Indholdsfortegnelse for 7 September 2023 i Huisgenoot

BINNE ◼ Frankryk as rugby-oomblikke ◼ Die bynaam-Bokke ◼ Die reis na die beker in1995, 2007 en 2019 ◼ Rekords ◼ Raad van die kantlyn af ◼ Brekers en hul bokkies ◼ Rugbyraaisels en-resepte AANLYN media24.shop.com of huisgenootwinkel.com E-POS koop@huisgenoot.com BEL 021-406-4962…

“Kieskeurige eetgewoontes kan tot ’n voedingstoftekort lei, veral aan mikronutriënte soos yster en sink,” sê Riëtte Rademan, ’n dieetkundige van Bloemfontein. “Dit sal ’n uitwerking hê op hul aptyt en immuunstelsel. Dit kan tot lae energievlakke en probleme met hul spysvertering lei.” As jou kind boonop te min vesel inkry omdat die bloedjie se dieet te min groente, vrugte en volgraankosse insluit, kan dit hardlywigheid veroorsaak. “Die kos wat vir ’n kieskeurige eter die aanvaarbaarste is, is verwerkte en verfynde kosse, asook wegneemetes,” sê Riëtte. “Dit kan tot vetsug en ander leefstylverwante siektes lei.”…

Drie kurrikulumgebaseerde pakkette is reeds beskikbaar: ◼ Sosiale Wetenskappe: Geografie ◼ Sosiale Wetenskappe: Geskiedenis ◼ Lewensvaardighede BINNEKORT BESKIKBAAR ◼ Wiskunde ◼ Natuurwetenskappe en Tegnologie > Elke pakket bevat ’n verskeidenheid goed nagevorsde artikels met foto’s, infografika en video’s wat die inhoud op ’n toeganklike en interessante manier aanbied. > Dit is gegroepeer volgens vakke en onderwerpe en kan jou kind help om klaswerk te verstaan en huiswerk te doen. Dit kan ook help met mondelinge, take en ander skoolprojekte. Besoek huisgenootjunior.com…

Dis die moeite werd om kennis te neem van Jon Batiste, sekerlik een van die fluksste en briljantste musikante tans aan die musiekfront. Jon het aanvanklik die oog getref in die geselsprogram The Late Show with Stephen Colbert, waar hy sewe seisoene lank die leier vir die musiekgroep was. Hy het in 2020 die reeks verlaat om op sy eie besige musiekloopbaan te begin fokus en in dieselfde jaar die klankbaan vir Disney en Pixar se animasiefliek Soul gekomponeer. Daarvoor het hy ’n Oscar, Golden Globe en Critic’s Choice-prys gewen. Met sy vorige album, getiteld We Are, het hy in 2022 vyf Grammys gewen, waaronder album van die jaar. Hy het nou pas sy sewende album, World Music Radio, met 21 snitte uitgereik. ’n Hele rits bekendes pronk saam met…

MAALKOLK Deur MARIE LOTZ Human & Rousseau, R219* Van die begin af het Marie Lotz aandag getrek as ’n splinternuwe stem in die krimigenre. Eers was daar Roofdier en Polsslag en nou het Maalkolk pas verskyn. “Dis eintlik ’n verbluffende gevoel om te weet my derde misdaadfiksie is pas gepubliseer,” sê Marie. “Ek is beslis nou meer gekonfyt in die genre; ek weet meer waarna om op te let en waaraan ek te veel of te min aandag gee.” Dit beteken egter nie die skrywery verloop altyd vlot nie. Marie sê dit bly ’n uitdaging om al die los drade saam te vat sodat alles sin maak en ’n geheel vorm. “Spanning handhaaf is vir my een van die makliker fasette; ek dink my karakters se persoonlikhede help outomaties met…

