Indholdsfortegnelse for 22 December 2022 i Huisgenoot

1 ‘GEGIS OOR GEMENE SPEL IS ONSIN’ Nadat die vermiste boer Willem Kruger dood in sy bakkie gevind is, doen gerugte van ’n moorddossier die rondtes. Die polisie beklemtoon dis onwaar Los nou die arme familie sodat hulle in vrede oor hul seun kan rou. Die polisie en die familie sal sekerlik laat weet wat die oorsaak van sy dood was sodra hulle amptelike bevestiging het. Laat hulle intussen in vrede. SHALANE Ek kan nie sien of verstaan dat hy nie self probeer uitkom het nie! Die oproepe na sy vriend toe – was hy toe al klaar in die moeilikheid? Was hy dalk al oorlede voor hy in die water beland het? Ai, sal ons ooit weet? LYDIA Selfs ’n persoon wat glad nie gedrink het nie kon in die…

ELKE oggend is die eerste ding wat hy doen om vir haar ’n liedjie te sing. “Sommer net ’n klomp woorde wat hy op die plek opmaak,” vertel sy. “Dit is die lied in my hart vir die liefde in my lewe,” koer hy. Ja-nee, só lyk verlief. Terwyl die liefde van baie TV-paartjies fut verloor sodra die kameras ophou rol, het Francois Jacobs (33) en Nykie Pretorius (26) nou, maande nadat die tweede seisoen van Op my eish! klaar verfilm is, steeds die skoot hoog deur. In dié reeks het Francois Nykie tussen ’n klomp aspirantnooiens uitgekies. Hulle is reeds nege maande saam toe Huisgenoot hier in die feestyd by die twee verliefdes inloer waar hulle deesdae saam in Westdene, Johannesburg, woon. Ons wil uitvind hoe dit gaan noudat…

BORSEL JOU WENKBROUE OP Gebruik ’n wimperborsel of wenkbroukam om jou wenkbroue opwaarts te borsel. Om jou wenkbroue te borsel help nie net jou verlangde wenkbrouvorm omlyn nie; dit help verleng ook die hare en laat die wenkbroue voller lyk. WEND DIE WENKBROUPRODUK AAN Nou kan jy jou wenkbroue stileer en skakeer om die vorm verder te verfyn. Wend die produk met kort hale al langs jou natuurlike wenkbroulyn aan en kleur enige kalerige kolle in. As jy ’n potlood gebruik, skep sagkens klein hale wat soos stukkies hare sal lyk waar nodig, en skakeer dit met ’n wenkbrouborsel in. Skep ’n voller effek deur poeier aan te tik. Oorweeg jel vir ’n voller, opgekamde effek of ’n veeragtige oorgekamde styl. Of tem dik of uiters weerbarstige wenkbrouhare met die…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. ‘MOET NOOIT JOU DROME OF IDEALE OPGEE NIE, AL VOEL DIT HOE ONBEREIKBAAR’– IRMA MOENIE WAG TOT JY OUD IS NIE, MANNE Onlangs het ’n groep vroue ons vertel wat hulle spyt is dat hulle nie gedoen het toe hulle jonk was nie. Vandag kry die manne ’n beurt om vir die jonger geslag raad te gee. Baie seuntjies van so 40 tot…

WELKOM TERUG, SPEURDER Daniel (54) is terug in ’n verfrissende nuwe rol – sy eerste sedert sy uittrede as James Bond. In Glass Onion: A Knives Out Mystery speel dié Britse akteur weer die speurder Benoit Blanc. In die opvolg van Knives Out (2019) reis Benoit na Griekeland om ’n raaisel op te los waarin ’n nuwe groep kleurryke verdagtes verskyn. Hy is deesdae gelukkiger as in sy twee dekades as James Bond, sê sy medester Dave Bautista, wat saam met Daniel in 007 se Spectre en nou in Glass Onion gewerk het. “Jy kon voel hy was onder baie druk as Bond. Hy het nie soos die gelukkigste ou gelyk nie. Maar in Glass Onion was dit die teenoorgestelde. Hy was soveel pret, en hy het altyd geglimlag en…

