESIGNSTORE.CO.ZA, 071-670-2575; ICONOMYONLINE.COM, 081-219-0576; JENNYROBERT.CO.ZA, 082-462-3395; KNUS.CO, 087-550-7600; LAVISHD.COM, 011-609-8303; MADEBYARTISANS.CO.ZA, 087-058-0625; MRPHOME.COM, 064-584-1000 (WHATSAPP); NATIVEDECOR.CO. ZA, 011-783-9600; NIFTYGIFTS.CO.ZA, CONTACT@NIFTYGIFTS.CO.ZA; PEPSTORES.COM, 0860-737-000; YUPPIECHEF.COM, 0861-702-4969 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

■ Onthou: Selfs oor-die-toonbank-medisyne moet versigtig gekoop, hanteer en gebêre word, sê Francois-hulle. ’n Verkeerde dosis medisyne kan skadelik of noodlottig wees. ■ Waar: Moet dit nie in die badkamer of kombuis bêre nie; dis te vogtig en warm, maan Heidi. ■ Veiligheid: Bêre medisyne ver van kinders. Francois en Benim beveel aan jy sluit dit toe. “Sommige voorskrifmedikasie is dodelik vir kinders sodra dit ingeneem is. Sekere neweeffekte is onomkeerbaar.” ■ Organisasie: “Alle medisynes moet in behoorlik gemerkte houers bewaar word, en moet nooit pille meng of ’n ‘Smartieboks’ vol pille skep nie.” ■ Moenie produkte aanskaf waarin medisynes reeds gekombineer is nie; dit is dan moeilik om die dosis aan te pas sodat jy die korrekte hoeveelheid van ’n bepaalde middel daarin inneem. Sulke kombinasie-medikasie bevat ook dikwels…

VERWARD oor hoe om jou rande te laat aanwas? Zuhair Allie, institusionele kliëntebestuurder van M&G Investments, verduidelik drie basiese beleggingskonsepte se voordele én mites. 1 RISIKO: GOED OF SLEG? Die term maak jou senuagtig, want jy is doodbang vir verliese. Maar dan hoor jy risiko is juis nodig om jou geld te laat groei. ● So werk dit Al die verskillende bateklasse waarin jy geld kan bele – soos aandele of kontant (dus, ’n spaarrekening in die bank), staatseffekte en eiendom – het elkeen sy eie risikoprofiel. Die hoogste risikoklas is aandele omdat dit deur onvoorspelbare op- en afswaaie in die aandelemark beinvloed word. Maar terselfdertyd sal aandele jou oor die lang termyn (minstens vyf jaar) die beste groei gee. Daarenteen word kontant as die laagste risiko beskou, omdat dit…

Dit was vir die regisseur Nina Swart ’n “enorme voorreg” om met al die sterre in die reeks saam te werk. “Om regisseur te wees is ’n fantastiese ervaring. Almal maak dit vir my baie maklik. Dit is ook ’n wonderlike voorreg om Plaasjapie te kon doen en net daarna Fraksie, want dit is twee heeltemal uiteenlopende projekte, en dit hou my op my tone,” sê Nina.…

’n Groot klomp inskrywings is ontvang vir die Jakes Gerwel-stigting se Kommadagga-kortverhaalslypskool wat in Oktober in Paulet-huis op Somerset-Oos aangebied word. Vyf kandidate is eindelik aangewys om drie weke hier deur te bring terwyl hulle aan hul skryfwerk slyp. “Uit dié vyf foto’s met vyf name gaan binnekort hande vol stories ontpop, elk met ’n eie hartklop en naam,” vertel die bekende skrywer Rachelle Greeff, die sameroeper van die skryfskool. “Dit sal te danke wees aan Paulet-huis waar ‘dié vyf foto’s’ in Oktober stapels stories van oraloor gaan lees en bepraat, maar veral gaan leer hoe om met eie verbeelding en woorde self stories te skryf. “Skryf is die opsaal van ’n wilde perd, en ’n mens moet skryfspiere met ’n houding ontwikkel om in die saal te kom en…

