Indholdsfortegnelse for 2 March 2023 i Huisgenoot

1 ‘TYD HET ONS INGEHAAL’ Die televisieskrywer Paul C. Venter vertel hy en Saarkie was 10 jaar gelukkig getroud, al was hul ouderdomsverskil 44 jaar. Nou is dit verby. Agge nee! Ek het hulle twee by ’n 4x4-wedren ontmoet. Natuurlik op daardie stadium nie ’n idee gehad wie hulle is nie. Twee baie aangename mense. Die ouderdomsverskil is nie noodwendig die oorsaak nie. SANDPIPER Die effek van ’n groot ouderdomsverskil word eers later regtig gevoel. ’n Ouderdomsverskil van 20 jaar is erger wanneer die oudste een 70 word – en dus nie meer 50 jaar oud is nie, soos hulle 20 jaar tevore was! SANDRA Wat ’n klomp strooi praat party mense! Ouderdom het niks daarmee te doen nie. Miljoene mense – jonk of oud – trou en skei. Jammer dit…

AS SJAMPANJE ’n vrou was, was dit sy. Altyd borrelend, sprankelend, goeie geselskap en tuis voor enige kamera. Op haar beste, elke keer. Maar geen werkende ma se spreekwoordelike glas is altyd vol nie. Haar tenk ook nie. En mooie Minki voel ook maar soms nes die res van ons. ’n Bietjie oorweldig, effens gedaan en ietwat verskeur tussen die verantwoordelikhede wat gelyk in dié en daardie rigting beur. Dankbaar vir ’n bevoorregte lewe, maar ook net mens en soms ’n bietjie gebuk onder druk. Ja, erken sy vandag met ’n kyk in haar oë wat enige vrou herken. “Ek is moeg.” Nee, nie uitgebrand nie, sê sy. Maar sy hét haar hande vol. “Ek voel so skuldig as ek dit sê, want ek het ’n wonderlike Desembervakansie gehad. Ons…

Net 45 minute. Dít is hoe lank dit my geneem het om amper ’n tier te koop. Nie dat ek regtig die gekwoteerde R75 000 vir ’n volwasse tier, een “wat dadelik beskikbaar” sou wees, wou hoes nie. Ek wou ook nie “twee tot drie maande wag dat die welpies kom” sodat ek hulle “vir tussen R10 000 en R40 000 stuks” kon koop nie. Ek wou net as joernalis toets hoe moeilik of maklik dit dan is om eksotiese wild in Suid-Afrika in die hande te kry nadat tiere-astroeteldiere onlangs weer die nuus gehaal het. En dit is toe oënskynlik maklik. Onthutsend maklik. Op Google tik ek in: “tiere te koop”. Gou kom ek op webtuistes vir sulke transaksies af. Daar is foto’s van beskikbare tiere en selfoonnommers waar…

’n Mens hoor dikwels die waarskuwing om nie met fa-milie in ’n sakeonderneming betrokke te raak nie, en tog trap mense oor en oor in die slaggat – dikwels met rampspoedige gevolge. Jana van Jaarsveld, ’n sielkundige van Pretoria, sê om saam met jou sibbes sake te doen kan bydra tot jul vetes en ’n toksiese omgewing skep. Julle sien mekaar dan elke dag, en dit kan moeilik raak om jul persoonlike gevoelens en professionele omstandighede van mekaar te skei. Kom vooraf ooreen hoe julle die onderneming en jul geldsake sal bestuur, en vra ’n finansiële raadgewer of prokureur om te help om ’n ooreenkoms saam te stel. Vermy ook so ver moontlik om geld by of vir jou broer of suster te leen, waarsku Nadia. “Dis nie omdat jy…

LEES ALLES OOR Kate, prinses van Wallisprinses Charlene van Monacokoningin Rania van Jordanië koningin Letizia van Spanjeprinses Caroline van MonacoJetsun Pema van Bhutanprinses Sofia van Swedeprinses Mako van Japanen vele meer… LIEWER DIE VROUE WAT ALS VIR HUL MENSE OPOFFER NOU TE KOOP BESTEL SO BEL 021-406-4962 E-POS koop@huisgenoot.com Gaan na www.media24shop.com.…

