Indholdsfortegnelse for 17 November 2022 i Huisgenoot

1 ‘EK WIL MY ERVARING GE-BRUIK OM ANDER TE HELP’ Die JakarandaFM-omroeper Rob Forbes is deur diep waters. Nou moedig hy ander aan om ook hulp te kry in hul stryd om goeie geestesgesondheid So het ’n menigte mense deur hartseer en lyding gegaan. ’n Mens weet net nooit daarvan nie. My hart gaan uit na almal wat seer het in hierdie lewe. Elkeen verdien om geluk en liefde te ervaar. Sterkte aan jou en almal. HELENA Welgedaan, Rob. Dis altyd wonderlik om te sien hoe iemand hul persoonlike pyn in iets goeds omkeer. Meeste dink ons is ’n liggaam met ’n siel, maar eintlik is ons ’n siel met ’n liggaam. ’n Gesonde gees kom eerste. JULANDA So het ons almal deur ’n moeilike tyd gegaan die afgelope paar jare.…

TOE die heel eerste televisieuitsending in Suid-Afrika op 5 Januarie 1976 gedoen is, het min mense in die land al dié toestel van die toekoms besit. In die buurt Portlands in Mitchells Plain op die Kaapse Vlakte was die Martin-gesin een van die min huishoudings met ’n kassie in die leefkamer. Klein Jolene, haar ouers se oudste kind, was nog nie eens gebore nie; haar loopbaan op die skerm nog ver in die toekoms. Maar die televisie het toe al haar gesin se lewe kom verander. “Almal wat daardie tyd ’n televisie gehad het, was die dik dinge in die gemeenskap – en ons was dié mense in Portlands,” vertel Jolene (43). Toe sy in die 1980’s ’n kind was, het sy eerstehands beleef watter wonder televisie kan wees. Baie…

DIE ONMIDDELLIKE INDRUK IS DAT GEEN MENS HIER ’N BESTAAN KAN MAAK NIE ONS vertrek uit die Knersvlakte, sewe mense en ses babaskaaphondjies in ’n dubbelkajuit. En sakke en tasse vol wasgoed, want net een van hul drie wonings het genoeg water en krag vir wasgoed was. Byna het ons kuikens ook gelaai. As elk-een boonop ’n lammetjie op hul skoot moes vashou, sou dit my nie verbaas nie. Verby Springbok en Steinkopf ry ons vir ure om sowat 325 km later deur vlae oranjegeel sand uit te kom by Grasvlak se twee huise, die toegewaaide Ou Grasvlak en, teen die koppie, Nuwe Grasvlak, wat nog bewoonbaar is. Hier op die randjie van die Richtersveld waai ’n draakagtige wind wat in golwe oor die voertuig lek. Dit gee die gevoel…

Tradisionele BUNNY CHOW met warm KERRIEBREDIE GENOEG VIR 6 MENSE / BEREIDING: 15 MIN. / GAARMAAK: 2 UUR 30 MIN. KERRIE ◗ 500 g blokkies beesvleis◗ 250 g blokkies skaapvleis◗ sout en vars gemaalde peper◗ 30 ml (2 e) olie◗ 1 ui, gekap◗ 4 knoffelhuisies, fyngekap◗ 5 cm-stuk vars gemmer, geskil en gerasper◗ 2-3 brandrissies, fyngekap◗ 1 steranys◗ 1 stokkie kaneel◗ 2 naeltjies◗ 2 lourierblare◗ 15 ml (1 e) geroosterde masala◗ 5-10 ml (1-2 t) brandrissiepoeier◗ 15 ml (1 e) tamatiepasta◗ 250 ml (1 k) beesvleisaftreksel◗ 1 x 410 g-blik gekapte tamaties AFRONDING ◗ 2 groot ongesnyde brode, of brood van jou keuse◗ 2 brandrissies, gekap◗ ’n hand vol vars koljanderblare, gekap◗ 1 stingelui, gekap (opsioneel) 1 Kerrie Geur al die blokkies vleis met die sout en vars gemaalde peper.…

‘FAMILIE KAN NIE MAAK SOOS HULLE WIL NIE EN MOET DIT EENVOUDIG SO VERSTAAN’– IRMA DIE MANNE SE BEURT OM RAAD TE GEE Verlede maand het ’n klompie vroue gedeel wat hul grootste aanpassing was toe hulle getrou het. Hulle het vir voornemende bruide raad gegee. Vandag is dit die mans se beurt. Dit is nie maklik om jou lewe met ’n ander mens te deel nie. Kenners sê daar is ses gewoontes wat ’n paartjie kan aanleer om hul huwelik deurentyd sterker te maak: ● Kweek ’n leefstyl van konstante deel en vergifnis. ● Onthou klein veranderings beïnvloed daaglikse groei. ● Werk saam om ’n standvastige band van vertroue te bou. ● Neem daagliks die besluit om jou maat lief te hê. ● Neem elke oggend doelbewus ’n besluit…

