Indholdsfortegnelse for 9 February 2023 i Huisgenoot

1 ‘EK IS BLY EK HET NOOIT OPGEGEE NIE’ Zinhle Jiane vier haar matrieksertifikaat nadat sy 16 km per dag skool toe en terug moes stap. Sy is die eerste in haar familie wat matriek slaag Welgedaan Zinhle! Ek het sommer baie respek vir jou. En ek is so bly dat al jou harde werk toe beloon is, dis net wat jy verdien. Mag dit net baie goed gaan met jou in die toekoms en die loopbaan wat jy gaan aanpak. HESTER Wow, baie geluk. Dit wys net weer op die waarheid van die ou gesegde: Aanhouer wen. So trots op jou. Mag jy nog vele hoogtes in jou lewe bereik, en mag jou getuienis ander aanspoor om ook bo hul omstandighede uit te styg. MALINDA Jy is ’n engelkind en…

GEEN vrou is net één identiteit nie. Binne ons is daar baie dinge. Ook in haar. Ja, ons ken Diaan Lawrenson as aktrise en as uiteenlopende karakters op die skerm: die borrelende Paula van der Lecq in 7de Laan, die slinkse Joey Steyn in Spoorloos: Steynhof, en meer onlangs as Anet Ludik in die Afrikaanse Netflix-drama Ludik. In haar persoonlike lewe is sy die vrou van die akteur Jody Abrahams, wat in Arendsvlei speel, en die ma vir hul twee kinders, Olivia (12) en Thomas (10). Maar Diaan is ook ’n sakevrou, ’n mentor vir ’n nuwe generasie, en die afgelope vier jaar reeds dekaan by die Kaapse kampus van die Afda-filmskool, waar studente leer van vervaardiging, toneelspel en kreatiewe skryfkuns. In 2021 het Diaan, ’n bekende gesig op ons…

ALMAL is meteens benoud. Daar is ’n nuwe vorm van kunsmatig intelligente sagteware wat omtrent net so goed soos ’n mens kan skryf, word rondvertel. Jy gee dit ’n onderwerp en dit ryg binne sekondes vir jou ’n opstel uit. Dit word ChatGPT genoem. Onderwysers is benoud dat geen kind weer hul eie opstelle gaan skryf nie. Akademici vrees studente sal opdrifsels uit die kuberruim as hul eie opdis en plagiaat pleeg. Sangers vrees die masjien sal hul lirieke aanpas en as sy eie uitspoeg; skrywers wonder of lesers sal swig voor boeke wat geskryf is deur ’n klomp algoritmes. In die toekoms gaan jy nooit weer weet of daardie innige liefdesbrief wat jy van jou beminde ontvang inderdaad uit hul hart kom en of dit deur ’n blikbrein geskryf…

LIEFDE is in die lug. ’n Onvergeetlike geur wat talm lank nadat die omhelsing geëindig het, is ’n moet. Wat ook al jou gunsteling-geur – ’n sweempie lentebloeisels, ’n vars reënbui, ’n woudstroompie – dié nuwe en klassieke geure gaan jou sintuie bederf en almal betower met wie jy Valentynsdag wil deel! Ete vir twee ’n Ryk, smeulende en pikante geur is die regte keuse vir ’n romantiese aandjie uit. Parfuum met seder, muskus, vanielje, amber, blom-en houtnote is sexy, dapper en geheimsinnig en sal vir seker ’n blywende indruk laat. BEPROEF DIT ’n Intieme aand by die huis ’n Rustige fliekaand op die rusbank of ’n intieme ete by kerslig sal daardie ekstra element van luuksheid, sofistikasie en verleidelikheid kry met poeiergeure. En danksy hul muskusen sagte blomkombinasies –…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. KAN EK ’N KANS OP GELUK WAAG NÁ MY MAN SE DOOD? V My lewensmaat is verlede jaar oorlede. Ons was 10 jaar lank ge-troud. Ek het daarna gedink dat ek nie weer ’n man in my lewe wil hê nie. Onlangs het ek vir my ’n woonstel in ’n aftreeoord gekoop en ek geniet dit baie om daar te woon. Toe vind…