TYD STAP AAN Die sensitiewe mev. Hoogenboezem moet ’n vorm voltooi. Maar toe sy by die plek kom waar sy haar ouderdom moet verstrek, huiwer sy baie lank. Agter haar word die tou wagtende mense ál langer. Later laat hoor die klerk ongeduldig: “Mevrou, dit help nie. Hoe langer jy wag, hoe erger gaan dit word!” KASOEPIE DRUKKERSDUIWEL Gehoor van die ou wat dood is omdat hy so slaafs die gesondheidsboek se raad gevolg het? Daar was ’n drukfout. L. SAAYMAN NEGE LEWENS “Dit lyk my daar is so wraggies lewe ná die dood,” sê die winkelbaas aan sy klerk. “Hoe so, meneer?” vra die klerk verbaas. Baas: “Want jou oupa vir wie se begrafnis jy gister die dag afgevat het, is hier om jou te sien.” LYNETTE, BETHAL STORIETYD…

GROOT BLOKRAAI WEN ’N BOEK VAN HUMAN & ROUSSEAU PLUS KOM IN AANMERKING VIR DIE MAANDELIKSE TREKKING VAN R1 000. NO 2 481 KOMPETISIEVRAAG Watter soort vloeistof is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Hierdie week wen een leser Polsslag deur Marie Lotz (Human & Rousseau, R315). Speurkaptein Alek Strauss en sy span onder-soek ’n raaiselagtige moord. ’n Vrou se lyk is in ’n bouval in Pretoria-Oos gevind. Adv. Lynn Rawlins is verwurg. Teen die muur staan in bloed geskryf: Spreche nichts Böses. Dr. Nadiya Patel, ’n forensiese sielkundige, is vas oortuig die moordenaar se modus operandi is ’n waarskuwing dat nog lewens in gevaar is. ’n Paar maande tevore, in Sandton, sukkel die juweliersontwerper Marlia Heystek…

1 Watter komponis het die musiek vir die bekende ballet Swanemeer geskryf – Tsjaikofski of Wagner? 2 By watter groot Amerikaanse prysuitdeling was Trevor Noah in Februarie die aanbieder? 3 Watter Amerikaanse swemmer hou die rekord vir die meeste Olimpiese medaljes wat nog ooit deur een mens gewen is (23 medaljes)? 4 Watter oseaan is die grootste? 5 Van watter Europese land is Reykjavik die hoofstad? ANTWOORDE 1. Tsjaikofski 2. Die Grammy-pryse 3. Michael Phelps 4. Stille Oseaan 5. Ysland BRONNE EDITION.CNN.COM, NYTIMES.COM, NEWSCIENTIST.COM, THE WEEK JUNIOR, SCIENCEALERT.COM, THEGUARDIAN.COM, DUCKSTERS.COM, NEWSFORKIDS.COM, WIKIPEDIA.ORG, REUTERS.COM, COLLINSDICTIONARY.COM, NYTIMES.COM, HACKERNOON.COM, NEWS24.COM…

5 Die getal Grammys wat Sam al gewen het. 1 Die getal Golden Globes wat Sam saam met sy medeskrywer, Jimmy Napes, gewen het vir “Writing’s on the Wall”, die James Bond-fliek Spectre se temalied. 128 miljoen Soveel YouTube-trefslae het die musiekvideo “Unholy” binne een maand gekry. 8,4 miljoen Soveel YouTube-trefslae het die musiekvideo “I’m Not Here to Make Friends” binne twee weke gekry. 2014 Die jaar toe Sam se eerste album, In Lonely Hour, uitgereik is. 18 Die ouderdom toe Sam se sangloopbaan begin het. 2 Sam se susters. Lily en Mabel vergesel Sam dikwels op reise en toere.…

TOE sy eindelik ná ’n maand uit die hospitaal ontslaan is, kon haar familie haar nie eens herken nie. Weg was die bekende gesig wat sy voorheen so goed versorg het, die gladde vel en mooi glimlag. In die plek daarvan was ’n verminkte masker – ’n nuwe gelaat waarvoor haar eie kleinkinders bang was. Sy kan vandag nie sonder pynpille deur die dae beur nie, en dit maak haar angstig om haar huis te verlaat – te veel mense staar na haar en fluister. Dit is al ’n jaar sedert Dipuo Kokolosi deur drie pitbullterriërs op haar werkgewers se werf in Potchefstroom aangeval en verskeur is. Die nuus oor haar skrikwekkende ervaring het destyds landwyd opslae gemaak. Maar in die lang maande sedert die voorval het haar swaarkry bly…