KIES DIE LEWE: LEER DANS IN DEPRESSIE Deur IVOR SWARTZ Lux Verbi, R175* Ivor Swartz verskyn soos ’n blink lig op die skryftoneel met sy eerste boek, Die verlore seun van die Gaatjie. Dit is sy lewensverhaal: Die slim seuntjie wat daarvan droom om ’n dokter te word. Maar in sy tienerjare word hy ’n slagoffer van sy omstandighede: die armoede, die pa “wat gaan brood koop” (dit word gesê van pa’s wat net op ’n dag verdwyn), verkeerde maats saam met wie hy een van die buurt se gevreesde skollies word. Hy beland in die tronk. In die vyf jaar wat hy daar sit, skryf hy matriek. Sedert sy vrylating in 2005 het “die verlore seun” teologie gaan studeer, en vandag is hy ’n jeugpredikant in Pretoria. Hy is…

STEENBOK 21 DES – 20 JAN Wanneer jy iets reël, is jy geneig om dit met styl en swier te doen, ongeag die begroting. Hierdie feesseisoen het jy ’n kans om uit te hang en te wys waartoe jy in staat is. Dit behoort jou kritici stil te maak en vir jou nog steun onder jou aanhangers te besorg. Al word jou smaak eerder tradisioneel as kontemporêr 21, 34, 47, gekenmerk, kan jy op die oomblik enigiets regkry waarop jy jou hande lê. Geniet elke oomblik daarvan. GELUKKIGE NOMMERS 50, 39, 23 DIE ABC VAN DIE STEENBOK ◼ Ambisie: Jy het volop daarvan. ◼ Soms kan jy nogal baasspelerig wees. ◼ Carpe diem! Jy maak die beste van vandag se kanse. ◼ Dissipline kon jou tweede naam gewees het. ◼…

1 Wie het die boek A Christmas Carol geskryf? 2 Wie het die Kersliedjie “All I Want for Christmas Is You” eerste gesing? 3 Watter boom word tradisioneel as Kersboom gebruik? 4 Watter maatskappy was die eerste wat Kersvader in advertensies gebruik het? 5 Watter komediant het die rol van die Grinch in How the Grinch Stole Christmas vertolk? ANTWOORD 1. Charles Dickens2. Mariah Carey3. Denne boom4. Coca-Cola5. Jim Carrey BRONNE NORTHCOASTCOURIER.CO.ZA, EXPANDENDRAMBLINGS.COM, CBC.CA, BRITANNICA.COM, THECULTURETRIP.COM, FRENCHMOMENTS.EU, HOUSEBEAUTIFUL.COM, HISTORY.COM, YAHOO.COM, PEAK.AI, TOWNANDCOUNTRYMAG.COM, THJODMINJASAFN.IS, DAILYINFOGRAPHIC.COM, JUSTINTOOLS.COM, SWEDISHSPOON.COM, COCA-COLACOMPANY.COM…

LIEZEL VAN DER WESTHUIZEN “Die oulikste geskenk wat ek steeds geniet, is ’n paar pers rolskaatse wat ek by my verloofde vir Kersfees gekry het,” sê die radio-en televisieaanbieder. “Ek gaan gereeld na die rolskaatsbaan hier in die Kaap of op die Seepuntpromenade. Ek is wel nog nie baie goed daarmee nie.” En die ongewenste geskenk? “Iemand het vir my pajamas, wat jy op ’n eersteklasvlug kry, toegedraai en dit as ’n geskenk gegee. Dit was ’n XXXL en ek is gewoonlik ’n medium,” sê Liezel. CARLA MACKENZIE Die omroeper en televisieaanbieder is mal oor enige produkte wat van leer gemaak is. “Die beste geskenk wat ek al ontvang het, is enige leerproduk. My banke, beursie, skoene – so as dit in daardie kategorie val, is ek gelukkig!” sê Carla.…

