Indholdsfortegnelse for 16 March 2023 i Huisgenoot

1 ROOIKAART VIR RASSIE? Hy is ons held nadat hy die Bokke in wêreldkampioene omskep het. Maar ná sy tweede skorsing omdat hy internasionale skeidsregters aanlyn aanvat, sê party in rugbykringe Rassie Erasmus se twietvinger moet bedwing word. Is rugby en sy bestuur heilige koeie? Kan hulle nie kritiek ontvang en verwerk vir moontlike beter reëls of iets dergeliks ten goede vir die sport nie? Waarom die bohaai? RANDY Ek is ten gunste van Rassie se optrede. Waarom moet jy toelaat dat jy of jou span geboelie word? Wat het van vryheid van spraak geword? Go, Rassie, en moenie op jou laat trap nie. SAKKIE Ek het Rassie alontmoet. Hy is ’n great ou, maar ge noeg is tog protokol vir sulke ouens om hul griewe te lug, maar hy hou eenvoudig…

MY NOOI is in ’n nartjie… Nee wag, in hierdie liefdesgedig is sý aan die woord. In helderoranje maak Lea Vivier haar verskyning – ’n uitbundige bloeisel teen die agtergrond van Johannesburg se groen Melvillekoppies. Sy glimlag vir die kamera, draai en swaai met ’n swiep van haar rok. Sy weet nét hoe om voor die kamera te blom. ’n Aktrise in murg en been, geskool om gemaklik in die kollig te pronk. Voor kykers of gehore is sy nie bang nie, en tog het sy een swak plek wat haar knieë laat swik: haar aanstaande man. “Hy maak my op my senuwees wanneer ek my werk doen. Ek kan nie fokus nie,” lag Lea (31) terwyl haar verloofde, André Wilkens (37), toekyk hoe sy binnekortbruid vir Huisgenoot se voorbladfotosessie…

t – teelepel/s e – eetlepel/s k – koppie/s KEKERERTJIES MET JOGURTSOUS GENOEG VIR 2 MENSE / BEREIDING EN GAARMAAK: 20 MIN. JOGURTSOUS ◗ 250 ml (1 k) natuurlike jogurt◗ 60 ml (¼ k) hummus◗ 5-10 ml (1-2 t) harissa KEKERERTJIES ◗ ’n skeut olyfolie◗ 1 rooi-ui, gekap◗ 5 ml (1 t) fyngedrukte knoffel◗ 15-30 ml (1-2 e) harissa◗ 1 x 400 g-blik kekerertjies, gedreineer en afgespoel◗ 1 x 400 g-blik heel tamaties, grofgekap◗ 5 ml (1 t) suiker of heuning◗ 2 groot hande vol babaspinasie◗ sout en swartpeper, na smaak◗ 15 ml (1 e) natuurlike jogurt◗ 15 ml (1 e) elk gekapte vars pietersielie en basilieblare◗ ’n skeut vars suurlemoensap VIR VOORSIT ◗ klaarbereide koeskoes of pita 1 Jogurtsous Meng die jogurt, hummus en harissa en hou eenkant tot…

KRY DIT HIER ETHOS-STORE.CO.ZA 010-110-7722; HUMBLESAFFA.CO.ZA HUMBLESAFFA@GMAIL.COM; INDIAINK.CO.ZA JENNA@INDIAINK.CO.ZA; MRPHOME.COM 064-584-1000 (WHATSAPP); MUNGO.CO.ZA 010-595-2227; POETRYSTORES.CO.ZA 0860-555-529; SHEETSTREET.COM 087-754-2492; THEBEDROOMSHOPONLINE.CO.ZA 0861-382-283; TSHIRTBED.COM 021-001-4680; VOLPES.CO.ZA 041-402-6800; WOOLWORTHS.CO.ZA 0860-022-002 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. HET EK GEEN REGTE IN ’N SAAMBLYVERHOUDING ? V Ek het ’n ruk gelede ’n nuwe man ontmoet. Kort nadat ons mekaar ontmoet het, het my dogter haar eie lewe geneem. Dié nuwe man in my lewe het met baie van die koste ná haar afsterwe gehelp, en sedertdien dink my hele familie hy loop op water. Ek het by hom ingetrek en…

