Indholdsfortegnelse for 8 June 2023 i Huisgenoot

1 ‘DANKBAAR VIR MY GESONDHEID’ Die akteur Hennie Smit (alombekend as “Bertie van Egoli”) het sy 80ste verjaardag saam met ander bekendes van die vermaakwêreld gevier Baie geluk met jou verjaardag, Bertie. Ons het jou altyd gevolg in al die rolle wat jy deur die jare vertolk het, en jy het ons altyd lekker laat lag. Dankie vir al die goeie vermaak. Mag jy nog lank gespaar word en ’n vol lewe geniet. VERA Geluk, oom Hennie. Tydens my diensplig op die Grens in 1981-’82 het jy vir ons troepe kom optree. Namens almal van ons wat jy destyds opgebeur het, bedank en salueer ek jou. Tagtig is min beskore. Lekker verjaar. FRANCOIS Veels geluk, oom Bertie. Jy rock op 80 en ek kyk nog steeds Egoli op 145, dit bly…

OP DIE trappie voor die dubbelverdiepinghuis staan ’n klein seuntjie met deurmekaar hare en wangetjies wat warm geslaap is. Dié bruinoog met die lang wimpers het sy ma se hand in ’n stewige greep terwyl hy die kuiergaste nuuskierig bekyk. Dan besluit hy daar is interessanter dinge in die huis en kies koers na binne. Klein Jack het sy ma, die aktrise Therese Bam (46), se wêreld op sy kop kom keer, en al kan dinge lekker dol raak met ’n woelwater in die huis, is dit haar groot-ste prioriteit om elke oomblik saam met hom in te drink. “Ek het altyd geweet ek wil ’n ma wees, maar die absolute liefde het my totaal oorweldig en onkant betrap,” sê Therese. “Dit is ongelooflik.” Therese se ouerskapsreis was nie maklik…

DIE man wat vandag uit die Amerikaanse stad Philadelphia aansit vir gesels se hare het lankal silwergrys geword, maar sy kenmerkende swart gholfhemp verklap hy’s op pad baan toe om nege putjies saam met sy kleinkind te speel. Op die kruin van sy loopbaan het sy voorliefde om van kop tot tone in swart te speel juis aan hom die bynaam “The Black Knight” besorg. Net so eie aan hom soos sy klerestyl was sy gitswart hare, altyd netjies agteroorgekam. En op die ouderdom van 87 is daar nog g’n einde aan die legendariese Gary Player nie. Hy speel nog vyf keer per week gholf, doen genoeg opstote in die gimnasium om die jonger manne te laat bloos, reis baie en werk hard en lekker. “As ek moet aftree, sal…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. GAAN ’N TROUE IN DIE OUETEHUIS MY PROBLEME OPLOS? V Ek is die jongste inwoner in ’n ouetehuis. Onlangs het ’n inwoner van 69 jaar my gevra om met hom te trou. Ek het ja gesê, maar daar is geite aan hom wat my pla. Onder meer kuier hy elke liewe dag ure lank by ’n baie ouer dame van 80 jaar. Hy…

DIE LAASTE KANARIEGEEL NOTABOEK Deur ANCHIEN TROSKIE Human & Rousseau, R275* Anchien en Mia skryf albei eers hul stories in ’n notaboek voor hulle dit uittik. In Mia, die hoofkarakter in haar jongste roman, se geval was dit ’n praktiese besluit, verduidelik Anchien: “Eers was dit sodat die inwoners van die losieshuis nie kon hoor dat sy skryf nie en later Louis, haar man.” Die laaste kanariegeel notaboek se aanloop was lank, vertel sy. “Die aand toe ons president aankondig dat ons ingeperk word, het ek vir Lafras gesê werk en skool is vir so baie mense ’n uitkoms, ’n ontsnapping. Hoe gemaak wanneer daardie ontsnappingsroete gesluit word? Dit was die saadjie wat geplant is. Omdat ons almal so covidvoos was, het ek besluit om die verhaal nie in daardie…

NOU TE KOOP WAT IS BINNE? ◼ Anatomie: die skelet, spiere, bloed ◼ Organe: die brein, senuweestelsel, hart, longe, niere, lewer, die vel ◼ Sintuie: reuk, sig, smaak, gehoor ◼ Gesondheid: vitamiene, allergieë, jou ingewande se flora, maagpyn, velprobleme, noodhulp ◼ Asook raar maar waar, vreemde en wonderlike feite oor die menslike lyf! AANLYN media24.shop.com of huisgenootwinkel.com E-POS koop@huisgenoot.com BEL 021-406-4962…

