Indholdsfortegnelse for 24 November 2022 i Huisgenoot

1 ‘’N ONTPLOFFING VAN EMOSIES’ Samantha Leonard, wat 21 deelnemers aan Die kontrak uitgestof het om ’n R1 miljoen-musiekkontrak te wen, vertel dit voel asof sy in ’n droom leef Samantha, jy lyk so pragtig op daai foto. Jy is ’n pragtige vrou en dan het jy nog so ’n mooi persoonlikheid daarby. Bly asseblief altyd wie jy is, moet nooit verander nie. Jy het die mooiste binneste. MARYKE Ons is so vreeslik bly jy dat jy gewen het. Jy was ons keuse van die heel begin af! Jy het die volle pakket wat nodig is om ’n ster te wees. Baie geluk en groete hier van- uit die VSA. MARIETTA Ek het van die begin af geweet jy gaan wen! Ek het al van The Voice se dae af…

AG, DIT sal nooit hou nie – hy is dan amper 40 jaar ouer as sy . . . Of so het baie mense gedink. Maar nege jaar nadat die miljardêr Tokyo Sexwale (nou 69) en die model Natacha da Silva (nou 31) ’n verhouding aangeknoop het, het die twee weer bewys die ouderdom tel min wanneer dit by die liefde kom. Die twee is onlangs in ’n uitspattige seremonie by die Inimitable-trouvenue in Muldersdrift, Gauteng, getroud – en hulle het so verlief gelyk soos enige ander pasgetroude paartjie. Die skatryk sakeman, wat ’n geskatte R3 miljard werd is, het ’n swart ontwerperspak saam met ’n wit syserp om sy nek gedra, terwyl sy jong bruid gestraal het in ’n moderne wit balrok met ’n sluier met fyn afwerkings. Nadat…

PAMPOEN-en-FETA-PIZZA LEWER 2 PIZZAS / BEREIDING EN GAARMAAK: 20 MIN. ◗ 200 g pampoen◗2 groot pitabrode of gekoopte pizzabasisse◗ ⅔ k tamatiepastasous◗ 2 e (30 ml) olyfolie◗ 100 g feta◗ 50 g roketblare 1 Voorverhit die oond tot 220 °C. Bespuit twee oondbakke of pizzapanne met kossproei. 2 Gebruik ’n groenteskiller en sny die pampoen in repies. 3 Plaas die brood of basisse op die oondbakke, smeer met die sous en pak die pampoen bo-op. Bedruip die pizza met die olyfolie en sprinkel die gekrummelde feta bo-oor. 4 Bak 10 min. of tot die pampoen sag en die basis bros is. Sit die roketblare boop wanneer jy dit voorsit. WENK Vir ’n lekker geurige skop, beproef arrabbiatasous as plaasvervanger. STEAK-en-SAMPIOEN-POTPASTEIE GENOEG VIR 4 MENSE / BEREIDING EN GAARMAAK: 30 MIN.…

KRY DIT HIER APLACETOSHOP.CO.ZA 079-351-0551 (WHATSAPP); DECOFURNSA.CO.ZA 087-04-94-155; GAME.CO.ZA 0861-4263-2273; KITCHENIQUE.CO.ZA 011-804-5826; KOODOO.CO.ZA 011-445- 7912; LECREUSET.CO.ZA ONLINE.ZA@LECREUSET.COM; LULUANDMARULA.COM HELLO@LULUANDMARULA.COM; MADEBYARTISANS.CO.ZA 087-058-0625; NIFTYGIFTS.CO.ZA CONTACT@NIFTYGIFTS.CO.ZA; THULESTORE.CO.ZA 066-212-6800; WOOLWORTHS.CO.ZA 0860-022-002 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

KRY DIT HIER AVON 087-011-2866; CAPE OF STORMS BY FAITHFUL TO NATURE; CATRICE.EU; CLARINS 011-809-6300; CLICKS 0860-254-257; COLETTE BY COLETTE HAYMAN BY FOSCHINI; DQUIP BY DIS-CHEM; EDGARS 0800-203-925; FAITHFUL-TO-NATURE.CO.ZA; FOSCHINI 0860-576-576; GHD.CO.ZA; MY BURBERRY BY WOOLWORTHS; OH SO HEAVENLY BY CLICKS; REVOLUTION BY CLICKS; SORBET BY CLICKS; WOOLWORHTS 0860-022-002; YOUPHORIA BY EDGARS HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

