Indholdsfortegnelse for 24 August 2023 i Huisgenoot

→ Drie kurrikulumgebaseerde pakkette is reeds beskikbaar: ◼ Sosiale Wetenskappe: Geografie ◼ Sosiale Wetenskappe: Geskiedenis ◼ Lewensvaardighede BINNEKORT BESKIKBAAR ◼ Wiskunde ◼ Natuurwetenskappe en Tegnologie > Elke pakket bevat ’n verskeidenheid goed nagevorsde artikels met foto’s, infografika en video’s wat die inhoud op ’n toeganklike en interessante manier aanbied. > Dit is gegroepeer volgens vakke en onderwerpe en kan jou kind help om klaswerk te verstaan en huiswerk te doen. Dit kan ook help met mondelinge, take en ander skoolprojekte. → Besoek huisgenootjunior.com…

MA EN dogter dra bypassende pienk rokkies waar ons hulle in ’n parkie net ’n hanetree van hul huis in Kaapstad ontmoet. Dit was die driejarige Alexa wat vir haar aktrise-ma, Roeline Daneel (38), gesê het hulle moet pienk dra. “Ons lyk nes Barbie,” merk Roeline nou op. Alexa kom speel gereeld in dié einste parkie, maar vandag dra sy haar spesiale “partytjieskoene”, soos haar ma dit noem, vir Huisgenoot se fotosessie. Sy is nie mal oor foto’s nie, het Roeline vooraf gewaarsku, maar klein Alexa glimlag tog vir die kamera en hou af en toe haar mamma styf vas. “Dankie dat jy so mooi glimlag. Jy is ’n liewe kind,” sê Roeline. Voor die fotograaf weer wil neem, vra Roeline: “Wil jy baby brother voel? Dink jy hy skop?”…

KRY DIT HIER CHECKERS.CO.ZA, 0800-010-709; MONEXTERIORS.COM, INFO@MONEXTERIORS.COM; MRPHOME.COM, 064-584-1000; WHATSAPP); PLANTIFY.CO.ZA, 021-330-5075; SHOP.BABYLONSTOREN.COM, 021-300-3919; YUPPIECHEF.COM, 0861-702-4969 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFER NIE VERANTWOORDELIK GEHOU KAN WORD NIE.…

Daar gaan verhoudings wees wat jy nie wil prysgee nie, maar waar jy ook besef julle gaan nooit eenders oor beginselsake dink nie. Hier is dit belangrik om grense te stel, sê die gesinsberader Naomi van Wyk. Probeer tot ’n verstandhouding kom oor die onderwerpe wat julle sal vermy of die wyse waarin julle oor sensitiewe sake sal praat. Dit is onwaarskynlik dat jy iemand anders se manier van dink en glo gaan verander. ’n Ander persoon kan slegs op hul eie sien dat wat hulle glo skadelik is en moet self besluit om dit te verander. Gaan voort om te leef soos jy glo reg is, en vergeet daarvan om almal na jou siening oor te haal, sê die sielkundige Nekitta Blomeyer. “As ’n verhouding dus vir jou belangrik…

RONDOM haar hang alles momenteel in limbo, doodstil en pikdonker, totdat die een kragopwekker ná die ander brullend buite opklink. Die lewe, sonder elektrisiteit, word eenvoudig in elke huishouding hervat. Behalwe by haar. Sy maak haar oë oop. Die enigste teken van lig in die kombuis is die lamp wat outomaties aanskakel sodra die krag afgaan. Vergeleke met ander mense, karring Liesl behoorlik nog in die donker Middeleeue aan. Haar skoolhoof het nou die dag ’n visitekaartjie in Liesl se hand gestop. “Bel vir Barend, hy installeer sonpanele. Hy is ongeëwenaard.” Liesl het die kaartjie in haar broeksak gedruk. En summier daarvan vergeet. Tot nou, in die effense lig van een lamp wat die ganse leefarea moet ophelder. Sy tel haar selfoon, waarvan die battery amper leeg is, op en…