HAAR NUWE ROL In haar nuutste rol in die Netflix-dramafliek The Wonder wat in 1862 afspeel, vertolk die Britse aktrise die rol van ’n verpleegster. In dié fliek gaan ’n Engelse “Nightingale”, Lib Wright (Florence Pugh), na ’n klein dorpie in Ierland om Anna O’Donnell (Kíla Lord Cassidy) 15 dae lank waar te neem. Anna is ’n 11-jarige meisie wat beweer dat sy vier maande lank nie geëet het nie en wonderbaarlik oorleef op “manna uit die hemel”. Lib is vasbeslote om die geloof uit te daag van ’n gemeenskap wat verkies om te bly glo. BESIGE BYTJIE Die 26-jarige aktrise het in 2014 haar debuut op die skerm gemaak in die dramafliek The Falling. Maar haar internasionale deurbraak het eers gekom in 2019 in die biografiese sportfliek Fighting with…

DR. NOU! Werklikheid. Die mooimaakdokters RIEKIE SMIT en JURGENS GROVÉ keer terug na die kassie om nuwe pasiënte weer ’n rede te gee om te glimlag in die derde seisoen van Dr. Nou!. Die aanbieder HENCK CONREY staan die deelnemers deur hul dramatiese transformasies by. DONDERDAE 18:00 OP VIA KOM ONS BRAAI: FAMILIE EN VRIENDE Kos. Dié reeks is terug vir nog ’n seisoen waar familie en vriende by mekaar braai en heelwat om die vuur gebeur. In hierdie seisoen loop die spanning hoog en die vure knetter. Skakel in om te sien wie as die bobaasbraaispan sal bekendstaan. SATERDAE 20:00 OP VIA SLIM VANG SY BAAS Speletjie. Die Fynskrif-akteur BEER ADRIAANSE keer terug as die aanbieder van die nuwe seisoen van die reeks. In dié prettige vasvra-en-speletjiesprogram spook twee…

GROOT BLOKRAAI WEN ’N BOEK VIR JOU LEWENSVERHAAL PLUS KOM IN AANMERKING VIR DIE MAANDELIKSE TREKKING VAN R1 000. NO 2 466 As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. VRAAG: Watter Bybelboek is ter sprake? Hierdie week wen een leser Die storie van my lewe, ’n pragtige hardebandboek wat jou help om jou eie lewensverhaal neer te skryf. Op dié manier kan jy jou kosbare herinneringe verewig, uitdruk wie jy as mens is en jou storie vir jou nageslag bewaar. Kort opskrifte sal jou help om jou gedagtes te orden en staaltjies oor belangrike mense en gebeure in jou lewe te onthou. Daar is ook hoofstukke waarin jy langer kan skryf oor verskillende lewensfases. Om dit te bestel, gaan na…

Dit is vandeesmaand 21 jaar sedert Harry Potter, ’n karakter uit boeke geskryf deur J.K. Rowling, sy debuut op die silwerdoek in die VSA gemaak het. Harry Potter and the Sorcerer’s Stone was die eerste aflewering in ’n reeks van agt flieks. Die laaste, Harry Potter and the Deathly Hallows: Part 2, het 10 jaar later in 2011 verskyn. Die fliek het die kinderakteurs Daniel Radcliffe, Emma Watson en Rupert Grint wêreldbekend gemaak in die rolle van die hoofkarakters – Harry en sy boesemvriende, Hermione Granger en Ron Weasly. In Suid-Afrika was die eerste fliek getiteld Harry Potter and the Philosopher’s Stone. Dit is op 23 November in fliekteaters hier uitgereik. Rowling se Harry Potterreeks bestaan uit sewe boeke, waarvan meer as 400 miljoen wêreldwyd verkoop is. Die jeugboekreeks is…

Op huisgenoot.com kan kinders nou die nuwe aanlyn Afrikaanse kinderprogram Die Babbelbende kyk. In dié videoreeks onder soek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer leer oor ons wonderlike wêreld. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is sowat 12 minute lank. Op naweke deel ons aanlyn ’n omnibus van vyf episodes. Huisgenoot.com is deel van Netwerk24, en jy moet registreer om die episodes van Die Babbelbende te kyk. Besoek netwerk24.com om te registreer of laai die app in jouapp-winkel af. Kom leer ken Die Babbelbende – en geniet hul vrolike…

