Indholdsfortegnelse for 6 July 2023 i Huisgenoot

1 ‘DEUR EN DEUR ’N NUUSMENS Ná drie dekades neem Derek Watts afskeid van Carte Blanche weens sy gesondheid. Sy jarelange medeaanbieder Ruda Landman het hom in die hospitaal besoek en met Huisgenoot oor Derek as kollega en vriend gepraat Sondae saam met Derek en Ruda was altyd spesiaal. Saam het julle vir baie hoop en geregtigheid ge- bring, en altyd op jul warm en waardige manier. Ware legendes! Beste wense aan julle albei. STEPH Dankie aan jou, Derek, vir al die jare wat jy Carte Blanche aangebied het. Ons sal jou mis en die program gaan beslis nie dieselfde wees sonder jou nie. Ek hoop en vertrou dat jy gou beter sal word. STEWART Ek hoop die een wat gaan oorneem, sal dieselfde goeie werk lewer as wat jy…

Iemand het eenkeer gesê: “Hy wat in sy hart vreugde dra, sy lewe is ’n fees.” Ons lewe in ’n tyd van oorloë en twis. Die ekonomie bloei en polities is alles deurmekaar. Almal skarrel om kop bo water te hou en langs die pad het mense blykbaar hul lag verloor. Dit laat my dink: Al wil ons eintlik nie die slegte kant van die inperking onthou nie, het dit tog ook vir goeie gesinstyd gesorg. Ons het tyd gehad om weer nader aan mekaar te groei en bestek oor verhoudinge te neem. Waarom groei ons dan weer weg van mekaar ná die inperking? Ons moet nou selfs meer as voorheen oop hande en harte vir mekaar hê, geloof uitstraal en gehaltetyd inruim. Ons ingesteldheid bepaal soveel uitkomste in die…

ALK is nuuskierigheid in ons almal se aard. Dink maar daaraan: Om te wil verken was nog altyd deel van menswees. Hou maar ’n kleuter dop wat op waggelbene die eerste keer sélf kan kom waar hy of sy wil – en dan al wat nuut en vreemd is wil bekyk. In die “grootmenswêreld” beur ’n paar onverskrokke reisigers voort die onbekende in sodat die res van ons ook kan weet hoe dit daar lyk – Suidpool toe, Everest toe, ruimte toe. Die onbekende fassineer ons; dit het die geskiedenis al weer en weer bewys. Dalk is dit juis daarom dat die soektog na die Titan-dompeltuig, wat verdwyn het op ’n sending om na die Titanicwrak te gaan kyk (bl. 16), mense wêreldwyd vasgenael gehou het. Dae lank was die…

Toe die CBS-joernalis David Pogue laas jaar op ’n Titan-ekspedisie genooi is, het die bewoording van ’n vrywaringsvorm wat hy moes onderteken hom kriewelrig gemaak: “Dis ’n eksperimentele vaartuig wat nie gesertifiseer is deur enige regulatoriese liggaam nie, en kan fisieke besering, emosionele trauma of die dood tot gevolg hê.” Stukke van die tuig het vir hom gelyk “asof dit aanmekaargeslaan is met komponente van ’n winkelrak af”, het hy geskryf. En hy was nog meer verbaas oor die videospeletjiekontrole – die soort wat jy in ‘n kinderkamer sal aantref. GPS werk ook nie wanneer tuie so diep duik nie. Dus sou die loods deur ’n teksboodskapstelsel instruksies van die ondersteuningskip ontvang en daarvolgens die Titan met die kontrole stuur. David het teenoor Stockton opgemerk dit lyk asof dele van…

Doelgerigte asemhaling sluit ’n verskeidenheid tegnieke in wat ’n mens kan inspan om tot diep in jou maag asem te haal. Hiervoor gebruik jy bewustelik jou diafragma – die spier onder jou longe wat jy kan voel oplig as jy jou longe vol lug suig. Navorsing het al getoon dié soort asemhaling kan ’n mens met stres, slapeloosheid, posttraumatiese stres en depressie help. Dit kan jou ook help om makliker aan die slaap te raak, meer uitgerus wakker te word en deur die loop van die dag meer oplettend te voel. “Hoewel ons gewoonlik asemhaal sonder om dit eens op te let, kan ons ook ons asemhaling bewustelik manipuleer,” sê Julie Robinson, ’n asemafrigter in Gauteng. Die eerste stap is sommer baie eenvoudig: Gee bloot aandag aan jou asemhaling. Die…

