Indholdsfortegnelse for 29 June 2023 i Huisgenoot

1 MOEG GEWROEG OOR MY GEWIG Sy is keelvol vir almal om haar, skryf ’n moedelose leser aan Irma. Eers was sy oorgewig, maar nadat sy 50 kg afgeskud het, kritiseer almal haar omdat sy niks kwansuis niks eet nie … My skoonma en ander het ook aan my gekarring omdat ek net 50 kg geweeg het. Ek was fiks, gesond en het sport gedoen. Soms dink ek dit was jaloesie. Ignoreer dit en gaan aan met jou lewe. GERTY Ek verstom my nog altyd dat mense so vry voel om kritiese uitsprake oor ander se liggaam te lewer. Nee, aarde. Dis niemand se besigheid nie. Soveel skade word in die proses aan mense gedoen. BETS Ons is in dieselfde bootjie. Ek is oorgewig, en mense wat my nie ken…

HY’S te jonk vir ’n rybewys of om drank te koop, maar op 14 het hy reeds grade in ingenieurswese en rekenaarwetenskap agter sy naam – en hy is pas aangestel as programmeerder by die ruimtemaatskappy SpaceX. Kairan Quazi van Kalifornië in Amerika is gewoond aan mylpale. Hy het as tweejarige in volsinne gepraat, skool op nege verlaat om wiskunde op kollege te studeer en is daarna op 11 universiteit toe. Nou, drie jaar later, het hy die jongste gegradueerde in die Santa Clara-universiteit se 172 jaar bestaan geword. En daar wag reeds ’n werk vir hom op die ingenieurspan by die Starlink-afdeling van Elon Musk se maatskappy. Starlink is ’n diens wat daarop gemik is om internet per satelliet te lewer. Kairan het die indiensnemingsproses vir die werk as…

BLAMEER covid, die stygende lewenskoste of die feit dat ek ’n 10-jarige het wat my baie besig hou, maar ek het eenvoudig nie die tyd of die besteebare inkomste wat ek gehad het toe ek pas as skoonheidsredakteur begin werk het nie. En ek is nie die enigste een nie. Met die veskuiwing na moeitevrye skoonheid, velsorgminimalisme en groter aandag aan vermorsing en die planeet, probeer vroue ál meer om hul 10-stap-roetine te verskraal deur veeldoelige produkte te kies wat steeds aan hul skoonheidsbehoeftes voldoen. Die goeie nuus is die aanvraag is met ’n aanbod beantwoord en skoonheidshuise stel toenemend hardwerkende velsorg en grimering bekend wat meer as een doel dien. Hierdie 10 produkte is my topkeuses. VEELDOELIGE ROOM Hierdie room doen regtig die werk! Dit is sag en strelend…

NIEMAND het nog ooit gekla oor my asem nie, maar ’n mens wonder mos maar soms. My man gee my party oggende so ’n snaakse kyk wanneer ons wakker word en ek met hom begin praat. Dan hol ek gewoonlik badkamer toe om vinnig my mond te spoel en tande te borsel. Dan kan ek ten minste vir hom met ’n vars asem ’n soen gee. Maar in my agterkop krap die kommer. Ruik my asem dalk sleg? En hoekom sou dit dan so wees – ek eet mos nie elke aand knoffel en kool nie? Ek besluit dus om ondersoek in te stel en meld aan by ’n mondhigiënis. Haar naam is Amanda Klynveld van Bryanston in Johannesburg. Sy is baie vriendelik en laat my sit op ’n stoel…

