Indholdsfortegnelse for 22 September 2022 i Huisgenoot

1 BRITSE KONINGIN: EINDE VAN ’N ERA Koningin Elizabeth is in die ouderdom van 96 dood. Haar oudste seun het die Britse troon as koning Charles bestyg, met Camilla aan sy sy Toe ek in sub B was het sy Suid-Afrika besoek. Ek het langs die hoofstraat in Mowbray gestaan met ’n vlaggie in my hand terwyl haar motorstoet by ons verby gery het. Sy was 21. Mag sy in vrede rus. SARAH Wat ’n ongelooflike vrou, ons kan almal ’n blaadjie uit haar boek neem. Ek is so bly Charles is nou die koning; hy was nog altyd baie lojaal aan die monargie. Dol oor William; sy kans sal kom, hy is nog jonk. LINDA Dis hartseer, maar sy het ’n mooi en vol lewe gehad. Laat haar rus. Diana…

VROUE BANDJIESANDALE Gee jou uitrusting daardie ekstra tikkie drama met bandjiesandale. Dra dié sandale saam met rokke, kortbroeke en rompe vir ’n vleiende, vroulike voorkoms. WENK Moenie sandale te styf vasmaak nie; dit kan bloedvloei beperk. Maak seker dit lyk en voel gemaklik. AANGLIPSANDALE Aanglipblokhaksandale in treffende kleure en subtielversierde diamanté of gespes is ’n sjiek skoenkeuse vir die somer. Dra dit saam met helder kleure vir ’n lente-en somervoorkoms wat die koppe laat draai. WENK Pas die kleur van jou sandale by dié van jou uitrusting. Dit sorg vir ’n eenkleurige somervoorkoms met sagte kleuraksente. BONKIGE SANDALE Vaar die strate in in sportiewe gladiatorsandale met bonkige sole of breë bande. ’n Stewige sool is veelsydig vir alles van stadsuitstappies tot inkopies doen. INSTEEKPLAKKIES Fieterjasievrye insteekplakkies is ’n somerstaatmaker. Bly…

WEEGSKAAL 23 SEP – 22 OKT Met die kommunikasieplaneet, Mercurius, wat agteruitbeweeg uit jou teken en die son wat op die 23ste jou teken betree, kan jy vir ’n ruk sprakeloos voel. Werk sagkens met jouself en neem tyd om oor jou probleme te dink pleks daarvan om haastig te probeer regmaak wat verkeerd is. Jy het die steun en aanmoediging van die mens wat vir jou die meeste saak maak; maak dus gebruik van hul ervaring om hierdeur te kom. GELUKKIGE NOMMERS 16, 35, 43, 46, 37, 20 EIENSKAPPE VAN DIE LIBRA ◼ Jy beskik oor ’n aantreklike voorkoms en mooi persoonlikheid. ◼ Balans is die een ding waarna jy in die lewe streef. ◼ ’n Weegskaal se bekoorlikheid grens soms aan verleidelikheid. ◼ Jy is van nature ’n…

WAAROOR GAAN DIT? Dis 1978. Finney Shaw (Mason Thames) is ’n skaam en slim 13-jarige seun wat in Denver, Colorado, woon. ’n Sadistiese, gemaskerde moordenaar, wat net as The Grabber bekendstaan, ontvoer jong seuns in die buurt en Finney word sy jongste teiken. Hy gryp Finney en hou hom in ’n klankdigte kelder aan. Net toe Finney dink sy dae is getel, begin ’n ontkoppelde swart foon teen die muur skielik lui. Hy ontdek hy kan die stemme van die reeksmoordenaar se vorige slagoffers oor die foon hoor – en hulle wil seker maak Finney kom nie dieselfde as hulle oor nie. WAT ONS DAARVAN DINK Die storielyn van iemand wat kinders ontvoer en aanhou, klink dalk na iets wat jy al in baie rillers gesien het. Maar die swart…

