Indholdsfortegnelse for 9 November 2023 i Huisgenoot

2 GEBROKE MA: ‘MY SEUN DOODGESKIET NÁ HARDE MUSIEK’ Die skietdood van Klaas du Toit van Boksburg ná ’n konfrontasie met ’n buurman laat lesers vra: Hoekom so baie aggressie in die land? Mense is ál hoe meer ongeduldig. Soveel stres in ons land en die wêreld. Te veel hardekoejawels wat als wil regmaak met geweld. Gee om vir mekaar, wees lief vir mekaar, maak die wêreld om jou ’n aangenamer plek. MERLE Die mensdom is besig om homself te verloor. Soveel mense is op breekpunt, en die geringste ding kan jou laat kop verloor, maar dis wanneer jy moet vra vir kalmte. ’n Oomblik van woede kos baie mense se toekoms. LEONIE Ek is stomgeslaan deur die vlaag van aggressie wat deesdae in ons land voorkom. Het almal kop…

Huisgenoot se artikel oor Emsie en haar ongemak oor hedendaagse hofmakery verwys (“Ekskuus, wie sleep nou vlerk?” 19 Oktober). Wat Emsie voorstel en doen, is mooi en steeds aanvaarbaar. Tog het ons leefwyse, samelewing en gevolglik aspekte van hofmakery intussen verander. Meer as 50 jaar gelede al het my pa gesê “koningin Victoria is dood en nou moet hierdie reëls oor wie mag wie kontak ook maar begrawe word”. Dis nou nadat ’n meisie mý gebel het! Dus is dit vandag des te meer aanvaarbaar vir ’n vrou om ’n man eerste te kontak. Ek het al vele geleenthede gereël waar mense van reg oor die wêreld en uit vele kulture moet tuis voel. En wie se voorskrifte sou ’n mens dan nou op so ’n diverse groep wou afdwing?…

VROLIKE TOPS Tops in interessante vorms en opvallende kleure is nou baie gewild onder ontwerpers. ANDERSTE LANGBROEKE Die dae van gewone langbroeke is verby. Wees modieus in broeke met dramatiese ontwerpe. BESONDERSE ROMPE Trek die aandag met opvallende en helderkleurige rompe in ongewone materiale en snitte. SJIEK ROKKE Dramatiese rokke in helder kleure of met mooi patrone is ’n moet vir jou klerekas. SPOGSAKKE ’n Handsak wat die aandag trek, kan die eenvoudigste voorkoms trefkrag gee. UITSTAANSKOENE Gee die toon aan in skoene wat ’n mens nie kan miskyk nie. Kies bypassende bykomstighede vir ’n afgeronde voorkoms. KRY DIT HIER BASH.COM, CALLITSPRING.CO.ZA, EDGARS 0860-111-826, FOREVER NEW 0860-018-014, FOSCHINI 0860-834-834, MANGO.COM, PICK N PAY CLOTHING 0860-303-030, POETRY 0860-333-329, QUEENSPARK 021-460-9400, SUPERBALIST.COM, TAKEALOT.COM, THE FIX 0860-834-834, TRUWORTHS 021-460-2300, YDE 021-460-2500, ZARA.COM HOEWEL…

JYHET dalk al gehoor beleggings in staatseffekte is ’n goeie manier om jou spaargeld te versprei eerder as om al jou eiers in een mandjie te hou. In Suid-Afrika het ons kleinhandelstaatseffekte wat spesifiek beskikbaar is vir Jan en alleman. Die staatseffekte werk amper soos ’n vaste belegging by ’n bank, met markverwante opbrengste. Hier is sewe dinge om te weet. 1 WAT IS ’N STAATSEFFEK? Staatseffekte word wêreldwyd deur regerings gebruik om geld in te samel vir groot kapitaalprojekte soos infrastruktuuropgraderings. Beleggers koop die staatseffek vir ’n spesifieke bedrag soos R1 000, en ná ’n vasgestelde tydperk word dit met rente terugbetaal. SA kleinhandelstaatseffekte word uitsluitlik deur ons Nasionale Tesourie uitgereik en bestuur – dus word dit as betreklik veilige beleggings beskou. 2 IS ALLE KLEINHANDEL-STAATSEFFEKTE DIESELFDE? Nee, daar…