VERBEEL jou ’n land so ryk dat niemand belasting hoef te betaal nie. Krag, gesondheidsorg en onderwys is alles gratis. Die regering betaal selfs vir jou begrafnis. Dís die beeld van Katar wat jy sal kry as jy kyk na die promosievideo’s vir toeriste en beleggers. Die land, met sy futuristiese hoofstad, Doha, noem homself die juweel van die Arabiese skiereiland. So ryk is die land danksy sy olie-en gasreserwes dat die meeste burgers kan terugsit en van ’n passiewe inkomste leef. Arbeid word meestal verrig deur arm migrantewerkers uit lande soos Indië, Pakistan en die Filippyne. So waarom word die Fifa-Wêreld-bekersokkertoernooi, wat vanjaar daar gehou word, as “die mees omstrede een in dié toernooi se geskiedenis” beskryf? Die waarheid, wat ’n mens nie in die promosievideo’s sien nie, is…

DIS ’n windstil Woensdag in die Kuleni-wildpark in die Hluhluwe-gebied, KwaZulu-Natal. Nie ’n snikhete dag nie en nie te koud nie; welkome weer. Allermins die soort dag dat jy verwag ’n verbysterende voorval gaan afspeel. Dylan Panos maak reg vir sy dag– sy familie bestuur Bhejane Nature Training waar aspirantveldgidse opgelei word. Dan hoor hy ’n kinderstem by die deur. “Kudu!” roep die driejarige Kayden sy oupa. Kayden kan nog nie die “l” in “khu- lu” (die Zoeloewoord vir “oupa”) sê nie. Dylan se dogter Nicole (25), Kayden se ma, kom ingestap met haar tweede kind, Kaia (16 maande), in haar arms. Dis vir oupa Dylan en ouma Christa (“Taita” vir die kinders) ’n hoogtepunt, hierdie vinnige inloer soggens. As hulle maar net geweet het dit is die laaste keer…

DIS ’n werk waarvoor min mense kans sien: om ’n sukkelende stad reg te ruk. En Mpho Phalatse het geen illusies nie – sy weet Johannesburg is ’n skadu van die florerende stad wat dit voorheen was; trouens die Stad van Goud is deesdae die Stad van Probleme. Groot dele is sonder water. Elektrisiteit is wankelrig – selfs wanneer daar nié beurtkrag is nie. Die paaie is vol slaggate en dienslewering aan veral die armes skiet ver tekort. Dit gaan harde werk kos om dit reg te ruk, maar die 44-jarige ma van drie wil voorvat – dis nou as sy haar pos kan behou. En selfs al word sy weer uitgewerk, sal sy ’n ander manier kry om te help, sê Mpho. Burgemeester-wees is dalk nou haar werk, maar…

OP DIE LOOPPLANK Laat die koppe draai met kleurvolle swemkostuums in prettige style soos asimmetriese bostukke en oulike uitsnydetail. LYK SOOS ’N STER IN MOTIEWE OF MONOCHROOM OP DIE LOOPPLANK Helder kleure en swembroeke met funky motiewe het die loopplanke oorheers. LYK SOOS ’N STER IN MOTIEWE OF MONOCHROOM…

1 Bevog eers. Droë of olierige vel “behou” nie die grimering goed nie; maak dus seker jou vel is goed voorberei voor jy begin. ’n Basislaag sal ook verseker dat jou blosser heeldag lank aanbly. 2 Kies die regte skakering. Die geheim is om ’n kleur te kies wat na aan jou natuurlike blos is. Knyp jou wange en kies die kleur wat die beste daarby pas. Ligpienk is altyd goed vir ’n bleek vel, perske skakerings vir ’n ligte tot medium gelaat, helderpienk werk goed op ’n olyfkleurige gelaat, en appelkoos-en koraalkleurige blosser lyk goed op donkerder vel. 3 Skakeer goed. Gebruik ’n klam grimeersponsie of ’n stywe borsel om jou blosser te skakeer – die geheim tot goeie blosser is dat dit sigbaar maar subtiel genoeg is om amper onsigbaar te…

Authy Authy kan op ’n magdom toestelle gebruik word, van jou rekenaar tot jou slimhorlosie. Dit kan gestel word om ’n vingerafdruk, ’n PIN of wagwoord te vra voor jy toegang tot jou toestelle kan kry. Google Authenticator Die app kan ook in ander soekenjins as Google gebruik word, soos Safari en Mozilla Firefox. Dit stuur kodes na jou ander toestelle wat jy moet intik om toegang tot jou rekeninge te bekragtig. Die app laat jou toe om nog toestelle te lys waarna jy wil hê jou bekragtigingskodes gestuur moet word. Microsoft Authenticator Hierdie app laat jou toe om by jou Microsoft-rekening (en ander rekeninge) in te teken sonder ’n wagwoord, vingerafdruk, gesigherkenning of ’n PIN. Met hierdie app kan ’n mens by al jou rekeninge inkom, selfs al het…