2 BE LOVED (AM I READY) LIZZO Die Grammy-bekroonde sangeres het onlangs die musiekvideo vir haar liedjie “2 Be Loved (Am I Ready)” uitgereik waarin die akteur en model TYSON BECK-FORD haar liefdesbelangstelling speel. In die musiekvideo verskyn Lizzo in ’n wit skepping en stap sy in die kanselpaadjie af om met haarself te trou. Sy trek egter kleinkoppie en vat pad en vind dan die liefde wat sy verdien by Tyson. Die snit is van haar jongste album, Special, wat treffers soos “About Damn Time” opgelewer het. ’n Dokumentêr is ook op pad om kykers ’n kykie te gee na Lizzo se pad na roem.…

MAKADAMIANEUTE (of net makadamias) kom van die makadamiaboom, wat inheems is aan die oostelike dele van Australië. Lank voor makadamias deur Europese ontdekkingsreisigers ontdek is, het Australiese inboorlinge die soet en voedsame neut, wat hulle “kindal kindal” genoem het, geëet. In 1857 het die Duits-Australiese botanis Ferdinand von Mueller die plant makadamia genoem na sy vriend John Macadam – ’n Australiese chemikus wat die verbouing daarvan die eerste keer bevorder het. Walter Hill, die superintendent van die Brisbane Botaniese Tuin, het in 1858 gesien hoe ’n jong seun ’n neut van die makadamiaboom eet. Toe hy sien die seun kom niks oor nie, het hy self een probeer. Dit is die eerste aangetekende geval van ’n mens wat nie inheems is aan Australië nie wat ’n makadamianeut eet. HOE LYK…

Op huisgenoot.com kan kinders nou die nuwe aanlyn Afrikaanse kinderprogram Die Babbelbende kyk. In dié videoreeks onder soek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer leer oor ons wonderlike wêreld. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is sowat 12 minute lank. Op naweke deel ons aanlyn ’n omnibus van vyf episodes. Huisgenoot.com is deel van Netwerk24, en jy moet registreer om die episodes van Die Babbelbende te kyk. Besoek netwerk24.com om te registreer of laai die app in jouapp-winkel af. Kom leer ken Die Babbelbende – en geniet hul…

DIS ’n plat-op-die-aarde polisievrou wat alles vir haar kom verander het. Voor die rol van die geliefde polisiesersant Suzette Claase in Nêrens, Noord-Kaap het die aktrise Daneel van der Walt al ’n swartbelt in verwerping gehad, vertel sy laggend. Ja, daar was teater, kabaret en stemwerk oor die radio, maar die klein skerm en die groot doek het haar in ’n groot mate ontwyk tot sy in die TV-karakter Suzette se stewels geklim het. “Ek knyp myself nou nog oor die geskenk van daai rol,” vertel Daneel in haar kleurvolle woonstel in Tamboerskloof. Daar was ’n interessante karakter in Suidooster, en saam met die Nêrens-rol ook een in Arendsvlei, maar Suzette is die een wat vir haar deure kom oopmaak het. Nou is sy terug op die kassie as Bianca…

HUL DROOMDAG Hy was die gewildste boer van die af-gelope 14de seisoen van Boer soek ’n vrou, en sy was die een wat sy hart ge-steel het. Nou is TYSON ZUNCKEL en ALRI VORSTER amptelik getroud. Die paartjie het onlangs op Tyson se familieplaas in die Bergville-distrik in KwaZulu-Natal afgehaak. Alri het gestraal in ’n vloeiende skepping wat spesiaal deur die Kaapse ontwerper Lena-Lisa Bester gemaak is. “Dit was vir seker my droomrok. Tyson was in trane toe ek tussen die bome afstap, maar ek kan nie veel praat nie – my trane was ook vlak,” sê Alri. Onder die 200 gaste was nog deelnemers uit hul seisoen, soos Petré Vermeulen en sy meisie, Lourize Koch, Johan Lombard en sy vrou, Esmerélda, Hannis Vreken, Carel du Preez en Willem Lubbe.…