Jy ken hom waarskynlik reeds van Die Gelofte: ’n Musiekblyspel, of dalk selfs van sy debuutenkelsnit, “Koue pizza”. Maar al herken jy nog nie die naam Ilán van Staden nie, sal jy binnekort – en dis alles te danke aan sy jongste snit, “Ontlaai”. Die liedjie, geskryf deur Johan Vorster en David de Villiers, is onlangs uitgereik, maar is klaar gewild op radiostasies landwyd. “Dis ’n positiewe goedvoelliedjie,” vertel Ilán oor die snit. Dit gaan oor die waarde van introspeksie en om met tye te “ontlaai”, nes die titel sê. “Soms is ons onder soveel druk dat dit te veel raak. Dis dan wanneer jy moet stil raak, asemskep en doen waarvoor jy lief is – soos om te gaan jag, vis te vang, om om die bosveldvuur te ontspan…

GROOT BLOKRAAI WEN ’N BOEK VAN TAFELBERG PLUS KOM IN AANMERKING VIR DIE MAANDELIKSE TREKKING VAN R1 000. NO 2 483 KOMPETISIEVRAAG Watter titel is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Vyf sekondes voor Vrydag deur Ihette Senekal (Tafelberg, R150). Jana, ’n aspirantfliekmaker, raak verlief op Alex, die nuwe matriekleerling wat langs hulle intrek. Die verhaal sentreer rondom Jana se coming out. Net soos Jana is Alex ook versot op flieks en lid van die skool se fliekklub. Dan is daar ook Mia, Jana se matrieksuster, wat ’n universiteitstudent by ’n partytjie ontmoet. Jana se passie vir flieks maak help haar om haar ware gevoelens teenoor Alex te wys, en ook om Mia…

1 Aan watter land behoort hierdie vlag? 2 In watter land regeer Kim Jong-oen? 3 Waar in jou lyf sal jy die tibia aantref? 4 Wie het Dean Elgar in Februarie as kaptein van Suid-Afrika se toetskrieketspan vervang? 5 Watter Britse popgroep het die liedjie “What Makes You Beautiful” gesing? ANTWOORDE 1. Nepal 2. Noord-Korea 3. In jou been. Dit is een van die bene in jou onderbeen. 4. Temba Bavuma 5. One Direction BRONNE NETWERK24.COM, EDITION.CNN.COM, BBC.COM, CBC.CA, ESPNCRICINFO.COM, TELEGRAPH.CO.UK, NEWSFORKIDS.NET, OFM.CO.ZA, THEGUARDIAN.COM, WIKIPEDIA.ORG, COLLINSDICTIONARY.COM, BRITANNICA.COM…

THE MAGICIAN’S ELEPHANT 17 MAART OP NETFLIX VIR OUDERDOMME: OB Die jong Peter is op soek na sy langverlore suster en raadpleeg ’n waarsêer om uit te vind of sy nog leef. Die antwoord – dat hy ’n magiese olifant moet volg om sy suster te vind – is die begin van ’n merkwaardige reis. Onderweg moet hy ook die skynbaar onmoontlike doen wat sy dorp vir altyd sal verander. WE LOST OUR HUMAN 21 MAART OP NETFLIX VIR OUDERDOMME: OB Die helde van hierdie avontuurlike komedie is twee troeteldiermaats wat eendag wakker word en besef alle mense op aarde het verdwyn. Pud the Cat en Ham the Dog is desperaat om hul geliefde eienaar te vind, en vir die eerste keer waag hulle dit in die groot wêreld daar…

Waar staan ons tans met smart? Hoe pas rou hartseer by ons digitale wêreld in? Is dit verander deur die internet of die feit dat ’n sosialemediaprofiel steeds kan voortleef nadat iemand weg is? Wat beteken dit om in die tydperk van trolle en Facebook-herinneringe oor iemand te treur? Ek het van die nuwe wêreld van rou begin bewus raak deur Griefcast, die podsending wat ek in 2016 begin het om smart en dood te ondersoek. Mense wat rou, het my destyds genooi om na hul foon se skerm te kyk sodat hulle vir my hul dooie mens se foto kon wys. Asof dit normaal was. Ma pa is in 1998 oorlede, voor ons so volkome op die internet begin leef het. Dit was vyf maande voor Google geskep is,…

