Indholdsfortegnelse for 28 September 2023 i Huisgenoot

1 ‘DANKBAAR VIR MY GESONDHEID’ In Vetkoekpaleis het sy altyd gespog oor haar ou, Tiger. Nou soek Liane Heyl regtig na liefde ‘want ek wil nie meer alleen baguettes gaan koop nie’ Liewe Boeboe, jy weet mos ons is lief vir jou. Ons wil jou graag gelukkig sien. Vra vir Willie Esterhuizen om tog asseblief weer ’n reeks te skryf met jou in die hoofrol. Jy sal dan gelukkig. Iewers wag ’n man ongeduldig. DALEEN Wat ek nie sou gee om weer saam met my ou man te gaan inkopies doen nie! Malls het ons vermy, anders het hy doodluiters op ’n bankie gewag. Daarna sou ons iets lekkers eet. Waardeer jul mans, al is hulle nie volmaak nie. ETRA Vir baie mense werk dit om getroud te wees. Ek wil…

t – teelepel/s e – eetlepel/s k – koppie/s GROENTE-BURGER GENOEG VIR 4 MENSE BEREIDING EN GAARMAAK: 30 MIN. ◗ olyfolie, vir braai◗ 4 groentepatties◗ 180 g halloumi, dun gesny◗ 375 ml (1½ k) fyngesnyde cosblaarslaai◗ 1 avokado, fyngekap◗ 5 ml (1 t) fyngerasperde lemmetjieskil◗ 30 ml (2 e) lemmetjiesap◗ sout en peper◗ 4 groot broodrolletjies, gehalveer en gerooster◗ 2 romatamaties, in dun skywe gesny 1 Verhit ’n bietjie olie in ’n groot braaipan oor matige hitte. Braai die patties 4 min. per kant of tot goudbruin en deurwarm. Haal die patties uit die pan en hou warm. 2 Verhit olie in ’n skoon pan oor matige tot hoë hitte. 3 Braai die halloumi 1-2 min. per kant of tot goudbruin. Haal uit en hou eenkant. 4 Meng die blaarslaai,…

KRY DIT HIER @HOME BY BASH.COM; AIRLOOM.CO.ZA, 021-932-6318; INDIAINK.CO.ZA, JENNA@INDIAINK.CO.ZA; KNUS.CO, 021-300-2702; LAVISHD.COM, 011-609-8303; MRPHOME.COM, 064-584-1000; THEBEDROOMSHOPONLINE.CO.ZA, 0861-382-283 HOEWEL ONS ALLES IN ONSVERMOË DOEN OM KORREKTE PRYSETEVERSKAF, KAN FOUTEVOORKOM WAARVOOR HUISGENOOT EN DIEVERSKAFFERS NIE VERANTWOORDELIK GEHOU KANWORD NIE.…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. WORD MY KIND GEBOELIE? A My dogter se gedrag en persoonlikheid het drasties verander sedert sy in gr. 11 is. Sy wil nie meer skoolgaan nie en eerder tuisonderrig ontvang. Ek kom toe met ’n gesukkel agter die storie: My kind is gekies vir die eerste netbalspan, ’n ma het gekla en haar dogter neem toe my kind se plek in. Ek moedig…

VAN LANGES TOT WHALIED Kykers het Langes byna vier jaar gelede leer ken as die handlanger van die skurk Bompie (Jarrid Geduld) in Arendsvlei. Sedertdien het hy besluit om ’n nuwe blaadjie om te slaan deur sy lewe reg te ruk en mense se vertroue terug te wen. In die proses het hy ook Ayesha (Megan Saayman) se hart gewen en is dié twee onlangs getroud. Hul pad was egter vol stampe en stote tot voor die kansel. Ayesha se ouers was hoogs ontsteld omdat sy in ’n verhouding is met iemand wat nie ’n Moslem is nie. Langes moes harde klippe kou en het toe die groot besluit geneem om Islam te aanvaar. Nou is hy bekend as Whalied Jonkers. Dit was Bobby (28) se eerste televisietroue. “Die moskee…