RENTEKOERSE styg en daarom sal kredietkaartaankope jou meer uit die sak jaag. Maar soms het jy nie ’n keuse nie en vra die kassiere: “Budget or straight?” Kom ons kyk wat hierdie opsies beteken. 1 SÓ WERK JOU KREDIETKAART Jy kwalifiseer vir by- voorbeeld R20 000 krediet. As jy iets vir R1 000 koop, het jy nog R19 000 beskikbaar. Wanneer jy die R1 000 inbetaal, sal die be- skikbare krediet weer R20 000 wees. Maar tensy jou kredietkaartrekening ’n positiewe balans het (omdat jy meer geld daarin betaal het as wat jy skuld), word al jou aankope gedoen met geld wat jy nie het nie. Jy koop op skuld. Kredietaankope is meestal 55 dae rentevry, maar betaal jy dit nie binne hierdie tyd nie, gaan die rente jou duur…

Nou weet Decima vir seker dis sy, daardie bronserige snuf wat die vrouevel afgee, hiernatoe aangedra deur die skoenlapper – dit ís sy. Jare lank – hoeveel? – het dit gevat voordat sy ’n mens in die bos of op die oop veld kon vertrou. Skyn die son, dan kom sy aangeloop met iets lekkers. Dit ratel wanneer sy uit haar voertuig klim. Sy’s naby. Hierso. Sy is. Ís sy. Stap tot teen haar, hierdie stil vroue-mens. Praat haar naam met ’n bedaarde stem, ’n tjilp vanuit skadubos, presies net so. Praat haar naam eers met ’n vraag, dan uitgelate. Steek haar arm uit, die hand nader haar, ’n aksie om te vertrou, niks om weg te steek nie. ’n Vrou se oop, uitgesteekte handpalm met iets vir haar, ’n…

KREEF 21 JUN – 21 JUL Jou week begin dalk op ’n dromerige noot met jou wat verre bestemmings oorweeg vir ’n wegbreek. Probeer om geanker te bly aangesien daar dalk teen die 10de ’n ontnugtering op jou wag wanneer ’n meningsverskil met jou maat jou terugbring aarde toe. Al het jy ’n sagte hart en steek dit jou dwars in die krop om ander seer te maak, is dit belangrik dat jy leer om op te staan, terug te baklei en selfgeldend op te tree. GELUKKIGE NOMMERS 34, 15, 5, 4, 8, 17 LEEU 22 JUL – 22 AUG Van die oomblik dat Mars jou teken op die 10de verlaat, sal jy minder gespanne en ook nie so veglustig voel nie. By die werk moet jy ’n kollega die…

FRIKKIE HEFER (42), REHABILITASIE- SENTRUMHOOF, POTCHEFSTROOM ELKE mens hanteer sy pyn op sy eie manier. My ontvlugting was drank en dwelms. Dit het in 1995 met verkeerde maatjies en ’n daggasigaret in Bloemfontein begin. Ek was jonk, net 14 jaar oud, maar my hart was stukkend en vol haat. Vir die lewe, vir my ouers, sommer vir almal en alles. Die dagga het daardie pyn minder gemaak. My ouers is in 1986 geskei toe ek ses was. Skielik was die veilige lewe as ’n plaasseun in Senekal verby en ek en my jonger broer en suster is saam met my ma Bloemfontein toe. Sy het erg gedrink; haar letterlik dood gedrink. Ek was 16 en sy was maar 38 jaar oud toe haar liggaam net oppak. Ek gaan bly by…

Die aktrise BIANCA FLANDERS BALIE het onlangs die derde boek in haar kinderreeks, Pampoenpit, bekendgestel. Dit heet Pampoenpit kry ’n beat. In hierdie jongste boek gebruik Bianca, wat onder meer in Nêrens, Noord-Kaap en Troukoors verskyn het, musiek geskryf deur haar man, Dean Balie, om stories te vertel. “Musiek is absoluut die hooftema in die boek. Ek vertrou Dean heeltemal met die musiek,” vertel sy. “Hy verstaan Pampoen, so hy weet presies hoe om musiek vir haar te skryf. Dis baie pret vir ons om saam aan Pampoen te werk.” Bianca is ’n opgeleide onderwyser en was nog altyd lief vir stories en lees. “Toneelspel is ook die vertel van stories. Dit was ’n nuwe, opwindende manier om ’n storie in ’n ander medium te vertel.” En ja, daar is…

HIER IS DIE RAAD WAAROP JY AL SO LANK WAG: ’n Nuttige gids met ál die inligting wat jy benodig om vir jou huis-houding ’n plan teen beurtkrag te beraam. Ons ondersoek die verskillende opsies waarmee jy jou ligte en toestelle aan die gang kan hou en verduidelik als wat jy moet weet op ’n toeganklike ma-nier. Hierdie tydskrif sal jou help bepaal wat die beste plan vir jou huis is – en ook hoe om dit te kry en wat dit sal kos. Als wat jy wil weet oor: ■ Sonkrag-installasies ■ Gas-installasies ■ Kragopwekkers ■ Omkeerder-en battery-stelsels ■ Nuttige produkte vir al jou behoeftes AANLYN media24.shop.com of huisgenootwinkel.com BEL 021-406-4962 E-POS koop@huisgenoot.com…