DAAR’S vandag ’n kragtige, kleurvolle orkaan wat hier deur die restaurant op die V&A Waterfront waai. En nee, dit het niks te doen met die Kaapse suidooster nie. Die verskynsel waarmee ons vandag te doen het, heet Terence Bridgett. En soos jy van dié veelsydige akteur en flambojante persoonlikheid sou verwag, is Huisgenoot se kuier saam met hom ’n prettige mallemeule met g’n saai oomblik nie. In sy korrespondensie oor vandag se onderhoud en fotosessie het Terence reeds ’n voorskou gegee van watter stemming ons te wagte kon wees: “Asseblief moenie die waaier vergeet nie, engel,” lees een versoek. “Ek is ’n sweter onder ligte. Op stel is daar ook heeltyd waaiers om my sodat die grimering nie loop nie.” Maar moenie ’n fout maak nie – agter die speelse…

‘Sy het baie van sy maniere. Sy is ’n bondel energie en straal hierdie aura uit. Heath was ook so. Dis wonderlik’– KIM LEDGER (HEATH SE PA) SY WAS haar pa, die akteur HEATH LEDGER, se oogappel en die publiekseharte het gebloei vir die tweejarige MATILDA LEDGER toe haar pa in 2008 dood is. Nou, 15 jaar later, beplan die 17-jarige om ’n brugjaar in Heath se geboorteland, Australië, te neem om meer oor haar beroemde pa se lewe te leer. Die Oscar-bekroonde akteur is op 28 dood aan ’n oordosis slaappille en medikasie wat hy vir ’n borsinfeksie gebruik het. Volgens bronne wil Matilda, wat trek na haar pa en ma, die aktrise MICHELLE WILLIAMS, tyd saam met Heath se familie deurbring wanneer sy oor ’n paar maande haar hoërskoolloopbaan…

SY WAS op die drumpel van die dood. Vir Christel Jackson, die vrou van die sanger Manie Jackson, moes dit eintlik ’n doodgewone operasie gewees het, iets waaraan sy al gewoond is. Sy sukkel haar hele lewe lank al met die een siekte ná die ander en is gedurig onder dokters se hande vir behandeling. ’n Nare val het dié keer daartoe gelei dat sy geopereer moes word. Christel kry al jarelankaanvalle – “blackouts” soos sy dit noem – wat dokters aan die blywende komplikasies van haar destydse kaakvervanging toeskryf. Toe sy onlangs weer struikel, het sy ’n spier geskeur en moes sy aan haar skouer geopereer word. Toe, daar in die hospitaal, gebeur dit. Net voor sy die teater binnegestoot word. Christelle se hart gaan staan. Botstil. Moontlik weens…

KAPPIETOPPE Lyk knus en oulik in dié “boyfriend hoodies” – ideaal vir die veranderende weer. Meng en pas dit hierdie seisoen met langbroeke of rompe in informele of deftige voorkomste. OORGROOT LANGMOUTOPPE Kies gerief en gemak in oorgroot langmoutops en oortrektruie. Kombineer dit met kortbroeke en tekkies of stewels vir ’n voorkoms met houding. HEMPBAADJIES Die hempbaadjie is hierdie herfs die volmaakte item vir ekstra bedekking. Kombineer dit met denim of kunsleer en skep lae met noodsaaklike stukke vir die kouer maande. JASSE Hierdie staatmaker is net die ding om jou in toe te wikkel. Modieuse kleure sluit oranje en vlootblou in. Bind jou jas met ’n belt vas vir ’n uurglassilhoeët. HERFSKLEURE Bruin is klassiek. Dra dit saam met oranje, geel en neutrale kleure of statige swart vir ’n…

