Indholdsfortegnelse for 20 July 2023 i Huisgenoot

1 MOENIE STILBLY OOR BOELIES NIE Met die nuwe kwartaal wat binnekort begin, het Vra vir Irma die durende probleem van skoolboelies, en die emosionele uitwerking daarvan op die slagoffers, weer onder die loep geneem My kind is ook op skool geboelie. Sy wou nie laas jaar skool toe gaan nie. Die skool het dit probeer oplos, maar dan is dit net weer: “Vanmiddag kry ons mekaar weer.” Ek het haar toe in ’n ander skool gesit. MARIONETTE Die boeliekultuur begin in die ouerhuis. Kinders word nie skielik boelies by die skool nie. Te veel kinders word groot sonder dat daar gevolge vir onaanvaarbare gedrag tuis is. Hulle doen wat hulle wil. MARIAAN Onderwysers boelie ook! En gaan sien jy die hoof en kla, gebeur niks – selfs al het jy…

‘MY MAN BRING SONDER TWYFEL DIE BESTE IN MY UIT. EK IS ’N ANDER MENS VANDAT EK MET HOM GETROUD IS’ AS DAAR een loopbaan is wat sy nooit sal wil volg nie, is dit enigiets in die mediese veld. “Ek pass uit as ek ’n inspuiting sien en as bloed by my getrek moet word, dan huil ek weke lank,” erken Simoné Pretorius ruiterlik. “En hier kom dié rol na my kant toe en ek speel ’n dokter,” vertel sy laggend oor haar karakter in kykNET se nuwe hospitaaldrama, Hartklop. Tog lyk die aktrise wat ons as Simoné Nortmann in 7de Laan en in die Huisgenoot-eeufeesfliek, Vir die voëls, leer ken het, op die TV-skerm so tuis in haar teaterdrag soos… wel, ’n dokter in ’n hospitaal. Net so…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. MY MAN IS AAN PORNO VERSLAAF V Ons is al meer as ’n dekade getroud en het twee pragtige kinders. Terwyl ons nog in ’n verhouding was, het ek hom betrap met pornografie. Ek was nog ’n maagd, maar het geglo ná ons troue sal dit verander, want ons sal dan seksueel aktief wees. Ongelukkig lyk dit vir my dis nie hoe dit…

ZANDI SE LIED Deur ZANDILE NDHLOVU Illustrasies: KATLEGO KEOKGALE Pan Macmillan, R129* “Ek wou nog altyd die storie vertel. ’n Groot deel hiervan is die waarheid – net ’n klein deeltjie is uitgedink. Dit gaan oor die gesukkel om tuis te voel, en dan skielik kry jy ’n plek wat soos jou huis voel. Zandi se lied is ’n viering van die oseaan, en ek hoop dis ’n inspirasie vir kinders, al woon hulle ver van die see af. Ek wil hê hulle moet die oseaan leer ken, sy geskiedenis en wat nou aangaan.” So gesels Zandile Ndhlovu oor haar kinderboek. Ek sukkel om die swart meermin, soos sy ook bekend is, in die hande te kry. Ek hoor later sy is ’n spreker op die marienewetenskapsimposium op die Plett…

SNYDEND Man: Skat, ek het ’n glas in die kombuis gebreek. Vrou: Dis oukei, ek kom met die besem. Man: Dit is nie ’n noodgeval nie, jy kan maar te voet kom. JOHANNA RADEMEYER WANT DIS UI(T) Die getroude vrou kry op ’n dag ’n WhatsApp-boodskap van haar skelmpie wat haar inlig dis nou verby tussen hulle. Manlief kom agter iets is fout en probeer oor haar skouer sien wat op haar foon aangaan. “Wat lees jy?” vra hy naderhand. Sy: “Dis ’n resep wat ek by Marie gekry het. Hy: “Hoekom huil jy dan?” Sy: “Want dis die deel waar ek die uie moet sny.” WOLLIE, PRETORIA VOORWAARTS, AGTERUIT Sarel wil met sy 4x4 berguit. Ry liewer in trurat, waarsku sy pel Swannie, omdraaiplek is min daar bo. Dan…

