Indholdsfortegnelse for 12 January 2023 i Huisgenoot

1 ‘HIER IS JOU ONTBYT-REKENING, LIEFIE’ Dit gons oor die Kanadees Maddy Blythe se onthulling dat haar kêrel vir haar rekeninge gestuur het vir dinge soos ontbyt Daar is net geen manier dat ek dit sal duld nie! Ek sal die tweede keer by sy huis gaan kuier met my eie piekniekmandjie. En die derde keer sal ek saam met my nuwe kêrel daar opdaag. MARONCHA Vroue spog graag hoe onafhanklik hulle is. Maar dan het hulle ’n probleem daarmee as die rekening gedeel word. Dis nie 1950 nie. Kies: óf jy’s “onafhanklik” en die verhouding is 50-50, óf dis ’n tradisionele verhouding. JEVON Jevon, presies. Dis nie 1950 nie. Ek sal alles 50-50 betaal soos tans. Mans kan gerus ook 50-50 gaan op huiswerk en kinders. As hy verwag sy…

Die 16de-eeuse Franse sterrewiggelaar het kwansuis koning Charles se heerskappy sien kom – en boonop ’n skokkende voorspelling gehad. Charles gaan voor sy dood van die troon afstand doen en deur ’n onverwagte troonopvolger vervang word. Oftewel, só sê Mario Reading in sy boek Nostradamus: The Complete Prophecies of the Future, wat in 2005 verskyn het. Baie mense meen Nostradamus was ’n akkurate astroloog wat onder meer die bewind van Napoleon Bonaparte en Adolf Hitler voorspel het. Mario verduidelik: “Nostradamus skryf: ‘Hy sal vervang word deur ’n man wat nooit verwag het dat hy koning sal word nie.’ Dit beteken prins William is nie in die prentjie nie.” Kan dit beteken dat prins Harry eendag koning van Brittanje kan word? Ten spyte van al die moles wat Harry en Meghan…

JA, ’N mens kry tweede kanse in die lewe, en daar is verhale met ’n sprokieseinde. Dit besef jy opnuut op hierdie volmaakte mooiweersdag in die Franschhoekvallei. Of is dit ’n geval van “die kat kom weer” soos die bekende liedjie se lirieke lui? Want die bruidegom in die vlootbou pak wat skynbaar so onverstoord by die roosbedekte koepel wag van The Arbour, ’n tuinhoekie van die La Paris-landgoed, is niemand anders nie as Déan Botma (31) van Boer soek ’n vrou. En die bruid wat in die blou Austin-Healey 100-6 aangery word, is die lieflike Megan Wille (25). Ja, die einste Megan wat op die stel haar tasse moes pak nadat Déan haar uitgestuur het. Maar toe die vervaardiging verby is, nooi hy haar toe weer vir koffie –…

Theresa Caroline (66), afgetrede biblioteekdirekteur Ek is ’n boomer en het geen idee van die ander spul nie. Ek steur my min aan wat mense sê oor my generasie, en ek doen my eie ding. Ek was byvoorbeeld ’n aanhanger van die Beatles, maar nou luister ek elke dag na Coldplay. Toe Nelson Mandela uit die tronk vrygelaat is, het ons moeite gedoen om hom te sien toe hy na verskeie punte in die Kaap gegaan het. My suster is saam met haar drie kinders in daardie Februarie-hitte saam, nét om hom te sien. ‘EK STEUR MY MIN AAN WAT MENSE SÊ OOR MY GENERASIE, EN EK DOEN MY EIE DING’ Gard Maswanganyi (59), bestuur eie sakeonderneming Ek voel ek deel baie van die waardes van my generasie – vir…

Adam Barnard (19), fisioterapiestudent Mense sê my generasie is lui, wil nie hard werk nie, is te veel op die internet en gee net om oor oppervlakkige dinge. Dit kan vir sommige mense waar wees, maar ek dink nie vir die generasie in die algemeen nie. Covid-19 het my laat besef hoe vinnig omstandighede kan verander. En dat ek dankbaar moet wees vir my vriende, familie, goeie tye saam met hulle en die besittings wat ek het. ‘COVID-19 HET MY LAAT BESEF HOE VINNIG OMSTANDIGHEDE KAN VERANDER. EN DAT EK DANKBAAR MOET WEES’ Staysha-Lee Boer (24), aankope-intern Ek hoor gedurig mense sê ons generasie ken nie van harde werk of sukkel nie. Dit is absoluut nie die waarheid nie. Maar ons lewe wel in ’n ander era en word geleer…