Aanhangers moes vyf jaar lank vir ’n nuwe album van MARY J. BLIGE wag, maar toe sy verlede jaar Good morning gorgeous uitreik, kon selfs sy nie die sukses daarvan voorspel nie. Die R&B-sangeres se album is vanjaar vir ses Grammys benoem, onder meer vir album van die jaar en beste R&B-liedjie. Die prysaand vind vanjaar op 6 Februarie in Los Angeles plaas. Haar jongste musiek word vanuit alle oorde deur kritici geprys – ook deur haar kollegas in die bedryf. “Mary is een van die grootste storievertellers in die R&B-geskiedenis,” het die rapper Diddy onlangs aan People gesê. “Sy is in baie opsigte ’n pionier – en ’n voorloper wat die pad vir ander vroue gelyk gemaak het.” Mary se debuutalbum What’s the 411? is in 1992 uitgereik. “Ek…

GROOT BLOKRAAI WEN ’N BOEK VAN HUMAN & ROUSSEAU PLUS KOM IN AANMERKING VIR DIE MAANDELIKSE TREKKING VAN R1 000. NO 2 478 KOMPETISIEVRAAG Watter adellike titel is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Hierdie week wen een leser Marinda se koskas deur Marinda Engelbrecht (Human & Rousseau, R260). “Die resepte in hierdie boek het ek fyn uitgekies. Dit is kos wat ék sien as onthoukos.” Marinda se koskas maak voorsiening vir ontbyt, sop en voorgeregte, brood en beskuit, slaai, seekos, vleis, groente, pasta en bygeregte, nageregte, terte, koeke en ander soetigheid. Dit is lipleklekker kos wat jy in ’n japtrap kan berei sonder fieterjasies of vreemde bestanddele. Die resepte is in alledaagse taal geskryf vir elke…

1 In watter sportsoort blink Marizanne Kapp vir Suid-Afrika uit? 2 Wat is die hoofstad van die Europese land Letland? 3 Wie het die boek Oliver Twist geskryf? 4 In watter land sal jy die antieke stad Chichén Itzá aantref? 5 Watter Suid-Afrikaanse fliek het in 2006 die Oscar vir die beste buitelandse fliek gewen? ANTWOORDE 1. Krieket 2. Riga' 3. Charles Dickens 4. Mexiko 5. Tsotsi BRONNE THEGUARDIAN.COM, BOXOFFICEMOJO.COM, EDITION.CNN.COM, NETWERK24.COM, UPI.COM, PHYS.ORG…

GRAAD R-3 OUDERDOM 5+ NET R165 OEFEN SAAM Dis sommer twee vlieë met een klap: gehaltetyd saam met jou kind én ’n beter begrip van wiskundige konsepte. Die wiskundeflitskaarte bevat genoeg kaarte om jou kind op vele vlakke van basiese wiskunde uit te daag. Of jy nou jou gr. R-kind wil voorberei vir gr. 1, of grondslagfasekonsepte wil vaslê, dié kaarte maak dit hope pret. ELKE PAK KAARTE BEVAT • 1 kaart elk van 0 en 13-100 • 2 kaarte elk van 1-12 • Alle bewerkings (+ - x ÷ = > <) • ’n Gelamineerde horlosiekaart • 7 kaarte vir die dae van die week • 12 kaarte vir die maande van die jaar • Kaarte vir al die seisoene HOE GEBRUIK EK DIE KAARTE? Oefen speel-speel met die…

