Indholdsfortegnelse for 26 January 2023 i Huisgenoot

1 ‘HOU DIT VIR JOUSELF’ Bly liewer stil as jy niks goeds oor jou skoondogter kan sê nie, is ’n ma se pleidooi in ’n brief aan alle skoonma’s. Haar dogter word geboelie, skryf sy. Ek voel dieselfde. My twee skoondogters is vir my soos my eie dogters. Ek stem nie altyd saam met wat hulle doen nie, nes ek nie altyd met my seuns saamstem nie. Maar ek is lief vir hulle almal en verruil hulle vir niks. ELIZE Skoonma, moenie vir my probeer sê wat ek moet doen nie. Ek is getroud met jou seun; nie met jou nie. Jy het hom glad nie goed opgevoed nie, net opgefoeter. Sorrie, Skoonma, jy moet nou maar jou plek leer ken. HESTER Ek is so geseënd om ’n wonderlike skoonma…

SOU sý die een word wat kykers in die liefde laat bly glo? Twee jaar gelede het sy as’t ware televisieheiligdom betree as die nuwe aanbieder van Boer soek ’n vrou. Dié Kupido-rol is nie ’n sommerso-storie nie, want die immergewilde program se aanhangers kyk byna net so krities na die aanbieder as na die hubare boere en die hoopvolle vroue wat hul hart wil wen. Maar Marciel Hopkins (29) het gou gewys haar Kupido-pyle is vlymskerp en haar korrel sekuur. Want die afgelope twee seisoene van kykNET se maatsoekprogram het sewe troues en twee babas opgelewer. En in vanjaar se 15de seisoen – en Marciel se derde as aanbieder – gaan die liefde hopelik weer langs ons land se plaaspaaie blom. “Ek maak aanspraak op die suksesse,” sê Marciel…

DIT lyk na ’n doodgewone huislike toneeltjie tussen twee ou getroudes: Sy sit op die rusbank uitgedos in haar gunstelingklere en juwele; hy sit langs haar met sy arm om haar skouers. In werklikheid is Tapas Sandilya (65) se vrou, Indrani, al in Mei 2021 aan covid oorlede. Dis haar ewebeeld in silikoon wat langs hom sit. En al klink dit vir jou grillerig, was dit haar wens om haar man ná haar dood steeds in hul huis in Kaikhali, Indië, geselskap te hou, sê Tapas. Hy vertel die saadjie vir haar “herlewing” is al ’n dekade gelede geplant toe hulle die tempel van ’n Hare Krishna-groep in Mayapur in die ooste van die land besoek het. Daar was hulle verstom oor die lewensgetroue standbeeld van die groep se stigter,…

FACEBOOK Facebook stel jou in staat om iemand te benoem wat jou profiel kan bestuur wanneer jy oorlede is. Dié persoon moet self ’n Facebook-gebruiker wees. In jou Facebook-verstellings moet jy kliek op Settings, dan Privacy en dan Memorialisation. Daar kan jy ’n vriend benoem wat ná jou dood tot jou rekening toegang sal kry. Facebook sal jou vriend van dié benoeming in kennis stel. Hy of sy sal dan ná jou sterfte plasings op jou blad kan doen of dit in ’n huldeblykblad omskep. Jy kan ook jou rekening sluit ná jou dood. Kliek op “Request your account be deleted after you pass away”. In dié geval sal iemand steeds vir Facebook moet laat weet dat jy oorlede is en ’n bewys moet verskaf. GOOGLE Jy kan iemand benoem…

V Die afgelope vakansie was weer eens vir ons familie ’n ondraaglike tyd. Ek en my sibbes is almal in ons 40’s, maar ons tree op soos kleuters wanneer ons bymekaar is. Ons het as kinders al so baklei, en dit het maar net voortgegaan in ons volwasse lewe. Dis asof niemand maniere geleer het of ’n bietjie lewenswysheid gekry hetnie. Vyf jaar lank het niemand oor die Kerstyd bymekaargekom nie. Ons was dit almal eens dat dit ’n vermorsing van geld en tyd is; en dit loop altyd uit op ’n oorlog. Ek het regtig gedink ons sal beter vaar nadat soveel tyd verloop het en het vir ons, saam met ons kinders, ’n seevakansie gereël. Wat ’n ramp! My een broer was oudergewoonte van dag een af besope,…