MAAGD 23 AUG – 22 SEP Dit kan dalk vir jou voel asof jou vaardighede om geldsake te bestuur jou in die steek gelaat het. Jy het moontlik op die oomblik heelwat meer uitgawes as gewoonlik, en dit bevestig ook dat jy vir sulke gevalle ’n noodfonds moet hê. Aangesien sake ook nie in jou liefdeslewe volgens plan verloop nie, voel dit dalk of jy dubbel deurloop. Haal diep asem en probeer koelkop bly, want ook dit sal vinnig verbygaan. GELUKKIGE NOMMERS 18, 33, 46, 48, 43, 23 WEEGSKAAL 23 SEP – 22 OKT Daar is geen gebrek aan geesdrif tussen jou en jou lewensmaat/eggenoot wat nuwe en opwindende idees betref nie, en dit sluit reisplanne in. Dis ’n uitstekende tyd vir ontvlug en droom, maar sit liefs jou kredietkaart…

PINOCCHIO KYK DIT OP: DISNEY+ VIR OUDERDOMME: OUERDISKRESIE Die verhaal van die houtseuntjie wie se neus groei wanneer hy jok, kry weer lewe in dié nuwe Disney-fliek. Tom Hanks speel Geppetto, die timmerman wat die houtseun, Pinocchio (Benjamin Evan Ainsworth), bou en grootmaak asof hy sy regte seun is. Joseph Gordon-Levitt is Jiminy Cricket, Pinocchio se gids en “gewete”. DIE IVY + BEAN-FLIEK-REEKS KYK DIT OP: NETFLIX VIR OUDERDOMME: OUERDISKRESIE As jy mal was oor Annie Barrows se topverkoperkinderboekreeks Ivy + Bean, sal jy nie dié rolprentreeks wil misloop nie. Hier is ietsie wat jy moet weet oor elke fliek: IVY + BEAN Ivy en Bean het nooit gedink hulle gaan maatjies wees nie. Ivy (Keslee Blalock) is stil en Bean (Madison Skye Validum) is uitbundig. In dié fliek leer…

Vlieg ’n vlieër! Watter vlieër behoort aan watter kind? Verbind die kolle Syferdoolhof Kry die reëndruppel terug by sy wolk. Dryf van 1 tot 17 in die regte volgorde. Pas die vorms by mekaar Soek 10 verskille Maak ’n storie op of teken ’n prentjie oor jou gunstelingsoort weer. Hou jy van sonnige dae of storms, winderige dae of reën? Vind hulle almal Kyk mooi na die prentjie onder en vind al 10 die versteekte voorwerpe. Waar is die padda? Sambreelsudoku Voltooi die rooster sodat elke ry, elke kolom en elke kwadrant een van elke kleur sambreel bevat. ANTWOORDE Vlieg ’n vlieër! 1-b, 2-c, 3-a. Pas die vorms by mekaar: 1-7, 4-10, 5-2, 8-3, 9-6.…

‘TOE ek klein was, moes ek heeldag tee maak vir my ouers. Ek moes baie tee vir hulle maak. Ek het myself weggesteek om nie tee te maak nie. As jy tol gekap het of sokker gespeel het in die straat en my ma skree my van die huis af, dan het ek geweet ek moet gaan tee maak. So ek’t myself weggesteek of bietjie verder van die huis af gespeel. Maar sy het my altyd gekry en kom haal om vir hulle tee te maak. Met hulle wat so baie tee drink, toe dink ek, ag, laat ek maar ’n expert word. Hulle het Joko en Five Roses gedrink, of soos hulle dit noem, “gewone tee”. Nou sal ek so af en toe vir hulle introduce aan, wat my…