BESTE VAN ALBEI WÊRELDE Koebaai, Binneland; hallo, verhoog? Nee wat, sê Clint Brink: Hy kan gelyk Binnelanders se dr. Steve Abrahams én ’n wafferse musiekster wees. Aanhangers was vroeër vanjaar aangenaam verras toe die akteur se eerste enkelsnit, die liedjie “Hold On to Love”, uitgereik is. Hy het dit self geskryf. Nou het Clint se tweede snit, nog ’n Engelse liedjie, getiteld “Promise”, ook die lig gesien. Nes met “Hold On to Love” het die musiekvervaardiger David Mutanda saam met Clint aan sy jongste liedjie gewerk. “ ‘Promise’ is ’n mengsel van Afro beats en R&B,” vertel Clint ons. “David het die aanvanklike beat vir my gestuur. Ek het twee dae gevra om net daarna te luister en te besluit wat dit binne my opwek. Op die derde dag is…

GROOT BLOKRAAI NO 2 517 KOMPETISIEVRAAG Watter soort verklaring is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN HUMAN & ROUSSEAU PLUS KOM IN AANMERKING VIR DIE MAANDELIKSE TREKKING VAN R1 000. Dié week wen een leser Die kinders van Spookwerwe deur Lize Albertyn-du Toit (H&R, R350). Milano Kaliempie is Mieta en Hennerik se enigste vlaktekuiken op die plaas Spookwerwe in die dorre Bo-Karoo. Hul buurman Geelsuiker leer Milano die geheime van die veld, ook jakkals-jag. Op die werf is dit Mieta wat douvoordag brood inknie en die hartklop van hul bestaan is. Dis toe juffrou Meintjies die dag met haar wit karretjie by die huis aankom dat die hol kol op Mieta se maag kom…

VAN AKTEUR TOT WAAGHALS As jy hou van enjins wat brul en bande wat skrou, is jy dalk reeds ’n kyker van Showmax se nuwe reeks Spinners, waarvan Stephren Saayman (25) een van die sterre is. Die resensente het mos al gegons daaroor nog voor dit op 8 November weggetrek het. Dis al by die Cannes-filmfees gewys, het drie pryse by die Dakar-filmfees gekry en is by ons eie Silwerskerm-fees staande toegejuig. Spinners volg die waaghalsige avonture van die 17-jarige Ethan (gespeel deur die bekroonde akteur Cantona James), wat as motorbestuurder vir ’n plaaslike bende werk. Ethan moet sy jonger broer ondersteun, maar word ál meer deur die bendelewe gewalg. Dan ontdek hy ’n moontlike uitkomkans – “spinning,” die ekstreme motorsport waar hy sy bestuursvaardighede beter kan gebruik. Dit behels…

DIE son het skaars sy kop gelig toe demoniese skreeugeluide buite hul woonstel hul slaap versteur. Asharf Skaik het uiterlik kalm voorgekom. Hy het immers onder die konstante wolk van oorlog in die Gasastrook grootgeword. Maar vir sy Suid-Afrikaanse bruid van die afgelope ses maande, Angela van der Merwe (36), was dit ’n skrikwekkende nuwe ervaring. “Dit was sesuur die oggend toe ons wakker word. Ons het eers gedink dit is Israel wat Gasa bom, maar ons het later gehoor dit was andersom. Dit het gevoel asof die hele aarde onder jou sidder. Alles het gebewe,” vertel sy aan Huisgenoot. Die datum was 7 Oktober, en die Palestynse terreurgroep Hamas het pas met ’n ongekende aanval op Israel begin. Die skreeugeluide was van missiele wat op vlamsterte hemelwaarts klief. Vir…

