Indholdsfortegnelse for 2 February 2023 i Huisgenoot

1 ‘DIT WAS NIE ’N MAKLIKE BESLUIT NIE’ Sheba die tier is geskiet vir die veiligheid van mense in Walkerville, sê ’n gemeenskapspolisiëringslid. Maar baie lesers is hartseer oor die dier se einde Waar was ons wildbewaarders en veeartse wat opgelei is om in die belang van wilde diere op te tree? Hulle kon die tier mos net verdoof en na ’n veilige omgewing ge-neem het. Dit word dan vir ander diere gedoen. Ek verstaan nie. MELISSA In 2005 het ’n tier my dogter gebyt. Die park het haar mediese onkoste betaal, en sy het volkome herstel. Die tier is na ’n groter kamp verskuif en veiligheid is opgeskerp. Dis onregverdig en hartseer dat Sheba nie verskuif is nie. MARYNA ’n Dier moes met haar lewe boet. En dit as gevolg…

VANJAAR sou dié jaar gewees het – die jaar waarop hulle al so lank wag. ’n Nuwe begin ná talle teleurstellings. ’n Nuwe hoofstuk waarin Tereza Troskie-Herbst (53) en haar man, Bennie (42), eindelik ’n baba sou kon verwelkom. “Daar is hierdie ongelooflike vooruitsig van ’n klein mensie in ons huis,” het Tereza in Oktober aan Huisgenoot vertel. Die egpaar was toe opgewonde oor die wonderwerk wat op pad was nadat ’n “engel”, Reinette Harms (32), aangebied het om ’n surrogaatma te wees. “Toe werk dit nou nie so uit nie,” sê Tereza vandag waar ons by ’n tafeltjie op die stoep van haar huis in Bloemfontein sit. Sy raak stil. “Dit laat ’n ou tog wonder: Is dit op die kaarte vir ons, of nie?” Ná die pyn wat…

DIE afwagting is hoog onder die groep 2022-matrieks op die trap van Helpmekaar Kollege in Johannesburg – die oomblik is op hande. Party weet hulle het geslaag, maar hou duim vas vir ekstra goeie punte. Aan ander knaag die senuwees. Onder die twyfelaars is Alex Nortjé. Op 20 is hy twee jaar ouer as sy klasmaats. Hy moes gr. 1 en gr. 8 herhaal weens ’n reeks gebeure in sy jong lewe. Teen sy 15de verjaardag het sy pa, ma en ouer broer al drie in afsonderlike voorvalle hul eie lewe geneem. Op hoërskool was die skoolkoshuis weekdae sy tuiste; naweke die Abraham Kriel-kinderhuis. Sy toekoms het ná die gebeure donker gelyk – tot die dag dat hy besluit het om die foon op te tel en hulp te vra…

DIE BLOES ’n Mooi bloes werk goed vir formele én informele geleenthede, maar moenie dink jy kan dit net by ’n broek dra nie. Maak ’n stylstelling en trek dit onder ’n rok aan. DIE BASIESE T-HEMP Kies neutrale en subtiele kleure vir dié stapelitem sodat dit goed pas by ’n verskeidenheid uitrustings – van ontspanne jeans tot ’n formele baadjie. MONOCHROOM Monochroom raak nooit uit die mode nie. Swart en wit is klassiek en veelsydig en werk ewe goed vir dag én aand. DUURSAME DENIM Denim is sekerlik die veelsydigste materiaal in jou modearsenaal en onontbeerlik in enige klerekas. IN DIE KOL MET KUNSLEER Grunge is terug, en kunsleer is die perfekte pasmaat vir dié mode. Kies verskillende items in hierdie materiaal vir ’n klerekas wat 1990’s-rock skree. BANDJIEHAKSKOENE…

WANNEER jou geld skraps is, kan ’n bêrekoopooreenkoms die gerieflikste manier wees om daardie item te bekom wat jy benodig. Maar onthou, dit is steeds ’n wettige kontrak. Hier is 10 punte om jou regte te verstaan. 1 HOE WERK DIT? ’n Bêrekooptransaksie werk soos ’n rentevrye afbetalingsplan oor ’n paar maande. Jy kan byvoorbeeld vra dat jy ’n paar jeans van R800 oor vier maande teen R200 per maand afbetaal. Jy kry die item dan sodra jy dit klaar afbetaal het. 2 DEPOSITO OF NIE? Deposito’s is nie verpligtend nie, maar sommige verkopers kan dit dalk vereis. En as jy as deel van die ooreenkoms daartoe instem, moet jy dit betaal. 3 WAT VAN RENTE? Die verkoper mag nie rente op die prys van produkte hef nie. As jy dus rente betaal,…