‘EK HET AAN DIE KANT GESTAAN EN TOE KLAP LAMMIE DIE OLIFANT MY LAAT DIE HARE WAAI!’ OP DIE skerm lyk sy dalk koel soos ’n bries, maar vandag voel sy soos ’n vis uit die water, bieg die blondine met die stemmige bril. Want vir ’n verandering is sý die een wat ondervra word. “Ek was al van halfvyf vanoggend wakker,” sê Mia Spies (33), ’n joernalis en die aanbieder van kykNET en Netwerk24 se nuwe nuusprogram, Wie’s nuus?, Donderdae 21:00 op kykNET (DStv-kanaal 144). “Maar dis nou karma vir al die mense wat ek gewoonlik aan hierdie kant laat sit – en ek druk nog ’n kamera in hulle gesig ook! Die laaste rukkie wat ek ’n bietjie aan die ander kant van die onderhoud moet wees, voel…

SY WAS nooit bestem vir ’n normale lewe nie. Nie met een van die grootste rocksterre van die 1990’s as haar pa – en sy stormagtige romanse met haar ma – wat gedurig in die nuus was nie. Toe Frances Bean Cobain nog nie eens twee was nie, het die Nirvana-hoofsanger, Kurt Cobain, sy eie lewe geneem en haar sonder ’n pa gelaat. “Ek kan nie die gedagte verduur dat Frances hierdie ellendige, selfvernietigende doodsrocker word wat ek geword het nie. Haar lewe sal soveel gelukkiger wees sonder my,” het hy geskryf. Maar die lewe het ná sy dood vir haar heelwat trauma ingehou – en met tye het Frances nie eens kon dink dat sy ooit haar 30ste verjaardag sou vier nie. Toe sy onlangs dié mylpaal op sosiale…

A Aanhangers is bekommerd oor CARA DELEVINGNE se onlangse gedrag, en daar word bespiegel dit het met gesondheidsprobleme of dwelmverslawing te doen. Die 30-jarige model is in Los Angeles gewaar terwyl sy in haar Audi verklee. Sy het verslons gelyk terwyl sy iets uit ’n pyp gerook en druppels van ’n onbekende middel in haar geparkeerde motor ingeneem het. Sy het ook by ’n sekswinkel ingeloer. Dis ook nie die eerste keer dat Cara in haar motor verklee nie – dit ondanks die feit dat sy ’n huis in Los Angeles se Silver Lake-omgewing het. Sy is in Julie ook afgeneem waar sy vreemd optree tydens ’n middagete-uitstappie. Cara het snaakse gesigte getrek en haar klere buite haar Audi uiten aangetrek. Haar vreemde gedrag by die Billboard Music Awards twee…

Die jongste verbrokkelde verhouding versterk die patroon wat die akteur skynbaar oor die jare volg om nooit met ’n vrou ouer as 25 uit te gaan nie. Dis wat ’n onlangse grafiek wys wat die ouderdomme van Leo se geliefdes oor die jare uitgebeeld het. Volgens die grafiek, wat deur die Reddit-gebruiker TrustLittleBrother gedeel is, het Leo nog nooit in die openbaar met ’n vrou ouer as 25 uitgegaan nie. Dit strek oor 23 jaar en agt meisies, en daar is ook bereken die gemiddelde ouderdom vir Leo se meisies is 22,9 jaar. GISELE BÜNDCHEN (2000-2005) Gisele was 18-23 ten tyde van hul verhouding: Hy was in 2000 25 jaar oud toe hy met sy jongste meisie, Gisele Bündchen, uitgegaan het. Sy was toe 18 jaar oud. Die model het…

WAAR ’n rokie trek, is daar ’n vuurtjie – of nie altyd nie? Die bron van die jongste drama rondom die koninklike gesin was skynbaar ’n verwarmer wat in ’n slaapkamer gesmelt en ’n bietjie rook veroorsaak het. Die smeltkroes was so gou onder bedwang dat dit nie eens nodig was om die brandweer te bel of die owerhede in kennis te stel nie. Maar nou het dié “brand” wat tydens hul destydse Kaapse besoek glo byna in die tydelike slaapkamer van Meghan Markle se babaseun, Archie, uitgebreek het in ’n spreekwoordelike vuurstorm om die hertogin se kop ontaard. Meghan het verlede maand moontlik gedink sy is bloot besig om met ’n vriendin oor die uitdagings van ma-wees te gesels toe sy in haar nuwe podsending, Archetypes, met Serena Williams…