HAAR DONKER KANT In Netflix se sielkundige riller Run Rabbit Run vertolk Sarah (35) die rol van ’n vrugbaarheidsdokter wat spoke uit haar verlede moet konfronteer toe haar eie dogter vreemde gedrag begin toon. Die première van die fliek, uit die pen van die Australiese skrywer Hannah Kent, is in Januarie by die Sundance-rolprentfees vertoon en het gemengde reaksie ontlok. Nes Sarah en Hannah is Daina Reid, wat die regie vir die fliek behartig het, ook Australies. Kritici was dol oor Sarah se vertolking van die dokter, wie se naam toevallig ook Sarah is. “Sarah dra baie van die fliek en kry dit reg om die kyker se simpatie tot by die ontknoping te behou,” het Deadline Hollywood oor haar vertolking geskryf. Die jong aktrise Lily LaTorre vertolk die rol…

KONKEL Deur PIETER MARAIS Protea, R239* Die potjiekos van samesweringsteorieë en geskinder op sosiale media wat veral tydens die inperking opgedis is, was die impetus vir Konkel. So verduidelik Pieter Marais waar hy aan die verhaal in sy baie sterk debuut kom. “Ons was almal maar te gewillig om dit met vriende en vermeende vriende te deel, sonder om eens oor die sooibrand te dink. Daar sit ek toe ingeperk en rol my duime en kyk uit oor ’n getyrivier en wonder of dit die soort plek kan wees waar mense ná ’n pandemie of soos ná die Ystydperk hervestig kan word.” En waar pas Konkel in? Is dit ’n krimi? “Dis amper soos Koöperasiestories destyds op TV, maar dié keer loer ons oor die sosialemedia-agterdeur. Daar is ’n krimidraad…

GROOT BLOKRAAI WEN ’N BOEK VAN KWELA PLUS KOM IN AANMERKING VIR DIE MAANDELIKSE TREKKING VAN R1 000. NO 2 498 KOMPETISIEVRAAG Watter lekkerny is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Ek wens, ek wens deur Zirk van den Berg (Kwela, R255). As lykbesorger by White Lily Funerals het Seb al talle lyke gebalsem, organe teruggepak in lyfholtes, bene gekonnekteer en wasbleek gesigte gegrimeer vir die laaste besigtiging deur roubeklaers. ’n Mens het jou werk en jy doen dit, dit help nie om vir ander goed te wens nie, of hoe? Nietemin wens Seb wel af en toe vir die een of ander ingryping om hom los te ruk uit sy saai…

1 Waar het die eerste Olimpiese Spele plaasgevind? 2 Watter land is die kleinste in die wêreld? 3 Wat is die nasionale sport van Japan? 4 Wat is die naam van die sterrestelsel waarin ons woon? 5 Wat is die naam van Peppa Pig se jonger boetie? ANTW00RDE 1. Griekeland 2. Vatikaanstad 3. Soemo-stoei 4. Die Melkweg 5. George BRONNE CNN.COM, BBC.COM, TRISTANDC.COM, UN.ORG, ARCHIVE.GOV, THEGUARDIAN.COM, DOGONEWS.COM, NYTIMES.CO…

Wat maak jou deesdae gelukkig? Al die klein dingetjies in die lewe. Wat doen jy vir pret? Inkopies saam my ma, Jana. Wat sal jy met R1 miljoen doen? Mense en diere help wat dit meer as ek nodig het, en as daar geld oorbly sal ek reis. As jy ’n superheld was, wat sou jou superkrag wees? Beslis om onsigbaar te wees. Watter liedjie laat jou altyd dans? “Finally Found You” deur Enrique Iglesias. Wat doen jy gewoonlik as dit beurtkrag is? Deesdae lees ek boeke en kyk ’n TikTok hier en daar!…

Padel is die vinnigste groeiende sportsoort in Europa en maak vandeesmaand sy buiging by die Europese Spele in München, Duitsland, in ’n vyfdaagse toernooi met 128 spelers van reg oor die vasteland. Die sport groei ook in Suid-Afrika. Die eerste baan hier is in 2019 gebou en sedertdien het nog 200 bane landwyd opgeskiet. ’n Internasionale toernooi, die A1 Padel PaySpace Master, is in Februarie vanjaar in Kaapstad gehou. “Dis nogal verstommend om 200 bane in ’n tydperk van vier jaar te bou,” sê Steven Cox, direkteur van Padel SA. Hy is in 2015 aan die sport bekendgestel toe hy Spanje saam met sy Spaans gebore vrou, Noemi Llompart Gutierrez, besoek het. “Haar familie het my genooi om padel te speel, want dit is baie gewild in Spanje, en dit…

