Indholdsfortegnelse for 20 October 2022 i Huisgenoot

1 ‘SÓ SOU MY KIND VANDAG GELYK HET’ Ná 33 jaar soek Linette van der Lingen steeds antwoorde oor die lot van haar dogter, Odette Boucher, aan die hand van die pedofiel Gert van Rooyen Om jou kind te verloor moet die seerste seer ooit wees. Maar om ná al hierdie jare nie eens te weet of jou kind dalk nog leef nie is afgryslik. Ek bid dat julle spoedig antwoorde op al hierdie vrae sal kry. Baie sterkte. TERSIA Dit is so verskriklik hartseer. As iemand tog net eindelik die antwoorde kon verskaf oor wat van al hierdie kinders ge-word het. As hulle lewe, waar is hulle? Of as hulle werklik dood is, waar is hul rusplekke dan? MADELYN Wat hierdie ouers deurmaak, is erger as om te weet jou…

NES ’n hen wat haar kuikens onder haar vlerke bymekaarmaak, trek die sangeres vandag haar skugter dogters tot styf teen haar toe hulle voor die kamera inskuif – twee blondekoppe kry elk sitplek op ’n bobeen; die donkerkop sit styf teen haar ma se bors. Dié drietjies is kamerasku, en hul bekendeland, verhuis. ma moet behoorlik bontstaan om haar kriewelrige kuikens voor die kameralens te laat stilsit – en hulle daar te hou. Maar dis al 15 jaar sedert die drieling Tayden, Kaeley en Jade se geboorte, en in die jare sedertdien het die sangeres Nianell geleer om hierdie “toertjie”, soos sy daarna verwys, behoorlik te bemeester. “Ek haak twee van hulle met ’n arm en die derde een met my bene,” spot die sangeres, en knipoog vir haar…

Die Noorweër is in 1990 in Tønsberg gebore en is die wêreld se no. 1-skaakspeler, die heersende wêreldkampioen en word as die beste ooit beskou. Hy kon reeds op twee jaar oud 50-stuk-legkaarte voltooi, en sy pa het hom op vyf skaak leer speel. Op daardie ouderdom het hy ook “al die hoofstede en na-sionale vlae van al die lande in die wêreld gememoriseer”, vertel hy op sy eie webtuiste. Hy het reeds in 2004 op die rekordouderdom van 13 jaar en vier maande ’n skaakgrootmeester geword – die hoogste status in dié spel. Hy is “die Mozart van skaak” gedoop. In skaak kry jy ’n rangpunt wat aandui hoe goed jy speel. Jy moet ’n rangpunt van meer as 2500 hê om ’n grootmeester te wees. In 2010 het…

Om op ’n kusdorp af te tree klink dalk idillies, veral as jy deur die jare so lekker langs die see vakansie gehou het. Maar om op ’n kusdorp te woon is anders as om daar vakansie te hou. Ook hier moet jy maar dieselfde dinge oorweeg as op baie ander aftreeplekke, maan Nellie van Staden van Nellie van Staden Eiendomme: ◼ Gaan jy vriende daar hê? ◼ Hoe verskil die lewenskoste? Baie kusdorpe is nogal duur. ◼ Hoe sal die kusklimaat jou ge-sondheid beïnvloed? ◼ Watter keuses gee ’n bepaalde kusontwikkeling jou in terme van eiendomsreg en lewensreg? ◼ Watter versorgingsmoontlik-hede sal jy daar tot jou beskikking hê? Dalk is jy nou nog gesond, en jy dink jy hoef nie naby versorgingsgeriewe vir verswakte bejaardes te bly nie. Maar…

1 Die fliek was veronderstel om meer op die hekse te fokus, maar Disney het baie van hul tonele uitgesny om dit meer gesinsvriendelik te maak en eerder op die groep kinders te fokus wat die drie hekse probeer stuit, sê Kathy. 2 Kathy se karakter, Mary, se mond was in die eerste fliek aan die linkerkant skeef, maar in die opvolgprent is die skewe trek nou aan haar regterkant omdat sy nie weer heeltyd haar mond so kon trek nie. “Ons kan dit regverdig, want daar is ’n toneel aan die begin waar Winnie my klap en my mond trek na die een kant toe, en dan klap sy my weer en dit trek dan na die ander kant toe en bly so.” 3 Van die ikoniese kostuums uit die eerste fliek…