DIS Saterdagoggend en oral skuif Suid-Afrikaners reg voor die kassie, want dis tyd vir die tweede kragmeting tussen die Springbokke en die Wallabies doer ver in Sydney. Met ondersteunerstruie aan, ontbyt agter die blad en landsvlae gereed, loop die spanning hoog. Kan die Bokke verlede naweek se Rugbykampioenskapnederlaag teen die Aussies wreek? Nêrens loop die rugbykoors vanoggend so hoog soos in die woonkamer aan die voet van die Paarl-gebergtes nie. Want dis hier waar die familie van ’n spesiale jong debuutspeler saamgetrek het. Dan draf die Bokke op die veld. “Canan! Canan! Canan!” weergalm dit deur die vertrek. Vir die 30-stuks mense in die woonkamer is die speler met die no. 14-trui veel meer as die naasjongste Springbokrugbyspeler ooit – hy’s familie. Uit volle bors sing sy ouers, Chantel en…

AS JY onlangs in Kimberley was en jy het daar drie vroue in Victoriaanse balrokke sien rondloop, kan jy ontspan. Dit was nie spoke nie. Jou pad het net met dié van drie springlewendige – én lewenslustige – susters gekruis. Die lewe moet voortdurend gevier word, met baie lag en kreatiwiteit, sê dié drie. Dis hoe hul ouers hulle grootgemaak het. En dis hoekom dié joviale susters van Bloemfontein sedert 2010 elke jaar op ’n naweek in Augustus terugstap in tyd op die voetspore van hul ouers, Flip en Marie Fouché. Elke jaar besoek hulle plekke waar hul ouers gewoon, geleef en gewerk het en waar hulle as kinders grootgeword het. Dít hoor Huisgenoot toe ons gaan nader kennis maak met Elda Myburgh (61), Rentia Janse van Rensburg (59) en…

ONTSPANNE TYDLOSE T-HEMDE T-hemde is ’n moet vir die lente. Die veelsydige staatmakers pas so te se by enigiets – onontbeerlik vir jou klerekas. WENK Dra T-hemde saam met ligte baadjies vir ’n ontspanne laag-oplaag-lentevoorkoms. GEMAKLIKE BROEKE Lyk gemaklik maar cool in jeans, linne- en cargo broeke en sweetpakbroeke in prettige kleure. WENK Jeans met ’n verslete voorkoms en cargobroeke is sjiek en werk goed saam met blokkieshemde en hempbaadjies. BAADJIES Daar is steeds die tyd van die jaar ’n byt in die lug. Wikkel jou toe in ligte baadjies met maas of denim, of maak ’n stylstelling in kleurblok- en hempbaadjies – dis perfek vir enige geleentheid. WENK Donker en gekleurde denim is die seisoen hoogmode. Dis ’n goeie belegging en kan heeljaar lank gedra word. TREFFENDE EKSTRAS Gebruik…

JOU kinders en ander huismense kan skielik olik raak, en ongelukke gebeur in enige huishouding. As dit iets ernstigs is of die simptome is vreemd of duur voort, moet jy liewer nie probeer held speel en dit self behandel nie – kom eerder vinnig by ’n dokter uit. Maar soms is daar ruimte om eers jou eie medisynekas in te span. Hoe lyk so ’n goeie tuisapteek as wegspringplek? PYN EN KOORS Parasetamol soos Panado en Painblok kan ingespan word teen pyn en koors – jy kry dit in die vorm van tablette, kapsules, stroop en setpille, sê drs. Francois Coetzee en Benim Botha van die Ukwandasentrum vir Landelike Gesondheid van die Universiteit Stellenbosch se fakulteit geneeskunde en gesondheidswetenskappe. Volg altyd die aanwysings op die voubiljet; dit sê jou hoeveel…