VLERMUISE is allesbehalwe bose bloedsuiers wat uitkom wanneer die son sak. Hierdie wonderlike gediertes is eintlik helde van die nag. Hulle kom byna oral voor en is ’n belangrike deel van ons wêreld. Ons bekyk die fassinerende diere van naderby. VLERMUISE KOM AMPER ORAL VOOR Daar is meer as 1 400 spesies vlermuise in die wêreld. Dit maak hulle die algemeenste soogdiere op aarde naas knaagdiere. Een uit vyf van alle geklassifiseerde soogdierspesies is vler muise. Afgesien van die poolstreke, woestyne en ’n paar eilande kom vlermuise op elke vasteland ter wêreld buiten Antarktika voor. Vlermuise word gewoonlik in donkerplekke soos grotte, groot, hol bome, solders en soms onder brûe aangetref. Hulle is oorwegend nagdiere, wat beteken hulle slaap bedags en kom saans uit. Net sowat 12 spesies vlermuise is…

Op huisgenoot.com kan kinders die aanlyn Afrikaanse kinderprogram Die Babbelbende gratis kyk. In dié reeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer leer oor ons wonderlike wêreld. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook huisgenootwinkel.com om jou eie Paloeka-of Palawa-pop of Die Babbelbende se Groot Storieboek te bestel. Kom leer ken Die Babbelbende – en geniet hul vrolike geselskap…

DIS genoeg om ’n mens te laat huil. Jy kyk van die strokie in jou hand na die winkelsakkie op die toonbank en weer terug. Ons betaal ál meer vir ál minder, en jy weet nie aldag hoe om die rieme nóg dunner te sny nie. Maar daar is ’n paar sondebokke op jou inkopielys wat die totaal vinnig laat vermeerder: al daardie skoonmaakprodukte wat jou kas so vol staan – ’n bottel vir elke hoekie van jou huis. Met ’n bietjie meer beplanning en ’n paar slim wenke om jou produkte langer te laat hou, kan jy hier geld spaar sonder om met ’n vuil huis te sit. Hier is raad. ⟫ EEN PRODUK, BAIE FUNKSIES Waak teen 100 bottels in die kas onder jou wasbak – ’n ander…

IN ’N smerige kroeg kyk die man van onder sy fedora na die booswigte om die tafel. Jy sou dink die held het geen uitkomkans nie – hy’s uit sy element en glad nie meer vandag se kind nie – maar so vinnig soos ’n pofadder se pik, swiep sy sweep deur die lug. Die punt tref die naaste skarminkel en in dieselfde swaaibeweging sing die sweep in alle rigtings met die res van die groep wat uitmekaar spat. Kyk ’n mens na die voorprent van Indiana Jones and the Dial of Destiny, is dit gerusstellend om die Hollywoodster Harrison Ford weer op die skerm te sien. Jy weet hy gaan vir geen gierige argeoloog of skelm bendebaas terugdeins nie. Maar ’n mens sou dink met agt dekades op die…

ZAK HENDRIKZ Zak, wat Werner Visagie speel, was in 2000 ’n matrikulant aan die Pro Arte-kunsskool in Pretoria. “Ek en HANNA GROBLER was goeie vriende en onderhoofseun en-meisie en het besluit om saam te gaan,” vertel Zak. Die skool het nie ’n tema gehad vir die groot aand nie. “My ma het voorgestel dat ons ’n Spaanse tema doen. “My uitrusting was geïnspireer deur Antonio Banderas in The Mask of Zorro en ek was mal daaroor.” Hy het die pak nog baie jare daarna gedra in verskeie teaterproduksies waarby hy betrokke was. BEÁTA GREEN Beáta, wat in die sepie as Shady Vermeulen te sien is, was in 2014 die hoofmeisie aan die Hoërskool Hottentots-Holland in Somerset-Wes. “Ek het ’n pragtige geel rok gedra wat my soos ’n prinses laat lyk…