HAAR bitter egskeiding vir ’n rekordbedrag het haar in die laat 1990’s in die kollig laat beland. Maar kort voor lank het Jocelyn Wildenstein se gesig die storie geword. Dit was ’n tyd toe in-grypende kosmetiese chirurgie nog taamlik seldsaam was, selfs in die ge-ledere van die stinkrykes. En hier was ’n vrou wat geen geheim daarvan gemaak het dat sy onder die lem was nie. Nie net een keer nie, maar vele kere. Die sosiale vlinder van New York, ge-bore in Switserland, het bekend geword as “Catwoman” en “The Bride of Wildenstein” – asook “die toonbeeld vir plastiese chirurgie wat skeefgeloop het”. Selfs hier in Suid-Afrika het Huisgenoot in die 1990’s berig oor haar rare gesig wat lyk asof sy deur ’n swerm bye gesteek is. Soms was mense…

SY GROOTSTE begeerte was ’n nuwe gesig sodat hy sy huis kon verlaat en die wêreld weer in die oë kon kyk. Die risiko’s van ’n gesigoorplanting was enorm. Dokters sou eers die oorblyfsels van sy verminkte vel heeltemal moes verwyder. Misluk die prosedure, sou hy letterlik geen gesig meer hê nie. Boonop was die kans groot dat hy sou sterf. Maar geen risiko het vir Joe Di-Meo swaarder geweeg as die wens om sy lewe weer op koers te kry nie. En ná vier jaar van wag en danksy die barmhartigheid van vreemdelinge is hy beloon vir sy dapperheid – Joe (24) het sy nuwe gesig gekry. Hy was net 18 toe hy in Julie 2018 weens ’n motorongeluk derdegraadse brandwonde oor sy hele lyf opgedoen het. Sy ooglede,…

SY HET wel haar studies aan die Stanford-universiteit opgeskop, maar aan pronkvere in haar keurige hoed is daar g’n tekort nie. Die Oscarbekroonde aktrise, ma, uitvoerende vervaardiger van flieks en reekse, die vrou wat die “bend and snap” beroemd gemaakhet… Ja, onspraathier van Reese Witherspoon. Nou het Reese (47) nog ’n pluimpie bygekry – en dié keer gaan dit oor hoe vet haar bankbalans is. Volgens die tydskrif Forbes is sy nou die rykste “selfgemaakte aktrise” ter wêreld. Die blondekop, wat haar rolprentdebuut in 1991 in The Man in the Moon gemaak het, het vandag ’n allemintige $440 miljoen (byna R8,5 miljard) agter haar naam. En hoewel sy goed geld verdien het as aktrise, is dit haar produksiemaatskappy, Hello Sunshine, wat die miljoene laat inrol. Reese haar maatskappy juis begin…

1 JUSTIN SE KUNSWERK Die sanger JUSTIN BIEBER het meer as R23 miljoen verloor. Die rede? Die waarde van ’n nieverwisselbare be-wys – “non-fungible token” (NFT) – wat hy ge-koop het, het met 95% afgeneem. En dit binne skaars een jaar! Justin (29) was een van die glansmense wat die golf van digitale kunsbelegging in 2022 gery het toe hy ’n Bored Ape-NFT gekoop het. Hy het $1,3 miljoen (R21 miljoen) be-taal vir die stuk, wat nou teen $59 000 (R1 miljoen) gewaardeer word. Met ’n netto waarde van $300 m (R5,4 miljard) behoort hy hom darem nie te veel oor die verlies te verknies nie. 2 GEEN AANKLAG TEEN TRAVIS Die rapper TRAVIS SCOTT slaak ’n sug van verligting nadat ’n jurie besluit het om hom nie ná die tragedie by sy Astroworld…

SY IS die vrou wat geweier het om te sterf. Met haar een hand op haar maag om haar ingewande binne te hou, ’n oopgesnyde keel en nog tientalle meswonde het sy uit die duineveld pad toe gekruip. Maar eers het sy die name van die twee wreedaards wat haar soos diere verkrag en aangerand het in die sand geskryf: Frans du Toit en Theuns Kruger. Sy wou geregtigheid hê – selfs al sterf sy. Maar Alison Botha hét daardie grusame aanval 28 jaar gelede in Gqeberha oorleef. Du Toit en Kruger is lewenslank tronk toe gestuur. Gedurende die vonnisoplegging het regter Chris Jansen hulle as “die boosheid vanself” beskryf en aanbeveel dat hulle nooit parool kry nie. Op haar lang pad na fisieke en emosionele genesing het die dapper…