◼Sien en voel die resultate met behulp van fiksheidskenners.◼ Jy kan die maklike aanwysings tuis op jou rekenaar, tablet of slimfoon volg.◼ Jy benodig min of geen toerusting nie en slegs internettoegang.◼ Betaal een keer en kry lewenslange toegang. Skud tot 1 kg per week af met ons gewilde eet-en oefenplan vir vroue. ✓ 12 weke lank. ✓ Eenvoudige, aanpasbare spyskaart. ✓ Gesonde, vullende maaltye. ✓ Illustrasies wys jou hoe om die oefeninge te doen. ✓ Doen die oefeninge tuis. Besoek klopdieskaal.co.za vir nog inligting of om aan te sluit. Kry ’n plat maag met ons eet-en oefenplan vir mans. ✓ 12 weke lank. ✓ Gesonde, vullende maaltye. ✓ ’n Verskeidenheid oefeninge om jou maagvet weg te brand én spiere te bou. ✓ Illustrasies wys hoe jou hoe om die…

BROOD & BOTTER Deur NIC VAN WYK Human & Rousseau, R329* Sjef Nic van Wyk het lankal skoolgeld betaal in die kosbedryf voor hy wyd bekend geword het as beoordelaar van die gewilde Kokkedoor-TV-reeks. As kind al het hy geweet hy wou eendag met kos werk en omdat daar nie huishoudkunde vir seuns was nie, het hy sport gekies. Hierin was hy só goed dat hy ’n jaar lank klubkrieket in Engeland gespeel het. Hierna het hy aan die Institute of Culinary Arts op Stellenbosch studeer en nou – 21 jaar later en met vele restaurantsuksesse agter die blad – staan Nic met sy eerste kosboek in die hand. Hy verdeel dit in onthoukos, restaurantkos en hartskos. Nic is nie een vir fieterjasies nie – die kos wat hy maak,…

VETERAANSPORT Die dokter vra ’n pensioentrekker: “Neem jy nog aan sport deel?” “Nee,” antwoord sy. “My ouers laat dit nie toe nie”. “Jou ouers?” vra die dokter. “Ja, Moeder Natuur en Vader Tyd”. EMMIE, MOSSELBAAI BOLANGS BAAS Kallie: “Moenie my by die werk pla nie, dis ’n belangrike pos. Ek het 3 500 mense onder my.” Mike: “Ag, Kallie, moet nou nie so staan en spekskiet nie, almal weet jy sny gras by die begraafplaas.” DENISE, PRETORIA ONVANPAS “Niks lyk goed aan my nie,” kla die vrou terwyl sy ’n rok aanpas. “Onsin, Mevrou,” sus die verkoopsklerk, “die rok sê dit alles!” “Dis juis die probleem,” sê die vrou. “Ek het ’n rok nodig wat sy mond hou!” JOHANNA RADEMEYER UITGESTELDE AFTREDE Jannie: “Pa, hoe oud moet ’n man word…

WENNERS EN OPLOSSINGS GROOT BLOKRAAI NO. 2460 WOORDSOEK ANTWOORDE GROOT BLOKRAAI NO. 2460 Antwoord: fisikus FOTOBLOKRAAI NO. 2206 Antwoord: Rwanda WENNERS GROOT BLOKRAAI NO. 2460 DIE STORIE VAN MY LEWE G.E. Louw, George FOTOBLOKRAAI NO. 2206 BLOKRAAISKRYFBOEK M. Barnard, Bloemfontein FOTOBLOKRAAI NO. 2206 SOEK DIE VERSKILLE KODERAAI SUDOKU NO. 1 SUDOKU NO. 2 BLITSBLOKRAAI NO. 1 BLITSBLOKRAAI NO. 2 PYLTJIERAAI NO. 1 PYLTJIERAAI NO. 2 TRAPRAAI tendonitis stenograaf potensiaal puntenerig kunstenaar bekentenis uitmuntend ontkersten…