SKRIKKERIG vir ’n virtuele bankkaart? Dit werk nes jou gewone kaart in jou beursie, maar bestaan slegs op jou bank se app. Hier is jou kitsgids – beproef dit! 1 WAT HET EK NODIG? ● ’n Bankrekening waaraan jou virtuele kaart gekoppel kan word. Al die bekende banke soos FNB, Nedbank, Standard Bank, Absa, Capitec en Discovery Bank bied virtuele kaarte. ● ’n Foon waarop jy jou bank se app kan aflaai. Om jou virtuele kaart te aktiveer, moet jy gewoonlik na die bankkaartblokkie op jou app se landingskerm gaan. Kies die opsie om ’n virtuele kaart te skep vir die spesifieke rekening waarvoor jy dit wil gebruik, en volg dan net die aanwysings. Onthou Jy kan meer as een kaart vir dieselfde rekening skep. (Die getal verskil van bank…

VER IN DIE WÊRELD Saamgestel deur FREDERIK DE JAGER Tafelberg, R275* In Ver in die wêreld is 23 stories opgeteken oor die lewe in die buiteland deur expatskrywers. Onder hulle is van ons topskrywers soos Marita van der Vyver, Zirk van den Berg, Eben Venter en Chris Karsten. Frederik de Jager, skrywer van Man op ’n fiets êrens heen en samesteller van Ver in die wêreld, sê: “Die boek gee ons ’n binnekyk op die lewe in die buiteland. “Die verhale is so uiteenlopend soos die per-soonlikhede wat hulle geskryf het en die streke waar hulle vandaan kom.” Ons het met van die bydraers gesels. JAMES SCOTT is ’n kliniese sielkundige en boorling van die Vrystaat. “Ek het dikwels gewonder wie so ver gaan om te emigreer. Is ons ’n…

GEEN KUDDE TE KLEIN Dit was ’n bitter koue winteroggend op die platteland, en net een boer en die predikant het by die kerk opgedaag vir die oggenddiens. “Wel,” sê die predikant, “ek dink daar is geen sin daarin om vandag ’n diens te hê nie.” “Wel, dis nie hoe ek dit sien nie,” sê die boer. “As net een koei met voertyd opdaag, voer ek dit steeds.” JOHANNA RADEMEYER WELVAARTPLAN ’n Opportunistiese jong man staan op trou met die dogter van die dorp se rykste man. “Ek hoop jy besef hoe ruimhartig en vrygewig die persoon is met wie jy trou,” sê die pa van die bruid toe hy haar by die kansel afgee. “Dit doen ek beslis!” antwoord die bruidegom. “En ek hoop sy het hierdie wonderlike eienskappe…

1 HY’S DIE ‘MOOD’ As jy nie soos SpongeBob SquarePants se pel Patrick onder ’n klip woon nie, ken jy beslis 24kGoldn se 2020-treffer, “Mood”. Dié enkelsnit was oral op TikTok en het van dié Amerikaner ’n internasionale rapper gemaak. In 2021 het hy sy debuutalbum, El Dorado, uitgereik. En nou’s hy terug met Bite, nog ’n enkelsnit wat dreig om aanlyn oor te vat. “Regtig trots op dié liedjie en opgewonde om julle aan die volgende hoofstuk van my kunstenaarskap bekend te stel,” het die 22-jarige rapper daaroor gesê. 2 MICHAEL JACKSON SE LIEDJIES VOOR SLAAPTYD Sy liefde vir musiek het begin toe hy ’n “klein kindjie” was, vertel 24kGoldn, wie se regte naam Golden Landis Von Jones is. “My ouers het altyd vir my Michael Jackson-liedjies gesing om…

STEL jou ’n wêreld voor waar dit onmoontlik is om te keer dat kos sleg word. Dink aan jou gunstelingkos – dalk ’n burger, skyfies of sjokolade. As ons nie maniere gehad het om kos vars te hou nie, sou ons stink burgers, harde skyfies en muwwe sjokolade gehad het. Die proses om kos lank vars te hou word voedselpreservering genoem, en mense doen dit al duisende jare. HOEKOM WORD KOS SLEG? Alle lewende plante en diere bevat sekere mikroörganismes wat wanneer dit in balans gehou word baie belangik vir lewe is. Sodra plante gepluk word of diere doodgaan sodat ons hulle kan eet, gaan hierdie balans verlore. Dan vermenigvuldig die mikroörganismes tot ’n punt waar dit skadelik word. Mikroörganismes soos gis, skimmel en bakterieë is onsigbaar vir die blote…

