Indholdsfortegnelse for 19 January 2023 i Huisgenoot

1 ‘WILLIAM HET MY AANGEVAL’ In ’n uitgelekte manuskrip van sy komende biografie, Spare, sê Harry sy ouboet het hom in ’n rusie verskree en teen die grond gegooi Jou broer moes jou harder gefoeter het. Jou ou vroutjie het die skeuring tussen jou en jou familie veroorsaak. Julle albei kort baie dringend professionele hulp. Hou tog op om heeltyd jou eie familie af te kraak. ANSIE Alle broers baklei mos maar soms. My broers het mekaar soms geslat dat die bloed loop, maar laat iemand anders net probeer om iets slegs oor een van hulle te sê, dan kry hulle met albei te doen. Word groot. SUSAN Ha ha! Lyk my die jonger broer het klaarblyklik nie ge-dink dat sy “prim en proper” koninklike ouboet vir hom kan ore aansit…

‘ONS IS MAL VIR MEKAAR EN OOR MEKAAR, MAAR ONS IS OOK REALISTIES. ONS MOET DIE KAT UIT DIE BOOM KYK; ONS IS NIE MEER 18 NIE’ HIER voel dit sekerlik elke dag soos vakansie. Op Groot-Brakrivier tussen Mosselbaai en George. Een van die huise se naam kondig aan #stressmustfall. Mense werk in tuine, stap met honde see se kant toe en groet in die verbyry. Maar Desiré Gardner het nie hier kom aftree nie. Sy woeker met die skryf aan TV-reekse soos Lui maar op, Belinda, onderskrifte vir Suidooster en haar werk aan teaterstukke. En nou is daar ook die liefde om haar besig te hou. Mense op die dorpie weet al omtrent almal van haar en Braam Swanepoel, die aantreklike nuwe apteker. Hulle is opgewonde wanneer hulle die…

DWAH … dwah, dwah! Die een ná die ander val die missiele. Sirenes loei en vlamme verlig die horison. Dis 27 Februarie 2022, vieruur die oggend. Rusland het Oekraïne drie dae tevore binnegeval en nou kruip die oorlog nader aan die hoofstad, Kijif. Kobus Olivier, uitvoerende hoof van die Oekraïense Krieketfederasie, het weke lank vir hierdie oomblik voorberei. Hy het sy geld uit die bank onttrek en in dollars omgesit, en gebottelde water en kos vir hom en sy vier honde opgegaar. Maar niks kon hom voorberei op die doodsangs wat hy nou beleef nie. Die ontploffings is 15 km weg, maar so oorverdowend asof dit net buite sy woonstel is. “Here, as hulle ons tref, laat al vyf van ons gaan, asseblief. Niemand moet vermink of alleen oorbly nie,”…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. MY SUSSIE SE GEDRAG SLAAN MY DRONK V My sussie het by ons kom woon ná haar man se dood. Ons het voorheen altyd goed oor die weg gekom, en dit was ’n maklike besluit dat sy haarself in ’n kothuis op ons erf kom vestig. As kind het sy altyd haar eie maniertjies gehad waarop sy dinge doen. Haar speelgoed was in…

PAMELA, A LOVE STORY In hierdie dokumentêr sal jy die aktrise en model Pamela Anderson in ’n ander lig sien. Dit is ’n intieme en deernisvolle uitbeelding van een van die wêreld se bekendste “blonde bomme”. Die reeks volg die koers van Pamela Anderson se lewe en loopbaan van kleindorpse meisie tot internasionale sekssimbool, aktrise, aktivis en ook ma. 2022. 16TN. VANAF 31 JANUARIE OP NETFLIX IF THESE WALLS COULD SING Abbey Road, waar die Beatles van hul plate laat opneem het, is die wêreld se bekendste musiekateljee. Aanhangers reis daarheen om hul foto op die sebra-oorgang te neem wat op die omslag van die Beatles se album Abbey Road verskyn het. In dié dokumentêr lei Mary McCartney ons deur nege dekades van die towerkrag wat in dié ateljee ontstaan…