1 Wat is die naam van dié Titans-krieketspeler wat ’n nuwe wêreldrekord opgestel het vir die kolwer wat die vinnigste tot by 150 lopies in ’n wedstryd gevorder het? 2 Van watter land is Antananarivo die hoofstad? 3 Wat was die naam van die verhoor wat in 1964 gelei het tot oudpres. Nelson Mandela se lewenslange vonnis? 4 Hoeveel sye het ’n heksagoon? 5 Wat is die hoofbestanddeel in guacamole? ANTWOORDE 1 Dewald Brevis.  2 Madagaskar. 3 Die Rivonia-verhoor. 4 Ses.  5 Avokado. BRONNE NETWERK24.COM, THEGUARDIAN.COM, NYTIMES.COM, NEWSFORKIDS.NET, DOGONEWS.COM, SCIENCEALERT.COM, HISTORY.COM, EDITION.CNN.COM…

1 HUL KOS WAS ONEETBAAR Die Teletubbies se gunstelingpeuselhappie, Tubby Custard, is uit kapokaartappels en rooi en geel akrielverf gemaak. Natuurlik het die Teletubbies dit nie regtig geëet nie! 2 HULLE IS SUPERLANK Die kostuums is so groot en lank dat dit ingeboude stoele gehad het vir die akteurs om tussen tonele op te sit. Laa-Laa en Dipsy was sowat 3,4m lank, en Po “net” 1,8 m. Die reuse-Tinky Winky het so 3,5 m bo die ander getroon. 3 RUIMTELOPERS Die koddige manier hoe Nasa-ruimtevaarders in hul ruimtepakke rondbeweeg, was ’n inspirasie vir die Teletubbies, sê Andrew Davenport, een van die skeppers van die oorspronklike reeks. “Hulle (ruimtevaarders) lyk altyd soos kinders wat ’n nuwe wêreld verken.” 4 DIE WÊRELD SING SAAM In Desember 1997 het BBC Studios die enigste Teletubbies-enkelsnit uitgereik. Die liedjie,…

KYK DIE KINDERPROGRAM GRATIS! Kinders kan die aanlyn Afrikaanse kinderprogram Die Babbelbende op enige selfoon, rekenaar of tablet kyk – en dis gratis! Besoek huisgenoot.com om al die episodes van die reeks op ons tuisblad te kyk. Elke episode is 12 minute lank. In dié prettige, leersame reeks ontdek Bibi en haar maats, Palawa die kameelperd en Paloeka die leeu, saam met die verkenner, Ben, allerlei interessante dinge – en jou kind kan saam leer. BESTEL JOU POPPE EN STORIEBOEK HIER ● DIE STORIEBOEK + 1 POPPIE VIR R350 ● DIE STORIEBOEK + ALBEI POPPIES VIR R550 ● NET EEN POPPIE VIR R230 BEL 021-406-4962 E-POS koop@huisgenoot.com AANLYN huisgenootwinkel.com…

MAN, dit is moeilik om jou voor te berei om Greta Thunberg te ontmoet. Jy weet dit gaan wees soos om in ’n spieël te kyk wat jou aan die etiese implikasies van al jou keuses herinner. Tien minute voor die tyd google ek om te kyk of my (tweedehandse) hemp dalk in ’n oorsese fabriek gemaak is deur arbeiders wat soos slawe uitgebuit word. Ek gooi die halfgedrinkte blikkie Diet Coke (wat ek vir ’n babelas gekoop het) in ’n vullisdrom. En ek bekommer my of iemand gaan agterkom my Dr. Martens is van leer eerder as een van ’n tiese opsie. veganis- Ek voer my eerste onderhoud met Greta by Glastonbury, ’n musiekfees in Somerset, Engeland, want ons is albei toevallig daar. Sy is daar om die gehoor…

ELAINE ADLEM Al het sy besluit dit is beter om aan die reeks te onttrek, is Elaine nie vir een oomblik spyt oor haar deelname aan Op my eish! nie. Die aktes-en regsassistent van Bloubergstrand in Kaapstad het haar man, DE WET UYS, op die stel van dié reeks ontmoet. Hy was deel van die produksiespan, en hulle het mekaar aan die begin met die verfilming van die blitsafsprake tussen Francois en die vroue ontmoet. “Nadat ek vir Francois afgesê het, het kykNET se sosialemediaspan ’n onderhoud met my gevoer en gevra: ‘Glo jy nog in die liefde?’ My antwoord was: ‘Definitief,’ ” vertel Elaine. Haar woorde was skaars koud toe De Wet later daardie dag haar nommer vra – en die res is geskiedenis. Hulle was twee maande ’n…

UIT woede vir sy beroemde pa het hy alle bande met hom verbreek en selfs sy naam verander. Want die voormalige ster van Bafana Bafana Mark Fish was die oorsaak van al sy probleme, het hy eens geglo. As kind is hy na bewering seksueel misbruik deur van die gaste tydens wilde partytjies vol drank en dwelms. Dit het hom met posttraumatiese stres gelaat en self tot dwelms gedryf. Om sy pa en die impak van sy roem uit sy lewe te verban, het Luke Fish toe Seth Omen geword. Onder dié naam het hy ’n sangloopbaan aangepak. Maar 18 maande nadat ’n gefolterde Seth sy hart teenoor Huisgenoot oopgemaak het, is hy nou weer Luke. Hy het die dwelms laat staan en is op die herstelpad in ’n rehabilitasiesentrum.…