MAAGD 23 AUG – 22 SEP Dit sal heelwat geduld en deursettingsvermoë verg om deur ’n moeilike week te kom. Verhoudingsmoeilikheid beteken nie noodwendig julle twee het die einde van jul pad saam bereik nie, maar dit is wel ’n teken dat julle jul probleme sal moet aanroer. As julle dit doen, sal julle ’n eerliker en egter verhouding vestig wat op integriteit en respek gegrond is. As jy voel julle kan albei daarby baat vind om ’n berader te spreek, maak die afspraak. GELUKKIGE NOMMERS 3, 28, 32, 41, 30, 4 WEEGSKAAL 23 SEP – 22 OKT As jy teen die 27ste terneergedruk of mismoedig voel, probeer die gevoelens omarm pleks van daarteen stry. Beskou dit as ’n tyd om jou lewe, gesondheid en pligte teenoor jou gesin in…

In 2000 is die aandag van die wêreld vasgevang deur die kompetisie Survivor. In die laaste episode van die eerste seisoen is die sakekonsultant Richard Hatch van Rhode Island, Amerika, as die wenner gekroon. Hy het met die groot prys van $1 miljoen weggestap. Die reeks is gegrond op ’n Sweedse reeks getiteld Robinson wat in 1997 uitgesaai is. Die Sweedse reeks is vernoem na die karakter Robinson Crusoe, wie se skip op ’n onbekende eiland gestrand word. Die eerste seisoen van Survivor is op die Maleisiese eiland Pulau Tiga verfilm. Sestien vreemdelinge het 39 dae op die eiland gebly waar hulle verskeie uitdagings moes voltooi. Die deelnemers is in twee stamme verdeel. Vir elke uitdaging was daar ’n beloning op die spel. Deelnemers kon ook “immuniteit” wen, wat beteken…

ALMAL weet die covid-inperkings het ons geestesgesondheid beproef. Soveel sielsondersoek en nadenke. Waarheen is my lewe op pad? Is dit die mens met wie ek die res van my lewe wil deurbring? Maar die Londense uroloog Gordon Muir het iets anders opgemerk: Sommige mans het hulself in die badkamerspieël begin bekyk en gevra: Is dit die penis waarmee ek die res van my lewe wil deurbring? “In die pandemie het baie jong mans ure lank pornografie gekyk en terselfdertyd nie behoorlik gesosialiseer nie. Gevolglik het hulle hulself met porno begin vergelyk – mense wat statisties gesproke ekstreem is. Dit is soos om heeldag basketbal te kyk en dan te besluit: Ek behoort twee meter lank te wees. Die volgende stap was dat hulle operasies vir penisvergroting ondergaan het. En met…

‘DIT WAS SO KIELIERIG!’ BESKRYF SY DIE MISKRUIER OP HAAR HAND DALK is mense wat kan sien bederf. Met ’n besoek aan die wildtuin is jou oë miskien so vasgenael op ’n olifant se logge lyf of ’n luiperd wat byna versteek in ’n boom lê dat jy maklik kan vergeet van die wonderwêreld wat wag om deur jou ander sintuie ontdek te word. Maar vir die 15-jarige Anika Barnard is dit anders. Sy kan nie op haar oë staatmaak nie – trouens, sy het glad nie oë nie. Daarom beleef sy werklik die dinge wat siende mense soms heeltemal verbygaan. Sy onthou steeds in soveel besonderhede die ervaring – al maande gelede in die Siyafunda Wildlife & Conservationnatuurreservaat in Hoedspruit – toe ’n miskruier oor haar hand geloop het.…

1 ‘COVID DRYF MY UIT VERPLEGING’ Ná die trauma van die pandemie het sy besluit om verpleegkunde te verlaat, skryf ’n leser aan Irma. Nou verlang sy terug. Het sy ’n fout gemaak? As dit jou help om rustiger te wees, kan dit nie ’n fout wees nie. Ek het verpleging ná 24 jaar opgeskop. Was sielsmoeg. Jy het ’n senior posisie beklee. Jy kan die publiek nog dien deur mediese raad te gee. Sonder die stres. ALETTA Gaan asseblief terug na jou geliefde beroep en jou roeping. Wat van werk by ’n tehuis vir bejaardes? Ons het hier waar ek woon personeel wat vir ons soos ons eie kinders is, so lief is ons vir hulle, en hulle vir ons. HANNETJIE Vat ’n bietjie af. Ek het van 1976-2018 verpleeg…

Die aantygings teen hom is fiksie en die beskuldigings dat hy agterstallig is wat onderhoud betref, is vals, sê Roger se prokureur, Mariette Smith van Riaan Louw Attorneys. Sy beskuldig Amber ook daarvan dat sy die kinders doelbewus van hul pa vervreem het. “Die nuuswaardige storie is die bedrieglike manier waarop Amber doelbewus die kinders van ons kliënt vervreem het en by verskeie geleenthede syfers in haar guns gemanipuleer het, asook die verskeie hofgedinge teen ons kliënt, waarvan almal sonder meriete was en op die gepaste manier afgehandel is.” Amber hou by haar storie.…