DIE LANG WAG AMPER VERBY? HALLO, NORMANI, HOE LANK DAN NOU NOG? Die Amerikaanse sangeres, wat internasionaal as lid van die groep Fifth Harmony beroemd geraak het, beloof al twee jaar lank dat haar debuutalbum binnekort uitgereik sal word, en steeds sit aanhangers op hete kole en wag. Moenie verkeerd verstaan nie, Normani het oor die afgelope paar jaar treffer ná treffer uitgereik – dink maar aan “Love Lies” saam met Khalid; “Dancing with a Stranger” saam met Sam Smith en “Wild Side” saam met Cardi B. Sy moet waarskynlik een van die sangers met die meeste enkelsnit- treffers wees wat nog nie eens ’n debuutalbum die lig laat sien het nie. “Jy hoef nie eens te vra nie,” sê sy in ’n onderhoud met Bustle. “Die album kom in…

GROOT BLOKRAAI NO 2 476 KOMPETISIEVRAAG Watter Afrikataal is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN TAFELBERG Plus KOM IN AANMERKING VIR DIE MAANDELIKSE TREKKING VAN R1 000. Hierdie week wen een leser Elf dae in Amsterdam deur Elizabeth Wasserman (Tafelberg, R200). Millie reis na Amsterdam, Nederland, om haar tante te help aansterk ná ’noperasie. Maar toe die tante langer in die hospitaal moet aanbly, moet Millie alleen klaarkom in die smal, vreemde huis. Boonop is daar die storie wat haar ma haar vertel het kort voor haar vertrek: Ouma Tina is destyds as jong meisie baie skielik uit Europa weg. Dit was in die middel van die Tweede Wêreldoorlog. Millie het haar…

1 Waar in jou lyf sal jy die medulla oblongata aantref? 2 Wie het die Mona Lisa geskilder? 3 Wat is die naam van die wêreld se grootste watervalstelsel, wat op die grens tussen Brasilië en Argentinië geleë is? 4 Wat is die hoofstad van die Demokratiese Republiek van die Kongo? 5 In watter toneelstuk deur William Shakespeare is Benvolio een van die karakters? ANTWOORDE 1 In jou kop/brein. Dié deel van die brein beheer verskeie liggaamsfunksies soos jou hartklop en asemhaling. 2 Leonardo da Vinci. 3 Die Iguazu-watervalle. 4 Kinshasa. 5 Romeo and Juliet. BRONNE NEWS24.COM, NETWERK24.COM, THEGUARDIAN.COM, BUSINESSINSIDER.CO. ZA, GUINNESSWORLDRECORDS.COM, BBC.COM, THEGUARDIAN.COM, HISTORY.COM, COLLINSDICTIONARY.COM…

DIE lewer is een van die belangrikste organe in ons lyf, maar ons is gewoonlik nie eens bewus daarvan nie – behalwe as daar iets ernstigs fout is met dié orgaan! Anders as ons maag wat grom sodra ons honger is of ons hart wat wild klop wanneer ons benoud voel, doen die lewer sy werk meestal suutjies agter die skerms. Alle vertebrate (werweldiere) het ’n lewer. Die lewer is die grootste inwendige orgaan en is – saam met die hart en brein – van kernbelang om jou aan die lewe te hou. Die lewer werk saam met die spysverteringstelsel. Dit is een van die organe wat verantwoordelik is vir die verwerking van voedingstowwe in jou liggaam. BESKRYWING Die deursneegrootmens se lewer weeg sowat 1,5 kilogram. Die orgaan sit onder…

Luca Human (13), Durbanville Kategoriewenner: Poësie en Prosa (gr. 4-7) en ook Eisteddfod-ster van 2022 Sy het eintlik al van haar deelname aan die kompetisie vergeet, want in die middel van Desember het sy en haar ouers alte heerlik in Zanzibar vakansie gehou, vertel Luca. “Maar toe kom die e-pos deur dat ek ’n wenner in twee kategorieë én ook die algehele wenner is. Dit was ’n lekker verrassing en ’n vroeë Kersgeskenk!” Sy sê op die oomblik spaar sy haar prysgeld – R1 500 vir elke kategorie, en R10 000 as ster van die jaar, “maar oor ses maande kan dit dalk ’n ander storie wees!” In die prosakategorie het Luca ’n gedeelte uit Ilne Fourie se komiese fantasieverhaal “Ma sing ’n solo” voorgedra en as poësie die gedig…