REEDS agt jaar lank is sy lewe ’n nimmereindigende marteling en die pille wat hy kort-kort drink sy enigste verweer teen die pyn nadat ’n vleisetende bakterie ’n deel van sy lyf verorber het. In die Upingtonse hitte skuifel Aubrey September (48) met loodswaar bene deur die vertrekke van sy huis. ’n Durende moegheid rem sy mondhoeke ondertoe en hy het diep kepe om sy oë. Daar’s tye wanneer hy so verswak voel dat hy ’n einde aan alles wil maak, vertel hy. Maar hy byt vas en beur maar voort ter wille van sy kinders, vertel die Noord-Kaapse enkelpa. Aan die regterkant van sy maag is sy vlees weggekalwe en het ’n operasiewond ’n krater gelaat nadat dooie buikweefsel – veroorsaak deur die bakteriese siekte nekrotiserende fassiitis – agt…

HY HET gesing vandat hy kan onthou. Pouses op laerskool op die dorpie Diretsaneng, naby Mokopane in Limpopo, het hy sing-sing gespeel. En toe sy hoërskool nie ’n koor gehad het nie, het hy een op die been help bring – en daarin gesing. En almal het altyd gesê: Jou stem gaan jou nog bekend maak. Dan stry die jong Thapelo Molomo (29), want hy het destyds net een doel gehad: om matriek met goeie punte te slaag sodat hy daarna kan gaan studeer en ’n goeie werk kan kry. Toe word hul voorspellings én sy doelwit albei waar. Eers het hy gaan studeer en hom as traumaberader en sielkundige bekwaam, en toe ’n werk in die polisie gekry. En vandag weet duisende Suid-Afrikaners van sy goue stem – en…

VIR HAAR SONBRILLE SANDALE STRANDSAKKE KAFTANS STRANDHOEDE VIR HOM SONBRILLE SANDALE STRANDSAKKE HEMDE STRANDHOEDE KRY DIT HIER ACKERMANS 0860-900-100; AMERICAN SWISS 0860-834-834; BOARDRIDERS.CO.ZA; BREAZIES.COM; CAPE UNION MART 0860-333-329; COTTON ON 087-550-4383; DUNNS 0860-007-350; EXACT 0860-834-834; FOREVER NEW 0860-018-014; GRANADILLA SWIM 079-885-5395; H&M 0860-690-707; HAVAIANAS.ONLINE; HOMESTEAD-DECOR.CO.ZA; HURLEY.CO.ZA; IZIBUKOEYEWEAR.COM; LIZZARDONLINE.COM; LOWKALSA.CO.ZA; LUCKYBREAK.CO.ZA; MARKHAM 0860-834-834; MR PRICE 0800-212-535; OLD KHAKI 0860-444-429; PICK N PAY CLOTHING 0860-303-030; QUEENSPARK 0861-783-367; REFINERY 0860-888-771; SHEIN.COM; SHOE CITY 0860-007-324; SPORTSCENE 0860-834-834; SPORTSMANS WAREHOUSE 0800-007-030; STUDIO-88.CO.ZA; SUPERBALIST.COM; TAKEALOT.COM; THE FIX 0861-111-761; WOOLWORTHS 0860-022-002; ZARA 0800-000-848 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

1 SUURLEMOENBOOM ’n Verskeidenheid suurlemoenbome by jou kwekery kan in potte en binnenshuis groei. Gebruik ’n sitruspotmengsel in ’n pot met goeie dreinering. Maak goed nat sodra die boonste grond sowat 10 cm van bo droog is. Die bome geniet baie son en moet naby ’n venster geplaas word. “Sonder genoeg direkte sonlig sal sitrus nie blom of vrugte dra nie,” sê Russell Davidson van Garden World. “In die winter is die son laer, en ’n venster wat noord wys, sal heeldag son kry – dit sal help dat die boom blom.” Die boom kan met ’n 3:1:5-kunsmis gevoed word. 2 SAMBREELBOOM (SCHEFFLERA) Die boom floreer binnenshuis in goed bemeste en gedreineerde grond, met baie indirekte helder lig en nie te veel water nie. Laat die grond droog word tussen natmaaktye. “Te…

