Indholdsfortegnelse for 14 September 2023 i Huisgenoot

1 ‘DIE LEWE IS ONVOORSPELBAAR’ Tshepo Maise (22), ’n mediese student, het vroeër vanjaar Bell-gesigsverlamming gekry. Nou inspireer hy ander met sy positiewe houding Ek het dit ook 20 jaar gelede gehad. As jy so jonk is, laat dit jou met baie vrae. Elke terugslag in jou lewe kom met ’n rede. Vertrou net, jong man, die Here sal sy salwende hand gebruik om jou te genees. Baie sterkte. MARIA Ek het in 2019 ook Bell-gesigsverlamming gekry. Ek het herstel, maar dis nie ’n maklike tyd in ’n mens se lewe nie. Met fisioterapie, medisyne, ’n positiewe uitkyk en gebed het ek deur dit gekom. CHANTELLE Ek het dit ook 50 jaar gelede gehad. Ek was toe net 14 jaar oud. My gesig het egter weer reggekom danksy fisioterapie. Ek bid…

MENSE is van nature harig. Dis regtig nie iets om oor skaam te wees nie. En veral vroue word dikwels hariger namate ons ouer word, veral op plekke waar ons nie graag hare wil hê nie, soos ons ken en bolip. Selfs bekendes word nie gespaar nie. Eva Mendes en Meghan Trainor skeer glo gereeld, en Kelly Clarkson het onlangs openlik oor die probleem met gaste in haar geselsprogram gepraat. “Ek is ’n perske,” het sy gesê. “Ek het so baie perskewol, wanneer ek in die son kom, lyk ek soos ’n Twilight-vampier soos ek glinster. My baard glinster.” Gelukkig kan ons maklik enige hare op ons bolip, wenkbroue of ken verwyder. Boonop is daar baie maniere waarop ons ongewenste hare in toom kan hou. Hoekom gebeur dit? Daar is…

◼ VLOEIBARE KOS Sop, bredies en pap het ’n neiging om weer in jou keelpyp te wil opborrel. Vervang met: Droë kos, soos aartappels, pasta of rys. ◼ KAFFEÏEN Dit kan die klep boaan jou maag laat ontspan sodat suur daarlangs opstoot. Vervang met Kruietee en kaffeïenvrye drankies. ◼ ROU VRUGTE Veral sitrus het ’n baie hoë suurinhoud. Bessies en vrugte wat nog nie heeltemal ryp is nie, kan dinge ook ongemaklik maak. Vervang met Gekookte vrugte, soos gestoofde pruime en gebakte appels. ◼ OLIERIGE KOS Olierige vis, soos sardiens en makriel, en bykosse soos mayonnaise, kan jou sooibrand gee. Vervang met Minder olierige vis, soos stokvis of makriel, en olievrye souse. ◼ SPESERYE Vurige speserye, soos brandrissies en paprika, kan jou sooibrand gee. Vervang met Geurige kruie, soos kruisement,…

BESONDERSE SPEURDER In die moordraaisel Poker Face vertolk Natasha Lyonne die rol van Charlie Cale, wat die besonderse vermoë het om te bepaal wanneer iemand lieg of nie. Nadat ’n goeie vriendin vermoor is, spring sy in haar kar en in elke dorp of stad waar sy stilhou om asem te skep, los sy met haar leuenverklikkervermoë vreemde misdade op. Die reeks word hoog aangeslaan, en Natasha se toneelspel word veral geprys. Natasha (44) is al lank vriende met die skepper van die reeks, Rian Johnson. Dit was ’n aandete tussen die twee wat gelei het tot Natasha wat die rol van Charlie kry. “Wat begin het as ’n gesprek oor speurverhale, het gelei tot die verkenning van verskillende wêrelde in elke episode van Poker Face,” het die twee vroeër…