Wanneer my kinders in sand speel, sal dit hul immuniteit versterk? Ja, sê prof. William Horsnell, immunoloog van Kaapstad, dit is wel die geval dat sekere bakterieë, fungi, patogene en virusse waarmee kinders in kontak kom as hulle buite speel hul immuniteit verhoog. Blootstelling aan dié dinge kan selfs die risiko verlaag dat jou kind later jare allergieë daarvoor sal ontwikkel. Prof. Gerhard Walzl, biomedikus van Stellenbosch, maan dat ’n mens ’n gesonde balans moet handhaaf. As jou kind nooit aan kieme blootgestel word nie, kan hul immuniteit nooit leer hoe om dié dinge te beveg nie. Maar as jy hulle aan te veel kieme blootstel, kan dit hul immuunstelsel oorweldig. Laat hulle buite speel, maar leer hulle om dinge te vermy wat regtig erg vol kieme is, soos vuil…

DIE BETERWETER Dié gesoute akteur wat bekend is vir sy rolle as Wikus Steyn in Binnelanders en AK in Isidingo is terug op die kassie – dié keer as Gys Swarts in Diepe waters, ’n nuwe telenovelle op kykNET. Dit gaan oor die wel en wee van die Swarts-familie, en aan die hart van alles is die Swartmarlyne-swemklub wat bestuur word deur die ambisieuse Gys. Hy is geldgierig, leef bo sy vermoëns en sal mense seermaak om te kry wat hy wil hê. “Gys glo hy alleen weet wat goed is vir die familie en die klub – en ongelukkig vir hom is dit nie so nie,” vertel Justin (50). Sy karakter verras hom dikwels. “Ek weet hy sal enigiets doen om sy naam en die familienaam te beskerm. Ek…

SPEURDER SAMMI: DIE BLOU STEEN Deur CRYSTALDONNA ROBERTS. Tafelberg, R119* “Daar was nie eintlik karakters van my kleur in tienerboeke toe ek grootgeword het nie.” So vertel Crystal-Donna Roberts, die aktrise wat veral bekend is vir haar rolle in Arendsvlei en Krotoa. Jy verstaan dus waarom haar eerste boek vir tieners ’n hoofkarakter het wat soos sy lyk. Maar eintlik skryf sy vir alle tieners, sê Crystal-Donna. “Dis so met enige boek – as die leser ’n konneksie voel met die storie en karakters, dan is dit vir hulle.” Sammi (eintlik Samantha) is 13 en woon nou al twee jaar by haar tannie Valerie. Sy en haar ouers was in ’n ongeluk en net sy het dit oorleef. Sy gaan kuier een vakansie by haar ouma en oupa in die…

BONTSLANERY Koos se baas by die skrynwerkersaak staan en kyk hoe hy werk. “Koos, om jou met ’n hamer te sien, is soos om na weerlig te kyk,” sê hy toe. “Haai, dankie,” antwoord Koos. “Omdat ek so vinnig is?” Baas: “Nee, omdat jy nooit twee keer op dieselfde plek slaan nie!” JOHANNA RADEMEYER TUINVLYT Die egpaar staan voor die venster en bewonder hul tuin. “Ons sal die een of ander tyd ’n regte voëlverskrikker moet kry om die voëls weg te hou van die blombeddings,” laat hoor die vrou. “Wat is fout met die een wat ons het?” wil haar man weet. Vrou: “Niks, maar my ma se arms word moeg.” LOUISE NOETH ALBEI KANTE Die enigste een wat na albei kante van die rusie luister, is die buurvrou.…

HOU JOU KOUSE VIR JOUSELF! Aanhangers van Harry Potter moet ophou om die omgewing skade aan te doen, vra die mense van die strand Freshwater West in Wallis. Dié strand is die een waarop Dobby die elf in Harry Potter and the Deathly Hallows: Part One dood is, so aanhangers stroom soontoe sedert die fliek in 2010 uitgereik is. Hulle het al ’n graf vir Dobby daar opgerig en los blykbaar veral graag hul kouse daar om hul respek vir die dooie elf te betoon. Die probleem is dat dié kouse dan in die see waai, waar seediere daaraan vreet, siek raak en soms verstik. Die owerhede het mense gevra om nie meer enigiets by Dobby se “graf” te los nie.…

