Indholdsfortegnelse for 17 August 2023 i Huisgenoot

→ Drie kurrikulumgebaseerde pakkette is reeds beskikbaar: ◼ Sosiale Wetenskappe: Geografie ◼ Sosiale Wetenskappe: Geskiedenis ◼ Lewensvaardighede BINNEKORT BESKIKBAAR ◼ Wiskunde ◼ Natuurwetenskappe en Tegnologie > Elke pakket bevat ’n verskeidenheid goed nagevorsde artikels met foto’s, infografika en video’s wat die inhoud op ’n toeganklike en interessante manier aanbied. > Dit is gegroepeer volgens vakke en onderwerpe en kan jou kind help om klaswerk te verstaan en huiswerk te doen. Dit kan ook help met mondelinge, take en ander skoolprojekte. → Besoek huisgenootjunior.com…

DAAR’S geen ander manier om dit te sê nie: Sy smeul voor die kamera. Haar bruin oë skitter, haar goudbruin lokke val in golwe oor haar skouers, en sy is die ene selfvertroue in haar rooi satynbloes, stywe swart broek en stiletto’s. So goed lyk Amor Vittone (51) dat dit moeilik is om te glo sy is die afgelope tyd deur diep waters. Maar sy is. Stormwaters, eintlik. En dis nou eers dat sy weer ’n stiller hawe kon bereik; nou eers dat die golwe om haar weer begin bedaar. Haar moeilike hoofstuk het begin toe sy sowat ’n jaar gelede die een slapelose nag ná die ander gehad het. “Stres en trauma het my geteister,” vertel die sangeres en aktrise vandag. “Ek het nagte in my bed gelê en…

GEURIGE LAMSKENKELKERRIE BEREIDING EN GAARMAAK: 3 UUR 30 MIN. GENOEG VIR 4 MENSE Hierdie gereg vries goed. Jy kan die lamskenkels heel vries of die vleis van die bene afaal voor jy dit vries. ◗ 30 ml (2 e) olyfolie◗ 30 ml (2 e) botter◗ 4 lamskenkels◗ sout en swartpeper na smaak◗ 2 uie, geskil en grofgekap◗ 4 knoffelhuisies, geskil en fyngekap◗ 5 cm-stuk vars gemmer, geskil en fyngekap◗ 1 rooi brandrissie, fyngekap◗ 45 ml (3 e) kerriepoeier◗ 5 ml (1 t) elk koljander-, komyn-en vinkelsaad◗ 2 kaneelstokke◗ 4 kardemompeule◗ 3 vars of droë lourierblare◗ 1 x 400 ml-blik klappermelk◗ koljanderblare, vir afronding◗ rys, vir voorsit Voorverhit die oond tot 160 °C. 1 Verhit die olie en botter in ’n oondskottel oor matige hitte. Geur die skenkels goed met die…

BELANGRIK Tensy die aanbevole breidraad gebruik word, kan Saprotex nie verantwoordelikheid vir die eindproduk aanvaar nie. LET WEL Die aanwysings word vir die kleinste grootte gegee, met die groter groottes tussen hakies; waar net een getal gegee word, verwys dit na al die groottes. BENODIGDHEDE ◼ Elle Unspun (200 g-bol): 4(5;5;6;6;7;7) bolle in die kleur van jou keuse (ons het Slate 702 gebruik) ◼ 7 mm-breipenne; 7 mm-sirkelbreipen sal dalk vir groter groottes nodig wees ◼ 8 mm-sirkelbreipen ◼ 3 breispelde GROOTTE ◼ Pas borsmaat: 77-82(87-92; 97-102;107-112;117-122;127-132; 137-142) cm ◼ Werklike rondommaat van baadjie: Borsmaat: 98(105;115;125;135; 145;155) cm ◼ Lengte tot by skouer: 60 cm ◼ Moulengte: 40 cm SPANNING 11 ste en 27 rye = 10 cm oor brioche-rif met 7 mm-breipenne (Hoe om ste/rye te tel: Elke r…