Op huisgenoot.com kan kinders die aanlyn Afrikaanse kinderprogram Die Babbelbende gratis kyk. In dié reeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer leer oor ons wonderlike wêreld. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook huisgenootwinkel.com om jou eie Paloeka-of Palawa-pop of Die Babbelbende se Groot Storieboek te bestel. Kom leer ken Die Babbelbende – en geniet hul vrolike geselskap…

DAAR’S ’n ritueel om na ’n plaat te luister. Jy haal dit uit die omslag, baiekeer ’n dubbele een wat opsigself ’n kunswerk is. Dan lees jy alles wat daarop staan. Jy maak dit sorgvuldig skoon, sit dit op die draaitafel en laat die naald sak. Jy kan nie net wegloop en gaan skottelgoed was nie. Jy moet daar sit en jou oorgee aan die musiek. Dis towerkrag. Ek het eers in die 1990’s begin langspeelplate koop. Ek het nie regtig geld gehad nie en het kassette gekoop om my broers en vriende se plate op te neem. Ek het drie ouer broers; die jongste is 11 jaar ouer as ek. Ons het grootgeword in ’n huis waar plate heeltyd gespeel is – selfs die buurman het ’n groot versameling…

EEN ding het mense oor koningin Elizabeth geweet: Haar woord was wet. As sy gesê het iets moet gebeur, het sy haar rug styf gemaak en nooit van haar plan afgewyk nie. Toe sy dus in 2018 die geskiedkundige Frogmore Cottage as trougeskenk aan haar wroegende kleinseun Harry en dié se bruid, Meghan, gegee het, sou die jong egpaar sekerlik kon glo dit meen die huis sal vir ewig hulle s’n bly. Selfs nadat hulle Engeland se stof van hul voete afgeskud en Kalifornië toe getrek het. Maar o wee, hulle het nie met Elizabeth se seun en troonopvolger rekening gehou nie. Charles (74) het onlangs sy humeur so lelik vir sy jongste seun en skoondogter verloor dat hy hulle uit Frogmore Cottage – ’n statige vyfslaapkamerhuis eerder as ’n…

NUWE PAARTJIES Die oud-Springbok JOE VAN NIE-KERK is terug in die land ná sy avontuur in die Costa Rica. En nadat hy ’n jaar lank enkellopend was, het hy nou die skoot hoog deur danksy die astroloog CATO VERMEULEN. Die twee het einde 2021 op Instagram begin gesels. Hulle het gou gekliek en ontdek hulle het baie in gemeen, maar eers twee maande gelede amptelik ’n paartjie geword. “Twee maande is nie lank nie, maar ek voel ek ken haar al jare,” vertel Joe. “My ma het haar ook al ontmoet. Ek het haar ma nog nie in persoon ontmoet nie, maar ek het haar al aanlyn gesien en hallo gesê.” As ’n paartjie geniet hulle dit om saam op wandelings in die natuur te gaan en saam oor astrologie…

1 JENA MALONE ‘EK IS AANGERAND OP STEL’ JENA MALONE (38) het onthul sy is in 2015 gedurende die verfilming van die fliek The Hunger Games: Mockingjay – Part 2 in Frankryk seksueel aangerand. Die aktrise het op Instagram vertel ’n kollega, wie se naam sy nie genoem het nie, het haar aangerand. “Ek het baie hard gewerk om te genees en deur herstellende geregtigheid te leer hoe om vrede te maak met die persoon wat my geskend het en vrede met myself te maak,” het sy gesê. 2 UITBETALING AAN KOBE SE FAMILIE Drie jaar nadat die basketbalspeler KOBE BRYANT en sy dogter GIANNA in ’n helikopterongeluk dood is, het geregtigheid eindelik vir hul gesin geskied. Sy weduwee, VANESSA BRYANT (40), het ingestem tot ’n skikking van $28,8 miljoen (R520 miljoen) in…