DIE gesig op die foto is onmiskenbaar Derek Watts, maar die broosheid kan jy nie miskyk nie. Sy bekende glimlag is daar, maar daar is ook bloukolle en snymerke. “Morning!” groet hy by die foto wat hy op Twitter deel. Jy kan jou sy stem dadelik indink, want hy was lank sekerlik een van die bekendste aanbieders op Suid-Afrikaanse televisie. As joernalis en medeaanbieder van Carte Blanche op M-Net het Derek immers die afgelope 35 jaar elke Sondagaand in ons sitkamer kom kuier. Maar sy Twitter-boodskap in April het aanhangers geruk – nie net oor die foto nie, maar ook weens die omvang van sy gesondheidsprobleme wat hy toe beskryf het. “Dit lyk erg,” skryf hy by die foto, “maar ek het 14 dae gelede met vermoedelik ’n beroerte in…

DIE oud-Protea en sy modelvrou het onlangs vir die eerste keer Spanje besoek. Hulle was daar om geld in te samel by ’n liefdadigheidsgeleentheid vir JP se JP21 Foundation. Maar hulle het nie nét gewerk nie. Ná die geleentheid het die egpaar eers ’n bietjie ontspan voor hulle teruggekeer het Suid-Afrika toe. Hulle het omtrént die beste van hul tyd in Spanje gemaak. JP en Sue was eers ’n week lank op die eiland Minorka. “Ons het definitief die eiland die meeste geniet. Dis ongelooflik mooi.” Daarna was hulle ’n week lank in Spanje en het die strate van Barcelona ingevaar. “Ons het geen reisprogram gehad nie en net elke oggend opgestaan en nie geweet waarheen ons stap nie. Ons het net verlore geraak in Spanje, wat eintlik so lekker…

DIE aktrise EVA MENDES (49) en die sangeresse MEGHAN TRAINOR (29) en KELLY CLARKSON (41) het een van hul grootste skoonheidsgeheime gedeel – hulle skeer hul gesig! Die sterre het onlangs vertel van hul voorliefde vir die velsorgtegniek bekend as “dermaplaning”, wat behels om dooie selle en hare af te skeer. Eva het ’n video gedeel waarin sy vertel sy is eintlik nogal ’n harige vrou, iets wat sy kry van haar Kubaanse pa wat ’n “man-beer” was. “Ek het dit waarskynlik elke tweede dag nodig. My hare groei terug wanneer ek hoendervel kry,” het sy laat hoor. Met Meghan se verskyning op die Kelly Clarkson Show het die twee gepraat oor hoe gesighare meer groei met die ouderdom. “Hoe ouer jy word – ek is op die oomblik soos…

HIER IS DIE RAAD WAAROP JY AL SO LANK WAG: ’n Nuttige gids met ál die inligting wat jy benodig om vir jou huis-houding ’n plan teen beurtkrag te beraam. Ons ondersoek die verskillende opsies waarmee jy jou ligte en toestelle aan die gang kan hou en verduidelik als wat jy moet weet op ’n toeganklike ma-nier. Hierdie tydskrif sal jou help bepaal wat die beste plan vir jou huis is – en ook hoe om dit te kry en wat dit sal kos. Als wat jy wil weet oor: ◼ Sonkrag-installasies ◼ Gas-installasies ◼ Kragopwekkers ◼ Omkeerder-enbattery-stelsels ◼ Nuttige produkte vir al jou behoeftes AANLYN media24.shop.com of huisgenootwinkel.com BEL 021-406-4962 E-POS koop@huisgenoot.com…