DIE REIS Deur SD FOURIE Protea Boekhuis, R363* Mariza Moolman, ’n bekende skrywer van historiese romans, treur oor Jukkie, haar 16 jaar oue Jack Russell wat op die strand deur ’n groot hond verskeur is. Sy huil meer oor hierdie metgesel as oor haar huis en tuin wat byna heeltemal deur ’n brand verwoes is en haar man, Lafras, wat kort daarna dood is. Daarby kry sy nie geskryf nie – “haar woorde het opgeraak”. Dan stel haar kleindogter Lita haar ouma aan een van haar professore voor, maar die eerste ontmoeting is rampspoedig: “Toe hy met sy belangrike familie begin en nog die Anglo-Boereoorlog bysleep, het my moermeter in die rooi gedraai,” verduidelik sy aan die teleurgestelde Lita. Deur ’n sameloop van omstandighede vertrek sy en die prof tog…

BLINKNUWE SKOOLSKOENE ’n Paar nuttige wenke om jou skoolskoene heeljaar mooi te hou. Jy benodig: skoenpolitoer, ’n droë borsel, ’n poetslap, ’n skoon lap, ’n perdehaar-of growwe borsel, ’n kleiner borsel (’n ou tandeborsel werk ook goed) en ’n koppie water vir daai blink afwerking. 1 Verwyder die veters sodat die skoenpolitoer dit nie vuil maak nie. Jy kan die veters ook in die was gooi saam met ander klere. Sit dit in ’n kussingsloop as jy bekommerd is dit rafel uit. As dit reeds uitgerafel is en jy sukkel om die veters terug te ryg, brand die punt met ’n vuurhoutjie of aansteker – maar net as die veters van sintetiese materiaal (plastiek) gemaak is. Die hitte sal die vesels saamsmelt. 2 Dra kort moue en steek jou hand…

GROOT BLOKRAAI WEN ’N BOEK VAN TAFELBERG PLUS KOM IN AANMERKING VIR DIE MAANDELIKSE TREKKING VAN R1 000. NO 2 475 KOMPETISIEVRAAG Watter stad in Afrika is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Hierdie week wen een leser Die verkeerde vrou deur Irma Venter (Tafelberg, R310). Liela Oloffson se ouers is in ’n huisbrand oorlede toe sy 10 jaar oud was, maar vandag het sy alles wat die meeste mense begeer. Skoonheid, roem en ’n blink loopbaan as aktrise. Maar dan verdwyn sy een Vrydagnag spoorloos en kapt. Kgomotso vra die gesoute misdaadjoernalis Ami Prinsloo se hulp. Soos ’n bloedhond volg Ami Liela se spoor van waar sy laas by ’n Engen-garage in Johannesburg gesien is. Maar waarom…

Ná die Wêreldbekersokkertoernooi in Katar weet jy waarskynlik alles oor sy ouboet, die Franse sokkerster Kylian Mbappé (24). Hy het die gesogte Golden Boot-prys gewen vir die meeste doele in die toernooi – agt! – en geskiedenis gemaak met ’n driekuns in die eindstryd. Maar op 15 lyk sy kleinboet Ethan self na ’n sokkerster van die toekoms. Hier is 5 dinge om te weet oor “Mbappé 2.0”: 1 HY SPEEL VIR DIESELFDE KLUB AS SY BROER Ethan het in Desember 2021 sy debuut gemaak vir Ouboet se klub, Paris Saint-Germain, in ’n vriendskaplike wedstryd teen Paris FC. Die klub het hom ’n kontrak van drie jaar gegee nadat hy op jeugvlak as middelveldspeler uitgeblink het. “Ek is baie trots om voort te gaan saam met my span, PSG,” het…

TOETSE, assesserings of eksamen – niemand hou daarvan nie, en tog moet ons almal daardeur om te kan vorder van een graad tot die volgende en selfs ná skool. Aangesien niemand dit kan vermy nie, is die beste raad om dit vir jouself makliker te maak. Jy kan dit doen deur ’n paar gewoontes en vaardighede aan te leer en dit te oefen. OEFEN! OEFEN! OEFEN! Kan jy nog onthou hoe jy geleer het om fiets te ry? Iemand het jou ’n paar lesse gegee en daarna het jy baie geoefen. Jy kan op dieselfde manier leer hoe om te studeer. Niemand word gebore en weet hoe om te studeer nie. Jy moet ’n paar studievaardighede aanleer en dit dan oefen. Elkeen van ons leer op ’n unieke manier. Party…

