Indholdsfortegnelse for 22 June 2023 i Huisgenoot

1 ‘SPREEK LIEFDE, NIE OORDEEL’ Corlea Botha het aanlyn boelies op sosiale media in ’n video aangevat – en lesers het oorweldigende steun vir haar boodskap uitgespreek Corlea, jy het ’n sjar me en romantiek wat eie en uniek aan jou is. Moenie toelaat dat die boelies jou onderkry nie. Ek love jou soos jy is, en om die geheel mooi af te rond het jy ’n sangstem wat bitter min mense kan ewenaar. HESTER Ek is oorgewig en lank en voel of almal my raaksien. Maar ek het vrede gemaak daarmee. Ek het osteoporose en gereeld pyn en, ja, ek weet gewig speel ’n rol. Maar moenie oordeel as jy nie in daardie mens se skoene is nie. ANNATJIE Vir my is jy pragtig. Jou stem is engelmooi, en weet…

Toe ek vanoggend by die supermark uit my kar klim, staan ’n bejaarde tannie by my deur. Sy het penne in haar hand en vra of ek nie asseblief een wil koop nie, net R10 vir een? Net R10 om wat mee te maak, vra ek. Vir ’n halwe brood, antwoord sy. Ek vra haar om eerder saam met my te stap sodat ek vir haar kos kan koop. Die trane vloei oor haar wange en sy druk my hand saggies. Ek koop vir haar ’n groot bord gaar kos, brood, melk en bietjie blikkiesgoed. Daarna gaan laai ek haar by haar blyplek af: ’n buitekamertjie in iemand se agterplaas wat sy vir R900 per maand huur. Dan bly daar net R1 000 oor vir haar om van te lewe…

HY HET ’n rotswal teen 66 km/h getref, 22 bene gebreek en dae lank met die doodsengel tou getrek. Eintlik moes hy nie vandag hier gesit het nie, sê die fietsryer Grant Lottering. Ná sy gru-ongeluk in 2013 in ’n fietsren in die Italiaanse Alpe het ’n waakeenheidspesialis reguit vir hom gesê hy het nog nooit voorheen ’n pasiënt so iets sien oorleef nie. Maar dié 55-jarige Suid-Afrikaner vertel hy het nie net oorleef nie; hy het sedertdien fietsryprestasies behaal waaroor die meeste sterflinge net kan droom. In sy boek Riding Life: A South African Who Survived Death to Inspire Millions (geskryf saam met David Gardner), vertel hy hoe hy uiterste uithouritte van tot meer as 1400 km aanpak met sy lyf wat ’n paar jaar gelede flenters was. Die…

LANGMOUTOPS Oorgroot snitte is nou hoogmode. Dra ontspanne, verlengde langmoutops met knie-of oor-die-knie-stewels. KNOOPTRUIE ’n Knooptrui is altyd veelsyding, of dit lank of kort is. Dis in verskeie kleure en style te kry om by enige voorkoms te pas. PARKAS Reënbestande parkas is een van die beste maniere om die bibberweer te troef. En dis hierdie seisoen ook hoogmode. MOULOSE BAADJIES Pofferige pronkstukke is dié seisoen nogal ’n ding. Glip ’n moulose baadjie aan vir ’n aktiewe buitelugvoorkoms. PONCHO’S Voeg ’n bietjie boheems by jou winterklerekas met ’n snoesige, gemaklike poncho. MILITÊRE JASSE Die klassieke militêre jas het ’n stadsgevoel. Kies ’n interessante kleur of patroon vir ’n treffende voorkoms. REËNJASSE Met hierdie beskermende en byderwetse reënjasse sal jy selfs op die goorste winterdae stylvol lyk. KUNSLEERBAADJIES Baadjies in ’n…