SALEMSTRAAT Deur ERLA DIEDERICKS Lapa, R325* Erla Diedericks het twee nuwe boeke op die rak, ’n kortverhaalbundel, Die geheime klippie klub, wat by Viva verskyn het, en die domestic noir, Salemstraat. Die term “domestic noir” is ’n onderafdeling van misdaadfiksie waar die verhaal hoofsaaklik in huise en werkplekke plaasvind, met die breë feministiese siening dat die huishoudelike sfeer ’n uitdagende en soms gevaarlike plek kan wees. Erla sê oor Salemstraat: “Dis vir my meer vreesaanjaend as my vorige twee rillers, want dié keer is dit nie die een of ander misdadiger of agtervolger nie, maar is die boosheid aanwesig en aan die broei in die bure – gewone mense net soos jy.” Ek vra haar wat vir haar die aantreklikste en die vreemdste is van ’n paar van haar hoofkarakters.…

GROOT BLOKRAAI WEN ’N BOEK VAN HUMAN & ROUSSEAU PLUS KOM IN AANMERKING VIR DIE MAANDELIKSE TREKKING VAN R1 000. NO 2511 KOMPETISIEVRAAG Watter mediese toestand is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Die laaste kanariegeel notaboek deur AnchienTroskie (H&R, R320). Mia Steyn is bloedjonk toe haar broer haar een laatmiddag by die Pienk Paleis, ’n losieshuis in Bloemfontein, aflaai. Noudat albei haar ouers oorlede is, en haar broer en sy vrou die boerdery op Blesbokfontein oorneem, is dit beter dat sy haar eie potjie in die stad begin krap. Dis toe sy ’n stowwerige, propvol boekwinkel instap dat Mia besef dis waar sy wil werk, nie as tikster by ’n prokureursfirma…

REG VIR RONDE TWEE Sy is net 20, maar dié Amerikaan-se sangeres en aktrise het al 60 miljoen maandelikse luisteraars op Spotify en beklee die 23ste plek op dié stroomdiens se lys van gewildste kunstenaars. Om nie eens van die drie Grammys in haar trofeëkas te praat nie… Haar eerste album, Sour, is in 2021 uitgereik en het die pryse laat inrol – en nou is haar nuwe album, Guts, beskik-baar. En dis reeds ’n treffer. “Ek is letterlik obsessief oor dié album,” skryf ’n aanhanger. “Ek luister heeltyd daarna,” het nog iemand laat hoor. Die Los Angeles Times noem dit ’n “meesterstuk”. The Guardian skryf Olivia probeer met die lirieke van die nuwe liedjies sin maak van haar “ongelooflike jong lewe”. VAN DISNEY-PRINSES TOT POPSTER Olivia was net 16…

AS JY sommer in die huis rondkyk, sal jy gou heelwat dinge sien wat heeltemal of gedeeltelik van rubber gemaak is. Die elastisiteit en duursaamheid van rubber maak dit ideaal vir die vervaardiging van allerhande produkte – van jou tekkies se sole tot die seël van die yskas se deur, van fietsbande tot chirurgiese handskoene, van tennisballe tot karonderdele. Rubber is oral! ONDER ’N MIKROSKOOP Wanneer ’n mens onder ’n mikroskoop na rubberagtige materiaal kyk, sien jy wat wetenskaplikes noem “lang, verstrengelde polimeriese molekules” – miljoene van hulle! Hierdie molekules is lank en soos kettings, en hulle bestaan uit baie kleiner molekulêre skakels. Jy kan hierdie polimeerstringe vergelyk met ’n massa verstrengelde spaghetti. As jy aan hierdie stringe sou trek, word dit reguit, maar wanneer jy hulle los, rol dit…

Nóg ’n prettige seisoen van Die Babbelbende lê nou voor! Kom kyk saam na Seisoen 2 op huisgenoot.com. In dié aanlyn Afrikaanse kinderreeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer oor ons wonderlike wêreld leer. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook media24shop.com om jou eie Paloeka-of Palawa-pop of Die Babbelbende se Groot Storieboek te bestel. Kom leer ken…