DIE nuwe dag is nog skaars ’n uur oud, maar in sitkamers oor die land heen skuif huisgesinne in hul slaapklere reg voor die kassie, bekers stomende koffie in hul hande. Op die skerm lui ’n klok, en twee mans beweeg na die middel van die kryt, handskoene omhoog. Ligvoets dans hulle om mekaar op soek na ’n gaping om ’n voltreffer te plant. Skielik is alle vaak vergete, want een van die boksers is Gerrie Coetzee, die groot held van ’n uitgehongerde Suid-Afrikaanse publiek in die donker jare van sportisolasie. Die datum is 23 September 1983 en die geveg is teen die Amerikaner Michael Dokes in Richfield, Ohio. Ronde ná ronde karnuffel die twee mekaar. In die sitkamer is almal se kele hees geskree. Dan, asof in ’n droom,…

KANYE “YE” WEST (46) het maar net twee maande ná sy egskeiding van KIM KARDASHIAN (42) weer afgehaak – en sy nuwe bruid is sy beroemde eks se ewebeeld. Die rapper en die argitek BIANCA CENSORI (27) het glo in ’n privaat seremonie troubeloftes uitgeruil en was reeds op hul wittebrood by ’n luukse oord in Utah toe dit die nuus haal. Die twee dra albei ’n troupand, maar het ’n paar dae ná die seremonie nog nie aansoek gedoen om ’n huweliksertifikaat om dinge amptelik te maak nie. Bianca, ’n Australiër, het in 2020 by Kanye se span aangesluit. Voor dit het sy as argitek en ontwerpkonsultant gewerk, en sy het ook haar eie juwelierswarereeks besit. Sy het tot onlangs nog lang bruin hare gehad – wat haar nes…

Maak dié somer die laaste een waar jy wil wegkruip onder toe klere terwyl die ander in bikini’s pronk. Neem beheer met een van Huisgenoot se spesiale aanlyn oefenprogramme ■ Sien en voel die resultate met behulp van fiksheidskenners. ■ Jy kan die maklike aanwysings tuis op jou rekenaar, tablet of slimfoon volg. ■ Jy benodig min of geen toerusting nie en slegs internettoegang. ■ Betaal een keer en kry lewenslange toegang. Skud tot 1 kg per week af met ons gewilde eet- en oefenplan vir vroue. ✔ 12 weke lank. ✔ Eenvoudige, aanpasbare spyskaart. ✔ Gesonde, vullende maaltye. ✔ Illustrasies wys jou hoe om die ✔ oefeninge te doen. ✔ Doen die oefeninge tuis. Besoek klopdieskaal.co.za vir nog inligting of om aan te sluit. Kry ’n plat maag met…

PASTAGEBAK MET BLOMKOOL & HAM GENOEG VIR 4 MENSE / BEREIDING: 20 MIN. / GAARMAAK: 35 MIN. • 500 g pennepasta• 1 x blomkool, in blommetjies gebreek• 375 ml (1½ k) suurroom• 250 ml (1 k) room• 250 ml (1 k) kaas, gerasper• 125 ml (½ k) vars pietersielie, gekap, plus ekstra vir oorsprinkel• sout en peper, na smaak• slaaiblare vir voorsit (opsioneel) BOLAAG • 750 ml (3 k) vars broodkrummels• 150 g ham, fyngekap• 125 ml (½ k) parmesaankaas, gerasper• 15 ml (1 e) vars tiemieblare Voorverhit die oond tot 200 °C. 1 Bring ’n groot kastrol gesoute water tot kookpunt en laat kook die penne 5 min. Voeg die blomkool by in dieselfde kastrol en laat nog 5-7 min. kook of tot die pasta gaar is. 2 Dreineer…