DRAMA EN LAG Sy is al meer as twee dekades in die plaaslike vermaakbedryf en kuier nou elke Sondagaand op die kassie as Marina Visser in die komedie-drama Onse kasi. En weekdae speel sy ook toneel met haar stem in die RSG-radiodrama, Disnisgedraai. Onse kasi gaan oor die middelklas Visser-gesin wat in Witpoortjie aan die Wes-Rand woon. Op ’n dag word die mat behoorlik onder hul voete uitgeruk wanneer hulle uitvind dat hulle hul huis verloor. Die vlymskerp raadslid Nomusa (Meme Ditshego) maak gebruik van die geleentheid en bied hulle huisvesting aan in ’n nabygeleë informele nedersetting. Heidi (50) se karakter pas die moeilikste aan by hul omstandighede. “Sy het hoop en drome en wou ook iets in die lewe word, maar is ’n slagoffer van haar omstandighede. Toe die…

AKTEUR, SANGER EN LIEDJIESKRYWER “Ek het die breek nodig gehad,” vertel Marno van der Merwe (38) oor sy besluit om sowat vyf jaar gelede Kaap toe te verhuis en sy aandag aan die sakewêreld te gee. “Ek was moeg en uitgeput deur die vermaakwêreld, op soek na ’n nuwe uitdaging, en het toe saam met ’n vriend ’n onderneming vir natuurlike aanvullers begin.” Die onderneming het goed gegroei, maar die kunstegogga het gou weer begin byt. Verlede jaar het hy sy deel van die besigheid verkoop, en die pad terug Gauteng toe aangepak. Terug in die noorde het hy letterlik sy toneelspeelspiere weer begin bult, want as Markus Ludik in Netflix se eerste Afrikaanse dramareeks, Ludik, was hy meestal kaalbolyf. “Ek het slegs 10 weke gehad om my lyf vir…

SITPLEKDINGE Twee ougetroudes gaan op ’n baie lang vlug. By die lugdienstoonbank fluister die man vir die grondbeampte: “Luister, as jy vir my vrou sê ons kan nie langs mekaar sit nie omdat die vlug te vol is, gee ek jou ’n lekker fooitjie.” Beampte: “Toemaar, Meneer, dis nie nodig nie, jou vrou het reeds!” JOHANNA RADEMEYER EIE BAAS Toe ek vanoggend ’n taxi werk toe vat in my pak klere en vir die bestuurder vertel hy moet asseblief gou maak, ek is laat, antwoord hy ewe vermakerig: “Gelukkig is ék my eie baas, niemand vertel vir mý wat om te doen nie.” Toe sê ek vir hom: “Draai hier regs!” JOHAN H, GONUBIE KOSSKU Koos se vrou bel hom gisteraand toe ek en hy nog in die kroeg is.…

SYFERSTORIES 2 000 Dis die waarde van die grootste rupeenoot wat ’n mens in Indië kan kry. Die land het aangekondig dat die 2 000-rupeenoot geskrap gaan word. Volgens ekonome sal dit help om korrupsie hok te slaan en Indië se plan vir ’n digitale betaalstelsel aan te wakker. 153 000 Dis die ouderdom in jare van ’n voetspoor wat in Suid-Afrika ontdek is – wat dalk die oudste menslike voetspoor is wat al ooit ontdek is. Wetenskaplikes van die Nelson Mandela-universiteit in Gqeberha het die voetspoor in die Tuinroete Nasionale Park by Knysna ontdek. 14 001 CHRISTIAN LEWIS, ’n oudsoldaat van Wallis, het oor die laaste ses jaar soveel kilometer gestap vir liefdadigheid. Christian het in 2017 besluit om al langs die kuslyn van die Verenigde Koninkryk te stap.…