DIE jonges boer nou pal daarop, en jy het dalk ook al self na ’n paar kort video’s daarop gekyk. Die sosiale platform TikTok is niks nuuts nie, en die wêreld en sy maat verslind die dermiljoene brokkies wat daarop gedeel word. Maar wat op dees aarde beteken van daardie hashtags wat so gereeld by die video’s gebruik word? En hoekom lyk dit asof ander gebruikers dan verstaan presies wat dit beteken, al is dit vir jou moeilik om te begryp? Dis die taal van TikTok – die aanlyn verwysingsraamwerk wat deur die nuwe generasie gebruik word. Maar hoe moet jy jou weg dan deur daardie #-woordeboek vind? Hier is jou kitsgids tot die A, B en C van TikTok. A Algospeak verwys na die slengtaal wat inhoudskeppers gebruik om…

NIE alle aspirantakteurs kry dit reg om daardie voet in die deur te kry en ’n lewe in die kollig te leef nie. Baie moet ’n ander loopbaanrigting inslaan of járe wag voor die deurbraak kom. Dis waarom die aktrise Athina Jansen (29) jou effens onkant betrap wanneer sy erken dat sy ná Februarie nie meer op eie bodem vir rolle oudisies sal doen nie. Hoe dan nou? Sy is dan onse Bibi van Huisgenoot se aanlyn kinderprogram Die Babbelbende. Ons het haar ook as Shahiema in die kykNET-sepie Suidooster gesien en nou speel sy ook Maddy Arendse in die dramareeks Mooiweer en warm. Boonop was sy Tinkie in die kortfliek Vredesduiwe, wat in Desember uitgesaai is, en sy is ’n bekende stem op RSG, waar sy die programme Kompas…

SPIEËLTJIE, spieëltjie aan die wand, wie is die mooiste in die land? Dit kom dalk nie as ’n verrassing vir Bridgerton-aanhangers nie, maar “wiskundig bereken” maak REGÉ-JEAN PAGE se gebeitelde gelaatstrekke hom die mooiste man in Hollywood. In ’n nuwe studie gegrond op die “Goue Verhouding van Skoonheid” kry die akteur (34) ’n punt van 93,65%. Volgens die antieke Grieke bring dit hom baie na aan liggaamlike volmaaktheid. In die tweede plek is die Thor-akteur CHRIS HEMSWORTH (39) met 93,53%. Die Creed-ster MICHAEL B. JORDAN (35) kry 93,46%; en die sanger HARRY STYLES (28) behaal 92,30%. Nog sterre in die top-10 van “goue gode” is Chris Evans, Robert Pattinson, Henry Golding en Dwayne Johnson. Die Britse kosmetiese chirurg Julian De Silva, wat al jare lank die lys saamstel, gebruik digitale…

DIE kinderprentjie laat jou onwillekeurig glimlag. Dit wys ’n gelukkige stokmannetjiegesin wat ’n dag van waterpret in somerweer geniet. Maar daar is nog ’n element in dié vrolike toneeltjie: ’n rooi hartjie wat lyk asof dit van die gesinnetjie af opsweef na ’n enkele wolk langs die groot, geel son. Die pappafiguur is Erik Rautenbach (35) van Riebeeckstad in die Vrystaat, wat op 22 Januarie in ’n fratsongeluk by die Aldam-vakansieoord naby Ventersburg verdrink het. En die kunstenaar is klein Zonike Rautenbach (6), wat daardie dag probeer het om haar pappa te red. Erik het verdrink toe sy arm vasgesuig is deur die uitlaatgat van ’n kragtige pomp in die plonspoel van die waterglybaan by Aldam. En Zonike het desperaat probeer om haar pappa uit die suigkrag te bevry. “Ek…

Ek is so beïndruk met Martin se karikature dat ek vra of hy my ook sal skets. Gedurende ons onderhoud wys hy my die buitelyne. Dit voel omtrent asof ek in ’n spieël kyk. Nie net teken hy nogal akkuraat van ’n selfie wat hy van my aanlyn gevind het nie (geneem in die lente, kompleet met ’n blom in my hare); hy sit ook ’n ietsie by om meer oor my te vertel. As joernalis kry ek ’n notaboekie by, nes die een wat gewoonlik in my handsak lê. Ek lyk in my element. In die joernalistiek kry ons dikwels te doen met soveel hartseer – die vrolike karikatuur herinner my om nooit te vergeet dat ’n mens die mooi ook moet sien nie.…