t – teelepel/s e – eetlepel/s k – koppie/s POKE EN RYS BEREIDING: 10 MIN. / GAARMAAK: 5 MIN. GENOEG VIR 1 MENS ◗ olie◗ 200 g tuna, in◗ 2 cm-blokkies gesny◗ 10 g sesamsaad◗ 50 ml sojasous◗ 2 k gaar soesjirys◗ 12 dun komkommerrepies (amper soos linte)◗ 2 velle nori (geroosterde seewier), knip in◗ 4 cm-grootte blokkies◗ 2 radyse, in dun repe gesny rooikool (een blaar baie fyn opgekap)◗ 30 g edamameboontjies◗ ¼ teelepel sesamolie◗ 90 ml ponzusous (Japannese sitrussous)◗ 5 g grasuie, fyngekap◗ gepekelde gemmer of wasabi vir voorsit (opsioneel) 1 Berei ’n middelslagpan op matig tot hoë hitte met ’n klein bietjie olie. 2 Verseël die tuna in die pan – dit moet halfgaar wees. 3 Haal uit die pan en plaas in ’n bakkie, sprinkel die…

KRY DIT HIER @HOME HOME.CO.ZA 0860-834-834; DESIGNSTORE.CO.ZA HELLO@DESIGNSTORE.CO.ZA; ELEVENPAST.CO.ZA 021-201-1211; HERTEXHAUS.CO.ZA 021-948-4764; ICONOMYONLINE.COM INFO@ICONOMYRETAIL.CO.ZA; ITALTILE.CO.ZA 011-510-9000; JETONLINE.CO.ZA 0860-834-834; KNUS.CO 087-550-7600; MONEXTERIORS.COM INFO@MONEXTERIORS.COM; MRPHOME.COM 064-584-1000 (WHATSAPP); TIGER-LILY.CO.ZA HELLO@TIGER-LILY.CO.ZA; WOOLWORTHS.CO.ZA 0860-022-002 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. NUWE BUURVROU IS ’N OORLAS V ’n Bietjie meer as ’n jaar gelede het ek in ’n nuwe huis ingetrek. Ek is 42 jaar oud en enkellopend. My buurvrou is ’n veel ouer vrou van in die 70 jaar. Sy het kinders wat in ander provinsies woon. Sy drink baie, kuier knaend by my en vertel oor en oor dieselfde stories. Sy verwag…

SUPERSTER IN ’N TREFFERFLIEK Die 46-jarige Colin is nou te sien in die bekroonde donker komedie The Banshees of Inisherin. Daarin vertolk hy die rol van Pádraic Súilleabháin. In die fliek bevind twee lewenslange vriende hulle in ’n ongemaklike situasie wanneer een van die twee skielik hul vriendskap beëindig, met kommerwekkende gevolge vir albei van hulle. “My karakter is gelukkig vir die eerste 30 sekondes van die fliek,” grap Colin oor sy rol in dié briljante Oscar-benoemde fliek. Dis nie die eerste keer dat Colin en Brendan Gleeson (Colm Doherty in die fliek) saamwerk nie. Hy en Brendan was in 2008 saam in die gewilde misdaadkomediefliek In Bruges. Hulle is al jare lank vriende, en Colin was bekommerd oor hoe hulle twee op die stel van The Banshees of Inisherin…

Sy het haarself vier jaar lank ’n “voltydse ma” genoem, maar Elizma Theron kon eenvoudig nie langer van ’n mikrofoon af wegbly nie. Nou het die sangeres pas ’n enkelsnit, “’n Man so na aan my hart”, uitgereik. Dié snit volg op haar laaste album, Hierdie hart brand liefde, wat in 2018 uitgereik is. En getrou aan haar vorige musiek, is haar jongste snit ook heilsaam en romanties – en altyd met ’n skeutjie tradisie. Dit vertel van paartjies wat al jare lank deur al die oppe en awwe ’n pad saam stap, en deur alles steeds verlief bly. “Dis ’n lekkerluister-, lekkerdans-en mooi liefdesliedjie,” vertel Elizma daaroor. “Dit vertel oor ’n soort liefde wat al ’n pad gestap het deur al die goed en sleg. En dan eindelik sê…