‘HIERDIE IS MY WAARHEID. NOU. HIER TERUG IN MY LAND’ WANNEER hy oor homself praat, gebruik hy gereeld woorde soos “transformeer” en “oorgang”. Want die afgelope jare was sy lewe ’n reis om homself te vind – ’n reis wat hom van die arenas van internasionale rugby tot by die afgeleë reënwoud van Costa Rica geneem het. Daar het hy “Jungle Joe” geword, hom gewend tot natuurlike genesing en ’n organiese vrugteplaas begin. Hy het ’n veganistiese leefstyl gevolg, gemediteer en joga gedoen in die wildernis. Sy eens gespierde lyf het lenig geword; sy haarlokke en baard lank en vry – soos sy gees. Maar nou is hy op pad terug Suid-Afrika toe – gereed om weer “Big Joe” van Niekerk te wees en opnuut betrokke te raak by die…

SEUNS, moet asseblief nie my laaste jare ’n ellende maak nie.” So, vertel prins Harry in sy nuwe boek, het sy pa, koning Charles, omtrent ’n jaar gelede by hom en prins William gepleit. Charles se versoek was duidelik: Staak jul bakleiery en al die gekonkel voor dit nóg ellende veroorsaak. Maar helaas, dit lyk nie asof Harry hom veel aan dié versoek gesteur het nie. Inteendeel. In sy boek, Spare, wat pas verskyn het, spoel Harry sy mond uit oor sy familie soos wat geen lid van die Britse koningsfamilie dit nog ooit in al die eeue van dié instelling se bestaan gedoen het nie. Benewens sy onthullings oor sy ba-kleiery met William en ongemak met Camilla, wat nou reeds wyd berig is, vertel die prins ook sulke hoogs…

MELINDA BAM & ADRIAAN BERGH Die voormalige Mnr. en Mej. Suid-Afrika was al voorheen op sneeuvakansies en is ywerige skiërs. Hierdie keer kon die hoogswanger Melinda nie teen die spierwit hellings van die Franse Alpe baljaar nie en het Adriaan alleen gaan ski. “Wat ’n seën en voorreg om dit weer te kan ervaar saam met my vroutjie, al ski ek dié keer alleen terwyl jy ons pensie oppas!” skryf Adriaan. Die egpaar is swanger met ’n seuntjie. Die kleinman maak in Maart sy opwagting en sy beroemde ouers gaan hom Ruach Michal noem. “Ons het jou naam so ses jaar gelede ontvang toe iemand eendag gebid en ons ’n woord oor kinders gegee het,” skryf Melinda oor sy naam. JOZAAN DIGUE Die blondekop prokureur wat tweede geëindig het in…

SELENA GOMEZ (30) is bekend daarvoor dat sy haar privaat lewe stilhou; daarom was aanhangers verbaas toe die aktrise onlangs saam met ’n bekende paartjie – waaroor gereeld gegons word – begin uithang het. Selena het die koms van 2023 saam met haar nuwe vriende, die aktrise NICOLA PELTZ (28) en haar man, BROOKLYN BECKHAM (23), met ’n vakansie in Los Cabos, Mexiko gevier. Die vriende het behoorlik met hul vriendskap en vakansie op sosiale media gespog – van uitspan op ’n privaat seiljag tot Jenga op die strand en kuier op Oujaarsaand. En dit het haar duidelik nie gepla om die vyfde wiel aan die wa te wees nie. Op een foto wat sy gedeel het, ontspan al drie saam op ’n hangmat. “Fine, call us a throuple #foreverplusone,”…

