Indholdsfortegnelse for 01 December 2022 i Huisgenoot

1 ‘ONS OUERSKAP-DROME VERPLETTER’ Ná jare van probeer vir ’n baba, sterf Susan Fouché se man op die vooraand van hul vrugbaarheidsbehandeling. Sy skryf oor haar seer in ’n ope brief My hart gaan uit na jou. Dis die grootste leemte om nie kinders van jou eie te hê nie, jou moederskoot is vir altyd leeg! Die hartsbegeerte en verlange gaan nooit werklik weg nie, jy leer net daarmee saamleef. Baie sterkte. LEE ANNE Dit is hoe ek voel ná my man se dood. Ons was so gewoond daaraan om saam winkels toe te gaan, nou is hy weg. Dit maak so seer om ander egpare in die sentrum te sien. So het ons elkeen ons seer, bly net vashou aan ons Here Jesus. RIKA Weet net jy is be-slis…

SY SKUIF haar kussing reg en maak haarself gemaklik om ’n uiltjie te knip – sommer net daar in haar geparkeerde motor. Op 21 weet Greteli de Swardt al hoe om haar tyd goed te benut. Sy speel in twee TV-reekse gelyk én is die aanbieder van Eendag op VIA. Sy was pas op die rusbank saam met Minki van der Westhuizen vir ’n vroegoggendopname vir dié se kletsprogram, en nou is daar ’n kort blaaskans voor sy in dieselfde gebou in die Kaapse middestad voor die Huisgenoot-kameras moet wees vir ’n voorbladfotosessie. “Pas eerste shoot vir die dag gehad. Die tweede een op pad,” vertel sy haar 47 000 volgelinge op Instagram. “ ’n Lekker kussinkie, japonnetjie, sonnetjie en vars luggie. Doedoestyd nou.” Sy het elke oomblik se rus…

PLAKKIES Gee enige uitrusting ’n ontspanne gevoel met sjiek toonsandale. VIR HAAR VIR HOM AANGLIPSANDALE Kies aanglipsandale in funky kleure wat die aandag trek om jou somervoorkoms mee af te rond. VIR HAAR VIR HOM BANDJIESANDALE Modieuse bandjiesandale gee jou somervoorkoms ’n stylvolle afronding. VIR HAAR VIR HOM SPORTIEWE SANDALE Dra dié alledaagse aktiewe styl in uitstaankleure vir ’n funky voorkoms hierdie seisoen. VIR HAAR VIR HOM…

KRY DIT HIER @HOME HOME.CO.ZA 0860-834-834; CRAZYSTORE.CO.ZA 086-111-1281; EKRISMIS.COM 010-001-3538; FANCYPARTIES.CO.ZA HELLO@FANCYPARTIES.CO.ZA; HUISIE.CO.ZA HELLO@HUISIE.CO.ZA; IKIDS.CO.ZA HELLO@IKIDS.CO.ZA; MAPETITE.CO.ZA 010-443-7136; MONEXTERIORS.COM INFO@MONEXTERIORS.COM; MRPHOME.COM 064-584-1000 (WHATSAPP); NIFTYGIFTS.CO.ZA CONTACT@NIFTYGIFTS.CO.ZA; THECPSWAREHOUSE.CO.ZA 011-704-7006; WOOLWORTHS.CO.ZA 0860-022-002; YUPPIECHEF.COM 0861-702-4969 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

Die meeste lugbraaiers het vier dele: ◼ DIE OMHULSEL Dit vang olie en krummels vas wat in die braaier van die kos afloop. Jy kan dit uithaal en skoonmaak. ◼ DIE MANDJIE Dit het gewoonlik ’n bodem met ronde gaatjies of ’n dun net waardeur olie en krummels na die omhulselboom kan deursypel. Dis maklik verwyderbaar en kan in die skottelgoedwasser gewas word. ◼ DIE RAKKIE Party lugbraaiers bevat reeds ’n rakkie – so nie, kan jy een koop. Die rakkie help baie wanneer jy groter maaltye kook. Een gereg kan op die basis van die mandjie gepak word en die ander op ’n rakkie wat bo-op die mandjie geplaas word. ◼ DIE VERHITTINGSELEMENT Dis ’n kardinale deel van die lugbraaier. Die element is gewoonlik aan die bokant van die…