SOSIALE media het ’n nuwe dimensie na ons lewe en die samelewing gebring. Dit wat eers op ’n intiemer vlak tussen vriende en familie hanteer is, word nou so graag aan die groot klok gehang vir almal om te sien, te bewonder en oor kommentaar te lewer. Vroeër jare wanneer iemand verjaar, het ons aan daardie mens ’n mooi kaartjie met ’n persoonlike boodskap gegee of hulle gebel. Nou word dit op ’n sosiale platform gedoen. Aanlyn “vriende” kan sien wat jy die mens toewens, hoe spesiaal hulle vir jou is, die lang pad wat julle al saam gestap het . . . Woorde soos “jy is my beste hartsvriendin” sê nou vir almal wat aanlyn oor jou skouer lees dat “beste vriendin/vriend” vir meer as een kan geld (want…

My ma ly aan demensie en daar is iets wat ek almal wil vra. Gaan vandag na die versorger van iemand wat demensie het of aan alzheimersiekte ly, vat daardie versorger se hand, kyk hulle in die oë en sê dankie vir die werk wat hulle doen. Dis een van die ondankbaarste werke wat daar is, en hulle moet letterlik en figuurlik die aanslae van die siek mens verduur en absorbeer. Niemand doen die moeite om jou as die versorger se kant van die storie te hoor of die emosionele tol wat die siekte ook van jou eis nie – al versorg jy die mens met liefde.…

ÊRENS tik-tak ’n horlosie moeisaam voort – elke tik die teken van nóg ’n sekonde, ’n minuut en ’n uur wat verbysleep. Meer as twee weke lank is die ure in haar dae aan ’n verlammende onsekerheid geken en het sy geleef met die ontnugterende besef dat die verloop van tyd ál is waarvan sy nou seker kan wees. Dagin en daguit het Nádine deur die geoutomatiseerde deure van die Steve Biko Akademiese Hospitaal in Pretoria gestap. Eers deur die ontvangsgebied, dan af met die lang gepolitoerde gang, met die hysbak op tot by die sesde vloer – in by die waakeenheid. Hier het die Springbokheld Derick Hougaard, al byna ses jaar haar beminde, sedert die oggend van 10 Junie gelê. Hy was byna twee weke lank in ’n mediesgeïnduseerde…

Louis Liebenberg het by navraag gesê hy is bewus van die groepe. Hulle is volgens hom “losers”, “obstruktief”, “moeilik” en “kommin”. Hy gee toe klankgrepe bestaan van hoe hy teen die hoenders uitvaar. “Wie sal nié uitvaar teen mense wat jou heeltyd saboteer nie? Hopelik is my stem hard genoeg om op die klankopname gehoor te word.” En die bewerings dat hy gereeld mense se inligting op die internet deel en ge- weld teen hulle aanhits, is nie waar nie, sê Louis – hy is die een wat bedreig word. “Die hoenders is die mense wat geweld teen my aanhits. Hulle bedreig my lewe.” Hy ontken ook bewerings dat hy kuberkrakers aangestel het om vas te stel wie die hoenders is. Volgens Louis kan daar klankgrepe wees van hom wat…

Dit was die Sondagoggend 09:00 toe die Titan onder die water ingegly het. Oor wat presies daarna gebeur het, is daar nog baie onbeantwoorde vrae. Om 11:47, sowat 15 minute voor die tuig die wrak sou bereik, is alle kommunikasie verloor, maar die Kanadese kuswag is nie verwittig nie. Terselfdertyd is ’n geluid “soortgelyk aan ’n katastrofiese inploffing” oor die ondersese luisterapparate van die Amerikaanse weermag gehoor. Maar ook dié voorval is verswyg. Volgens plan sou die Titan omstreeks 18:10 daardie Sondag weer die oppervlak bereik. Eers om 18:35 is daar eindelik alarm gemaak en daarna het die soektog deur vliegtuie en skepe van die Kanadese en Amerikaanse kuswag begin. Sonarboeie is ontplooi om vir klanke onderwater te luister. As die tuig dalk verstrengel geraak het aan die Titanic se…