DIT lyk seker nie vreeslik anders as ’n baie ou Bybel wat jou oupa of ouma iewers in ’n kas bewaar het nie. ’n Mens kan sien dit is veel meer as ’n eeu oud, maar dis goed bewaar. Duidelik was dit vir iemand kosbaar. Dan sien jy ook die foto wat langsaan in ’n glaskas staan. ’n Knielende jong man met ’n geweer in die hand. Dié Bybel moet ’n storie hê. Trouens, die jong man op die foto het dié einste Bybel in sy hand gehad toe hy dood is. Philipus Cronjé van Ficksburg was ’n kryger wat in die Anglo-Boereoorlog deur die Engelse gevang en na die Groenpuntkrygsgevangenekamp geneem is. In April 1900 is hy tereggestel. “Hierdie was sy Bybel. Hy het dit in sy hand vasgeklou…

SY SKOP haar hoëhakskoene af en stap kaalvoet na die swembad waar kinders rondplas. Sy dra jeans en ’n Springbokhemp, maar haar waardige, regop houding verklap daar is iets adellik aan haar. En al is haar hare donkerder as gewoonlik, is die gesig onmiskenbaar. “Prinses Charlene!” roep die kinders en skarrel nader vir ’n foto. Dis haar eerste dag terug onder die Afrikason, en sy is in haar element op ’n swemslypskool vir plaaslike kinders, aangebied deur haar Prinses Charlene van Monaco-stigting. Dis ’n warrelwindbesoek van net drie dae, maar dis vir haar belangrik, vertel sy aan Huisgenoot. Dis die eerste keer dat haar Water Bike Challenge, ’n resies op drywende kontrepsies wat ’n mens soos ’n fiets trap, in haar geboorteland gehou word. Dié welsyngeleentheid is tot onlangs in…

SY WAS die hele nag onrustig. En toe haar seun teen die Saterdagoggend tweeuur nog nie op haar teksboodskappe reageer nie, het die vrees Charlotte Seaborne begin beetpak. Om 04:17 het sy Celvin (21) tot haar groot verligting telefonies in die hande gekry. “Mamma, ons is nou op pad. Lief vir Ma. Sien Ma nou,” het hy haar gerusgestel. Van die lawaai op die agtergrond het sy niks gedink nie. “Maar om halfvyf, toe voel ek benoud,” vertel Charlotte in haar huis in Pretoria. “Ek dog toe by myself: Dalk gaan hier iets aan. Dalk moet ek in my kar klim en ry, want dis nie ver van ons af nie.” Skaars ’n halfuur later lui haar foon weer en sy hoor hoe ’n vriend van Celvin die verskriklike woorde…

DIT was nie wat sy vir haar kind gedroom het nie. Sy weet maar alte goed presies wat die eise van ’n lewe voor die kameras behels. Kort ná haar dogtertjie se geboorte het sy destyds aan Huisgenoot gesê sy wil glad nie hê haar dogter moet eendag in haar voetspore as skoonheidskoningin volg nie. Sy het vertel in dié leefstyl val die klem gans te veel op hoe ’n mens lyk – alle oë is gedurig op jou privaat lewe. “Maar dit lyk vir my die kind het toe uitgekom met ander planne,” sê Cindy Nell-Roberts (41) vandag met ’n glimlag. Die voormalige Mej. Suid-Afrika en sakevrou se spruit is op 10 nie net mooi soos haar ma nie, sy is ook mal oor als wat met mode, skoon-heid…

1 ‘OUTYDSE’ BRILLE Style uit die 1970’s is terug! Niks sê dit beter as ’n treffende brilraam met bruingetinte lense nie. 2 HELDER & DUIDELIK Maak ’n stelling deur die somermaande se kleure soos ment en perske te meng. Die informele kantoorvoorkoms is baie in. 3 PRET MET PLASTIEK Perspex-skoene is hierdie seisoen weer hoogmode, met alles van klassieke deursigtige hakskoene tot plat, gekleurde perspexskoene. 4 JY’S ’N JUWEEL! Helder juweelkleure is ook gewilde skakerings. Hou dit eenvoudig of meng en pas dit met patrone. 5 VARS EN FLEURIG Put jou inspirasie uit die natuur en dra groot en helder blompatrone. 6 BYKOM-STIGH EDE Kikker ’n eenvou-dige voorkoms op met dramatiese afronding. 7 GEE ’N BIETJIE GAS MET GRAFIKA! ’n T-hemp met ’n musiek-of grafiese patroon saam met ’n romp…