Op dié dag net ná die Tweede Wêreldoorlog het die leiers van Duitsland se Nazi-party eindelik verantwoording begin doen vir hul dade. Hulle is deur ’n tribunaal (sien Woord van die Week) verhoor vir die talle wrede dinge wat hulle gedoen het, waaronder die moord op miljoene Jode. Dié verhore het in die stad Neurenberg in Duitsland plaasgevind. Die Nazi’s is verhoor deur regters uit die lande wat die oorlog teen Duitsland gewen het: Amerika, Rusland, Brittanje en Frankryk. Hulle is aangekla van oorlogsmisdade en misdade teen die mensdom. Daar was ook baie leiers van die Nazi’s wat nooit vir hul dade vervolg is nie. Party, soos Adolf Hitler, die Nazi’s se hoofleier, is dood voor hulle gevang kon word, en ander het uit Duitsland gevlug. Omtrent ’n jaar nadat…

SOOS dikwels terwyl sy haar verhaal vertel, glimlag die vrou op die rusbank moedig. “Nie elke dag is maklik nie, maar elke dag is goed,” sê sy. Die 38-jarige Mari Jansen van Vuuren weet maar alte goed hoe kosbaar die lewe is. Want op nege jaar is sy so erg in ’n motorongeluk beseer dat haar lewe sedertdien een lang stryd om oorlewing is. Haar mediese geskiedenis is verbysterend. In die 28 jaar sedert daardie oomblik toe ’n roekelose bestuurder deur ’n rooi verkeerslig gejaag het, moes Mari al ’n volle 112 operasies ondergaan om haar liggaam geheg en aan die werk te hou. Sy moes weer leer loop, maar ook om weer te lag en die mooi in die lewe raak te sien. Sy kon nie skool voltooi of…

EERS hoor jy die soel musiek. Dan tref die helende geure van laventel jou, voor die immergroen huisplante in elke vertrek jou opval. Rhona Erasmus (38) se spa, Trouvaile, praat met jou sintuie. Hier voel dit meer asof jy iewers in ’n Tibettaanse klooster as in die gewoel van Midrand is – ’n plek waar jou liggaam én gees rusplek kan vind. Elke kamer van dié spa op die Midstream- landgoed is vernoem na ’n vrou uit die Bybel. “Sterk vroue is belangrik,” sê Rhona oor ’n koppie koffie in die Ester-kamer. “In die Bybel het ons baie van hulle, en mense onthou die meeste van die tyd die mans. Moses, Noag … maar agter elke sterk man is daar ’n sterk vrou.” En nes die ystervroue uit die Bybel…

DIE akteur TAYLOR LAUTNER (30) en sy meisie van die afgelope vier jaar, TAYLOR DOME (24), het afgehaak ’n jaar nadat hy die groot vraag gevra het. Hulle het voor 100 gaste op ’n sonsondergangseremonie op ’n prentjiemooi wynlandgoed in Kalifornië getrou. Die pragtige bruid het ’n vloeiende wit skepping met ’n kantbolaag en bypassende sluier gedra, en hy het deftig gelyk in ’n aandpak. Hul liefdesverhaal het in 2018 begin toe die akteur se suster, Makena Moore, hom aan die verpleegster voorgestel het. Makena kon dadelik sien die twee Taylors is perfek saam. “Julle twee kan nie meer perfek wees vir mekaar nie. Die manier hoe julle mekaar aanvul, slaan my asem weg. Ek kan nie glo ek het ’n suster en ’n beste vriendin vir altyd gekry nie,”…

SO KEN ons hom mos nie. Swak. Broos. Uitgeteer. En ten spyte van die gegim van sy fikse jare pal in die hospitaal. Maar hy is weer tuis, en daar is hoop dat hy weer sal word wie hy eens was. Dis nou Cassie Booyse wat in 2008 kitsroem verwerf het as Vernon Koekemoer, Suid-Afrika se gewildste spiertier. Deesdae pronk die internetsensasie van destyds allermins in eina broekies en stywe hempies met spiere wat bult en oë wat blink. Hy moes die afgelope tyd in ’n hospitaaljurkie boer, en sy gespierde lyf het van 120 kg tot 60 kg gekwyn. Drie moeilike jare lank het die pyn en voortdurende infeksies hom so geknak dat hy ’n einde aan sy lewe wou maak. Die pyn, beweer hy, is veroorsaak deur verbroude…