STOELE BÊREPLEK LESSENAARS BYKOMSTIGHEDE & BELIGTING KRY DIT HIER @HOME HOME.CO.ZA 0860-834-834; BABYLONSTOREN.COM 021-863-3852; DECOFURNSA.CO.ZA 087-049-4155; ICONOMYONLINE.COM 081-219-0576; KNUS.CO 087-550-7600; MAKRO.CO.ZA 0860-600-999; MRPHOME.COM 064-584-1000 (WHATSAPP); NIFTYGIFTS.CO.ZA CONTACT@NIFTYGIFTS.CO.ZA; WOOLWORTHS.CO.ZA 0860-022-002; YUPPIECHEF.COM 0861-702-4969 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

GESIG EERSTE Verbruin jou gesig voor jou lyf, want dis die maklikste om verbruiner met jou kaal hande aan te wend. Was dit dadelik om te keer dat dit vlek. Anders as verbronser wend jy dit nie net aan die hoë punte van jou gesig aan nie. Verbruiner moet onder die oë, oor die ooglede, aan die punte van jou ore en aan jou nek aangewend word. Agter jou ore ook, want daardie deel word gesien wanneer jou hare vasgebind is. BEGIN ONDER Wend verbruiner met ’n verbruiningshandskoen eerder as jou vingers aan. ’n Handskoen bied ’n plat, gladde oppervlak vir egalige bedekking. Dit verhoed ook dat jou handpalms oranje verkleur. As jy jou vingers gebruik, sal jy waarskynlik strepe skep. Werk van onder af. Begin by jou skene met…

◼ Sien en voel die resultate met behulp van fiksheidskenners.◼ Jy kan die maklike aanwysings tuis op jou rekenaar, tablet of slimfoon volg.◼ Jy benodig min of geen toerusting nie en slegs internettoegang.◼ Betaal een keer en kry lewenslange toegang. Skud tot 1 kg per week af met ons gewilde eet-en oefenplan vir vroue. ✓ 12 weke lank. ✓ Eenvoudige, aanpasbare spyskaart. ✓ Gesonde, vullende maaltye. ✓ Illustrasies wys jou hoe om die oefeninge te doen. ✓ Doen die oefeninge tuis. Besoek klopdieskaal.co.za vir nog inligting of om aan te sluit. Kry ’n plat maag met ons eet-en oefenplan vir mans. ✓ 12 weke lank. ✓ Gesonde, vullende maaltye. ✓ ’n Verskeidenheid oefeninge om jou maagvet weg te brand én spiere te bou. ✓ Illustrasies wys hoe jou hoe om…

IN PAM SE SKOENE Praat van bedrywig! Ons het haar al gesien as Maria in die fliek Kaalgat Karel en verlede jaar as Ella Vaalbooi in die M-Net-dramareeks Desert Rose. En nou vertolk sy die rol van Pam Joubert in kykNET se telenovelle Diepe waters. Haar karakter werk in haar ma, Zelda Joubert (Sandi Schultz), se skoonheidsalon. Tracey-Lee (42) vertel sy hou van hoe stylvol Pam is. “Ek het ook van kleintyd af myself deur my kleredrag uitgedruk. Pam is ook mal oor hare en grimering en om haarself op ’n goeie manier uit te beeld.” Tog verskil hulle ook hemelsbreed. Anders as haar karakter wat nog onder haar ma se vlerk is en nie juis op haar eie voete kan staan nie, het die aktrise sonder enige formele sang-of…

DIE MIDDEL-JARIGE VROU Die aktrise Desiré Gardner vertolk die rol van Magda Louw. Sy is getroud met Erhard en hulle het twee kinders. Sy lewe vir haar gesin, is trots op haar kinders en het stilweg van haarself vergeet. ALMAL SE OOM Hannes van Wyk se karakter, Erhard, is ’n oom wat ons almal ken. Hy praat nie veel nie en luister nog minder. Sy gedagtes dwaal as Magda lank praat. Hy voel ook die wreedheid van oudword, al is hy nie so uitgesproke daaroor soos sy wederhelfte nie. DROOMSEUN Bennie Fourie is te sien as Baltus Louw. Hy is elke ma se droom en dus ook Magda se kroonprins. Hy voel effens vasgevang in sy eentonige lewe as ingenieur, maar dan ontmoet hy Delere (Mandri Sutherland), wat vir baie…