DIT was asof die hemel sy arms vir haar oopgooi. Oomblikke nadat die nuus oor haar dood bekendgemaak is, het ’n dubbele reënboog bo-oor Buckinghampaleis verskyn; ’n spatsel kleur in die grou lug bo die sierlike tuiste waar sy so baie tyd deurgebring het. Dit is hier waar koningin Elizabeth jare lank die wêreld se hooggeplaastes en bekendes ontvang het – van premiers, prinse en presidente tot wetenskaplikes en kunstenaars. Tussen dié mure was sy die gasvrou vir tallose staatsbankette en het sy duisende amptelike staatsdokumente onderteken wanneer sy daagliks deur die inhoud van haar bekende rooi boksie werk, altyd met haar geliefde corgi’s aan haar voete. Dis ook die vesting van die bekende koninklike balkon, waar sy net drie maande gelede nog met ’n glimlag vir die juigende skare…

DIE vorige Britse monarg was die jongste persoon wat in 200 jaar in dié land gekroon is. Die nuwe een is die oudste monarg wat die Britte nog ooit gekroon het. Maar tog sê koning Charles III se ondersteuners vir dit wat hy in jeugdige energie kortkom, maak hy op met sy ervaring. Charles (73) was net drie toe sy 25-jarige ma, Elizabeth II, koningin geword het met die afsterwe van haar pa, George VI, en hy die troonopvolger geword het. Sewe lang dekades moes hy in dié posisie vir sy dag in die kollig wag. En sy eerste belangrike taak as monarg, die toespraak wat hy moes lewer nadat sy ma oorlede is, laat dit lyk of hy die waardigheid en wysheid onder die knie het wat van hom…

1 Die koningin het jaarliks sowat 5 000 eerbewyse toegeken en tot 800 Kerskaartjies per jaar ge - stuur. Voor die pandemie het sy elke jaar meer as 50 000 mense in Buckinghampaleis onthaal. Dié paleis het 775 kamers, wat insluit 19 onthaalsale, 52 slaapkamers vir die koningsgesin en hul gaste, 92 kantore, 78 badkamers en 188 slaapkamers vir personeel. 2 Sy’t geleer bestuur toe sy gedurende die Tweede Wêreldoorlog by die weermag aangesluit het, maar het nooit ’n rybewys gehad nie en was die enigste persoon in Brittanje wat sonder een mag bestuur het. Haar motors het nienommerplate gehad nie. 3 As iemand aan die koningin ’n dier as geskenk gegee het, het sy dit aan die Londense Dieretuin geskenk. Deur die jare het sy al ’n olifant, krokodil,…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. ‘BOU JOU SELFBEELD OP SODAT MENSE SE MENINGS EN OPTREDE JOU NIE SO ERG POOTJIE NIE’– IRMA WAAROM HOU MY VRIENDSKAPPE NIE? V Ek is enkellopend, en al my vriende is reeds getroud. Ek is ’n introvert, maak moeilik vriende en vertrou mense nie sommer nie. Ek besef ook dat getroude paartjies ruimte vir hulself asook privaatheid nodig het, en ek neem dit in…

◼ Die rillerskrywer Stephen King se seun Joe Hill het “The Black Phone” in 2004 as ’n kortverhaal gepubliseer. Dit was nie gegrond op ’n regte reeksmoordenaar nie, maar is wel geïnspireer deur “berugte reeksmoordenaars” soos John Wayne Gacy, wat minstens 33 jong mans en seuns tussen 1972 en 1978 in die Chicago-gebied vermoor het, het hy aan Vanity Fair vertel. ◼ Die regisseur Scott Derrickson het sy eie kinderjare as inspirasie gebruik vir Finney se agtergrondverhaal: Hy bly saam met ’n jonger suster en alkoholis-pa en word dikwels geboelie. “Ek het grootgeword in ’n buurt in Denver wat baie gewelddadig was, daar was baie bakleiery en ’n geboelie, baie kinders wat heeltyd gebloei het,” het Scott aan news.com.au vertel. “Daar was baie gesinsgeweld, selfs in my eie huis, en…