Sukses teen die spoed van lig! Net nou die dag het niemand geweet wie hy is nie. Toe lanseer hy sy liedjie “Rocketship” – en skielik is Llunr ’n blink nuwe ster in die Spotify-heelal. Maar hoe het dit gebeur dat hy so onverwags deur die klankgrens gebars het? “Ek het net die musiek uitgesit wat vir my in daardie stadium sin gemaak het,” sê die sanger, wie se regte naam Bader Khatib is. “En toe gebeur dit, mense wou net my musiek op hul geleenthede gebruik.” Sy sielvolle liedjie was soos blits boaan verskeie Spotify-trefferlyste, en is besig om TikTok te verower. “Die liedjie is in my kop vir altyd … Jou nuwe gunstelingliedjie is nou uit!” Ons en baie ander stem saam. Dis al meer as ’n miljoen…

DIE saxofoon is in 1846 deur die Belgiese musikant en instrumentmaker Adolphe Sax ontwikkel – vandaar die naam. Hoewel ’n saxofoon gewoonlik van koper gemaak is, is dit ’n houtblaasinstrument omdat die deeltjie wat die klank produseer, genoem die rietjie, van hout gemaak is. Die saxofoon word wyd gebruik in jazz-, mars- en rockmusiek, asook ’n verskeidenheid ander musieksoorte. DELE VAN DIE SAXOFOON MONDSTUK Die deel waar jy jou lippe plaas en lug in die saxofoon inblaas om klank te produseer. Meestal van ’n harde rubber gemaak. NEKKURK ’n Stuk kurk waaroor die mondstuk gly om met die nek te verbind. Dit skep ’n digte lugverseëling. Die kurk stel die mondstuk in staat om te beweeg en daardeur die instrument in te stem. RIETJIE ’n Dun stukkie hout (gewoonlik riet…

Daar lê nou nóg ’n prettige seisoen van Die Babbelbende voor! Kom kyk saam na Seisoen 2 op Huisgenoot.com. In dié aanlyn Afrikaanse kinderreeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hulle speel-speel meer leer oor ons wonderlike wêreld. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook media24shop.com om jou eie Paloeka- of Palawa-pop of Die Babbelbende se Groot Storieboek te bestel.…

GIDEON LOMBARD Die voormalige Suidooster-akteur het onlangs sy jarelange meisie, OLGA RADEMAN, gevra om sy vrou te word. Die paartjie was met vakansie in Turkye toe hy die groot vraag vra. Hulle het omstreeks halfvyf daardie oggend in ’n lugballon geklim. Terwyl sy die natuurskoon van bo bewonder het, het Gideon die ring stilletjies uit sy sak gehaal. “Ek het toe op een knie afgegaan en vir haar gewag om om te kyk,” vertel hy. Gideon sê Olga was absoluut verstom toe sy hom op een knie met die ring in sy hand sien. “Sy was uit die veld geslaan. Dit het haar ’n rukkie gevat om agter te kom wat nou aan die gebeur is,” vertel hy. Sy was in die wolke. Dis ’n ja. HENNIE DE VILLIERS Boer…

AFDELINGS • Poësie• Prosa• Redenaars• Sang INSKRYWINGS Dit kos R120 per afdeling om in te skryf. Jou betaalde inskrywing gee jou toegang tot ’n eksklusiewe aanlyn meesterklas deur ’n vermaakkunstenaar wat topwenke vir jou optrede sal deel. Deelnemers word ’n sertifikaat toegeken gegrond op meriete: goud, silwer of brons! HOE WERK DIT? Skryf in en kyk na die afdeling waarin jy wil deelneem se meesterklas – kom leer by die bestes in die kunste- en vermaakbedryf! Deel dan op die webtuiste ’n video-opname waarin jy in Afrikaans: ■ ’n liedjie sing,■ ’n gedig voordra,■ ’n stuk prosa voordra of■ as redenaar jou toespraak lewer. Besoek eisteddfod.huisgenoot.com om deel te neem. PRYSE Daar is lekker kontantpryse en Bubblegum Kids- opvoedkundige tabletrekenaars op die spel! Een deelnemer word aangewys as Huisgenoot se…