HIERDIE RAAISELS WAG VIR JOU! ◼ Wêreldbekerrugby ◼ Reënwouddiere en ◼ Vroueleiers ◼ TV-gunstelinge ◼ Hollywood se rooikoppe ◼ Die 1990’s ◼ Mode… en baie meer PLUS 20 bladsye soekpret vir die jongspan AANLYN media24.shop.com of huisgenootwinkel.com BEL 021-406-4962 E-POS koop@huisgenoot.com…

Nóg ’n prettige seisoen van Die Babbelbende lê nou voor! Kom kyk saam na seisoen 2 op huisgenoot.com. In dié aanlyn Afrikaanse kinderreeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer oor ons wonderlike wêreld leer. Besoek huisgenoot.com, kliek op “HG Junior” heel bo en daarna op “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook media24shop.com om jou eie Paloeka-of Palawapop of Die Babbelbende se Groot Storieboek te bestel. Kom leer…

SOMS help dit om so ’n bietjie suinig te wees. Toe Vanessa Rivera (32) se kinders gebore is, wou sy nes enige ma pragtige foto’s hê om vir altyd te kan onthou hoe oulik hulle as babas gelyk het. Maar toe sien sy die pryse wat ateljeefotograwe vra… Nee dankie, het sy besluit. Dan doen sy dit liewer self. En terwyl baie mense oor die jare al geleer het dit is eintlik maar beter om professionele mense vir hul dienste te betaal as jy dinge reg gedoen wil hê, het iets anders in Vanessa se geval gebeur. Sy het Photoshop gebruik om ’n fantasie-element by die foto’s by te voeg – en kort voor lank het mense wat die foto’s gesien het haar begin vra of sy iets soortgelyks met…

OOR die jare het mense haar leer ken as net ’n klein spikkeltjie wat saam met haar wêreldberoemde ouers rondrits. Sy is immers die kleinste van Angelina Jolie en Brad Pitt se orrelpypies. As die vroulike helfte van Angie en Brad se tweeling was Vivienne altyd maar een van die twee babatjies in die gevolg. Mense het oor haar fraai gesiggie gekoer, en nie veel meer nie. Maar oornag het iets verander. Toe sy onlangs opgemerk is waar sy saam met Angelina in New York se strate kuier, het mense na hul asem gesnak. Die skaam meisie wat altyd so bang vir die paparazzi gelyk het, was skoonveld. In haar plek was ’n ontluikende jong vrou met ’n kalm uitdrukking op die gesig, een wat in haar hoë hakke amper…

1 ‘OPTIMISTIES SELFS IN SY DONKERSTE UUR’ Die Carte Blanche-aanbieder Derek Watts het sy stryd teen kanker verloor. Selfs toe hy dodelik siek was, het hy nie sy ewige optimisme verloor nie Rus in vrede, Derek. Jy was ’n ongelooflike man, ’n stryder, ’n mentor en inspirasie. Dankie vir jou insette in ons samelewing en die waarde wat jy toegevoeg het. My diepe meegevoel aan al jou familie, naaste vriende en kollegas. GARY KUNITZ Wat ’n legende was hy nie, en sterk tot op die laaste. Die televisiebedryf het ’n ware held verloor. Hy het Carte Blanche na groter hoogtes geneem, en sy gees van volharding sal vir altyd in ons geheue voortleef. ROSE MOSWANE Alle sterkte en meegevoel aan Derek Watts se familie, vriende en kollegas. Julle sal sy humor…