BLINDE MOL OF WYSE UIL? Deur SUSAN COETZER R189* Susan Coetzer skryf in haar voorwoord oor “’n paar uitgesproke Christene wie se optrede haar en ander se lewe ontwrig”. “Hierdie Christene praat dikwels ’n klomp strooi. Hulle versuim elke dag om hulle woorde met dade op te volg. Die pap val gereeld op die grond en ander moet dit optel. Mense sonder integriteit maak die lewe vir ander moeilik. “Hulle belowe hand en mond dat hulle jou gaan terugbel oor iets, maar doen dit nie. Hulle belowe om hulle rekening môre te betaal, maar doen dit nie. Hulle belowe om iets terug te gee wat hulle geleen het, maar vergeet eenvoudig daarvan. Hulle duck en dive wanneer jy hulle begin soek om te hoor wat aangaan … “Hoe kan ’n…

GELUKSKOOT Die dronkie gooi aanhoudend geld in die kroeg se koeldrankmasjien en die een blik Coke ná die ander rol uit. Naderhand vra ’n ander drinker ongeduldig: “Kan ek nou ook die masjien gebruik?” Dronkie: “’n Bietjie geduld, ou pel, kan jy nie sien ek is besig om te wen nie?” WOLLIE, PRETORIA G’N EGO Jan: “As iemand jou R1 000 gee omdat jy lelik is, sal jy dit vat?” Gert: “Natuurlik. Ek is lelik, nie dom nie.” DENISE, PRETORIA WEN-WEN Man aan sy vrou: “Wat sal jy maak as ek die Lotto wen?” Vrou: “Ek sal die helfte van die geld neem, jou net so los en terug na my ma toe gaan.” Man: “Dis net wat ek wou hoor. Ek het R12 by die Lotto gewen. Hier is…

Op hierdie dag in 1828 is Shaka, die opperhoof van die Zoeloes, deur sy twee halfbroers Dingaan en Mahlangaan vermoor. Shaka het in 1816 die leier van die Zoeloes geword. Hy is gerespekteer en gevrees vir die vindingryke strategie vir oorlogvoering wat hy ontwikkel het. Hy het die lomp, lang spies wat voorheen gebruik is, ver-ruil vir ’n kort, ratse assegaai – iets wat sy soldate ’n groot voorsprong gegee het. Hy het sy weermag ook in eenhede verdeel wat vinnig op die been kon kom om bedreigings die hoof te bied. Op dié manier het hy verskeie stamme in die ooste van Suider-Afrika verenig en beheer gekry oor wat vandag KwaZulu-Natal is. Toe sy ma, Nandi, in 1827 dood is, het sy politieke teenstanders gesê sy hartseer hieroor is…

1 Prison Break is sy gunsteling-televisiereeks. 2 As hy ’n superheld se krag kon kies, sou hy beslis blitsvinnig wou wees soos Flash. “Sodat ek oral betyds kan uitkom.” 3 Hy het nie TikTok nie. Die app wat hy die meeste gebruik, is Spotify. “Dis net amazing om musiek te luister.” 4 “Ek is erg oor netjies wees en is ’n perfeksionis.” 5 En sy droom rol? Dis beslis ’n weermagrol of om ’n karakter soos die prokureur Harvey Specter in die dramareeks Suits te speel.…

“DAMES en here, kom ons maak ’n groot geraas en verwelkom Meneer Taliep Petersen!” Die kitare maak keel skoon en speel die eerste note van Elvis se “Can’t Help Falling in Love”. En skielik is Taliep daar. Met ’n breë glimlag en die soepel stem van ’n veel jonger man sing hy: Wise men say, only fools rush in. But I can’t help falling in love with you. Ek kuier by die huis van die baskitaarspeler Howard Links en sy vrou, Patricia, in Bonteheuwel, Kaapstad. Hulle speel vir my ’n opname van dié konsert wat in die bekende Luxurama-teater in Wynberg gehou is. Howard se beste raaiskoot is dat dit so rondom 1987 was. Hy was so gereeld saam met Taliep op die verhoog dat hy nie lekker kan onthou…