HOENDER en CHORIZORYS BEREIDING EN GAARMAAK: 110 MIN. /GENOEG VIR 6 MENSE 1 groot of 2 middelslag-uie, in skywe gesny3 rooi, oranje of geel soetrissies, ontpit en in skywe gesny2 vet knoffelhuisies, in skywe gesny100 g chorizo, gekap15-30 ml (1-2 e) olyfolie1 lourierblaar sout en peper, na smaak250 g bruinrys, deeglik afgespoel1 klein hoender in stukke verdeel of6 hoenderdye met been250 ml (1 k) wit wyn500 ml (2 k) hoen deraftreksel200 g kersietamaties, gehalveerseesout en swart peper Voorverhit die oond tot 190 °C. 1 Plaas die ui(e), soetrissies, knoffel en chorizo in ’n oondbak met ’n skeut olie – die chorizo sal sy eie vet vrystel, so jy het nie veel nodig nie. Voeg die lourierblaar by, geur met die sout en peper en meng goed. Rooster 25 min. 2…

KRY DIT HIER @HOME BY BASH; BABY-LONSTOREN.COM, 021-300-3919; BASH.COM; BLOOMSPACE.CO.ZA, 068-064-0277; DESIGNSTORE.CO.ZA; HERTEXHAUS.CO.ZA, 021-948-4764; KNUS.CO, 087-550-7600; MAKRO.CO.ZA, 0860-300-999; MRPHOME.COM, 064-584-1000; PEPSTORES.COM, 086-073-7000; WOOLWORTHS.CO.ZA, 0860-022-002; YUPPIECHEF.COM, 0861-702-4969 HOEWELONSALLESINONSVERMOË DOEN OM KORREKTE PRYSE TE VERSKAF, KANFOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDE-LIK GEHOUKANWORD NIE.…

AFDELINGS • Poësie• Prosa• Redenaars• Sang INSKRYWINGS Dit kos R120 per afdeling om in te skryf. Jou betaalde inskrywing gee jou toegang tot ’n eksklusiewe aanlyn meesterklas deur ’n vermaakkunstenaar wat topwenke vir jou optrede sal deel. Deelnemers word ’n sertifikaat toegeken gegrond op meriete: goud, silwer of brons! HOE WERK DIT? Skryf in en kyk na die afdeling waarin jy wil deelneem se meesterklas – kom leer by die bestes in die kunste-en vermaakbedryf! Deel dan op die webtuiste ’n video-opname waarin jy in Afrikaans: ■ ’n liedjie sing, ■ ’n gedig voordra, ■ ’n stuk prosa voordra of ■ as redenaar jou toespraak lewer. Besoek eisteddfod.huisgenoot.com om deel te neem. PRYSE Daar is lekker kontantpryse en Bubblegum Kids-opvoedkundige tabletrekenaars op die spel! Een deelnemer word aangewys as Huisgenoot…

GROOT BLOKRAAI NO 2 499 KOMPETISIEVRAAG Watter gewyde gebou is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK HUMAN & ROUSSEAU KOM IN AANMERKING VIR DIE MAANDELIKSE TREKKING VAN R1 000. Dié week wen een leser Die afreis van Abel Lotz deur Chris Karsten (H&R, R325). Die derde boek in die Abel-trilogie maak ’n draai in Johannesburg, Brugge en Pakistan. In ’n motelkamer in Bez Valley dui bloed en hare op ’n slagting, maar daar is geen lyk nie. Wanneer ’n gelooide vel in formalien gevind word, weet Ella sy is weer op die spoor van die reeksmoordenaar Abel Lotz. Abel is in Brugge, by sy kubervriend Ignaz Bouts. Hy sit sy soektog voort na velle…

1 Wat is die naam van die feetjie in die kinderreeks Peter Pan? 2 Hoe groot is ’n Olimpiese swembad? 3 In watter land word die meeste sjokolade geëet? 4 Hoeveel Grand Slam-toernooie het die tennisspeler Novak Djokovic al gewen? 5 Wat is die hoofstad van Spanje? ANTWOORDE 1 Tinkerbell 2 50 m lank, 25 m breed en minstens 2 m diep 3 Switserland 4 23 5 Madrid BRONNE THE CONVERSATION, BBC, YAHOO, DOGONEWS.COM, GOODNEWSNETWORK.ORG, GUINNESSWORLDRECORDS.COM, CAPETOWN.GOV.ZA, TWINKL.CO.ZA, WEATHERSA.COM…

ANATOMIE • ORGANE SINTUIE • GESONDHEID NOU TE KOOP WAT IS BINNE? ■ Anatomie: die skelet, spiere, bloed ■ Organe: die brein, senuweestelsel, hart, longe, niere, lewer, die vel ■ Sintuie: reuk, sig, smaak, gehoor ■ Gesondheid: vitamiene, allergieë, jou ingewande se flora, maagpyn, velprobleme, noodhulp ■ Asook raar maar waar, vreemde en wonderlike feite oor die menslike lyf! AANLYN media24.shop.com of huisgenootwinkel.com E-POS koop@huisgenoot.com BEL 021-406-4962…