EK dink ek moet net ophou om so maklik te kla. In my ma se kleintyd in die 1920’s was hulle ook maar baie arm. Soos ander spoorwegmense het hulle in tente gewoon. Hulle het hul eie seep gemaak en sommer ’n klippie gebruik om vuil kastrolle mee skoon te skuur. Vir ander, makliker skottelgoed was daar ’n lappie vir was en afdroog. Om water warm te maak en kos op te kook is ’n konkavuur gemaak in ’n drom vol gaatjies. Kinderklere het hulle dikwels van meelsakkies gemaak wat eers deeglik gewas en gebleik is, want die geld was bitter min. En badtyd? Elke kind het in die water gebad wat sy boetie of sussie voor hom gebruik het. Wie ook al eerste in die ry was, het altyd…

VIR Siya, wat sy hart uitsing én uitspeel. Vir Cheslin, met die vlag om sy skouers en die blink in sy oë. Vir Faf, wat ons laat lag, maar toe ná die eindfluitjie saam met ons huil. Vir Deon, wat wys drome word tog waar. Vir Bongi, met sy hart op sy mou. Vir Manie, gemaak vir glorie. Vir Pieter-Steph, bang vir niemand en niks. Vir Handré, wat gekom het toe ons roep. Vir ons brekers in die skrum. Vir ons reuse in die lynstaan. Vir ons muur in die middelveld. Vir ons laaities van die Paarl: Kurt-Lee, Grant en Canan. Vir Duane, ons Thor, en Kwagga, ons baljagter. Vir Jesse, oral waar ons soek. Vir Ox, ’cause salads don’t win scrums. Vir Cobus, en nóg ’n driekuns. Vir Willie,…

AS ’N skoonheidskrywer word ek gereeld oor my velsorgroetine gepols. Watter serums is staatmakers? Watter parfuum moet ek dra? Watter verbronser is die beste? Maar daar is een vraag wat ek sonder uitsondering gevra word: Hoe kry jy ’n stralende gelaat? My antwoord sluit altyd in om baie water te drink, genoeg te slaap en gereeld te oefen, maar daar is heelwat produkte in my arsenaal wat ek gebruik om my ’n douvars voorkoms te gee. Hier is my top-10-produkte vir ’n vel wat gloei. ORIGINS GINZING GLOW-BOOSTING MASK, R635 VIR 75 ml Om ná ’n bedrywige dag tyd af te knyp om ’n gesigmasker aan te wend is altyd vir my ’n groot bederf – en hierdie een van Origins is wonderlik. Dit bevat ’n rits bestanddele soos ginseng,…

MINUUT 1 Begin met 60 sekondes waar jy op een plek stap. Bring jou knieë reguit vorentoe op, en probeer om hulle so hoog as jou naeltjie te lig. Doen dit so vinnig as wat jy kan. MINUUT 2 Vinnige hurkoefeninge (“speed squats”) vir 60 sekondes. Wanneer jy hurk, moet jy jou knieë ewe veel buig en jou sitvlak agtertoe laat beweeg. Druk jou hakke teen die aarde om weer orent te kom. Probeer soveel as moontlik doen, maar maak seker jy doen dit reg. MINUUT 3 Opsitte vir 60 sekondes. Lê op die vloer op jou rug, met jou knieë gebuig en jou voetsole plat. Trek jou maagspiere saam, en lig jou kop en bolyf totdat jy regop sit. Sak dan stadig terug grond toe. MINUUT 4 Spoedboks vir…