NEUTRAAL KLEURVOL KRY DIT HIER @HOME HOME.CO.ZA, 0860- 834-834; CHECKERS.CO.ZA, 0800-010-709; KAATJIEPRODUKTE.CO.ZA, HELLO@KAATJIEPRODUKTE.CO.ZA; MAKRO.CO.ZA, 0860-600- 999; MRPHOME.COM, 064-584-1000 (WHATSAPP); NIFTYGIFTS.CO.ZA, CONTACT@NIFTYGIFTS.CO.ZA; PEP HOME 0860-737-000, PEPSTORES.COM; SHEETSTREET.COM, 087-754-2492; STOREANDMORE.CO.ZA, 011-314-0002; SUPERBALIST, 087-362-7300; WOOLWORTHS.CO.ZA, 0860-022-002; YUPPIECHEF.COM, 0861-702- 4969 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

■ Sosialemediarekeninge (Facebook, Twitter, Instagram, Pinterest, LinkedIn). ■ Stroomdienste (Netflix, Hulu, Amazon Prime, Showmax, DStv). ■ Webtuiste-blogs, die rekening van die diensverskaffer wat jou webtuiste huisves. ■ Rekeninge by e-handelaars (Amazon, eBay, Takealot, Loot, Bid or Buy, Junkmail, Gumtree). ■ E-posrekeninge (Gmail, Yahoo, Outlook). ■ Media, insluitend foto’s (Shutterstock, Google Photos), video’s (YouTube, Vimeo) en jou rekeninge by musiekstroomdienste (Apple Music, Spotify, Soundcloud). ■ Forums, wiki’s, aanlyn gemeenskappe. ■ Rekeninge wat met jou slimfoon verband hou (Apple ID, Google-rekening vir Android). ■ Data-stoorplekke soos iCloud, Dropbox en Google Drive. ■ Kriptogeld.…

DIT klink makliker as gewone motorlenings, want vir hierdie soort transaksie word jou kredietrekord nie nagegaan nie. Maar pasop – dit kan dalk duurder uitwerk as wat jy dink. Hier is ses dinge wat jy moet weet. 1 HOE WERK DIT? Basies huur jy die voertuig vir ’n vasgestelde tydperk, waarna jy dit kan koop. Jy kom ooreen met die voertuigverskaffer en -finansier oor die maandelikse betaalbedrag. ’n Deel van die huurbedrag word gebruik as afbetaling op die motor, en die res is die huurkoste. Aan die einde van die huurtermyn gee jy nie die kar terug nie, maar koop dit mits jy voldoen aan die kontrakvoorwaardes. Byvoorbeeld as jou betalings op datum is en jy ’n gespesifiseerde bybetaling maak. 2 WAT BEHELS DIT ALLES? Gewoonlik moet jy ’n deposito…

DR. SEUSS-REEKS Deur DR. SEUSS Protea Boekehuis, vanaf R179* Ek het al vergeet dat Seuss in werklikheid die beroemde skrywer se middelnaam was: Theodor Seuss Geisel. Die skuilnaam Dr. Seuss was maar een wat hy gebruik het; die ander was Theo LeSieg, Rosetta Stone en Theophrastus Seuss. Die Amerikaner het aan Oxford studeer, maar het in 1927 opgeskop om ’n illustreerder en spotprenttekenaar te word. Hy het later van die gewildste kinderboeke van alle tye geskryf, waarvan ver meer as 700 miljoen eksemplare verkoop is. Afrikaans is net een van die vele tale waarin die Dr. Seuss-reeks vertaal is met Hier kom die kat wat al in 1972 verskyn het en Die kat kom terug in 1973. In 2022 het Protea Boekhuis vier van die boeke in Afrikaans uitgegee, almal deur…

NOODKOLLEKTE Jannie het per ongeluk ’n R2 in gesluk en dit sit in sy keel vas. Terwyl sy ma sukkel om die geld uit te kry, skree sy suster: “Bel die dominee, bel die dominee!” Sy ma vra: “Waarvoor moet ek nou die dominee bel?” Sussa: “Ma sê mos altyd die dom inee weet hoe om geld uit ’n mens te kry!” DENISE, PRETORIA STYWE LYNE “Volgens my man kan ek niks reg doen nie,” kla ’n vrou teenoor ’n vriendin. “Laas naweek het ons gaan visvang. Ek het te veel gepraat, te gou ingekatrol, die verkeerde aas ge bruik – en boonop twee keer soveel visse as hy gevang.” LYNETTE, BETHAL OP DIE TRAPMEUL My baas het my vandag gevra om die ys te breek wanneer dit my beurt…