SY WEET al van ’n baie jong ouderdom af dat sy eendag ’n ma wil wees, maar om eindelik swanger te raak was ’n baie lang en moeilike reis. Die afgelope byna vyf jaar het sy en haar man gesukkel om swanger te raak. Hulle het hul leefstyl verander en selfs vrugbaarheidsbehandeling beproef, maar daar was soms meer vrae as antwoorde en dae waarop sy moedeloos was. Maar van tou opgooi wou sy niks weet nie. Die hunkering om ’n klein lewetjie in die wêreld te bring was te groot. Toe bloedtoetse vroeër vanjaar bevestig sy is swanger, kon sy haar ore nie glo nie – sy gaan eindelik ’n ma word. Daar was simptome soos die oggendnaarheid wat haar begin oorval het en ’n lus vir vreemde kosse, maar…

DIS die taal van die digitale era en word deur almal gebruik, van jou buurvrou tot die president. Elke dag word 10 miljard van hulle gestuur, en baie mense dink dit druk jou gevoelens beter as woorde uit. Tog kan emoji’s – daardie gesiggies, blommetjies en hartjies wat mense so graag rondstuur – maklik ook tot misverstande aanleiding gee. Dinge verander gereeld, en dikwels kan so ’n simbooltjie vir ’n ouer persoon iets heel anders as vir ’n jong mens beteken. Met die meer as 3 600 emoji’s wat deesdae beskikbaar is, is die moontlikheid van ’n misverstand groter as ooit vantevore. Kyk byvoorbeeld na die duimprentjie, ’n handjie wat sy duim oplig. Dekades lank is dit gesien as ’n teken dat jy met iemand oor iets saamstem, maar deesdae…

KRY DIT HIER ACKERMANS 0860-900-100; ADIDAS.CO.ZA; ALDO 011-555-2300; AMERICAN SWISS 0860-834-834; COTTON ON 087-550- 4383; EXACT 0860-834-834; FOREVER NEW 0860-018-014; FOSCHINI 0860-834-834; GALAXY & CO 0860-834-834; H&M 0860-690-707; JAM CLOTHING 031-303-9670; L’OCCITANE 066- 306-8680; MARKHAM 0860-834-834; MR PRICE 080-021-2535; REFINERY 0860-900-400; SPORTSCENE 0860-834-834; STERNS 0860-834- 834; STUDIO 88 010-006-0888; SUPERBALIST.COM; TAKEALOT.COM; THE FIX 086-1111-761; TOTALSPORTS 0860-834-834; TRUWORTHS 021-460-2300; TYPO 087-550-4383; WOOLWORTHS 0860-022-002; ZARA 0800- 000-848 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE…

KRY DIT HIER GAME.CO.ZA; INCREDIBLE CONNECTION INCREDIBLE.CO.ZA; MANTALITY.CO.ZA; NIFTYGIFTS.CO.ZA; OUTDOORWAREHOUSE.CO.ZA; TAKEALOT.COM HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

KRY DIT HIER @HOME HOME.CO.ZA, 0860-834-834; ANNA-MAUD.CO.ZA INFO@ANNA-MAUD.CO.ZA; APLACETOSHOP.CO.ZA 079-351-0551 (WHATSAPP); BABYLONSTOREN SHOP.BABYLONSTOREN.COM, 021-300-3919; BASKITI.CO.ZA JANA@BASKITI.CO.ZA; BLOOMSPACE.CO.ZA INFO@BLOOMSPACE.CO.ZA; DESIGNSTORE.CO.ZA HELLO@DESIGNSTORE.CO.ZA; ETHOS-STORE.CO.ZA INFO@ETHOS-STORE.CO.ZA; KNUS.CO 087-550-7600; LAVISHD.COM 011-609-8303; MRPHOME.COM 064-584-1000 (WHATSAPP); NIFTYGIFTS.CO.ZA CONTACT@NIFTYGIFTS.CO.ZA; PLANTIFY.CO.ZA 021-330-5075; SUMMERHOUSEFABRICS.CO.ZA 021-914-0295; WOOLWORTHS.CO.ZA 0860-022- 002; YUPPIECHEF.COM 0861-702-4969 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. MY AFGETREDE VROU MAAK MY MOEG V My vrou en ek het albei baie veeleisende beroepe gehad en kon nie wag om eendag af te tree nie. Veral die laaste jaar kon nie gou genoeg verbygaan nie. Eindelik het die tyd aangebreek. Maar o wee, dis glad nie wat ek verwag het nie. In die eerste plek het ek gedink ons sal die…