Suidooster is weekdae om 18:00 op kykNET (DStv-kanaal 144). 1 SY DROOM WORD WAAR Kykers het hom in 2018 leer ken as die hoërskoolleerder Wesley Rossouw in Arendsvlei. Nou is Craig (28) te sien as die IT-ghoeroe Gary Booysen in Suidooster. Nes sy ouboet, die apteker Aiden (Theodore Jantjies), kom die sjarmante Gary al die pad uit Johannesburg om ’n nuwe lewe op Ruiterbosch te begin, maar hy wys sommer gou sy ware kleure. Gary dink hy verdien mense se respek omdat hy ’n universiteitsgraad het. Hy wil nie onderaan die leer begin nie en gooi sommer maklik tou op wanneer dinge nie na wense verloop nie. Aiden raak gou keelvol vir sy luiheid, en daarna bedink Gary ’n slinkse plan om geld te verdien. Maar sal hy daarmee kan…

Sy debuutalbum, Spontaan, van 2020 het aan hom kitsroem besorg – en nou, drie jaar later, reik die liedjieskrywer en sanger Riaan Benadé eindelik nuwe musiek uit. Sy nuwe enkelsnit, “Boksemdais”, beklee tans die topposisie op die Afrikaanse top-20-trefferlys, en as alles goed verloop, spog Riaan vroeg in volgende jaar met sy tweede album. “Ek het dit sterk oorweeg om dié jaar ’n EP met ses liedjies uit te reik,” het Riaan onlangs in Die GROOT ontbyt vertel. “Maar dit het nie vir my voltooid gevoel nie.” Die woord “boksemdais”, verduidelik Riaan, beteken alles; of die hele spul. “Dit het ook te doen met ’n tipe dobbelspeletjie op straat waar jy ’n dobbelsteentjie op ’n boks gooi – en as jy alles wen, vat jy die boks en die dobbelsteentjie…

KOER KAN WAG Die man koer: “Ek wil vir die res van my lewe saam met jou wakker word.” Die vrou antwoord: “Ek word vyfuur soggens wakker.” Die man sê: “Toemaar, vergeet ek het iets gesê.” JOHANNA RADEMEYER ERGE BESERING Neels is ’n party in ’n saak oor ’n motorongeluk en kom op krukke by die hof aan. “Dit lyk darem vreeslik ongemaklik,” sê sy vriend. “Het die dokter gesê jy moet so loop?” Neels: “Nee, my prokureur!” JOHAN H, GONUBIE SPIETKOPBESTAND Koos jaag en die spietkop trek hom af. “Volle naam, asseblief,” vra hy en slaan sy boeteboekie oop. Koos weet hy’s skuldig en antwoord: “Aloysius Ciprianus Wijngaarden van Dijk …” “Pasop as ek jou weer vang”, sê die spietkop en klap sy boekie toe. ANTON, BELLVILLE WARE LIEFDE…

4 NOVEMBER 1973 DIE EERSTE KARVRYE SONDAG IN NEDERLAND Van 4 November 1973 af het Nederland ’n aantal karvrye Sondae gehad waar mense nie met hul karre mag gery het nie en net fietse en rolskaatse op die hoofweë toegelaat is. Dit het gebeur as gevolg van die oliekrisis wat daardie maand ontstaan het. Nederland en ander lande soos Kanada, Japan, die Vernigde Koninkryk en die VSA het Israel ondersteun gedurende die Jom Kippoer-oorlog. Aan die ander kant van die gevegte was lande soos Egipte en Saoedi-Arabië. Saoedi-Arabië en lande soos Koeweit wat olie vervaardig, het toe besluit om op te hou olie uitvoer na die lande wat Israel ondersteun het. Daar was natuurlik uitsonderings. Brandweerwaens, ambulanse, dokters, tandartse, veeartse en mense wat kos by markte, restaurante en hotelle moes…

SUID-AFRIKA is die land wat die meeste minerale in Afrika produseer. Saam met Nigerië, Algerië, Angola en Libië produseer dit meer as twee derdes van die vasteland se minerale. In 2022 was die totale inkomste van die Suid-Afrikaanse mynbedryf R747 miljard. Dit is baie geld! Maar dis nie als goeie nuus nie. Kom ons kyk na mynbou in Suid-Afrika, en die nadelige uitwerking wat mynbou op die land se mense en grond kan hê. MINERALE IN SUID-AFRIKA Suid-Afrika is mineraalryk. Benewens goud en diamante, is hier ook reserwes soos platinum, ystererts, chroom, koper, silwer en mangaan. In geheel word 22 minerale hier ontgin. Suid-Afrika is die topprodusent van platinum, chroom en mangaan in die wêreld. Tot 2006 was dit ook die grootste produsent van goud, maar van 2022 af is…