Baie kenners beskou die mammogram, wat in wese ’n X-straal-foto van die bors is, as die beste manier om borskanker vinnig op te spoor. “Die wetenskap toon dit verminder sterftes weens borskanker by vroue bo 40 met 40%,” sê dr. Heleen Hanekom, radioloog en lid van die borskankersorggroep by die Netcare Unitas-hospitaal in Centurion, Gauteng. As borskanker vroeg gediagnoseer word, kan dit behandel word met metodes wat minder aggressief en ontwrigtend is as dié vir gevorderde kanker, verduidelik dr. Vuyelwa Bha Ndungane-Tlakula, mediese direkteur by Pfizer South Africa. Die ideaal is om die kanker binne 60 dae nadat die eerste simptome merkbaar geraak het te laat diagnoseer, sê dr. Jenni Noble, funksionele hoof van onkologie by Medscheme. Jy moet dus dadelik toetse ondergaan wanneer jy onraad vermoed.…

DIE afgelope Desember was 10 miljoen Suid-Afrikaners drie of meer maande ag-terstallig met hul skuldbetalings. Maar selfs al sit jou krediteur ’n skuldinvorderaar op jou spoor, het jy steeds regte. Hier is vyf dinge wat jy daaroor moet weet. 1 HULLE MOET WETTIG WEES Alle skuldinvorderingsmaatskappye en hul werknemers moet by die Raad vir Skuldinvorderaars (CFDC) geregistreer wees. Jy kan die registrasie by die CFDC nagaan. ◼ Sou iemand hulle ’n skuldinvorderaar noem, maar hulle is nie geregistreer nie, is hulle skuldig aan ’n strafregtelike oortreding. Geregistreerde skuldinvorderaars se fooie is onderhewig aan die Wet op Skuldinvorderaars en die Nasionale Kredietwet. ◼ Prokureurs wat skuld invorder hoef nie as skuldinvorderaars te registreer nie en is nie onderhewig aan die Wet op Skuldinvorderaars nie; hul fooie word deur die Wet op Landdroshowe…

1 As jy nie ’n aktrise was nie, wat sou jy wees? Tien teen een ’n ekonoom, dit was my plan B. 2 Wat is die een ding waarsonder jy nie ’n dag kan klaarkom nie? My stiltetyd met God, net om dankie te sê vir ’n nuwe dag, beskerming en voorsiening. 3 Watter liedjie is tans op jou speellys? “Prince of Peace” deur Hillsong United. 4 Watter woord of frase gebruik jy gans te veel? “It is what it is.” 5 Wat sal kykers verbaas wees om van jou te weet? My ouderdom gooi mense altyd af. Almal dink ek is 19 of 20.…

1 “Ek hou baie van sport en kyk graag rugby, krieket, boks en UFC. Ek is ’n groot aanhanger van die Suid-Afrikaanse UFC-kampioene Dricus du Plessis en Cameron Saaiman,” sê Francois. 2 In Oktober verlede jaar het Francois sy eerste marathon, die Kaapstad-marathon, voltooi en hy is van plan om dit vanjaar weer in Oktober aan te durf. “Ek het ook vir die Twee Oseaneultramarathon in 2024 ingeskryf.” 3 “Ek luister graag na oudioboeke, en my gunsteling is Born to Run deur Bruce Springsteen.” 4 “My guilty pleasure is waremisdaaddokkies soos Making a Murderer op Netflix.” 5 “Ek is heeltemal onhandig in die kombuis, maar ek braai gereeld, veral ’n skaaptjoppie op die vuur.”…

GROOT BLOKRAAI WEN ’N BOEK VAN HUMAN & ROUSSEAU PLUS KOM IN AANMERKING VIR DIE MAANDELIKSE TREKKING VAN R1 000. NO 2 505 KOMPETISIEVRAAG Watter konfyt is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen ’n leser Die Suid-Afrikaanse lugbraaierkookboek deur Louisa Holst (H&R, R320). Maklik, flatervry en Suid-Afrikaans… alles uit jou lugbraaier. Welkom in die wonderwêreld van die lugbraaier! Die veelsydige lugbraaier – ’n klein konveksie-oond wat kos vinnig en doeltreffend gaarmaak – verdien sy eretitel as ’n ware staatmaker in die moderne kombuis. Die verskeidenheid van japtrap-resepte in hierdie boek is ’n móét vir jou kookrepertoire. Die Suid-Afrikaanse lugbraaierkookboek fokus op talle ou bekende Suid-Afrikaanse gunstelinge – van bobotie, appelkoossnoek met soetpatats, en boerewors met…