AGTER MY GLIMLAG Deur LINDIE STANDER Tafelberg, R225* ‘EK IS superopgewonde en bevoorreg om my boek te kan vashou. Ek het my beste gegee, en kan nie anders as om trots te voel op myself nie. Daar knaag nog baie skuldgevoelens oor die ongemak wat ek by van die rolspelers in die boek ontlont, maar ek kies om nie met hul hewige reaksies te engage nie. Dis my verhaal. I’m owning it.” Lindie Stander skryf tot op die been eerlik in Agter my glimlag oor hoe dit gekom het dat sy op die kruin van haar loopbaan as Binnelanders-aktrise geval het tot daar waar sy in ’n bloedbevlekte hospitaalbed wakker geword het. Ek vra haar of dié eerlikheid haar nie blootgestel laat voel noudat haar boek op die rakke is…

SKERPIOEN 23 OKT – 21 NOV Al is jy nie dié week die ster van die oomblik nie, kan jy daaraan werk om die ster agter die skerms te wees. Dis ’n liefdadige tydperk waartydens jy meer moet gee as wat jy van ander neem; beskou dit as ’n belegging in jou karma vir die toekoms. Sowel die son as Venus vestig op die 23ste in jou teken, en verander die toneel terwyl jy die Skerpioenseisoen binnegaan met ’n verjaardag om te beplan. Stel jou voornemens vir die komende jaar. JOU GELUKKIGE NOMMERS 2, 33, 45, 51, 43, 22 SCORPIO UITGESPEL ◼ Jy kan uit die as uit opstaan. ◼ Jy is dapper en sal dit waag waar min mense dit sou doen. ◼ Jy hou nie daarvan om te…

1 Sy is mal oor die K-popgroep Blackpink, en haar gunsteling-Instagrammer is Lisa van dié groep. “Ek is verlief op elkeen van hulle.” 2 Die vreemde koskombinasie wat sy geniet is maaskaas, appels en perskes. “Dis só lekker.” 3 Die emoji’s wat sy die meeste gebruik is 4 Sy geniet dit om op Beyoncé se musiek te dans. “Of selfs Destiny’s Child.” 5 Haar bestie is Joshua Bassett (21), haar medester in die reeks High School Musical. Volgens Sofia is Joshua supertalentvol en druk hy haar altyd om die beste te wees in als wat sy doen. Klink mos soos ’n pêl duisend!…

DAAR word voorspel dat twee derdes van die wêreld se bevolking teen 2025 met ’n ernstige tekort aan vars water sal saamleef. In Suid-Afrika het baie van ons die bedreiging van “Dag Zero” ervaar, die dag wanneer die watervoorraad opdroog. Wat ’n skrikwekkende gedagte! Reënval in Suid-Afrika is onvoorspelbaar, daarom moet ons mooi kyk hoe ons water gebruik en wat ons kan doen om die water wat ons het so ver moontlik te laat gaan. Dis waar gryswater ’n paar oplossings bied wat maklik by die huis gebruik kan word, met amper geen spesiale toerustings nie. WAT IS GRYSWATER? Gryswater is die onbehandelde huishoudelike water wat van plekke soos die opwasbak en skottelgoedwasser in jou kombuis, die wasmasjien of wasbak in jou waskamer, en ook die water van jou bad,…

Op huisgenoot.com kan kinders nou die nuwe aanlyn Afrikaanse kinderprogram Die Babbelbende kyk. In dié reeks onder soek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer leer oor ons wonderlike wêreld. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Huisgenoot.com is deel van Netwerk24, en jy moet registreer om die episodes van Die Babbelbende te kyk. Besoek netwerk24.com om te registreer of laai die app in jouapp-winkel af. Kom leer ken Die Babbelbende – en geniet hul vrolike geselskap…