DIT word “die onsigbare siekte” genoem, en as jy na Cheri Nel kyk, verstaan jy hoekom. Jy sou nooit sê dié dinamiese geoktrooieerde rekenmeester ly aan ’n chroniese siekte wat skielik haar lewe kan neem nie. Cheri (38) was ses toe sy en haar ouers hoor haar alewige maagpyn is weens die genetiese afwyking sistiese fibrose – en dat sy nooit daarvan sal genees nie. Tog is sy een van die gelukkiges, want baie lyers haal nooit hul tienerjare nie. En dis waarom Cheri nou as’t ware ’n hofstryd om lewe en dood teen ’n Amerikaanse farmaseutiese reus aanpak. Cheri weet nie hoeveel tyd sy nog saam met haar man, Rob, sal hê nie. Volgens die Suid-Afrikaanse Vereniging vir Sistiese Fibrose (SACFA) is die gemiddelde lewensduur van mense wat met…

MENSE sê hy is gewild en invloedryk, ’n politieke leier met sterk bande in die gemeenskap van die Johannesburgse buurt Alexandra, waar sy wortels lê. Maar vir baie mense buite Gauteng, die provinsie waar Paul Mashatile ’n ruk lank premier was en groot projekte soos die Gautrein help loods het, is sy naam nog betreklik onbekend. Met pres. Cyril Ramaphosa se onlangse kabinetskommeling is hy aangewys as Suid-Afrika se nuwe adjunkpresident – net een hartklop weg van ons land se hoogste pos. Bespiegeling oor Mashatile se toekoms het ’n ruk lank uitgekring nadat die vorige adjunkpresident, David Mabuza, vroeër vanjaar bekendgemaak het hy gaan nie veel langer in dié pos aanbly nie. Mashatile (61) is al einde verlede jaar by die ANC se leierskapkongres aangewys as nuwe onderleier van die…

TEMAS en karakterisering. Verwysings en simboliek. Is dit dalk dinge wat jou matriekkop laat draai? Wel, hier is goeie nuus! Huisgenoot, in samewerking met NB-Uitgewers en Netwerk24, bied nou by-komende studiehulp wat hoërskoolleerders kan help om hul voorgeskrewe leeswerk op ’n nuwe manier te ontdek en geniet. Met dié nuttige nuwe aanlyn boekekamer, Bloktyd, word klank en video ingespan om lesse oor jou voorgeskrewe drama, roman en gedigte op ’n toeganklike manier aan te bied en die leerwerk sommer veel lekkerder te maak. “Met Bloktyd ontsluit Huisgenoot die wêreld van voorgeskrewe Afrikaanse leeswerk vir leerders op nuwe maniere wat boekwurms én minder ywerige lesers sal boei,” sê Huisgenoot se redakteur, Yvonne Beyers. REEDS BESKIKBAAR OP HUISGENOOT.COM Videolesse oor Krismis van Map Jacobs deur Adam Small ◼ Narratiewe video’s oor vier…

Wat kan ’n mens doen om dié velaandoening te vermy? In die gimnasium is dit voor die hand liggend: Moenie “kaalvoet stort of kaalvoet daar rondloop nie”, sê Suretha. “En maak toerusting behoorlik skoon voor jy dit gebruik.” Jy behoort ook eerder jou onder-of boklere aan te hou wanneer jy in saunas of elders in ’n gim rondsit, of andersins handdoeke oral inspan om “direkte kontak tussen die vel en oppervlakke te vermy”. Dit is steeds raadsaam om gimtoerusting te ontsmet en alkoholgebaseerde handreiniger te gebruik nadat jy daaraan gevat het, beaam Suretha. “Voetpoeiers kan help dat die voete minder klam raak.” Sommige poeierprodukte is ook swamwerend. Neem egter in ag dat geen poeier jou gaan beskerm as jy gedurig kaalvoet in gedeelde areas of storte rondloop nie. Moenie elke…

Wat maak jy as jy regtig vir jou maat wil wys hoeveel jy hulle liefhet, meer as om dit bloot net te sê? Wel, as jou naam Ray Dylan is, skryf jy ’n liedjie. So verlief is die sanger ná ses jaar van getroude lewe steeds op Jessica dat hy onlangs die liedjie “Kom lê my voor jou” geskryf het – spesiaal vir haar. Die romantiese liedjie is op Valentynsdag uitgereik, en die video daarvan is al meer as 40 000 keer op YouTube gekyk. “Sy is my liefde en my rots,” koer Ray oor sy vrou. “Ek het besluit om die musiekvideo eenvoudig en persoonlik te hou,” vertel hy oor die video wat in sy eie ateljee opgeneem is. Chandré Opperman van Coolerbox Brothers was die regisseur en vervaardiger.…