Daar’s wraggies niks wat sy van haar aanhangers kan weghou nie, al is haar bedoelings ook hoe opreg – dít het Cardi B nou al gesien. Dink maar mooi: Die Amerikaanse rapper het destyds haar troue met Offset, ook ’n rapper, probeer stil hou, maar daarmee was sy nie lank suksesvolwerk nie. In die verlede is meer as een van haar liedjies al aan die media en aanhangers uitgelek, al was dit glo nooit veronderstel om die lig te sien nie. En nou die jongste – die nuus oor Cardi B wat glo besig is met die afrondings van haar jongste album, haar eerste in vyf jaar. ’n Geheim, blyk dit, wat na dese verklap is. Hoe het aanhangers die legkaartstukke bymekaar gevoeg? Hulle het opgemerk Cardi B, wat deur…

SONDAGRESENSIE Klein Kosie kuier by sy ouma en oupa en gaan saam met hulle kerk toe. Ná die diens vra die dominee vir oupa en ouma hoe hulle van die diens gehou het. Maar voor hulle kan antwoord, laat Kosie hoor: “Die musiek was goed, Oom, maar Oom se advertensies tussen-in was heeltemal te lank!” LOUISE NOETH WEERLIG SLAAN TWEE KEER Piet ry so huis toe van die werk af sonder om sy veiligheidsgordel vas te maak. Halfpad spring ’n spietkop agter ’n boom uit, trek hom af en gee hom ’n boete. Net twee dae later keer dieselfde spietkop hom op dieselfde pad voor en beboet hom weer oor sy sitplekgordel. “Het jy dan niks geleer nie?” vra laasgenoemde kwaai. “Ja,” antwoord Piet ernstig, “ek het geleer ek moet…

MOLLY Sampson het ’n unieke stokperdjie. Die Amerikaanse meisie hou daarvan om na fossiele te soek en het ’n versameling wat al uit verskeie oertande bestaan. En op Kersdag vanjaar het sy ’n groot vonds gemaak: ’n megalodontand van 13 cm lank! Molly en haar ouer suster het vir Kersfees spesiale oorpakke gekry waarmee ’n mens in die water kan loop en steeds warm bly en wou dit dadelik gaan uittoets. Die Calvert Cliffs-gebied in Maryland, Molly se tuisstaat, is bekend vir baie oerhaaitande. Dié kranse is opgebou uit laag op laag ou sediment van toe dié deel onder die see was. Vandag breek die branders die een ná die ander teen die kranse, wat dit stadigaan laat verkrummel en ou tande ontbloot. Op Kersdag laas jaar was die gety…

UIT: Sisiliaans, Italiaans wat hulle in Sisilië praat Die woord mafiusu beteken min of meer windmakerigheid of bravade. Die Mafia is ’n organisasie wat geld maak op onwettige maniere, dikwels deur mense af te dreig, met dinge te smokkel en dwelms te verkoop. Daar is verskeie sulke organisasies wêreldwyd wat so genoem word, maar die oorspronklike Mafia was ’n groep in Sisilië, Italië. Die polisie het glo al in 1865 die woord begin gebruik om ’n man te beskryf wat misdaad beplan en ander betaal om dit dan uit te voer.…

1 In watter sportsoort het die Australiër Rod Laver uitgeblink? 2 Watter ster is die naaste aan die aarde? 3 In watter stad in Amerika is die Withuis geleë? 4 Wat noem jy ’n wetenskaplike wat klippe bestudeer? 5 Aan watter Europese land behoort hierdie vlag? ANTWOORDE: 1 Tennis  2 Dieson 3 Washington, DC 4 ’n Geoloog 5 Pole BRONNE BBC.COM, EDITION.CNN.COM, NPR.ORG, UPI.COM, LIVESCIENCE.COM, FRANCE24.COM, THEGUARDIAN.COM, ECONOMICTIMES.COM, COLLINSDICTIONARY.COM…

Hy spog met 16 000 volgelinge en het 84 000 likes. Die rede? Ayden skryf sy eie gedigte en lees dit aan sy volgelinge voor. Sy voorlesing van sy gedig “Mr. President” is meer as ’n halfmiljoen keer gekyk! SY INSPIRASIE “Verskillende ruimtes inspireer my om te skryf. As ek in die ruimtes is, kyk ek wie rondom my is, wat aangaan, hoe ek en ander dit ervaar, en dan gaan ek huis toe en reflekteer daaroor in my boekie.” WAT HY OP TIKTOK GENIET “Die mense wat na my TikToks kyk en kommentaar lewer en vir my boodskappe stuur, motiveer my. En jy kan enigiets laai en iemand sal daarby aanklank vind. Dis nie net vir sekere mense nie, dis vir almal.” OP SY FYP “Op my For Your…

Op huisgenoot.com kan kinders die aanlyn Afrikaanse kinderprogram Die Babbelbende gratis kyk. In dié reeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer oor ons wonderlike wêreld leer. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek huisgenootwinkel.com om jou eie Paloeka-of Palawa-pop of Die Babbelbende se Groot storieboek te bestel. Kom leer ken Die Babbelbende – en geniet hulle vrolike geselskap saam…