Daar is dinge wat jy nie self moet probeer behandel nie, sê Francois en Benim. “As iemand baie siek lyk, ís hulle waarskynlik baie siek. Kry vroegtydig mediese hulp. “Hoe meer chroniese toestande iemand het of hoe jonger ’n siek kind is, hoe gouer moet jy hulp kry.” Moenie medikasie langer as sewe dae aaneen gebruik sonder om ’n dokter te raadpleeg nie, sê Francois en Benim. Medisyne moet ook net gebruik word soos voorgeskryf. En moenie jou voorskrifmedisyne aan familie of vriende uitdeel nie. Kry mediese hulp vir die volgende, sê Francois-hulle: ■ Koors wat nie op parasetamol en ibuprofen reageer nie. ■ Pyn wat jou laat opgooi. ■ Kortasem, selfs wanneer jy nie hard oefen of ’n chroniese longsiekte het nie. ■ Enige soort onwillekeurige bewegings, konvulsies of…

PUNTE A Almal D Dwelms G Geweld Gr Gruwel N Naaktheid O Ouerdiskresie S Seks T Taal V Vooroordeel IN DIE KOLLIG / REEKS / MUSIEK / BOEKE / KORTVERHAAL / TV-GIDS / HUISGENOTJIES / BLOKRAAIE STERSTATUS Dit gons oor die Australiese aktrise sedert sy haar debuut in die Game of Thrones-uitloperreeks House of the Dragon gemaak het. Milly (22) is te sien as die jong prinses Rhaenyra Targaryen wat op drake ry en vasbeslote is om haar pa, koning Viserys I (Paddy Considine), op te volg en die eerste vrou te word wat op die ystertroon sit. Milly, wat nog net in haar geboorteland, Australië, op die kassie te sien was, maak nou haar televisiedebuut in Amerika. “Nadat ek die rol gekry het, het ek Game of Thrones gekyk…

GROOT BLOKRAAI NO 2 457 As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VIR JOU LEWENSVERHAAL PLUS KOM IN AANMERKING VIR DIE MAANDELIKSE TREKKING VAN R1 000. VRAAG: Watter sportsoort is ter sprake? Hierdie week wen een leser Die storie van my lewe, ’n pragtige hardebandboek wat jou help om jou eie lewensverhaal neer te skryf. Op dié manier kan jy jou kosbare herinneringe verewig, uitdruk wie jy as mens is en jou storie vir jou nageslag bewaar. Kort opskrifte sal jou help om jou gedagtes te orden en staaltjies oor belangrike mense en gebeure in jou lewe te onthou. Daar is ook hoofstukke waarin jy langer kan skryf oor verskillende lewensfases. Om dit te bestel, gaan na…

1 Wat is die hoofstad van Kenia? 2 ’n Podiater stel belang in die gesondheid van jou …? 3 Waar of onwaar: Isaac Newton het ’n bekende teorie oor swaartekrag geformuleer. 4 Watter klein, groen groentesoort is ’n gewilde pizzabestanddeel in Brasilië? 5 Uit watter land kom die didjeridoe, ’n windinstrument wat lyk soos ’n lang houttrompet? ANTWOORDE 1 Nairobi 2 Voete 3 Waar 4 Ertjies 5 Australië BRONNE EDITION.CNN.COM, NOWTHISNEWS.COM, BRITANNICA.COM, DAILYARTMAGAZINE.COM, NPR.ORG, DAILYMAIL.CO.UK, APNEWS.COM, KIDSNEWS.COM.AU…