Nóg ’n prettige seisoen van Die Babbelbende lê nou voor! Kom kyk saam na Seisoen 2 op Huisgenoot.com. In dié aanlyn Afrikaanse kinderreeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer leer oor ons wonderlike wêreld. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook media24shop.com om jou eie Paloeka-of-Palawa-pop of Die Babbelbende se Groot Storieboek te bestel. Kom leer ken Die…

TUSSEN al die katgevegte en onderstromings deur staan sy uit as ’n sprankie goedhartigheid en styl. Selfs in haar sexy rokkie bly sy die toonbeeld van waardigheid. En al het Karen haar gedurig agter haar rug beledig, het Mariska altyd gelyk asof jy haar deur ’n ring kon trek. Soveel so dat kykers van Die Real Housewives van die Wynlande eers na afloop van die reeks van haar bababoep bewus geraak het. Vandag sit Mariska Thorpe in ’n gemaklike sweetpaktop voor die kamera in haar huis op die prentjiemooi Fransche Hoek-landgoed. Sy hou haar seuntjie, wat net 12 dae tevore gebore is, vas. Die onderhoud sou eers van aangesig tot aangesig gebeur, maar sy het vroeër die week laat weet hulle is almal verkouerig. Dan beweeg Quintus, haar aantreklike man…

VADERSDAG is gewoonlik ’n tyd om die pa’s in ons lewe te huldig, maar in die Lee Simmons-huishouding het dit in ’n volskaalse sosialemedia-oorlog ontaard. Die gewese model Kimora Lee Simmons se dogters, Ming en Aoki, het hul pa, Russell Simmons, voor stok gekry omdat hy hulle verbaal en emosioneel mishandel het. Russell (65) en Kimora (48) is in 2009 ná ’n huwelik van 11 jaar geskei en die Def Jams-musiekbaas is sedertdien in verskeie regstryde gewikkel. Hy word onder meer deur gewese werknemers van seksuele teistering beskuldig. Die vete het losgebars toe die model Ming (23) ’n Vadersdag-huldeblyk aan hul ma, Kimora, gerig het met ’n foto van hulle twee saam. Russell het dit as ’n stekie na hom ervaar dat sy dogter op Vadersdag net oor haar ma…

DIE Brasiliaanse sokkerster Neymarmoes om vergifnis smeek by sy swanger verloofde, Bruna Biancardi, nadat dit uitgekom het hy het haar verkul. Neymar (31) het in ’n verklaring verskoning gevra nadat berig is hy het haar op Valentynsdag met Fernanda Campos (26) in sy woonstel in São Paulo, Brasilië, verkul. “Ek het verkeerd teenoor julle almal opgetree. Ek loop die risiko om elke dag verkeerd op te tree, op en weg van die sokkerveld. Maar ek erken my foute in my persoonlike lewe, in my intieme verhoudings met familie en vriende,” het hy op Instagram gedeel. “Ek het reeds jammer gesê vir my foute en die onnodige blootstelling, maar ek voel ek moet dit ook in die openbaar doen. As ’n privaat kwessie openbare kennis word, moet jy in die openbaar…

OM JOU kind te sien gradueer kan ’n emosionele ervaring wees, ongeag hul ouderdom. Dié bekendes het onlangs oulike foto’s van hul kinders gedeel wat die volgende stap in hul skoolloopbaan aanpak. Die superster Madonna se tweelingdogters, STELLA en ESTERE (10), was onlangs in blou hoede en togas geklee vir hul “gradeplegtigheid”. Die sangeres (64) het hulle gelukgewens met die boodskap: “2 Kweens!” en het vir albei ruikers met rose gegee. KHLOÉ KARDASHIAN het ’n groot makietie gehou om haar vyfjarige dogter, TRUE THOMPSON, se voorskoolse “gradeplegtigheid” te vier. Die ma van twee (39) het op Instagram foto’s gedeel van die geleentheid wat haar eks, Tristan Thompson (32), ook bygewoon het. Haar jonger suster Kylie Jenner (25) se dogter, Stormi Webster (5), het ook by dieselfde skool na die volgende…