BEETPASTA MET PANGRITATA & SPEK GENOEG VIR 4 MENSE / BEREIDING: 40 MIN. / STAAN: 30 MIN. / GAARMAAK: 15 MIN. PASTADEEG ◗ 1-2 bete, in die oond gerooster tot sag en geskil◗ 500 ml (2 k) koekmeel + ekstra soos nodig◗ 2,5 ml (½ t) fyn sout◗ 2 eiers, geklits PANGRITATA ◗ 30 ml (2 e) olyfolie◗ 100 g spek, gekap◗ 60 ml (¼ k) ciabattakrummels◗ 2 knoffelhuisies, gerasper◗ fyngerasperde skil van 1 suurlemoen◗ 60 ml (¼ k) gekapte vars pietersielie◗ 30 ml (2 e) gekapte vars basilie AFRONDING ◗ olyfolie, soos nodig◗ ekstra vars kruie◗ ’n paar dun skyfies rou beet (opsioneel)◗ ’n skeut suurlemoensap 1 Pastadeeg Plaas die beet in die bak van ’n voedselverwerker en pols tot fyn. Jy benodig ongeveer 60 ml (¼ k) puree.…

Oorweeg die volgende geurkonsentrasies voor jy koop: ◼ PARFUM Wanneer die botteltjie sê dis parfuum, is dit ryk, kompleks en ook duurder. Dit hou ook die langste van al die produkte omdat dit die hoogste konsentrasie geur en vlugtige olies bevat. ◼ EAU DE PARFUM EDP’s bevat dalk meer alkohol (en minder geur) as parfuum, maar het steeds ’n baie sterk geur en kan enigiets tussen vier en vyf uur lank hou. ◼ EAU DE TOILETTE ’n Ligter weergawe van parfuum en EDP. Die EDT en heelwat goedkoper as die ander twee. Dit hou vir twee tot drie ure. ◼ EAU DE COLOGNE Die EDC bevat die minste konsentrasie geur en is baie lig en vars. Ideaal vir somermaande. OP ’N LAASTE NOOT Laat jou parfuum langer hou deur dit…

Hier is ’n tikkie bemoedigende nuus: Jy kan die nare gevolge van ’n toksiese verhouding verwerk en soms selfs heeltemal daaraan ontsnap. Dit verg egter werk – en in party gevalle dalk selfs die hulp van ’n berader. “In my geval het dit regtig baie gehelp dat daar ’n professionele terapeut was wat my gewys het hoe om grense tussen my ma en my in plek te stel wanneer sy haar eise op my afpak,” sê Allyson. 1 HOU OP SKULDIG VOEL Om ander toe te laat om jou skuldig te laat voel, is om hulle ’n manier te gee waarop hulle jou kan manipuleer. Aanvaar dat jy soms mense gaan teleurstel en dat dit hulle probleem is, nie joune nie. Selfs al is dit ’n ouer. Jy hoef nie…

DALK moet jy verhuis danksy ’n nuwe werk, en huur lyk na die beste opsie. Maar dis nie sommer net van intrek nie. Verhuurders kan byvoorbeeld jou kredietrekord nagaan om te sien of jy die paaiemente sal kan bekostig. En wat is die huurder en verhuurder se verpligtinge? 1 UITGAWES WAT JY KAN VERWAG Onkoste is meer as net jou maandelikse huurgeld – selfs al is jou water en ligte ingesluit. Beplan ook vir dié uitgawes: ◼ ’n Deposito gelykstaande aan een tot twee maande se huurgeld (die kontrak moet die depositobedrag insluit). ◼ Die eerste maand se huur vooruit (huur is betaalbaar op die eerste dag van die maand). ◼ Elektrisiteit en munisipale tariewe as dit nie by jou huur ingesluit is nie. ◼ Jy sal dalk ekstra moet betaal…