JAN RSVP SUID-AFRIKA se eerste Michelin-bekroonde sjef, JAN HENDRIK VAN DER WESTHUIZEN, wat deesdae in Frankryk woon, vier samesyn hier op eie bodem in die vierde seisoen van sy Safta-bekroonde reeks, JAN, op VIA. In JAN RSVP nooi hy bekende gaste soos die voormalige Mej. Suid-Afrika JO-ANN STRAUSS, die aktrise ANNA-MART VAN DER MERWE, EVITA BEZUIDENHOUT en die sangeres PJ POWERS vir ’n koservaring van ’n leeftyd. “Die gaste is mense wat groot rolle in my lewe speel. Hulle het op ’n tyd, of is op die oomblik, besig om my te inspireer met hul menswees,” sê Jan Hendrik. Die jongste seisoen is in Februarie vanjaar oor drie weke by ’n huisie in ’n laventelveld op die La Motte-wynlandgoed op Franschhoek verfilm. “Die huisie is een van die mees gefotografeerde…

1 OBAMAS VIER 30STE HERDENKING Die Amerikaanse oudpres. Barack Obama (61) en sy vrou, Michelle (58) is steeds so dolverlief soos die dag toe hulle mekaar ontmoet het. Die egpaar het onlangs hul 30ste huweliksherdenking gevier en albei het strandfoto’s op sosiale media gedeel. Michelle lyk “nog presies dieselfde”, het Barack by syne geskryf. Michelle het gedeel: “Die afgelope 30 jaar was ’n avontuur en ek is dankbaar om jou aan my sy te hê. Ek wens vir ’n leeftyd saam. Ek is lief vir jou.” 2 KATE DEEL NUUS OOR VERLOWING Die aktrise Kate Walsh (54) het onlangs per ongeluk nuus oor haar verlowing aan die Australiese boer Andrew Nixon (58) gedeel in ’n Private Practice-reünie saam met haar medester Amy Brenneman op Instagram Live. “Dis my verloofde,” het…

BROCCOLI-MOZZARELLA-en-SPEKHAPPIES LEWER 20-22 HAPPIES / BEREIDING EN BAK: 30 MIN. ◗ 200 g broccolirys, sien wenk◗ 1 k gerasperde mozzarellakaas◗ 3 eiers, liggies geklits◗ 2-3 spekrepe, brosgebraai en fyngekap◗ 3 e (45 ml) klappermeel◗ 2 e (10 ml) gerasperde parmesaanstylkaas of voedingsgis◗ 1 t (15 ml) droë gemengde kruie◗ 1 t (15 ml) knoffelpoeier of 1 knoffelhuisie, fyngekap◗ ½ t (2,5 ml) mosterdpoeier◗ ¼ t (1,25 ml) psilliumveselpoeier◗ sout en swartpeper na smaak 1 Plaas al die bestanddele in ’n mengbak en meng met ’n houtlepel of vurk tot dit maklik in ’n bal gevorm kan word. Skep eetlepels vol van die mengsel uit en rol tussen jou palms in balletjies, ongeveer so groot soos tafel-tennisballetjies. (Voeg ’n bietjie klappermeel by as die mengsel te taai is.) 2 Versprei die…

KRY DIT HIER @HOME 0860-834-834 HOME.CO.ZA; BESPOKEHOME.CO.ZA 021-448-7155; GAME.CO.ZA 0861-426-040; HERTEXHAUS.CO.ZA 021-948-4764; JENNYROBERT.CO.ZA 082-462-3395; KNUS.CO 087-550-7600; MONEXTERIORS.COM INFO@MONEXTERIORS.COM; MRPHOME.COM 064-584-1000 (WHATSAPP); SHEETSTREET.COM 087-754-2492; WOOLWORTHS.CO.ZA 0860-022-002 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFER NIE VERANTWOORDELIK GEHOU KAN WORD NIE.…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. EK HET SAAM MET ’N SUIPLAP HUIS GEKOOP V My ouers leef nog en het altyd kop geskud oor my neiging om ongure karakters uit te soek en met hulle verhoudings aan te knoop. Ek en my huidige kêrel gaan al ’n paar jaar uit en het verlede jaar saam ’n huis gekoop. Hy is geskei en het twee kinders. Ek het so…