ONS almal onthou ons pa’s in Junie, dis mos die maand van Vadersdag. My pa was ’n stil man. Ek onthou Pa as ’n man wat soggens op sy fiets Sasol toe gery het, waar hy hoof van Sasol Kunsmis was. Elke etenstyd het hy weer met sy fiets huis toe gery en gebakte eiers met brood en worcestersous by die kombuistafel kom eet. Gekruisde bene het hy daar gesit en niks gepraat nie. In die winter het Pa soggens vieruur opgestaan en ons koolstoof vol steenkool gepak en aangesteek. Sesuur het ons vyf kinders om die warm koolstoof ons skoolklere gaan aantrek. Elke oggend het Pa sy twaksak volgemaak uit ’n blik twak wat in die besemkas saam met die sak lemoene gebêre was. Dan het hy sy broekspyp…

SMS’E Ek geniet Die Real Housewives van die Wynlande. Ek dink hulle is die beste vermaak op die kassie. Suid-Afrika gaan deur ’n tawwe tyd en hulle laat ons lag. Mense waardeer die intrige, drama en humor en dit laat my van al die slegte nuus vergeet. Ek dink dis die beste Housewives tot dusver. Ek en manlief het almal gekyk. FRAN, KAAPSTAD Die vyfjarige Arenco Viljoen van Stilfontein se ma, Deserisé, stuur vir ons hierdie foto. Sy vertel hy is siek met ’n lugweginfeksie, en al kan hy nog nie perfek lees en skryf nie, hou hy baie daarvan om Huisgenoot se sudoku’s en blokraaie in te vul. Selfs al word dit nie heeltemal korrek gedoen nie, help dit hom om die tyd om te kry. Sy pa se…

HY HET oornag roem verwerf toe ál vier beoordelaars van Britain’s Got Talent (BGT) hom na die eindronde van die talentprogram deurgesit het nadat hy moeiteloos en perfek op maat van die musiek oor die verhoog gegly het. Musa Motha het sy plek in die geskiedenisboeke oopgedans toe Simon Cowell, Amanda Holden, Alesha Dixon en Bruno Tonioli saamgespan het om die eerste keer as groep hul goue knoppie te druk en hom na hul volgende ronde deur te sit. Maar dit was nie net sy elegante spronge en asemrowende draaie wat die beoordelaars geroer het nie – dit was ook sy inspirerende verhaal wat hulle in trane gehad en gehelp het dat die video van sy oudisie soos ’n veldbrand deur die wêreld versprei het. Wat sy vertoning des te…

DIE GRUIS VAN DIE SYPAADJIE KNARS ONDER HAAR VOETE. LANGS HAAR DRENTEL HAAR OUDSTE SEUNTJIE. SY HET HOM PAS BY SY SPEELGROEPIE GAAN HAAL EN HULLE STAP STA-DIG HUIS TOE. DIE DONKER-KOPVROU KYK OP. ‘WAAR-OM DINK ANDER MENSE DIE LUG IS BLOU,’ WONDER SY. VIR HAAR IS DIE LUG DAN PIKSWART. DONKER IN DIE jare van haar liefdelose huwelik was daar vir haar geen hoop, drome of vreugde nie, want die web van mishandeling het haar so gewurg dat sy nie meer sin of rede gehad het om te leef nie. Maar sy sou dié trauma eindelik nie net oorleef nie; sy sou dit oorkom om ook ander vroue te inspireer met haar boodskap: Jy kán uit ’n gewelddadige huwelik wegkom en boonop daarna ware liefde vind. Dit is ses…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. ‘STAAN OP, STOF JOUSELF AF EN DOEN ALLES IN JOU VERMOË OM DINGE WEER BETER TE MAAK’– RIEKERT Verlede maand het ons by ’n paar ma’s aangeklop om ons van hul grootste uitdagings te vertel. Aangesien dit vandeesmaand Vadersdag is, is dit nou die pa’s se beurt om ’n bietjie raad te gee oor slegte situasies wat hulle moes oorkom. Pa’s verskil baie…