Pinotage-BEES-SKENKELBREDIE GENOEG VIR 6 MENSE / BEREIDING: 15 MIN. GAARMAAK: 2-3 UUR Geïnspireer deur ’n tradisionele Franse beesvleisbredie, maar met ons eie kinkel. Hierdie bredie kan ook in ’n prutpot berei word. ◗ 1,5 kg beesskenkels of -potjiekosvleis (met been)◗ sout en vars gemaalde peper◗ 30 ml (2 e) olie◗ 2 uie, in dik skywe gesny◗ 6 knoffelhuisies, gekneus◗ 2 lourierblare◗ 4 takkies tiemie◗ 1 takkie roosmaryn◗ 2 stele seldery, gekap◗ 4 wortels, geskil en in dik stukke gesny◗ 250 ml (1 k) pinotage of ander droë rooiwyn◗ 250 ml (1 k) beesvleisaftreksel◗ kookwater, soos nodig◗ 250 g sampioene, gehalveer◗ 15 ml (1 e) meel gemeng met 30 ml (2 e) water VIR VOORSIT ◗ vars basilie◗ bykos van jou keuse 1 Geur die vleis met die sout en peper.…

BELANGRIK Tensy die aanbevole breidraad gebruik word, kan Saprotex nie verantwoordelikheid vir die eindproduk aanvaar nie. LET WEL Die aanwysings word vir die kleinste grootte gegee, met die groter groottes tussen hakies; waar net een getal gegee word, verwys dit na al die groottes. BENODIGDHEDE ◼ Elle Family Knit Vintage Chunky (100 g-bol): 1(2;2;3;3;3) bolle in die kleur van jou keuse ◼ 5 mm-en 5,5 mm-breipenne ◼ 5 mm-sirkelbreipen ◼ Breispeld ◼ 3(3;4;4;5;5) knope GROOTTE Pas vir ouderdom: 0-6(6-12;1-2; 2-3;4-5;6-7) maande/jaar Werklike rondommaat van trui: Borsmaat: 45(51;55;60;65;71) cm Lengte tot by skouer: 24(28;32;38;42;48) cm Mounaat: 15(17;20;24;29;33) cm SPANNING 15 ste en 21 rye = 10 cm oor koussteek met 5,5 mm-penne. Vir die beste resultate is dit noodsaaklik om die regte spanning te verkry. As daar te min steke in…

SUKKEL jy om kop bo water te hou met terugbetalings vir jou verskillende kredietkaarte? Hier is vyf wenke om dinge onder beheer te kry. 1 STEL VAS WAT DIE GEHEELBEELD IS Jou kredietskuld sal nie weggaan as jy dit ignoreer omdat dit jou intimideer nie. As jy weet waarmee jy te doen het, kan jy ’n plan maak om dit te bestuur. ◼ Gaan jou bankstaat, winkelrekeningstate en kredietrekord na om te sien wat jy alles skuld. Jou bank-en winkelkaartstate behoort jy aanlyn op jou profiel te sien. Jou kredietrekord moet ook jou kaartskuld wys, en ingevolge die wet kan jy een gratis kredietrekord per jaar trek. ◼ Maak ’n lys van al jou skuld asook die rentekoers op elkeen (bel en vra as dit nie op die rekening staan…

LEEU 22 JULIE – 22 AUGUSTUS Hoewel die son op die 23ste in jou teken inbeweeg, wat beteken dat jy ’n verjaardag het om te beplan, kan dit as ’n onstuimige week afskop. Jy sal dalk dié week die sente moet omdraai – wag dus met die partytjiereëlings tot daar ’n begroting is. Met die liefdesdiva, Venus, wat ook agteruitbeweeg in jou teken, verwag ’n bietjie angs en onsekerheid wat jou verhouding betref. Byt vas met ’n familiesage wat tot ’n einde moet kom. GELUKKIGE NOMMERS 8, 17, 29, 47, 29, 11 LEEU SE IDEALE WERKOMGEWING ◼ Jy geniet dit om die middelpunt van aandag te wees, so jou lessenaar is prominent geposisioneer. ◼ Jou stoel is jou troon, en jou lessenaar is groot. ◼ Jy raam pryse en kwalifikasies…