IN DIE dae nadat sy Suid-Afrika se mees gesogte skoonheidskroon gewen het, is Natasha Joubert wyd geloof vir die terugslae wat sy oorkom het op haar pad om Mej. Suid-Afrika te word. Drie jaar gelede moes sy in dié kompetisie met die derde plek tevrede wees. En kort daarna, toe sy Suid-Afrika op die Mej. Heelal-verhoog verteenwoordig het, het sy nie eens die top-21 gehaal nie (dít in ’n wedstryd waarin Suid-Afrika die vorige drie jaar onder die topdrie geëindig het). En tog het sy deurgedruk. Sy is ’n bewys dat aanhouers inderdaad soms wen, het mense gesê. Maar die helfte van haar storie is nog nie vertel nie. Die afgelope jare se terugslae is net die jongste van ’n baie lang rits uitdagings wat dié skoonheid van Centurion op…

OP DIE STOOF: IN DIE PAN EIERNESSIES met AMASI-PANBROOD GENOEG VIR 4 MENSE / BEREIDING: 30 MIN. STAAN: 15 MIN. / GAARMAAK: 30 MIN. KOSTE PER PERSOON: R17,50 / TOTALE KOSTE: R70 ’n Liplek-lekker ete vir enige tyd van die dag. Pleks van die eiers nét so in ’n pan te bak, bak ons hulle in murgpampoentjienessies en sit dit voor saam met ’n kits-amasipanbrood. PANBROOD ◗ 625 ml (2½ k) bruismeel, plus ekstra vir uitrol◗ 2,5 ml (½ t) sout◗ 250 ml (1 k) amasi◗ 30 ml (2 e) olie, plus ekstra vir braai EIERNESSIES ◗ 500 ml (2 k) gerasperde murgpampoentjies◗ 1 ui, gerasper◗ 15 ml (1 e) gekapte vars koljander (opsioneel)◗ 30 ml (2 e) meel of bruismeel◗ 6 eiers◗ sout en vars gemaalde peper, na smaak◗…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. MY MAN KOOP TOE ’N PLAAS NÁ AFTREDE V Ná meer as 40 jaar se getroude lewe is dit nou eindelik tyd vir ons om af te tree. My man is nog ál die jare ’n baie dikbek persoon – aggressief en uiters neerhalend teenoor my. Veral voor ander mense. Dit het daartoe gelei dat ek so min as moontlik saam met ander…

ARIEL TOE ’N RÉGTE SANGERES! In The Little Mermaid was aanhangers verstom oor haar weergawe van die liedjie “Part of Your World”. So gewild was die aktrise Halle Bailey se vertolking daarvan dat dit meer as 100 miljoen keer geluister is. Maar dit was toe Halle (23) die rol van Ariel vertolk het. Nou maak sy reg om as haarself naam te maak. Sy het pas haar debuutenkelsnit, “Angel”, uitgereik. Die popsnit met sy melodiese klanke en inspirerende lirieke moedig jou aan om ondanks die swaarkry van die lewe bo alles uit te styg. Sy sing: Angels make a way somehow. “Hierdie liedjie is vir my baie spesiaal,” sê Halle. “Met alles waardeur ek die afgelope drie tot vier jaar is – om myself skielik in die kollig te bevind…

DEELFONTEIN Deur NICOLE JAEKEL STRAUSS Queillerie, R309* Die jong dokter Oliver Glenville kom in 1900 uit Engeland om by die veldhospitaal op Deelfontein te werk. Vandag noem Wikipedia dit ’n spookdorp, maar gedurende die Boereoorlog was dit ’n baie goed ingerigte hospitaal en kamp waar die Engelse mediese en ander personeel saans hul whiskey in kristalglase geniet het. Hier verskyn die eerste vrou wat ’n groot invloed op Oliver se lewe het, Klara Grootboom, op die toneel. Die volgende vrou, Mei-Ling, is ewe eksoties, want intussen het Oliver min of meer na “die ander kant van die wêreld” verhuis om hom in Shanghai te vestig. Nicole Jaekel Strauss se nuwe roman, Deelfontein, wil jou nie los voor jy tot op die laaste bladsy gelees het nie. Sy vertel haar verbeelding…