WAAROOR GAAN DIT? Die voormalige hoof van S.H.I.E.L.D., Nick Fury, vind uit dat ’n groep ruimtewesens in die geheim op die aarde geland het. En natuurlik het hulle bose planne. Met behulp van die gewese geheime agent Everett Ross, sy S.H.I.E.L.D.-kollega Maria Hill en ’n vriendskaplike Skrull genaamd Talos moet Fury weer ’n slag die aarde red. Maar dis g’n maklike taak nie, want die Skrull kan van gedaante verander om nes gewone aardbewoners te lyk. En Talos? Ná die gebeure in die voorafgaande Captain Marvel het hy besluit om hom op aarde te vestig – en nou moet hy die planeet teen sy eie mense verdedig. Die storielyn vir Secret Invasion is gegrond op die strokiesprent deur Brian Michael Bendis en Leinil Francis Yu. Dis die eerste reeks van…

WIM VERMAAK MAAK ’N PLAN Deur WILLIAM OOSTHUIZEN Illustrasies: TONY ROSS Human & Rousseau, R155* Wim Vermaak se gr. 10-jaar is nou nie heeltemal ’n lied nie. Hy beland in ’n Shakespeare-toneelstuk, ’n ou in sy klas lê aan by Jenny, die meisie wat sý hart se punt is, sy tweelingsuster, Maddie, is soos altyd ’n pyn en hy kan nie soos gewoonlik staatmaak op sy ouma Hantie se hulp nie, want sy het muisneste. Dis die tweede Wim Vermaak-boek deur William Oosthuizen, ’n prokureur van Kaapstad, en dis ook nie die laaste nie, want hy beplan ’n reeks. “Die manuskripte vir die derde en vierde boek is reeds in ’n gevorderde stadium,” vertel hy. Hy wou nog altyd skryf. “Ná my debuut met ’n geskiedkundige roman vir volwassenes wou…

KREEF 21 JUNIE – 21 JULIE Wees versigtig om meer hooi op jou vurk te laai as wat jy kan baasraak met ’n finansiële kwessie, veral as ’n vriend ’n eenmalige geleentheid aan jou probeer verkoop. Gelukkig word die meeste van jou besluite altyd geneem met jou gesin se veiligheid en sekuriteit in gedagte; laat dit jou dus lei om die regte besluite te neem. Die kosmiese boodskapper, Mercurius, beweeg op die 27ste in jou teken, wat helderheid van denke en insig bring. GELUKKIGE NOMMERS 25, 18, 9, 2, 16, 22 LEEU 22 JUL – 22 AUG Dit sal goed wees as jy en jou maat vir mekaar soveel beweegruimte moontlik gee. Dit sal nie net onnodige botsings vermy nie, maar ook bevestig dat julle albei individue in eie reg…

‘EK KAN DOEN WAT EK WIL, WANT EK GAAN NIE KONING WORD NIE’ DIS nóú moeilik om jou dit voor te stel, maar prins Andrew was eens sy broerskind prins Harry se gunstelingoom. Nie meer nie. Deesdae is omtrent die enigste ding wat hulle in gemeen het hul status as koninklike uitgeworpenes – al is dit om heel verskillende redes. Albei dié mans, wat op hul tyd die spaarwiele vir die Britse troon was, is deesdae erg ongewild onder die Britse publiek. ’n Onlangse peiling het getoon net 22% van Britte het ’n “gunstige” siening van Harry, terwyl net 7% enigiets goeds oor Andrew te sê het. Dit is maklik om te vergeet, maar daar was ’n tyd toe Harry en Andrew albei onder die publiek geliefd was – en…