HY WAS die eerste mens wat my Hilly genoem het. Eers daarna het die mense by die werk, my kollegas by Huisgenoot, dit ook begin doen. Ek was Hilly die joernalis; toe Hilly die nuusredakteur. As joernalis leer ’n mens maar om jouself later te probeer afsny van al die hartseer lewensverhale wat jy elke dag hoor. Dit raak net te veel om te verwerk; te veel seer. Jy leer om die seer en hartseer by die kantoor te los, en jy vat dit nie saam huis toe nie. Jy kan nie, want jy moet môre opstaan en aangaan om die volgende storie te vertel. Maar soms is daar mense wat in jou hart kom sit. Mense wat jy nie vooraf in die gewone lewe geken het nie. Jy leer…

DIE dag ses maande gelede toe die dokters haar vertel hul woelige vierjarige seuntjie het kanker, was die ergste van haar lewe. Hoe kan iets so verskriklik met Marlo gebeur? Hy is dan so klein en onskuldig, het Marinet Janse van Rensburg toe gevra. Maar die 39-jarige enkelma van Cullinan het haar gestaal en ter wille van haar gesin diep gedelf. Want benewens haar kommer oor Marlo en die hospitaal- en mediese rekeninge wat ophoop, het sy tienerbroer en -suster ook hul ma nodig. Tyd vir selfbejammering was daar nie. Die maande het verbygegaan en die uitdagende dae het ’n leefstyl geword. Marinet het in ’n stadium gedurig moeg begin voel, maar haar nie daaraan gesteur nie. Dis maar die lang dae, die ryery skool toe en terug vir die…

DINK aan laag op laag as dit by jou winterbeddegoed kom. Dit gee jou meer buigsaamheid – voeg ’n ekstra oorgooideken by wanneer jy ’n bietjie koud kry of skop ’n swaar kombers af op ’n warmer nag. “Die geheim tot ’n weelderige winterslaapkamer is om lae te skep – ’n knus, gerieflike duvet om jou warm te hou en sagte komberse, tekstuurryke oorgooidekens en kussings daarby,” sê Basizakele Mvuyane, van Mr Price Home. Kom ons wys jou hoe om in die komende wintermaande warm te bly en te sorg dat jou slaapkamer steeds stylvol is. LAKENS EN DUVETS Verruil koeler somerlakens vir opsies soos katoen of katoenvlies. “Die materiaal teen jou lyf moet kan asemhaal, veral wanneer jy onder warm winterbeddegoed toegewikkel is,” sê Karen Steyn van The Home…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. MY DOGTER NIE REGTIG WELKOM V Hoewel ek en my vrou meer as ’n dekade saam is, is ons slegs die afgelope paar jaar getroud. Ons het ’n pragtige seuntjie. My vrou en haar familie kuier gereeld en bel ook mekaar elke dag. Ek het ’n tienerdogter uit my eerste huwelik. Ons is baie lief vir mekaar, maar sien mekaar hopeloos te min.…

Uit Maat se oogpunt was die dans op Buurdorp ’n gemengde sukses. Enersyds was dit goeie afwisseling en die kans om nuwe mense te ontmoet, en andersyds het sake met Lena nie heeltemal so goed verloop nie. Of dan nie soos wat hy gehoop het nie. Toe die musiek laataand ’n meer romantiese toon begin kry, het hy haar om die draaie nader getrek sodat hul heupe teen mekaar was en sy deeglik bewus was van sy lyf en sy intensies. Maar sy het net ver genoeg weggetrek om kontak te vermy, maar ook nie onvriendelik oor te kom nie. Tog het hy haar geselskap en die dans baie geniet. Sy reageer amper instinktief op sy hand in haar rug sodat hulle deur hul passies sweef. Hy kon sien ander…