VISSE 19 FEBRUARIE – 20 MAART ’n Groot planetêre verskuiwing vind dié week plaas wanneer Saturnus, die planeet van karma, plig en volwassenheid op die 7de jou teken betree. Aangesien dit ’n sewejaarsiklus het, sal jy dalk wil aansluiting vind by wat in daardie tyd in jou lewe gebeur het. Jy sal baie tyd hê om aan sy stemming gewoond te raak, maar besin intussen waar jou prioriteite lê. Dit sal verskuif en verander soos jy nuwe verantwoordelikhede aanvaar. GELUKKIGE NOMMERS 19, 34, 51, 52, 35, 20 PISCES: LIEFDE EN ROMANSE ◼ Jy is een van die mees romantiese en idealistiese tekens. ◼ Let op ’n geneigdheid om op die liefde verlief te raak. ◼ Jy kan jou maat soms te veel op ’n troontjie plaas. ◼ Kies iemand wat…

EEN VAN AFROPOP SE GROOT STERRE Al geluister na haar trefferliedjies “Away”, “Rush” en nou ook haar jongste, “Sability”? Dan weet jy ook waarom die tydskrif Rolling Stone dié 20-jarige Nigeriese sangeres se lof so besing. Ayra Starr is die verhoognaam van Oyinkansola Sarah Aderibigbe, wat in Cotonou, Benin, gebore is. Sy was eers ’n tienermodel voor sy besluit het om haar musiekdroom op Instagram uit te leef – en dis danksy haar sukses op so-siale media dat Mavin Records haar toe ’n platekontrak aangebied het. Mavin bestuur ook vir Rema, wat die Afropopwêreld met “Calm Down” verower het. GROOT BEGIN Alles het in 2021 begin toe sy haar selfgetitelde kortalbum met die enkelsnit, “Away”, daarop uitgereik het. Die liedjie het opgeskiet tot by no. 17 op een van Billboard…

GELD Enigiets wat mense as betaling vir ’n produk of diens sal aanvaar. Daar is baie lank net eers muntstukke gebruik voor banknote (papiergeld) wat waarde verteenwoordig. RUILHANDEL Mense ruil goedere en dienste sonder om geld te gebruik. Jy kan dalk pouse toebroodjies met jou maat ruil vir iets anders wat jy graag wil hê. KOMMODITEITE Dit is artikels wat mense ruil, byvoorbeeld skape, beeste, ivoor, hout, goud en slawe. PROMESSE Dis ’n skuldbewys of skuldbrief wat ’n geskrewe belofte is om ’n bedrag geld op ’n sekere tyd te betaal. Jy koop nou ’n fiets vir R300 by ’n maat en belowe dan om teen die einde van die maand die R300 te betaal. ELEKTRONIESE BANKWESE Dit is die gebruik van die internet, selfoonapps, debietkaarte, kredietkaarte, kitsbanke (OTM’s) en…

Op huisgenoot.com kan kinders die aanlyn Afrikaanse kinderprogram Die Babbelbende gratis kyk. In dié reeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer oor ons wonderlike wêreld leer. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. ’n Episode is 12 minute lank. Op naweke deel ons ’n om - nibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek huisgenootwinkel.com om jou eie Paloeka-of Palawa-pop of Die Babbelbende se Groot storieboek te bestel. Kom leer ken Die Babbelbende – en geniet hulle vrolike…

PLANNE herskeduleer, vrieskaskos weggooi, ure aaneen in die donker sit – dit is die werklikheid waarmee Suid-Afrikaners maar alte bekend is. Tot dusver het ons vanjaar feitlik elke dag beurtkrag gehad weens Eskom se voortslepende treurmares. Party mense kan dit bekostig om derduisende rande vir sonpanele en kragomsetters (inverters) te hoes sodat hulle darem op ’n manier van die kragnetwerk onafhanklik is. Vir die res van ons is daar wel enkele voorlopige oplossings wat ’n bietjie verligting help bring. ONTHOU OM DIT IN DIE MUUR IN TE PROP SODAT DIT LAAI VÓÓR BEURTKRAG 1 KRY ’N RUGSTEUNPLAN ’n OKT of ononderbroke kragtoevoer (UPS of uninterrupted power supply) is die vinnigste en goedkoopste manier om kleiner elektroniese toestelle soos jou TV, rekenaar, modem, DStv en ’n paar ligte gedurende beurtkrag…