OP PAD NA MOORMANSGAT Deur CHRIS KARSTEN Human & Rousseau, R305* DIS die verhaal van Billy Foster en Koos de la Rey – Billy, die berugte leier van die Foster-bende en Koos, die beroemde generaal en Boereheld. De la Rey is in 1914 in ’n padblokkade doodgeskiet en Foster is sowat 30 uur later om die lewe gebring. Chris Karsten weef hier ’n verhaal uit feite en sy verbeelding wat oor vyf dekades strek. Hy beantwoord ons vrae. Het die geskiedenis wat jy hier byhaal, jou nog altyd interesseer? My belangstelling was eerder in sekere karakters teen die agtergrond van daardie geskiedenis. Geskiedskrywers dokumenteer feitelike gebeure van buite af; ek wou historiese karakters van binne af ondersoek, kyk wat in hul kop en hart aangaan, veral kyk of ons –…

ONPAAR Koos se maat sê vir hom: “Wat ’n snaakse paar sokkies het jy aan Koos? Die een is rooi en die ander een groen!” Koos: “Ja, dit is baie vreemd. Jy sal my nie glo nie, maar ek het nog ’n paar by die huis wat presies dieselfde lyk.” JOHANNA RADEMEYER WAT JY SAAI… Ek en my man is al baie jare getroud, en jy kan ons niks vertel oor hoe om die romanse in die huwelik lewend te hou nie. Dié dat ek nou al klaar my blomme vir Valentynsdag geplant het. RIEVKAH BOARDMAN, POTCHEFSTROOM DWAALSPOOR Gert en Jan het te lank in die kroeg gekuier, en op pad huis toe beland hulle op ’n treinspoor. Jan: “Gert, my maat, jy sal ’n beter woonstel moet kry. Hierdie…

TRANE VAN BLYDSKAP Toe sy in Mei 2022 hoor sy het die rol van Miempie losgeslaan in kykNETse nuwe reeks Mooiweer en warm was die krane behoorlik oop. “En ek het dadelik my ouers met die goeie nuus gebel,” sê Minke (21), wat op Stellenbosch woon. “Kyk, ek is seker dis enige jong akteur se grootste droom om saam met hul rolmodelle die skerm te deel. “Ek was ongelooflik oorweldig, ongelooflik opgewonde om te kon leer by die legendes, en ongelooflik dankbaar dat ek deel kon wees van so ’n fantastiese rolverdeling.” Die reeks het bekendes in soos Kim Cloete, Brümilda van Rensburg en Beer Adriaanse. AAN DIE VOETE VAN LEGENDES Haar karakter is ’n “firecracker”. “Miempie se grootste vrees is om verveeld te wees, en sy veroorsaak gedurig kattekwaad…

DIE mense van Afrika suid van die Sahara het 2000 tot 4 000 jaar gelede in die streke wat ons nou ken as Nigerië, Kameroen en Soedan begin boer. Anders as jagterversamelaars wat agter die wild aan beweeg, het hierdie gemeenskappe langer tydperke op dieselfde vrugbare plek vertoef waar hulle hul oeste verbou het. Die eerste groepe van dié Afrikaboere het tussen 1 700 en 2 000 jaar gelede op soek na nuwe grond en ’n geskikte somerreënvalklimaat na die suide van Afrika getrek. Hulle het hul tale, vaardighede en idees saamgebring. Hul beeste, bokke, skape en hoenders het ook saam met hulle na die suide getrek. HULLE TREF DIE KHOISAN AAN Die Afrikaboere het ’n minder nomadiese leefwyse aangehang as die Khoikhoi-herders en San-jagter-versamelaars wat suidelike Afrika in…