GROOT BLOKRAAI WEN ’N BOEK VAN TAFELBERG PLUS KOM IN AANMERKING VIR DIE MAANDELIKSE TREKKING VAN R1 000. NO 2 506 KOMPETISIEVRAAG Watter ampsdraer is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen ’n leser Ver in die wêreld, saamgestel deur Frederik de Jager (Tafelberg, R320). Die mens was nog altyd ’n rustelose wese. Om nomadies te wees is in ons bloed. Byna ’n miljoen Suid-Afrikaners het al geëmigreer – van hulle is ons nabye familielede en vriende. Ver in die wêreld, saamgestel deur Frederik de Jager, is 23 lekkerleesstories oor die lewe in die buiteland deur expat-skrywers soos Marita van der Vyver, Zirk van den Berg, Eben Venter en Chris Karsten. Sommige van die verhale…

’N SPAN veeartse van die Universiteit van Pretoria se Onderste-poort-kampus het onlangs die eerste snaweloorplanting op ’n voël in Suid-Afrika uitgevoer. Die operasie is gedoen op ’n witrugaasvoël wie se snawel in Maart vanjaar deur ’n kar vergruis is. Die voël het ook ernstige kopbeserings opgedoen wat daartoe gelei het dat sy ook blind geword het in haar regteroog. Die aasvoël het onder die toesig van die organisasie VulPro gekom, waar hulle haar met die hand moes voer omdat sy nie self kon eet nie. Prof. Katja Koeppel van die Onderstepoort-kampus en haar span het ingespring om te help. Daar is eers probeer om die voël toe te rus met ’n prostetiese snawel en draad. Die prostese het egter losgekom elke keer wat die voël die karkas van ’n dier…

1 Watter land was vanjaar die wenner van die Netbal-Wêreldbeker in Kaapstad? 2 Wat is die naam van die tifoon wat onlangs in Beijing vloede veroorsaak het? 3 Wie is die regisseur van die nuwe Barbie-fliek? 4 Wat word die fenomeen genoem as daar twee volmane in een maand is? 5 Wie is die afrigter van die Springbokke? ANTWOORDE 1 Australië 2 Doksuri 3 Greta Gerwig  4 Supermaan 5 Jacques Nienaber BRONNE CNN, AP, THE GUARDIAN, KIDSNEWS.COM.AU, UP.AC.ZA, NETWERK24.COM, HISTORY CHANNEL…

Nes haar karakter sal Dané enigiets doen om sukses te behaal. Soos toe sy ’n ietwat slinkse plan uitgedink het om die rol in Diepe waters los te slaan. “Vir die tweede ronde van die oudisies wou hulle sien hoe ek kan swem. Ek het toe aan ’n fliek gewerk en het net aande oopgehad en daar was nie openbare swembaddens so laat oop nie. “Ek het toe ’n gimnasium gekontak en voorgegee dat ek daarin belangstel om aan te sluit, maar eintlik wou ek net hul swembad gebruik vir die oudisie. Ek het my boetie, Arend, saamgesleep en ’n paar lengtes in die swembad gedoen, wat hy afgeneem het. So ek is baie jammer daaroor.”…

HET die rapper KANYE WEST sommer heeltemal ophou skoene dra nadat Adidas hul skoenooreenkoms met hom gekanselleer het? Kanye (46) en sy vrou, BIANCA CENSORI, is op verskeie geleenthede in die openbaar gewaar kaalvoet loop of met Kanye se nuwe sokkietekkies aan. Terwyl hulle onlangs in Florence gaan middagete eet het, het die twee sonder skoene uit ’n motor geklim. Bianca (28), Kanye se nuwe mode-muse, het ’n baaaie deurskynende top en lang wit romp uit sy modereeks, Yeezy, aangehad. Die Italianers is skoon ontsteld oor Bianca se skrapse uitrustings. Konserwatiewe sosialemediagebruikers noem die modebaas se styl platvloers en oneerbiedig. Volgens bronne werk die rapper hard daaraan om sy loopbaan weer op dreef te kry en Bianca help hom met ontwerpe om mode te skep wat “kulture verskuif”.…