8 MINUTE Die lengte van Steven se eerste fliek. Dit was ’n Western getiteld The Last Gun, en hy het dit op die ouderdom van 12 gemaak. 22 Sy ouderdom toe hy ’n sewe jaar lange kontrak met Universal Studios losgeslaan het. Sy eerste ware sukses was die TV-fliek Duel, ’n riller oor ’n verkoopsman wat op ’n hoofweg ry en besef die petroltenkwa agter hom het duistere motiewe. 1975 Die jaar toe Jaws, sy eerste fliek met ’n groot begroting, uitgereik is. Dit het die eerste fliek ooit geword wat die gesogte $100 miljoen-mylpaal by die loket behaal het. E.T. en Jurassic Park het ook op hul tyd loketrekords opgestel. 2 Dis hoeveel Oscars vir beste regisseur hy agter sy naam het: vir Schindler’s List en Saving Private Ryan.…

VIR Martina Navratilova is dit niks ongewoons om uitdagings te oorkom wat ander mense sou laat steier het nie. Sy het jonk al haar geboorteland verlaat om ’n nuwe lewe in Amerika te maak, sy moes mense se vooroordele en diskriminasie trotseer toe sy bekendgemaak het sy is gay, en sy het in 2010 borskanker geklop. Die laaste jare het dit egter begin lyk asof die gesukkel oor is en of die 66-jarige met 18 Grand Slam-titels agter die blad die goeie lewe kan lei waarvoor sy so hard gewerk het. Sy en haar vrou, die gewese skoonheidskoningin en werklikheidster Julia Lemigova, woon in ’n pragtige huis in Miami saam met Julia se twee dogters en ’n hele trop troeteldiere. Martina reis die wêreld vol as kommentator by die grootste…

’NMENS ken haar uit flieks soos Black Panther en 12 Years a Slave. En jy weet waarskynlik vir laasgenoemde het sy ’n Oscar as beste vroulike byspeler gewen. Maar weet jy enigiets oor Lupita Nyong’o se privaat lewe? Weet jy met wie sy al uitgegaan het? Kan jy enige sappige brokkies oor haar liefdeslewe noem? Waarskynlik nie. Oor haar privaatheid waak dié 39-jarige aktrise, wat van Keniaanse en Mexikaanse afkoms is, omtrent soos die vreeslose vrouekryger wat sy in Black Panther gespeel het. Toe die skindertonge so ’n ruk gelede wou-wou bespiegel dat sy met Michael B. Jordan (35), haar medester in Black Panther, uitgaan, het sy bloot geswyg en die gerugte laat bedaar. Toe daar gefluister is sy en die akteur Jared Leto (51) is meer as net vriende,…

DIE akteur ALEC BALDWIN (64) is amptelik van twee klagte van manslag aangekla omdat hy die rolprentfotograaf Halyna Hutchins in 2021 per ongeluk op die stel van die rolprent Rust doodgeskiet het. HALYNA (wat 42 was) is noodlottig gewond toe die vuurwapen waarmee Alec gerepeteer het ’n regte koeël afgevuur en haar in die bors getref het. Die kantoor van die staatsaanklaer van Santa Fe het hul ondersoek verlede maand afgehandel. Sowel Alec as die fliek se wapenhanteerder, HANNAH GUTIER-REZ-REED, word aangekla. Die akteur kan 18 maande tot vyf jaar tronkstraf kry as hy skuldig bevind word, maar sy regspan gaan nie handjies gevou sit nie. Die klagte “verwring Halyna se tragiese dood en verteenwoordig ’n verskriklike ongeregtigheid,” sê sy prokureur, Luke Nikas. “Mnr. Baldwin het geen rede gehad om te…

WAT de? Haar eerste reaksie was skok. Verbeel jou hoe Claudia Henkel moes voel toe ’n vriend haar bel en sê: Ek sien jou egskeiding is voltrek. Nee dit is nie, het Claudia geantwoord. Hoewel sy en haar man, Orin Roesstorff, al ’n paar jaar uitmekaar is, is hul egskeiding nog nie amptelik deur die hof bekragtig nie. Die departement van binnelandse sake bevestig ook hulle is nog wettig getroud. Maar hoe dan nou, wou die vriend weet, het jy dan nie gesien hy het intussen met iemand anders getrou nie? En toe moes sy sien: Ja, wragtie, dit lyk dan so! ’n Mens kan jouself skaars indink hoe verward sy moes voel toe Claudia die foto’s van die swierige makietie op sosiale media sien: Daar is Orin, die man…

DIS die begin van haar gr.10-jaar, ’n tyd in ’n tienermeisie se lewe wat vol pret, drome en nuwe ervarings moet wees. Maar wat is die beeld wat in die toekoms die 15-jarige Kristin Govender se gesin altyd van dié jaar sal bybly? Die toneel by ’n renstelonderneming in ’n Durbanse winkelsentrum, waar een van die karretjies eenkant staan met spatsels van Kristin se bloed aan weerskante. Hul dogter wat eenkant lê met haar kop verbind. En agter aan die bebloede renstel dié grusame besonderhede: die meisie se welige swart haredos wat met vel en al van haar kop afgepluk en om die kar se as gedraai is. Sommige lesers sal onthou hoe die 10-jarige Andrea Katzeff se hare en kopvel 20 jaar gelede op ’n Kaapstadse renstelbaan gruwelik afgeskeur…