SMOORSNOEK-SAMOESAS met KRUIE-SUURROOM GENOEG VIR 8-10 MENSE AS HAPPIESKOS / BEREIDING: 40 MIN. / GAARMAAK: 45 MIN. SNOEK ◗ 1 ui, in kwarte gesny◗ 2 lourierblare◗ 5 peperkorrels◗ 500 ml (2 k) hoender-of visaftreksel◗ 1 middelslagsnoek, oopgevlek en in stukke gesny VULSEL ◗ 30 ml (2 e) olie◗ 2 knoffelhuisies, gekap◗ 1 ui, fyngekap◗ ’n hand vol pietersielie, gekap◗ ’n knippie neutmuskaat fyngerasperde skil van 1 suurlemoen◗ 30 ml (2 e) suurlemoensap◗ 250 ml (1 k) gerasperde mozzarellakaas◗ sout en vars ge-maalde peper, na smaak SAMOESAS ◗ 500 g filodeeg◗ 125 ml (½ k) gesmelte botter DOOPSOUS ◗ 50 ml (1 k) suurroom◗ 1 takkie vars ment, van die stingel af-gestroop en fyngekap◗ 30 ml (2 e) gekapte pietersielie◗ 30 ml (2 e) suurlemoensap◗ ’n knippie sout Bespuit 2 groot…

OVAAL Jy is gelukkig, want amper enige wenkbrouvorm sal by jou gesigvorm pas. As jy ek-stra diepte soek, beproef sagte hoeke en ’n effense kromming. ROND Vorm jou wenkbroue met ’n hoë boog. Voller wenkbroue met ’n skerp, hoekige kromming help om die volheid te verminder en gee ’n ronde gesigstruktuur. DIAMANT Kies gekromde wenkbroue. Geboë wenkbroue met ’n hoekige boog sal definisie gee en help om die breedste deel van jou gesig te verleng. VIERKANTIG Kies dik, plat wenkbroue met ’n sagte boog. Maak dit reghoekig om die hoeke van jou gesig te versag en diepte te gee. HARTVORMIG Kies sagte, geronde wenkbroue vir jou ge-sigvorm. ’n Geronde wenkbrouvorm sal die hoekiger areas van jou gesig help versag.…

TREFFEND IN DIE TUIN Nadat die klein bladwisselende plant se blare afgeval het, kan dit in die tuin of in ’n pot buite geplant word. Daar kan dit taamlik groot, treffende struike word – tot 2 m hoog, veral in warmer gebiede sonder ryp. Poinsettias kan die meeste soorte grond en spikkel-tot volson hanteer. Voed dit gereeld met kunsmis ryk aan stikstof en kalium. HET JY GEWEET? Poinsettia-loof word algemeen vir ’n blom aangesien, maar dit is gekleurde skutblare. IN ’N POT IN DIE HUIS As jou tuinpoinsettias in potte geplant is, kan jy dit in die kouer maande in die huis inbring na ’n beskutte plek met effens gefilterde sonlig. In die warmer seisoene kan jy dit weer buitentoe verskuif. Wanneer jy die plant koop om binne ten toon…

Min mense is gelukkig genoeg om die werk te doen waarvoor hulle werklik aangelê is. Dié gelukkige klompie werk hard, maar voel nie dis harde werk nie – dit kom natuurlik. Ons almal het drome en ideale waarna ons streef, maar dit is nie altyd moontlik om dit waar te kan maak nie. Dis net makliker as dit vroeër in ons lewe gebeur. Tog, van die bekendste skrywers het eers ná hul 60’s begin. Baie seniors trou in hul silwer jare, wanneer hulle weer enkellopend is, met hul eerste, ware liefde. Dikwels is die beste uitvindings van ons eeu in buitekamers en motorhuise aanmekaar gesit. Moet dus nooit jou drome of ideale opgee nie, al voel dit hoe onbereikbaar. Dit kán waar word.…

Ek was al in ’n sielkundige se kantoor, en dit het aan my enorme vryheid gegee om holisties na my hantering van depressie te kyk. Ek het al twee aanlyn toetse gedoen om my vordering te bepaal. Die een was gratis en is beskikbaar op die webblad Wie is ek?, waar hulle die Hospitaalskaal vir Angstigheid en Depressie in Afrikaans vertaal het. Die uitslag van hierdie toets was: “Abnormaal. Indien moontlik, probeer so gou moontlik by ’n professionele persoon (huisdokter, sielkundige of psigiater) uitkom.” Die ander toets, waarvoor ek moes betaal, het gesê: “There’s more you can do,” en praktiese voorbeelde gegee van wat ek kan doen. Ek weet wat om te doen as my bors toetrek en dit vir my voel my oordeel word vertroebel deur dit wat op…