Sam het al heelwat verhoudings gehad wat hartseer geëindig het, en ’n mens hoor baie van daardie pyn in die sanger se vroeë treffers. “Ek voel asof ek daardie deel van my lewe afgesluit het waar ek heeltyd myself gee aan ouens wat my nooit gaan liefhê nie,” het Sam in 2014 aan die musiekwebtuiste The Fader gesê. “Dis nou alles daar gelaat en ek kan aangaan en hopelik ’n ou vind wat my kan liefhê soos ek hom liefhet.” Sam het weer liefde gevind by die model Jonathan Zeizel in 2014, maar die verhouding was ná twee maande verby. Daarna het ’n verhouding gevolg met die akteur Brandon Flynn van 13 Reasons Why  faam, maar die romanse was ná nege maande verby. In 2020 is Sam gewaar saam met…

’N Familievete het oor LISA MARIE PRESLEY se boedel losgebars tussen haar ma, PRISCILLA PRESLEY (77), en Lisa Marie se oudste dogter, RILEY KEOUGH (33). Lisa Marie, die enigste kind van die koning van rock, Elvis Presley, is in Januarie in haar huis aan ’n hartaanval oorlede. Sy was 55. Toe haar testament gelees is, is onthul sy het Graceland en die 15%-eienaarskap van Elvis se boedel aan Riley en haar 14-jarige tweelingdogters, Harper en Finley Lockwood, nagelaat. Sy het haar testament in 2016 gewysig en Priscilla daaruit verwyder. Dit het haar ma verras, aangesien Lisa Marie haar, saam met haar voormalige bestuurder, Barry Siegel, in ’n 2010-weergawe van haar testament ’n medekurator van haar boedel gemaak het. Priscilla het nou ’n regsgeding aanhangig gemaak om die geldigheid van die…

VAN Twitter kan hy net nie wegbly nie – selfs al beland hy gereeld in die pekel. Maar deesdae begin selfs sy aanhangers wonder: Jeuk sy vingers nie te veel nie? In sy rugbyspeeldae het Rassie Erasmus skares laat regop sit met die manier waarop hy sy teenstanders op die veld kon uitoorlê. En as Bokafrigter het hy heldestatus verkry as die hoofargitek van die Springbokke se 2019-Wêreldbekeroorwinning in Japan. Vir Suid-Afrikaanse rugbyliefhebbers is Rassie volksbesit. Om van sy kaskenades langs die speelveld nie te praat nie. Rassie is ook bekend vir sy uitgesprokenheid in video’s en op Twitter, waar sy kritiek teen skeidsregterbeslissings hom verlede jaar die tweede keer in die moeilikheid laat beland het by Wêreldrugby – en die tweede keer wedstryd skorsings op die hals gehaal het.…

VIR HAAR WINSKOPIES BONKIG RAAK FIKS PLATFORM AANGLIP BEDERF JOUSELF BONKIG RAAK FIKS PLATFORM AANGLIP VIR HOM WINSKOPIES BONKIG RAAK FIKS PLATFORM AANGLIP BEDERF JOUSELF BONKIG RAAK FIKS PLATFORM AANGLIP KRY DIT HIER ACKERMANS 0860-900-100; CALLITSPRING.CO.ZA; DECATHLON.CO.ZA; EDGARS 011-495-6000; FILA.CO.ZA; FOOTGEAR 087-159-7219; MARKHAM 0860-834-834; MILADYS 0800-212-535; MR PRICE 080-021-2535; NIKE.COM; OFFICE LONDON 087-285-9401; POETRYSTORES.CO.ZA; REEBOK.CO.ZA; SHOE CITY 0860-900-400; SIDE-STEP.CO.ZA; SOVIETDENIM.COM; SPORTSCENE 0860-834-834; SUPERBALIST.COM; THE FIX 0861-111-761; TOTALSPORTS 0860-834-834; VANS.CO.ZA; WOOLWORTHS 0860-022-002; ZARA.COM HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANT-WOORDELIK GEHOU KAN WORD NIE.…