In 2012 is die ganse wêreld opgesweep toe die Koreaanse rapper Psy sy liedjie “Gangnam Style” uitgereik het. Die musiekvideo het die eerste video op YouTube geword wat 1 miljard keer gekyk is. Die video is in 2017 deur “See You Again” van Wiz Khalifa en Charlie Puth verbygesteek. Teen vroeg Julie vanjaar is “Gangnam Style” al 4,8 miljard keer gekyk. Die titel van die liedjie verwys na die rykmansbuurt Gangnam in die Suid-Koreaanse hoofstad Seoel. Psy het destyds verduidelik die liedjie steek eintlik die draak met die soort mense wat in daardie buurt woon. Terwyl die mense in die gebied hulself as hoër klas ag, wys die musiekvideo allesbehalwe die gedrag waarmee hulle identifiseer. Volgens Psy sal hulle byvoorbeeld nooit die soort dansies doen wat hy in die video…

JAKKALS EN WOLF-BUNDEL (Wendy Maartens) 5+ Jakkals en Wolf is nou nie juis “beste pelle” soos ons dit verstaan nie. Want watter vriend gaan maak dat die dorpsmense jou jaag, of ’n kwaai tier op jou spoor sit? Maar nou ja, as jy saam met skelms en leuenaars uithang… In hierdie bundel van ses lekkerlagstories probeer Jakkals en Wolf mekaar om elke hoek en draai uitoorlê – al is hulle kamstig beste maats. Die twee skarminkels se gekonkel is natuurlik aan geslagte kinders bekend, maar hierdie nuwe verhale leer jou op vermaaklike wyse wie jy kan vertrou en wie nie – en veral om ander se goed uit te los. ZOEM! ’N OERWOUD VOL DINOSOURUSSE (Theresa van Baalen) 7+ Alex is ietwat dikbek omdat sy ouer nefie Christiaan kom kuier…

EEN van die belangrikste rolle van wetenskaplikes is om ons te help om die wêreld om ons beter te verstaan. Maar soms kan hul bevindinge sekere mense ontstel. Hoekom? Omdat die nuwe navorsing daardie mense se ou, gevestigde oortuigings weerspreek. Dit was ook die geval met Galileo Galilei en sy vele ontdekkings. Vandag is hy bekend as die vader van die moderne wetenskap, maar in sy eie tyd is hy vervolg en verstoot weens die dinge wat hy oor die werking van die heelal uitgevind het. VROEË LEWE Galilei is in 1564 in Pisa, Italië, gebore. Hierdie tydperk in die geskiedenis word die Renaissance genoem en was ’n era groot veranderings in die samelewing. Mense het uit die Donker Middeleeue begin beweeg en nuwe dinge oor die wêreld ontdek. Die…

VAN jongs af hou ek van diere en besigheid. In die laerskool was ek al ’n entrepreneur. Wanneer ons op entrepreneursdae ons tafel opgeslaan het, het ons binne ure ál ons lewendige kuikens en ons inspuitings vol kondensmelk verkoop. Dit was soos soetkoek. My kinderjare was besig. Ek’s aan baie dinge blootgestel. Drama, debat redenaars, toneel, kunswedstryd en atletiek en hokkie – van gr. 1 af reg deur hoërskool. Ek dink dit was deel van my voorbereiding vir wat nog kom in die lewe. Troeteldiere was áltyd deel van ons familie – baaaie van hulle. Ek onthou hoe my ma my regtig toegelaat het om elke dier te kry wat ek graag wou hê – slange, hase, hamsters, honde, voëls. Ek het almal gehad. Behalwe spinnekoppe. Vir hulle gril ek.…