Op huisgenoot.com kan kinders die aanlyn Afrikaanse kinderprogram Die Babbelbende gratis kyk. In dié reeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer leer oor ons wonderlike wêreld. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook huisgenootwinkel.com om jou eiePaloekaof Palawa-pop of Die Babbel-bende se Groot Storieboek te bestel. Kom leer ken Die Babbelbende – en geniet hulle vrolike geselskap saam…

VERREWEG die meeste toeriste verkies om ’n nuwe landskap te bekyk deur die venster van ’n toerbus, vanuit ’n sonstoel op ’n plesierboot, of oor ’n glas wyn by ’n sypaadjietafel in ’n sjarmante bestemming. Maar daar is ook mense wie se vakansieplanne vir jou dalk meer na straf as na pret sal klink. Hulle is die waaghalse vir wie ’n skeut gevaar ontspanning bring. Hulle soek juis avontuur en selfs ontbering wanneer hulle verlof insit. Van die wêreld se mees ekstreme toeristebestemmings is verbasend gewild, terwyl ander slegs deur die dapperstes aangepak word. Nie vir jou nie, sê jy? Hier kan jy in die feestyd rustig daaroor lees met die wete dat jy dit nooit self hoef te doen nie. KOKENDE MERE EN SKROEIENDE SAND DIE DANAKILWOESTYN, ETHIOPIË Bly…

DOUVOORDAG draf jy hoesend en proesend om die blok of sleep jou moeë lyf gim toe. Middagete is ’n paar slaaiblare of droewige rogbroodjie, en vanaand ’n vaal stukkie vis met gestoomde groente. En nog ’n glas wyn saam met aandete? Nee dankie, dit maak dan óók vet. Van laatslaap, brosgebraaide vis en tjips, skemerkelkies en sjokolade droom jy net. Maar jy byt vas, want jy wil lank en gesond lewe. Klink dit soos jy? Dan gaan jy dalk nou in jou hande huil. Want volgens Frankryk se Lucile Randon, die wêreld se oudste mens op rekord, is ’n daaglikse glas wyn en sjokolade haar geheime resep. En met 118 jaar se lewenservaring agter die blad mag sy sekerlik maar haar raad deel. Haar lewensverhaal is verstommend. Sy het die…

Groen Somerse groen – van smarag tot salie en koel ment – in effekleure of patrone is ’n prettige, aardse keuse. WENK Groen werk ook goed saam met geel en oranje ekstras. Blou Kry hierdie seisoen inspirasie uit ’n wolklose hemel met ’n verskeidenheid bloue. WENK Kombineer blou met wit en swart bykomstighede. Geel Skitter in helder en sonnige geel met suurlemoenskakerings van lig tot donker. WENK Geel werk saam met die meeste kleure, selfs rooi en swart, vir ’n tikkie andersheid. Rooi Dis vakansie! Dieper rooie is perfek vir die feestyd. WENK Rooi lyk veral feestelik saam met pienk, wit en goud. Oranje Verfris jou somervoorkoms met vars oranje. WENK Oranje pas goed by wit en ander oranjes in dieselfde kleurfamilie. Wit Lyk vars en klassiek in verskillende skakerings…

Of jy met weelderige wenkbroue geseën is en dit bloot wil versorg of met skrapse wenkbroue sukkel en die illusie wil skep dat dit voller is – die regte produk kan presies dit doen. LET WEL Wanneer jy die kleurskakering van jou produk kies, is die algemene reël om ’n kleur te gebruik wat ’n skakering ligter as jou wenkbroukleur is. JEL Danksy die polimere en wasse wat dit bevat, kan jel wenkbrouhare help tem en vorm en dit in posisie hou. Dis in getinte en deurskynende weergawes te kry. Die getintes gee wenkbroue ’n digter, donsiger styl, en die deurskynendes laat wenkbroue natuurliker lyk. BEPROEF POMMADE Pommades het ’n romerige tekstuur en kan dun wenkbroue voller laat lyk. Dit is ook uitstekend om vorm, diepte en volume mee te…