POKKE het die mensdom baie eeue lank geteister. Ons lees in ou geskrifte van Indië en China van dié vreesaanjaende siekte. Pokmerke is ook sigbaar aan die mummies van farao’s soos Ramses V, wat meer as 3 000 jaar gelede geleef het. Vandag hoef ons dié siekte nie meer te vrees nie danksy die merkwaardige insig van die Britse dokter Edward Jenner (1749-1823), wat inentings teen pokke moontlik gemaak het. Hieruit het verdere ontwikkelings tot die immunisering teen verskeie ander siektes gelei. POKKE SE SKRIKBEWIND Die gevreesde pokke het sowat 1 500 jaar gelede na Europa versprei met epidemies wat gereeld onder die bevolking gemaai het. Spaanse en Portugese veroweraars het die siekte 500 jaar gelede na die Nuwe Wêreld geneem, waar dit ’n groot rol gespeel het om die ryke…

LEAH SÊ Wat was jou eerste indruk van Willem? Hy was ongelooflik vriendelik en so aangenaam met my. Ek was rêrig ’n nobody. Toe ek hom weer sien, het ons amper soos ou vriende aan die gesels geraak! Wat het julle in gemeen? Ons werketiek en hoe ons met kliënte te werk gaan, is vir ons albei baie belangrik. Ons wil altyd die beste gee en doen, en op ’n manier is ons perfeksioniste. Hy is wel net ’n bietjie netjieser as ek. Dan is daar ons liefde vir Bali, honde, lekker kos, goeie musiek, die see en op die verhoog wees. Wat bewonder jy van hom? Hoe hy die media en mense op die mooiste manier hanteer, hoe hard hy werk, sy ongelooflike dissipline in alle areas van sy lewe,…

‘Daar is geen slegte gevoelens tussen hulle nie. Dit het maar net doodgeloop’– ’N BRON LEONARDO DICAPRIO is weer enkellopend. Die Oscar-wenner en sy meisie van die afgelope vier jaar, CAMILA MORRONE, het verlede maand uitgemaak. Geen openbare verklarings is uitgereik nie, maar “botsende skedules” het glo hul verhouding gekelder nadat hulle ’n “moeilike tyd” deurgemaak het weens werksverpligtinge wat hulle uitmekaar hou. Volgens iemand in die binnekring het albei “baie gereis” en dit het gemaak dat hulle toe hul verhouding heroorweeg. “Afstand het ’n rol gespeel,” sê die bron. Maar ’n ander bron meen die 47-jarige akteur het met Camila (25) uitgemaak omdat sy begin praat het van nesskop en trou. “Dis nie wat Leo wil hê nie. Hy wil nie ’n gesin hê nie en hy wil nie…

IS JOU kroos lief vir die plaas en vir boer? Help hulle met lammers grootmaak, groente kweek en ry op die trekker? Ken hulle die seisoene en wag dat die reën kom? Dis nie net grootmense wat kan boer nie – die jongklomp kan mos ook! Ons wil daardie nuwe generasie landbouliefhebbers in ’n reeks aanlyn video’s vier. Huisgenoot en Landbouweekblad is op soek na Suid-Afrika se junior boertjies en wil spesiale video’s maak van die oulikste finaliste. Dié video’s sal op ons webtuistes verskyn, en lesers sal stem vir hul gunsteling-jong boere. Skryf jou kind of tiener in – miskien kry jou spruit sy of haar oomblik in die kollig. Daar’s boonop lekker pryse op die spel! Skandeer hier om in te skryf. HOE WERK DIT? ■ Daar is…

SY WORD gereeld met een van die wêreld se formidabelste vroueleiers, Margaret Thatcher, vergelyk. En net soos die Ystervrou skrik sy vir niks, draai sy geen doekies om oor haar menings nie en dra sy graag bloese met ’n enorme strik om haar nek. Mary Elizabeth Truss, wat pas tot Brittanje se derde vrouepremier verkies is, vind dié vergelykings waarskynlik heel vleiend. Sy is so ’n groot aanhanger van Maggie dat sy op laerskool in die 1980’s al vir ’n speletjie in die klas gevra het om die Ystervrou te speel. Tog is daar sekere aspekte waarin Truss van Thatcher verskil – dinge waaroor sy nie so graag in die openbaar sal wil uitbrei nie. So weet almal byvoorbeeld dat Thatcher uiters toegewyd en getrou aan haar man, Dennis, was,…