BOOGSKUTTER 22 NOV – 20 DES Daar is hoop op die horison sodra jou heersende planeet, Jupiter, op die 24ste uit sy agteruitbeweging kom. Daarby val die nuwemaan op dieDAMIEN selfde dag in jou teken, wat inderdaad dui op ’n nuwe begin. Die geheim is om op jouself en jou eie geluk en prestasies te fokus, want daar is min wat jy nou kan doen om die bui waarin jou maat/gade op die oomblik is, te swaai. Gee hulle tyd om op hul eie beter te raak. JOU GELUKKIGE NOMMERS 51, 42, 37, 1, 41, 50 DIE ABC VAN ’N BOOGSKUTTER ◼ Avontuurlustigheid is iets wat ingebore is. ◼ Breë horisonne is jou mikpunt; jy hou van die groter prentjie. ◼ Cum laude: Jy hou daarvan om te leer en te…

1 Na watter soort kar word in Afrikaans as ’n “kewer” verwys? 2 Hoeveel punte kry jy in basketbal as jy die bal van buite die sirkel af in die net sit? 3 Watter dier is op ’n R5-muntstuk? 4 Waar of onwaar: Die vernaamste verskil tussen olifante uit Afrika en uit Indië is die grootte van hul ore. 5 In watter land is gholf uitgevind? ANTWOORDE 1. Volkswagen Beetle 2. 3 3. Swartwildebees 4. Waar – Asiese olifante het kleiner ore as dié in Afrika. 5. Skotland BRONNE NOWTHISNEWS.COM, BBC.COM, NEWS.SKY.COM, KIDS.BRITANNICA.COM, EDITION.CNN.COM, BBC.CO.UK, THEVERGE.COM, CNBC.COM…

1 Sy is mal oor die aktrise Viola Davis. “As ek net met haar kan praat. Ek dink sy is een van die talentvolste mense ooit.” 2 As aktrise was sy te besig vir ’n “normale tienerlewe”. Sy sê sy’s spyt sy het mylpale soos ’n hoërskooldans en -gradeplegtigheid misgeloop. 3 Die coolste van toneelspel is dat sy baie dinge kan wees. “Ek was regtig baie lief vir flieks en reekse, maar ek wou ’n klomp verskillende dinge wees toe ek jonger was. Eenkeer het ek Man on Fire met Dakota Fanning en Denzel Washington gekyk, en toe ek by die huis kom, was ek soos: ‘Ek wil die Puerto Ricaanse weergawe van hierdie meisie wees.’ Ek het ook besef dat: ‘Oe, as ek ’n aktrise word, kan ek die…

Dr. Johan Venter, ’n spesialis-uroloog verbonde aan die Netcare Pretoria-Oos-hospitaal, sê die 113de operasie is ’n kwessie van lewe en dood vir Mari. Weens die skade van die ongeluk funksioneer haar blaas nie normaal nie – en sy loop ’n risiko om haar blaas heeltemal te verloor as die operasie nie uitgevoer word nie. Mari het daarom ’n Mitrofanoff-afleiding waarmee die een kant van haar blindederm aan haar blaas gekoppel en die ander kant aan haar vel. Daar is tans ook ’n kateter in haar blindederm geplaas om die blaas te dreineer. Johan sê Mari het vroeër vanjaar kwaai pyn begin ervaar waarna met ’n CT-skandering bevind is die Mitrofanoff lek in haar buik en dat ’n abses begin vorm het. Dit plaas haar lewe in gevaar as die abses…