BROCCOLI-&-CHEDDAR-SOP BEREIDING EN GAARMAAK: 20 MIN. / GENOEG VIR 4 MENSE ’n Dekadente sop wat jy by jou weeklikse spyskaart kan voeg, veral in die koue wintermaande. As jy hou van broccoli en kaas, is die sop – voorgesit saam met gebotterde roosterbrood – die perfekte hoofmaaltyd of voorgereg. ◗ 15 ml (1 e) olyfolie◗ ½ ui, fyngekap◗ 1 knoffelhuisie, fyngemaal◗ 1 groot wortel, gerasper◗ swartpeper, na smaak◗ 5 ml (1 t) paprika◗ 1 kop broccoli, in blommetjies gebreek◗ 5 ml (1 t) hoenderbraaispeserye◗ 500 ml (2 k) hoenderaftreksel◗ 250 ml (1 k) melk◗ 30-45 ml (2-3 e) mielieblom◗ 250 ml (1 k) vars room◗ 60 g cheddarkaas, gerasper t – teelepel/s e – eetlepel/s k – koppie/s 1 Verhit die olie in ’n kastrol oor matige hitte. Voeg die…

BESPAAR WENK Kwartsverwarmers is ideaal vir kleiner ruimtes, terwyl konveksie-, gas-, olie-en elektriese verwarmers groter gebiede opwarm. HAAL UIT GAAN MAL KRY DIT HIER @HOME HOME.CO.ZA 0860-834-834; BUILDERS.CO.ZA 0860-284-533; CHECKERS.CO.ZA 0800-01-07-09; GAME.CO.ZA 0861-4263-2273; MAKRO.CO.ZA 0860-600-999; MRPHOME.COM 064-584-1000 (WHATSAPP) HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

VIR die meeste mense sal eiendom waarskynlik hul duurste aankoop ooit wees. Dis alte maklik om foute mis te kyk of af te maak wanneer jy desperaat of opgewonde is om te koop. Daardie krake of lekkende kraan lyk dalk maklik om later reg te maak, maar groter probleme skuil dalk daaragter, en eindelik kan jou huis jou baie meer kos as wat jy gedink het. Dis belangrik dat jy die eiendom deurkyk vir patente of latente defekte. As jy weet wat fout is, kan jy ’n laer koopprys onderhandel, of jy kan in jou koopaanbod uitstippel dat die foute eers herstel moet word. 1 WAT IS PATENTE EN LATENTE FOU-TE? Patente defekte is duidelik sigbaar, byvoorbeeld stukkende vensters, ligskakelaars, kaste en deure of krake in die mure en verrotte hout.…

NEIL SE ‘ALLEGAARKIE’ Hy glimlag van oor tot oor, sê die akteur en sanger Neil Sandilands (47). Die rede? Sy tweede musiekalbum, getiteld Allegaarkie vir ’n askeet, is vroeër in Mei eindelik uitgereik. “Ek het nooit geweet ek kon vir myself ook ’n loopbaan in musiek uitkerf nie – tot ek twee jaar terug besluit het om dapper te wees en twee EP’s te maak en te versprei.” Sy eerste album, Sangoma Sandilands & jou pa se posse – Maanskyn, het in Mei 2021 die lig gesien. Die musiekgogga het hom behoorlik gebyt en in die afgelope twee jaar het hy in Nieu-Seeland, Australië, Mexiko, Namibië en selfs in die VSA by bushaltes en lughawens geskryf, gekomponeer en geredigeer aan die 14 snitte wat op sy tweede album pronk. Die…

Dit is al donker toe hulle voor Louis se huis stilhou. Hulle het Vrydag vir ant Berta gejok en gesê dat hulle eers Maandag van die plaas af terugkom. Die lieg het suur in Mia se mond gelê, saam met die wete dat die tweeling in die huis gaan wees. “Hulle gaan slaap, hulle sal van niks weet nie,” het Louis getroos. Die vooruitsig op vanaand laat Mia met blosende wange toebroodjies vir aandete maak. Wanneer hulle klaar geëet het, stap sy saam met die tweeling na hulle kamer toe om vir hulle ’n storie te lees. Haar aandag is egter nie by die verhaal nie. Sy gaan vanaand vir die eerste keer seks hê. Vrywillige seks. Die blos op haar hals en wange verdiep, opwinding en vrees laat haar…