1 Vanes-Mari is ’n natuurlike sportmens. Ek dink as sy nou nog moet rugby speel ook, sal sy waarskynlik beter vaar in rugby as ek of enige lid van die kameraspan. 2 Sy het altyd biltong by haar, so sy gaan beslis skelmpies vir ons biltong smokkel Frankryk toe as ons dit nie mag vat nie; sy sal ’n plan maak. 3 Vanes-Mari poep meer as enige van die kameraspan op toer. 4 Sy kuier harder en langer as die manne. Sy het baie uithouvermoë as dit by kuier kom en sal almal onder die tafel in kuier. 5 Sy het baie selfvertroue, en glo dit of nie, sy kan jodel.…

GROOT BLOKRAAI WEN ’N BOEK VAN HUMAN & ROUSSEAU PLUS KOM IN AANMERKING VIR DIE MAANDELIKSE TREKKING VAN R1 000. NO 2509 KOMPETISIEVRAAG Watter siekte is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. Dié week wen een leser Brood & Botter: ’n Lewe van kook deur Nic van Wyk (H&R, R450). In sy eerste kookboek neem Nic van Wyk, Kaapse sjef en geliefde Kokkedoor-beoordelaar, ons op sy kosreis van 21 jaar. Dit is sy kulinêre mondigwording en hy bied van onthoukos uit sy kinderdae en nostalgiese restaurantgeregte met ’n kinkel tot sy hartskos en aardse gunstelinge. Die boek herinner aan Kook en geniet met klassieke manier van kosmaak en basiese kookmetodes. Nic se resepte weerspieël sy voorkeur…

IN 1991 het stappers in die Italiaanse Alpe die oorskot van ’n man gevind wat 5 000 jaar gelede geleef het. Dele van sy liggaam het behoue gebly omdat hy lank onder ys begrawe is. Saam met sy oorskot is ’n koperbyl, ’n boog en ’n hoed gemaak van beervel gevind. Argeoloë het hom later Ötzi gedoop. Nou het wetenskaplikes dieper gaan krap in Ötzi se genetika om meer uit te vind oor hoe die oerman gelyk het toe hy nog geleef het. Die DNS wat hulle gebruik het, is van Ötzi se heupbeen geneem. Die wetenskaplikes se navorsing wys hy het ’n kaalkop gehad en sy vel was donkerder as wat aanvanklik gedink is. Hy was waarskynlik 45 jaar oud toe hy dood is. Daar is al vroeër vasgestel…

1 Vir watter Formule 1-span ry die Nederlandse renjaer Max Verstappen? 2 Teen watter land speel die Springbokke hul eerste wedstryd in vanjaar se Wêreldbekerrugbytoernooi? 3 Na watter mitiese wese het 200 mense onlangs in Skotland gesoek? 4 Watter land het onlangs ’n robotiese tuig op die maan laat land? 5 Wat is ’n “drone” in Afrikaans? Antwoorde 1 Red Bull Racing  2 Skotland 3 Die Loch Ness-monster 4 Indië 5 ’n Hommeltuig BRONNE BBC, NETWERK24, KIDSNEWS.COM.AU, CNN, THE GUARDIAN, HOME.CERN, POPULAR SCIENCE, BARSCIENCETECHNOLOGIES.COM…

1 Winnie-the-Pooh is mal oor heuning. Maar sy hart is ook vol liefde vir sy vriend met die sagte stemmetjie. Wat is sy bestie se naam? ◻ A: Po ◻ B: Pikachu ◻ C: Piglet 2 In die gewilde animasiefliek Luca word dié seemonster se dae opgehelder deur ’n vriend op land saam met wie hy die mensewêreld verken. Wat is Luca se vriend se naam? ◻ A: Alberto ◻ B: Bruno ◻ C: Remy 3 In The Lion King het ons by ’n oulike en skreeusnaakse vlakvark, Pumbaa, geleer om kommervry te leef. Wie is Pumbaa se vriend wat vir ons die betekenis van “hakuna matata” geleer het? ◻ A: Simba ◻ B: Rafiki ◻ C: Timon 4 Wie woon in ’n pynappel onder die see? Dis SpongeBob SquarePants!…