Noudat ons weet die lewer se hooftaak is om gifstowwe in die liggaam hok te slaan, is dit duidelik dat dié orgaan met die nodige respek behandel moet word. Jy kan jou lewer ’n blaaskans gee deur nie onnodig gifstowwe in te neem wat die lewer dan met moeite moet uitwerk nie. Eet ’n verskeidenheid vrugte en groente om jou liggaam en jou lewer se gesondheid te handhaaf. Ander gesonde opsies sluit in volgraan- en proteïenryke kosse. Water, melk en klein hoeveelhede vrugtesap elke dag is ook goed vir jou en jou lewer omdat dit die orgaan nie onnodig ooreis nie. Vermy eerder voedsel met hoë vlakke van verwerkte suiker of eet dit net op spesiale geleenthede.…

Sy aanhangers loof hom; sy kritici verwyt hom. Maar oor een ding stem byna almal saam: Hy dra swaar aan sy gemoed. In sy boek, Spare, en in onderhoude om die boek te bemark vertel die hertog van Sussex van die verlies, verdriet, frustrasie en woede wat hy al dekades lank probeer verwerk. Hy is al lank in terapie, maar erken hy worstel steeds met baie dinge wat dit vir hom moeilik maak om aan te beweeg en met sy familie te versoen. Huisgenoot het drie voorstanders van berading gevra wat hulle opval wanneer hulle na sy onthullings luister. Ons het hulle ook gevra om hul gedagtes oor die prins se bekentenis te deel. HUISGENOOT SE TROOSTANTE: IRMA DE KLERK Liewe Harry Die verandering in jou is so opmerklik dat…

IRINA SHAYK (MAART 2021 – AUGUSTUS 2021) Kanye en die 37-jarige model is die eerste keer in Parys in die openbaar saam gesien, maar die verhouding het nie lank gehou nie. JULIA FOX (DESEMBER 2021 – JANUARIE 2022) Die aktrise (32) het ná die einde van hul verhouding gesê sy wou Kanye se “aandag aflei” om te verhoed dat hy Kim teister. CHANEY JONES (FEBRUARIE – JUNIE 2022) Ná Julia het hy ogies gemaak vir die 24-jarige Chaney. Die twee was vyf maande saam, en sy het selfs sy naam op haar pols laat tatoeëer. MONICA CORGAN (AUGUSTUS 2022) Kanye en die OnlyFans-model is die eerste keer saam gesien toe hulle Top Gun: Maverick gaan kyk het, maar hy was glo hy toe al ’n ruk lank aan en af…

’N PA en seun kan baie in gemeen hê. Een is ’n gedeelde voornaam en van, soos Colin Bouwer jr. en Colin Bouwer sr. Maar dié twee het ook iets wreders gedeel: die vermoë om ’n lewe te neem. Albei het hul huweliksmaats doodgemaak, en albei het hul misdaad maande lank verbloem voor hulle vasgetrek is. En dit alles terwyl hulle aan verskillende kante van die wêreld was. Op 7 Mei 1999 het Colin jr. sy vrou, Ria, in hul huis in Kempton Park doodgewurg en toe probeer om dit na die werk van ’n inbreker te laat lyk. En op 5 Januarie 2000 het Colin sr. die gemeenskap van Dunedin in Nieu-Seeland geskud deur sy derde vrou, Annette, met ’n insulien-inspuiting te vermoor en voor te gee sy het…

ONDER R500 ONDER R400 ONDER R300 ONDER R200 KRY DIT HIER ACKERMANS 0860-900-100; DUNNS 0860-007-350; EXACT 0860-834-834; FOSCHINI 0860-834-834; IDENTITY 021-460- 2400; PICK N PAY CLOTHING 0860-30-30-30; STYLEMODE.CO.ZA; THE FIX 0861-111-761; TRUWORTHS 021-460-2300; WOOLWORTHS 0860-022-002 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. V Hoewel ek reeds meer as ’n maand verloof is, het ek onlangs eers my aanstaande skoonouers ontmoet. Hulle is afgetree en woon op dieselfde dorp as ons. Ek het ’n gróót probleem met my aanstaande skoonpa. Die man maak ’n oorlas van homself. Hy sal my ekstra lank druk wanneer ons groet. Hy probeer my ook altyd soengroet, maar tot nou toe…