SOEK jy hulp met jou belastingsake? Onthou dat belastingpraktisyns se dienste en kwalifikasies verskil en dus ook hul fooie. Hierdie sewe vrae kan jou help om die regte mens te kies. 1 WAT IS HUL KWALIFIKASIES, ERVARING EN REGI-STRASIESTATUS? Belastingpraktisyns wissel van geoktrooieerde rekenmeesters (GR’s) tot boekhouers. Maandelikse salaristrekkers sonder ander inkomstestrome wie se belasting taamlik eenvoudig is, benodig gewoonlik nie ’n hoogs gespesialiseerde belastingkundige se dienste nie. Maak nie saak wie jou help nie, die Wet op Belastingadministrasie vereis dat enigiemand wat aan jou dienste verskaf: ◼ As ’n belastingpraktisyn by die Suid-Afrikaanse Inkomstediens (SAID) geregistreer moet wees. Vra die persoon se registrasienommer en bevestig dit by die SAID. ◼ Die praktisyn moet ook lid wees van ’n erkende beheerliggaam soos die Chartered Institute of Management Accountants, die SA…

LOVE AT FIRST SIGHT Hadley en Oliver raak op ’n vliegtuig tussen New York en Londen verlief. Maar sodra hulle van die vliegtuig afklim, verloor hulle kontak. Die kans dat dié twee mekaar weer gaan ontmoet, lyk onmoontlik. Maar Kupido het altyd ’n manier om twee verliefdes bymekaar te bring. In hierdie oulike romantiese fliek speel Haley Lu Richardson die karakter Hadley, en Ben Hardy speel Oliver. Dié fliek herinner ons ware liefde kan op die mees onverwagte plekke gevind word. 2023. 89 MIN. 13. BESKIKBAAR OP NETFLIX. NO ONE WILL SAVE YOU Brynn Adams (Kaitlyn Dever) is ’n jong vrou wat deur haar gemeenskap verwerp is. Sy sonder haar af in die huis waarin sy grootgeword het. Een aand skrik sy wakker van vreemde geluide, en sy besef…

’n Vrou staan voor Riaan op die trappie. Hy sien net krulhare en kaal voete. Hy leun teen die voordeur se kosyn vir ekstra ondersteuning en vee die slaap uit sy oë. Moerhel, hoe laat is dit? ’n Whiskypyn klop in sy kop. “Hallo. Ek is Emilee. Jou buurvrou oorkant die straat. Het jy dalk ’n kat in jou tuin gewaar?” “Wat?” Die vrou voor hom neem ’n duideliker vorm aan soos hy sy oë bly vee. Langerig, slank. Lang, rooi hare. Ouer as hy. Laat dertigs. Bangles en crystals. Boho chickie. Selfs deur sy drank-en slaapnewels kan hy haar energie aanvoel. ’n Positiewe maar ook angstige energie wat rondspring soos die kat waarna sy soek. “My kat? ’n Groot gemmerkat. ’n Mannetjie. Hy is al die hele dag weg.”…

HORENDE DOOF Jan: “Jou nuwe hond is oulik, maar hoekom noem jy hom Kelner?” Gert: “Want hy wil nie kom as ek hom roep nie.” SMITTIE FIKSBUKS Die ou man spog teenoor jonges oor sy gesonde leefstyl. “Elke oggend doen ek 50 opstote en 50 maagoefeninge en dan draf ek 5 km. Ek rook nie, ek drink nie, ek bly nie laat wakker nie, en ek flenter ook nie agter vroue aan nie… en môre is my 95ste verjaardag!” Een jonge laat hoor: “O, regtig? Maar hoe gaan jy dit vier?” HERMAN GELEENTHEIDSDIEF Regter: “So, jy is op heterdaad betrap toe jy daardie modewinkel betree het. Wat is jou verweer?” Beskuldigde: “Ja, Edelagbare, maar daar was is ’n plakkaat in die venster wat gesê het: Everything must go!” WOLLIE, PRETORIA…