DIE PIESANG Moderne kuns is eienaardig. So is ’n doodgewone piesang wat met ’n stuk grys kleefband teen ’n muur vasgeplak is in 2019 vir ’n aardige $120 000 (R1,7 miljoen) aan kunsliefhebbers, ’n egpaar van Miami, verkoop. Die stuk met die titel Comedian is die skepping van die Italiaanse kunstenaar Maurizio Cattelan. Hy het die piesang by ’n kruidenier gekoop en dit in die Art Basel in Miami uitgestal. Die kopers het die kunswerk aangeskaf omdat hulle gesien het hoeveel aandag dit trek. “Ons is uiters bewus van die volslae absurditeit dat Comedian ’n andersins goedkoop en bederfbare varsproduk en ’n paar sentimeter kleefband is,” het hulle gesê. DIE ONDERKLERE Die katoenonderklere wat eens deur koningin Elizabeth se ooroumagrootjie, koningin Victoria, gedra is, is in 2015 vir £12 000…

Reese se ster het vinnig helder geskyn ná haar deurbraakrol in Cruel Intentions in 1999, waarvoor sy $250 000 (toe R1,4 miljoen) betaal is. Twee jaar later het sy wêreldwye roem behaal met Legally Blonde as die student Elle Woods, ’n ontploffing in pienk, wat bewys sy is alsbehalwe ’n dom blondine. Ná goeie resensies het sy die opvolg, Legally Blonde 2, gemaak en is sowat $15 miljoen (toe amper R130 miljoen) betaal vir haar rol as die prokureur met ’n chihuahua op die arm. Daarna het die rolle ingestroom in rolprente soos Sweet Home Alabama, Four Christmases en Walk the Line, waarvoor sy $12 miljoen (omtrent R100 miljoen) per fliek betaal is. Reese het in 2016 ’n skuif gemaak na die kleinskerm en weer het die geld ingerol. Vir die…

Reese het deur die jare haar inkomstestrome gediversifiseer, en een daarvan is ’n modeonderneming. Sy het haar klerereeks, Draper James, in 2013 bekendgestel. Die handelsnaam fokus op mode, bykomstighede en dekor geïnspireer deur die ster se grootwordjare in die Suide, en is genoem na haar grootouers, Dorothea Draper en William James Witherspoon. Reese het ’n paar winkels in state soos Tennessee, Texas, Georgia en Kentucky, en sy het al met ander groot handelsname saamgewerk. Draper James het selfs vroeër vanjaar ’n reeks oefenklere bekendgestel. “Om getrou te bly aan ons visie om produkte te lewer waarin kliënte goed lyk en goed voel sodat hulle die wêreld kan ingaan en goeie dinge kan vermag, is die Draper James-sportreeks doelbewus ontwerp om goed te pas en gemaklik te wees, met die ikoniese…

NÁ DRIE maande van hoogdrama op die kassie het die vroue van Die Real Housewives van die Wynlande onlangs bymekaargekom vir ’n reünie wat oor twee episodes uitgesaai word. Die Troukoors-akteur Armand Aucamp het as die aanbieder opgetree. In die episodes kry die vroue ’n terugblik op hul doen en late in die reeks. Armand vra elkeen uit oor hul mees omstrede oomblikke. Die reünie is verlede maand op die Haute Cabrière-landgoed in Franschhoek verfilm – en die 18 uur van opnames het vir talle oomblikke van spanning en wrywing tussen die vroue gesorg. Karen Schwendtke kon nie die reünie-episodes bywoon nie omdat sy ’n week voor die verfilming haar sleutelbeen gebreek en eers ’n dag voor hulle daaraan geskiet het uit die hospitaal gekom het. “Sy is egter deel…

Die voormalige Mej. Suid-Afrika en sakevrou Jo-Ann Strauss is “supra-opgewonde” om vanjaar se Mej. en Mnr. Supranasionaal-kompetisies aan te bied. Die skoonheidskompetisies vind op 14 Julie in Pole plaas. Suid-Afrika se eie Lalela Mswane sal dan haar opvolger kroon. “Die Mej. Suid-Afrika-kompetisie het ’n groot rol gespeel in my loopbaan, so ek sien uit daarna om te sien hoe die jong vroue dit gebruik om hul loopbaan te bevorder,” sê Jo-Ann. Toe sy in 2000 as die mooiste vrou in die land gekroon is, het dié kompetisie nog nie bestaan nie. Die heel eerste Mej. Supranasionaal is eers nege jaar later gehou. Jo-Ann het destyds aan die Mej. Wêreld-en Mej. Heelal-kompetisies deelgeneem. By laasgenoemde het sy die geleentheid gekry om skouers te skuur met die supermodelle Naomi Campbell en Elle…