KYK DIE KINDERPROGRAM GRATIS! Kinders kan die aanlyn Afrikaanse kinderprogram Die Babbelbende op enige selfoon, rekenaar of tablet kyk – en dis gratis! Besoek huisgenoot.com om al die episodes van die reeks op ons tuisblad te kyk. Elke episode is 12 minute lank. In dié prettige, leersame reeks ontdek Bibi en haar maats, Palawa die kameelperd en Paloeka die leeu, saam met die verkenner, Ben, allerlei interessante dinge – en jou kind kan saam leer. BESTEL JOU POPPE EN STORIEBOEK HIER • DIE STORIEBOEK + 1 POPPIE VIR R350 • DIE STORIEBOEK + ALBEI POPPIES VIR R550 • NET EEN POPPIE VIR R230 BEL 021-406-4962 E-POS koop@huisgenoot.com AANLYN huisgenootwinkel.com…

WARE LEWENDRAMAS: VLEES EN BLOED Die boeiende dokkiereeks Huisgenoot: Ware lewendramas is terug vir ’n 10de seisoen. Nes met seisoen nege val die reeks se soeklig spesifiek op opspraakwekkende gesinsmoorde. Wat dryf iemand daartoe om hul naastes – hul eie vlees en bloed – te vermoor? Dit is die vraag wat ondersoek word in dié aflewering van die reeks getiteld Vlees en bloed. HUISGENOOT: WARE LEWENSDRAMAS: VLEES EN BLOED IS MAANDAE OM 20:00 OP VIA (DSTV-KANAAL 147). HUISGENOOT BLOKRAAIBESTES Blokraailiefhebbers, staan nader. Skuif reg vir die vierde seisoen van die gewilde blokraaivasvraprogram op VIA waar deelnemers se woordeskat en taalkennis beproef word. Die aktrise Cintaine Schutte sit weer in die aanbiederstoel en die reeks van 13 episodes behou sy bekende formaat. In elke episode vat drie deelnemers mekaar oor drie…

CORLI se hart hamer benoud in haar borskas. Haar handpalms is natgesweet. In die halfskemer klim sy bewerig met die mankolieke leertjie op na die solder. Sy het hierdie dag van ontsnapping haarfyn beplan gedurende die afgelope ses maande. Nou het die dag aangebreek. Ná vier jaar van hel. Buite in die straat agter die huis stap sy vreesbevange maar vasberade na die huurmotor wat reeds staan en wag. Sy loer oor haar skouer en lek oor haar droë lippe. Sy laai haar tas in die bagasiebak. Haar hele lewe in ’n enkele tas, dink sy weemoedig. Toe die kar wegtrek, klem haar hande die paspoort en vliegkaartjie op haar skoot vas. Daar’s nie meer omdraaikans nie. Haar stem is skor toe sy praat. “Lughawe toe. Gou. Asseblief.” Die bestuurder…

WATERDRAER 21 JAN – 18 FEB Jy is hierdie week die ster van die oomblik en alles waaraan jy raak kan in goud verander. Al is jy gewoonlik baie sku vir die kollig, moet jy verder dink as kortstondige oomblikke van ongemak. As jy wil hê ander moet ontvanklik wees vir jou idees, moet jy jou nek uitsteek en hulle daarvan vertel. ’n Meevaller of geskenk is dalk net die ding wat jy nodig het om jou te oortuig jy het wat dit verg. GELUKKIGE NOMMERS 22, 39, 44, 52, 41, 37 ’N BLIK OP DIE AQUARIUS-HEELAL ■ Jou uitstaande kenmerke: Jy is enig in jou soort, onafhanklik en altruïsties. ■ Hoekom jou vriende jou liefhet: Jy is almal se beste vriend. ■ Wat hulle nie vir jou sê nie:…