’NMENS word nie elke dag 50 nie, en GABRIELLE UNION het onlangs dié mylpaal gevier met ’n toer na verskeie bestemmings in Afrika. Dié Amerikaanse aktrise se man, die oudbasketbalspeler DWYANE WADE, en hulle dogtertjie, KAAVIA, is natuurlik saam. Hulle “safari”, oftewel die #Wade- WorldTour, het afgeskop met ’n verjaardagpartytjie op die eiland Zanzibar. Dwyane het sy vrou verras deur hulle familie en vriende spesiaal in te vlieg vir die geleentheid. “Ek is ongelooflik dankbaar vir al my geliefdes wat van oor die wêreld heen gevlieg het om saam met my fees te vier,” skryf sy op Instagram. Van Zanzibar is hulle na Ghana, waar hulle die uiteenlopende kulture in dié land omhels het. Hulle het tradisionele klere gedra en selfs plaaslike erename gekry. Hulle volgende bestemming was Namibië, waar…

‘ONS MOET ’N PUNT BEREIK WAAR ONS KAN PRAAT OOR HOE OM BEURTKRAG AF TE SKAF’ ELKE keer wanneer beurtkrag die land in donkerte hul, raak dit hom ook. Hy sit ook in die verkeer vas, hy sukkel ook met selfoonsein – en by die huis is hy al so moeg vir die ligte wat afgaan dat hy ’n invertor laat installeer het. Dit was die geld werd, sê Mpho Makwana. Nie net beteken dit ’n sweempie van normaliteit vir sy gesin wanneer beurtkrag tref nie; dit help Eskom ook. Almal in Suid-Afrika moet doen wat hulle kan om die las van die sukkelende kragverskaffer te verlig terwyl hulle alles doen om die staatsonderneming weer uitstekend te maak, se Mpho. En hy sal weet wat dié yslike taak behels –…

KRY DIT HIER CRAZYSTORE.CO.ZA 086-111-1281; GAME.CO.ZA 0861-4263-2273; GREENLEAFHOME.CO.ZA 087-195-0225; HUISIE.CO.ZA HELLO@HUISIE.CO.ZA; IMAGIMAGS.COM INFO@IMAGIMAGS.COM; JOYJOY.CO.ZA HELLO@JOYJOY.CO.ZA; KIDSEMPORIUM.CO.ZA 073-818-0004; K.LIGHT KLIGHT.CO.ZA, 021-552-4370; LITTLEFAVOURITES.CO.ZA KATE@LITTLEFAVOURITES.CO.ZA; MIWI.SHOPHELLO@MIWI.SHOP; MRPHOME.COM 064- 584-1000 (WHATSAPP); NIFTYGIFTS.CO.ZA CONTACT@NIFTYGIFTS.CO.ZA HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

KRY DIT HIER @HOME HOME.CO.ZA, 0860-834-834; APLACETOSHOP.CO.ZA 079-351-0551 (WHATSAPP); CUTLERDRINKS.CO.ZA INFO@CUTLERDRINKS.CO.ZA; GAME.CO.ZA 0861-4263-2273; GREENLEAFHOME.CO.ZA 087-195-0225; MRPHOME.COM 064-584-1000 (WHATS- APP); NIFTYGIFTS.CO.ZA CONTACT@NIFTYGIFTS.CO.ZA; SHOP.BABYLONSTOREN.COM 021-300- 3919; WOOL-WORTHSCO.ZA 0860-022-002; YUPPIECHEF.COM 0861-702-4969 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

DIE beginsel klink goed: As jy geld benodig vir onvoorsiene uitgawes, kan jy ’n deel van jou salaris onmiddellik kry, eerder as ’n persoonlike lening. Salarisvoorskotte is ou nuus in die VSA en Europa, en nou raak dit ook hier in Suid-Afrika gewild. Maar is dit werklik so ’n ideale reddingsboei – of net nog ’n manier om skuld te maak? Hier is sewe dinge om te weet. 1 WAT IS ’N SALARIS-VOORSKOTPRODUK? Tradisioneel was ’n salarisvoorskot ’n privaat leningsooreenkoms tussen jou en jou werkgewer. Jou kredietrekord is eers nagegaan, en jy moes die geld met rente terugbetaal. Deesdae kan jy vroeë toegang tot ’n gedeelte van jou salaris kry sonder om ’n lening by jou werkgewer aan te gaan. Omdat dit nie ’n lening is nie, word jou kredietrekord…