GROOT hare. Die twee woorde hoort saam soos Romeo en Juliet, Mattewis en Meraai of selfs pannekoek en kaneel. Maar dit was eers toe nog ’n bekende paartjie, Danny en Sandy, met hul welige haredosse in Grease verskyn het dat groot hare nou régtig gewild geword het. Die beskrywing “big hair” is in 1978 in die Merriam-Webster-woordeboek gelys. Die definisie: “Hare wat gestileer en gepluiskam is om ’n buitengewone groot hoeveelheid ruimte bo en om die kop in te neem.” Groot hare was veral gewild in die 1980’s en supermodelle soos Cindy Crawford het gereeld daarmee gepryk. Maar alles wat op gaan, moet eindelik weer af kom. En soos die supermodel-gier getaan het, het hare ook platter geword. Tot nou toe. Welige haredosse is terug met mening. Een groot aantrekkingskrag…

Belê ook in ’n skerp skêr, gaas om wonde mee te reinig en bedek, verbande van verskillende wydtes, rekverband vir verstuitings en pleisters, sê Heidi. Francois-hulle beveel aan jy maak wonde met gewone gaas skoon. “Moenie watte gebruik nie. Kraanwater is voldoende om ’n wond te spoel en gaas klam te maak.” Paraffiengaas kan groot oppervlakkige wonde bedek. Verbande kan ook gebruik word om ’n slinger vir ’n beseerde arm te maak. ’n Wond wat gaap en aanhoudend bloei, benodig waarskynlik steke by ’n dokter. Dr. Esther Retief van Mosselbaai sê spesiale steriele pleisterplakstrokies om die rande van ’n gapende wond tydelik toe te trek kan ook help. “ ’n Jel-yspak is ook nuttig om pyn weens inseksteke en -byte te verlig, asook beserings soos ’n verstuite enkel,” sê Francois…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. ‘DIE ROOI VLAG HIER IS DAT DIE BEHEER IN MISHANDELING KAN VERANDER’– IRMA JALOESIE VERANDER MY VAN ’N EKSTROVERT IN ’N NIKS V Ek en my man is reeds twee dekades getroud en het drie kinders. My hele lewe lank was ek ’n ekstrovert en gemaklik met mense. My man het altyd gesê hy is nie die jaloerse soort nie. Tog, wanneer ek…

1 HOLD ME CLOSER BRITNEY SPEARS & ELTON JOHN Britney Spears se aanhangers wag al ses jaar lank op nuwe musiek. Nou is die wag verby. Dié enkelsnit is ’n nuwe weergawe van Elton John se 1971-treffer “Tiny Dancer” en was no.1 in 40 lande; sekerlik net omdat Britney-aanhangers dit getrou afgelaai en gestroom het. Die snit self is niks om oor huis toe te skryf nie. Britney klink soos een wat ’n rekenaarprogram ingesluk het, maar haar geharde aanhangers sal steeds die danstreffer geniet. 2 HUIS FRIKKIE VAN BILJON Dié liedjie sal jou laat nadink oor wat die woord “huis” vir jou beteken. Dis geïnspireer deur Frikkie se universiteitsvriend Paul Venter – wat die snit help skep het – se besluit in 2018 om Nieu-Seeland toe te emigreer. Die…

TER VERSAGTING Die vername regsfiguur sterf en ’n prokureur daag ’n bietjie laat by die roudiens op. Suutjies kry hy sy sit op ’n kerkplek langs ’n advokaat wat hy herken net toe die dominee, statig in sy swart toga, die preekstoel bestyg. “Hoe ver is hulle al,” vra hy fluisterend aan sy regskollega. Die advokaat knik in die rigting van die predikant en antwoord: “Die verdediging gaan nou begin.” JOHAN H, GONUBIE KAREN-OUTOMAAT Ek probeer uitwerk waar die elektriese kabel is wat my motorhek aan my buurvrou se gordyn koppel. Want as my hek oopgaan, gaan haar gordyn outomaties oop. HESTER, NAMIBIË SPRAAKSAAM Hy: “Wat sê jy vir jou vrou wanneer jy laat by die huis kom?” Vriend: “Ek sê net hallo. Sy sê die res!” JOHAN H, GONUBIE…