t – teelepel/s e – eetlepel/s k – koppie/s ROKERIGE STEAK-TACO’S met CHIPOTLE ESQUITES-SLAAI GENOEG VIR 4-6 MENSE / BEREIDING: 20 MIN. / GAARMAAK: 15 MIN. Hierdie klassieke Mexikaanse straatkos kry woema met ’n gebraaide taco. CHIPOTLE ESQUITES-SLAAI ◗ 4 mielies, blare verwyder◗ olyfolie◗ 1 avokado, geskil en in blokkies gesny◗ 2 wiele fetakaas, gekrummel◗ 2 sprietuie, in fyn skywe gesny◗ ’n hand vol vars koljander, gekap◗ 2 chipotle-rissies in adobosous, gekap◗ 1 knoffelhuisie, fyngekap◗ 30-45 ml (2-3 e) mayonnaise◗ 15 ml (1 e) paprika◗ skil en sap van◗ 1 lemmetjie seesout en vars gemaalde swartpeper, na smaak STEAK EN TACO’S ◗ 600 g kruisskyf of riboogsteak◗ olyfolie◗ seesout en vars gemaalde swartpeper of jou gunstelingbraaispeserye◗ meel-of mielietortillas VIR VOORSIT ◗ groenrissiesous (opsioneel)◗ lemmetjiewiggies of -helftes 1 Slaai Bedruip die…

IN DIE TUIN ’n Bekoorlike tuin waar jy kan ontspan, bestaan dikwels uit intieme hoekies soos dié een. Die eenvoudige stoel met die glashouers waarin plante geplant is, sorg vir ’n fokuspunt. KIKKER DIT OP MET BLOMME Groepeer verskillende groottes en vorms glasbottels om ’n treffende fokuspunt te skep. Plaas vars of droë blomme binne-in en gebruik die bottelnek om kerse staan te maak. DÉCOUPAGE DIT! Découpage is die aanbring van papierprente op ’n oppervlak soos glas, hout of blikkies. Die blompatrone gee dié glasbottels ’n tweede lewe. Gebruik ’n goeie, deursigtige gom soos Modge Podge (beskikbaar by die meeste ysterware-en stokperdjiewinkels) om dit vas te gom en te verseël. MOOI BÊREPLEK Daar is altyd iets bekoorliks aan glashouers wat saamgegroepeer en uitgestal word. Hierdie houers is mooi genoeg vir…

Skryf gerus vir my oor jou sake van die hart of moeilike persoonlike kwessies. Ek beantwoord vrae van lesers en gee graag raad. Jou identiteit bly vertroulik. Skryf aan: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. ’N VERHOUDING NÁ MAN SE DOOD? V Ek en my man was 20 jaar getroud. Hy is in Maart vanjaar oorlede. Ek weet dis skaars ’n halwe jaar, maar ek voel in my hart en siel dis tyd vir my om aan te beweeg. Is dit verkeerd van my om so gou weer in ’n nuwe verhouding in te spring? Ek het met my kinders ’n goeie gesprek daaroor gehad en hulle aanvaar dit so. A Elke…

Taylor Swift troon uit met haar suksesvolle The Eras-toer. Danksy die toer skitter drie van haar liedjies, “Karma”, “Anti-Hero” en “Cruel Summer”, nou op die Billboard Hot 100-trefferlys. Interessant genoeg is “Cruel Summer”, wat tans die vierde posisie beklee, nie ’n splinternuwe snit nie. Dis al in 2019 uitgereik op haar sewende album, Lover. Sedert sy dit op haar toer voor uitverkoopte stadions uitgevoer het, word dit op radiostasies gespeel – en dit vaar ook baie goed op stroomplatforms. Taylor is in die wolke. “Julle het ‘Cruel Summer’ so baie geluister dat dit nou in 2023 boaan almal se speellys is,” het sy by een van haar optredes gesê. “Dis besig om ál hoër op die trefferlyste te klim, en dis mal!” Haar platemaatskappy het nou besluit om “Cruel Summer”…

Duskant die rotsbank vee ’n bries byna sy pet van sy kop af en hy gryp daarna. Dag ná dag se werk onder die fel Afrikason het gemaak dat dit deel word van hom. Oudergewoonte gaan staan hy stil om homself in ’n poel te betrag. Hy sien sy biseps wat indrukwekkend bult. Die gedefinieerde spiere van sy bolyf, onverbeterlik. Die genetiese dobbelstene het vir hom op al die regte plekke geval. Vir ’n paar sekondes streel hy selftevrede oor die litteken bokant sy een wenkbrou. Dis die enigste imperfeksie in sy gesig, maar dit verleen ’n ruwe manlikheid aan sy voorkoms. Vrouens hou daarvan. Voor sy geestesoog sien hy ’n paar van hulle se gesigte. Hy onthou hul pyn en ontnugtering, die vrees. Dit laat sy liggaam onwillekeurig reageer.…