DIS gewoonlik hul spel op die veld wat die koppe laat draai – harde plettervatte, slim systappies en akkurate skopwerk. Maar enigeen wat vanjaar se Rugbykampioenskapsreeks dophou, kan sien dat ál meer rugbyspelers benewens die ure in die gimnasium en op die oefenveld ook heelwat tyd voor die spieël en in die haarsalon deurbring. Daarvan getuig die eiesoortige haarstyle waarmee van die Suid-Afrikaanse, Australiese en Nieu-Seelandse rugbybrekers uitdraf. Die dae van eenvormige, kort haarstyle vir rugbyspelers is oënskynlik vergete, en deesdae kan jy enigiets verwag, van ons eie skrumskakel Faf de Klerk se blonde lokke tot die Nieu-Seelandse senter Rieko Ioane se mullet. Hoe voel plaaslike haarstiliste oor die imposante kapsels? “Party van die haarstyle maak my oë seer!” meen Wessel Gerber van die Vat Dit Kop Toe-haarsalon in Durbanville.…

DIE tyd ná die model Reeva Steenkamp se dood sal deur sowel Oscar Pistorius, haar minnaar en skieter, as Barry en June Steenkamp, haar ouers, as die mees emosioneel uitmergelende tyd van hul lewe onthou word. Maar nou, byna 10 jaar nadat daardie geweerskote op die nag van 14 Februarie 2013 hul almal se lewe permanent verander het, bevind al drie dié figure hulle weer in ’n emosionele warrelwind. In Pistorius se geval is die emosies skynbaar so positief soos wat dit kan wees onder die omstandighede van sy tronklewe. Hy beleef hoop en optimisme by die gedagte dat hy dalk binnekort uit die tronk kan wees wanneer hy parool kry. “Dit gaan beter met hom as ooit tevore. Hy is positief. Hy glo hy gaan binnekort uitkom. Dit lyk…

DIE radio-en televisieaanbieder TRACEY LANGE en haar man, AVUKILE MABOMBO, is mal oor reis en het onlangs weer in Amerika ’n draai gemaak. “Dit was net wat nodig was om ons siele te verfris ná die afgelope twee jaar,” sê Tracey. “Ons het die vakansie eintlik eers in Julie begin beplan. My man moes daar wees vir die Amerikaanse Ope omdat sy maatskappy een van die borge is.” Hulle het toe die tennisspelers Rafael Nadal en Naomi Osaka in aksie gesien. “Dit was lieflik om weer te reis en net iets anders te sien. Ek was in April in Dubai, maar dinge is selfs nog gemakliker nou, so dit was hope pret.” Hulle het ook vir die tweede keer ’n draai in New York gemaak. Dié keer het hulle nie…

HAAR GROOTSTE LIEFDE PRINS PHILIP TOE die 13-jarige prinses Elizabeth prins Philip in Julie 1939 die eerste keer sien, was sy dadelik smoorverlief. Die blonde vlootkadet was 18 jaar oud en op die punt om by die Britse vloot aan te sluit. Nes sy was hy van koninklike afkoms, maar anders as haar familie was hy platsak. Philip was haar agterkleinneef – hulle het dieselfde ooroorgrootouers gehad, koningin Victoria en prins Albert. Elizabeth en prinses Margaret – vergesel deur hul ouers, toe reeds ingehuldig as koning George VI en koningin Elizabeth – het die Britannia Royal Naval College in Dartmouth, Engeland, besoek, maar ’n uitbreking van pampoentjies en waterpokkies het beteken hulle moes die kerkdiens misloop. Elizabeth en Margaret is toe na die kollegehoof se huis gestuur, en dis waar…