GRAFHUMOR Die welgestelde pretvraat is oorlede, en daar is groot afwagting toe sy testament voorgelees word: “Aan my vrou, Elna, laat ek die dorpshuis, ons bosveldplasie en R15 miljoen. Aan my seun, Barend, laat ek my Land Cruiser en Porsche en R5 miljoen. Aan my dogter, Linda, los ek my seiljag en R2 miljoen. “En aan my swaer Adam wat altyd daarop aangedring het dat gesondheid belangriker is as rykdom, laat ek my oefenfiets.” JOHANNA RADEMEYER BESORG Koos kry skielik griep en moet ’n dag by die huis sit. Hy rus lekker uit, en dis vir hom ’n riem onder die hart dat sy vrou so gelukkig is om hom ’n dag by die huis te hê. Dit is asof sy dit nie genoeg kan benadruk nie. Elke keer wanneer…

AS KIND was ek ’n baie aktiewe mens. Rondhardloop en sport was altyd my ding. As tiener was ek net so aktief. Ek het op laerskool begin rugby speel. My pa is baie gesond, hy hou net baie van eet. Ek’t foto’s van my pa gesien in sy eerste lewe – die een voor ons familie. In sy eerste lewe was hy baie aktief. Hy was die ou met die sixpack wat die Bruce Leefilms gekyk het. Daai karakter het ook baie oorgespoel in my. Ek en Thando Sithole doen al drie of vier jaar dié bootcamps vir mense in die gemeenskap by ’n skool in Eersterivier. Ons twee is die coaches. Hy’t my approach, want hy’t geweet ek’s altyd active – ons het saam op skool rugby gespeel. Ons…

HULLE staan bekend as die “RepliKates”. Vroue wie se obsessie met die prinses van Wallis verder strek as om bloot skindernuus oor haar te lees of ’n versamelstuk met haar gesig op te koop. RepliKates trek uitrustings aan om so veel as moontlik soos die toekomstige koningin van Engeland te lyk. Of dit ’n nommertjie van Zara se rakke af is, ’n haute couture-skepping deur Alexander McQueen of dalk ’n aandrok deur Kate se gunstelingontwerper, Jenny Packham, dié superaanhangers skarrel om elke uitrusting na te maak waarmee Kate in die openbaar verskyn. “Lady Brook” is ’n trotse RepliKate-lid. Vandag lyk sy op ’n haar soos haar heldin in ’n blink vlootblou tweedbaadjie deur Rebecca Taylor, met treffende goue oorbelle deur Missoma en ’n Cartier-horlosie van stylvolle vlekvrye staal – alles…

LUANDRI REYNDERS en MAUDE SANDHAM se paaie het in Oktober 2020 vir die eerste keer op die stel van Binnelanders gekruis. Al het hul karakters, Karen en Gaby, nie dadelik gekliek nie, het die aktrises gou boesemvriendinne geword. “Maude sê altyd sy het my nie regtig ’n keuse gegee nie, sy het net besluit sy gaan nou my vriendin wees en dit was dit,” vertel Luandri. Maude se karakter, Gaby, het onlangs die sepie gegroet, maar die twee aktrises is beste maats en gaan mekaar steeds elke week sien of bel. Ons kyk hoe goed hulle mekaar ken. 1 Wat was julle eerste indrukke van mekaar? Maude Sy is so oulik en onskuldig. ’n Nuwe maatjie! Gaan ons oor die weg kom? Ek hoop so. Luandri Sy het ’n groot persoonlikheid en…

DIE akteur KEVIN COSTNER (68) beskuldig sy vervreemde vrou, CHRISTINE BAUMGARTNER (49), daarvan dat sy weier om sy huis van $145 miljoen (R2,6 miljard) in Carpinteria, Kalifornië, te verlaat. Christine het op 1 Mei ná ’n huwelik van 18 jaar om ’n egskeiding aansoek gedoen. Volgens die paartjie se voorhuwelikse kontrak moes sy 30 dae nadat die egskeidingsdokumente onderteken is, uit die huis trek wat aan Kevin behoort. Aangesien die 30-dae-tydperk reeds verby is, het die Yellowstone-akteur ’n versoek ingedien waarin hy beweer dat Christine weier om te trek. Hy beweer hy het reeds vir Christine $1,45 miljoen (R26 miljoen) ingevolge die voorwaardes van die kontrak gegee om haar te help om nuwe blyplek vir haar en hul drie kinders, Cayden (16), Hayes (14) en Grace (13), te vind. Christine…