Op soek na resepte vir jou lugbraaier? Skaf Huisgenoot Lugbraaier sommer vandag aan! In hierdie splinternuwe tydskrif deel ons kosskrywer Esther Malan meer as 80 nuwe spesiale lugbraaierresepte getoets in Huisgenoot se toetskombuis. Die tydskrif kos R75 in die handel en is beskikbaar by groot supermarkte. Of bestel dit aanlyn by huisgenootwinkel.com of deur ’n e-pos te stuur na koop@huisgenoot.com. WEN MET CREATIVE COOKING Twaalf lesers kan elkeen ’n geskenkpak met lugbraaierbykomstighede van CREATIVE COOKING in ons gelukstrekking wen. SMS jou naam, kontaknommer, posadres en die woord “lugbraaier” voor 8 Desember 2022 na 35407. Elke SMS kos R1,50. Elke pak ter waarde van sowat R800 sluit ’n lugbraaiermandjie, -matjie en -sproei in. Voorwaardes en bepalings geld.…

1 Die reeks van agt episodes gaan oor die moord op ses kinders wie se liggame in ’n verlate woud in Donkerbos, Limpopo, aangetref word. Die verstote speurder Fanie van Wyk (Erica Wessels) moet die moordenaar vastrek voor nog kinders sterf. Maar terselfdertyd worstel sy met haar eie donker verlede. 2 Donkerbos speel af op ’n fiktiewe dorp met dieselfde naam, iewers tussen Haenertsburg en Tzaneen in Limpopo. Die reeks is tussen Mei en Julie vanjaar oor sewe weke in Limpopo en die Wes-Kaap geskiet. “Die grootste uitdaging met enige plaaslike reeks is die beperkte tyd wat die begroting jou bied om in te verfilm,” sê Nico Scheepers, die reeks se skrywer en regisseur. “Gelukkig is ek omring met die room van Suid-Afrika se vermaakwêreld, en ons kon hierdie bloederige wa…

MOORD OP STELLENBOSCH Deur JULIAN JANSEN Tafelberg, R229* In die joernalis Julian Jansen se nuutste boek is “12 verhale van jaloesie, wellus, woede, luiheid en gierigheid”. Hulle speel almal af op die pragtige universiteitsdorp wat internasionaal bekend is vir sy wyn, ’n plek waar “Suid-Afrika se sakeadel, geleerde professore en studente wat bestem is vir groot dinge” woon. Maar hier het ook van die land se opspraakwekkendste moorde plaasgevind, soos die twee studentemeisies wat wreedaardig dood is, Inge Lotz en Hannah Cornelius; Henry van Breda wat sy pa, ma en broer doodslaan; Susan Rohde, wie se man haar dood soos selfmoord laat lyk. Maar, vertel Julian my, hy het in sy navorsing afgekom op Eikestadmoorde wat nooit die nuus gehaal het nie. “Ek het gou agtergekom dat die 10 slagoffers…

DIE GEWONE, SEBLIEF Die hotelgas kom na die eetsaal vir ontbyt en vra die kelnerin: “Kan ek asseblief ’n eier kry wat taai en rubberig is, klipharde spek en gebrande roosterbrood?” Dadelik is die kelnerin hoogs verontwaardig. “Meneer, ons kan regtig nie daardie soort aaklige kos hier voorsit nie!” Gas: “Wel, gisteroggend het julle.” JOHANNA RADEMEYER BLITSKUUR Koos: “Die dokter het gesê hy sal my oor twee weke op my voete hê.” Piet: “En het hy?” Koos: “Ja, ek moes my kar verkoop om sy rekening te betaal.” JOHANNA RADEMEYER VERTROUE Wanneer ’n vrou sê sy is liewer vir haar kinders as vir haar man, praat sy alsbehalwe die waarheid. Want sy sal haar kinders by die buurvrou los om na te kyk, maar nooit, ooit haar man nie. CHARLOTTE…