JY WERK jou lewe lank hard, en ’n bietjie afslag is nie te versmaai nie. Ons het by 10 winkelgroepe en diensverskaffers aangeklop om te hoor wat hulle aan mense van 60 en ouer bied. Geniet dit! 1 MAKRO Met ’n mSeniors-kaart kry jy tot 10%-afslag op algemene handelsware en 5% op kos soos vrugte, groente en slaghuisprodukte. Dit geld nie vir aanlyn kopies en produkte op promosie nie. Ander uitsluitings is alkohol, swembadchemikalieë, selfoonprodukte (ook lugtyd), tabakprodukte, motorolie, fotostaatpapier, LP-gas, geskenkbewyse vir iTunes, Google Play-winkelkaarte, geskenkbewyse vir Makro en finansiële dienste. ◼ Wat het jy nodig? Registreer by klantediens vir die mSeniors-kaart. Wys dan jou ID en mSeniors-kaart. 2 BUILDERS Woensdae kry jy 10%-afslag op gespesifiseerde aankope. Dulux, Duram en HTH is uitgesluit, asook groot toestelle, lugversorging, elektriese kabels, sement,…

KURT EGELHOF ◼ Die veteraanakteur en regisseur speel Hennie, ’n wewenaar wat ’n eenvoudige, stil lewe met ekonomiese vryheid wil lei. Hy vermy konflik en verkies om sy gevoelens liefs vir homself te hou. ALBERT MARITZ ◼ Die akteur speel Gert Marais. Hy het ’n beroerte gehad en woon nou in ’n sorggerief. Die dokters vermoed hy het breinskade aangesien Gert skaars op enigiets rondom hom reageer. ELSABÉ DANEEL ◼ Die veteraanaktrise vertolk die rol van Renske Minnaar. Sy is ’n artistieke, eksentrieke en empatiese weduwee wat vol lewe en lief is vir mense. Haar lewensvreugde word gedemp toe sy uitvind sy het nog net twee maande oor om te leef. IVAN ABRAHAMS ◼ Die Arendsvlei-akteur speel Marshal Jones, ’n wewenaar wat desperaat vasklou aan die nagedagtenis van sy oorlede…

BOUWER BOSCH BEKYK DIE ARGIEWE Die sanger en akteur Bouwer Bosch het op 28 Oktober sy album Briewe uit die argiewe uitgereik. Dié album is Bouwer se derde soloalbum en is in die afgelope drie jaar geskryf. “Ek het musiek op my rekenaar gevind wat ek in 2019 geskryf het en gevoel die tyd is nou reg om hierdie stories te vertel,” sê Bouwer. “Ons lewe is een groot argief met foto’s en herinneringe van hoe ons grootgeword het. “Ek dink daar is ’n hongerte in my wat ek lank laas beleef het rondom musiek,” sê Bouwer. “My lewe het baie verander toe ek begin TV en rolprentwerk doen. Ek het musiek afgeskeep omdat daar nie tyd was nie.” Briewe uit die argiewe sal jou laat dans én nadink, sê…

SKERPIOEN 23 OKT – 21 NOV ’n Gesprek met jou lewensmaat of eggenoot oor jul geldsake is vandeesweek hoog op die agenda. Maar jy moet ook uiters realisties wees. Jul gesamentlike finansiële situasie lyk waarskynlik nie baie rooskleurig nie, hetsy iets stilgehou is of nie. Die waarheid kom altyd uit as jy dit genoeg tyd gee. Probeer om nie by die een te leen om die ander te betaal nie, want dit sal net meer stremming op jul skuld plaas. GELUKKIGE NOMMERS 16, 29, 37, 50, 34, 25 SIELSGENOTE VIR DIE SCORPIO ◼ Skerpioen: Twee Skerpioene – óf baie goed óf baie sleg. ◼ Bul: Julle is albei taamlik koppig, maar ewe jaloers. ◼ Visse: Sal altyd jou misstappe vergeet. ◼ Kreef: Verstaan jou diep emosies en gevoelens. ◼ Steenbok:…

247 Dit is hoe diep in meter Karen van den Oever van Johannesburg in die Boesmansgat-grot in die Noord-Kaap geskubaduik het. Dit is boonop ’n nuwe wêreldrekord vir ’n varswatergrotduik deur ’n vrou. Dié grot is 283 m diep. 1 161 Dit is hoe swaar in kilogram ’n reusepampoen is wat in Oktober die Amerikaanse rekord vir swaarste pampoen opgestel het. Die pampoen is oor sowat ses maande in Minnesota gekweek. Maar hy was nog nie swaar genoeg vir die wêreldrekord nie – ’n pampoen uit Italië het in 2021 die skaal op 1 226 kg laat kreun. 99 miljoen Dit is hoeveel jaar oud ’n antieke slak is wat in Mianmar ontdek is. Die slak se skulp het goed behoue gebly omdat dit in amber (’n stof soos boomgom…