EINDE September 2022 was Suid-Afrikaners se uitstaande verbruikerskuld reeds ’n yslike R2,2 biljoen (“trillion” in Engels). Ál meer mense oorweeg deesdae skuldberading. Ons beantwoord die 10 algemeenste vrae oor dié proses. 1 Wat is ’n skuldberadingsbegroting? Die skuldberader sal namens jou met krediteure reël om jou maandelikse terugbetalings meer bekostigbaar te maak. Maar eers moet die skuldberader na jou inkomste en uitgawes kyk, asook jou noodsaaklike lewenskoste, om te kan uitwerk hoeveel jy sal kan afbetaal. Daarvolgens sal hy dan vir jou ’n begroting uitwerk waarin hulle alles vir jou duidelik uitstip. Onthou Jy mag nie meer geld op skuld afbetaal as wat jy redelikerwys kan bekostig nie. Jy moet hierdie begroting goedkeur voor jy onder skuldberading gaan. 2 Kan ek ’n selfoonopgradering kry terwyl ek onder skuldberading is? As jou selfoonkontrak…

DISNEY+ ALASKA DAILY Drama. In hierdie dramareeks vertolk Hilary Swank die rol van Eileen Fitzgerald, ’n talentvolle en bekroonde joernalis wat verbrou. Sy verruil haar hoëprofiellewe in New York om by ’n plaaslike koerant in Anchorage, Alaska, te werk. Hier word sy deel van ’n span wat die waarheid agter ’n geheimsinnige verdwyning wil oopvlek. Sy hoop om haar lewe en beroep weer op koers te kry. 1 SEISOEN. 12+. HET JY GEWEET? Irene Bedard, wat Sylvie Nanmac in dié reeks speel, is bekend as die stem van die hoofkarakter in die Disney-animasiefliek Pocahontas (1995). NETFLIX OUTLAST Kompetisiereeks. Sestien geharde avonturiers moet in die wildernis van Alaska oorleef. Die beloning is $1 miljoen (R18 miljoen), maar daar is een groot voorwaarde: Hulle moet as ’n span saamwerk – al is…

Selfs Rihanna meen dit sal “mal” wees as sy nie hierdie jaar ’n nuwe album die lig laat sien nie, en die ganse wêreld stem saam met haar. Hoe dan anders? Anti, haar laaste album, is immers al in 2016 uitgereik. En haar blaaskans om op haar Fenty Beauty-skoonheidsmaatskappy en haar onderklerereeks, Savage X Fenty, te fokus, het bloot te lank geduur. Nou, nadat Rihanna pas by die Super Bowl se halftydvertoning opgetree en sommer die nuus oor haar tweede swangerskap bekendgemaak het, wil sy aanhangers gerusstel: Musiek is op pad. “Ek wil hê my nuwe album moet vanjaar uitkom,” vertel sy aan People. “Eerlikwaar, dit sal gek wees as dit nie vanjaar gebeur nie. Ek wil net pret hê, ek wil eintlik net musiek en musiekvideo’s maak.” Rihanna se…

MET rugsakke wat nog veels te groot is, splinternuwe skoolskoene en klere wat nog ingegroei moet word, was vanjaar se graadeentjies slaggereed vir hul eerste dag van “grootskool”. En die dapper glimlagte en vasberadenheid op dié haasbekkies se gesigte was genoeg om die grootmense sommer baie te beïndruk! Dit is vir elke leerder ’n groot oomblik om hul eerste skooljaar te vier, en daarom het Huisgenoot in samewerking met Ackermans vanjaar ’n kompetisie gehou om die jong klomp gepas toe te juig. Die inskrywings het vanjaar omtrent ingestroom, en lesers kon aanlyn op ’n spesiale stemblad op huisgenoot.com vir hul gunstelinge stem. Die eerste prys is R3 000 kontant, die tweede prys R2 000 en die derde prys R1 000. Nou kan dié drie graadeentjies hulself sommer lekker bederf of…

Dit was nie ’n nuwe storie nie, want The Sound of Music was eers ’n musiekspel wat in 1959 die eerste keer op die verhoog opgevoer is. Maar die fliek, met Julie Andrews as Suster Maria, die non wat die sewe Von Trapp-kinders al singende oppas, was ’n reusesukses. “Wie sê ’n mens kan nie geluk koop nie?” het The Hollywood Reporter in 1965 in hul resensie geskryf. “Solank as wat die regisseur Robert Wise se Sound of Music vertoon word, kan jy. En dit gaan vir ’n lang ruk wys. Maar moenie wag nie. Moenie jouself ’n oomblik langer as nodig van die genot ontneem nie. Moenie loop nie maar hardloop na die naaste kaartjiekantoor.” Die verfilming het in 1964 in Los Angeles, Kalifornië, en Salzburg, Oostenryk, gebeur. Dit…