GROOT BLOKRAAI NO 2 468 As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VIR JOU LEWENSVERHAAL PLUS KOM IN AANMERKING VIR DIE MAANDELIKSE TREKKING VAN R1 000. VRAAG: Watter vaartuig is ter sprake? Hierdie week wen een leser Die storie van my lewe, ’n pragtige hardebandboek wat jou help om jou eie lewensverhaal neer te skryf. Op dié manier kan jy jou kosbare herinneringe verewig, uitdruk wie jy as mens is en jou storie vir jou nageslag bewaar. Kort opskrifte sal jou help om jou gedagtes te orden en staaltjies oor belangrike mense en gebeure in jou lewe te onthou. Daar is ook hoofstukke waarin jy langer kan skryf oor verskillende lewensfases. Om dit te bestel, gaan na…

RUSLAND SE TROEPE VAL TERUG Die inwoners van die Oekraïense stad Cherson vier op die oomblik fees omdat die Russiese weermag, wat hulle probeer inval het, onlangs die gebied verlaat het. Die Oekraïners het so hard baklei dat die Russe moes afsien van hul planne om dié gebied oor te neem. In die tyd dat die Russe die gebied beset (sien Woord van die Week) het, was daar geen elektrisiteit of kraanwater nie, so die inwoners is baie bly dat hulle nou koers gekies het. Dis vir die Russe ’n groot nederlaag en Oekraïne se pres. Wolodimir Zelenski sê hy hoop dis dalk die begin van die einde van die oorlog.…

R3 miljoen Dié bedrag is op ’n veiling betaal vir ’n paar Birkenstock-sandale wat eens op ’n tyd aan Steve Jobs, die stigter van Apple, behoort het. Dit is waarskynlik die duurste wat iemand al ooit vir ’n paar sandale betaal het. 3 Soveel leeus is onlangs in die Sabi Sabi-natuurreservaat in Mpumalanga aangekeer en na die Krugerwildtuin geneem. Dié leeus het vermoedelik uit die Krugerwildtuin ontsnap en ’n rukkie in die omgewing rondgedwaal. 180 Die getal melkbottels wat Checkers gaan gebruik om een inkopiewaentjie te maak. Dié supermarkgroep het onlangs begin om waentjies van ou melkbottels te maak as deel van hul planne om meer omgewingsvriendelik te wees.…

’N TREFFERMASJIEN Haar talent het g’n grens nie. As jy nog nie haar musiek ken nie, is dit tyd om in te haal! Tems, oftewel Temilade Openiyi (27), is onlangs in die liedjie “Move” saam met Beyoncé en Grace Jones gehoor. Die liedjie is ook op Beyoncé se nuwe album, Rennaisance, ingesluit. Beroemde aanhangers? vra jy. Wel, daar is SZA en Adele, en die oud- Amerikaanse president Barack Obama. En wanneer jy Black Panther: Wakanda Forever gaan kyk, onthou maar dat Tems die temaliedjie, “Lift Me Up”, help skryf het – al word dit deur Rihanna gesing. En die fliek se klankbaan spog ook met Tems se weergawe van die Bob Marley-treffer “No Women, No Cry”. Sy word ook gehoor in Future en Drake se liedjie “Wait for U” –…

DIS ’n tragiese verhaal wat voor ’n mens se oë ontvou op die foto’s wat sy van haarself geneem het. Aan die begin van die storie is sy ’n lewenslustige jong vrou wat haar twee kinders alleen grootmaak en voluit leef. Maar toe word sy deur kanker afgetakel – in so ’n mate dat sy ’n oog verloor – en ten spyte van haar moedige stryd was sy teen die einde van haar lewe deurtrek met gewasse Tog was Toni Crews vasbeslote dat haar terminale siekte nié die laaste hoofstuk in haar storie sou wees en dat haar dood nie verniet sou wees nie. Daarom het dié 30-jarige enkelma van Kent in Engeland nie net haar gesondheidstryd met foto’s gedokumenteer nie; sy het ook voor haar dood besluit om haar…