BAANTJIES VIR BOET “Stefaans,” sê die baas aan een van sy werknemers, “jy is nou ’n jaar by die maatskappy. Jy het begin as ’n bode, ’n week later is jy bevorder tot verkoopsman en ná net vier maande was jy al adjunkbestuurder. Nou gaan ek aftree, en ek wil hê jy moet die maatskappy oorneem. Wat sê jy?” Stefaans: “Dankie.” Baas: “Is dit al wat jy kan sê?” Stefaans: “Um… dankie, Pa?” LOUISE NOETH PORSIES Ou Gert was bekend as ’n ou wat alte lekker kan eet. Op ’n dag kry hy en sy gesin kuiergaste, en sy dogter, Lientjie, dra melktert aan na die teetafel toe. Maar elke keer wanneer sy vir haar pa sy bordjie gee, stuur hy dit verder met die tafel af. Later kan Lientjie…

GROOT BLOKRAAI WEN ’N BOEK VAN HUMAN & ROUSSEAU PLUS KOM IN AANMERKING VIR DIE MAANDELIKSE TREKKING VAN R1 000. NO 2 495 KOMPETISIEVRAAG Watter soort musikant is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Vegetaries deur Jan Braai (Human & Rousseau, R410). Hier’s ’n versameling van Jan se beste vegetariese resepte en nog baie nuwe kinkels, alles op die vuur. As jy iets soek vir vleislose Maandag, jou nuwe vegetariese skoondogter moet onthaal, of die kleinkinders moet kos gee, is daar geen rede waarom jy nie kan braai nie. Met Jan se liplekker braaibroodjies, potjies, kerrie, brode, burgers én poedings sal selfs die vleiseters terugkom vir nog ’n skeppie! Jan Scannell, beter…

1 In watter wêreldstad is die Heathrow-lughawe? 2 Watter geldeenheid word in Viëtnam gebruik? 3 Watter Suid-Afrikaner het die Comrades-marathon nege keer gewen? 4 Van watter Afrikaland is Asmara die hoofstad? 5 Van watter kossoort praat iemand as hulle sê dis “al dente”? 1 Londen, Engeland 2 Diedong 3 BruceFordyce 4 Eritrea  5 Pasta. Dis Italiaans vir “vir die tand” en verwys na pasta wat nog ferm is wanneer jy dit byt. BRONNE SCITECHDAILY.COM, DOGONEWS.COM, EDITION.CNN.COM, THEGUARDIAN.COM, NUTIMES.COM, NETWERK24.COM, GUINNESSWORLDRECORDS.COM, NPR.ORG, NEWS24.COM, COLLINSDICTIONARY.COM, WIKIPEDIA.ORG, GRACELAND.COM…

IN 1983, toe Suid-Afrika deur betogings lamgelê is en die apartheidsregering gevrees het hy sou sy greep verloor, het die departement van buitelandse sake ’n oudit gedoen. Hoe beroemd, wou hulle weet, was Nelson Mandela? Hy is nie gesien of gehoor in die twee dekades sedert ’n hof hom tot lewenslange tronkstraf gevonnis het nie. Maar in die jare van sy afwesigheid het die idee van hom gegroei en gegroei, tot hy die regering se gedugste vyand geword het. Presies hoe bekend was hy, wou hulle vasstel. Die resultate van die oudit het die skrywers geskok. ’n Blok woonstelle in die East End in Londen is Mandela Heights gedoop; ’n kamer in ’n kunsgalery in Glasgow is die Mandela Room genoem; hy het ereburgerskap van Rome en ’n dorp in…

OP ’N sonnige dag stap ’n vrou en haar vriende in die pragtige boomryke heuwels van Kalifornië. Sy is gemaklik aangetrek met ’n bandana om die nek en hoed op haar kop. Sy glimlag ontspanne terwyl hulle loop en gesels. Dis asof sy nie eens twee keer dink aan die feit dat haar skoonpa op daardie einste oomblik in ’n sopnat Londen as koning van Engeland gekroon word nie. Meghan het nie net haar man, prins Harry, alleen na koning Charles se kroning laat gaan nie, sy het selfs geweier om die geleentheid op TV te kyk. Die 41-jarige aktrise wou “haar gemoedsrus beskerm”, sê Omid Scobie, ’n vriend van Meghan en Harry. Die dae is verby dat sy haar sit en verknies oor haar status as prinses en hertogin,…