SY SIT op die mat met leeskaarte en boeke om haar gestrooi. Sy tel ’n leeskaart op en klank elke letter sorgvuldig uit. “My cap has gum on it,” lees sy. “Mooi so, Lethu!” laat haar ma hoor. Dit sou reeds indrukwekkend gewees het as Lethukuthula Bhengu in gr. 1 was, maar die kleuter is net drie jaar oud Dis ’n ouderdom waarop baie kleintjies nog leer om in volsinne te praat. Tog kan Lethu eenvoudige woorde klank, tot by 20 tel, en die meeste vorms uitken. Die kleinding van Soweto het onlangs ’n internetsensasie geword toe ’n TikTok-video waarin sy lees soos ’n veldbrand versprei het en byna 3 miljoen “likes” gekry het. Kort daarna is sy as die jongste Afrika-“kidfluencer” aangewys op ’n prysaand wat die Amerikaanse TV-kanaal…

SY MAAK ’n sukses van alles wat sy aanpak – en met miljoene dollars in die bank sou jy dink sy gaan nou op haar louere rus. Maar nie Michelle Obama (59) nie! Die voormalige Amerikaanse presidentsvrou is nou ook die medestigter van Plezi Nutrition, ’n onderneming wat gesonde kos en drankies vir kinders bemark. “Ek glo daar is ’n manier om ’n suksesvolle maatskappy op te bou én die regte ding vir ons kinders te doen,” sê sy. Dit volg op haar Let’s Move!-projek waarmee sy in 2010 begin het om vetsug by kinders te bekamp. Sedert sy en haar man, Barack (61), in 2017 die Withuis verlaat het, het hul betrokkenheid by winsgewende ondernemings hul gesamentlike fortuin tot $70 miljoen (R1,3 miljard) laat aangroei. NETFLIXOOREENKOMS $50 miljoen (R988…

DIE afgelope maande loop ons weer kwaai deur onder die droogte. Ek wonder altyd wat die ergste is: vuur, wind, water of droogte? Ek het kleintyd al met droogte te doen gekry op ons familieplaas in die Karoo. Pa was nie moeilik van geaardheid nie, maar wanneer dit droog geraak het, kon selfs ek die bekommernis vir sy geliefde veld en diere sien. Dit was ’n belewenis om saam voer aan te ry en mengsels te maak, maar hartverskeurend om te sien hoe die verswakte diere omval. Hier in die stad, waar alles altyd so immergroen lyk, voel die konsep van droogte vir my so onwerklik. Veral omdat dit aan die kus en wye oseaan is. Tog het daar in onlangse maande oral waterpunte in die stad opgeskiet en skielik…

DIE Babbelbende is terug! Net betyds vir die skoolvakansie stel ons vandeesweek seisoen twee van dié gewilde aanlyn kinderprogram bekend op huisgenoot.com. Ons deel elke dag ’n nuwe episode, en op naweke ’n omnibus van vyf episodes. Kinders kan dit gratis kyk en sal hulle verlustig in die avonture van die oulike leeu, Paloeka, die spitsvondige kameelperd, Palawa, en hul mensemaats, Bibi en Ben. Die vierstuks leer speel-speel saam allerhande interessante dinge oor die wêreld, en vorm ’n veilige en verwelkomende vriendekring vir kinders. Dis die soort program wat jy jou kroos met ’n geruste hart kan laat kyk, want dis oulik, snaaks en vermaaklik, maar ook leersaam en interessant. Boonop is die program in Afrikaans – plaaslike kykstof vir jou kroos eerder as die oorsese kinderreekse wat elders op…