KARONESHIA NEL JONKERS As ’n bedrywige laerskoolonderwyseres en gemeenskapsaktivis het Karoneshia (33) skaars tyd vir haarself. Haar ideale blaaskans is ’n afspraak saam met haar man. Ons het haar ’n uitrusting gegee wat haar selfvertroue ’n hupstoot gee vir die spesiale aand. DIE UITRUSTING Die rok met speelse kralevalle het trefkrag vir ’n aand uit. Dis glansryk, en die deursigtige driekwartmoue gee ’n bietjie bedekking. Ons het die voorkoms afgerond met fyn hangoorbelle en gemaklike, stylvolle hofskoene – perfek om die aand mee om te dans! ‘Ek is mal oor die rok. Jy kan nooit ’n fout maak met ’n swart rok nie!’ GRIMERING EN HARE Ons het Karoneshia se pragtige, stralende vel met serum aangevul. Toe voeg ons sagte skakerings van pienk en bruin aan haar oë, ’n tikkie…

JY KAN binne 15 minute ’n lening van tienduisende rande kry, belowe die advertensie. En dit alles aanlyn! Maar pasop, jy kan jou lelik vasloop. Hier is 11 dinge wat jy moet weet. 1 WAT IS AANLYN LENINGS? Dis wanneer jy krediet kry, oftewel geld leen, sonder om byvoorbeeld na ’n bank se werklike tak te gaan. Jy gebruik dus die finansier se aanlyn opsies. Jy kan die hele leningsproses ‒ van kwalifisering vooraf tot die indiening van jou dokumente en goedkeuring – met behulp van jou rekenaar, tablet of foon afhandel. 2 IS DIT WETTIG? Ja, baie tradisionele kredietverskaffers bied deesdae aanlyn lenings. En party finansiers se dienste is slegs aanlyn beskikbaar. Verskaffers van aanlyn lenings moet aan dieselfde wetlike kriteria voldoen as tradisionele banke om geld uit te leen. 3 WAT…

Aan wie dink jy wanneer jy die woorde “Hoezit, my tjomma” hoor? Die Flooze, natuurlik. Of eerder die 7de Laan-karakter wat die aktrise en sangeres Sorina Erasmus destyds ’n bekende naam gemaak het. So ikonies het haar sêding geword dat sy in 2009 ’n gelyknamige liedjie uitgereik het. Maar vandag gee sy haar woorde ’n transformasie – dis nou ’n oorwinningslied. “Tjomma, jy is ’n champion” is Sorina se jongste enkelsnit. En dit gaan oor meer as net om te wen. “Die lied het ’n energieke en inspirerende boodskap wat sê oorwinning kom nie net van titels wen of trofeë lig nie – dit kom deur jou alles te gee en nooit moed op te gee nie.” Die tema is deursettingsvermoë en vasberadenheid, en dit poog om jou te inspireer…

Oliver hoor Chinese musiek van iewers af. Die man lei hom om die atrium na ’n gang met houtpanele uitgevoer. Daar is ’n lang bank – amper soos ’n kerkbank, dink Oliver – met satynkussings teen die rugkant. Vlegseltjie beduie na die bank, Oliver gaan sit. Hy is dors. Hy wil water vra, hy ken die woord, dis op die punt van sy droë tong, maar dan verdwyn die man agter ’n skerm met Chinese tonele van vroue wat waaiers en bamboese waai. Hy weet glad nie wat hom te doen staan nie. Hy staar na die Persiese tapyt onder sy voete, steeds skoenloos, sy sokkies nat en vuil. Hy wonder selfs of hy hom nie dalk steeds in ’n opiumdroom bevind nie; hy is nie eens seker of dit…

TROOS JOU HIERAAN Dawie bel sy ma van sy maatjie Gawie se huis af en vertel dat hy ’n lamp gebreek het toe hy ’n bal in die sitkamer geskop het. “Maar Ma hoef darem nie ’n ander een te koop nie,” stel Dawie sy ma gerus. “Die tannie sê die lamp is onvervangbaar!” LOUISE NOETH KAN NIE LIEG NIE ’n Man stap in ’n kroeg in en sien ’n hond wat poker sit en speel. “Speel daardie hond regtig poker?” vra hy vir die kroegman. “Ja, maar hy is nie ’n baie slim speler nie.” “Hoekom sê jy so?” vra die man. Kroegman: “Want elke keer as hy ’n goeie hand het, swaai sy stert.” L. SAAYMAN TAALWYS Juffrou aan klein Jannie: “Hoekom word daar altyd na jou huistaal…