SY BASUIN nie sommer besonderhede oor haar liefdeslewe uit nie. So wanneer die radio- en televisieaanbieder ZOË BROWN dit die dag doen, moet jy weet sy het die skoot hoog deur. Toe sy in Augustus vir die eerste keer ’n foto van haar en die man in haar lewe op Instagram deel, het sy daarby geskryf: “Jy weet dis ernstig as ek my eie reëls oortree.” Nou verklap sy hulle is al die afgelope 10 maande ’n paartjie. “Dis die beste gevoel in die wêreld. Hierdie keer voel dit anders,” sê sy. Sy en die man, wie se naam sy verkies om nie te noem nie, was saam leerlinge aan die Hoërskool Kingsway in Durban. “Ons is al jare vriende! Hy ken my vandat ek 14 is.” Hul gedeelde waardes…

AS EEN van Hollywood se hubaarste vrygeselle het hy nog altyd sy romanses privaat gehou. Maar nou is BRAD PITT gereed om die nuwe vrou in sy lewe met die die Vampire Diariesakteur Paul Wesley. Nogal agter die skerms van ’n Bono-konsert in Los Angeles. Voor die konsert het Brad ook die pragtige brunet voorgestel aan sy beroemde vriende soos die model Cindy Crawford en die akteur Sean Penn. Dis een van die min kere dat Brad in die openbaar gewaar is saam met ’n vrou sedert sy egskeiding van Angelina Jolie in 2016. Brad en Ines is duidelik gemaklik in mekaar se geselskap – hulle het liefderik aan mekaar geraak en handjies vasgehou. Brad het ná die konsert aanhangers gegroet en Ines, ’n Switserse juweliersware- kenner, is saam met…

‘TOE STEEK HY VIR MY ’N SIGARET AAN. TOE WÉÉT EK DIS DIE MAN VIR MY!’ HULLE is soos Suid-Afrika se eie Pamela Anderson en Tommy Lee. So sê sy self. Wilder as wild. Maar nie dat hulle soos dié Amerikaanse glanspaar van destyds wíl wees nie, skerm hy gou. “Ons probeer nie soos hulle wees nie; ons probeer soos niemand anders wees nie. Ons is net onsself. Dít is miskien die ooreenkoms tussen hulle en ons: Hulle is ook net hulself en steur hulle nie aan ander mense nie.” Aan die woord is die musiekvervaardiger Matthieu Auriacombe (33), oftewel Makkie, soos sy vriende hom noem. Die Pamela aan sy sy? Dis Ceylonia Bekker, die vrou wat bekend geword het as ’n meisie wat die trekpas op TV kry. Want…

AS JY Ina Paarman se Kaapse toetskombuis betree, maak die aardse reuke buite uit die tuin meteens plek vir die geure van die kerriesouse wat sy vandag laat prut. Ja, dis dié Ina Paarman wie se naam op winkelrakke pryk. Die kosghoeroe – die entrepreneur wie se botteltjies en boksies kos-en bakgoed so dikwels saam met ons kruideniersware in die winkelmandjie beland. Sy is op die ouderdom van 83 nog die ene energie, maar klein en fyn. Die petite reus agter die handelsnaam wat soveel tuiskokke help om smulkos te maak. In ’n onlangse episode van die TV-reeks JAN RSVP, waarin sy die Michelin-bekroonde sjef Jan Hendrik van der Westhuizen se eregas was, het hy gevra wat haar grootste wens is. “Om langer te wees,” het sy geantwoord. “Jy moet…