Eindelik! Meer as ’n jaar nadat Billy haar album Happier Than Ever uitgereik het, het die sangeres bevestig sy werk aan haar derde album, wat vanjaar die lig sal sien. Haar debuutalbum, When We All Fall Asleep, Where Do We Go?, het oornag van haar ’n ster gemaak. ◼ Sy was net 17 jaar oud toe haar debuutalbum uitgereik is. ◼ Sy is die jongste kunstenaar wat al in die vier hoofafdelings van die Grammys benoem is: beste nuwe kunstenaar en album, opname en liedjie van die jaar. ◼ Sy het al sewe Grammys huis toe gevat. ◼ Sy skryf al liedjies sedert sy 11 jaar oud was. ◼ Billy is die eerste kunstenaar wat in die 2000’s gebore is wat met ’n no. 1-album kan spog.…

STEENBOK 21 DES – 20 JAN Met die son in jou teken wat kragte saamspan met kragtige Pluto, is die weg gebaan om jou persoonlike mag uit te leef. Jy loop selde ’n onbere-kende risiko; hou dus in gedagte as ’n geleentheid te goed lyk om waar te wees, dan is dit waarskynlik. As verhoudings met jou kollegas die afgelope tyd stresvol en vol konflik was, verwag ’n wending ten goede, hoewel jy nog nie buite gevaar is nie. GELUKKIGE NOMMERS 15, 26, 51, 52, 46, 21 DIE STEENBOK-STYLGIDS ◼ Grys en bruin is jou kleure. ◼ Formele korporatiewe drag is jou styl. ◼ Jy het ’n voorkeur vir duur geskenke. ◼ Tik jou parfuum aan agter jou knieë. ◼ Prikkelmiddel – ’n minnaar (in uniform) met uitstekende maniere. ◼…

DIT gaan nie altyd net oor wat jy weet en kan doen nie, maar ook soms oor wie jy ken, lui die gesegde – en as jy wil naam maak in die oorsese vermaaken modebedryf, kan dit dalk help as jou ma of pa ’n bekende naam het. Dis niks nuuts om kinders van beroemde ouers in Hollywood of op die wêreld se loopplanke op te merk nie. Maar hierdie “kinders” het onlangs ’n nuwe beskrywing gekry: nepo babies. Die term – wat sinspeel op die woord “nepotisme” – was een van die gewildste inskrywings op TikTok in 2022. Gebruikers het video’s van modelle en akteurs met beroemde ouers opgelaai en die hutsmerk #nepobabies daarby gesit – en dié video’s is verlede jaar meer as 30 miljoen keer gekyk. Die…

Sommige voormalige aandeelhouers in Welkom Yizani het nog nie hul dividende opgeëis nie. Media24 Beherend (Edms) Bpk, in samewerking met die likwidateur van Welkom Yizani, sien om na die belange van hierdie voormalige aandeelhouers en hou die onopgevraagde dividende namens hulle in veilige bewaring. “Die geld behoort aan die voormalige aandeelhouers van Welkom Yizani. Ons doen ’n beroep op hulle om ons te kontak sodat hulle hul geld kan kry. Ons wil in hierdie moeilike ekonomiese tye alles in ons vermoë doen om te verseker hulle kry die geld wat hul wetlik toekom.” Prof. Rachel Jafta, Voorsitter van Media24 Beherend (Edms) Bpk As jy, of iemand wat jy ken, tussen 2006 en 2021 Welkom Yizaniaandele besit het, en nog nie al jou dividende ontvang het nie, kontak ons asseblief by:…