1 EIE ERVARINGS INSPIREER HAAR NUWE LIEDJIE Margot het in 2020 haar eerste liedjie, “Tydelike afleiding”, uitgereik. Hierna het sy vir eers haar musiekloopbaan opsygeskuif om haar studies in modeontwerp klaar te maak. Nou, ná twee jaar, is sy terug met nuwe musiek – en jy gaan haar popliedjie “110” oor en oor wil luister. “Ek het die idee daarvoor gekry toe ek op die strand gewag het dat my outjie klaar surf. Daar is iets aan die see wat ’n mens se idees lekker helder maak,” vertel dié 22-jarige sangeres van Bellville in die Kaap. Margot betree nou die grootmenswêreld – en dís waaroor die liedjie gaan. Dit sê: “Dis oukei as jy ’n bietjie verlore voel en in die onbekende injaag. Jy staan nie alleen in die deurmekaar…

HAAR hart het in haar skoene gesak toe sy sien met wie sy swaarde moes kruis. Sy, ’n 61-jarige ouma, moes veg teen ’n fikse teenstander wat twee dekades jonger as sy is. Maar toe Glenda Pieters die hef van haar floret in haar hand voel, het ’n kalmte oor haar neergedaal. “En garde!” beveel die skeidsregter hulle. Sy neem die gereedheidsposisie in en toe verdwyn elke greintjie twyfel in haar gemoed. Veerlig op haar voete laat sy haar swaard dans. Toe die aksie verby is, word die goue medalje om haar nek gehang. Haar veel jonger Australiese teenstander in die Statebond-skermkampioenskapstoernooi in Londen kon die Kaapse ouma se aanslag nie afweer nie. Tuis in Rondebosch-Oos klink Glenda steeds verwonderd oor haar triomf net dae tevore. “Ek het gedink: ‘Sjoe,…

DIT is die heel laaste plek waar ’n mens sou verwag om ’n koninklike raak te loop: agter die kasregister by ’n kwekery besig om aankope soos mis, slakaas en dahlias op te lui. En dis presies waarop lady Louise Windsor (18) gehoop het nadat sy dié werk by die tuinsentrum naby haar ouerhuis by Bagshot Park in Surrey, Engeland, gekry het. En met haar plat-op-die-aardehouding het sy so goed ingepas dat min inkopiegangers besef het die mooi blonde meisie met die skaam glimlag is die koningin se kleindogter. Wanneer sy nie as kassier gewerk of klante gehelp het nie, was Louise – die dogter van prins Edward (58) en Sophie, die gravin van Wessex (57) – doodgelukkig om haar hande vuil te maak en te help met ander pligte…

HOËRSKOOLLIEFIES Anrich en Micaela is al byna 12 jaar lank saam en drie daarvan getroud. Hulle het mekaar op hoërskool ontmoet en saam grootgeword. Micaela het voorheen as ’n laerskoolonderwyseres gewerk, maar verlede jaar opgehou werk sodat hulle meer tyd saam kon deurbring en reis. “Ons programme het dit baie moeilik gemaak om dit te doen terwyl sy nog skoolgehou het,” vertel Anrich. Sedertdien was hulle al in die Wes-Indiese Eilande, Dubai, Abu Dhabi, Indië, die Maledive-eilande en nou Londen. “Dis die eerste kriekettoer wat ons saam doen sonder om ’n beperkte covid-19-veilige borrel te hê. Dit is dus beslis ’n hele nuwe ervaring.” Die egpaar gaan later vanjaar ook ’n draai maak in Australië. Nieu-Seeland, Europa en Griekeland is ook op hul emmerskoplys. PRET IN DIE MALEDIVES Anrich en…