‘EK KAN NIE IETS NUUTS BEGIN VOOR DIE VORIGE HOOFSTUK TOEGEMAAK IS NIE’ DIE donkerkopvrou knipoog vir die kamera met ’n groot man wat langs haar kamma smeulend die lens aangluur. Kan dit wees? Dis dan die rugbyreus Jacques Potgieter wat saam met die skoonheid voor die kamera kuier. Met die eerste oogopslag lyk dit asof Jacques net saam met ’n vriendin model speel, maar dan kom jy agter iets meer is aan die gang. “Just keep things real,” skryf Jacques op Instagram. Dan volg ’n gekoer wat jou laat vermoed hulle is meer as vriende. Die vrou, Lizane Wagner, skryf: “Pottie, ek wens die wêreld kan jou sien deur my oë.” Sy sluit dit af met drie rooi hartjies. En hy antwoord: “Dankie, my Lalla.” Bekyk jy die kommentare…

BY DIE veiligheidshek van een van die Kaapse stadskom se ouer en karaktervolste art decowoonstelle verwelkom hy ons op twee krukke. Dis “hel seer”, gesels Pieter-Dirk Uys oor die knievervanging wat hy ’n week of wat gelede ondergaan het. Sy linkerknie is toegewikkel in ’n spesiale yspakbeenstut wat “baie help”, vertel hy, en hy doen elke dag oefeninge sodat hy ten minste teen Februarie weer op die been kan wees. Dit kan nie maklik wees nie. Pieter-Dirk (77) het twee woonstelle bo mekaar, verbind deur trappe. Buite is ’n klein ronde balkonnetjie. Onder die woonstel is ’n see van kannas, en agter hom verrys Tafelberg soos ’n 1 086 m hoë grys-en-blou skansmuur. Hier in sy nuwe tuiste vertel Pieter-Dirk ons van die diepe waters waardeur hy die afgelope ruk…

1 GEWILDE KLEURE Romantiese rooi maak ’n terugkeer met Viva Magenta, Pantone se kleur vir 2023. Die dieprooi met pienk note en ’n balans tussen warm en koel volg op verlede jaar se bloupers Very Peri. Groen bly ook mode. “Baie soos geel verlede jaar sy beurt gehad het, is groen die nuwe vrolike kleur. Dit verteenwoordig kreatiwiteit, groei, vrede en die natuur,” sê Basizakele Mvuyane, reklamekoördineerder van Mr Price Home. Nuwe kleure van Tjhoko Paint, ’n blou en groen, herinner ons dié gewilde kleure is vanjaar hier om te bly. Dulux se kleur van die jaar, Wild Wonder, is deur die warm note van ’n vars koringland geïnspireer. 2 ERFENIS-TEËLS Teëls wat ’n stelling maak, bly in die mode, veral dié met ’n patroon met erfenis as inspirasie. “Namate…

JY KAN finansiële maatskappye se aanlyn fondsfeiteblaaie besoek om op die hoogte te bly van die koste, groei en doelwit van jou effektetrusts. Dis ook nuttig wanneer jou finansiële raadgewer verduidelik hoe jou geld belê kan word, en as jy verskillende beleggingsopsies wil vergelyk. Hier is vyf algemene terme op fondsfeiteblaaie wat jy moet verstaan. 1 BELEGGING-DOELWIT Dit is wat ’n spesifieke belegging beoog om te bereik, by-voorbeeld minstens 5% hoër groei as die inflasiekoers. Nog inligting wat jy hier sal kry, is: ● Hoe die beleggingsbestuurder beplan om daardie doelwit te behaal, byvoorbeeld deur fondsbydraes in sekere aandele te belê. ● Die tipiese belegger wat by hierdie benadering sal baat vind, soos iemand wat die geld ’n lang tyd in die belegging kan los. ● Inligting wat jy in die…