AS IEMAND my nou moet sien! Dis wat ek dink toe ek my vinger diep in die browniedeeg druk, aflek en ’n streep sjokolade op my pajamahemp mors. Ek is nie normaalweg ’n slordige mens nie. Inteendeel, ek is nogal ’n perfeksionis. Maar vandag lyk ek soos ’n misoes. Dié grillerige prentjie is wêrelde verwyder van die “New hair, who dis?”-foto wat ek vroeër op sosiale media gedeel het. Want sien, ure gelede kón jy my nog deur ’n ring trek. Maar nou is ek by die huis. Dis helder oordag, maar die grimering is klaar af, die nuut gekleurde hare waarmee ek netnou nog gespog het, is in ’n bolla, en ek het my slaapklere aan. Die afgelope jaar was dié kort periodes van absolute verval binne my vier…

DIT klink soos ’n lawwe raaisel: Wat kry jy as jy 60 000 Eiffeltorings op mekaar stapel? Al die eksemplare wat al ooit verkoop is van Danielle Steel se boeke. Dis nou as jy haar uitgewers, Pan Macmillan, kan glo. Hulle voorspel die gewilde Amerikaanse skrywer sal vanjaar haar miljardste boek verkoop – glo genoeg vir ’n boektoring wat daardie ikoniese baken in Parys ondenkbaar sal verdwerg. Klink dit na oordrywing? Hou in gedagte dat Danielle (75) die wêreld se suksesvolste lewende skrywer is. Sy het al meer boeke verkoop as J.K. Rowling, Dan Brown, Stephen King, Jeffrey Archer en James Patterson saam. En met 200 titels uit haar pen die afgelope 50 jaar is sy ook een van die produktiefstes. Haar jongste boek, Without a Trace, word vandeesmaand bekendgestel.…

Willie Arnoldus (53), kunsadministrateur Ek voel dat die dinge waarin ek belangstel glad nie ooreenstem met mense se idees oor my generasie nie. Mense dink generasie X luister na die Spice Girls, Oasis, U2, Queen en Nirvana. Maar ek voel nie gebonde daaraan om een soort ding te luister nie. My musiekkeuses is wyd. Ek luister na Jonathan Butler, Lionel Peterson en Andrew Lloyd Weber. Naweke luister ek na musiek uit die 1950’s en 1960’s. Ek hou nie eens daarvan om baie televisie te kyk nie; my ouers het altyd gesê ons gaan vierkantige oë kry as ons te lank kyk. Die generasie jonger as ek lyk soms of hulle sommer praat voor hulle dink. Dit maak my by tye bang, want dit grens aan minagting van jou medemens. Ek…

WANNEER jy erken jy skuld iemand geld en onderneem om dit terug te betaal, word ’n skuld erkenningsooreenkoms opgetrek. Die voorwaardes en terugbetalingsbepalings word dan in dié ooreenkoms uitgestippel. Hier is vyf dinge wat jy hieroor moet weet. 1 WIE KAN SO ’N OOREENKOMS SKEP EN WANNEER? Basies enige tyd wanneer jy afbetalings oorgeslaan het. Dit kan tussen jou en ’n kredietverskaffer wees, of selfs tussen jou en ’n vriend by wie jy geld geleen het. Jy kry dalk ’n aanmaningsbrief van ’n skuldeiser, maar kan nie dadelik die volle agterstallige bedrag vereffen nie. Dikwels is jou beste opsie dan om oor ’n bekostigbare maandelikse terugbetalingsplan te onderhandel. In die ooreenkoms onderneem jy skriftelik hoeveel jy sal betaal en wanneer, en die skuldeiser kan onderneem om nie dadelik regstappe te doen…

WEER ’N LIED VIR ’N FLIEK Daar was Fifty Shades of Grey se “Earned It” en toe Black Panther se “Pray for Me” – nou sing The Weeknd weer op die klankbaan van ’n fliek, dié keer vir Avatar: The Way of Water. Die liedjie, “Nothing Is Lost”, is pas bekendgestel en is reeds ’n treffer. ’n Musiekvideo vir die liedjie is binne twee dae byna 4 miljoen keer gekyk – hoe dan anders? Met die liedjie se kenmerkende tromme en akkoorde sing The Weeknd oor hoe hy enige stryd sal aanpak om sy geliefdes te beskerm; al wat hy in ruil vra, is leiding en krag – sinoniem met die kernboodskap van die nuwe Avatar-fliek. “Wanneer ek sing, wil ek hê die storie wat ek vertel, moet mense na…