DIE outjie van sewe onthou nie veel nie. Maar soos die meeste Zambiërs jou sal sê: Zambië is God se geskenk aan die aarde. Dis ’n pragtige land. Ek’s gebore in Chingola waar ons as kinders in die pad kon speel, maar as die straatligte aankom, het ons geweet dis tyd vir huis toe. As ek en my jonger broer stout was, het die bure jou ’n pak slae gegee. En dan het ons ouers ons ook ’n pak slae gegee, want as ons saam was, moes die een die ander gekeer het van stout wees. In 1963, ek was sewe, toe trek ons Suid-Afrika toe as gevolg van die politieke situasie in Zambië. Albei my ouers is van Suid-Afrika. My pa se ouers is van Ierland. My eerste herinnering…

SUIG die vetjies uit, stryk die plooie plat, lig die sitvlak. Sny ’n bietjie hier, botoks ’n bietjie daar – en siedaar! ’n Nuwe jy, en dit volgens jou eie ontwerp. Deesdae is daar so te sê niks wat jy nie met kosmetiese ingryping kan laat doen om aan jou voorkoms te beitel en te skaaf nie. Dis nou as die blote gedagte om jou rande te tel jou verveel. Dis aan die glansmense te danke dat ’n kosmetiese foefie so dikwels ’n gier word. Soos wangvetverwydering, oftewel “buccal fat removal” soos dit in hierdie kringe genoem word – dié ding van die oomblik en klaarblyklik die sleutel tot skerper gelaatstrekke. Wangvetverwydering is al in die 1930’s die eerste keer gedoen. Maar onlangs het dit hoogmode geword weens bekendes soos…

WANNEER ’n mens jou kop by die Van Vuurens se spitsdakhuis in Langeberg Ridge, Kaapstad, insteek, verwag jy half om ’n vrolike meisie-laggie te hoor. Maar dis tjoepstil en die skoolboeke op ’n werktafel is al teken dat ’n graadeentjie hier woon. Ná ’n rukkie loer ’n blonde koppie sku by ’n kamer in die gang uit. Dan kom klein Lara (6) agter ons kyk vir haar, en die koppie verdwyn weer vinnig. “Sy is vreeslik menssku,” sê haar ma, Jean-Mari van Vuuren (42). “Ons probeer regtig hard om haar ’n bietjie beter te kry tussen vreemde mense, maar sy sukkel.” Die Van Vuurens weet al dis beter om Lara tuis te los wanneer hulle winkel toe gaan en om kuiers by vriende te beperk. Maar dis vir hulle geen…

SOMS skop die lewe jou wéér wanneer jy reeds broos is. Hy was nog besig om die dood van sy pa, die musieklegende Johnny Clegg, weens pankreaskanker te verwerk, toe die tweede ondenkbaar pynlike slag die musikant Jesse Clegg tref. Sy beminde, die ma van sy kind, het ook uitgevind sy het kanker – en toe sy sterf, moes Jesse alleen agterbly om te sorg vir hul piepklein dogtertjie terwyl hy self rou oor die dubbele dood van sy geliefdes. Baie mense sou in so ’n situasie gaan lê en hoop verloor – en wie sou hulle kwalik neem? Maar Jesse het besluit om die pyn te verwerk op die enigste manier wat hy ken: Hy het sy hartseer in musiek omskep. Toe ons die 34-jarige sanger aantref in die…

MEDITASIE Waar EMDR jou aanmoedig om jou verlede oor en oor op te haal, wil mindfulness jou leer om eerder in die huidige oomblik te lewe, sê dr. Lilian Cabiron, ’n psigiater en lewens-en meditasieafrigter. Lilian vra dat ek my oë toemaak en op my asemhaling fokus. Af en toe wil my gedagtes by gister of môre se probleme gaan draai, maar dan por Lilian my aan om my aandag na my asem terug te bring. Sy stel voor dat mense elke dag tussen 10 en 20 minute só mediteer. Vir my voel dit vreemd om in ’n stil vertrek met my oë toe te sit en nié verveeld te wees nie, maar dit help dat Lilian daar is om my teenwoordig te hou. En ek kan nie jok nie,…