1 Wie het vanjaar se Tour de France vir vroue gewen? 2 Hoeveel flieks is daar in die Mission: Impossible-reeks? 3 Op watter dag word Vrouedag in Suid-Afrika gedenk? 4 Watter geldeenheid word in Mexiko gebruik? 5 Watter land het roomys geskep? ANSWER 1 DemiVollering. 2 7.  3 9 Augustus.  4 Peso. 5 China. BRONNE CNN, THE GUARDIAN, BBC, BUZZ-FEED, KIDSNEWS.COM.AU, NEWSFORKIDS.NET, BRITANNICA.COM…

PIKMIN 4 NINTENDO SWITCH ★★★ Pikmin is ’n wonderlike reeks. Dié vars vertolking van waretyd-strategie was ’n vars briesie toe die eerste een bekendgestel is. Dis ’n oulike en gemaklike hoekie vol sagte boontjiesakke en helder kleure in ’n genre wat andersins deur soldate, tenks, oorlog en bloed gekenmerk word. Hier is baie waarvan jy sal hou as die voriges in jou smaak geval het. As die reeks ooit jou belangstelling geprikkel het, is dié aflewering ’n goeie plek om in te spring. Maar die vierde aflewering voel meer soos ’n nagedagte as iets nuuts en interessants. Dit is steeds ’n goeie game, en die manier hoe dit werk, bly prettig. Maar dit voel eerder soos ’n huldeblyk as ’n vars ervaring. MASTER DETECTIVE ARCHIVES: RAIN CODE NINTENDO SWITCH ★★★…

6 JULIE 1945 OM 05:30 Die eerste toetsbom ontplof op die Trinity-terrein in Nieu-Mexiko en lui ’n nuwe era in. $2 MILJARD Soveel het Amerika in vier jaar aan die Manhattan-projek bestee om die atoombom te ontwikkel. Dis vergelykbaar met ongeveer $25 miljard vandag. 5 Soveel Japannese stede is aanvanklik as teikens oorweeg. Dis tot Hirosjima en Nagasaki afgeskaal. 15 000 TON Die Hirosjima-bom was die ekwivalent van soveel TNT. 2 Soveel atoombomme is al in ’n oorlog gebruik. Tot vandag toe bly Hirosjima en Nagasaki die enigste twee teikens. 12 500 Soveel kernplofkoppe bestaan wêreldwyd. Omtrent 90% van hulle behoort aan Amerika en Rusland. Vooruitgang in tegnologie beteken moderne bomme is 3 000 keer so kragtig as die een wat op Hirosjima laat val is. 1964 Die jaar toe…

ALLES het verander danksy ’n goeie daad. Dít het die grondslag gelê vir sy lewe vandag – en ook vir wat hy nou vir ander beteken. Danksy daardie oomblik destyds het hy die ou geword wat goeie nuus met Suid-Afrikaners deel – ’n daaglikse dosis hoop vir sy landgenote wat dikwels vodde voel weens al die aanslae van ons werklikheid. Brent Lindeque is die “goeie ou” agter die webtuiste Good Things Guy, wat ’n aanlyn platform is waar net positiewe stories en goedvoelnuus oor Suid-Afrika gepubliseer word. En vandag, kort nadat hy die agtste herdenking van die bekendstelling van sy gewilde webtuiste gevier het, verwelkom hy ons in sy huis in Fourways, Johannesburg. Die huis is so helder soos hy. Foto’s van sy gesin pryk teen die mure, en sy…