ROMAN Deur CAS WEPENER Protea Boekhuis, *R255 Danie Gouws ry die dorp binne in sy wit Corolla, min wetend wat op hom wag. Hy is ’n akademikus en wil vir ’n ruk hier tuisgaan om navorsing te doen oor die mense se gebruike. Maar hy het hom misreken met die geskiedenis, want hier loop die spoke nog los rond, veral dié van Gert Bloubaard Swanepoel. Dit is Cas Wepener, wat aan die Universiteit Stellenbosch verbonde is, se vierde roman. Om Roman onder mense se aandag te bring, plaas ek ’n mini-uittreksel op my Instagram. Twee mense antwoord dat hulle nou nie die boek wil lees nie; een skryf dit sal haar te veel ontstel, want sy is ’n “empath”. Waarop ek antwoord dat sy dit bloot hoef te lees; duisende…

GROOT BLOKRAAI WEN ’N BOEK VAN HUMAN & ROUSSEAU PLUS KOM IN AANMERKING VIR DIE MAANDELIKSE TREKKING VAN R1 000. NO 2 474 KOMPETISIEVRAAG Watter soort hoed is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Hierdie week wen een leser Die uil in die ysbos deur Susan Coetzer (Human & Rousseau, R340). Gracie-Jane Coetzee se eerste kleinkind, Joey, gee kort voor die president die eerste inperking aankondig sy eerste asemteug. Dié 52-jarige skrywer en illustreerder van kinder-boeke is nie juis ’n konvensionele ouma nie. Sy verkies die geselskap van Sad Sack, haar getroue ou basset, bo enige ander verhouding in haar lewe. Saans wanneer die PTS haar tussen die mure van haar huis rondjaag en die gevoel van…

DIE Amerikaner Jimmy Donaldson hou sedert laat verlede jaar die rekord vir die mens met die meeste YouTube-intekenare. Hy het teen einde verlede jaar meer as 112 miljoen intekenare gehad vir sy kanaal, MrBeast. Sedert hy in 2012 sy eerste You-Tube-video opgelaai het, is daar al meer as 18,5 miljard keer na sy video’s gekyk. Hy is bekend daarvoor dat hy gereeld groot pryse aan sy intekenare uitdeel, wat hom waarskynlik gehelp het om so baie intekenare te kry. Sy video’s volg nie een spesifieke tema nie: Hy het al geld ingesamel om bome te plant, video’s gedeel van hom wat in peperduur blyplekke bly, en hy het ook al ’n video gemaak van waar hy sit en kyk hoe verf droog word. Sy gewildste video tot dusver het die…

1 Watter sanger was die wenner van die heel eerste Suid-Afrikaanse Idols-seisoen wat in 2002 uitgesaai is? 2 Wie het die bekende opera La traviata gekomponeer – Verdi of Puccini? 3 Aan watter land behoort die vlag hieronder? 4 Saam met watter kossoort eet ’n mens gewoonlik wasabi? 5 Watter land se hoofstad is Astana? ANTWOORDE 1. Heinz Winckler 2. Giuseppe Verdi. Giacomo Puccini is veral bekend vir die opera La bohème. 3. Nederland 4. Soesji 5. Kazachstan BRONNE MERRIAM-WEBSTER.COM, WIRED.COM, WIKIPEDIA.ORG, THEGUARDIAN.COM, GUINNESSWORLDRECORDS.COM, EDITION. CONN.COM, NETWERK24.COM…

EEN van die dinge wat koning Charles III anders as Engeland se vorige monarge maak, is sy belangstelling in onkonvensionele idees en alternatiewe medisyne. As prins het hy deur die jare sy belangstelling in allerlei kure – van voetrefleksiologie tot homeopatie – uitgespreek, en die Britse gesondheidsowerhede versoek om meer aandag aan alternatiewe medisynes te gee. Hy praat glo ook met plante. Met so ’n “oop” gemoed sou dit seker nie onmoontlik wees dat Charles ook nuuskierig na sterrewiggelaars sou luister om te hoor wat hulle vir hom voorspel nie. En selfs as hy nie na astroloë sou wou luister nie, het Huisgenoot dit namens hom gedoen. Ons kyk na ’n paar kenners se mening oor wat die 73-jarige nuwe koning se sterre vir sy toekoms voorspel. KONING SKERPIOEN Engeland…