Rome Wepner Rome het WEPNER in 2022 bekendgestel. “Dis ’n handelsnaam wat die man verteenwoordig wat ek nog altyd wou wees – selfversekerd, heilsaam en koel op my eie manier. Dis my eie idee van styl: Om sterker en magtiger te tree uit die onvermydelike uitdagings waardeur ons almal in die gesig gestaar word,” sê hy. WAT IS JOU VROEGSTE MODE-HERINNERING? Ek onthou hoe ek as jong seuntjie geleer het om miniatuurkleertjies op my ma se naaimasjien te maak. WAT IS JOU MOET-HÊ-ITEMS VIR DIE SEISOEN? ’n Oorgroot baadjie met sensasionele detail. WAT IS DIE HOOGTEPUNT IN JOU LOOPBAAN? Wepner is nog ’n nuwe handelsnaam en ons is op ’n lang reis. Ons het die afgelope jaar ons debuut op die loopplank gemaak by die South African Menswear Week en ons…

WAAR KAN JY DIE MEESTE KIEME OPTEL? Van jou selfoon of van die toiletsitplek? Antwoord Jou foon. Mikrobioloë aan die Universiteit van Arizona het bevind daar is 10 keer soveel bakterieë op die skerm van ’n selfoon as op ’n toiletsitplek. Die rede Toilette en badkamers word wyd met kieme vereenselwig. Daarom doen mense moeite om dit gereeld skoon te maak. Maar hoe gereeld sien jy iemand wat hul selfoon met kiemdoder ontsmet? Die les Was jou hande nadat jy in die toilet was. Anders dra jy jou kieme die wêreld vol. Navorsers het al bevind daar is spore van ontlasting op een uit ses selfoonskerms. Dit is waarskynlik daar omdat die selfoongebruikers nie hul hande ordentlik gewas het nadat hulle in die toilet was nie. ’n Ander groep Britse…

OOR DIE FLIEK Baie mense wil belangrik wees. Hulle droom daarvan om groot dinge te doen wat die gang van die geskiedenis verander. Maar wanneer jy die dag wel dié soort invloed bekom, kan dit nogal swaar op jou skouers rus. Dít het Julius Robert Oppenheimer, legendariese fisikus, maar alte goed besef. Hy is die vader van die atoombom, ’n uitvindsel wat die wêreld vir altyd verander het – en wat baie mense vrees die planeet eendag kan verwoes. In ’n nuwe fliek deur Christopher Nolan (die Batman-regisseur), vertolk Cillian Murphy die rol van dié wetenskaplike wie se vernietigende uitvindsel eindelik gebruik sou word om twee Japannese stede in puin te lê, die Tweede Wêreldoorlog te beëindig en die Koue Oorlog in ’n era van vrees te omskep. Emily Blunt…

Wat kry jy wanneer jy CHARLIZE BERG en JAKKIE LOUW kombineer? Die duo Jakkals en Berg. “Ek het jare gelede saam met Jakkie en die sanger Kevin Leo opgetree toe hulle onder die naam Jakkals en Leo musiek gemaak het,” vertel Charlize. Maar met Kevin wat twee jaar gelede Panama toe getrek het, het Jakkie besluit om ’n nuwe hoofstuk van die Jakkals-handelsnaam te begin – en toe nader hy sy vriend Charlize. Die twee het ’n splinternuwe musiekvertoning geskryf wat hulle nou onder dieselfde naam bemark en opvoer. In die vertoning steel Jakkie en Charlize die gehoor se harte met liedjies uit bekende flieks soos Foot-loose, Titanic en Pretty Woman. Hulle het ook ’n oorspronklike – en eerste – enkelsnit getiteld “Bella Musica” wat einde Junie uitgereik is. “Die…