TYDSBEREKENING Sarel is weer laat by die werk. “Jy moes al agtuur hier gewees het,” raas sy baas. “Hoekom, wat het ek dan nou misgeloop wat so opwindend was?” vra Sarel kamma-verbaas. WOLLIE, PRETORIA LOOPBAAN AAN STUKKE Gehoor van die kulkunstenaar wie se toertjie erg skeefgeloop het? Hy het sy vroulike assistent op die verhoog middeldeur gesaag. Sy lê tans in sale 9 en 10 van die Algemene Hospitaal. JOHAN H, GONUBIE KANTLYNKENNER Ou Mike wil ’n spyker inslaan, maar hy slaan toe sy eie duim raak en swets vreeslik. “Hoekom hou jy nie liewer die hamer met albei hande vas nie?” vra die hulpvaardige Kallie. KASOEPIE MEER EINA PER LITER Nou weet ek waarvoor daai groot rol wit papier by die petrolpomp is. Dis om jou trane af te…

GROOT BLOKRAAI WEN ’N BOEK VAN TAFELBERG PLUS KOM IN AANMERKING VIR DIE MAANDELIKSE TREKKING VAN R1 000. NO 2508 KOMPETISIEVRAAG Watter blomsoort is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. Dié week wen een leser Whitey: Sakereus van Shoprite deur Niel Joubert (Tafelberg, R330). James Wellwood Basson, oftewel “Whitey”, is ’n legende in die sakewêreld. In 1979 koop hy agt winkeltjies in die Kaap. Oor die jare bou hy Shoprite uit, en neem Grand Bazaars en Checkers oor. In SA se beroemdste oorname koop hy OK Bazaars vir net een rand. Binne ’n jaar is dit winsgewend en word hy erken as sake-genie. In dié gemagtigde biografie herskep sakejoernalis Niel Joubert Whitey se buitengewone lewe: van sy…

WETENSKAP-LIKES in Amerika het ’n nuwe manier gevind om ou plastiek weer te gebruik – hulle maak seep daarvan. Plastiek bevat soortgelyke bestanddele as dit waarvan seep gemaak word. Hulle het ’n spesiale oond gebou waarin hulle die plastiek verbrand. Wanneer dit afgekoel is, is dit soos was. Die was word dan gebruik om seep mee te maak. Met dié metode kan die twee algemeenste soorte plastiek in seep omskep word. Dit is die plastiek wat gebruik word vir inkopiesakke en koeldrankbottels en waarin ons kos verpak word. Elke jaar word 200 miljoen ton van dié plastiek weggegooi. Die meeste daarvan word na vullishope gestuur, en ’n klein gedeelte word herwin. Die nuwe metode werk ook op plastiek wat moeilik is om af te breek. Die plastiek kan nie herwin…

1 Na watter legendariese akteur is ’n nuwe slangspesie vernoem? 2 Watter Amerikaanse gimnas het met haar terugkeer haar eerste byeenkoms gewen? 3 Watter planeet in ons sonnestelsel is die kleinste? 4 Uit watter lande bestaan die BRICS-groep? 5 Wat is die naam van die grootste reënwoud op aarde? ANTWOORDE: 1 Harrison Ford 2 Simone Biles 3 Mercurius  4 Brasilië, Rusland, Indië, Chinaen Suid-Afrika  5 Die Amasone BRONNE: CNN, THE GUARDIAN, BBC NEWS, REUTERS, KIDSNEWS.COM.AU, SKY NEWS, NEWSFORKIDS.NET, BUZZFEED, ABOUT. GOOGLE…