26 JANUARIE 1905 DIE CULLINANDIAMANT WORD ONTDEK Meer as ’n eeu gelede het Frederick Wells, ’n bestuurder by die Premiermyn op Cullinan, ’n groot ontdekking gedoen: ’n diamant wat sowat 10 cm lank en 6 cm breed was en 621 g geweeg het – meer as ’n blok botter! Die knoets is die Cullinandiamant gedoop, na Thomas Cullinan, die eienaar van die myn. Dit is vandag nog die grootste ruwe diamant wat ooit ontdek is. Cullinan het die diamant aan die regering van die destydse Transvaal verkoop, wat dit toe as verjaardaggeskenk aan Brittanje se koning Edward VII gegee het. Omdat die diamant so waardevol was, moes hulle seker maak dit word nie gesteel op pad Brittanje toe nie. Daarom is ’n ander pakkie met ’n replika (sien Woord van…

FLIEK DOG GONE KYK DIT OP: NETFLIX VIR OUDERDOMME: 10+ Nadat ’n jong man en sy geliefde hond op die Appalache-bergreeks geskei is, begin hy en sy pa ’n desperate soektog om hom te kry voor dit te laat is. Die fliek, met Rob Lowe in een van die hoofrolle as die pa, John, is gegrond op ’n ongelooflike ware verhaal van menslikheid en alledaagse dapperheid. REEKS PRINCESS POWER KYK DIT OP: NETFLIX VIR OUDERDOMME: A Dié voorskoolse animasiereeks is gegrond op The New York Times se topverkoperboekreeks Princesses Wear Pants deur Savannah Guthrie en Allison Oppenheim. Die reeks is ’n viering van die #meisiekrag van die prinsesse van vier groot vrugtekoninkryke: Kira Kiwi, Beatrice “Bea” Blueberry, Rita Raspberry en Penelope “Penny” Pineapple. Die vier omhels hul verskille en word…

DIE meeste mense het twee niere. Dit is rooibruin boontjievormige organe in die lae rug, een aan elke kant van die werwelkolom. ’n Nier is omtrent die grootte van ’n vuis. Niere is deel van die urienwegstelsel, waar hulle urine (piepie) skep. STRUKTUUR NIERSLAGAAR Bloed gevul met afvalstowwe vloei deur die nierslagaar na die nier vir filtrasie. POORT ’n Inkeping wat die in- en uitgangspunt is vir die nierslagaar en nieraar. Die nierbekken en ureter loop ook daardeur. KAPSULE ’n Dun laag sterk, veselagtige, vetterige weefsel wat die nier omring en steun verskaf vir die nierweefsel, wat baie sag en delikaat is. NIERAAR Dra die gefiltreerde bloed van die nier terug na die hart. NIERBEKKEN ’n Tregtervormige, hol deel wat die urine vanaf die nefrone versamel en dit by die…

DIT was die eerste keer in jare dat sy by ’n groot Hollywood-glansaand gesig wys, en dit het gelyk asof Lisa Marie Presley vir ’n slag behoorlik wil uithang. Sedert die dood van haar seun, Benjamin, in 2020 was sy so te sê ’n kluisenaar, en daar was die eerste keer in ’n lang tyd weer vir haar iets om te vier by die onlangse Golden Globes-toekennings. Die akteur Austin Butler is immers as beste akteur bekroon vir sy rol as haar pa, Elvis, in die Baz Luhrmann- fliek oor sy lewe, en Lisa Marie en haar ma, Priscilla, was in trane toe Austin hulle in sy toespraak bedank dat hulle hul “harte, herinneringe en huis” vir hom oopgemaak het. Maar toe Lisa Marie ná die verrigtinge haar verskyning maak…

1 50 CENT SÊ JAMMER VIR MEGAN 50 CENT (47) het MEGAN THEE STALLION (27) om verskoning gevra nadat hy gesê het sy jok daaroor dat die rapper Tory Lanez haar in 2020 geskiet het. In die hofsaak het 50 Cent haar met Jussie Smollett (40) vergelyk. Dié akteur het gejok dat hy die slagoffer van ’n haatmisdaad was. 50 Cent het gesê hy het van mening verander nadat Lanez skuldig bevind is. 2 ANNA KENDRICK SE EKS-DRAMA ANNA KENDRICK (37) het onlangs vertel hoe sy uitgevind het ’n kêrel van ses jaar, met wie sy trouplanne gehad en embrio’s laat bêre het, het haar verkul. Die aktrise het op Dax Shepard (48) se podsending vertel hoe haar eks haar in haarself laat twyfel het toe sy hom van ontrouheid…