• Die keiserlike staatskroon is geset met 2 868 diamante, 17 saffiere, 11 smaragde en 269 pêrels. • Die koningin is in die St. Edward-stoel gekroon, wat in 1300 vir koning Edward I gemaak en sedertdien by elke kroning gebruik is. • Prins Charles, toe vier en ’n half, was die enigste kind wat sy ma se kroning aanskou het. Prinses Anne, toe net twee jaar oud, het nie die plegtigheid bygewoon nie omdat sy as te jonk beskou is. • Meer as 2 000 joernaliste en 500 fotograwe van 92 lande het op die kroningsroete gewerk. • Weens die groot getalle buitelandse gaste by die vieringe moes die kos vooraf berei word. Die Britse bloemiste en skrywer Constance Spry het ’n resep bedinkwatbestaanhetuitkoue hoender in ’n romerige kerriesous met…

HIERDIE IS ’N VERKORTE, GEREDIGEER-DE UITTREKSEL UIT HUISGENOOT SE SPESIALE GEDENKUITGAWE OOR KONINGIN ELIZABETH. DIÉ SPESIALE GLANSTYDSKRIF DEK DIE VELE DRAAIE VAN HAAR LANG LEWENSPAD. DIT BIED ’N BINNEBLIK OP DIE BESONDERHEDE VAN HAAR BESONDERSE LEWE – EN 132 BLADSYE MET UNIEKE PRAG-FOTO’S. DIT IS BESKIKBAAR TEEN R85. OM DIT TE BESTEL, STUUR E-POS NA KOOP@HUISGENOOT.COM, SKAKEL 021-406-4962 OF BESTEL DIT BY HUISGENOOTWINKEL.COM OF MEDIA24SHOP.COM.…

Griekse PITABRAAI-BROODJIES met GEURIGE MENT-FRIKKADELLE GENOEG VIR 4 MENSE / BEREIDING: 30 MIN. / GAARMAAK: 45 MIN. FRIKKADELLE ◗ 500 g maer beesmaalvleis◗ 1 ui, gerasper◗ 2 knoffelhuisies, fyngekap◗ 60 ml (¼ k) hawermout◗ 1 eier, geklits◗ 1 takkie vars ment, blare van die stingel afgebreek en fyngekap◗ sout en vars gemaalde peper, na smaak◗ fyngerasperde skil van 1 suurlemoen◗ ’n bietjie olie, vir braai BRAAIBROODJIES ◗ 4 pitabrode, oopgesny◗ botter, vir smeer◗ 1 rooi-ui, in ringe gesny◗ 30 ml (2 e) vars origanum, gekap◗ 4 knoffelhuisies, fyngekap◗ 1 wiel fetakaas, gekrummel◗ 100 g mozzarellakaas, gerasper◗ 12 kersietamaties, gehalveer◗ 12 ontpitte olywe, grofgekap Maak ’n vuur met genoeg kole vir braai en sit ’n staander in die kole. Hou ’n toeknyprooster naby. 1 Frikkadelle Meng alles behalwe die olie goed,…

KRY DIT HIER @HOME 0860-834-834, HOME.CO.ZA; ABUNDANT AFRICAN ART 084-547-0207, ABUNDANTAFRICANART.CO.ZA; BABYLONSTOREN 021-300-3919, SHOP.BABYLONSTOREN.COM; DESIGN STORE 071-670-2575, DESIGNSTORE.CO.ZA; ESQUE 079-0877-994, ESQUE.CO.ZA; ETHOS 010-110-7722, ETHOS-STORE.CO.ZA; KNUS 087-550-7600, KNUS. CO; MADE BY ARTISANS 087-058-0625, MADEBYARTISANS.CO.ZA; MR PRICE HOME 064-584-1000 (WHATSAPP), MRPHOME.COM; NIFTY POSTERS NIFTYPOSTERS.CO.ZA, SIMON@NIFTY250.CO.ZA; PEDERSEN + LENNARD 021-447-2020, PEDERSENLENNARD.CO.ZA; SUNNY SPOT 082-046-0043, SUNNYSPOT.CO.ZA; THE STREETS FURNITURE CO. 072-801-2327, THESTREETS.CO.ZA; YUPPIECHEF 0861-702-4969, YUPPIECHEF.COM HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