FEDORAS Maak nie saak wat jou voorkoms is nie, ’n fedora bied die perfekte ontspanne en sjiek afronding. Kies een in ’n interessante kleur of met versiering vir ekstra diepte. SERPE Hierdie seisoen is dit hoe groter hoe beter met serpe. Daar is ook meer maniere om dit te dra. MUSSE EN HANDSKOENE Bly warm én gebruik jou helder musse en handskoene om uit te staan. FLAPHOEDE Voeg dié wollerige warm hoede vanjaar by jou winterklerekas – dis nou hoogmode! PETTE ’n Pet is nie net vir ’n ontspanne of sportiewe uitrusting nie. Dra dit nou by so te sê enigiets vir ’n modieus-aktiewe voorkoms. MUSKNUS Kies ’n moeitelose straatcool voorkoms met ’n snoesige mus-en-serpkombinasie. LAAT DIT FLAP Dra ’n knooptrui by ’n wyepyp- of klokbroek vir ’n preppie, ontspanne…

KRY DIT HIER BUILDERS.CO.ZA, 0860-284-533; AIRLOOM.CO.ZA, 021-932-6318; HERTEXHAUS.CO.ZA, 021-948-4764; HOPEVOLHOOP.CO.ZA, INFO@HOPEVOLHOOP.CO.ZA; KNUS.CO.ZA, 087-550-7600; MRPHOME.COM, 064-584-1000; VOLPES.CO.ZA, 041-402-6800; WOOLWORTHS.CO.ZA, 0860-022-002 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFER NIE VERANTWOORDELIK GEHOU KAN WORD NIE.…

JY EN jou werkgewer dra elke maand saam 2% van jou salaris tot die Werkloosheidsversekeringsfonds (WVF) by. Ons kyk waarvoor jy kan eis. 1 WAT KAN EK VERWAG? Jou uitbetaling hang af van jou salaris en die kredietdae wat jy opgebou het (een kredietdag vir elke vier dae gewerk). As jy vir minder as vier jaar bygedra het, kan jy net vir een dag uit elke vyf eis. Net ’n persentasie van jou salaris word uitbetaal vir ’n maksimum getal dae (afhangend van jou kredietdae). Die betaling word bereken volgens ’n glyskaal van 38% (hoe verdieners) tot 60% (lae verdieners) van jou bruto salaris, beperk tot ’n maksimum salarisplafon (tans tussen R17 000 en R18 000). Die persentasies werk anders vir ouerskapsverlof en kraamverlof (sien onder). Die geld word in…

Dis Oktober – die mooiste, mooiste maand. Aldus Leipoldt. Onder in die straat suis motorbande saggies op die teer verby, terwyl die ligte van die ou Telkomtoring reëlmatig flikker. Deur die stoep se glasreling kan sy die pers jakarandas in die laatmiddagson uitmaak. Maar vir Petro is dit allesbehalwe die mooiste maand. Hier sit sy, alleen op haar stoepie in Groenkloof, en sy mis haar jongste spruit verskríklik. Haar en Mila se verhouding is besig om deur haar vingers te glip. Presies hoe en wanneer dit begin gebeur het, weet sy nie. Sy gaan sit. Nee, sy weet tog. Sy kan amper die dag en datum pinpoint. Dit het begin kort ná Lourens se dood. Net ná die oproep wat haar hele lewe omgekeer het. Haar sterk, atletiese man het…