1 Besoek eisteddfod.huisgenoot.com. 2 Kliek op “Neem deel” en dui aan watter meesterklas jy wil koop. Toegang tot elke meesterklas kos R120 en sluit jou inskrywing vir daardie spesifieke afdeling in. 3 Gaan voort na die betalingsproses en vra ’n volwassene om met ’n kredietkaart te betaal. 4 Nadat julle betaal het, sal jy aanlyn toegang hê tot die meesterklas vir die afdeling waarvoor jy ingeskryf het. Jy kan die meesterklasvideo met wenke en raad in jou eie tyd aanlyn kyk. 5 Maak seker jy het die kompetisiereëls gelees en is seker van die kompetisie se sluitingsdatum. 6 Sodra jy gereed is, verfilm jou optrede. Jy kan iemand vra om dit sommer met ’n selfoon se videokamera af te neem. 7 Sorg dat jou video nie langer is as 2 minute (poësie) en…

BARTO SWIEGERS is ’n nuwe stem op die Afrikaanse musiektoneel. Sy eerste enkelsnit, “H2Oë”, maak opslae. Daarin vergelyk hy H2O – water – met ’n vrou se oë in ’n metafoor vir die liefde. Die boorling van Pretoria het al vertel hy het ’n liefde vir water ontwikkel toe hy met hoërskool begin het. Dit was ook die inspirasie agter dié snit – die “dualisme” van water: hoe jy dit nodig het om te leef en hoe vinnig dit jou lewe kan verwoes. Barto is iemand om dop te hou.…

GROOT BLOKRAAI WEN ’N BOEK VIR JOU LEWENSVERHAAL PLUS KOM IN AANMERKING VIR DIE MAANDELIKSE TREKKING VAN R1 000. NO 2 462 As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. VRAAG: Watter soort vliegtuig is ter sprake? Hierdie week wen een leser Die storie van my lewe, ’n pragtige hardebandboek wat jou help om jou eie lewensverhaal neer te skryf. Op dié manier kan jy jou kosbare herinneringe verewig, uitdruk wie jy as mens is en jou storie vir jou nageslag bewaar. Kort opskrifte sal jou help om jou gedagtes te orden en staaltjies oor belangrike mense en gebeure in jou lewe te onthou. Daar is ook hoofstukke waarin jy langer kan skryf oor verskillende lewensfases. Om dit te bestel, gaan…

1 In rugby, wie is die persoon wat seker maak die spelers volg die reëls? 2 In watter land eet mense graag slakke? 3 Waar of vals: ’n Kameelperd staan regop terwyl hy slaap. 4 Wat doen jou oog sowat 4 200 000 keer per jaar? 5 Watter getal moet jy by 66 tel om 121 te kry? ANTWOORDE 1 Skeidsregter 2 Frankryk 3 Waar 4 Knip 5 55 BRONNE THEGUARDIAN.COM, NEWSFORKIDS.NET, BBC.CO.UK, DOGONEWS.COM, BBC.COM, WIRED.COM, ALJAZEERA.COM…

FLIEKS EN REEKSE THE MYSTERIOUS BENEDICT SOCIETY VIR OUDERDOMME: 9+ KYK DIT OP: DISNEY+ In die tweede seisoen van dié reeks, wat vanaf 26 Oktober beskikbaar is, gaan Reynie, Sticky, Kate en Constance – die vier begaafde weeskinders wat die eksentrieke Mr. Benedict onder sy vlerk geneem het – op nóg ’n missie om die wêreld te red van sy bose tweelingbroer, Dr. L.D. Curtain. Hulle ontdek Mr. Benedict en Number Two is ontvoer, en hulle moet dan koppe bymekaarsit om hulle te red. En dis natuurlik een groot avontuur. CLIFFORD THE BIG RED DOG VIR OUDERDOMME: OUERDISKRESIE KYK DIT OP: SHOWMAX Jy kry nie ’n groter held as Clifford in Clifford the Big Red Dog nie. Dié oulike fliek is gegrond op Norman Bridwell se geliefde reeks van 80…

AS JY versot is op misdaadreekse, weet jy reeds dat Washington, DC, in Amerika die tuiste is van organisasies soos die CIA en die FBI. En met die Withuis om die draai sou jy dink hulle weet als van veiligheid by megabyeenkomste, of hoe? Wel, daar is altyd meer te leer, want toe sheriffs van oor Amerika heen onlangs in Washington saamgetrek het om oor skareveiligheid te leer, was ’n krimino loog van die Universiteit van Pretoria aan die woord. En hier waar ons vandag met prof. Christiaan Bezuidenhout (54) op die Tukkieskampus gesels, is sy kantoormuur bedek met sy “buit” – die polisiekentekens van verskillende Amerikaanse deelstate. Christiaan is die kundige op Huisgenoot Ware Lewensdramas, wat sedert 10 Oktober op VIA te sien is. Met 30 jaar se ondervinding…