KRY DIT HIER @HOME HOME.CO.ZA 0860-834-834; BABYLONSTOREN SHOP.BABYLONSTOREN.COM 021-300-3919; BLOOMSPACE.CO.ZA INFO@BLOOMSPACE.CO.ZA; DESIGNSTORE.CO.ZA HELLO@DESIGNSTORE.CO.ZA; HERTEXHAUS.CO.ZA 021-948-4764; INDIAINK.CO.ZA 072-623-8523; KNUS.CO 087-550-7600; MRPHOME.COM 064-584-1000 (WHATSAPP); NIFTYPOSTERS.CO.ZA HELLO@NIFTY250.CO.ZA; VOLPES.CO.ZA 041-402-6800; YUPPIECHEF.COM 0861-702-4969 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANT-WOORDELIK GEHOU KAN WORD NIE.…

◼ “Kom tog net oor dit?” of “Jy is darem kort van draad” of ‘‘oorsensitief” – alles maniere waarop hulle probeer voorgee asof jou gevoelens irrasioneel is en nie saak maak nie. ◼ “Dis nie my probleem nie!” – hulle aanvaar geen verantwoordelikheid nie. ◼ “Hoekom doen jy dit aan my?” – hulle gee voor asof hulle die slagoffer is en alles oor hulle ongerief of pyn behoort te gaan. ◼ “Vir wat kan jy nie meer soos jou suster wees nie?” of “Jy is nes jou pa!” – hulle speel jou teen ander af of maak negatiewe vergelykings.…

HALLO, YOU! Die Amerikaanse akteur, musikant en podcastaanbieder is terug as Joe Goldberg in die vierde seisoen van Netflix se rillerreeks You. Die reeks, gegrond op Caroline Kepnes se topverkoperroman, ondersoek die vraag: Wat sal jy vir die liefde doen? In Joe se geval is die antwoord: Absoluut enigiets! Hy gebruik die internet en sosiale media om intieme besonderhede te versamel oor sy nuutste “liefde”. Sy belangstelling verander vinnig in ’n obsessie terwyl hy stilweg en strategies elke hindernis en mens in sy pad uitskakel. Penn (36) het onlangs gesê hy het nog nie hierdie vierde en jongste seisoen gesien nie, maar “dis beslis die jongste en uitdagendste seisoen, op ’n goeie manier. Dit verskuif grense.” HY HAAT JOE Penn is nie juis ’n aanhanger van Joe nie. “Hy is…

Verlede jaar, tydens IRENE-LOUISE VAN WYK se eerste verskyning by die Afrikaans Is Grootkonsertreeks in Pretoria, kon konsert gangers kwalik genoeg van haar kry. Nóg, nóg, nóg, sou jy die skare dikwels hoor skree. En sy stel nie teleur nie: Haar jongste enkelsnit, “Ek sê so”, is pas uitgereik. As die liedjie met sy “polsende dansritme”, soos sy dit self beskryf, vir jou half bekend klink, hier’s hoekom: Dit was die liedjie waarmee kykNET hul somerbemarkingsveldtog oor drie kanale gedryf het. “Dit is vir my so lekker om op te tree en te sien hoe die mense dans en saam sing,” vertel Irene-Louise oor hierdie liedjie. “Ek hoop ‘Ek sê so’ laat ander mense se voete ook jeuk om saam te dans.” Die liedjie is deur Roux Cloete geskryf. ’n…