KREEF 21 JUNIE – 21 JULIE Dit kan op vele vlakke vir jou ’n onvergeetlike week wees. Buiten dat die slim Mercurius met die lig van die son in jou teken saamval, skyn ’n volmaan in jou teenoorgestelde teken op die derde ’n fakkel op vele aspekte van jou lewe. Probeer jouself so sentreer dat jy kan voel dat jy vastigheid het ten spyte van die vele emosies wat jy waarskynlik ervaar. Skryf idees neer en hou boek van jou gevoelens. GELUKKIGE NOMMERS 9, 43, 48, 49, 45, 35 DIE KREEF: LIEFDE EN ROMANSE ◼ As ’n waterteken word die Kreef deur gevoelens gelei. ◼ Hulle is versigtig: Drie tree vorentoe, twee tree agteruit. ◼ Wanneer hulle eers ’n besluit geneem het, laat hulle jou nie gaan nie. ◼ Hulle…

Daar lê nou nóg ’n prettige seisoen van Die Babbelbende voor! Kom kyk saam na Seisoen 2 op Huisgenoot.com. In dié aanlyn Afrikaanse kinderreeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer leer oor ons wonderlike wêreld. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook media24shop.com om jou eie Paloeka-of Palawa-pop of Die Babbelbende se Groot Storieboek te bestel. Kom leer…

DIE winterwolke wat vanoggend weer so laag oor Kaapstad se berge hang, laat jou dink aan die verhaal van ou Van Hunks en die duiwel wat mekaar in ’n pyprookkompetisie getakel het. Dis ’n ou, ou storie wat al geslagte lank oorvertel en onthou word. Want stories neem jou na vreemde plekke vol aardige karakters; na landskappe ver anderkant die bekende. Stories kan jou selfs neem na sterrestelsels vreeslik ver van hier af– en dis presies wat twee Kaapse storievertellers, Nadia Darries (30) en Daniel Clarke (36), onlangs suksesvol met hul Star Wars kortfliek gedoen het. Hulle is die skrywers en regisseurs van Aau’s Song, waarmee seisoen twee van Disney+ se reeks Star Wars: Visions afgesluit word. En aanhangers en resensente is ewe beïndruk met dié animasiefliek van 15 minute.…

DAAR was groot vreugde toe sy van die kuratorskap bevry is wat 13 jaar lank haar lewe beheer het. Die popster Britney Spears kon eindelik doen wat sy wou sonder dat haar pa in beheer is van sake – haar lewe was weer haar eie. Maar 18 maande nadat sy haar onafhanklikheid teruggekry het, is die kommer oor haar welstand groter as ooit. Selfs aanhangers wat hulle eens vurig vir haar vryheid beywer het, vra haar nou om hulp te kry – en onlangse berigte in Britse koerante het hul kommer oor die popster laat toeneem. Britney (41) se eksman, Kevin Federline, is aangehaal waar hy sê sy gebruik dwelms, spesifiek uiters verslawende metamfetamien, en dis “skrikwekkend”. Haar twee tienerseuns, Sean Preston (17) en Jayden James (16), is bekommerd dat…

Die MasterChef SA-beoordelaar en kookboekskrywer was in Swede vir die Gourmand World Cookbook Awards, waar sy ’n topprys vir haar kookboek Simply Seven Colours gewen het. Haar derde kookboek is as beste glanssjefkookboek en beste TV-en sosialemediakookboek beoordeel. “Om Suid-Afrikaanse koskultuur oor die wêreld te versprei, is ’n eer. En om saam met al hierdie ander kookboeke van oral in die wêreld benoem te word – en om dan as die beste erken te word – is ’n wonderlike eer,” sê Zola. Sy verklap meer oor haar Suid-Afrikaans geïnspireerde maaltye en deel ’n paar wenke. Wat is jou staatmakerbeurtkragmaaltyd? Gelukkig het ek ’n gasstoof, daarom kan ek steeds tydens beurtkrag ’n maaltyd optower. Met dié dat ek alleen bly: ’n vinnige omelet en eenpotrys of -pasta. ’n Maaltyd wat goeie…