OP DIE foto’s lyk dié ouma en oupa soos modelle in ’n katalogus. Die uitrustings is elegant en die twee lyk op hul gemak voor die kamera – so asof hulle lankal net gewoond is aan die heel haute-ste couture. Chang Wan-ji (86) en sy vrou, Hsu Hsiu-e (87), van Taiwan het die internet in rep en roer. Die rede? Dis alles te danke aan ’n paar foto’s wat hul kleinkind, Reef Chang, op Instagram gedeel het. Daarin verskyn die twee grysaards in allerhande boheemse, deftige en stylvolle uitrustings – en baie van dié klere kom uit die wassery in Taiwan wat hulle dekades lank bedryf het. Want dis van die klere wat in hul wassery agterweë gebly het nadat kliënte dit daar vergeet het; dus ander mense se verlate…

t – teelepel/s e – eetlepel/s k – koppie/s COQ AU VIN GENOEG VIR 8-12 MENSE / BEREIDING: 20 MIN. MARINEER: 1 UUR OF OORNAG / GAARMAAK: 40 MIN. ’n Klassieke Franse gereg van hoender in rooiwyn gestowe. ’n Bouquet garni is ’n bossie van takkies kruie soos roosmaryn, pietersielie, tiemie, basilie, salie en selfs dille wat saamgebind word en wat geur aan ’n gereg verleen. Die bossie kan dan maklik met opdiening verwyder word. ◗ 1 rooi-ui, in stukke gesny◗ 2 wortels, skoongeskraap en in ringe gesny◗ 4 knoffelhuisies, fyngedruk◗ 1 bouquet garni (sien wenk)◗ 1 heel naeltjie◗ 1 x 750 ml-bottel rooiwyn◗ 12 hoenderdye◗ sout en peper na smaak◗ olie vir braai◗ 60 ml (¼ k) botter◗ 125 ml (½ k) brandewyn (opsioneel)◗ 125 g spek, gekap◗ 45…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers, en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. ‘DRUK NET DEUR, AL IS DIT HOE MOEILIK – DIE SON SAK NIE NET NIE, DIT KOM WEER OP OOK’– IRMA ’N NUWE SEISOEN VIR ONS MANS “Dis heerlike lente, die winter’s verby!” lui ’n bekende liedjie wat baie van ons op skool leer sing het. Dit is verbysterend hoe vinnig vanjaar verbyvlieg. Ons lewe het ook seisoene, sommige sleg, maar hopelik die…

MAAK LOS JOU LITTE Stof jou dansskoene af, want as dit van Juanita du Plessis afhang, gaan haar jongste enkelsnit jou voete laat jeuk. Die liedjie, “Liewe jinne!”, is die sangeres se eerste enkelsnit in drie jaar, en dit vertel van heerlike naweekkuiers op ’n plattelandse dorpie – ’n plek waar almal mekaar ken en altyd lekker saamkuier. Die musiekvideo vir die liedjie, wat nou onlangs uitgereik is, het ’n humoristiese aanslag wat die tipiese storie van so ’n kuier vertel. Die video is binne vyf dae meer as 150 000 keer op You-Tube gekyk, en die komediant en sanger Robbie Wessels maak ook ’n verskyning. “Dit vat my ’n bietjie terug na my jonger dae toe gemeenskappe net spontaan bymekaargekom, gekuier en die dansvloer witwarm gedans het,” vertel Juanita…

DIENSPLIG: HOEKOM STOTTER ONS PA’S SO? Deur ANELIA HEESE Tafelberg, R245* As daar al ’n Afrikaanse boek oor diensplig deur ’n vrou geskryf is, het ek dit misgeloop (Jacqui Thompson se Dit was oorlog is oorspronklik in Engels geskryf). Daarom was ek nuuskierig waarom die onderwerp ’n vrou, boonop nog in haar 30’s, só interesseer. Dit blyk sy het met ’n ompad hierby uitgekom toe sy met die inperking aanlyn gedenkdienste gefasiliteer het vir families wat nie ’n geliefde se begrafnis kon bywoon nie. So het sy aan die gesels geraak met Jaco de Wet (’n skuilnaam) nadat sy sy ma se diens saamgestel het. Hy vertel toe dat haar formaat vir die huldeblyke hom herinner aan oudsoldate se stories om ’n kampvuur. Dit het die saad geplant, en Anelia…