ROOSMARYNHOEN-DER met POLENTA GENOEG VIR 4 MENSE / BEREIDING EN GAARMAAK: 70 MIN • 20 ml (4 t) botter• 15 ml (1 e) olyfolie• 8 hoenderporsies (dye en boudjies)• 2 uie, in dun skywe gesny• 15 ml (1 e) gekapte roosmaryn• 5 ml (1 t) bruin suiker• 1 L (4 k) hoender aftreksel• 250 ml (1 k) kits polenta• 1 bossie aspersies, harde punte afgesny, lengtegewys gehalveer• ¼ k sondroë tamaties• 50 g feta, gekrummel fyngesnyde grasuie, vir voorsit 1 Verhit die botter en olie saam in ’n groot, vlambestande swaarboomoondskottel oor hoë hitte. Braai die hoenderstukke 10 min. terwyl jy dit draai tot oraloor bruin. Skep dit op ’n bord uit. 2 Verminder die hitte tot matig, gebruik dieselfde pan en soteer die uie en roosmaryn daarin met die…

BELANGRIK Tensy die aanbevole breidraad gebruik word, kan Saprotex nie verantwoordelikheid vir die eindproduk aanvaar nie. LET WEL Die aanwysings word vir die kleinste grootte gegee, met die groter groottes tussen hakies; waar net een getal gegee word, verwys dit na al die groottes. BENODIGDHEDE Elle Classic Wool DK (100 g-bol): 6(6;7;7;8;9) bolle in die kleur van jou keuse (Ons het Aloe 062 gebruik.) 4 mm-breipenne Twee 4 mm-sirkelbreipenne GROOTTE Pas vir borsmaat: 82-87(92-97;102-107;112-117;122-127;132-137) cm Werklike rondommaat van trui: Borsmaat: 95(105;115;125;135;145) cm Lengte tot by skouer: 80 cm Mounaat: 45(46;48;48;49;49) cm SPANNING 25 ste en 44 rye = 10 cm oor rekrifpatroon met 4 mm-penne. Vir die beste resultate is dit noodsaaklik om die regte spanning te verkry. As daar te min steke in die toetslappie is, gebruik dunner penne;…

JY HET reeds rondgekyk vir die beste dekking teen die billikste maandelikse premie, maar wat kan ’n mens nóg doen om op jou korttermyn-versekering te probeer bespaar? Hier is 10 wenke wat jy beslis kan inspan om te bespaar. 1 RY MINDER Hoe minder jy op die pad is, hoe laer die risiko van padongelukke, en sodoende kan jy ’n laer premie probeer beding. Dit kan veral werk vir hibriede werknemers, as jy reeds afgetree of semi-afgetree het, en as jy byvoorbeeld weens veranderende omstandighede nie meer jou voertuig vir sake gebruik nie. Doen dit Lig altyd jou versekeraar in as jou omstandighede só verander dat dit jou risikoprofiel kan beïnvloed. Dan kan jou premie dienooreenkomstig verander word. 2 GOEIE SEKURITEIT ■ Sekere motorfabrikate het ’n hoër risiko om gesteel…

1 Joe en Anthony Russo, wat die regie behartig het vir vier Marvel-flieks insluitend Avengers: Endgame, het al jare gelede gesê hulle stel daarin belang om die Secret Invasion-storielyn in ’n fliek te omskep. Hulle het gehou van die idee dat helde en skurke saamwerk. 2 Emilia Clarke is die 11de Game of Thrones-ster wat by Marvel aansluit. Dit res sluit in Richard Madden (Robb Stark in die fantasiereeks) en Kit Harington (Jon Snow), wat albei te sien was in Eternals, en Peter Dinklage (Tyrion Lannister) wat Eitri in Avengers: Infinity War gespeel het. 3 Die vervaardigers het voorheen verklap dat die reeks rondom dieselfde tyd as Ant-Man and the Wasp: Quantumania plaasvind, wat beteken dat dit in Desember 2025 afspeel. 4 Die weergawes van Nick Fury en Maria Hill…