SY WAS nog in doeke – en net ’n paar maande uit die broeikas waarin sy as vroeggebore baba versorg is – toe sy die eerste keer saam met haar bekende ma in die pad geval het. G’n wonder die 13-jarige Luca Human beskryf haarself vandag as ’n “reisiger” nie. Haar ma, die aktrise, vervaardiger en skrywer Margit Meyer-Rödenbeck, was destyds veral bekend as Dowwe Dolla, en hulle is kort ná Luca se geboorte saam Sun City toe waar Margit Huisgenoot se Skouspel moes aanbied. Sedertdien was konsertsale Luca se tweede huis. Eers toe sy ses was en begin skoolgaan, het die reise bedaar. Met kuns en vermaak in haar bloed is dit seker nie verbasend dat Luca vandag net so gemaklik soos haar ma kan konsert hou nie. Luca…

RUGAKNEE Asof puisies op jou gesig nie erg genoeg is nie, kan dit ook op jou rug knop uitsteek. Rugaknee word ge--woonlik deur oormatige sebumvervaardiging, en ’n opbou van dooie velselle veroorsaak,” sê die Australiese vel-en voedingskenner Fiona Tuck. Dit kan ook deur ’n hormonale wanbalans of genetiese vatbaarheid veroorsaak word, en ’n ongesonde dieet sal dit vererger, sê sy. As jy boonop gereeld oefen en sweet, sal dit ook nie juis help nie. Fiona sê afskilfering en diep reiniging is jou beste verweer teen die lastige knoppies op jou rug. “Maak seker jou skrop-en lyfwasmiddels bevat hidroksiesure om oortollige olie op te suig en porieë te reinig. Gebruik dit daagliks.” Wees ook versigtig vir ’n loofah-spons – dit kan ’n broeiplek vir bakterieë wees. Maak ook seker jy dra…

Skuld volg as ’n mens meer geld uitgee as wat jy verdien. Die ekstra geld wat jy be-stee, kan jy meestal net bekom as jy dit iewers leen. Voor jy jou oë uitvee, betaal jy elke maand al jou beskikbare geld aan rente op die ou skuld wat jy aan-gegaan het, en daar is te min geld oor vir noodsaaklikhede, wat nog te sê klein luukses. So ’n situasie kan maklik ’n skuldstrik raak waaruit jy gaan sukkel om los te kom, waarsku Tonia Pavlou, die adjunkfinansiëlebeampte van RCS, ’n finansiëlediensteverskaffer. Om dit te vermy moet jy by voorbaat weet wat jy maandeliks kan bekostig, en werklik probeer om nie daardie perke te oorskry nie. Party mense sal teenstribbel: “Maar die bank het dan gesê ek kwalifiseer vir ’n…

1 Die eerste seisoen van die misdaadreeks het kykers twee jaar gelede geboei. Lioness vertel die storie van Samantha Hugo (Shannon Esra) wat pas uit die tronk vrygelaat is. Sy was agter tralies vir bedrog wat haar man, Adrian Hugo (Jacques Bessenger), voor sy dood gepleeg het. Toe sy agt jaar later met haar kinders herenig word, vind sy uit haar man leef nog. 2 Seisoen twee spring weg met Adrian se tweede vrou, Bianca (Carla Classen), wat desperaat na haar vermiste man soek. Dié is begrawe in die tuin van Sam se ma, Charlotte (Fiona Ramsay). Sam moet haar seun, Liam (Joshua Eady), tot elke prys beskerm. Maar toe sy uitvind Adrian se dood was nie soos dit voorgekom het nie, is die leeuwyfie reg om te veg. 3 Die reeks van…

Hoe kondig jy ’n wêreldtoer aan? Wel, as jou naam Madonna is, op ’n ongewone manier – hoe dan anders? Die popster het die nuus oor haar wêreldtoer onlangs in ’n video op Instagram bekendgemaak wat haar 1991-toerdokkie Truth or Dare grappig navolg. Bekendes soos Jack Black, Lil Wayne en Amy Schumer verskyn in die video saam met Madonna waar die groepie kwansuis ’n ronde van die speletjie “truth or dare” speel – en dan daag Amy haar uit om ’n wêreldtoer te onderneem. “Dink jy mense sal na daardie vertonings toe kom?” vra die popster so ewe. Die antwoord? Natuurlik, ja! Madonna se Four Decades: The Celebration tour begin in Julie in Noord-Amerika. Die toer draai ook later in Europa, maar geen datums is nog vir Suid-Afrika – of…