CARL WASTIE is die afgelope ses jaar die aanbieder van die Kaapse radiostasie KFM se middagprogram, The Flash Drive. Sedert sy jarelange medeaanbieder Zoë Brown die radiostasie in Junie gegroet het, staan ’n rits plaaslike bekendes haar skoene vol as medeaanbieder. Bekendes soos die komediant Marc Lottering, die Suidooster-akteur Dean Smith, oud-Bok Bryan Habana, die swemheld Chad le Clos, en sangeres Tarryn Lamb het al ’n draai in die ateljee gemaak. Selfs Kaapstad se burgemeester, Geordin Hill-Lewis, was daar. “Die idee was om die program aan die gang te hou sonder ’n medeaanbieder, maar om ook nie te vinnig die volgende seisoen van The Flash Drive sonder Zoë in te gaan nie,” verduidelik Carl. “Ek wou iets anders probeer, so ek het ’n paar vriende gekry om by my aan te…

1 CÉLINE SE STRYD MET SIEKTE Die sangeres CÉLINE DION se familie het hartverskeurende nuus gedeel oor haar stryd teen ’n seldsame neurologiese siekte wat haar liggaam laat verstyf. Die toestand Moersch-Woltman-sindroom, oftewel strammenssiekte, wat toenemende styfheid veroorsaak, is in 2022 by haar gevind. Volgens haar suster, Claudette Dion, werk Céline (55) daaraan om te herstel, maar medisyne bied nie veel verligting nie. “Ons kan geen medisyne kry wat werk nie, maar dit is belangrik om hoop te hê,” sê sy. 2 JOE HOU DIE HOND Egskeiding kan morsig raak, veral as daar kinders of troeteldiere betrokke is. Gelukkig vir die akteur JOE MANGANIELLO het sy ampereksvrou, SOFÍA VERGARA, sonder ’n bakleiery ingestem om hom toesig oor hul hond, Bubbles, te gee. “Nie een van hulle is verbitterd of uit op wraak nie, en…

1 ‘DIE LEË NES NÁ MY DRIELING OORSEE TREK’ Haar 16-jarige drieling het onlangs oorsee getrek om by hul pa te gaan bly, en sy moes kanker en die dood van haar geliefde vriendin trotseer, vertel Nianell Hulle sal dit geniet en jy gaan in die toekoms lekker by hulle kuier. Ek woon in Thailand op my eie en my dogter en haar gesin woon in Dubai. Ons kuier oor en weer. Jy is net ’n vlug weg van hulle af. Sterkte. JACLYN My drieling word in Desember 44 jaar oud! Al drie bly in Suid-Afrika – dankie, Vader, tog ons kan nog ry om te gaan kuier. Ek is ook dankbaar dat al vier my kleinkinders in Suid-Afrika nog by hul ouers bly. ISABEL Ons kon emigreer, maar jy is…

IN DIÉ luukse lowergroen landgoed buite die Paarl woon sommer ’n hele klomp rykes onder die room van die land. Die eksklusiewe Pearl Valley is huis vir dokters, ingenieurs, bekendes en sakelui – almal mense wat dinge laat gebeur. Dit is ook waar Anita Lloyd (56), een van die sterre van kykNET se Real Housewives van die Wynlande, woon. Anita wat kon regkry waartoe bitter min in staat is. In die eerste episode het sy die land aan die brand gehad met haar uitlatings en vloekery. In latere episodes het sy met dieselfde reguit manier van praat en humorsin kykers oorgewen. Teen die einde van die reeks was sy volksbesit. Die pad na Anita se huis is netjies en boomryk. Die huise in die buurt basuin geld en styl uit.…

SALIE Laat die natuur jou hier inspireer. Kombi-neer dit met ander groe-ne, pruim en skakerings van bruin of geel vir kontras. PERS Pers is koninklik en treffend; geen wonder dit duik oral op nie. Die kleur werk goed saam met pruim, grys, swart en neutrale kleure. KAMEEL Taan en room bied ’n sagte elegansie as dit met ander kleure gekombineer word, veral neutrale kleure, swart, blou en groen. SJOKOLADE Hierdie elegante, diep neutrale kleur werk goed saam met ander skakerings van bruin, pruim en groen. SAGTE BLOU Hierdie ligte kleur werk goed saam met ander bloue, wit, ka-meel en swart stukke. GRYS Liggrys is hierdie winter hoogmode. Dra verskeie skakerings van grys saam, of meng en pas dit met silwer en swart bykom-stighede. PRUIM Hou dit eenvoudig of kies tekstuurryke…