GROOT BLOKRAAI No 2467 As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VIR JOU LEWENSVERHAAL PLUS KOM IN AANMERKING VIR DIE MAANDELIKSE TREKKING VAN R1 000. VRAAG: Watter soort emosie is ter sprake? Hierdie week wen een leser Die storie van my lewe, ’n pragtige hardebandboek wat jou help om jou eie lewensverhaal neer te skryf. Op dié manier kan jy jou kosbare herinneringe verewig, uitdruk wie jy as mens is en jou storie vir jou nageslag bewaar. Kort opskrifte sal jou help om jou gedagtes te orden en staaltjies oor belangrike mense en gebeure in jou lewe te onthou. Daar is ook hoofstukke waarin jy langer kan skryf oor verskillende lewensfases. Om dit te bestel, gaan na…

VREDE IN SIG In Ethiopië woed daar al twee jaar ’n oorlog tussen die regering en die mense van Tigray, ’n streek in die noorde van die land. Duisende mense is reeds in dié oorlog doodgemaak. Nou het albei kante egter ooreengekom hulle wil vrede maak. Veral in Tigray gaan dit erg. Weens die oorlog kan dié streek nie kos en medisyne invoer nie, so baie volwassenes en kinders daar kry swaar. Verteenwoordigers van die twee kante is nou in Pretoria, waar hulle met mekaar gesels om vas te stel hoe hulle die bakleiery tot ’n einde kan bring.…

28 Die getal luislange wat gevang is deur Matthew Concepcion (19), die wenner van die luislanguitdaging in Florida, Amerika. Florida is vol Birmese luislange. Dié diere is as troeteldiere van oorsee ingevoer, maar het uit hul hokke ontsnap, voortgeplant en in die wildernis ’n pes geraak. Daar word dus elke jaar ’n wedstryd gehou om te sien wie die meeste van dié gediertes kan vastrek. Matthew vertel hy het bedags geslaap en die slange in die nag gevang wanneer hulle bedrywig is. R60 Die prys wat Twitter-gebruikers gaan moet betaal om hul rekeninge op dié platform te laat bevestig. Aangesien daar baie vals profiele op Twitter is, asook rekenaarprogramme wat maak of hulle mense is, dui Twitter met ’n blou regmerkie langs jou naam aan as hulle seker is jy…

ONTMOET DIE NUWE ADDAMS-DOGTER As kind was Jenna ’n groot aanhanger van die gewilde Addams Family-flieks – en nou is sy deel van dié grilsnaakse, onsterflike gesin in Netflix se uitloperreeks Wednesday. Soos die naam verklap, fokus die reeks op die Addamsdogter, en spesifiek haar tienerjare. In die oorspronklike Addams Family-fliek (1991) is Wednesday deur Christina Ricci gespeel. “Elke keer as ons Wednesday gesien het, was sy vyf of 10 jaar oud,” sê Jenna (20). En nou klim sy in die Goth-skoene van ’n Wednesday in haar onstuimiger lewensfase. “Om in die skoene te tree van iemand wat ’n bietjie meer eksentriek en angswekkend is, was vir my baie opwindend, en beslis ’n uitdaging. Ek wou regtig sorg dat ek reg laat geskied aan so ’n geliefde karakter,” vertel Jenna.…

FLIEKS DISENCHANTED KYK DIT OP: DISNEY+ VIR OUDERDOMME: OB Giselle (Amy Adams) en Robert (Patrick Dempsey) is al 15 jaar getroud en sy is moeg vir die stadslewe. Op soek na ’n sprokieslewe trek die gesin na die dorpie Monroeville. Hier geld egter ’n nuwe stel reëls, en die plaaslike koningin, Malvina Monroe (Maya Rudolph), laat Giselle uit voel. Die gefrustreerde inkommer wend haar tot towerkuns, maar verander ongelukkig die hele Monroeville in ’n werklike sprokiesdorp en plaas haar gesin se toekomsgeluk op die spel. Nou is Giselle in ’n wedloop teen tyd om die towerspreuk om te keer. Dit is die opvolger van die 2007-fliek Enchanted. DIARY OF A WIMPY KID: RODRICK RULES KYK DIT OP: DISNEY+ VIR OUDERDOMME: OB Die angstige Greg Heffley is terug in dié animasiefliek.…