Angelina en Brad se ander kinders streef hul drome op uiteenlopende terreine na. Anders as baie ander kinders van beroemdes kies hulle meestal ’n lewe buite die kollig. MADDOX (22) Brangelina se eersteling studeer sedert 2019 biochemie aan die Yonsei-universiteit in Seoel, Suid-Korea. Hy het in die pandemie vlugtig na die VSA teruggekeer om sy studies oor ’n afstand voort te sit, maar is later weer Suid-Korea toe. Hy praat glo vlot Koreaans en is ’n aanhanger van K-pop. Nes sy ma is hy vol tatoeëermerke – insluitend ’n groot draak op sy bors. Angelina beskryf hom as “slim en snaaks, maar ook wild”. PAX (19) Al is hy die skugterste van die kinders, is Pax die enigste een wat al ’n aanduiding gegee het dat sy kop dalk in…

JENNIFER LOPEZ EN BEN AFFLECK Die twee het in 2004 die eerste keer verloof geraak, maar toe uitgemaak. Toe probeer hulle weer, hierdie keer met beter resultate. Hulle het in Augustus verlede jaar op Ben se landgoed in Georgia, Amerika, getrou. Dinge lyk steeds rooskleurig tussen hulle. SARAH HYLAND EN WELLS ADAMS Die Modern Family-ster en haar man, ’n TV-en podsendingaanbieder, het ook hul eerste herdenking in Augustus gevier. Sarah het Wells op sosiale media “my beste vriend” genoem. Sy het ook geskryf: “Die huwelik is die meeste pret wat ek al ooit gehad het, want ek is met jou getroud.” BROOKLYN BECKHAM EN NICOLA PELTZ Die Beckhams se oudste seun en die Amerikaanse aktrise is in April verlede jaar by haar gesin se spoghuis in Florida getroud. Drama was…

CHARLIZE THERON (48) was nog nooit een wat stilbly wanneer mense dingesê waarvan sy nie hou nie. Of dit nou die skindertonge is wat haar kinders moet uitlos, of ouens wat te bang is om haar uit te vra – sy spoel behoorlik mond uit. Onlangs het sy juis weer teruggekap toe mense oor haar voorkoms bespiegel het. “Mense sê: Wat het sy aan haar gesig gedoen? Ek sê: Bitch, ek raak net ouer! Dit beteken nie ek het slegte plastiese chirurgie gehad nie. Dit is bloot wat gebeur,” het sy in ’n onderhoud met die tydskrif Allure gesê. Sy het nie en sy sal nie aan haar gesig laat werk nie, het die Oscarbekroonde aktrise beklemtoon. “Ek hou daarvan dat dit verander en verouder.” Charlize wil veg teen wat…

OORBELLE Goud en silwer is staatmakers, en tans is oorbelle in aardse groen as-ook in neutrale skakerings hoogmode. Speel met verskillende vorms en teksture om die koppe te laat draai. HALSSNOERE Hou dit eenvoudig in silwer en goud – dit pas by alles en kan maklik in lae ge-dra word. Maar maak seker jou juweelkissie het tog ’n kleurvolle of treffende halssnoer vir die dae wanneer jy ’n bietjie drama soek. ARMBANDE Dit is tans een van die gewildste bykomstighede as jy ’n stelling wil maak. Jy kan heerlik daar mee rondspeel – dit werk goed in lae, en unieke ontwerpe kraai koning. RINGE Dink blink wat ringe betref. Kies abstrakte ontwerpe vir byderwetse afronding, maar sorg dat jy altyd diamante en pêrels byderhand het – dis immers tydloos. HAAR-KNIPPE…