STUUR ’N SOS; HAAR MUSIEK IS AAN DIE BRAND! SZA? Wié nou? Ons verkwalik jou nie as jy nog nie die naam gehoor het nie. Maar wees verseker: Die Amerikaanse R&B-superster, wie se regte naam Solána Imani Rowe is, gaan binnekort ook op jóú lippe wees. Die sangeres se tweede ateljeealbum, SOS, is al meer as vier weke in die no. 1-posisie op die Billboard 200-trefferslys. Dit het in die eerste week van sy uitreiking op 9 Desember meer as 300 000 eenhede verkoop; in die weke daarna, tot nou, verkoop dit weekliks sessyfergetalle. SZA word wêreldwyd geprys vir haar musiek se “eklektiese invloede”, wat volgens musiekkritici R&B “herdefinieer”. Die sukses van haar album is vir haar angswekkend, sê SZA aan Rolling Stone. “Ek het nie in ’n miljoen jaar…

Wanneer het sy Oumari geword? Waar het hulle die spoor byster geraak, want jare gelede was sy Lafras se Mariza. Sy geliefde Mariza met die raafswart hare en wange soos ’n rooivlerkspreeu – sy woorde in die stapeltjie briewe wat sy onder in die linnekas uitgekrap het terwyl sy besig was om van al die roet en as ontslae te raak. Het hy ’n voorwete gehad dat die liefdesvuur van voor hul troue later tot ’n rokerige vlammetjie sou smoor, of dat sy jeugdige, verliefde meisie later volwasse met ’n wil van haar eie, so ’n koppige vrou, sou word? Hul liefdesverhouding was ongewoon, en in haar onvolwassenheid meer ’n heldeverering as iets anders. Eienaardig dat sy nou net die eerste liefde wil en kan onthou, en die ongelukkigheid van…

HOOPVOL Die Kersvader by die winkelsentrum is verbaas toe ’n jong vrou nader stap en op sy skoot kom sit. Hoewel hy nie gewoonlik die versoeke van volwassenes aanvaar nie, glimlag sy so mooi vir hom dat hy bereid is om die uitsondering te maak. “Jy kan iets versoek, maar nie vir jouself nie. Dit moet vir iemand anders wees,” maan hy haar. “Toemaar, dis vir my ma,” antwoord sy. Hy: “Vir jou ma? Dis baie bedagsaam van jou. Wat wil jy hê moet ek vir haar bring?” Sy: “’n Ryk skoonseun, asseblief!” LOUISE NOETH TE VEEL VAN ’N GOEIE DING Mollie en Dina, wat studentevriende was, loop mekaar ná jare weer raak en klets te heerlik. Mollie: “O, en hoe gaan dit met Jors? Is julle nog so smoorverlief…

Nie almal het ’n toegewyde werksruimte nie en die meeste van ons deel plek met ander gesinslede, maar dit beteken nie jy kan nie trots wees op jou werksruimte nie. Het jy geweet om beheer te neem van die area waar jy werk, kan lei tot verbeterde tydsbesteding en meer motivering? Ander voordele is dat jy maklik belangrike items kan opspoor, gefokus bly op belangrike take, tyd spaar, minder spanning ervaar en meer doeltreffend werk. Daarby is die gewoonte om ’n werksruimte netjies te hou iets wat jou kind later in die lewe kan baat, omdat dit ’n professionele voorkoms aan werkgewers, bestuurders en kliënte uitstraal. WAT AS JOU KIND MORSIG IS EN SUKKEL OM HUL RUIMTE NETJIES TE HOU? Moenie bekommerd wees nie. Om georganiseerd en netjies te wees…

WANNEER JY OP PAD IS ▸ Moenie met vreemdelinge praat nie. ▸ Bly bedag en paraat as jy moet huis toe stap: Kyk rond en wees bewus van wat om jou aangaan. ▸ As jy dink ’n boelie sal jou dalk agtervolg of inwag, verander jou roetine en roete deur ’n bietjie vroeër of later te loop en ’n ander pad te vat. Probeer om saam met ander te stap. ▸ Vermy dit om in die donker te stap. ▸ As jy die skoolbus of ’n taxi gebruik, probeer naby die bestuurder sit. As dit ’n openbare bus is, kies ’n plek naby volwassenes. VEILIGHEID BY DIE SKOOL ▸ Hou by plekke waar daar ’n klomp mense is. Boelies hou nie daarvan dat ander sien wat hulle doen nie. ▸…