GROOT BLOKRAAI WEN ’N BOEK VAN QUEILLERIE PLUS KOM IN AANMERKING VIR DIE MAANDELIKSE TREKKING VAN R1 000. NO 2 501 KOMPETISIEVRAAG Watter blomstruik is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Kamikaze deur Rudie van Rensburg (Queillerie, R345). Kassie Kasselman is kriewelrig. Hy is sy lewe lank poeliesman, maar wragtag, wat hy nóú alles in die media oor sy geliefde SAPD lees én self sien in kol. Daniels se kantoor by die Nuwelandstasie! Kassie het juis ’n ander werkaanbod gehad… En dan moet dit natuurlik só kom dat hy in die middel van sy loop-baankrisis teen die grieseligste moordenaar nóg te staan kom. Die Pion se moordloopbaan het tentakels wat terugstrek na…

ASPARTAAM, een van die algemeenste versoeters, gaan vandeesmaand as “moontlik karsinogenies” (sien Woord van die week) verklaar word deur die Internasionale Agentskap vir Kankernavorsing (IARC). Kunsmatige versoeters is iets wat kos soet maak sonder dat dit suiker bevat. Aspartaam word in produkte soos koeldranke, sjokolade en kougom gevind. Die bevindinge van die IARC kan in vier kategorieë verdeel word: karsinogenies, waarskynlik karsinogenies, moontlik karsinogenies of nie klassifiseerbaar. Aspartaam val in die kategorie “moontlik karsinogenies”. Dit beteken daar is beperkte bewyse dat dit kanker veroorsaak by mense, maar sterk bewyse dat dit kanker veroorsaak by diere of eienskappe het wat soortgelyk is aan stowwe en situasies wat kanker veroorsaak in die mens. Die bevindinge neem net in ag of iets skadelik kan wees of nie – dit gee nie inligting oor…

1 Watter sportsoort word op Wimbledon in Londen gespeel? 2 Wat is die kleinste oseaan in die wêreld? 3 Wat noem ons die proses waardeur plante hul eie voedsel maak? 4 Wat is die hoofstad van Zimbabwe? 5 Wat is die naam van die sneeumannetjie in die fliek Frozen? ANTWOORDE: 1. Tennis 2. Die Arktiese Oseaan 3. Fotosintese 4. Harare 5. Olaf BRONNE TRAVELTRIVIA.COM, BUZZFEED.COM, CNN.COM, CBSNEWS.COM, PEOPLE.COM, UNIVERSETODAY.COM, THEGUARDIAN.COM, ABCNEWS.COM…

HET JY al ooit een van daai groot outydse horlosies gegroot outydse horlosies gesies is ’n voorbeeld van ’n pensies is ’n voorbeeld van ’n penste vorm is ’n pendulum ’n gewig wat van die punt van ’n draad of tou hang. As ’n mens die gewig agtertoe trek en laat gaan, swaai die pendulum vrylik heen en weer. Die 16de-eeuse wetenskaplike Galileo Galilei (lees die artikel oor hom op bl. xx) het uitgevind die tydsduur van elke swaai is dieselfde, of die swaai nou klein of groot is. Sy ontdekking het tot die uitvinding van pendulumhorlosies gelei wat kon tyd hou. Ons wys jou hoe jy met ’n pendulum pragtige patrone met sand kan teken. STAP VIR STAP STAP 1 Draai die prop van ’n plastiekbottel af. Plak dan…

Nóg ’n prettige seisoen van Die Babbelbende lê nou voor! Kom kyk saam na Seisoen 2 op huisgenoot.com. In dié aanlyn Afrikaanse kinderreeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer leer oor ons wonderlike wêreld. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook media24shop.com om jou eie Paloeka-of Palawa-pop of Die Babbelbende se Groot Storieboek te bestel. Kom leer ken…

SELFS al volg jy nie Paralimpiese atletiek – of enige atletiek – nie, sal jy sy gesig herken. En al ken jy nie sy gesig nie, is sy naam sekerlik welbekend: Ernst van Dyk. Want drie dekades lank is hy, ’n man sonder bene, een van Suid-Afrika se bekendste atlete. Hy het die Boston-marathon se rolstoelafdeling 10 keer gewen, en hy het deur die jare ’n rits medaljes (brons, silwer en goud) by die Paralimpiese Spele verower. Ernst het sy sport die afgelope drie dekades oorheers. Daarom was dit ’n groot gebeurtenis – een wat ’n mens nie sommer stil-stil wil laat verbygaan nie – toe dié nederige reus van rolstoelatletiek onlangs aankondig hy gaan einde vanjaar aan sy laaste mededingende marathon deelneem. “Ek was konsekwent in my loopbaan, maar…