‘EK IS oorspronklik van Namibië. Ek’t daar op ’n plaas grootgeword waar ek kon perd en donkiekar ry. My pa se kant is almal Namibiërs. My ma kom van Bellville af, maar sy het nogal wonderlik gedoen om uit die stad op ’n plaas tussen niks en nêrens te gaan bly. Daai was ’n wonderlike lewe. My ouma het op die plaas langs ons gebly. By haar was altyd bakgoed, en daar was baie kere elke middag poeding. Ek onthou nog my ouma se melktert. Sy het geglo in 12 eiers in haar melktert. Sy het ook baie lekker rolkoek en vrugtekoeke gemaak. My ma is ook ’n goeie bakker, maar ek dink sy is net lui vir bak. As sy die dag lus was vir bak, was sy die…

VIR duisende leerders reg oor die land het een van die grootste mylpale van hul lewe aangebreek – die matriekeksamen. En dis veel meer as net die laaste hoofstuk van hul lang skoolloopbaan. Jou gr. 12-eindeksamen is immers ’n belangrike hekkie wat jy moet oorsteek om jou toekomsdrome waar te maak. Tersiêre opvoeding of ’n goeie beroep – jou matrieksertifikaat is die eerste stempel in jou paspoort na nuwe geleenthede. Ook al is jy nie meer ’n tiener nie. Die 600 leerders van die Hopeful Leaders Night School in Primrose Park, Manenberg, se ouderdom wissel van iets in die 20’s tot ’n rype 60 jaar. Maar hier maak generasiegapings nie saak nie, want almal het een gesamentlike doel: om eindelik hul matriek te slaag. Soos die naam van die skool…

IN HAAR trefferliedjie sing die musieklegende Cher: It’s in his kiss – en dis waarskynlik ook waar van haar nuwe kêrel, want tydgenote is dié twee beslis nie. Dit gons deesdae oor die Grammy-sangeres se verhouding met Alexander Edwards, want op 36 is hy ’n volle 40 jaar jonger as haar 76. Boonop is hy 19 jaar jonger as haar oudste kind. Haar nuwe – durf ons sê? – katelknaap, die ondervoorsitter van die platemaatskappy Def Jam Recordings, het ’n reputasie as ’n skaamtelose rokjagter, en volgens party skindertonge is hy bloot agter haar fortuin van R6,4 miljard aan. Maar Cher het haar nog nooit gesteur aan wat mense sê nie. Sy het onlangs ’n foto van haar en Alexander, oftewel AE, op sosiale media gedeel met ’n hartjie daarby.…

DIE gesegde is mos: Ou liefde roes nie. En nou lyk dit asof dié woorde waar is vir die akteur BRADLEY COOPER (47) en sy eks, IRINA SHAYK (36). Die paartjie, wat in 2019 ná vier jaar saam uitgemaak het, het mekaar onlangs liefderyk omhels toe hulle in New York met hul honde gaan stap het. Sedert hul paadjies geskei het, is die twee gereeld saam met hul vyfjarige dogter, Lea, op uitstappies gewaar. Maar dit lyk nou asof die verhouding oor meer as net die grootmaak van hul kind gaan. Die paartjie het in September saam gaan vakansie hou, en die Russiese model is verlede maand afgeneem waar sy op ’n Halloween-partytjie sommer op Bradley se skoot sit. Volgens ’n bron is hulle gretig om hul gesin uit te…

1 REBEL WORD ’N MAMMA Haar reis na moederskap was allesbehalwe maklik, maar die aktrise REBEL WILSON (42) het eindelik die rol van haar drome gekry. Rebel het vroeër vandeesmaand die geboorte van haar dogter, Royce Lillian, via ’n surrogaat aangekondig. Sy het in 2020, ná ’n besoek aan ’n vrugbaarheidsdokter, die “jaar van gesond leef” aangepak om ’n beter kans te hê om haar eierselle te laat oes. “Ek is ewig dankbaar vir almal betrokke (julle weet wie julle is), dit kom al jare lank aan, maar ek wou veral my pragtige surrogaat bedank wat die baba met soveel sorg gedra het,” het sy op Instagram gedeel. 2 EMINEM DEEL VAN ROOM VAN ROCK ’N’ ROLL Ons het hom leer ken as die bottelblonde rapper met sy treffende lirieke…