ONLANGS hoor ek in ’n openbare plek hoe twee onbekendes iemand se voorkoms bespreek. “Sy met haar lang neus,” sê een. “Ja, en die bakore,” voeg die ander by. Hulle skaterlag en dan die neerhalende: “Maar sy’s darem altyd ’n ou sport.” Ek dink aan die vriendin wat ek ontmoet het toe covid begin vervaag het. Dele van haar gesig is weens kanker weggesny, en gedurende die pandemie was haar masker ook haar beskerming teen starende vreemdelinge. Sy het vele talente, en agter die veiligheid van haar masker het sy gewoeker om ekstra geld te verdien, wat sy meestal aan liefdadigheidsorganisasies geskenk het. Toe die maskers afkom, het sy weer teruggetrokke en huisgebonde geraak. Ek sien my vriendin se geskende gesig nie eens meer raak nie. Wel haar oë wat…

SMS’E Dit was ’n goeie daad deur die vrou van Riebeeckstad (“Dit kos niks om medemenslik te wees nie”, Briewe, 22 Junie). Ek reken wel ’n vertelling oor so ’n liefdevolle daad moet anoniem gedoen word. Dit is maar my mening. ANDRÉ BELL “Sagte ouerskap” (“Als oor die nuwe styl vir ouers”, 15 Junie) is een van die redes hoekom jong mense van vandag geen respek het nie. Soms is ’n loesing al raad, maar jy moet verduidelik hoekom jy hulle gestraf het. ANONIEM Ek het Huisgenoot: Ware Lewensdramas getrou gevolg en geniet, maar sonder prof. Christiaan Be - zuidenhout se insette voel dit nou vir my so afgewater. Bring die prof en sy insiggewende bydraes asseblief terug. LIENTJIE Tussen Gauteng en die Kaap moes ons op een dag twee…

DIS ’n toneel uit die hel. Op die gedoemde skip stoei angsbevange passasiers vir ’n plek in die reddingsbote. Ander skreeu in die ysige water om hulp. Dan breek die reusevaartuig se romp in twee en sak in die donker dieptes van die Noord-Atlantiese Oseaan af. Wie sal ooit dié dramatiese toneel uit die fliek Titanic vergeet? Beslis nie die vyf mans wat vandag, 111 jaar ná die seeramp wat 1 517 lewens geëis het, hulle so gemaklik moontlik in die beknopte romp van die dompeltuig Titan maak nie. Aan die stuur is Stockton Rush (61), avonturier en hoof van die OceanGate-maatskappy. Die ander passasiers is “toeriste” wat elk ’n kwartmiljoen Amerikaanse dollar opgedok het vir hierdie doodsveragtende duiktog na die wrak. Dan word die luik van buite af toegeskroef.…

HAMISH HARDING (58) Hamish Harding was die voorsitter van Action Aviation, ’n handelaar in straalvliegtuie, en ’n gerekende ontdekkingsreisiger en vlieënier. Hy was al verskeie kere in Antarktika en is laas jaar ook ruimte toe. “My pa was ’n hardwerkende sakeman, maar die belangrikste is dat hy die beste pa was waarvoor ek ooit konvra,” heteenvansyseuns, Giles(15), ná sy dood gesê. “Hy het my meer geïnspireer as wat enigiemand ooit sal weet, my goed geleer wat ek nooit sal vergeet nie, en het alles vir my beteken.” SHAHZADA (48) EN SULEMAN DAWOOD (19) Die skatryk Britse sakemagnaat van Pakistanse herkoms, Shahzada Dawood, en sy seun, Suleman, ’n student, was ook aan boord. Die tiener was vooraf angsbevange, het dit later geblyk. Hy is eintlik net saam omdat hy nie sy…

DONSIG KORTGEKAP Kort, donsige baadjies is die perfekte laag teen die winterkoue, veral saam met kort of lang rokke. VLIEGBAADJIE Wikkel jou toe in ’n klassieke vliegbaadjie met ’n donsige kinkel. JAS ’n Wollerige jas verleen drama en tekstuur aan jou uitrusting. POFFERIG BAADJIE ’n Pofbaadjie is ’n moet in elke kas en kan as ontspanne drag gedra óf opgedollie word. JAS ’n Treffende lang pofjas bied volle bedekking teen die koue én laat die koppe draai. MOULOOS Kies ’n moulose pofbaadjie vir ’n afwisseling in kleur of tekstuur – dit werk as ontspanne óf deftige drag. KRY DIT HIER ACKERMANS 0860-900-100; BASH.COM; FOREVER NEW 0860-018-014; FOSCHINI 0860-834-834; MR PRICE 0800-212-535; PEP 0860-737-000; PICK N PAY CLOTHING 0860-30-30-30; POETRY 0860-5555-29; QUEENSPARK 021-460-9400; REEBOK.CO.ZA; THE FIX 0860-834-834; TRUWORTHS 021-460-2300; YDE 021-460-2500…