DIT is ’n taamlik maklike manier vir beginners om welvaart te bou sonder om baie geld te belê of groot risiko’s te loop. Hier is sewe dinge wat jy moet weet van effektetrusts. 1 WAT IS DIT? Jou geld word saam met dié van ander beleggers in een fonds gesit en dan belê in bates soos aandele, genoteerde eiendom en die geldmark. Dit staan ook bekend as kollektiewe beleggings. Daar is ’n groot verskeidenheid effektetrusts. ’n Effektetrust wat uitsluitlik in aandele belê, sal moontlik ’n algemene aandelefonds genoem word. ’n Gebalanseerde fonds is weer een wat geld belê in aandele, eiendom, staatseffekte en kontant. Elke beleggingsmaatskappy bied sy eie reeks effektetrustfondse wat deur ’n fonds-of batebestuurder bestuur word. 2 HOEVEEL GELD HET JY NODIG? In die algemeen kan jy begin met R250…

UNTOLD: THE GIRLFRIEND WHO DIDN’T EXIST DIE STORIELYN In hierdie program met net twee episodes praat die Amerikaanse voetbalspeler Manti Te’o (31), wat in Hawaii gebore is, oor sy opgang in die sportwêreld. Dié uitblinker kom uit ’n eenvoudige agtergrond met ouers wat hul bes gedoen het om hul kind ’n goeie lewe te gee. Sy lewe het bestaan uit geloof, familie en voetbal. Op universiteit was hy ’n ster. Almal wou hom in hul span hê. Maar toe ontspoor sy lewe nadat hy ’n vriendskapsversoek op Facebook gekry het van ’n vrou wat hy glad nie ken nie. Die twee raak toe oor die foon verlief, en dit lei later daartoe dat die goue seun van Amerikaanse voetbal die swartskaap van dié sport raak. Die identiteit van die vrou…

Wat was die inspirasie agter jou tong-in-die-kies enkelsnit “Bokswyn”? Ek is lief vir ’n glasie wyn ná ’n lang week of as ek saam met my man (die gewese Springbok-rugbyspeler Heinrich Brüssow) of vriendinne wil ontspan. Ek wou ’n liedjie skryf wat almal sal laat goed voel en waarmee almal hulle kan vereenselwig. Ek wil hê “Bokswyn” moet mense help om ’n ruk lank te vergeet van die druk wat die lewe op jou plaas en in die oomblik te leef. Geniet jy self bokswyn of ’n lekker glasie wyn ná ’n lang week? Amper altyd vandat ek ’n ma is (lag). Dit is vir my gesellig en laat my saam met my man, vriende en familie ontspan. Vertel vir ons meer oor die konsep van die musiekvideo. Dis jou…

GROOT BLOKRAAI WEN ’N BOEK VIR JOU LEWENSVERHAAL PLUS KOM IN AANMERKING VIR DIE MAANDELIKSE TREKKING VAN R1 000. NO 2 458 As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. VRAAG: Watter soort riet is ter sprake? Hierdie week wen een leser Die storie van my lewe, ’n pragtige hardebandboek wat jou help om jou eie lewensverhaal neer te skryf. Op dié manier kan jy jou kosbare herinneringe verewig, uitdruk wie jy as mens is en jou storie vir jou nageslag bewaar. Kort opskrifte sal jou help om jou gedagtes te orden en staaltjies oor belangrike mense en gebeure in jou lewe te onthou. Daar is ook hoofstukke waarin jy langer kan skryf oor verskillende lewensfases. Om dit te bestel, gaan…

RIZANÉ ROSSOUW Rizané (10) is van Somerset-Wes buite Kaapstad. Sy speel Sean-Marco en Trix se TV-dogter, die negejarige Emmy. “Sy het ’n spesiale band met haar pa, maar sy mis dit om tyd saam met haar ma deur te bring wat van Johannesburg af Stellenbosch toe getrek het,” sê Rizané. “Die lekkerste deel was om ’n bekkige meisie te kan wees. En die kos, en om te sien hoe alles agter die kameras werk.” TV-DEBUUT Dis dié gr. 4-leerder van die Laerskool De Hoop op Somerset-Wes se eerste TV-rol. “Dis ’n groot eer en voorreg om saam met bekende akteurs aan ’n reeks te kon werk. Hulle was almal baie gaaf en vriendelik met my, en ek het baie by hulle geleer en besef hulle is ook gewone mense,” sê…