NATASHA JOUBERT Die skoonheid het in 2020 die derde plek behaal in die Mej. Suid-Afrikakompetisie en ook die land by die Mej. Heelal-kompetisie in Amerika verteenwoordig. Dit het baie “moed” gevat om weer in te skryf. Toe sy hoor sy het die top-30 gehaal, was sy baie opgewonde en verlig. “Net omdat ’n mens tot ’n sekere posisie in die vorige jare gevorder het, beteken dit nie jy word beoordeel op wat jy al gedoen het nie,” sê Natasha. “Ek is nou ’n beter weergawe van myself en het net gehoop dit word steeds raakgesien.” Om vanjaar die kroon te dra sal vir haar ’n groot eer wees. “Dit gaan nie net oor hierdie titel wat ek wil dra nie; dit gaan oor die manier hoe ek die mense wil…

ELEGANTE GLANS…

“Ons was saam op skool, van st. 7 af saam in ’n klas. Anita se ma is oorlede toe sy agt jaar oud was en haar pa kort daarna, op nege. Sy moes met ’n tassie klere straataf tot by haar pleegouers se voordeur. Haar bloedfamilie was hoofsaaklik in Namibië, en haar halfsuster was 10 jaar ouer. Sy het op skool uitgeblink ten spyte van min ondersteuning. Sy was onderhoofmeisie en moes stoei en baklei vir alles wat sy bereik het en om universiteit toe te kon gaan en haar drie grade te voltooi. “In haar honneursjaar het sy as akademiese assistent by die universiteit se taaldepartement gewerk en Saterdae by Edgars as ’n vloerassistent. Later het sy skoolgehou terwyl ek voltyds my meestersgraad voltooi het. “Ons is al amper…

NOUPASSEND VIR ELKE DAG KUNSLEER STIEBEUELSPANBROEK DENIM NOUPASSEND & GLANSRYK GRAFIKA VERSIERINGS NAT-VOORKOMS LOSPASSEND VIR ELKE DAG WYEPYPREKSTOF DENIM KANTOORDAE LOSPASSEND & GLANSRYK UITGEKLOK DEFTIGE LAP CARGO MET STYL KRY DIT HIER ACKERMANS 021-928-1040; EXACT BASH.COM; FOREVER NEW 0860-018-014; FOSCHINI 0860-576-576; IDENTITY 021-460-2400; JAYSHREES.CO.ZA; MANGO.COM; MR PRICE 080-021-2535; PICK N PAY CLOTHING 0860-303-030; POETRY 0860-555-529; SHEIN.COM; SPORTSCENE 0860-834-834; TAKEALOT.COM; THE FIX 0860-834-834; TRUWORTHS 021-460-2300; ZARA.COM HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

EIE LIEFDESVERHAAL Kykers het Kitty Song Covey (Anna Cathcart) in die gewilde fliekreeks To All the Boys I’ve Loved Before op Netflix ontmoet. Kitty is die jonger suster van Lara Jean (Lana Condor). Dis danksy die einste Kitty dat Lara Jean se liefdesbriewe by die aantreklike Peter Kavinsky (Noah Centineo) uitgekom het. En aangesien die twee toe verlief geraak het, ag Kitty haarself ’n moderne Kupido. Die karakter het gou ’n gunsteling onder aanhangers geword. Nou verskuif die aksie na haar eie liefdeslewe. Kitty het in To All the Boys: Always and Forever, die laaste fliek in die reeks, vir Dae (Choi Min-young) ontmoet toe sy en haar susters Seoel besoek het. Nou besluit die uitgesproke tienermeisie dat sy Suid-Korea toe wil trek om te verseker dat sy haar kans…

‘DIE LIG’ GLASKAS Dié pop/rock-groep het in 2006 die musiektoneel betree, waarna hulle ’n groot ondersteuningsgroep landwyd opgebou het. Ná hul vierde album, Verganklik en afhanklik, in 2012 het hulle van die musiektoneel verdwyn. Nou keer hulle ná 10 jaar terug met ’n nuwe enkelsnit, “Die lig”, uit die pen van die hoofsanger, Deon Meiring. Hy beskryf die storielyn van die liedjie as die proses waardeur iemand wat jou liefhet, gaan om jou te help om die lewe en wêreld beter te beleef. Die diepte van die lirieke staan uit terwyl die musikale verwerking met punk-ondertone bruis. ‘HY IS ’N LEKKER OU’ JAN JAN JAN Suid-Afrika se boere-boyband se jongste enkelsnit sal weer die voete laat jeuk en mense vinnig op die sokkiedansbaan kry. Die moderne boeremusiekvermenging waarvoor die groep…