KORT-KORT Sonnige weer vra oulike kort tops. Dra halternek-, bandeau-en tenktops by jeans met ’n hoë middel om moeiteloos cool te lyk. ROMPE EN BROEKE Druk jou uit in rompe en klokbroeke. Wees op die uitkyk vir items met unieke afronding soos patrone en versierings, en bring die 1970’s terug in ge-hekelde retroklokbroeke. AFRONDING Lekkergoedkleure soos ligpers en groen is hierdie somer hoogmode en rond enige voorkoms mooi af. Dra dit só PREPPIE Wees sportief-sjiek in pienk en wit. Dra ’n kort baadjie saam met ’n geplooide mini, kort toppie en tekkies vir ’n voorkoms wat speels en preppie maar ook gemaklik is. ROCKSTER Swart is nooit basic nie! Donker neutrale voorkomste is hierdie seisoen steeds gewild. Meng verskillende teksture en skakerings van swart en olyfgroen en rond dit af…

BYNA 4 300 vals lewensverseke-ringseise, met ’n gesamentlike waarde van R787 miljoen, is verlede jaar deur lidmaatskappye van die Vereniging vir Spaar en Belegging van Suid-Afrika (ASISA) ontvang. Soms is dit bloot dat die eiser die verkeerde inligting verskaf het– maardaarisook bedrieg-like eise deur skurke wat onskuldiges se persoonlike inligting steel en misbruik. Hier is sewe dinge om te weet. 1 WAT IS VERSEKE-RINGSBEDROG? Dis wanneer jy inligting weerhou, of vals inligting verskaf, om ’n uitbetaling te kry. Almal kan hulle hieraan skuldig maak: polishouersof aansoekers, begunstigdes, diensverskaffers, derdepartyeisers en adviseurs. Algemene voorbeelde is die geldelike aandik van versekeringseise of vals inligting op versekeringsaansoeke. Fiktiewe eise is ook baie algemeen. Uiterste gevalle is beplande ongelukke, of die versinsel van dood en beserings. 2 WAT IS DIE GEWILDSTE SLENTER? Begrafnisdekking is…

WAAROOR GAAN DIT? In die opvolg van die klassieke Halloween-fliek Hocus Pocus van 1993 klim Bette Midler, Kathy Najimy en Sarah Jessica Parker weer in die skoene van die ikoniese Sanderson-susters, Winifred, Mary en Sarah – en dié keer verruil dié hekse hul vlieënde besems vir ’n stofsuier en sweefskoene. Die drama begin toe Becca (Whitney Peak) ’n kers aansteek wat ’n eksentrieke winkeleienaar (Sam Richardson) vir haar op haar 16de verjaardag op Halloween gegee het. In die proses laat sy die drie hekse vry. Nes in die eerste fliek, wat 29 jaar vroeër afspeel, wil die susters dan kinders se siele eet met die hoop dat dit hulle vir ewig jonk sal help bly. Becca en haar bestie, Izzy (Belissa Escobedo), moet die hekse se bose planne fnuik en…

Blokraai-liefhebbers, staan nader! Skuif reg vir die derde seisoen van die gewilde blokraai-vasvraprogram op VIA (DStv-kanaal 147), waar deelnemers se algemene kennis, woordeskat en reaksies tot die uiterste be-proef word. Huisgenoot Blokraaibestes is natuurlik die eerste TV-vasvraprogram in Suid-Afrika wat op blokraaigeesdriftiges gemik is. En as jy nog nie die moed bymekaar geskraap het om self in te skryf vir die program nie, kan jy en jou hele gesin op die rusbank saamspeel. Dié keer spog die program, wat in Kaapstad verfilm word, met ’n splinternuwe stel. Die aktrise CINTAINE SCHUTTE sal weer die aanbieder wees, en die reeks van 13 episodes behou sy bekende formaat. In elke episode vat drie deelnemers mekaar oor drie rondes aan, in die hoop om na die eindstryd deur te dring en die bobaas…