’NDIGITALE beursie (die “Wallet” op jou slimfoon) is ’n gerieflike manier om vir aankope te betaal. Ongelukkig vind skurke maniere om die bankkaarte in digitale beursies te misbruik – selfs al is hulle nie in dieselfde land as jy en jou foon nie. Hier is antwoorde op vier algemene vrae. 1 HOE de VERSKIL DIT VAN ANDER BEDROG SONDER FISIEKE BANKKAARTE? Diewe gebruik gesteel kaartinligting (die kaartnommer, vervaldatum en CVV-nommer) vir aanlyn inkopies. Met die meeste “card-notpresent”-bedrog word ’n eenmalige wagwoord (OTP) geaktiveer. Hierdie OTP word dan na die wettige kaarthouer se ge-registreerde telefoonnommer of bank-app gestuur. Die groot verskil is dat be-talings met digitale beursies nie ’n OTP of persoonlike identifikasienommer (PIN) vir elke transaksie vereis nie. 2 HOE GEBEUR DIGITALE BEURSIE-BEDROG? Bedrieërs laai ’n onskuldige verbruiker se kaartbesonderhede op die digitale beursies…

’NSPESIFIEKE deel van die park is gewoonlik soggens ná nege stil. Tussen sewe en nege, of dit nou reën of sneeu, warm of koud is, is die grondpaadjie tussen die gholfbaan se 10de gaatjie en die perdestalle ’n kakofonie van blaffende honde, stemme en fietsklokkies. Ná ’n kilometer se stap het Dalene nog nie ’n enkele mens teëgekom nie, en verlig draai sy van die paadjie af. Haar swart hare steek onder ’n wolmus uit en sy dra ’n donkerbril. Die grond is modderig ná die vorige week se swaar reën, en sy is bly sy het haar Hunter-knielengtestewels aan. Sy stut haar teen ’n boomstomp voor sy deur ’n opening in die draad klim. Verbeel sy haar of hoor sy mense wat agter die braambos baklei? Hierdie deel van…

MAAGD 23 AUG – 22 SEP Hopelik sal die harmonie in die lug na harmonie in jou lewe oorspoel, veral rondom die 8ste wanneer Jupiter en die son in lyn met mekaar is. As jy die soort Maagd is wat geneig is om krities en pessimisties te wees, kan dit jou dalk ’n goeie skeut optimisme en welwillendheid bied. Hopelik sal dit ’n uitwerking hê op diegene naaste aan jou en jou geloof in die mensdom verhoog, of jy van nature ’n godsdienstige mens is of nie. JOU GELUKKIGE NOMMERS 8, 13, 34, 34, 16, 10 MAAGD SE STRATEGIEË VIR SUKSES ◼ Jou sterkste eienskap is jou analitiese vermoë – om die lewe te verstaan. ◼ Jou grootste swakheid is oormatige kommer – en dit bring jou nêrens nie. ◼…

EK SAL nooit borste hê nie. En dis fine. Vir my was dit net… ek is getroud, ek is jonk, ek doen modeling en ek is ’n public figure – nou het ek nie borste nie. Dit was emotional gewees. Ek doen die Here se werk, ek serve mense, en dan kry ek kanker. Ek wou weet hoekom – dit was a mental battle. Ek het baie depressed geraak. Ek was moedeloos. Maar ek het meer begin fokus op my feeding schemes en op die kinders. Basies op enigiets anders as myself. My journey het begin in ’n bruin buurt. Daar’s baie swaarheid in Vergenoeg in Oos-Londen. My ma het nie gewerk nie. My pa het gewerk, maar was medically boarded. Hy was ’n asmalyer. Daar was nie altyd van…

Daar word nou ondersoek of Lucy Letby dalk ook haar kloue geslaan het in babas wat gebore is by die Liverpool-vrouehospitaal, waar sy ook in ’n stadium gewerk het. ’n Span van 70 ondersoekers en spesialiste fynkam die rekords van 4 000 babas wat hier asook in die Countess of Chester-hospitaal gebore en versorg is om te soek na ongerymdhede. Lucy se kollegas by die Chester-hospitaal word ook verder ondervra om te bepaal waarom daar nie vroeër teen haar opgetree is nie. Die pediater Stephen Brearey het al destyds alarm gemaak nadat vyf babas in Lucy se sorg gesterf het, maar hy moes haar daarna verskoning vra toe die hospitaalowerhede bevind het die sterftes was net “toevallig”. Nog ’n pediater, John Gibbs, het Lucy begin verdink toe nog twee babas…