SLAAP. Dis eintlik so gewoon, maar dis ook haar geheime wapen. Wanneer Erica Wessels saans by die huis kom ná ’n dag op die stel in die skoene van iemand wat swáár dra aan die lewe, is dit hoe sy weer mens word. “Dis letterlik so eenvoudig – sodat ek myself weer kan vind,” vertel sy. Sleep that knits up the ravelled sleave of care, beskryf Shakespeare dit in Macbeth – gepaste woorde vir ’n aktrise geskool in die teaterkunde. “Ek sal so tienuur klaarmaak en by die huis kom, vir my ’n glas rooiwyn skink en op die stoep sit en dit drink. En dan sal ek gaan slaap. Ek sal lank probeer slaap – tot ek regtig weet ek moet opstaan.” Dis ’n wapen wat werk, want hier…

Andries Daniels (41), navorser Ek hoor gereeld mense sê ons is die generasie wat nog maniere het omdat daar streng dissipline toegepas is toe ons op skool was. Ons generasie is meer aanpasbaar as die een voor ons. Ons lees dalk nie meer so baie nie, maar ons het steeds ’n honger vir kennis. My generasie is meer emosioneel stabiel, en ook meer romanties. Dit spruit uit die soort flieks wat ons gekyk het en die musiek waarna ons geluister het terwyl ons grootgeword het. Ek verwys na flieks wat uitbeeld hoe die lewe onregverdig teenoor jou kan wees ten spyte van die soort mens wat jy is. Omdat ek in apartheid gebore is, was die bevryding van die land vir my ’n baie belangrike gebeurtenis. Dit het my die…

Die geheim tot ’n streepvrye, langdurige goue gloed lê in die voorbereiding en aanwending. As jy ’n wasbehandeling of manikuur moet kry, jou haarkleur opknap of jou beenhare skeer, doen dit voor jy verbruiner aanwend, want al hierdie behandelings kan verbruiner verwyder. SKILFER AF Dis belangrik om jou vir verbruining voor te berei deur jou van kop tot tone af te skilfer. Dit sal van dooie vel ontslae raak en die perfekte grondslag vir jou gekose produk skep. Verbruiners trek dieper in droë areas in, veral aan die knieë, enkels, voete, elmboë en nek. Dit is daarom be-langrik om ekstra aandag aan daardie liggaamsdele te gee. Sorg dat jy ’n olievrye afskilferaar gebruik. Olies of enige residu wat op die vel agterbly, kan ’n skans skep en tot on-egalige verbruining…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. ONDERWYS RAAK TE VEEL VIR MY V My eerste beroep was in die finansiële wêreld, maar ek het altyd gevoel ek het meer om te gee. So 10 jaar gelede het ek ’n pos as ’n onderwyseres aanvaar, en dit het my baie gelukkig gemaak. Ek het elke dag met ywer aangepak en probeer om lesse op elke denkbare manier interessant te hou…

DIE eerste jaar van skool is ’n groot mylpaal vir enige kind. Dis wanneer hulle die eerste keer begin uniform dra, agter ’n tafel moet sit en leer lees, skryf en wiskunde doen. Ackermans en Huisgenoot stap die pad saam met ouers – van bekostigbare skoolklere, tasse en skoene, tot opvoedkundige en insiggewende inhoud wat hulle help in die jare wat voorlê. Dis waarom ons verstaan presies hóé groot die eerste dag is! Ackermans en Huisgenoot gee pryse ter waarde van R7 000 weg – met ’n kontantprys vir die eerste, tweede en derde plek. Skryf in en hulle begin dalk die jaar met hul eerste wenskoot! HOE OM IN TE SKRYF ◼ Besoek die webtuiste: graadeen.huisgenoot.com. ◼ Laai ’n foto van jou kind op hul eerste dag van “grootskool”…