Ons is nog ver van die dag dat almal fusie-energie in hul huise gaan gebruik. Dit verg geweldig baie energie om die nodige lasers aan die gang te kry; daarom meen kenners ons sal minstens nog ’n kwarteeu moet wag voor fusie-energie wyd beskikbaar sal wees. Wetenskaplikes werk nou onder meer aan nuwe, kragtiger en energiedoeltreffender lasers. Met die onlangse deurbraak het hulle wel gewys dis die moeite werd om met fusienavorsing voort te gaan. Maar vir eers sal die wêreld op hernubare energie soos son-, wind-en hidrokrag moet bly fokus.…

1 Watter bekende Suid-Afrikaanse gholfspeler het die bynaam Black Knight gekry? 2 Hoeveel hoeke het ’n heptagoon? 3 In watter Suid-Afrikaanse provinsie sal ’n mens die toeristetrekpleister God’s Window sien? 4 Watter posisie beklee Fikile Mbalula sedert Desember in die ANC se topsewe-leierskapsgroep? 5 Watter land se hoofstad is Tallinn? ANTWOORDE 1 Gar yPlayer 2 Sewe 3 Mpumalanga  4 Sekretaris-generaal 5 Estland BRONNE BBC.COM, THEGUARDIAN.COM, ESPER-BIONICS.COM, NEWSFORKIDS.COM, NPR.ORG, SPACE.COM, SCIENCEALERT.COM, MAYOCLINIC.ORG, HISTORY.COM, WIKIPEDIA.ORG, GOVERNING.COM, VOANEWS.COM, YOUTUBE, TWITTER…

1 Wanneer hy oefen, luister hy na Drake of Meek Mill se musiek. 2 “Soos enige tiener verkies ek allerhande gemorskos bo regte kos. Ek is gelukkig dat ek jonk is en steeds met ’n bietjie meer vryheid kan wegkom.” 3 Hy was in ’n Uber saam met sy ma toe hy die oproep kry dat hy die rol as Spider gekry het. “Ek wou skree, maar ek was in ’n Uber, so ek kon nie. Maar toe ons by die hotel kom, het ek ’n oordosis roomys geëet en myself net geniet.” 4 Sy geheime talent? “Ek dink nie ek het een nie. Ek kan my tone ver uitmekaar sprei!” 5 “Ek gaan so een keer per week in my kamerjas winkels toe. Want dis die einde van die week en…

Op huisgenoot.com kan kinders die aanlyn Afrikaanse kinderprogram Die Babbelbende gratis kyk. In dié reeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer leer oor ons wonderlike wêreld. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek huisgenootwinkel.com om jou eie Paloeka-of Palawa-pop of Die Babbelbende se Groot storieboek te bestel. Kom leer ken Die Babbelbende – en geniet hulle vrolike geselskap saam…

BROEDERTWIS Die broers het glo in 2019 in Harry se huis handgemeen geraak. William was glo woedend oor al die drama wat Harry en Meghan veroorsaak, het Meghan “moeilik” en “ongeskik” genoem, hom daarna aan sy kraag gegryp en teen die vloer gegooi. Harry het op die hond se kosbak geland, ’n kneusplek aan sy rug opgedoen, en moes ná die tyd sy sielkundige vir bemoediging bel. KREATIEWE KRAAMPROSES Toe Meghan aan hul eersteling, Archie, die lewe geskenk het, het sy glo op ’n enorme pers bal gebons om die proses aan te help. Harry het elektriese kerse aangesteek en ’n foto van sy ma in die vertrek uitgestal. Om kalm te bly het hy sy lyfwagte kitskos van Nando’s laat bring en tydens die geboorte laggas uit ’n blik…

1 JEREMY RENNER SE ONGELUK JEREMY RENNER (52) is in ’n fratsongeluk deur sy sneeuploeg beseer toe hy ’n pad deur ’n sneeustorm probeer skoonmaak het. Die akteur wat in Avengers verskyn het, het van die masjien afgeklim om ’n familielid te help wat in die sneeu vasgekeer was toe die sneeuploeg begin beweeg het. Terwyl hy terug in die bestuursitplek probeer spring het, het hy gegly en onder die masjien beland. Dit het een van sy bene en sy bolyf beseer en die regterkant van sy borskas laat induik. Jeremy het aanhangers ’n paar dae ná die ongeluk op sosiale media vir hul ondersteuning en mooi wense bedank. “Ek is te opgemors om te tik, maar ek stuur liefde vir julle almal.” 2 LAMAR MAAK HART OOP Sewe jaar nadat…