GEEN mens sou verwag ’n hospitaalkamer kan huislik en vrolik lyk nie. Tog is Elsje Neethling s’n juis dít. Die afgelope 14 maande trek sy van hospitaal tot hospitaal en kikker haar kamer behoorlik op met kleur. Dis vir haar eintlik niks nuuts nie, want sy baklei al die grootste deel van haar lewe teen kanker en moes al drie breinoperasies ondergaan om gewasse te laat verwyder. Selfs ná ’n byna lewenslange stryd word haar opgewekte geaardheid nie gesmoor nie. As sy dan in hospitale móét bly, omskep sy dit met van die skoonheid wat sy binne-in haar dra. “Dis nie eintlik soos ’n hospitaal nie,” vertel sy sleeptong weens die morfienplakker op haar rug en die ander sterk pynmedikasie. “Die banke is byvoorbeeld in my gunstelingkleur, turkoois.” Oral om…

KIKI WENTZEL Die Real Housewives van Pretoria-ster sê dit was omtrent ’n belewenis om twee van die beste rugbyspanne ter wêreld op die veld te sien uitdraf. Sy het die eindstryd saam met haar man, MALCOLM WENTZEL, bygewoon. “Die eindstryd was ’n naelbyter, en albei spanne se ondersteuners in die stadion was iets om te beleef. Elke menslike emosie word gesien en ervaar in daai 80 minute,” sê Kiki. En toe die eindfluitjie blaas, was almal in ekstase. “Dit was ’n ongelooflike trotse oomblik vir ons as Suid-Afrikaners. Die mense het mal gegaan, goed gegooi, gespring en geskree! Ons land het hierdie positiwiteit so nodig.” ERNS GRUNDLING Vir die skrywer en televisiepersoonlikheid was dit ’n voorreg om die Rugbywêreldbekertoernooi se eindstryd saam met sy vrou, CATHARIEN, te kon ervaar. “Ons…

Die beeldskone BRYONI GOVENDER, wat as die naaswenner van die Mej. Suid-Afrika-kompetisie gekroon is, gaan die land in groen verteenwoordig by die 72ste Mej. Heelal- kompetisie wat op 18 November in El Salvador plaasvind. Haar nasionale kostuum is voor die kompetisie onthul. Die pragskepping is deur die Kwa-Zulu-Natalse ontwerper Casey Jeanne ontwerp. Dit vier haar Indiese herkoms, maar wys ook die land se diversiteit met die gebruik van Ndebele-kleure en Zoeloe-krale. Die skoonheid is verheug oor haar nasionale uitrusting, en sy glo dit sal haar op die internasionale verhoog laat skitter. “Dit is ’n akkurate weerspieëling van wie ek is en verteenwoordig my ryk en diverse kulturele erfenis. Die materiaal, kleure en ontwerp bind my twee erfenisse op ’n unieke manier saam,” sê Bryoni. Voor haar vertrek het sy verklap…

1 KRIS SE GROOT SPYT KRIS JENNER het onlangs onthul die grootste berou in haar lewe is haar ontrouheid aan haar oorlede eerste man, ROBERT KARDASHIAN. Kris (67) sê sy het Rob, die pa van Kourtney, Kim, Khloé en Robert, in 1989 met die sokkerspeler Todd Waterman verneuk. Sy noem dit ’n “groot fout” en sê haar dit was omdat sy jonk en dom was. “Jy verstaan nie regtig die gevolge van jou dade nie. Ek het gedink die gras is groener aan die ander kant.” 2 TROUKLOKKE VIR FRANCES Kurt Cobain en Courtney Love se dogter, FRANCES BEAN, het afgehaak met die seun van die legendariese skaatsplankryer Tony Hawk, RILEY. Hulle is al twee jaar lank in ’n verhouding. Die egpaar het besluit om dinge klein te hou en eerder in…