PLAKKIES VIR HAAR Dra ’n somerpakkie in ’n neutrale skakering saam met sagte pienk en subtiele silwer aksente vir ’n ontspanne en baie sjiek voorkoms. VIR HOM Kies ’n tekstuurryke blou pakkie saam met bykomstighede in in donkerder blou. AANGLIPSANDALE VIR HAAR Vrolik die voorkoms op met spatsels geel en koraal saam met sandale en bykomstighede in ’n kontrasterende kleur. VIR HOM Kleurblok ’n byderwetse swart-en-wit pakkie en geel sandale en bykomstighede vir die perfekte balans tussen pret en elegansie. BANDJIESANDALE VIR HAAR Dra gemaklike Grieks geïnspireerde sandale saam met ’n oorvourok in ’n helder kleur vir ’n ontspanne somervoorkoms. VIR HOM Linne is altyd ’n goeie keuse. Dra dit by leersandale met oorkruisbande vir ’n cool somervoorkoms. Kombineer ligter linne met donker, teks tuurryke bykomstighede vir ’n manlike afronding.…

◼ ’N LUGBRAAIER IS PERFEK HIERVOOR: Bevrore happies Brusselse spruitjies Soetkoekies Steak – dit kos ’n bietjie oefening Spek Hoenderborsies ◼ HOU LIEFS HIERMEE VERBY: Broccoli – dit droog uit ’n Heel hoender – dit word nie eweredig gaar nie Kos wat met ’n nat beslag bedek is – die beslag sal oral drup Kaasblokkies en -stokkies – dit drup ook oral in Vars groen blaargroente soos spinasie en krulkool – dit blaas die hele braaier vol Kos wat met ’n baie dik spesery- of kruielaag ingevryf is – die kruie of speserye sal ook rondblaas…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489 ‘AS IEMAND AAN ALKOHOL VERSLAAF IS, IS DIE FOKUS NET OP DIE VERSADIGING VAN DAARDIE BEHOEFTE’ – IRMA V Hierdie brief is ’n noodkreet om te hoor of iemand vir my raad het. Ek is getroud met ’n man wat uit ’n huis kom waar die pa ’n volslae alkoholis was. My man se pa is dood toe my man nog jonk…

BOOGSKUTTER 22 NOV – 20 DES Vir ’n verandering lyk dit asof jy nie die opstoker in rusies by die huis is nie; dis dié keer eerder jou geliefde. Of jy daarvan hou of nie, almal het soms meningsverskille. Maar die vraag is hoe hou jy sake vriendskaplik en hanteerbaar? Verwag dat ’n borrel naby die 1ste sal bars, en jy sal dan weet watter nasleep jy moet hanteer. Een van jou beste eienskappe is jou vrygewige gees. Handhaaf die tradisie. GELUKKIGE NOMMERS 3, 18, 26, 36, 19, 13 DIE BOOGSKUTTER SE WÊRELD ◼ Jy is vermaaklik, optimisties en waaghalsig. ◼ Hoekom jou vriende van jou hou: Jou vermoë om ’n silwer randjie te sien. ◼ Wat hulle nie vir jou sê nie: Jy kan oordadig wees. ◼ Jou modestyl…

AFGANISTAN SE VROUE SUKKEL Afganistan se regering staan as die Taliban bekend. Hulle gun nie vir vroue baie regte nie en het selfs al dié land se vroue verbied om parke te besoek of feeste by te woon. As jy in Afganistan ’n vrou is, mag jy nie eens reis tensy ’n manlike lid van jou familie (jou pa, broer, man of seun) saam met jou reis nie. En as sy die huis verlaat, moet ’n Afgaanse vrou te alle tye ’n hidjab dra wat haar kop toemaak. Jong meisies mag wel laerskool toe gaan, maar hulle mag nie ’n hoërskool bywoon nie.…