SKOONMENSE Sannie kondig haar verlowing aan, en haar pa wil weet of die mannetjie darem geld het. Sannie, onthuts: “Pa, julle mans is almal dieselfde. Dis presies wat hy oor Pa wou weet!” KASOEPIE GEHEIMHOUDING Navorsing het getoon jou eggenoot is die beste persoon om ge-heime mee te deel. Hulle sal dit vir niemand anders vertel nie, want hulle luister nie eers terwyl jy dit vertel nie! JOHAN H, GONUBIE WEEGKUNS Joey sien haar man sy boep met groot moeite probeer intrek terwyl hy op die badamerskaal staan. “Wat maak jy tog? Dit gaan niks mos niks help nie,” wil sy weet. Jy mors jou tyd,” spot sy hom. “Dit sal tog nie help nie!” Ewe bot antwoord hy: “Hoe moet ek anders die syfers op die skaal lees?” SAN,…

DIE jaar was 1993 en sy het alle rede gehad om in die wolke te wees. Sy het pas haar debuut vir Suid-Afrika se nasionale vrouesokkerspan gemaak – en dit nogal op die ouderdom van 30. Boonop het sy drie doele aangeteken in Banyana Banyana se verpletterende sege van 14-0 oor Swaziland in Johannesburg. Toe, op pad terug Kaap toe, kry die minibustaxi waarin sy gereis het ’n pap band en sy daag laat op vir haar werk by ’n vleismark in Soutrivier. “Hulle het my summier afgedank – gesê ek het gedros. So ek was toe drie jaar sonder werk.” Vandag glo Desiree Ellis dit was ’n bedekte seën. “Ek sal nie sê ek het nie omgegee nie. Maar, man, ek het my droom uitgeleef om vir die nasionale…

ITALIË is prentjiemooi in die somer. Toeriste neem foto’s op romantiese bootvaarte, langs historiese geboue, op die geplaveide stegies en by ou brûe – dis ’n landskap wat altyd Instagram-gereed is. Maar die afgelope tyd kon toeriste ook iets anders afneem – ’n rapper en sy wederhelfte wat sommer skaamteloos voor besoekers se kameras laat waai. Want Kanye West en sy nuutste liefde, die Australiese argitek Bianca Censori, het ook die somer in Italië deurgebring en hul gereelde uitstappies het ’n beroering veroorsaak. Toe hulle die stad Verona besoek het, het Kanye (46) en Bianca (28) op ’n watertaxi doenig geraak, sy kaal boude duidelik van die wal af te sien, met Bianca wat tussen sy bene sit, haar elmboë op sy knieë. Vakansiegangers het video’s en foto’s daarvan geneem,…

Vir die susters DANIÉLLE (19) en MÉLA SWANEPOEL (15) is toneelspeel beslis iets wat in die gene loop. Méla vertolk tans die rol van Nina in die sepie Binnelanders en Daniélle is in die telenovelle Diepe waters as Karla Swarts te sien. Om in Binnelanders te speel en Reynardt Hugo en Desiré Gardner as haar televisie-ouers te hê is ’n “droom” wat waar geword het, vertel Méla. “Hulle is net lekker mense saam met wie ek kan werk en lag en kuier.” Kom ons kyk hoe goed die talentvolle sussies mekaar ken. VRAE VIR DANIÉLLE Intelligent, divers, beeldskoon. Wat het julle in gemeen? Ons albei is in die kunste sonder dat dit deel van ons toekomsplanne was. Wat doen julle graag saam? Ons doen inkopies en kyk reekse. Wat doen…