VAN KOMEDIE TOT DRAMA Jy het haar dalk al in die komediereeks Lui maar op, Belinda saam met Brümilda van Rensburg gesien. Maar nou wys Dané (26) ons haar ernstige, dramatiese kant as Charity Vorster in Diepe waters. Dié Kapenaar wat deesdae in Johannesburg woon, se karakter is ’n 19-jarige swemmer. “Sy is taamlik bekend onder die jong swemmers,” sê Dané. “Sy’s doelgerig en baie onafhanklik. En sy is vasbeslote om in die swemwêreld naam te maak. Daar is heelwat verwikkelinge, maar ek kan nie te veel weggee nie.” HEELTEMAL VERSKILLEND Sy en Charity verskil hemelsbreed, sê Dané. Maar sy hou van haar karakter se sterk persoonlikheid. “Charity laat nie toe dat haar omstandighede haar terughou nie. Dit definieer haar nie. Sy kon in die donker gat gebly het, maar…

EGIPTE is ’n land in die noordooste van Afrika. Wanneer ons oor antieke Egipte praat, verwys ons na die Egiptiese beskawing wat meer as 3 000 jaar (van 3150 v.C. tot 30 v.C.) een van die magtigste en stabielste beskawings in die geskiedenis van die wêreld was. So vroeg as 6000 v.C. het mense hulle in klein nedersettings in Egipte gevestig. Mettertyd het hierdie nedersettings in twee streke saamgesmelt: Benede-Egipte in die noorde en Bo-Egipte in die suide. Omstreeks 3100 v.C. is hierdie streke deur koning Narmer verenig. Geskiedkundiges verdeel Egipte se lang geskiedenis in drie periodes. Dit is die tye van die Ou, Middel-en Nuwe Koninkryk. Gedurende hierdie tydperke was die land op sy magtigste. Die tye tussen die Koninkryke word tussenperiodes genoem. Hierdie tussenperiodes is deur minder stabiliteit…

Nóg ’n prettige seisoen van Die Babbelbende lê nou voor! Kom kyk saam na seisoen 2 op huisgenoot.com. In dié aanlyn Afrikaanse kinderreeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer oor ons wonderlike wêreld leer. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook media24shop.com om jou eie Paloeka-of Palawa-pop of Die Babbelbende se Groot Storieboek te bestel. Kom leer ken…

VRA ’n mens enigiemand hier rond waar jy hom kan kry, sal hulle sê jy moet op die uitkyk wees vir ’n bebaarde man met emmers teer by hom aan die werk aan ’n pad in die omtrek. Want dit is waar jy Piet Lottering, plaaslike held van Randfontein aan die Wes-Rand, waarskynlik sal kry. Iewers op ’n pad met sy kop vooroor gebuig en ’n kompakteerder byderhand. Hy sal besig wees om die slaggate te vul wat soos pokmerke op die teer uitslaan en vir motoriste ’n gevaar is. Oom Piet, soos hy in dié geweste bekendstaan, het in Februarie met sy projek begin om slaggate te herstel. En hy skat hy het al duisende slaggate in en om die dorp reggemaak. Dié 65-jarige eienaar van ’n hardewarewinkel koop…

DIT lyk of SHAKIRA en LEWIS HAMILTON in die vinnige baan is. Die Colombiaanse popster en die Britse Formule1-renjaer se vriendskap het glo die laaste paar maande hegter geword en daar word ál meer bespiegel of hulle meer as net vriende is. Die Spaanse fotograaf Sergio Garrido beweer hy het Lewis (38) in die F1-somerblaaskans minstens drie keer by Shakira (46) se privaat villa in Ibiza gesien insluip. “Toe die werkers weg was, het sy alleen saam met haar lyfwag agtergebly en ’n besoek van Hamilton gekry,” het Sergio aan die Spaanse media gesê. In April het die sangeres van “Waka Waka” en haar twee seuns, Milan (10) en Sasha (8), teruggetrek Miami toe nadat sy en haar Spaanse kêrel Gerard Piqué ná jare uitmekaar is. Shakira en die sokkerspeler…

Nadat TAYLOR SWIFT vyf jaar ’n blaaskans gevat het van konserte hou, het haar terugkeer na die verhoog met haar Eras-toer miljoene aanhangers na stadions oral in Amerika laat stroom – ’n paar taamlik bekende gesigte ook. Party bekendes het moeite gedoen om hul kinders na die sangeres (33) se konserte te vat, terwyl ander stoere Swifties net in die gehoor saam gekuier het.…