Die volgende simptome beteken nie noodwendig jy het borskanker nie, maar dit dui aan jy moet by jou dokter uitkom vir ’n ondersoek, sê dr. Heleen Hanekom van die borskankergroep by die Netcare Unitashospitaal in Centurion. ◼ ’n Knop of verdikking in die bors of kieliebak. ◼ ’n Verandering in jou bors se grootte en voorkoms. ◼ ’n Swelling in die bors of kieliebak. ◼ Dimpels of ’n rooi kleur op die vel. ◼ Die tepel lyk skielik anders. ◼ ’n Uitskeiding uit die tepel.…

LANGTERMYNLENING Die eiendomspryse in my omgewing is op die oomblik so hoog, net katte kan dit bekostig om huis te koop. Hulle kan ál nege lewens gebruik om dit af te betaal. JOHANNA RADEMEYER ONDER WATER V: Wat is die verskil tussen ’n ongeluk en ’n ramp? A: ’n Ongeluk is wanneer ’n skip vol politici besig is om te sink en ramp is wanneer almal goed kan swem. KASOEPIE STOMMERIK Die man bel die polisie en sê: “My vrou het verdwyn.” Die konstabel vra: “Hoe lank is sy nou al vermis?” Man: “Vier weke.” Konstabel, verbaas: “En hoekom het jy so lank gewag voor jy dit aanmeld?” Man: “Wel, ek het nou nie meer skoon klere om aan te trek nie.” L. SAAYMAN GLADDEJAN “Dit spyt my,” sê die…

Nóg ’n prettige seisoen van Die Babbelbende lê nou voor! Kom kyk saam na seisoen 2 op huisgenoot.com. In dié aanlyn Afrikaanse kinderreeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer oor ons wonderlike wêreld leer. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook media24shop.com om jou eie Paloeka-of Palawa-pop of Die Babbelbende se Groot Storieboek te bestel. Kom leer ken…

MY HELE lewe het om die moskee gedraai. As kind was ons huis ’n klipgooi van die moskee af. As ek nie by die huis was nie, was ek by die moskee. Van my mooiste herinneringe is rondom die viering van die geboorte van die Profeet. Die jong mense van die gemeenskap is altyd gevra om die moskee vir die viering te versier. Ek het baie pret daarmee gehad. Ek onthou die warmte wat ons in ons huis gehad het. Ek’t nege broers en susters – die huis was gedurig besig. En albei my ouers was sosiale figure – mense is heeltyd in en uit. Dit was… “gesellig”, soos hulle in Afrikaans sê. My ma was ’n onderwyser by die moskee. Sy het meisies geleer, en my oupa het seuns…

‘EK WOU SEKER MAAK MENSE SIEN OOK DIT GAAN OOR DIE STORIE EN DIE LIEFDE IN DIE KOS’ DIE moeilikste vraag toe hy grootgeword het, was: Wat eet ons vanaand? Nie omdat daar vooraf kommer was oor wat om vir aandete te maak nie, maar omdat daar niks wás om te maak nie. Dít het hom as kind geleer om met min klaar te kom – en hoe om baie liefde met baie min bestanddele te wys. So sê die deelnemer Nataan Smith (48), oftewel Nate, van Durbanville, oor die kykNET-reeks Kokkedoor: Vuur & vlam, waarin die deelnemers hul herkoms in ’n episode gevier het. Hy en sy spanmaat, Tjaart Prinsloo (27), ’n bokboer en kreatiewe kok van Stilbaai, het omtrent die beoordelaars, Bertus Basson en Kobus Botha, en gasbeoordelaar,…

‘EK WENS EK KON ALLES ANDERS GEDOEN HET. EK SOU AAN NIKS GEPEUTER HET NIE’ EEN Sop ’n tyd was sy rietskraal met ’n beskeie borsmaat en dun lippe – toe het sy heel anders gelyk as die Kylie Jenner wat ons vandag ken. Maar nadat alles op strategiese plekke opgepomp, uitgeplomp en omvorm is, het sy in ’n welbedeelde, verleidelike Eva ontpop. Tog het die jongste lid van die Kardashian-Jenner-familie jare lank ontken dat sy aan haar laat werk het. “Mense dink ek het my gesig heeltemal laat oordoen, wat glad nie waar is nie,” het sy volgehou. “Hulle besef nie wat ’n goeie haarstyl en grimering en dinge soos vullers kan regkry nie.” Maar sy het nooit ’n woord gerep of sy haar borste laat vergroot het nie.…