GRAFIESE HEMDE Unieke patrone is nog ’n lekker manier om met jou voorkoms te speel. ’N SPATSEL KLEUR Ontspan in styl met jeans en ’n hemp in ’n helder kleur soos groen, koraal of blou. Kleurvolle T-hemde is vanjaar hoogmode. OORTREKTRUI Dié preppie trui is ideaal om bo-oor ’n hemp te dra op dae wanneer dit ’n bietjie koeler is. SLENTERSJIEK ’n Neiging die seisoen is om preppie en ontspanne items saam te dra – dink dus kraaghemde en chinos by ’n sagte trui of gemaklike baadjie. ROCK-T-HEMDE Dra dit saam met ’n jean of cargo-broek vir ’n gemaklike voorkoms met ’n bietjie skop. CARGO-BROEKE Sakke is hierdie somer steeds hoogmode – dra lekker ligte en gemaklike cargo-broeke in natuurlike kleure. BERMUDA-BROEKE Lyk koel en preppie in ’n klassieke wyepypkortbroek…

OF DIT nou effens ongerieflik of erg pynlik is, dit is geen pret as suur in jou slukderm opstoot nie. En statistieke toon dis baie algemeen – meer as 25% van mense kry gereeld sooibrand. “Dit gebeur wanneer die spiere rondom die ingang van jou maag ontspan en die suur in die verkeerde rigting opwaarts beweeg en die slukderm brand,” sê dr. Stuart Sanders, ’n algemene praktisyn. Sooibrand, die algemeenste vorm van suurrefluks, voel gewoonlik soos ’n brandgevoel agter ’n mens se borsbeen en beweeg van daar af op na die nek en keel. Dit gebeur om verskeie redes, en die goeie nuus is daar is maniere om die onaangename brandgevoel te verlig. Hier is riglyne hoe jy kan vasstel wat dit veroorsaak en ’n paar maklike wenke om iets…

DIS belangrik om te verstaan, want dit kan jou uitgawes direk beïnvloed: hoeveel jy in die maand aan medies bestee; of hoeveel jy ná jou mediese uitgawes gaan oorhê om op ander dinge te bestee. Kom ons bekyk dit punt vir punt. 1 DIT HOU VERBAND MET JOU SPAARPLAN Die spaarplan van jou mediesefondsopsie werk soos ’n bankspaarrekening: Die geld kan uitgawes dek wat andersins uit jou sak sou kom. Die geld wat in mediesefondslede se spaarplanne beskikbaar is, is tipies 15 tot 20% van hul premies, maar mag nie meer as 25% wees nie. Voorbeeld: As jou jaarlikse bydraes R30 000 beloop en 20% daarvan is in jou spaarplan, sal jy R6 000 in jou spaarplan hê. 2 WAT BETAAL EK DEUR MY SPAARPLAN? Enigiets van ongeskeduleerde medikasie tot X-strale. Onthou,…

1 Hamilton het self goeie rugby vir ’n klub in Kanada gespeel. 2 Hy speel wel beter tromme as wat hy rugby kan speel. 3 Ek dink sy vrou, Chandré, is snaakser as hy. Hy kry die meeste van sy grappies by haar. 4 Hy is amper daai irriterende jonger boetie wat dan ouer word en jou beste vriend word; hy het my beste vriend geword. Hy het twee pragtige kinders, Johannes-Joe (4) en Anna-May (1). Almal weet ek is die inspirasie agter albei se koppeltekenname. 5 Hamilton is die grootste Cheetahsondersteuner wat ek ken.…

Dit is al amper twee dekades sedert die R&B-sanger Usher sy debuutalbum uitgereik het, maar steeds kry hy dit reg om mense aan die praat te kry – dié keer met sy jongste enkelsnit, “Boyfriend”. Hy het die snit geskryf saam met die aktrise en TV-persoonlikheid Keke Palmer, wat ook in die musiekvideo verskyn. Waaroor gaan die liedjie? Wel, dis eintlik als te danke aan Keke, sê Usher. Sy was die inspirasie agter die tong-in-die-kies-liedjie wat vertel van Keke se eks, Darius Jackson, wat die aktrise gekritiseer het oor haar kleredrag by ’n Usher-konsert. Darius het gemeen sy is onvanpas geklee vir ’n ma na aanleiding van ’n video waarin Usher en Keke saam op die maat van sy liedjie “There Goes My Baby” dans – maar sy kommentaar het…