‘EK HET GEDINK OUERSKAP IS NIE VIR MY BESTEM NIE, EN EK WAS NIE SEKER HOE OM DAARMEE VREDE TE MAAK NIE’ SY GILLETJIES maak dit vandag moeilik om hom te ignoreer. Nie dat dit vir klein Manoah Jayden Nxumalo nodig is om aandag te soek nie, want die oulike baba is die middelpunt van sy pa se heelal. “Glimlag vir die oom; wys vir hom hoe oulik jy is,” sê Vusidava “Vusi” Nxumalo (41) toe sy maand oue seuntjie begin keel opsit. Maar Manoah draai net die volume verder oop. “Toemaar, jy is altyd oulik, selfs as jy huil,” gee sy pa bes. Die kleinding het sy pa stewig om sy pinkie gedraai, maar hoe dan anders? Manoah is die kind waarop hy al so lank gewag het. Eers…

SY IS geskok oor die bewerings van ’n verhouding tussen haar Springbokman en die nasionale rugbyspan se dieetkundige – soveel te meer omdat sy die “ander vrou” tot op hede as ’n familievriendin beskou het. So sê Iva Jantjies (33), die vrou van Elton Jantjies (32), in ’n openhartige onderhoud met Huisgenoot oor die “stoutseun van rugby” se beweerde manewales met Zeenat Simjee (30). Dit lyk of die Bokke se wisselvallige losskakel maar net nie uit die moeilikheid kan bly nie. In Mei vanjaar is hy op die O.R. Tambo-lughawe in Johannesburg in hegtenis geneem nadat hy na bewering ’n lugwaardin op ’n Emiratesvlug geteister het. Hy het weens die voorval in Kempton Park se landdroshof verskyn voor hy ’n skikkingsooreenkoms met die lugdiens bereik het. Nou woed ’n herrie…

CINTAINE SCHUTTE Cintaine het nog altyd daarvan gedroom om ’n mariene bioloog te word. “Ek was nog altyd lief vir die seelewe. Al het my droom nie waar geword nie het ek ten minste ’n karakter in die teaterstuk Amper Vrystaat gespeel wat dit studeer het,” vertel sy. FRANCOIS VAN COKE Dié rocker wou ’n rugbyspeler word en is nou nog mal oor dié sport. “Ek was heeltemal rugbybehep toe ek jonk was, veral op laerskool, maar ook dele van hoërskool. Ek het my hoogtepunt bereik in st. 5 toe ek Cravenweek gespeel het.” CLINT APLON Dié akteur, wat op die oomblik in die sepie 7de Laan te sien is, wou al van kleins af toneelspeel. “Daar was ’n paar keer dat ek onderwys oorweeg het,” verklap hy. Maar die…

HAAR KINDERJARE Die dogtertjie wat as volwasse vrou Brittanje se langs heersende monarg sou word, is in ’n gewone huis, Brutonstraat 17 in Mayfair, Londen, gebore. Dit het aan haar oupa aan moederskant, die 14de graaf van Strathmore, behoort. Dit het gegiet van die reën toe sy op 21 April 1926 om twintig voor drie die oggend met ’n keisersnee verlos is. Haar ouers, toe nog die hertog en hertogin van York, het besluit op die naam prinses Elizabeth Alexandra Mary Windsor. In ’n berig oor haar doop in ’n privaat kapel by Buckinghampaleis het Time onthul water is spesiaal vir die plegtigheid van die Jordaanrivier gebring. Die blonde blouoogprinses het die bynaam Baby Betty by die Britse media gekry, maar haar familie het haar gou Lilibet genoem – ’n…