WATERDRAER 21 JANUARIE – 18 FEBRUARIE Die lewe, liefde en jou huis is oorheersende temas in jou sterrekaart. ’n Mate van tweedrag word aangedui; dus sal alles afhang van hoe jy jouself en die situasie bestuur. Let daarop emosies kan op die 5de se volmaan buite verhouding opgeblaas word. Probeer dus om nie dit wat in daardie tyd gedoen of gesê word ernstig op te neem nie. Liefde moet nou diskreet wees. Probeer keer dat jou aandag te veel afgelei word. GELUKKIGE NOMMERS 4, 30, 45, 51, 43, 29 FIKSHEID & WELSTAND ◼ Houding oor oefening: Gaan stap gereeld of draf saam met vriende. ◼ Voorkeuraktiwiteit: rollerblade of vlugbal. ◼ Finansiële fiksheid: Jy hou op die een of ander manier kop bo water. ◼ Jou huis: ’n Plek van bymekaarkom…

BOEK TREES OF KRUGER (Braam van Wyk en Piet van Wyk) VIR OUDERDOM: ALMAL Bome gee ons suurstof en koelte en laat die natuur ekstra mooi lyk, maar daar is so baie oor bome wat jy nie weet nie! Hierdie nuttige boekie sal jou meer oor Moeder Natuur se bruin-en-groen wonders in ons grootste en bekendste wildparadys leer. Dit bevat inligting oor meer as 80 boomspesies in die park – van die grootste en die mooiste tot die algemeenste. FLIEK MUMMIES NOU IN FLIEKTEATERS. VIR OUDERDOM: 7+ Drie Egiptiese mummies gaan op ’n sending na hedendaagse Londen om die koninklike ring terug te kry wat deur ’n ambisieuse argeoloog, Lord Carnaby, van hulle gesteel is. Die lappe waai behoorlik ……

PLUS Saam met die tydskrif kry jy ook ’n boksie troefkaarte vir ure se speel. DIGITAAL Bestel ’n digitale uitgawe by magzter.com. BEL 021-406-4962  E-POS koop@huisgenoot.com ORDER Aanlyn www.media24shop.com…

EK IS ’n storieverteller én skrywer. Jy kan nie storie vertel as jy nie die narratief kan skryf nie. Een van die mooiste stories wat ek het, is die storie oor die watervrou. Ek het nou die dag ’n Kanadese groep na ’n watergat geneem hier op ’n plaas waar sy gewoon het. Hulle sê toe dit is opvallend dat sy – die watervrou – nie hier is nie, en ek vra toe vir hulle of hulle weet wat gebeur het. Sien julle hoe naby die gat aan die lusernland is, het ek verduidelik. Toe die plase aangelê is, was hier brullende trekkers en dorsmasjiene met baie geluide. Die water vat mos daardie trilling saam, en sy het toe besluit om te gaan. Sy is deur ’n gat. Hulle…

DIE MENSLIKE PAPILLOOM-VIRUS (MPV) is ’n seksueel oordraagbare siekte wat verskeie kankers kan veroorsaak, insluitend servikale en keelkanker. Fase 1-MPVkanker, wat Martina het, word gewoonlik met ’n kombinasie van chemoterapie en bestraling behandel. MPVpositiewe keelkanker reageer gewoonlik beter op behandeling as keelkanker wat deur rook en/of drankmisbruik veroorsaak word, sê die Amerikaanse onkoloog Otis Brawley. Die simptome van MPVkeelkanker sluit in ’n aanhoudende of verergerende seer keel, moeite met sluk, ’n knop en ’n verandering in die stem. Pasiënte kan ook oorpyn ervaar. In Suid-Afrika word twee stamme MPV – MPV-16 en MPV-18 – as hoërisiko beskou. ’n Entstof teen MPV is in Suid-Afrika vir meisies en vroue tussen nege en 26 jaar beskikbaar mits hulle nie seksueel aktief is nie.…

’n Mens het nogal groot skoene om vol te staan as jou pa HUGH MASEKELA is. Dié trompetspeler is al die vader van Suid-Afrikaanse jazz genoem. Hugh was ’n vurige aktivis teen apartheid en het baie jare in die VSA deurgebring. Daar het hy Sal se ma, Jessie Marie Lapierre, in New York ontmoet. Die paartjie het nooit getrou nie. Hugh is in Januarie 2018 oorlede. Hy het die laaste jare van sy lewe met die danser Nomsa Manaka gedeel. Sal se ma, Jessie, lewe steeds en het ’n baie hegte verhouding met haar seun. Sal is in die VSA meer bekend as hier in Suid-Afrika. Hy het daar oorkant vir hom ’n naam gemaak as TV-aanbieder en sportkommentator wat veral vir ESPN oor basketbal verslag doen. Hy is ook…