1 DESEMBER 1959 DIE ANTARKTIESE VERDRAG WORD ONDERTEKEN Op dié dag het die leiers van 12 lande in Washington in Amerika vergader om te besluit wat van Antarktika moet word. Hul beslissing was dat niemand dié vasteland vir hulself sal probeer opeis nie, maar dat dit net vir vreedsame doelwitte soos wetenskaplike navorsing besoek sal word. Die 12 lande wat dié verdrag onderteken het, het die lande ingesluit wat die naaste aan Antarktika geleë is: Suid-Afrika, Argentinië, Australië, Chili en Nieu-Seeland. Dit is ook onderteken deur van die rykste en invloedrykste lande uit die Noordelike Halfrond: Amerika, België, Brittanje, Frankryk, Japan, Noorweë en die Sowjetunie (die naam wat gebruik is vir Rusland en ’n klomp aangrensende lande wat deur die Russe beset was). Die verdrag het bepaal dat geen land…

kol-kol Knip & plak Knip die vierkante versigtig uit langs die stippellyne en plak dit dan op die regte plekke om die prentjie (HEEL REGS) te voltooi. Plakkiepret Doen eers die somme en vind dan jou weg deur die doolhof van 1 tot 10. Vind vyf verskille Pas die skaduwee Vind hulle almal! Kyk mooi na die prentjie om al die items wat hier onder versteek is op te spoor. BONUS Kan jy die rob vind? ANTWOORDE Pas die skaduwee 5.…

DIE man agter die toonbank is netjies aangetrek, aantreklik en goed versorg – en hóé. Wanneer hy jou koffie aangee, kyk jy een, twee, drie keer … Hy dra gekleurde naelpolitoer, nogal met sierlike naelkuns op twee van sy naels. Dis dalk die eerste keer dat jy dit self Dis dalk die eerste keer dat jy dit self sien, maar die ou in jou plaaslike koffiekroeg met die geverfde naels is nie alleen nie – hy is die toonbeeld van ’n groeiende modegier. ’n Nuwe geslag manlike bekendes volg in die voetspore van vorige dekades se sterre, mense soos David Bowie en Kurt Cobain, wat gereeld met gekleurde naels op die verhoog verskyn het. Deesdae doen die Britse sanger Harry Styles en Amerikaanse kunstenaars Machine Gun Kelly en Tyler the…

WILD IS THE WIND In dié aksiefliek wat tans op Netflix te sien is, vertolk Frank die hoofrol van die korrupte polisieman John Smit. “Dis verlede jaar op Graaff-Reinet geskiet, en ek is ’n boorling van die Oos-Kaap. Dit was opwindend om ’n Oos-Kaapse polisieman te speel, en ek kon ’n bietjie Xhosa praat in die fliek,” sê Frank. “Almal wat dit sien, sê hulle het nog nooit so ’n fliek gesien nie. Dis een van daai wat jy ’n paar keer kan kyk en net besef hier is ’n stukkie lewe, menslikheid en Suid-Afrika.” 7DE LAAN Frank het in September weer teruggekeer na Hillside om amok te maak. Hy was net 27 jaar oud toe hy destyds die rol van Tiaan Terreblanche in die sepie begin vertolk het. “Die…

SY WAS net sewe jaar oud toe haar pa en haar ma kort ná mekaar uit haar lewe geruk is. Dit was 16 jaar terug – 16 Desember 2006 – en ’n gewone aand toe Zaynab Petersen se pa koelbloedig doodgeskiet is. Daar in hul voorhuis in Athlone aan die buitewyke van Kaapstad, met Zaynab onder dieselfde dak, is die man wat die land vir sy musiektalent bewonder het, vermoor: Taliep Petersen. Eensklaps was die man vir wie Zaynab die liefste was nie meer daar nie. Maande later kom nog ’n skok: Haar ma, Najwa, word saam met drie mans van die moord op haar pa aangekla. Omdat Najwa by die huurmoord betrokke was, het sy ná haar verhoor 28 jaar tronkstraf gekry. En terwyl die land oor die skuldigbevinding…