Het jy onlangs ’n teksboodskap met die emoji’s , of daarin gestuur? Wel, dan is jy nie meer cool nie! Die Huffington Post en Daily Mail het einde verlede jaar ’n lys geplaas van 10 emoji’s wat “net ou mense nog gebruik”. Dit het TikTokkers op hol, want natuurlik wil die ouer generasie ook byderwets in die oë van tieners wees. “Help my, ek het pas ontdek dié emoji’s wat ek altyd gebruik, is nou oumensemoji’s. Asseblief, lig ons in. Ons probeer cool wees,” sê een TikTokker in ’n pleidooi aan die jongeres. Gelukkig kan Huisgenoot jou help! VERMY HIERDIE OORBEKENDE “OUMENSEMOJI’S” GEBRUIK LIEWER HIERDIE ● Om te wys jy voel skaam en verleë oor iets wat met jou gebeur het, gebruik jy hierdie twee emoji’s saam. ● Om te wys jy…

EK KAN nie anders as om ’n bietjie senuagtig te voel toe die rekening vir my middagete saam met Jay Shetty aankom nie. Dis nie dat hy my gedwing het om by hierdie duur plek te kom eet nie. Ek het dit gekies. Ons was ook nie vrate nie – hy is ’n gewese Hindoe-monnik met die eetlus van ’n skraal veganis, en ek is ’n skrywer op ’n beperkte begroting. Dit is net dat ek al stories gehoor het dat dit nie altyd goedkoop is om brood te breek saam met dié besondere oudmonnik wat deesdae ’n sosialemediaghoeroe, multimiljoenêr en lewensafrigter vir die sterre is nie. Dit kan, om presies te wees, £1 032,70 (R22 508,40) plus transaksiekoste wees. Dít is die prys van ’n BBP-pakket wat Jay vra…

Die Boer soek ’n vrou-aanbieder, MARCIEL HOPKINS, het die af-gelope paar jaar haar verjaardag al in die Maledives, New York en Zanzibar gevier. Ná haar sprokiestroue in April verlede jaar wou Marciel vir haar 30ste verjaardag nie ’n groot partytjie hou nie. “Ek het só lank uitgesien na hierdie mylpaalverjaardag, en om my 30 jaar van avonture hier op aarde uit ’n plek van dankbaarheid te kan vier!” sê Marciel. “My droom was om op ’n eksotiese eiland te verjaar waar ek elke oomblik kan inneem. Sugar Beach Hotel in Mauritius was die perfekte plek daarvoor.” Haar en haar man, HANDRÉ LOURENS, se week lange vakansie op die prentjiemooi eiland was alles waaroor sy gedroom het en meer. “Dit was ontspanne, idillies, en die weer het baie mooi saam gespeel.…

SY WAS die klassieke bikinimeisie, ’n asemrowende skoonheid wat die glans van die 1960’s vergestalt het. Huldeblyke stroom in vir die rolprentlegende en smeulende sekssimbool RAQUEL WELCH wat onlangs ná ’n kort siekte in die ouderdom van 82 by haar huis in Beverly Hills gesterf het. Die legendariese aktrise het haar loopbaan begin as prikkelpop in die fliek Fantastic Voyage, maar dit was haar ikoniese rol in One Million Years B.C. wat van haar ’n ster gemaak het. Raquel het in ’n loopbaan van 50 jaar resensente beïndruk met haar spel in flieks soos The Three Musketeers en die televisiereeks Right to Die. Maar haar seksbom-beeld, wat sy huiwerig aanvaar het, was moeilik om af te skud. Die Playboy-baas Hugh Hefner het haar eenkeer “vervelig” genoem omdat sy geweier het…

PIPPA MIDDLETON (39) spog sewe maande ná die geboorte van haar derde kind met haar vietse strandlyfie. Die jonger suster van Catherine, prinses van Wallis, het onlangs die son en see in Sint Bartholomeus saam met haar man, James Matthews (47), en hul twee kinders, Arthur (4) en Grace (1), geniet. Rose, die jongste lid van die gesin, is uit die son en kollig gehou. BRONNE: PEOPLE.COM, HARPERSBAZAAR.COM, PAGESIX.COM…