MAAGD 23 AUG – 22 SEP Van die oomblik dat jou planeet, Mercurius, op die 15de begin vooruit snel, sal jy aanvoel dat die ergernis en irritasie van die afgelope drie weke tot ’n einde kom. Daarby val die nuwemaan op dieselfde dag in jou teken en gee jou die geleentheid om jou innerlike horlosie reg te stel en ’n nuwe begin te maak. Probleme in verhoudings sal waarskynlik nie opgelos word nie. Dis nutteloos om die kwessie tot ’n punt te probeer dwing. GELUKKIGE NOMMERS 4, 12, 47, 50, 20, 6 VIRGO-KENMERKE ◼ Orde, orde, orde ◼ Perfeksionisties en puntenerig ◼ Kantoordokter en -kruidenier ◼ Kommerkous en aandag aan besonderhede ◼ Silwerskoon en leef organies ◼ Aards en tot jou diens ◼ Beskermheer van die liasseerkabinet WEEGSKAAL 23 SEP…

REEKSE PREDATORS Hierdie boeiende natuurdokkiereeks volg vyf roofdierspesies reg oor die planeet se stryd om oorlewing. Jy sal die lewe ervaar deur die oë van jagluiperds, ysbere, wildehonde en ander kragtige jagters in ’n wêreld waar tande, kloue en spoed – maar ook familiebande en die trop – oorheers. Die Oscarbenoemde akteur Tom Hardy is die reeks se verteller. ANIMALS UP CLOSE WITH BERTIE GREGORY Disney+. OB Die Britse natuurlewe-rolprentmaker en -fotograaf Bertie Gregory lig die sluier oor buitengewone diere se daaglikse lewe. Gewapen met die jongste tegnologie trotseer hy en sy span uiterste toestande om ons ’n opwindende nuwe venster op Moeder Natuur se spesiale kinders te bied. Maar in die afgeleë gebiede waar hulle werk, kan dinge in ’n oogwink drasties verander, en die span moet eenvoudig daarby…

RUGBY: DEEL 2 VAN 4 WÊRELDBEKER 2023 KYK jy dalk soms rugby en skree lekker saam om jou span te ondersteun, maar jy weet nie eintlik heeltemal hoe skrums, lynstane, losgemale en wat nog als werk nie? Of het jy nog nooit eintlik rugby gekyk nie, maar wil graag begin om deel te wees van die gees tydens vanjaar se Wêreldbekerrugbytoernooi? Ons leer jou die basiese dinge van hoe rugby werk. DOELWIT Om meer punte as die ander span aan te teken. Punte word aangeteken deur drieë, doelskoppe, strafdoele en skepdoele. 80 Soveel minute duur ’n wedstryd. Dit word in twee helftes van 40 minute verdeel. Die spanne ruil ná die eerste helfte kante om. 15 Soveel spelers is in ’n rugbyspan. Elke span kan ook enige tyd van…

Nóg ’n prettige seisoen van Die Babbelbende lê nou voor! Kom kyk saam na Seisoen 2 op huisgenoot.com. In dié aanlyn Afrikaanse kinderreeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer oor ons wonderlike wêreld leer. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook media24shop.com om jou eie Paloeka-of Palawa-pop of Die Babbelbende se Groot Storieboek te bestel. Kom leer ken…