VERVREEMDING kom maklik tussen familielede voor. Een van die maniere om eerder versoening te bewerkstellig is om konflik te beperk, reëls en grense oor gedrag te stel en moeilikheidmakers se invloed te beperk. Die verhoudingsgebooie oor hoe om families bymekaar te hou, kan hiervoor werk. Hier is die eerste drie sulke gebooie. EERSTE GEBOD Jy moet met deernis inmeng of glad nie ’n Ouer bly ’n ouer. Lank nadat kinders uit die huis is, bly die kommer en wil jy probleme regdokter, veral wanneer jy sien jou volwasse kinders is nie meer hulself of gelukkig nie. Hoe meng ’n ouer in op ’n manier wat jou nie van jou kinders vervreem of ’n afjak regverdig nie? Hoe om afhanklikheid te hanteer is een van die groot uitdagings rondom oueren-kind-verhoudings. Een…

DIE wêreld ervaar omtrént ’n kragkrisis. Plaaslik is dit Eskom se treurmares wat jou dwing om alternatiewe kragplanne te maak en stygende munisipale elektrisiteitsrekeninge. Die gevolg is dat jy meer opdok – en swendelaars probeer jou soeke na goedkoper en volhoubaarder krag uitbuit. Pasop vir hierdie sewe algemene slenters. 1 VALS TERUG-BETALINGS Skurke gebruik hierdie geelwortel om jou persoonlike besonderhede, wagwoorde en PIN te kry. ◼ Jy kry ’n boodskap dat jy te veel vir jou elektrisiteit betaal het en nou ’n terugbetaling moet kry. Die swendelaars se e-pos, wat lyk asof dit van ’n outentieke maatskappy kom wat terugbetalings behartig, vra jou om op ’n skakel te klik vir toegang tot jou elektrisiteitsrekening. Maar doen jy dit, word indringersagteware op jou rekenaar afgelaai en jou persoonlike besonderhede gesteel. ◼ S…

1 CHESWYN RUITERS “O Holy Night”, Mariah Carey “Dis die een liedjie wat al van kleins af vir my bo al die ander Kersliedjies uitstaan,” vertel Cheswyn. “Ons vergeet baiekeer die ware rede waarom ons Kersfees vier – en hierdie liedjie herinner my waaroor alles eintlik gaan. Dit sê: Die belangrikste ding oor die feestyd is nie geskenke en lekker kos nie; dis die geboorte van Jesus. En natuurlik wen enige Mariah Carey-liedjie altyd.” 2 REYNARDT HUGO “Holly Jolly Christmas”, Michael Bublé “Dis een van die liedjies wat ek baie graag sing, maar dis ook bloot ’n lekker Kersfeesliedjie,” sê die sanger en akteur. “Dit sit almal in ’n goeie luim. Dit herinner my altyd om Kersfees saam met vriende en familie te geniet, maar ook om die mense te vier wat…

MOLES MET DIE BURE Daan en Faan gesels terwyl hulle ’n rokie buite hul kantoor vang. “Weet jy, omtrent drieuur vanoggend het my bure vreeslik geskree en tekere gegaan,” vertel Daan. Daan: “Het hulle jou wakker geraas?” Faan: “Darem nie, ek was reeds wakker, want ek het op my tromme geoefen.” DENISE NOETH LANGLEWENDHEID Navorsers het ’n groot deurbraak gemaak. Hulle het bewys dit kan jou lewe aansienlik verleng as jy vir jou eie foute lag. Maar moet liewer nie vir jou vrou se foute lag nie – dit kan jou lewe sommer heelwat verkort. WOLLIE, PRETORIA KLAAR GEVANG Al ooit gewonder wat lui honde doen om die dag om te kry? Hulle jaag geparkeerde karre, natuurlik. SAN MARCHAND FLINKDINKER Onderwyseres: “Die een wat my volgende vraag korrek beantwoord, kan…