SUID-AFRIKA se “bekendste wit vrou” is eindelik weer op die kassie. Evita Bezuidenhout is 87 en besiger as ooit. En sy spog met ’n nuwe kort kapsel – dalk word dit nog ’n nuwe modegier. In die inperking het Die Tannie se alter ego, Pieter-Dirk Uys, op ’n grys pruik afgekom wat hy self in ’n byderwetse styl geknip het. “Dit kondig ’n nuwe era in haar lewe aan,” sê Pieter-Dirk. Maar Evita sê hy lieg. “Ek weet nie van watter pruik hy praat nie. Hierdie is my eie, selfgekweekte hare! En dis my handewerk.” Haar drie kleinkinders, Winnie-Jeanne (19), Nelson-Ignatius (16) en LaToya-Ossewania (13), woon by haar in Excelsior, ’n ou herehuis in Johannesburg wat sy namens die ANC bestuur. “Evita verteenwoordig baie van die vrese, verwagtings en vooroordele…

1 GRIEKSE GODIN Baie ontwerpers het inspirasie uit die Griekse mitologie geput en romantiese, gedrapeerde rokke vertoon. Dié styl is heerlik lig, gemaklik en sjiek vir die somer. 2 TERUG SKOOL TOE Krae, hemde en rokke skep die grondslag vir ’n preppie voorkoms wat aan ’n skooluniform herinner. Gee dit ’n elegante kinkel met treffende bykomstighede. 3 KOLOM-KOEL Hierdie rok se eenvoudige en gestruktureerde styl kan maklik informeel of meer formeel gedra word. Die kolomrok se kenmerkende noupassende silhoeët is minimalistiese styl op sy beste. 4 GRUNGE IS TERUG Dit is die 1990’s van voor af met rockgeïnspireerde kledingstukke in denim en leer. Swart en ander donker kleure werk baie goed saam met die 5 SAK-PAS Vanjaar fokus modehuise soos Victoria Beckham op items soos cargobroeke en baadjies en gee…

GRAAD R-3 OUDERDOM 5+ NET R165 OEFEN SAAM Dis sommer twee vlieë met een klap: gehaltetyd saam met jou kind én ’n beter begrip van wiskundige konsepte. Die wiskundeflitskaarte bevat genoeg kaarte om jou kind op vele vlakke van basiese wiskunde uit te daag. Of jy nou jou gr. R-kind wil voorberei vir gr. 1, of grondslagfasekonsepte wil vaslê, dié kaarte maak dit hope pret. ELKE PAK KAARTE BEVAT • 1 kaart elk van 0 en 13-100 • 2 kaarte elk van 1-12 • Alle bewerkings (+ - x ÷ = > <) • ’n Gelamineerde horlosiekaart • 7 kaarte vir die dae van die week • Kaarte vir al die seisoene HOE GEBRUIK EK DIE KAARTE? Oefen speel-speel met die kaarte. Besluit saam wat julle gaan oefen, haal die betrokke…

1 TOON BELANGSTELLING Een van die grootste motiverings vir kinders is as hulle sien hul ouers stel belang in wat hulle doen. Dink maar aan die dinge wat jy op skool aanhou doen het, en waarom. Om belangstelling te toon is ook ’n lekker manier om met jou kind te gesels – solank jy druk uit die prentjie los. Vrae wat help: Hoekom dink jy het jy so goed gedoen in dié toets? Wat is dit van krieket wat jou so gelukkig maak? Waarna sien jy uit? Hoe dink jy kan dié ding waarmee jy nou sukkel jou in die toekoms help? Laat hulle op hul eie tyd antwoord, en hou aan probeer. Daag op vir skoolgeleenthede as jy kan. 2 BELOON TOEWYDING, NIE RESULTATE NIE Die grootste aanwyser van hoe…