DIE pienk prinses van onsinnige sêgoed, die skatryk erfgenaam Paris Hilton, was nog altyd vrygewig met die deel van haar lewensadvies. Soos: “Loop altyd asof jy ’n onsigbare tiara dra.” “Die lewe is te kort om in te pas.” “Leef elke dag asof dit jou verjaardag is.” En: “ ’n Ware erfgenaam is nooit lelik met ander mense nie – behalwe met meisies wat jou kêrel steel.” Sy het mettertyd ’n reputasie gekry dat sy onbeskaamd uit voeling met die regte wêreld is en, gegewe haar liefde vir mooi dinge, onbeskaamd materialisties. Maar Paris het onlangs weer iets te sê gehad, en dié keer was dit nie snaaks nie. “My hart is seerder as wat woorde kan beskryf,” sê sy. “Ek het nog altyd hard gewerk aan ’n omgewing wat…

JARE gelede moes ek my jong kind na ’n opvoedkundige sielkundige neem vir evaluering. Sy bevinding het swaar op my moederhart kom lê: Sy het ’n 8-uit-10-disleksie en sal na ’n spesiale skool moet gaan. Die voorspelling was dat sy net gr. 10 sou slaag. Ek het vasgeskop. Sy was te klein om weg te stuur, sy het ons nodig gehad en ons vir haar. Ons het dadelik met spraak-en arbeidsterapie begin, haar by ’n hoofstroomskool gaan inskryf en elke middag gehelp met al die skool en terapeute se huiswerk. In gr. 4 is sy by die skool se prysuitdeling vir akademie beloon, en daardie aand was haar oë vol trane van dankbaarheid. Vandag, baie jare later, was ons weer by ’n “prysuitdeling” – haar gradeplegtigheidheid op kampus nadat sy…

CRÊPES SUZETTE met NARTJIE-&-BRANDEWYNSOUS GENOEG VIR 6 MENSE /BEREIDING: 20 MIN. STAAN: 30 MIN. /GAARMAAK: 30 MIN. Jy kan die pannekoeke al 2-3 dae voor die tyd bak en in die yskas bêre tot nodig. Rond dan af met hierdie lieflike sitrussous. PANNEKOEKE ◗ 250 ml (1 k) koek-meel◗ 2,5 ml (½ t) bak-poeier◗ ’n knippie sout◗ 250 ml (1 k) melk◗ 250 ml (1 k) water◗ 60 ml (¼ k) olie◗ 3 eiers SOUS ◗ 125 ml (½ k) suiker◗ 60 ml (¼ k) water◗ sap van 2 nartjies◗ 30 ml (2 e) suurle-moensap◗ 30 ml (2 e) brande-wyn (opsioneel) AFRONDING ◗ ’n bietjie olie, vir bak◗ 15 ml (1 e) botter◗ 2 nartjies, in segmente gesny◗ geklopte room of◗ vanieljeroomys vir◗ voorsit (opsioneel) 1 Pannekoeke Sif die meel,…

KRY DIT HIER BUILDERS.CO.ZA 0860-284-533; CREATIVE-CABLES.CO.ZA 064-547-6054; DECOFURNSA.CO.ZA 087-049-4155; HERTEXHAUS.CO.ZA 021-948-4764; KNUS.CO 021-300-2702; MONEXTERIORS.COM INFO@MONEXTERIORS.COM; MRPHOME.COM 064-584-1000 (WHATSAPP); SUPERBALIST.COM; YUPPIECHEF.COM 0861-702-4969 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. MY SKOONSUS TREE SEXY OP TEENOOR MY MAN – HAAR BROER! VEk het ’n baie sexy skoonsus en ons was groot vriendinne. My man – haar broer – en ek is die afgelope tyd totaal oorbluf deur haar optrede. Sy en my man is albei ouer as 70 jaar. Skielik tree sy vreeslik suggestief op en dra stywe klere wanneer sy kom kuier.…