DAAR is geen liefde groter as dié van ’n ma vir haar kind nie. Maar wanneer jy met Desireé van der Merwe en haar ma, Denise Pansegrouw, gesels, besef jy opnuut die teenoorgestelde is ook waar. Want toe die 70-jarige Denise onlangs ’n nuwe nier benodig het, wou Desireé dadelik een van hare aan haar ma gee – al het sy op 49 ’n eie gesin en ’n toekoms voor haar. “Ek het nie twee keer gedink nie. Ek’t dadelik gesê ek wil myne skenk,” sê Desireé by haar ma se huis net om die draai van hare op Kariega. Toe mense hoor wat sy beoog, het hulle haar onbaatsugtigheid geloof. Maar sy beskou dit as “ ’n voorreg eerder as ’n opoffering”. Dan word sy oorweldig deur die spanning…

TipsieHOENDER met rooi DRUIWE GENOEG VIR 4-5 MENSE /BEREIDING EN GAARMAAK: 90 MIN. ’n Resep wat die soet en sout geure vermeng waarvoor Suid-Afrikaners so lief is. ’n Klassieke braaihoender met ’n kinkel. Die gebraaide druiwe is heerlik en die vleissous hemels. Dit is ook lekker as dit die volgende dag koud voorgesit word. • 1 vars hoender• 15 ml (1 e) Ina Paar man’s Lemon & Black Pepper Seasoning• 4 repe streepspek (opsioneel)• 30 ml (2 e) botter, kamertemperatuur• 1 suurlemoen, skil afgerasper• 250 ml (1 k) sjerrie, port, soetwyn of rooi druiwesap (sien wenk)• 2-3 middelslag trosse (± 500 g) rooi druiwe• 1 x 25 g Ina Paar man’s Liquid Chicken Stock• 60 ml (¼ k) Ina Paar man’s Classic Balsa mic Vinaigrette 1 Vryf die hoender binne…

1 Die beste beskerming vir die bodem van jou lugbraaier is om jou kos op foelie of bakpapier gaar te maak, wat jy dan met kossproei bespuit. Jy kan selfs ’n sny brood op die bodem van die lugbraaier sit en dan spek bo-op gaarmaak. Dit sal die vetterigheid opsuig en is omgewingsvriendeliker as foelie. 2 Moenie kossproei direk op die bodem spuit nie; dit kan mettertyd skade aanrig. Vul eerder ’n hervulbare sproeibottel met olie en spuit dit liggies op die bodem, indien nodig. 3 Skud die mandjie halfpad deur die gaarmaakproses of roer die kos rond om seker te maak die kos word bros gaar. 4 Spuit ook ’n bietjie olie op jou kos halfpad deur die gaarmaakproses – dit sal sorg dat dit ekstra bros gaar word.…

◼ ROOSTER Nie alle lugbraaiers sluit ’n rooster waarop jy vleis kan braai in nie. Jy kan die rooster binne-in die mandjie plaas en dan hoender, steak of vis daarop pak. ◼ BAKPAN Jy kan jou lugbraaier gebruik om koek, brood of quiche te maak as jy ’n gepaste bakpan het. ◼ PAPIER As jy jou lugbraaier se mandjie wil beskerm, kan jy papier koop wat spesiaal daarvoor geskep is. Al die olie en krummels sal in die papier vasgevang word, en jy kan dit ná gebruik weggooi. ◼ SILIKON-PANNETJIES OF -KOPPIES Koop dit as jy graag muffins of brood bak. ◼ VERDELER Dis ’n plaatjie wat jy op ’n draadrak kan plaas en dan kan jy verskillende happies aan weerskante daarvan pak en gelyk gaarmaak.…

HIERDIE tyd van die jaar is bonusse gesog, veral as jy nie vooruit gespaar het vir die fees- en vakansietyd se uitgawes nie. Dus kan werknemers omgekrap raak as hulle dalk geen bonus kry nie, of minder as verwag. Maar is jy werklik outomaties op ’n bonus geregtig? Lees eers hier. 1 IS JY GEREGTIG OP ’N BONUS? Nee. Ingevolge die Wet op Basiese Diensvoorwaardes is geen werkgewer verplig om ’n bonus aan hul werknemers uit te betaal nie. ◼ Drie dinge sal bepaal of jy wel ’n bonus kry: Die werk het ’n beleid dat hulle bonusse betaal; dit word spesifiek in jou dienskontrak uiteengesit; of dit is aanvaarde gebruik en praktyk dat jou werkgewer bonusse betaal. ◼ As dit jou werkgewer se beleid is om wel bonusse te betaal…