DIE emosie op haar gesig kan ’n mens nie miskyk nie. Soos die trane oor die jong strooimeisie se wange rol terwyl sy oor die swart tapyt na die kansel stap, weet jy haar ma en haar nuwe stiefpa se vreugde brand ook in haar hart. Die tiener Shiloh Pieterse het die sanger Ampie du Preez (41) ontmoet toe sy vier jaar oud was. Vandag, 10 jaar later, is sy 14 en Ampie amptelik haar stiefpa. En sy straal saam. Ampie glimlag breed toe sy bruid, die persoonlike afrigter en fiksheidinstrukteur Elaine Pieterse (35), op die maat van “Niemandsland” ingestap kom. Dis ’n lied wat Ampie saam met Matthew John Duncan geskryf het. Haar noupassende spierwit trourok, gemaak deur die ontwerper Carike Nel, pas perfek en haar sluier met sy…

MET sy deelname in 2018 aan die 11de seisoen van Boer soek ’n vrou is die brief wat Jay-Dee Cyster vir Byron Booysen geskryf het wel in een van die episodes gelees, maar hy het nie van hom laat hoor nie. Die twee het mekaar toe op sosiale media begin volg, maar eers in 2021 kontak gemaak. Jay-Dee het kort daarna vir Byron gaan kuier by sy hidroponiese boerdery in die Kraaifonteinomgewing in Kaapstad, en hulle is sedert daardie jaar ’n paartjie. Hul verhoudingstatus het egter onlangs verander… na man en vrou! Boer Byron en Jay-Dee het by Wijnlanden Uitzicht op Stellenbosch afgehaak. Hulle het voor 95 gaste trou aan mekaar beloof. Toe Jay-Dee in haar elegante rok en lang sluier in die paadjie afstap, kon hy nie sy oë…

1 TALLULAH SE HERSTEL BRUCE WILLIS se dogter TALLULAH (29) het die verhaal van haar herstel van anoreksie en liggaamsdismorfie op Instagram gedeel. Sy het foto’s geplaas van voor en ná die tyd saam met haar susters, Rumer en Scout, waarin sy haar vordering vier. “Om gesond te word gaan waarskynlik lewenslank neem, maar ek het nou die gereedskap wat ek nodig het,” sê sy in ’n essay wat in Mei geskryf is. 2 EEN GROOT, GELUKKIGE GESIN Die tennisster SERENA WILLIAMS en haar man, ALEXIS OHANIAN, is saam met hul dogtertjie Olympia (5) in die wolke oor hul tweede dogter, Adira River Ohanian, se geboorte. Alexis het op Instagram oor die baba wat op 22 Augustus gebore is, geskryf. “Ek is dankbaar om te kan sê ons huis loop oor van liefde: ’n…

◼ JULIANNE MOORE (62) Sy haat die term “ageing gracefully” wat dikwels na vroue gegooi word. “Dit is seksisties,” sê sy. “Niemand het ’n keuse oor veroudering nie, so dis nie positief of negatief nie. Dit gebeur. Hoekom praat ons altyd daaroor asof dit iets is wat ons kan beheer?” ◼ HALLE BERRY (57) Die Oscarwenner sê sy het die onvermydelikheid aanvaar van ouer word. “Ons gaan almal ouer word. Ons vel gaan verskrompel en ons gaan anders lyk. Ek het nog altyd geweet skoonheid is dieper as die fisieke liggaam waarin jy rondloop.” ◼ JADA PINKETT SMITH (51) Die aktrise sê ouer word het haar gelukkiger gemaak. “Jy kom regtig by die punt waar jy net nie meer omgee wat mense dink nie. Daar is ’n sekere vryheid wat…