REEKS KIYA & THE KIMOJA HEROES MAANDAE TOT VRYDAE OM 16:00 Disney Junior (DStv 309) Kiya, ook bekend as Dance Ninja, is ’n sewejarige superheld van die utopiese stad Kimoja City. Dis ’n dinamiese gemeenskap wat deur die tradisies en kulture van Suider-Afrika geïnspireer is. Sy dra ’n mis-tieke kopband van kristal wat aan haar Dance Ninjasuperkragte, ofte-wel ’n ongelooflike kombinasie van dans-en gevegskunstalent, gee. Kiya se beste vriend, Motsie (Tech Racer), en haar stiefbroer, Jay (Flying Rockstar), het hul eie talente, en saam is hulle die Kimoja Heroes. Wanneer daar moeilikheid in Kimoja City is, span die drie helde saam om die har-monie in hul stad te herstel. Die reeks het ’n eg Suid-Afri-kaanse gevoel en speel in ’n fik-tiewe stad af. FLIEKS SPY KIDS: ARMAGEDDON Netflix Hulle is…

RUGBY: DEEL 4 VAN 4 WÊRELDBEKER 2023 HET JY GEWEET? Dieselfde fluitjie word in elke openingswedstryd van die Wêreldbeker geblaas. In 2019 het die fluitjie op ’n wêreldwye reis oor 20 000 km gegaan voor dit by die openingswedstryd in Tokioafge-lewer is. PRIMÊRE TEKENS STRAFSKOP Vir ’n opsetlike oortreding. Die skeidsregter wys sy arm in die rigting van die span wat die strafskop kry. Hulle kan pale toe skop vir punte as hulle wil. VRYSKOP Vir ’n minder ernstige oortreding as ’n strafskop-oortreding. Die span kan nie pale toe skop vir punte nie. SKRUM Vir ’n minder ernstige oortreding as ’n strafskop-of vryskop-oortreding. VOORDEEL Die skeidsregter laat spel toe om voort te gaan ten spyte van ’n oortreding ingeval die nieoortredende span dalk meer voordeel hieruit kan trek. As hulle…

CARINA NEL Dis die eerste keer dat die 7de Laan-aktrise se dogtertjie, CARLEMI (3), die Rugbywêreldbeker ervaar. “Ons het nogal ’n interessante geskiedenis met die Wêreldbeker. Ek en my man het in 2015 na die toernooi in Engeland toe gegaan, en op ons toer daar verloof geraak. Gedurende die 2019-Wêreldbeker het ek swanger geraak met ons dogtertjie,” vertel Carina. Haar hele familie ondersteun die Bokke. “Ons is baie entoesiasties oor die Springbokke en die Wêreldbeker, veral Carlemi. Sy kan nie wag om elke Vrydag haar Boktrui skool toe aan te trek nie.” CATO LOUW Die sportaanbieder en haar hond, Olympia, kan soms albei in Boktruie gesien word. Cato vertel sy spring gereeld uit haar sitplek om te juig of te skree in ’n wedstryd. “Ek wil ook vooraf geselsies van…

OP SOSIALE media sal jy nie twee keer kyk nie. Soos ’n doodgewone 60-jarige vrou wat aftrede nader en die lewe geniet, reis sy ’n bietjie en kuier graag saam met haar dogters. Sy en haar oudste dogter stuur vir mekaar oulike boodskappies en musiek, en hulle het sports in Suid-Afrika en Dubai. Soms kuier sy by haar dogter in die woestynstad, en dan sien jy op foto’s hoe hulle saam op ’n kameel sit of in die waters lafenis vind. Maar as jy inzoom en van nader na die foto’s kyk, herken jy haar meteens. Dis dáái tannie. Die een wat die hele land – en sommer ook die buiteland – 13 jaar gelede aan die gons gehad het: Manda Reyneke, die “tannie” wat ’n affair gehad het met…