CINDY SWANEPOEL & CRAIG URBANI Die akteurspaartjie laat nie gras onder hul voete groei nie. Hulle het mekaar verlede jaar op die stel van Binnelanders ontmoet en ná net agt maande saam is hulle op pad kansel toe. “When you know, you know! Ek het vroeg geweet ek wil vir altyd saam met hom wees,” sê Cindy. “Craig het ook aan die begin van ons verhouding my mooi laat verstaan ‘dit is dit’, so ons albei is baie seker oor die verhouding en ’n lewe saam.” Hy het haar op haar verjaardag gevra en sy was heerlik verras. “Ek voel net meer en meer verlief, en dat ek die regte besluit geneem het om ja te sê.” Hulle besluit nog op ’n troudatum, maar wil ook nie te lank wag…

Regskenners is skepties oor hoe sterk die aanklaer se saak is en baie meen dit sal moeilik wees om nalatigheid aan Alec se kant te bewys. ’n Gewese Amerikaanse staatsaanklaer, Joshua Ritter, het aan Reuters gesê niks van die inligting wat openbaar beskikbaar is dui daarop dat die akteur se gemoedstoestand roekeloos genoeg was om aan daardie standaard te voldoen nie. “Ons het nie al die bewyse nie, maar dit voel steeds of die aanklaers voor ’n opdraande stryd staan. Dit lyk voor die hand liggend dat al die betrokkenes gedink het hulle oefen net ’n toneel,” sê Joshua.…

Vir baie van ons is dit ’n stryd om in hoëhakskoene te loop, maar dit lyk asof die akteur SHIA LABEOUF (36) dit sommer maklik onder die knie gekry het. Shia is in die kostuum van ’n Griekse godin gewaar op die stel van die sterbelaaide rolprent Megalopolis in Atlanta, Georgia. Francis Ford Coppola (83) behartig die regie en nog beroemde hoofspelers is ADAM DRIVER (39), Aubrey Plaza (38), Dustin Hoffman (85) en NATHALIE EMMANUEL (33). Megalopolis gaan oor ’n argitek wat New York in die nadraai van ’n groot ramp in ’n utopie wil herbou. Francis het die draaiboek in die 1980’s geskryf, maar die rolprent weens ’n tekort aan geld destyds op die lange baan geskuif. Dekades later kon hy die projek self finansier danksy die fortuin wat…

HY HET ’n moeilike tyd agter die rug – en dit wýs. Die maerheid van sy arms en sy los jeans verklap hoeveel gewig hy weens sy lang gesondheidstryd verloor het. Hy is nog ietwat bleek en onvas op sy voete. Dis al byna ’n jaar sedert Manuel Escórcio, ’n diabeet, skielik so siek geword het dat hy in die hospitaal beland het. Toe reeds het hy aan Huisgenoot vertel hy het 20 kg verloor. Tog was die sanger hoopvol dat hy gou weer sy ou self sou wees. Maar onlangs het hy nóg ’n groot terugslag beleef, vertel die man met die goue tenoorstem vandag hier by ’n lewenslange vriend se huis in Kaapstad. “Dit was ernstig. My liggaam het begin afskakel. Ek was amper, amper daarmee heen,” vertel…

SÓ LYK gesond. Smeulend. G’n wonder die koppe draai wanneer sy verbystap nie. Maar sy is nie sommer net so geskape en so gelaat staan nie. Vanes-Mari du Toit (33) het die ure ingesit om van “fiks” ’n middelnaam te maak. Want al het sy voor die kameras roem verwerf as ’n veldaanbieder vir Kwêla en aanbieder van die maatsoekreeks Hoor my, sien my, soen my, het sy eers lank as Protea-netbalspeler van oefening ’n leefwyse gemaak. Sy kén gesond leef. Dis dan ook heel gepas dat Vanes-Mari die een is wat nou as aanbieder die deelnemers aanmoedig in die nuwe gewigsverliesprogram Die groot afskud. In dié VIA-reeks word kennershulp ingespan om oorgewig mense op koers te kry na ’n skraler, fikser, gesonder toekoms. Vanes-Mari is in haar element –…

KONFYT MET SESAMBESKUITJIES LEWER SOWAT 700 ml KONFYT EN 36 BESKUITJIES BEREIDING: 20 MIN. / GAARMAAK: 25 MIN. Die druiwe en olywe sorg vir ’n lekker soetsout-kombinasie wat goed by kaas pas. Die sesambeskuitjies is lekker bros en heerlik daarby. DRUIWEKONFYT ◗ 500 g swart of groen druiwe◗ 125 g swart of groen olywe◗ 60 ml (¼ k) balsemieke asyn◗ 125 ml (½ k) suiker◗ 15-30 ml (1-2 e) vars roosmaryn, gekap◗ 1 brandrissie BESKUITJIES 375 ml (1½ k) witbroodmeel◗ 5 ml (1 t) bakpoeier◗ 80 ml (⅓ k) olyfolie◗ 125 ml (½ k) yskoue water◗ 60 ml (¼ k) sesamsaad◗ ekstra olyfolie◗ ekstra sesamsaad en soutvlokkies vir bo-oor sprinkel VIR VOORSIT ◗ ricottakaas en/of geroomde kaasrolle◗ druiwetakkies wat vooraf effens gerooster is in die oond (andersins vars vrugte soos vye…