WATERDRAER 21 JANUARIE – 18 FEBRUARIE Jou finansies lyk dalk op die oomblik soos ’n voëlnes, en jy voel dalk in die duister oor hoe jy die saak gaan bestuur en oplos. Daar is besliste hoop op die horison, en sodra Mer-curius, die planeet van die verstand en in-telligensie, op die 11de in jou teken gevestig is, sal daar groter helderheid van gedagtes kom. Probeer intussen om nie liggelowig te wees nie, en waak daarteen om mense te vertrou wat vir jou wonderbaarlike hulp bied. GELUKKIGE NOMMERS 8, 40, 46, 47, 45, 17 DIE WATERDRAER-STYLGIDS ◼ Elektriese blou is jou kleur. ◼ Eklektiese kleredrag is jou styl. ◼ Materiale wat glinster, blink of rek, spreek tot jou. ◼ Tik jou parfuum aan jou enkels om jou reuk die praatwerk te…

Nadat Walt Disney se eerste animasiefliek, Snow White and the Seven Dwarfs, in 1937 so ’n groot sukses was, het hy in 1940 sy tweede een bekend gestel: Pinocchio. Die fliek gaan oor die houtwerker Geppetto wat ’n houtpop maak wat danksy toorkrag lewe kry. Dit was die eerste animasiefliek om ’n Oscar te wen, en dit wen toe sommer twee – vir beste klankbaan en beste oorspronklike liedjie. Ondanks hierdie sukses het dit aanvanklik nie so goed gevaar by die teaters nie, meestal omdat die Tweede Wêreldoorlog dit moeilik gemaak het om dit ook in Europa en Asië bekend te stel. Maar toe dit in 1945 weer uitgereik is, het dit eindelik ’n wins gemaak. Mense beskou dit vandag nog as een van die beste animasieflieks wat al ooit…

In Januarie het Miley Cyrus se nuwe liedjie “Flowers” die wêreld omtrent soos ’n wrecking ball getref. Dit het die Spotify-rekord vir “mees geluisterde enkelsnit binne een week ná uitreiking” aan skerwe laat spat. En in Suid-Afrika was dit een van die mees gesoekte liedjies op Shazam. G’n wonder daar is soveel opgewondenheid oor haar komende album Endless Summer Vacation nie. Toets jou kennis oor dié popster terwyl jy wag. 1 Miley het “Flowers” geskryf oor haar akteur-eksman. Hy was: ◻ A: Chris Hemsworth ◻ B: Luke Hemsworth ◻ C: Liam Hemsworth 2 Haar pa is Billy Ray Cyrus. Wie is haar sangeressussie met treffers soos “July”? ◻ A: Noah ◻ B: Brandi ◻ C: Trace 3 “Flowers” is haar tweede boaan die Billboard Hot 100. Watter liedjie was haar…

Op huisgenoot.com kan kinders die aanlyn Afrikaanse kinderprogram Die Babbelbende gratis kyk. In dié reeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer oor ons wonderlike wêreld leer. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek huisgenootwinkel.com om jou eie Paloeka-of Palawa-pop of Die Babbelbende se Groot storieboek te bestel. Kom leer ken Die Babbelbende – en geniet hulle vrolike geselskap saam…

RYK NEETHLING Die Olimpiese swemheld het weer liefde gevind. Wie is die stylvolle skoonheid aan Ryk se sy? Haar naam is CHELSEA WILSON en hulle is verloof, verklap sy aan Huis genoot. “Sy is nie net ’n modebeïnvloeder nie, sy is ook ’n jokkie,” sê Ryk. Chelsea keer vinnig en sê sy is glad nie ’n beïnvloeder nie, maar vertel opgewonde sy het ’n paar naweke tevore aan die L’Ormarins King’s Plate deelgeneem. “Dit was my eerste jokkie-ervaring en my eerste wedren,” sê Chelsea. “Dis die beste ervaring van my lewe. Ek was gelukkig om vyfde plek te behaal en nie voor miljoene mense van die perd af te val nie.” AIMEE & STEVEN KITSHOFF Die Springbokrugbyspeler se vrou sit nie ’n modevoet verkeerd nie. Aimee het gestraal in ’n…