1 Dit het daagliks sowat twee uur elk geneem om Hannes en Desiré se grimering te doen. 2 Die naam van die hondjie wat die gesinshond, Gielie, speel, is Mr. Fred, en hy is 15 jaar oud. 3 Magda het ’n oorspronklike liedjie met die verfilming geskryf getiteld “Liefde, liefde”. ’n Musiekvideo is hiervoor geskiet wat ook binnekort beskikbaar gaan wees. 4 Die ikoniese muurpapier in die televisiekamer is spesiaal vir die produksie ontwerp en gedruk. 5 Die regisseur Johan Nel het ook die regie van die storiefliek behartig.…

“Ek is met studieverlof in België en baie dinge verstom my hier. Soos wat tradisie behels wanneer ’n universiteit in 1425 gestig is. Hoeveel Vlaamse frietjes met mayonnaise ek kan eet en dan nog wil hê. Hoe glühwein in die sneeu by ’n Kersmark smaak. Die lekkerte wanneer Clara en die drie kinders ná ’n paar allenige weke by my aansluit. “En … dat nadat ek en die kinders eergister die Taron en F.L.Y. in Duitsland gery het, ons nou rollercoasters soek wat nog maller en vinniger is!”…

SLAAPTYD Voor hulle gaan slaap, vra Piet vir sy vrou, Sannie: “Het jy al die deure gesluit en die vensters toegemaak?” “Ja,” antwoord Sannie, “ek het alles gedoen.” “En die kombuisligte?” Sannie antwoord: “Moenie oor die ligte worry nie. Eskom sal dit afsit.” SAN MARCHAND OORYWERIG Prokureur aan die landdros. “Edelagbare, my kliënt wou bloot sy Kersinkopies vroeg afhandel.” Landdros: “Maar dit is mos in orde, waarom word hy dan van diefstal aangekla?” Prokureur: “Die winkel het ongelukkig nog nie oopgemaak nie.” LOUISE NOETH DEURSIGTIGHEID V: Hoekom het Koos besluit om oor die glasmuur te klim? A: Hy wou sien wat aan die ander kant is. JOHANNA RADEMEYER SELLE OU STORIE V: Hoekom is Kersfees nes ’n dag op kantoor? A: Want jy doen al die werk, maar die vet…

BINNE 80 jaar kan daar heelwat minder planten dierspesies op die aarde wees. In ’n nuwe studie het navorsers probeer vasstel wat presies die uitwerking van die klimaatskrisis en habitatverlies op die aarde se biodiversiteit (sien kassie) gaan wees, en bevind meer as 1 uit elke 10 spesies kan dalk uitsterf. Hoe het die navorsing gewerk? Die navorsers het ’n superrekenaar (’n baie sterk rekenaar wat groot berekenings kan maak) gebruik om modelle van die aarde te bou en duisende virtuele spesies daarin laat “leef” om te kyk wat gebeur as van hulle uitsterf. Só kon hulle ook sien hoe die uitwerking van een spesie wat uitsterf na ander uitkring. As ’n roofdier se prooi byvoorbeeld uitsterf weens die klimaatskrisis, noem ’n mens dit die primêre uitsterwing. Maar omdat hy…

HULLE VERMAAK, INSPIREER EN LAAT ONS DANS! Op TikTok skep kreatiewe mense van reg oor die wêreld tonne inhoud oor enigiets van vermaak tot kos, mode en dansuitdagings. Kliek maar en dis daar! Op sy “Discovery List” gee die gewilde sosialemedia-platform erkenning aan 50 TikTokkers wat met hul ongelooflike inhoud ’n positiewe impak op die aanlyn gemeenskap maak. Hier is van die interessante inhoudskeppers wat ons laat soek na nog. DIE #INNOVATORS Ontmoet die baanbrekers met vars standpunte in alles wat hulle doen. Hulle verskuif voortdurend die kreatiewe grense en is nie bang om te eksperimenteer nie. @JUSTTHENOBODYS 318,2 miljoen likes 9,2 miljoen volgelinge In hul podsendings bespreek die twee Amerikaanse broers Ryan en Daniel Omoto alles van die malste teorieë en wetenskapfeite tot popkultuurgeite. As hul TikTok-gas sal jy…