Liefhebbers van die bekroonde skrywer Deon Meyer se ikoniese karakter Bennie Griessel sal verheug wees om te hoor dat dié karakter binnekort op die kassie verskyn. Die aksiebelaaide Deon Meyer-trefferboek Devil’s Peak, die Engelse vertaling van sy boek Infanta, kry nuwe lewe wanneer ’n TV-reeks gegrond op die boek eersdaags sy debuut op M-Net maak. Dit is die verhaal van die speurder Bennie Griessel (Hilton Pelser) se stryd teen nie net die duiwels daar buite nie, maar ook die duiwels binne hom, sy soeke na geregtigheid vir ander, en verlossing vir homself. Die kameras het reeds rondom September verlede jaar in Kaapstad begin rol. Jozua Malherbe sit in die regisseurstoel en ’n rits bekendes, soos die Dwaalster-aktrise Tarryn Wyngaard, Trackers se Sisanda Henna en die Nêrens, Noord-Kaap-ster Albert Pretorius, is…

OP ’N reëndag in November 2019 bel ’n ouma die owerheid, rasend van bekommernis oor haar sewejarige kleinseun en sy 16-jarige suster. Die afgelope sewe weke reeds is die kinders skoonveld en die ouma kan geen woord uit hul ma kry oor wat van hulle geword het nie. Eindelik gaan die polisie na die kinders se ma se huis in Rexburg, Idaho, en daar maak Lori Vallow Daybell (50) die deur oop. Sy lag toe die polisie haar vertel hoekom hulle daar is. Haar seuntjie, Joshua – of JJ, soos almal hom noem – is by ’n vriend, en sy sussie, Tylee Ryan, het gaan fliek, sê sy. Die polisie vertrek dus, maar keer die volgende dag terug. Voor dooiemansdeur. Lori en haar man, Chad Daybell (55), het die hasepad…

DANKSY sosiale media word ons deesdae gereeld aan nuwe terminologie en veltoestande bekendgestel in die skoonheidsbedryf. Die jongste is “inflammaging” – “inflammation” plus “aging”. Hierdie gonswoord beskryf hoe ’n oormaat inflammasie die vel se verouderingsproses versnel. Inflammasie tas gewoonlik ouer vel aan, maar as jou dieet ongebalanseerd is, jy ’n stresvolle tyd beleef of leefstylveranderinge ondergaan en nie genoeg rus kry nie, kan inflammasie in enigiemand se vel voorkom. Ons verduidelik wat jy moet weet van “inflammaging” – wat dit veroorsaak, hoe om dit te bestry en watter stappe jy kan neem om dit te voorkom. Ons probeer die angel uit die ontsteking haal. WAT IS ‘INFLAMMAGING’? Die term beskryf die versnelde veroudering wat met langdurige inflammasie van die vel in verband gebring word, verduidelik dr. Bradley Wagemaker, mediese direkteur…

Soms lewer ’n mammogram ’n “vals positief” op. Dit beteken iets word raakgesien wat soos kanker lyk, maar wanneer verdere toetse gedoen word, besef jy dit is eintlik niks om oor bekommerd te wees nie. Dié tipe vals positiewe kom veral voor by vroue in hul 40’s en 50’s. Hoewel dit ’n ontstellende ervaring kan wees, weeg die voordele van mammogramme steeds veel swaarder as enige nadele. “Die meeste pasiënte sal jou vertel indien daar ’n kans was dat hulle hul kanker vroeër kon opspoor – al beteken dit daar is ’n klein kans van ’n vals positief – is dit oukei,” sê Steven Isakoff, direkteur van borskankernavorsing aan Massacussetts General Cancer Center in die VSA. Wanneer dokters die mammogram-uitslae bestudeer, word die meeste vals positiewe taamlik gou uitgeken. “Dit…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. EK’S ’N GRAP IN ONS VERHOUDING V Die afgelope 12 jaar is ek in ’n verhouding met ’n man wat kom en gaan net soos hy wil. Hy verkul my gereeld en sê dis my skuld dat dit gebeur. Hy beskuldig my van ’n verhouding met iemand anders, wat onwaar is. Ek is suksesvol in my werk en sorg alleen vir my kinders.…