GROOT BLOKRAAI № 2 497 KOMPETISIEVRAAG Watter plant is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN KWELA PLUS KOM IN AANMERKING VIR DIE MAANDELIKSE TREKKING VAN R1 000. Dié week wen een leser Geheim van die gruwelsand deur Zirk van den Berg (Kwela, R320). Moordenaars. Afpersers. Nazi’s in die Namib. En dít is by verre nie die ergste waarmee die diamantsmokkelaar Barra Nel hier laat in 1942 te kampe het nie. Nie as die bose Nazinavorsers se eksperimente skeefloop en liederlike gedrogte in die woestyn ontketen nie. Daar is gevare net waar jy kyk. En hoe gaan hy die mooie Hedda red? Hedda, die Duitse wetenskaplike wat smeulende gevoelens in hom ontlok? Geheim…

ONS is omring deur strukture wat uit beton gemaak is, van paaie tot geboue en sypaadjies. Maar die proses om beton te verkry is nie juis omgewingsvriendelik nie. Dit lei tot baie besoedeling. Daar is ook groot hoeveelhede sand nodig om beton te maak, wat nie goed is vir die omgewing nie. Nou het ’n span wetenskaplikes in Japan met ’n moontlike oplossing vorendag gekom: Hulle gaan herwinde babadoeke gebruik om huise te bou. Die babadoeke is self ’n groot bron van besoedeling. In Amerika word byna 3,6 miljard kilogram babadoeke per jaar weggegooi. In baie ander lande beland die vuil babadoeke in riviere en mere en besoedel die water. Toe besluit Siswanti Zuraida, ’n navorser by die Kitakyushu-universiteit in Japan, en haar span om babadoeke skoon te maak en…

1 Wat is die hoofstad van Malawi? 2 Wie speel die rol van Ariel in die nuwe Little Mermaid-fliek? 3 Watter land het die meeste piramides ter wêreld? 4 Wie is die jongste mens wat al ’n Nobelprys ontvang het? 5 Waar vind vanjaar se Wêreldbekerrugbytoernooi plaas? ANTWOORDE: 1. Lilongwe 2. Halle Bailey 3. Soedan 4. Malala Yousafzai 5. Frankryk BRONNE SPACE.COM, DOGONEWS.COM, ESA. INT, BRITANNICA.COM, UP.AC.ZA, NETWERK24.COM, CNN.COM, GOODNEWSNETWORK.ORG…

THERESA GELDENHUYS (48), VERPLEEGSTER, DURBANVILLE ‘EK KAN onthou, as enigiemand seergekry het op die sportveld of by die skool, was ek die eerste een daar om skoon te maak en te troos. Dit was in my gene. My ma is opgelei as verpleegster. Nou nie haar opleiding klaargemaak nie – sy was so ’n paar maande kort. My ouma aan my pa se kant het in die Tweede Wêreldoorlog in Rhodesië ook verpleeg. As kind was dit altyd my ma wat gehelp het as ek seerkry. Maar sy was ook een vir tough love. Daar was waterpokkies in die omte. Ek het een oggend wakker geword en glad nie lekker gevoel nie. Sy’t gesê: “Ek weet wat fout is, jy wil nie daai toets gaan skryf nie. Gaan maar skool…

DIE gewese 7de Laner FRANK RAUTENBACH trek in VIA se nuwe geselsprogram Hier sit die manne weer sy aanbiedersbaadjie aan. In dié reeks nooi hy gaste om oor die dinge te kom gesels wat hom interesseer, inspireer en na aan die hart lê. Hulle praat oor rugby, motors, visvang, jag, reis en beleggings – alles waaroor die manne graag koppe bymekaar sit. Maar dit is nie net mans in die sportwêreld soos Ernst Joubert, Dean Greyling en Keegan Daniel wat in Frank se kuierplek ’n draai kom maak nie. Bekende vroue soos Rika Nieuwoudt en Janina Oberholzer kom kuier ook saam. “My doel met die program is om mense ’n ander perspektief oor bekendes te gee wat al sport gespeel het. In die eerste seisoen fokus ons baie op rugby,…