DAAR is meer as 350 spesies seevoëls in die wêreld, en Suid-Afrika het 132 van hierdie spesies aan ons kus aangeteken. Om die raakvlak van drie oseane te wees – die Suidelike, Indiese en Atlantiese Oseaan – skep ’n unieke en dinamiese omgewing wat groot natuurlike diversiteit ondersteun. Seevoëls is kwesbaar vir landroofdiere en vaar beter op eilande. Gelukkig het Suid-Afrika baie eilande beskikbaar vir hierdie voëls, en ons kan dus ’n groot verskeidenheid van voëllewe geniet. WAT MAAK ’N VOËL DAN ’N SEEVOËL? Voëls wat aangepas het om by die see of naby die see te leef, word seevoëls genoem. Sommige van hierdie voëls woon ver op see en hulle kom net land toe om te teel. Seevoëls wat naby die see woon, woon gewoonlik in kolonies (’n groot…

EK SIT dikwels saans hier op die agterstoep en ervaar net die reuk van al die blomme wat in die lug om die huis hang. Daar is mense wat sê dié blommetjie ruik soos sjokolade en dáái blommetjie soos heuning, maar ek is te dom daarvoor – vir my ruik dit net lekker! So met die sit op die agterstoep besef ek oor en oor dieselfde ding: Blomme en plante bring rustigheid binne jou, dit maak nuwe vriende, en dit sorg dat die lewe sommer net lekker is. Sonder blomme sou ons lewe maar alte saai en droewig gewees het, nie waar nie? Dis mos hoekom die Skepper dit alles vir ons gegee het: om te geniet en ons siel te voed. Dis eintlik maar die hoofrede waarom ek vyf…

MET sy bytende sarkasme het hy al talle deelnemers in trane van die verhoog af laat storm, hul drome oor ’n roemryke sangloopbaan aan skerwe. Sy hardvogtige kritiek het ook kykers laat gons. “Ek wil jou amper vra of jy dit vir jou vrou gesing het die aand toe sy jou gelos het,” was sy opmerking aan een deelnemer. En: “Het jy ’n sangafrigter? Kry ’n prokureur en dagvaar haar,” aan ’n ander. Ja, hy is Simon Cowell, oftewel die gevreesde “Mr. Nasty” van Idols, The X Factor, America’s Got Talent en Britain’s Got Talent. Want al kon hy jou loopbaan ’n hupstoot gee met net een woord van lof, was dit sy boeliehouding wat hom wêreldbekend gemaak het. Maar deesdae sien jy ’n nuwe Simon (63) op die kassie.…

MET sy deelname aan die 12de seisoen van Boer soek ’n vrou was GRAHAM LOM-BARD een van die gewildste boere op die program – en nou het hy sy vrou gekry. Hy en GERDA HANSEN het onlangs voor 220 gaste trou aan mekaar beloof. Die pasgetroudes het mekaar destyds ná die reeks deur vriende ontmoet en is sedert 2020 ’n paartjie. Graham het in Maart vanjaar op ’n koppie op die plaas in die Cradock-distrik waar hy en sy pa, Erik, boer ’n ring aan die Pretorianer se vinger gesteek. Hulle groot dag was by die Blomfontein-venue sowat 15 km van die plaas af. Gerda, het haar eie onderneming, Gerda Hansen Studio, wat landwyd dekor-en grafiese ontwerp vir troues doen en het dus self hulle troue gereël. “Gerda wou baie…

1 JULIA SE VERBASENDE GEBOORTESTORIE Sy is een van die hoogs betaalde aktrises ter wêreld, maar toe JULIA ROBERTS gebore is, het die burgerregteaktiviste Martin Luther King jr. en sy vrou, Coretta, ingetree om haar ouers die hospitaalrekening te help betaal. Julia (55) het die persoonlike verbintenis tussen die twee families in ’n onderhoud met Gayle King gedeel. ln die 1960’s het Walter en Betty Roberts ’n geïntegreerde teaterskool in Atlanta bestuur wat die King-kinders bygewoon het. “En so het hulle vriende geword en het hulle ons uit ’n verknorsing gehelp,” vertel sy. 2 SELENA DEEL DIEPSTE GEHEIME IN NUWE DOKKIE Die sangeres SELENA GOMEZ (30) is onwankelbaar eerlik oor haar persoonlike stryd met bipolêre steuring in die nuwe dokumentêr My Mind and Me. Nadat sy jare lank met depressie geworstel het,…