SY VOETWERK het sy teenstanders na lug laat gryp en die skares laat brul. En al was dié spoedvraat se gloriedae doerie jare, is dit in Laurika Rauch se liedjie verewig. Ja, ons praat hier van die legendariese Mannetjies Roux, een van die opwindendste spelers ooit in die groen-en-goud. Maar hoe gaan dit deesdae met Mannetjies, nou 84 jaar oud? Sit hy voor die kassie en spoor die “jongklomp” daar in Frankryk aan terwyl hulle bloedsweet om die Wêreldbeker te behou? Jintelman wat hy is, lag Mannetjies nie vir dié vraag nie. “Dis maar deel van ons tydverdryf om op die sportkanale rond te blaai. Ons kyk baie rugby, al die belangrike wedstryde,” antwoord hy. Maar wag, nou loop ons die afskop vooruit… Die Bokke se belangrike groepwedstryd teen Ierland…

1 GLOEIENDE VEL Deesdae is daar ’n nuwe tendens wat minder op grimering en meer op velsorg fokus. In Engels noem hulle dit “cloud skin”, en die idee is dat jou vel gloei soos sonstrale wat deur wolke breek. Nou ja toe! Eintlik gaan dit daaroor om jou vel goed voor te berei voor jy grimering aanwend. Jou onderlaag word gemeng met serums en rome wat tegelyk jou vel voed en dit ’n vars, mat voorkoms gee. KRY DIE VOORKOMS ◼ Jou velsorg moet die fokuspunt wees vir dié voorkoms – begin dus met ’n bevogtigende serum, gevolg deur ’n dik laag bevogtiger. ◼ Meng nou jou basislaag en mat onderlaag tot dit skuim. Gebruik jou onderlaagkwas om die mengsel aan te wend, en maak seker jou hele gesig is…

ONS kom nou uit die winter uit. Dis gewoonlik nie ’n tyd waarin ’n mens gewig afskud nie. As dit kouer raak, soek ’n mens gerusstellende bredies, heerlike pastas en lekker gebakte nageregte. Dis hoekom die meeste van ons teen die einde van die winter iets ekstra om die lyf het. Maar wat as daar ’n manier was om dit te keer? Of om selfs ’n bietjie gewig af te skud – sonder om op ’n dieet te gaan? Jy kan dit doen deur bloot die volgorde te verander waarin jy jou kos eet, sê ’n Franse biochemikus wat as die “Glucose Goddess” bekend staan en met 2,1 miljoen Instagram-volgelinge spog. En dis regtig eenvoudig – eet eers jou groente, dan proteïne, dan koolhidrate, en kort voor lank sal jy…

BINNE ◼ Frankryk as rugby-oomblikke ◼ Die bynaam-Bokke ◼ Die reis na die beker in1995, 2007 en 2019 ◼ Rekords ◼ Raad van die kantlyn af ◼ Brekers en hul bokkies ◼ Rugbyraaisels en-resepte AANLYN media24.shop.com of huisgenootwinkel.com E-POS koop@huisgenoot.com BEL 021-406-4962…

WEEGSKAAL 23 SEP – 22 OKT Jou week begin met ’n volmaan in jou teenstellende teken en dit werp lig op huidige probleme in jou liefdeslewe. Sou jy eerder wou weet wat die probleme is, of sou jy verkies om jou kop in die sand te druk as ’n manier om konfrontasie te vermy? Al sal jy veel eerder die vrede bewaar, kan jy die bul by die horings gryp en hulle vra wat skort. Dit is dalk net die ding wat julle albei eindelik sal bevry. GELUKKIGE NOMMERS 34, 24, 12, 3, 22, 31 DIE LIBRA: LIEFDE EN ROMANSE ◼ Die Weegskaal is ’n romantikus in murg en been. ◼ Hulle leef vir liefde en koester hul lewensmaat. ◼ Hulle hou van die ritueel van die hof gemaak word,…