DAAR is geen twyfel oor wie die glanspaartjie van die aand is nie. Elke kop draai in hul rigting toe hulle op die rooitapyt aangestap kom. Hulle word toegejuig. Jaden Breytenbach (18) lyk soos ’n rolprentster in sy wit snyerspak, en Jomari Louwrens (20) se seegroen rok laat die komplimente inrol. Elke paar tree word sy gevra om eers ’n bietjie in die rondte te draai sodat sy van alle kante bewonder kan word. Sy doen dit soos ’n wafferse model en straal behoorlik. Op die oog af is hulle ’n perfekte prentjie van ’n paartjie wat ’n hoogtepunt van hul skoolloopbaan geniet: die matriekafskeid. Tog het Jomari en haar ouers tot onlangs gedink sy sal dalk nie ’n afskeid beleef nie. Jomari het downsindroom, en met die pandemie moes…

DIE OLIFANT: JASON GOLIATH Om op nasionale televisie te sing was vir die komediant ’n droom wat waar geword het. “Die grootste hoogtepunt van die program is om te voel asof jy in ’n spioenasiefliek is… die vermomming, die spoggerige kar, die geheime hanteerders! Dis soos ’n spioenasiefliek gekombineer met ’n musiekblyspel.” DIE PIESANG: BONGANI BINGWA Toe Piesang sy masker moes afhaal, was almal verras om te sien dis toe al die tyd die bekende omroeper en TV-aanbieder. “Dit was die geheimhouding wat so dramaties was! Om deur ’n kar opgelaai te word, verberg te word sodat niemand kan sien dit is ek wat opgelaai word nie en om in die geheim afgelaai te word… Dit is iets wat ek nog nooit voorheen ervaar het nie.” DIE STOKKIELEKKER: HOLLY REY…

‘Dis ’n kwessie van tyd voor hy nog meer van sy kliënte verloor’– ’N BRON VIR langer as ’n dekade was hy een van die magtigste spelers in die musiekbedryf. Hy is die bestuurder van talle van die wêreld se grootste sterre; die man wat Justin Bieber “ontdek” het. Maar Scooter Braun se koninkryk is besig om inmekaar te tuimel. Justin Bieber (29), Demi Lovato (31), Ariana Grande (30), en Idina Menzel (52) het hom die afgelope paar maande gegroet. WAAROM DIE SKIELIKE UITTOG? Volgens berigte het Scooter (42) ’n tree terug geneem van sy daaglikse pligte as bestuurder om eerder op sy rol as uitvoerende hoof van HYBE America te fokus. Hy is Januarie in dié posisie aangestel, en dit volg op sy miljarddollar-verkoop in 2021 van Ithaca Holdings…

DIESELFDE partytjie. Dieselfde paartjie. Maar niemand sal jou kwalik neem as jy dalk dink JUSTIN (29) en HAILEY BIEBER (26) het verskillende uitnodigings ontvang nie! Toe dié twee onlangs by die Rhode-skoonheidsbekendstelling opdaag, het dit sowaar gelyk asof hulle na twee verskillende geleenthede genooi is, met afsonderlike beskrywings van wat hulle moet dra daarby. ’n Aanhanger met ’n arendsoog het daarop gewys dat dit nie die eerste keer is nie. Ons het toe ’n paar foto’s van hul uitrustings by spesifieke geleenthede versamel sodat jy self kan besluit of Justin dalk ’n les of twee in begripslees moet kry.…

Die romkomkoningin, MEG RYAN, is ná 14 jaar weer terug op die silwerdoek. Haar jongste fliek, What Happens Later, word in Oktober uitgereik en kykers sal ’n kans kry om te sien hoe Meg weer haar troon bestyg. In dié fliek speel David Duchovny (63) van The X-Files haar eks. Hulle loop mekaar op ’n lughawe raak en word daar weens ’n sneeustorm vasgekeer. Hul verhouding het meer as twee dekades tevore verbrokkel, en dis die eerste keer dat hulle mekaar weer sien. Meg (61), wat die medeskrywer en regisseur van die fliek is, hou haar aanhangers selfs 14 jaar later steeds op die punt van hul stoel. En ná meer as vier dekades in die bedryf het sy ’n kenner van romkoms geword. “In ’n romkom is die vraag…