KORTVERHALE DIE BABBELBENDE KYK DIE KINDERPROGRAM GRATIS! Kinders kan die aanlyn Afrikaanse kinderprogram Die Babbelbende op enige selfoon, rekenaar of tablet kyk – en dis gratis! Besoek huisgenoot.com om al die episodes van die reeks op ons tuisblad te kyk. Elke episode is 12 minute lank. In dié prettige, leersame reeks ontdek Bibi en haar maats, Palawa die kameelperd en Paloeka die leeu, saam met die verkenner, Ben, allerlei interessante dinge – en jou kind kan saam leer. BESTEL JOU POPPE EN STORIEBOEK HIER ● DIE STORIEBOEK + 1 POPPIE VIR R350 ● DIE STORIEBOEK + ALBEI POPPIES VIR R550 ● NET EEN POPPIE VIR R230 BEL 021-406-4962 E-POS koop@huisgenoot.com AANLYN media24.shop.com of huisgenootwinkel.com…

1 Watter soort voël is dié? 2 Van watter land kom die filosoof Konfusius? 3 Waar of onwaar: Sopraan en alt is soorte danspassies. 4 In watter land is tamaties die eerste keer verbou? 5 Wat noem jy dit as drie boeke of drie flieks ’n reeks vorm? ANTWOORDE 1 ’n Visvanger 2 China 3 Onwaar – dit is soorte sangstemme. 4 Mexiko 5 ’n Trilogie BRONNE THEGUARDIAN.COM, KIDSNEWS.COM.AU, NEWSFORKIDS.NET, BBC.CO.UK, APNEWS.COM, BAS.AC.UK, DAILYMAIL.CO.UK, BUSINESSINSIDER.CO.ZA, EC.EUROPA.EU…

OP DIE oog af kan die jong sangeres se lewe beswaarlik beter wees. Waar sy in haar grimeerstoel sit en gesels, lag sy gereeld en daar is ’n vonkel in haar oog. Dis ook geen wonder nie. As die wenner van die talentsoekprogram Die kontrak het Samantha Leonard pas ’n platekontrak van R1 miljoen by Coleske Artists losgeslaan. Haar nuwe enkelsnit, “Net een keer”, boer op die trefferlyste, en sy het onlangs die verhoog van Afrikaans is Groot aan die brand gesing. Om te sê haar toekoms lyk blink is geen oordrywing nie. Maar weg van die kollig was haar lewensreis nie altyd maklik nie, onthul dié boorling van Kimberley. As ’n sukkelende jong sangeres met groot drome het sy verwerping en armoede beleef. Sy moes selfs in ’n stadium…

IS DAAR ’n mooier plek as die Maledives om jou agtste huweliksherdenking te vier? En die voormalige Mnr. en Mej. Suid-Afrika ADRIAAN BERGH en MELINDA BAM se vakansie hier het ’n dubbele doel gedien. Die glanspaar het in Oktober aangekondig sy is swanger met hul eersteling, en het daar uitgespan en herlaai voor die baba se koms in Maart volgende jaar. “Die afgelope agt jaar was ’n droom,” skryf Melinda op Instagram. “Ons het lugkastele gebou, drome gejaag, baie van daardie kastele met sweet en bakstene gebou, avonture gehad wat ons asem weggeslaan het, gewaag en gewen, gelag en gespeel, gebid en geglo, gehuil en vertrou, ge- droom en gewerk, liefgehad en beskerm, God gesoek en op Sy woord gestaan. En steeds glo ek, weet ek, sonder ’n twyfel binne…