DIT gebeur so vanselfsprekend dat jy byna kan vergeet jy doen dit. Jy asem in. Jy asem uit. Ongeveer 22 000 keer per dag. Meestal sonder dat dit die geringste inspanning van jou vra. Elke vier tot agt sekondes teug jy lug in jou longe in, die suurstof word daaruit verwyder en deur jou lyf opgeneem, en die koolstofdioksied word met jou uitasem vrygestel. Dis so eenvoudig dat dit amper onnodig voel om dit te beskryf. Nou hoekom dan, wonder ’n mens, gons beroemdes soos Oprah, Beyoncé, Selena Gomez, Gwyneth Paltrow en Meghan Markle die laaste ruk pal oor die “breathwork” wat hulle doen en hoe goed dit vir hul lyf en hul gees is? “Breathwork”, so vertel die sterre, is ’n tegniek wat jou lewe kan verander. Asemhaling, so…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie en jou identiteit bly vertroulik. Skryf vir my na: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. MY MAN WIL NIE SKEI NIE V Ek was byna twee dekades getroud met my man, en ons het drie seuns. In ons huwelik was ek van ander mense geïsoleer, en selfs my kinders kon nie vriende hê nie. Ek mag ook nie gewerk het nie. Ek word nog altyd daarvan beskuldig dat ek rondslaap, en my man het my al baie seergemaak; ek…

A Almal D Dwelms G Geweld Gr Gruwel N Naaktheid O Ouerdiskresie ■ Seks T Taal V Vooroordeel VAN WERKLIKHEIDSTER TOT AKTEUR Ons het die spiertier in 2019 leer ken as een van die deelnemers aan Survivor SA: Island of Secrets, wat in Samoa verfilm is. Dit was tydens die verfilming van dié werklikheidsreeks dat Nathan (29) dit die eerste keer oorweeg het om ’n akteur te word. Die Kapenaar het voorheen in die rolprentbedryf gewerk as produksietoesighouer en waaghals, maar toe hy 19 dae lank op dié eiland in die Stille Oseaan moes oorleef, het hy besef hoe lekker dit voor die kameras is. “Ná Survivor het ek besluit om akteur te word. Dit het my lewe vir altyd verander, want ek glo ek het eindelik my passie en…

MAGTELOOS Ek het probeer om nee te sê vir wodka, maar dis 40% sterker as ek. WOLLIE, PRETORIA VOORSPELLING Beurtkrag oorheers nou alles. Kyk nou maar net die weervoorspelling vir vanaand: “Daar is ’n 90%-kans op reën in die hele Gauteng, met elektrisiteit plek-plek.” L. SAAYMAN HOOPVOL Eskom vra ons moenie elektrisiteit gebruik nie. Rand Water sê ons moenie water gebruik nie. Ek wag nou net dat SARS sê ons moenie belasting betaal nie. L. SAAYMAN DOBBELSPEL V: Wat is die verskil tussen ’n man wat ’n loterykaartjie koop en ’n man wat met sy vrou stry? A: Die man wat die loterykaartjie koop, het eintlik tog ’n kans om te wen. DENISE, PRETRORIA HONDELEWE Wat het die een hond vir die ander gesê toe hulle die ry parkeermeters in…

UIT: antieke Frans Vellum kom van die Franse woord vèlin, wat kalfsvel beteken. Manuskripte en ander tekste is voorheen op dié diere se vel geskryf, maar in die antieke Romeinse tyd is die goedkoop, voorbereide vel van enige dier gebruik. SYFERSTORIES 83 Dis hoeveel jaar Ruth Magee en Beryl Richmond al penmaats is. Dit het onlangs aan die twee vriendinne ’n wêreldrekord besorg. Ruth, wat in Kanada woon, en Beryl, van Brittanje, was 12 jaar oud toe hulle vir mekaar begin skryf het. 3,13 Die Amerikaner Max Park (21) het in Junie ’n Rubik-kubus in soveel sekondes opgelos. Dit was 0,34 sekondes vinniger as die vorige rekord in die kategorie. 500 IndiGO, Indië se grootste lugredery, het op die onlangse Paryse lugskou soveel AirBus A320NEO-vliegtuie bestel. Dit is die grootste…

DAAR is iets anderwêrelds aan Bryan Johnson. Sy vel is stralend en ferm; sy oë onnatuurlik helder terwyl hy stip na my staar. Ek soek na ’n rimpel, vlek of gebrek – maar daar is nie een nie. Merkwaardig genoeg is sy ongewone volmaaktheid nie te danke aan botoks, vullers of ’n chirurg se mes nie. Op 45 bestee Bryan, ’n tegnologiemagnaat wat sy aanlyn betalingsonderneming, Braintree Venmo, byna ’n dekade gelede vir $800 miljoen (toe R8,8 miljard) aan PayPal verkoop het, ’n verstommende $2 miljoen (R36 miljoen) per jaar aan sy strewe na ewige jeug. Met Project Blueprint, soos dit gedoop is, het Bryan ’n span van meer as 30 dokters wat gereeld sy bloed, hart, lewer, niere, brein, bloedvate en seksuele gesondheid dophou. Hy drink 80 vitamiene en…