NÓG MANIERE OM TUIS KOEL TE BLY ◼ Bring skadu aan in die buiteruimtes wat bedags die meeste son kry. ◼ Vervang deurskynende gordyne met uitblokgordyne of voeg dit by bestaande vensterbedekkings soos hortjies of blindings wat privaatheid en sonbeskerming bied. ◼ Kies beddegoed wat asemhaal – ook lakens, duvets en duvetoortreksels wat bedekking bied sonder ekstra hitte. ◼ Hou in die somer jou huis se vensters toe op die warmste deel van die dag, en maak dit op die koelste deel oop. Jy kan ook windwurms en briesblokkers inspan om te keer dat warm lug onder deure inglip. KRY DIT HIER @HOME HOME.CO.ZA 0860-834-834; ASHANTIDESIGN.COM 021-461-0367; BUILDERS.CO.ZA 0860-284-533; GAME.CO.ZA 0861-426-333; INDIAINK.CO.ZA 072-623-8523; KNUS.CO 087-550-7600; MAKRO.CO.ZA 0860-600-999; MRPHOME.COM 064-584-1000 (WHATSAPP); TAKEALOT.COM 087-362-8000; TAYLORBLINDS.CO. ZA 0861-182-9567; VOLPES.CO.ZA 041-402-6800 HOEWEL ONS ALLES…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. ‘AL IS JY HOE BANG, MOENIE STILBLY NIE. HOE GOUER DAAR WERK VAN GEMAAK WORD, HOE BETER’– IRMA Dis reeds ’n paar weke sedert die skooljaar afgeskop het en die skole is in rep en roer. Vir baie kinders is skool een groot avontuur, maar vir hopeloos te veel is dit ’n nagmerrie – omdat hulle slagoffers van boelies is. Kinders wat ander…

Sy het kykers met die eerste seisoen van Die kontrak bekoor, maar destyds die derde plek in die TV-sangkompetisie behaal. Nou, byna vier jaar later, reik Deidré Barnard eindelik haar debuutenkelsnit uit – en dis getiteld “Beskerm jou hart”. Die liedjie, uit haar eie pen, vertel hoe belangrik dit is om nie jouself te verloor in die aanslae en seerkry van die lewe nie. “Ek het in my lewe al baie seergekry en op die harde manier geleer dat almal se intensies nie altyd so opreg is soos hulle voorgee nie,” vertel sy. Maar as jy weet wie jy is en wat vir jou belangrik is, is die aanslae makliker om te oorkom, sê sy. ’n Musiekvideo vir die liedjie word binnekort uitgereik. Daar’s nóg planne vanjaar: Sy wil ook…

GROOT BLOKRAAI WEN ’N BOEK VAN TAFELBERG PLUS KOM IN AANMERKING VIR DIE MAANDELIKSE TREKKING VAN R1 000. NO 2 477 KOMPETISIEVRAAG Watter Oosterse kuns is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Hierdie week wen een leser Koöperasiestories deur PG du Plessis (Tafelberg, R240). PG du Plessis was een van Afrikaans se meestervertellers. En met Koöperasiestories, wat ook as ’n gewilde televisiereeks uitgesaai is, het hy volksbesit geword. Hierdie heruitgawe is ’n keur van die geliefdste humoristiese kortverhale oor die lief en die leed van die mense in die plattelandse dorpie Gezinasrus. Flambojante en eksentrieke karakters soos Veldsman, Genis, Vissertjie, Myta, oom Botes en die Pieterses kruip ten spyte van hul stommighede en streke, sommer baie diep in…

TOE sy nie vir die Olimpiese Spele in Tokio gekwalifiseer het nie, het die marathonatleet Erchana Murray-Bartlett vir haarself ’n nuwe uitdaging gestel: Sy wou reg oor Australië hardloop van noord tot suid – en in die proses sou sy ’n wêreldrekord probeer breek. Die roete was 6 300 km ver – dis so goed iemand hardloop vier en ’n half keer heen en weer tussen Kaapstad en Johannesburg! Om dit reg te kry, het Erchana 150 dae lank elke dag ’n marathon gehardloop. Dit is ’n nuwe wêreldrekord vir die meeste agtereenvolgende daaglikse marathons deur ’n vrou. Sy het ook geld ingesamel vir ’n natuurbewaringsorganisasie. Hoe pak ’n mens so ’n uitdaging aan? Stukkie vir stukkie, het Erchana aan die BBC gesê. “Selfs al is jy soms toe onder…