Hello Sunshine het ’n voorganger gehad. Reese het in 2000 haar eerste produksiemaatskappy, Type A Films, begin, en teen 2012 saamgesmelt met die vervaardiger Bruna Papandrea. Hulle het die maatskappy Pacific Standard saam gestig, wat die flieks Wild en Gone Girl gemaak het. In 2016 het hulle hul eie rigtings ingeslaan, waarná Reese die onderneming Hello Sunshine gedoop het. “Dis my lewenslange passie om vroue se stories met egtheid en humor te vertel,” het sy destyds gesê. “Hello Sunshine is daartoe verbind om inhoud te skep wat vroue sal bereik waar hulle tyd deurbring. Of dit ’n fliekteater, tuis of op hul foon is. Vroue soek vermaak wat spreek tot dít waaraan hulle waarde heg.” Al het sy meeste van die onderneming aan Candle Media verkoop, is Reese in die…

SHONDA RHIMES (53) Die vervaardiger laat die geld instroom danksy reekse soos The Fixer, Bridgerton, en Grey’s Anatomy en haar netto waarde staan op $250 miljoen (R5 miljard). TAYLOR SWIFT (33) Die popster het al die nuus gehaal met haar verstommende fortuin van $740 miljoen (R15 miljard). En haar Erastoer beloof om haar beursie nog heelwat meer te laat bult. DOLLY PARTON (77) Die countrymusieklegende en filantroop se musiekkatalogus staan op ongeveer $150 miljoen (R3 miljard), maar eintlik is haar Dollywood-temaparke haar grootste bate. BARBRA STREISAND (81) Die ouskool-ikoon spog met ’n netto waarde van $430 miljoen (R8,5 miljard). Danksy haar fenomenale sukses as sangeres besit sy ook ’n spogwoning in Malibu van $80 miljoen (R1,5 miljard). RIHANNA (35) Met $1,4 miljard (byna R30 miljard) agter haar naam het die…

Die voormalige Mej. Heelal Zozibini Tunzi is die aanbieder en ’n uitvoerende vervaardiger van die Mej. Suid-Afrika-kompetisie se heel eerste televisieprogram, Crown Chasers. Suid-Afrikaners kry vanjaar ’n vollediger prentjie van wat agter die skerms gebeur by die gesogte kompetisie danksy dié reeks wat Sondae op SABC3 uitgesaai word. In die reeks van vyf episodes sal die 11 finaliste ’n paar uitdagings moet oorkom, dinge wat gegrond is op die vier pilare van die kompetisie: plig, om ’n kampioen te wees, bemagtiging en skoonheid. ’n Wenner sal weekliks deur die beoordelaars, die TV-persoonlikheid Bonang Matheba en aktrise Leandie du Randt, tesame met ’n gasbeoordelaar gekies word. Aan die einde van elke episode word ’n deelnemer uitgestem, en die sewe oorblywende finaliste sal op 13 Augustus aan die finaal deelneem. Die glansryke…

DEUR die jare het die aktrise Heather Locklear ’n lang stryd teen drankverslawing gevoer, maar telkens weer van die waterkar afgeval. Nou vrees geliefdes dat die Melrose Place-ster weer gegly het, want op onlangse foto’s tree ’n verslonsde Heather vreemd op. Die foto’s wys hoe Heather (61) met plakkies aan haar voete op die randjie van ’n gebou in Malibu, Kalifornië, loop voor sy op ’n trap gaan sit. Sy lyk ontsteld en praat met haarself terwyl sy blaai deur iets wat soos ’n dagboek lyk. Volgens die Daily Mail het haar verloofde, Chris Heisser (61), haar vir ’n vergadering by die gebou afgelaai. Hy het toe geduldig vir haar gewag terwyl sy meer as ’n uur buite gesit het. “Heather drink,” sê ’n bron aan die nuuswebtuiste. “Die familie…