CHRISTINA LANDMAN: ’N LEWE Lux Verbi, R255* Christina Landman was 15 toe sy geweet het sy wou ’n dominee word, maar is eers op 50 toegelaat om dit te wees. “Intussen sou ek sewe grade in teologie behaal en aan Unisa ’n dosent in teologie wees. Maar vir baie jare, eintlik dekades, sonder lisensie om ’n dominee te wees. Net omdat ek ’n vrou se lyf gehad het.” Hier is prof. Landman in ’n neutedop soos beskryf deur proff. Wessel Bentley en Victor Molobi, twee van haar destydse kollegas by die Navorsingsinstituut vir Teologie en Religie: “Sy is nie net ’n akademikus nie, sy is baie meer. Sy is ’n predikant, ’n aktivis, ’n berader, ’n kerkleier en ’n ma. Rolle definieer haar nie. Rolle kan haar ook nie inperk…

SKERPIOEN 13 NOVEMBER 1955 Jy is op die oomblik vol lewenslus en dryfkrag, en dit bring ’n mate van irritasie en prikkelbaarheid mee. Al weet jy presies waarop jy ingestel is, ervaar ander mense dit dalk nie so nie. Die les is om jouself deur die oë van ander te sien. Enige bykomende liggaamlike aktiwiteit sal jou van die oortollige energie help ontslae raak, maar ken jou eie grense. Dink twee keer oor die gevolge as jy dit oorweeg om baie geld uit te gee. GELUKKIGE NOMMERS 6, 14, 44, 45, 36, 11 BOOGSKUTTER 22 NOV – 20 DES Jy wil graag skielike veranderinge by die werk maak, maar dit sou impulsief wees en waarskynlik nie deurdag nie. Let daarop dat jy nie per ongeluk iets sê wat jou posisie…

1 Wat is die naam van die hoofkarakter in The Flintstones? 2 Wat is die nuwe naam van die Kellogg’s-maatskappy? 3 Watter land word beskryf deur “Aotearoa”, wat beteken “land van die lang wit wolk”? 4 Wie was die regisseur van flieks soos Jaws, E.T. en Jurassic Park? 5 Hoeveel state het die Verenigde State van Amerika? ANTWOORDE: 1 Fred 2 Kellanova 3 Nieu-Seeland 4 Steven Spielberg 5 50 BRONNE BUSINESS INSIDER, THE GUARDIAN, CNN, BBC, NEWSFORKIDS.NET, PMC.GOV.AU, KIDSNEWS.COM.AU, TWINKL.CO.ZA…

■ Maak aandete (en ander maaltye) reg van die begin af tot by reg aan die einde. Dit beteken maaltydbeplanning vir die week wat voorlê, om kruideniersware te koop, die maaltyd te berei, die kinders te kry om hul hande te was en aan tafel te sit, die maaltyd voor te sit, die een te wees wat uit jou stoel opstaan om die 17 goed te gaan haal wat die kinders uit die kombuis wil hê, die tafel af te dek en die kombuis skoon te maak tot die punt waar daar geen bewys is dat ’n ete daarin berei is nie. ■ Was die skottelgoed. Soos aandete maak klink skottelgoedwas doodeenvoudig. Maar elke keer wanneer ek ma’s vra wat die een ding is wat hul maat kan doen om…

DIE drie Oscars wat in Meryl Streep se huis uitgestal staan, maak haar deel van ’n baie klein en uitgelese groep vroue – met net Katharine Hepburn, Ingrid Bergman en Frances McDormand wat ook die goue beeldjie al drie of meer kere gewen het. Maar as jy Meryl se lewe goed volg, sal jy weet dis nie die enigste gebied waarop sy in Hollywood uitblink nie. Ook in haar privaat lewe kom sy naby daaraan om ’n rekord op te stel. In ’n stad waar affairs nie ongewoon is nie en bekendes skei nog voor die ink op hul huwelikskontrak heeltemal droog is, is Meryl en haar man, Don Gummer, al ’n allemintige 45 jaar ge­ troud. Hulle was al saam toe Abba se “Take a Chance on Me” uitgekom…