Die Armeense sangeres ROSA LINN het vanjaar haar land in die Eurovision kompetisie in Turyn, Italië, verteenwoordig met die liedjie “Snap”. Die folk-popliedjie het sedertdien op die musiektoneel ontplof, en Rosa het ’n platekontrak met Columbia Records losgeslaan. Die liedjie is al 220 miljoen keer op Spotify geluister. “Ek het ‘Snap’ vieruur die oggend in my slaapkamer by die huis in Vanadzor geskryf,” vertel sy. “Ek was op ’n emosionele wipplank. My hart was gebreek en ek was bang en verward. Ek het geestelik nie goed gedoen nie. Ek was letterlik op breekpunt. Dis hoe die konsep van die liedjie na my toe gekom het. Dit was baie terapeuties.”…

SPEEL DAT DIE STOF STAAN Klein meisietjie aan haar ma terwyl die gesin staan en kyk hoe hul pa verwoed sukkel om sy gholfbal uit die sandput te kry: Toe hy ’n slag asem skep, laat hoor sy: “Hy’t opgehou slaan, Mammie. Die bal is seker nou dood!” JOHAN H, GONUBIE PORSIEGEWYS Kelner: “En hoe het u die vleis gevind, Meneer?” Kliënt: “Maklik. Ek het net die stukkie tamatie opgetel en toe sien ek dit.” LOUIS KRUGER SAK, SAREL Marion sluit by haar nuwe vriendin in ’n restaurant aan vir middagete. “Dis vreemd,” sê haar vriendin, “daardie man wat oorkant ons sit, het die hele tyd vir my ogies gemaak, en nou maak hy asof hy my nie raaksien nie.” Marion kyk na die man en sê: “O, hy het…

4 Die hoeveelheid Britse vroue wat in die poskantoor in Antarktika gaan werk. Dis die wêreld se mees afgeleë poskantoor. Lucy Bruzzone, Clare Ballantyne, Natalie Corbett en Mairi Hilton gaan 20 weke lank in die poskantoor werk wat as die “Penguin Post Officer” bekendstaan. Daar is nie lopende water of toilette nie en die weer raak ysig koud, maar nogtans het 6 000 mense aansoek gedoen vir die poste om daar te gaan werk. 650 Die getal kinderwense wat die Amerikaanse akteur en WWE-stoeier John Cena al namens die Make-A-Wishstigting help vervul het. Die stigting vra vir siek kinders wat hul grootste wens is, en kry dan bekendes soos John om daardie wens vir die kinders te help bewaarheid. Die kinders wat John al so gehelp het, was in sommige…

HEKSEJAG Sofia (18) het in 2017 haar groot deurbraak as aktrise gemaak toe sy Buffy Driscoll in die reeks Andi Mack op Disney Channel gespeel het. Deesdae ken ons haar as Gina Porter in die Disney-reeks High School Musical: The Musical: The Series. Maar dis haar jongste rol teenoor ons eie Charlize Theron in die nuwe fliek The School for Good and Evil op Netflix wat mense aan die praat het. Sofia speel Agatha wat saam met haar bestie, Sophie (Sophia Anne Caruso), hulself in ’n towerskool bevind waar jong helde en skurke opgelei word om die balans tussen goed en kwaad te beskerm. “Agatha is droog, knorrig en ’n buitestaander en niemand hou van haar nie,” sê die Amerikaanse aktrise. “Hulle sien haar as ’n heks, maar sy het…

DIS omtrent ’n groot jaar vir DINO PAULO. In Augustus was hy skielik R2 miljoen ryker nadat hy as die wenner van die reeks Survivor South Africa: Return of the Outcasts gekroon is. En nou, twee maande later, het hy met die vrou van sy drome afgehaak. Dino en sy prokureur-meisie van die afgelope 11 jaar, KIRSTEN SERRURIER, het onlangs voor 82 van hul naaste familie en vriende op die Pont de Val-wynlandgoed in Parys in die Vrystaat getrou. Hulle het mekaar in 2011 deur gemeenskaplike vriende ontmoet en al verskil hulle in baie opsigte, het hulle gekliek. “Ons het baie vroeg geweet ons het iets besonders,” vertel Dino. Hy kon die trane nie keer nie toe Kirsten op hul troudag in die kanselpaadjie na hom toe stap. “Ons het…