WATERDRAER 21 JAN – 18 FEB Vier planete skuif vandeesweek by jou teken in. Dit plaas jou in die kollig, en dit is nie iets wat die meeste Waterdraers kan geniet nie. Maak nietemin die meeste van die situasie deur jou verantwoordelike kant te wys. Wys dus hoe jy aanspreeklikheid kan aanvaar waar ander mense dalk wegskram. ’n Voortslependekry word. huishoudelike kwessie lyk ook minder problematies, want oplossings sal vir probleme ge GELUKKIGE NOMMERS 45, 42, 25, 4, 31, 43 DIE WESE VAN AQUARIUS ◼ Jy behoort aan die lugteken. ◼ Jy het flitse van briljantheid. ◼ Jy is altyd ’n tree vooruit. ◼ Jy hou van jou vryheid en wil nie ingehok wees nie. ◼ Jy is van nature eksentriek. ◼ Jy het fantastiese vriende – hoe meer, hoe…

+ 25 herbruikbare plakkers Die plakkers is gemaak van ’n spesiale materiaal wat herhaaldelik geplak kan word. Dit sluit ook inligting oor elk van die diere in. Só leer kinders speel-speel oor die verskillende voëls en diere en waar hulle voorkom. Dis ’n prettige leermiddel vir ouers en versorgers van jong kinders. Lekker plak! HOE OM TE BESTEL BEL 021-406-4962 E-POS koop@huisgenoot.com Aanlyn by media24shop.com…

‘EK SÊ nie vir jou dis werklik nie – maar ek sê ook nie dis nié werklik nie … Jy moet self besluit. Ek gaan vir jou demonstrasies doen. As jy dink dis ’n truuk, hoop ek dit vermaak jou. Maar as jy glo dis werklik, beteken dit jy kan die onmoontlike in jou lewe regkry. Haal ’n R2-muntstuk uit jou beursie uit. Skryf jou voorletters aan elke kant neer, dat jy kan seker wees dis dieselfde muntstuk waarmee ons nou gaan werk. Maak ook seker jy kyk na enige merkies en die datum dat jy weet dis dieselfde een. Hou die muntstuk in die lug tussen jou wysvinger en duim vas, ek gaan my hande nader bring. Sien jy hoe dit ombuig? As jy eers glo die onmoontlike is…

DIE meeste mense het ’n sportheld. Jy volg hul loop baan deur die jare, leef jou hul lief en leed in en bly sentimenteel oor hulle, selfs ná hul aftrede. En wanneer hulle eendag doodgaan, treur jy saam. Maar ’n nasionale tragedie? ’n Terugslag van so ’n omvang dat ’n nasionale routydperk van drie dae afgekondig moet word? Dis te erg, sou jy dink. Tog is dit wat die afgelope weke in Brasilië gebeur het. Toe die sokkerheld Pelé op 29 Desember dood is, was die reaksie veel nader aan dit wat ’n mens met die dood van ’n groot staatsman of monarg sou verwag. Naas koningin Elizabeth II van Engeland se afsterwe was dit waarskynlik die ingrypendste oomblik van nasionale rou wat die wêreld in 2022 beleef het. Nes…

NICOLE WIL-MANS, wat in 2021 gekroon is as die wenner van Survivor SA: Immunity Island, het onlangs met haar kêrel van die afgelope sewe jaar, RYNO EKSTEEN, afgehaak. Hul spesiale dag is gehou by die Letsatsi Lodge op Vanrhynsdorp, en 66 van hul naaste familie en vriende het dit saam met hulle gevier. “Ons het toevallig een jaar op pad Namibië toe daar gebly en verlief geraak op die plek. Dit het soveel karakter en is perfek vir ’n intieme troue saam met ons naaste mense,” sê Nicole. Sy en Ryno woon in Somerset-Wes, en hul paaie het in 2015 gekruis. Hy is vriende met haar broer, Peter Wilmans, en nadat hulle mekaar ontmoet het, het hy dadelik vir haar ogies begin maak. ’n Paar weke ná hul ontmoeting het…