Die teenoorgestelde van die El Niño-verskynsel word La Niña, oftewel “die meisie” genoem. Gedurende La Niña word warm winde in die teenoorgestelde rigting gewaai as gedurende El Niño. Dit veroorsaak dat die temperatuur van die water op die seeoppervlak aan die kus van die Amerikas daal, terwyl dit dan aan die kus van Afrika en Australië styg. La Niña kan ’n baie hoë reënval in Suider-Afrika en Australië veroorsaak, soos in 2010 toe vloede skade van R36 miljard in Australië veroorsaak het. La Niña volg soms ná die verskyning van El Niño, maar dit gebeur nie altyd so nie.…

1 Watter land het die meeste wêrelderfenisgebiede? 2 Wat is die bynaam van die Argentynse rugbyspan? 3 Watter planeet in ons sonnestelsel staan bekend as die rooi planeet? 4 Watter geldeenheid word in die Verenigde Koninkryk gebruik? 5 Watter soogdier kan die langste lewe? ANTWOORDE 1 Italië 2 Die Poemas 3 Mars 4 Pond(£) 5 Die Groenlandse walvis of baardwalvis BRONNE DAILY MAVERICK, THE CONVERSA-TION, NETWERK24, AL JAZEERA, CNN, PEOPLE, THE GUARDIAN, BUZZFEED, CLIMATEKIDS.NASA.GOV, BRITANNICA.COM, NDTV.COM, KIDS.BRITANNICA.COM, TREEHUGGER.COM, ETYMONLINE.COM, NASA.GOV, BRITANNICA.COM, NDTV.COM, KIDS.BRITANNICA.COM, TREEHUGGER.COM, ETYMONLINE.COM…

VRA enige gereelde radioluisteraar in die Kaap of hulle weet wie Papsie-Wapsie is, en die kans is goed hulle weet maar alte goed. Papsie-Wapsie is Sherlin Barends se pa. Die een wat sy onlangs sommer uit die radiostasie KFM se ateljee gebel het om met hom te gesels oor haar swangerskap – en die een wat deel was van die gesprek toe sy luisteraars vertel het sy is nie net swanger nie; sy is swanger met ’n tweeling. Papsie-Wapsie was oorstelp van vreugde, nes sy dogter se aanhangers. Dit was nie die eerste keer dat Sherlin op die lug gesels met haar pa, Lionel, nie. Luisteraars weet al sy bel hom af en toe wanneer sy soggens op die lug is saam met Darren Simpson en Sibongile Mafu. Sy het…

WEKE reeds probeer die skindertonge agter die kap van die byl kom. Is hulle of is hulle nie? Dan sien ’n mens ’n foto waarop dit lyk asof iets aan die gang is, dan hoor jy fluisterpraatjies uit die binnekring. Soms neem die paparazzi sy motor voor haar huis af. Soms sien ’n mens hulle saam op ’n wandeling. Maar alles bly net bespiegeling. Tot nou. Nou is daar bewyse. Afgeneem by ’n Beyoncé-konsert in Los Angeles. Eers het hulle nie besonder vryerig gelyk nie. Sy het haar suster se hand vasgehou. Hy het ’n paar tree agtertoe gestaan met sy gesig onder ’n bofbalkep verberg. Maar toe begin dinge kook. Soos wat Beyoncé die treffers uitgeryg het, het hulle nader aan mekaar begin dans en – hou vas jou…

OP DIE LOOPPLANK…

1 HUGH EN SY VROU SKEI Ná byna drie dekades saam het die akteur HUGH JACKMAN en sy vrou, DEBORRA-LEE FURNESS, Hollywood geskok deur aan te kondig hulle staan op skei. Hugh (54) en Deborra-Lee (67) sê in ’n gesamentlike verklaring hulle het ná 27 jaar besluit om te skei om individuele groei na te streef. Hulle het twee kinders, ’n seun, Oscar (23), en ’n dogter, Ava (18). “Ons gesin was nog altyd ons hoogste prioriteit en sal dit bly. Ons pak hierdie volgende hoofstuk met dankbaarheid, liefde en goedhartigheid aan.” 2 AMY VAN BOELIEGEDRAG BESKULDIG AMY SCHUMER het onder skoot gekom nadat sy ’n foto geplaas het waarop NICOLE KIDMAN by die Amerikaanse Ope ’n wedstryd kyk terwyl sy in ’n ongewone posisie sit. Die komediant het die foto die byskrif…