DIS bibberweer. Die briesie sny deur die lug. Maar vir twee jong verliefdes wat vandag hier in ’n tuin in die Goudstad afgeneem word, beteken dié winterweer liefde. Die son gaan binnekort sak, maar nou, met die laaste strale wat nog oor hulle skyn, kan enigeen duidelik sien hoeveel emosie in die paartjie se harte opwel terwyl hulle in mekaar se arms vir die kamera glimlag. Soms giggel hulle soos stout kinders terwyl hulle in mekaar se oë kyk. En tog is nie alles vandag ligsinnig nie. Wanneer die lagbuie bedaar, bly hul blik sag in mekaar se oë. Die band is onmiskenbaar. Adrian Steyn (27) is ’n akteur en vermaakster, veral bekend vir sy rol in Getroud met rugby, en Ancke Gericke (25) ’n analis en kontrakbestuurder by…

BYNA 20 jaar lank was die Hollywood-ster en sy vrou die perfekte glanspaartjie in ’n bedryf waar gebroke huwelike alledaags is. Soms het hul drie jong kinders hulle na rolprentvertonings vergesel – die toonbeeld van ’n gelukkige en stabiele gesin. Maar nou is daardie idilliese prentjie aan skerwe. Christine Baumgartner het onlangs aangekondig sy gaan van Kevin Costner skei. En soos met so baie ander Hollywood-egskeidings het dinge sommer gou morsig geraak. Beskuldigings vlieg tussen die nou vervreemde paartjie – en natuurlik is die groot twisappel geld. Kevin se agent, Arnold Robinson, het bevestig dat die akteur weens “omstandighede buite sy beheer” ingestem het om die huwelik te beëindig. Maar dit sal nie maklik wees nie. Christine (49), ’n model en handsakontwerper, beskuldig Kevin (68) daarvan dat hy haar en…

1 AVRIL EN TYGA IS UIT Die sangeres AVRIL LAVIGNE en die rapper TYGA het uitgemaak nadat hulle net drie maande lank uitgegaan het. Die twee is in April die eerste keer saam gesien, skaars dae nadat Avril (38) haar verlowing aan die musikant Mod Sun verbreek het. Maar Avril stap met meer as net ’n gebroke hart uit hierdie verhouding weg: In die kort romanse het Tyga (33) vir die sangeres ’n diamanthalssnoer van $80 000 (R1,5 miljoen) gegee wat sy glo hou. 2 AMANDA HET NOG ‘N TERUGSLAG Vriende en familie van AMANDA BYNES is besorg nadat die aktrise die tweede keer vanjaar in verpligte psigiatriese sorg geplaas is. Volgens TMZ het die polisie Amanda (37) hospitaal toe begelei nadat hulle op ’n oproep om hulp gereageer het.…

AANHANGERS was verward oor die Harry Potter-aktrise EMMA WATSON (33) se rok in die reklamefoto’s vir haar en haar broer Alex se nuwe jin-handelsnaam, Renais. Die ligblou minirok uit Loewe se 2023-lentereeks het ’n vreemde draadwerk onder die bokant wat dit laat lyk asof die rok in die lug sweef. “Wat in die wingardium leviosa is daai rok?” het een aanhanger laat hoor, met verwysing na die towerspreuk wat haar karakter, Hermione, doen. Nog een: “Ek ondersteun volhoubare modes, maar dra jy ’n onderstebo sambreel?”…

HAAR familie was maar altyd omstrede. Nou het die akteurs Charlie Sheen (57) en Denise Richards (52) se dogter Sami Sheen verklaar sy is ’n “sekswerker”. Die 19-jarige het onlangs ’n jaar op die volwasse intekendiens OnlyFans – waar sy sowat 200 foto’s en video’s het – gevier. Sy het die herdenking op TikTok aangekondig met ’n video wat insig gee in wat sy doen en vertel sy beplan om aan haar borste te laat werk. Sy het haarself as ’n sekswerker beskryf. ’n Bron het aan People vertel hulle vermoed Sami wil haar pa ontstel met haar loopbaankeuse, maar Denise weet haar dogter probeer net “opspraak wek”. Die ster van The Real Housewives of Beverly Hills ondersteun haar dogter se besluit om op die platform te werk en het…