TWEELING 21 MEI – 20 JUNE ’n Daad van liefdadigheid word hierdie week van jou vereis, of dit nou ’n lukrake daad van vriendelikheid, ’n georganiseerde aangeleentheid, of ’n soort ano-nieme skenking is. Fokus op wat nodig is in jou woonbuurt of jou straat, en verhef waar jy kan met wat jy het. Jou eie planeet, Mercurius, vestig hom in jou teken, wat beteken dat jy soveel doelftreffender kan wees met die verspreiding van wat die woord ook al kan wees. Sit alles in. GELUKKIGE NOMMERS 13, 22, 40, 41, 36, 16 TWEELING-KENMERKE: WATTER EEN IS JY? ◼ Vonkelende geaardheid en bietjie van ’n hofnar. ◼ Dubbel die moeilikheid, maar ook ewig jonk. ◼ Opgewekte taalkundige en pittig met woorde. ◼ ’n Opperste grapmaker. ◼ Sosiale vlinder vol slim plannetjies.…

JY KAN enige sport noem: sokker, tennis, swem… Ek het dit alles al gedoen. Maar daar’s niks beter as gholf nie. Die dag toe ek die eerste keer ’n gholfstok in my hande vashou, het ek geweet dís wat ek vir die res van my lewe wil doen. Die gholfstok het perfek in my hand gepas, en al het ek nie presies geweet hoe om te speel nie, het dit gevoel asof ek gebore is om dit te doen. Tiger Woods is my rolmodel, natuurlik is hy. So ook my pa, Bonginkosi. Was dit nie vir hom nie, sou ek seker nooit my liefde daarvoor al op so ’n jong ouderdom kon uitleef nie. Vandat ek kan onthou, het my pa se passie vir gholf altyd so ’n lekker gevoel…

Dis nuttig om ’n pompbotteltjie by die wasbak te hê vir hande was, maar dié seep is dikwels duurder as ’n goeie ou koekie seep. Vat jou gunstelingseep, of die mees bekostigbare seep wat jy kan kry, rasper dit in ’n bak en gooi dan kookwater daarby. Laat dit ’n paar minute rus en roer dan tot dit jelagtig voel. Gooi die mengsel in ’n ou handewasbottel wat jy uitgespoel het, en siedaar – skoon hande vir minder geld!…

Die egpaar het op 19 Mei hul vyfde huweliksherdenking gevier, maar daar was geen uitstappie om dit te herdenk of plasings op sosiale media daaroor nie. Dit lyk of hulle die dag stil-stil saam met hul seun, Archie, en dogter, Lilibet – wat op 4 Junie twee jaar oud word – deurgebring het. Is alles dan nog wel by die huis, wonder die skindertonge natuurlik. Die nuus het onlangs uitgelek dat Harry soms nie by die huis slaap nie, maar eerder alleen oorbly by die San Vicente Bungalows, ’n privaat klub in Wes-Hollywood, wat reëls het om gaste se privaatheid te beskerm. Hy het glo soms tyd op sy eie benodig, loop die verduideliking. Maar ongeag hoe dit in hul huwelik gaan, bly Harry ’n toegewyde pa. Hy het hom…

Die model en sakeman MARC BUCKNER wat roem verwerf het in die tweede seisoen van The Bachelor South Africa se onlangse fotosessie op ’n Kaapse strand het behoorlik die kwik laat styg. Boonop het hy intussen weer liefde gevind, maar meer daaroor wil hy nog nie verklap nie. “Ek leef my beste lewe nadat ek iemand ongeloofliks ontmoet het,” sê Marc. Hy vertel ons hoe hy dit regkry om so goed te lyk. 1 Hoe gereeld oefen jy om so te lyk? Ek oefen soms tot twee keer per dag, maar partykeer vat ek ’n paar dae af wanneer ek die tyd het om dit te doen. 2 Wat is jou gunstelin g-oefening? My gunstelingoefening is eintlik dans, maar ek doen dit net af en toe. Om te gaan draf het nou…