Woordraaisel 1 Die woorde op die lys onder verskyn horisontaal, vertikaal of skuins en vorentoe of agtertoe in die rooster. Soek en omkring dit. aanneem eetgoed hondjie hyg leer liefde pels pote swaai tong 2 Voltooi die geheime boodskap onder deur elke ongebruikte letter op die rooster te gebruik. Begin links bo en hou aan tot al die spasies gevul is. Kol-tot-kol Letterprent Kleur al die vorms in wat met ’n D gemerk is. Watter een pas nie in elke ry nie? Help Wagter tot by Willem Vind 10 verskille ANTWOORDE Geheime boodskap in woordraaisel Elke hond kry sy dag. Kleur die prent in nadat jy die kolle verbind het.…

16 NOVEMBER 2019 Die Newsnight-onderhoud met Emily Maitlis wat koning Charles se biograaf, Penny Junor, later as ’n “ramp” sou beskryf. 19 NOVEMBER 2019 Hy ry by die Royal Lodge uit. Sy motor word later gesien waar dit op Buckinghampaleis se gronde geparkeer is. 20 NOVEMBER 2019 Die hertog kondig aan hy tree “vir die afsienbare toekoms” uit sy openbare pligte. 19 JANUARIE 2020 Hy vergesel die koningin na ’n kerkdiens in Norfolk. 10 APRIL 2020 Hy en sy eksvrou, Sarah, die hertogin van York, word afgeneem terwyl hulle in die pandemie vir die Thames-hospies kolwyntjies in geskenksakke pak. 17 JULIE 2020 Prinses Beatrice se troue: Andrew woon dit by, maar skitter in sy afwesigheid op die amptelike foto. 11 APRIL 2021 Andrew praat in die openbaar ná die dood…

Machelle Hackney het gereeld video’s van haar sewe aangenome kinders op haar YouTube-kanaal gedeel. Maar toe word sy en haar twee volwasse seuns daarvan beskuldig dat hulle die kinders mishandel het. Hulle het kos en water weerhou en die kinders geslaan en met pepersproei gespuit. Van die kinders het aan polisie gesê hulle was jare laas skool toe omdat Hackney hulle uitgehaal het om video’s te maak. Toe sy in hegtenis geneem is, het hul kanaal 700 000 volgelinge gehad. Ava Majury het op 13 by TikTok aangesluit en het meer as ’n miljoen volgelinge gehad toe haar video’s die aandag lok van die 18-jarige Eric Rohan, wat haar begin teister het. Hy het haar oorval met boodskappe, kaalfoto’s gevra en haar gedreig. Hy het eindelik haar adres opgespoor en…

HY WAS maar 14 jaar oud en in gr. 8, toe skryf hy ’n toneelstuk. Vier bladsye lank op ’n tikmasjien uitgetik. Christo Davids was self die regisseur – en hy’t nie ’n oomblik getwyfel watter twee name in die rolverdeling moet wees nie. Sy twee boesemvriende, Theodore Jantjies en Maurice Paige. Daar op Heidelberg, langs die N2 in die Wes-Kaap, het hulle kleintyd saam gedroom oor ’n lewe waar dít hul werk is. En meer as drie dekades later is dit hoe dit is. Deesdae is hul verhoë net veel deftiger, en hul gehore veel groter as die drama-klas van destyds. Christo (39) maak naam as regisseur en skrywer – vir verhoog en TV – nadat hy ook self toneelgespeel het, as onder andere Errol in 7de Laan. Theo…

LEKKER BY DIE SEE FRANCOIS JACOBS EN NYKIE PRETORIUS Hul sosialemediafoto’s laat dit lyk asof dié paartjie permanent met romantiese vakansie is. Die akteur en sy meisie, wat mekaar in die reeks Op my eish! gevind het, koer gereeld op al wat ’n bestemming is. Dié keer het hulle ’n foto gedeel van hulle wat op ’n Durbanse strand uitspan. “As dit lyk soos vakansie en dit ruik soos vakansie, dan is dit seker vakansie,” skryf Francois by die foto. “Die jaar was so te sê ’n vakansie. Ons was wyd en syd, as dit nie in Phuket of Mosambiek was nie, dan was dit Kaapstad en Durban,” sê hy. “Ons was baie bedrywig en verlief, en glo hierdie jaar gaan selfs meer belowend wees.” NICOLE FORTUIN Die Alles Malan-aktrise…

PLATFORMS EN KLEUR KANTNOMMERTJIES BLINKERS MET TREFKRAG DIE MINI IS TERUG…