Hulle sit altyd ’n glimlag op hul byna 165 000 TikTok-volgelinge se gesigte met hul oulike dansvideo’s. Op dié platform staan hulle bekend as die @mc_pherson3, maar nou wys twee van die drie sussies, LERECIA (20) en JUANITA MCPHERSON (22), hul mededingende kant in die tweede seisoen van Houvrou of trouvrou? Lerecia het verlede jaar gesig gewys in Tropika Island of Treasure All Stars, maar wat is nou lekkerder as om so ’n televisieavontuur saam met jou sussie aan te pak? “Ons het saam besluit dat dit interessant en opwindend sal wees om deel te neem,” sê Lerecia. “Ek het elke oomblik in die program saam met haar geniet. Dit was ’n belewenis om hierdie ervaring met my suster te kon deel, veral omdat ons mekaar so baie kon ondersteun,”…

IN ’N stadium het dit gelyk asof hy beslis nie oud sou word nie. Trouens, baie mense is verstom hy het lank genoeg gelewe om die ouderdom van 54 te haal. Hy is immers ’n man wie se kolon by geleentheid gebars het omdat dit verstop het weens al die dwelms wat hy gebruik het. Hy moes 12 keer geopereer word om te oorleef – en selfs sy voortande het uitgeval van al die middels wat hy ingeneem het. Maar wonder bo wonder het MATTHEW PERRY almal verkeerd bewys – en selfs in sy laaste jare ’n inspirerende figuur geword. Hy het homself reggeruk, onder meer ’n baie suksesvolle outobiografie geskryf oor hoe hy sy duiwels oorkom het, en hy was reg vir ’n splinternuwe hoofstuk in sy lewe. En…

Dwayne “The Rock” Johnson, Lil Wayne en Travis Barker se wasfigure is onlangs onthul – maar dit is met gemengde reaksie ontvang. Sommige van die figure lyk glad nie soos hul lewendige eweknieë nie, terwyl ander die spyker op die kop slaan. Ons het gaan kyk. DIT FLOP THE ROCK Die Grévin-museum in Parys, Frankryk, het gedink hulle was mooi op koers met die skep van ’n afbeelding van The Rock, maar hulle het een baie belangrike detail verkeerd gehad: Die kleur van sy vel. “Ek sal my span laat kontak maak met ons vriende by die Grévin sodat ons kan werk om my wasbeeld met ’n paar belangrike besonderhede op te dateer, beginnende met my velkleur,” het The Rock op Instagram gesê. Die wasbeeld se velkleur is intussen aangepas,…

THE HOLLYWOOD REPORTER BEAUTY DINNER 1 Die sangeres Normani het ’n gewaagde swart deurskynende uitrusting deur Dolce & Gabbana gedra. 2 Die aktrise Charlize Theron het ’n kantbra onder ’n halfdeurskynende bloes en ’n leerromp aangehad. 3 Die sangeres Kelly Rowland het die koppe laat draai in ’n sexy swart Karoline Vitto­ rok met ’n Matthew Reisman-tulband daarby. 4 Die sangeres Janelle Monáe het smeulend gelyk in ’n rooi Greta Constantinerok met groot pofmoue. TIME100 NEXT GALA 1 Die aktrise Stephanie Hsu kon nie misgekyk word nie in haar helderoranje midirok met ’n dramatiese halslyn. 2 Die aktrise Rachel Zegler het hemels gelyk in ’n wasige wit Dior-rok. 3 Die sangeres Kelsea Ballerini het lyf gewys in ’n swart vloerlengte Stella McCartney-rok met uitsnydetail. 4 Die sangeres Tems het die…