◼ Gunstelingklere: my wit-en-grys hempie. ◼ My familie, vriende en sport maak my deesdae gelukkig. ◼ Instagram is die app wat ek die meeste op my foon gebruik. ◼ Ek sal elke dag ’n lekker pasta kan eet. ’n Bacon pasta-vibe. Ek hou van bacon. Of enigiets seekos. ◼ Spider-Man is my gunstelingsuperheld. ◼ Ek kry baie seer. Ek kry so baie seer, ek moet nou eers dink. Ek’t al my arm gebreek. Ons het ’n oprit gebou hier agter en groot trekker-tyres daar gesit en besluit ons gaan nou oor die oprit met ’n fiets ry en oor die tyres spring. En daar gaan ek eerste, en ek breek my arm. Ná die tyd het ons gedink: 'Hoekom het ons daai gedoen?'…

HET jy al ooit per ongeluk aan ’n vlam of warm stoofplaat geraak en dan gesien hoe jy jou hand vinnig wegruk nog voor jy selfs daaroor kon nadink? Dis asof daar iets in jou liggaam is wat jou teen gevaar beskerm. Daardie “iets” is jou senuweestelsel wat jou liggaam beheer en seker maak ál die verskillende dele van jou lyf kan met mekaar kommunikeer. Dié kommunikasie gebeur blitsvinnig, en dis die rede waarom jy nie jou hand lank genoeg teen die hitte gehou het om dit lelik te verbrand nie! Die senuweestelsel bestaan uit twee dele – die sentrale senuweestelsel en die perifere senuweestelsel. SENTRALE SENUWEESTELSEL Die brein en die rugmurg is die twee organe (liggaamsdele met ’n spesifieke funksie) waaruit die sentrale senuweestelsel bestaan. Die brein beheer al…

HARRY is dalk nie veel van ’n leser nie, maar genugtig hy kan skryf. Of kan hy? So tussendeur die onthullings in prins Harry se opspraakwekkende boek, Spare, is dit die opvallende skryfstyl wat baie lesers laat kopkrap. Dis die hand van ’n gesoute skrywer; iemand wat goed vertroud is met die Engelse letterkunde. Maar ’n paar keer in die boek sê Harry hy is nie lief vir lees nie. En hy was ook nie juis ’n uitblinker op skool nie, erken hy. In sy vrye tyd sal jy hom selde met ’n boek in die hand kry. Gee vir hom eerder die buitelug, aksie en adrenaliensport. Maar dan blaai jy deur Spare en jy besef: Die boek lees soos die werk van iemand wat besonder belese is. Die sinne…

TOE die foon daardie dag lui en die nuus by hom insink, het hy nie ’n oomblik gehuiwer nie. Sy pa het laat weet: “Jou ma is siek.” Ricky Schroeder (32) het op die plek besluit om sy sakke te pak. Terug uit Gqeberha, waar hy nog vir die Southern Kings-rugbyspan as skrumskakel uitgedraf het, reguit Kaap toe om aan sy ma, Rika (toe 54), se sy te wees en die res van sy familie in dié moeilike tyd by te staan. Rika het destyds in 2017 ’n groot hartoperasie ondergaan, en daar was ’n kans dat sy dit nie sou oorleef nie. Sy het wonderbaarlik herstel, maar kort daarna ’n terugslag gehad en in 2018 is sy oorlede. As hy nou terugkyk, is Ricky bly hy het besluit om…

HY HET al sy slag as akteur en sanger gewys. En nou maak REYNARDT HUGO ook sy debuut as regisseur met kykNET se nuwe dokumentêre reeks, Net mens. In elk van die agt episodes maak ’n plaaslike bekende hart oop oor die uitdagings van ’n lewe in die openbare oog – en dis nie alles maanskyn en rose nie. Onder die bekendes wat hul stories met kykers deel, is die Binnelanders sterre Hykie Berg en Kim Cloete. Die rapper Early B en die sangers Elandré, Refentse en Dirk van der Westhuizen sal ook te sien wees. Reynhardt vertel hulle vertellings sal jou ’n sensitiewe dog eerlike insae in hul lewe gee – van hul grootwordjare tot op die kruin van hul loopbaan en die gebeure wat die voorblaaie gehaal het.…

◼ Sien en voel die resultate met behulp van fiksheidskenners. ◼ Jy kan die maklike aanwysings tuis op jou rekenaar, tablet of slimfoon volg. ◼ Jy benodig min of geen toerusting nie en slegs internettoegang. ◼ Betaal een keer en kry lewenslange toegang. NET R495 per program Skud tot 1 kg per week af met ons gewilde eet-en oefenplan vir vroue. ✔ 12 weke lank. ✔ Eenvoudige, aanpasbare spyskaart. ✔ Gesonde, vullende maaltye. ✔ Illustrasies wys jou hoe om die oefeninge te doen. ✔ Doen die oefeninge tuis. Besoek klopdieskaal.co.za vir nog inligting of om aan te sluit. Kry ’n plat maag met ons eet-en oefenplan vir mans. ✔ 12 weke lank. ✔ Gesonde, vullende maaltye. ✔ ’n Verskeidenheid oefeninge om jou maagvet weg te brand én spiere te bou.…