LEEU 22 JULIE – 22 AUGUSTUS Hoewel die liefdesdiva, Venus, deur jou teken beweeg, beweeg dit agteruit. Herinner jouself maar gerus daaraan. Daar is ander dinge behalwe die liefde wat nou jou dringende aandag verg. Fokus veral op geld en finansies. As jy die afgelope tyd jou oog van die bal afgehaal het wat skuld of ’n belegging betref, moet jy dit dadelik ontleed sodat jy nie enige verliese ly nie. Op die oomblik moet jy baie versigtig wees en op die fynskrif fokus. GELUKKIGE NOMMERS 1, 25, 32, 46, 27, 23 HOE OM ’N LEEU DIE HOF TE MAAK ◼ Vleiery sal jou ver bring. ◼ Goue juweliersware is die ideale verrassingsgeskenk. ◼ Komplimenteer en bewonder hul hare. ◼ Laat hulle glo dat hulle die baas en in beheer…

DIE woorde is amper net so bekend soos die rede hoekom hulle gesê is. “Now I am become death, the destroyer of worlds,” het Julius Robert Oppenheimer uit ’n Hindoe-geskrif aangehaal toe die hemel begin brand het. As hoof van die Manhattanprojek was hy daar toe die wêreld se eerste atoombom – wat hulle “the gadget” genoem het – in Julie 1945 in Nieu-Mexiko ontplof het. Minder as ’n maand later is dié verwoesting op Hirosjima en Nagasaki in Japan losgelaat. Dit het die Tweede Wêreldoorlog in sy spore gestuit – ten koste van meer as 200 000 lewens. “Of jy daarvan hou of nie, Oppenheimer is die belangrikste mens wat al geleef het,” sê die regisseur Christopher Nolan. “Hy en sy span het die wêreld gemaak waarin ons leef,…

DIE vertrek is stampvol met wollerige diertjies. Winnie-the-Pooh, Tigger, Eeyore, Piglet, Rabbit, Kanga, Roo, Owl en Christopher Robin sit almal in hul honderde hier ingeryg. Party loer by kasdeure uit; ander balanseer op die vensterbank. Daar is nie plek vir ’n muis nie. Tog vermoed ’n mens Deb Hoffmann gaan nog van dié poppe koop. Die vrou het ’n obsessie met Winnie-the-Pooh en sy vriende. Sy het al soveel van dié figuurtjies uit A.A. Milne se kinderboeke versamel dat sy ’n wêreldrekord opgestel het. Die 58-jarige Deb van Wisconsin in die VSA het die grootste Winnie-the-Pooh-versameling op die planeet – ’n feit wat deur Guinness World Records bevestig is. Dit sluit in altesaam 23 600 speelgoed en items soos T-hemde, baadjies, koffiebekers, plakkate, prente, skryfblokke en oorbelle. Dié rekord, wat…

TOE VIND EK JOU Alles het begin toe Francois op soek was na liefde in die tweede seisoen van Op my eish! Nykie het eers in episode twee by die program aangesluit. “Ek het nie oorspronklik ingeskryf vir Op my eish! nie. Die produksie het my genader en ek het gedink dis ’n gulde geleentheid om ’n nuwe avontuur en iets buite my gemaksone aan te pak,” sê Nykie. Francois het haar in Maart verlede jaar as sy meisie gekies. Nadat die laaste episode in Julie uitgesaai is, het die paartjie ná vier maande se geheimhouding hul verhouding op sosiale media bekend gemaak. Hulle kon beswaarlik ophou koer. “Ek het nie gedink ek gaan verlief raak nie, en hier sit ons nou ’n jaar en ’n half later,” sê Nykie.…