DIS laatnag, maar die motors staan steeds bankvas geparkeer voor die ou Victoriaanse huis in Dorpstraat. Binne doef-doef die musiek en die partytjiegangers raak al hoe luidrugtiger. Die dramastudente wat die huis deel het rede tot viering: die openingsaand van hul toneelstuk, Piet my vrou, by die Drostdy Teater was ’n dawerende sukses. Dis omtrent ’n bonte hutspot van mense. Edgar, wat pas aangekom het, staan en drink ’n bier terwyl hy die roesemoes gadeslaan. Iemand het ’n uitnodiging in sy hand gestop in die foyer ná afloop van die opvoering, en hier is hy nou. “Haai, gorgeous! Moenie daar staan soos ’n soutpilaar nie, kom ons dans.” ’n Oulike rooikop trek aan sy arm. Sy praat hard om bo die luide musiek gehoor te word. “Ek is Isobel. Met…

VISSE 19 FEBRUARIE – 20 MAART Jy sal jou moet staal vir wat aanvanklik ’n moeilike week kan wees, veral as jy die soort mens is wat ’n dun vel het. Harde woorde kan tussen jou en ander familielede val, maar jy hoef nie van jouself ’n deurmat te maak nie. As ’n goeie vriend jou druk om saam met hulle by ’n geldtransaksie betrokke te raak, trap water en speel vir tyd, want dit sal dalk nie tot jou voordeel wees nie. Dinge lyk rooskleuriger teen die einde van die week. GELUKKIGE NOMMERS 43, 33, 4, 3, 27, 35 VISSE SE TREKKE ◼ Glanspersoon en beskermer van redders. ◼ Feng shui-foendi en koning van karma. ◼ Siener en sielvolle wese. ◼ Onpeilbaar en vol geheime. ◼ Aantreklik en op…

Wie onthou die groot, pers dinosourus wat in die 1990’s al wat ’n kind is, geleer het om I love you, you love me te sing? Jip, hy’s een van die dae terug in ’n nuwe reeks, en sy destydse gewilde reeks, Barney & Friends, is nou op Showmax beskikbaar. En as jy destyds te jonk was om Barney te leer ken, is dit nou jou kans. Mattel, die eienaars van Barbie, werk aan ’n nuwe televisiereeks, fliek en YouTube-inhoud oor die dino wat onder miljoene kinders geliefd was, maar sommige volwassenes die aapstuipe gegee het. En natuurlik gaan daar ook Barney-speelgoed en-klere wees. Die geanimeerde TV-reeks maak volgende jaar sy debuut. “Die reeks is ontwerp vir voorskoolse kinders en sal die pers dinosourus en vriende aan nuwe gehore voorstel,”…

DIS nie ’n gedagte waarby die meeste mense graag stilstaan nie, maar ons almal weet dit gebeur – omdat die dood deel van die menslike kondisie is, is die verlies van ’n geliefde ’n wrede en onvermydelike ding waardeur ons almal in die gesig gestaar word. Selfs met die vooruitgang in tegnologie kan ons steeds nie mense uit die dood opwek nie. Maar tegnologie bied wel ’n paar strelende pleisters. Dit maak ons nagedagtenis aan die dooies helderder deur ons herinneringe op foto’s of in video’s digitaal te versamel en te berg. Maar nou begin party maatskappye ook om kunsmatige intelligensie te gebruik om lewensgetroue afbeeldings te skep van die geliefdes wat ons verlaat het. Anders as foto’s kan dié afbeeldings praat en interaksie met ons hê. Die app HereAfter…