OEKRAÏNE IS DIT KERSFEES OF HALLOWEEN? In Oekraïne versier die mense dikwels hul Kersbome met nagemaakte silwer en goue spinnerakke en spinnekoppe. Dié gebruik het sy oorsprong in ’n volksverhaal oor ’n arm, hardwerkende weduwee wat saam met haar kinders in ’n hutjie gewoon het. Hulle het ’n Kersboom gekweek en die kinders was opgewonde toe die boompie deur die jaar ál groter word. Maar teen Oukersaand was daar ongelukkig geen geld om die boom te versier nie. Toe die kinders en hul ma vroeg die volgende oggend wakker word, was die boom met spinnerakke versier – wat toe goud en silwer word toe die son se strale daarop val. Die weduwee en haar kinders was nooit weer arm nie. FRANKRYK KYK, DIS ’N APPELBOOM! Kersbome in Frankryk is oorspronklik…

DIS MOEILIK OM IEMAND VAN MY GENERASIE TE VIND WAT NIE ’N MENING OOR BONO HET NIE SONDAE saam met Bono is nie vir sissies nie. Hy onthaal in sy kunsgevulde woning in Dalkey in die suide van Dublin. Toe ek laas daar ingeloer het, nog voor die pandemie, was dit vir ’n middagete vir agt mense om sy lang etenstafel (wat maklik ’n VN-afvaardi-ging kan akkommodeer) met ’n uitsig op sy beboste tuin en die grysgroen see van Ierland se Killiney Bay. Ons het heeldag lank gesels en eindelik in die plaaslike kroeg, Finnegan’s, geëindig. Daar het ons ’n berg met sout-en-asyntjips gebou: 30 leë pakkies, sorgvuldig deur Bono en my man tussen biere deur uitgetel. Ons verveelde kinders moes op ’n kol gered en by die hotel afgelaai…

KATE HUDSON Kersvader word behoorlik met eeten drinkgoed bederf wanneer hy ’n draai by Kate Hudson se huis maak. Kate en haar gesin skep elke jaar ’n nuwe lysie namens hom. “Een jaar wou Kersvader rum en lekkers hê. Nog ’n jaar wou hy glutenvrye koekies en amandelmelk hê, en ’n ander jaar cabernet en sjokolade,” vertel Kate (43). Die gesin lees ook elke jaar The Night Before Christmas op Oukersaand. STEVE CARELL Om na die Kersliggies in hul buurt te kyk, is vir die Carells een van die fees-tyd se hoogtepunte. Steve (60), sy vrou, Nancy (56), en hul kinders, Elizabeth (21) en John (18), klim in die kar, gaan koop ’n boks oliebolle en warmsjokolade en ry deur hul buurt. “Dis wonderlik. Dis pret en hoe groter, hoe…

Teken dié feestyd vir jou mense in op Huisgenoot en hulle ontvang dit weekliks in druk of digitaal! OPSIE 1 GEDRUKTE TYDSKRIF R112.67 per maand DIE GEDRUKTE TYDSKRIF WORD WEEKLIKS BY JOU HUIS AFGELEWER OF VIR JOU GEPOS. OF OPSIE 2 DIGITAAL R99 per maand OP JOU VOORSTOEP OF OP JOU SKERM! TOEGANG TOT HUISGENOOT.COM EN ONS E-TYDSKRIF OP JOU REKENAAR, TABLET OF SELFOON, ASOOK ALS OP NETWERK24. OF OPSIE 3 DRUK & DIGITAAL R137.67 per maand • DIE TYDSKRIF WORD WEEKLIKS BY JOU HUIS AFGELEWER OF VIR JOU GEPOS. • JY KRY OOK TOEGANG TOT HUISGENOOT.COM EN ONS VOLLEDIGE E-TYDSKRIF (WAT NES DIE GEDRUKTE TYDSKRIF LYK). • TOEGANG TOT BEELD, DIE BURGER, RAPPORT, VOLKSBLAD EN 27 PLAASLIKE KOERANTE IN ELEKTRONIESE FORMAAT. • ONBEPERKTE TOEGANG TOT DIGITALE TYDSKRIF-INHOUD EN 10…