DIE lewe gee ’n mens dikwels net ’n dag, of soms selfs net ’n paar oomblikke, om ’n belangrike besluit te neem. Maar die besluit wat jy dan neem, kan die koers van jou lewe bepaal. Dit is hoekom hy sy deelname aan die nuwe seisoen van kykNET se maatsoekreeks Boer soek ’n vrou so ernstig opgeneem het, sê Louis Botha (26), oftewel “Louis B”, soos hy in dié reeks bekendstaan. Die besluit om in te skryf is halsoorkop namens hom geneem, maar dit beteken glad nie hy neem dit ligtelik op nie. Ons kuier op ’n warm, bedompige Woensdagoggend in die plaashuis in die Ottosdaldistrik in Noordwes, waar hy die afgelope drie jaar woon. Hier op die plaas voel hy tuis. Om te boer is al wat hy nog…

‘DAAR IS NET NIE ALTYD GENOEG WERK VIR ALMAL NIE, EN EK WOU OOK ANDER DELE VAN MY BREIN BENUT’ SY KLIM sonder moeite in die skoene van haar karakters in – sy voel hul emosies, pink ’n traan weg wanneer sy moet en voer kykers weg in ’n wêreld van wonder en vermaak. Tog is toneelspel nie Ilse-Lee van Niekerk se enigste talent nie. Binnekort sal sy haar in die klaskamers en biblioteke van een van die prestigerykste universiteite ter wêreld – Oxford – bevind. Daar gaan sy nie toneelspeel nie, maar leer om die sakewêreld met ewe veel vertroue te takel as waarmee sy die TVwêreld in die laaste jare verower het. En dis nie al rede hoekom dit ’n opwindende jaar vir die blondekop is nie. Nie…

AYANDA Thabethe is opgewonde om haar land in Julie op die gesogte skoonheidskompetisie te verteenwoordig, wat vanjaar in Pole aangebied word. En as sy wen, sal dit ekstra spesiaal wees, want sy sal die Supranasionaalkroon by ons voormalige Mej. Suid-Afrika Lalela Mswane oorneem. “Ek kan nie in woorde beskryf hoe opgewonde ek is nie. Suid-Afrika is ’n pragtige land met soveel om ten toon te stel; en die feit dat ek gekies is om dit in die buiteland te verteenwoordig, is verbysterend. Ek kan nie wag nie!” sê Ayanda. Sy is tans hard besig om haar voorbereiding vir die kompetisie te doen. “Ek is mal daaroor om te lees, en ek voel weer soos ’n student. Ek werk ook aan my eie storie, ondersoek my oortuigings en vra myself moeilike…

DIE nuus dat sy vrou, CHERRY SEABORN (30), gedurende haar swangerskap met hul tweede dogter ’n breingewas ontwikkel het, het ED SHEERAN (32) in ’n baie donker plek laat beland. Cherry kon geen behandeling kry voor hul dogter Jupiter (nou nege maande) se geboorte nie, en Ed se lewe het ’n wipplank van “vrees, depressie en angs” geword. Die sanger het onlangs op Instagram sy hart oopgemaak oor sy geestestoestand gedurende die skryf en vervaardiging van sy nuwe album, Subtract. Terwyl hy sy vrou se diagnose moes verwerk, is sy beste vriend, Jamal Edwards, boonop weens ’n onreëlmatige hartklop oorlede nadat hy kokaïen gebruik het. Asof dit alles nie genoeg was nie, was Ed ook in ’n hofsaak gewikkel oor die kopiereg van sy liedjie “Shape of You”. “Ek het gevoel…

DIS reg – dis die temalied van Friends, wat die aanhangers van die reeks so goed ken. Maar ook weg van die kassie simboliseer daardie woorde die spesiale vriendskap tussen twee van die reeks se grootste sterre – COURTENEY COX (58) en JENNIFER ANISTON (54). Nes Monica en Rachel in die sitkom is die aktrises in die regte lewe ook beste vriendinne. Hul vriendskap het begin nadat hulle in 1994 hul ikoniese rolle in Friends gekry het, en dit duur voort lank nadat die program in 2004 geëindig het. “Ons het pret saam. Ons lag, en dit is lekker,” sê Courteney, terwyl Jennifer sê haar vriendin ondersteun haar “deur dik en dun”. Hier is ’n kykie na een van Hollywood se langdurigste vriendskappe. STERKRAG Jennifer was aan Courteney se sy…