Indholdsfortegnelse for 14 December 2023 i Huisgenoot

HOE WERK DIT? 1 Kry die vier kwarte van die grootste Afrikaanse Blokraai in Huisgenoot se Desember-uitgawes. Die vier dele ver - skyn in Huisgenoot van 7, 14, 21 en 28 Desember 2023. 2 Plak dit aan mekaar en vul die reuseblokraai in. 3 Skryf in vir die kompetisie en jy kan ’n week lange wegbreek vir vier by jou gunsteling-ATKV-vakansieoord, asook R10 000 wen. WEN Stuur die kompetisiewoord en ’n foto van waar jy of julle die blokraai invul saam met ’n kort paragraaf oor jul raaisel-ervaring na huisgenootblokraaie@media24.com. Inskrywings sluit 17 Januarie 2024. BEPALINGS EN VOORWAARDES GELD.…

TWAALF jaar lank het hy elke dag gewerk met kraglyne waardeur sterk elektriese strome vloei. Die krag van dié strome kan ’n mens in ’n oogwink verkool; daarom het Aaron James elke denkbare voorsorgmaatreël getref om veilig te bly. Maar ongelukke gebeur. Eendag het Aaron, van Hot Springs, Arkansas, per ongeluk aan ’n lewendige elektriese kabel geraak, en niks sou ná daardie dag ooit weer dieselfde wees nie. ’n Volle 7 200 volt – genoeg om enigiemand op slag dood te slaan – het deur sy lyf gebrand. Wat ná die tyd van hom oorgebly het, was net ’n skadu van die mens wat hy voorheen was. Die elektriese stroom het sy linkerarm verbrand en sy gesig verwoes – sy linkeroog, linkerwang, neus, lippe, voortande en ken was alles in…

Sukkel jy met spysverteringsprobleme? Hier is maniere hoe jy inflammasie kan hokslaan, sê die voedingkundige Anna Mitsios. ■ Verwyder snellers Identifiseer die kosse wat jou opgeblaas laat voel, hardlywigheid veroorsaak of jou sooibrand of ander dermprobleme gee. Die mees algemene sondaars is suiker, gis, gluten en suiwel. Hou ’n kosjoernaal sodat jy kan sien wat jy wanneer geëet het. ■ Eet ’n verskeidenheid Dis wonderlik as jy gesonde kos eet, maar as jy dieselfde ding oor en oor eet, hoe gesond ook al, gaan dit nie jou mikrobioom voed nie. Eet verskillende soorte blaargroente en ander groentes, en voeg neute, sade en gesonde volgrane by. ■ Eet pynappel en papaja Hierdie twee vrugte bevat die natuurlike ensieme wat inflammasie verminder en jou spysverteringsproses ondersteun. ■ Vermy stres Stres tap die…

PUNTE A Almal D Dwelms G Geweld Gr Gruwel N Naaktheid O Ouerdiskresie S Seks T Taal V Vooroordeel IN DIE KOLLIG / REEKS / MUSIEK / BOEKE / KORTVERHAAL / TV-GIDS / HUISGENOTJIES / BLOKRAAIE BEKKIGE BONNIE Antoinette vertolk al vier jaar lank die rol van die bekkige verpleegster Bonnie Jacobs in Binnelanders. Sy het dié rol in 2019 losgeslaan, kort ná haar studies. Bonnie is lief daarvoor om stories aan te dra in die gange van die Binnelandkliniek en is die “hoofuitsaaier” van Binneland Stereo, die naam van die skinderbekke in die hospitaal. En sy las graag ’n stertjie by ’n storie om dit ’n bietjie sappiger te maak vir dié wat luister. Antoinette (28) geniet dit om ná soveel jare steeds pret te kan hê met die…

1 Die uitdagendste aspek van die rolverdeling was ongetwyfeld om die trompoppies te vind. Honderde aktrises het vir dié rolle oudisies afgelê. 2 Vir die reeks se fiktiewe skool, Deacon College, is agt verskillende liggings gebruik. 3 Die aktrise Elzet Nel het vir Etienne ’n ring laat maak met die fiktiewe skool se embleem daarop gegraveer. “Dit is verrewag die coolste wrap gift ooit,” sê hy. 4 Die kitaarvirtuoos en sanger, Loki Rothman, het al die oorspronklike musiek vir die reeks geskep. Loki se meisie, Eva du Preez, was een van die redigeerders van Trompoppie. 5 Dit was vir Etienne ’n hoogtepunt om met Melissa saam te werk. Hulle was aan die begin skrikkerig vir mekaar, maar het vinnig gekliek. “Sy is regtig een van my gunstelingmense op aarde, en…

DIANA SE DAG Deur HELENE DE KOCK Human & Rousseau, R289* Met haar 80ste verjaardag verlede maand kon die geliefde skrywer Helene de Kock terugkyk op ’n lewe wat sy voluit geleef het – en vandag nog maak sy so. “My toekomsplanne is baie dieselfde as enige ander jaar. Om lief te hê en om te skryf,” sê sy. “Ek is besig met ’n opvolg op Diana se dag, naamlik Drome het ook asem. Ek hoop maar die uitgewers gaan ook daarvan hou, want ek skryf heerlik, hoewel – soos altyd – moeilik daaraan. So my toekomsplanne hang natuurlik nie van my af nie. Dis alles suiwer genade van Bo.” Eloise Wessels, NB Uitgewers se uitvoerende hoof, sê: “Ek het ’n dekades lange persoonlike én werkverhouding met Helene. Sy is…

Stuur gerus oorspronklike grappies; jy kry R50 vir elkeen wat ons gebruik. Stuur dit na Huisgenotjies, Posbus 1802, Kaapstad 8000 of grappies@huisgenoot.com en verstrek jou naam, adres, identiteitsnommer en bankbesonderhede (bank, taknaam, tak-kode en rekeningnommer). BEPERKING Jannie: “Ek het 17 mense genooi om vanaand ’n fliek by my te kom kyk. Wil jy kom?” Ben: “Ja, maar hoekom so baie mense?” Jannie: “Hulle sê net 18+ kan na die fliek kyk.” JOHANNA RADEMEYER BOERPOT Man vra sy vrou: “Wat sal jy doen as ek die Lotto wen?” Vrou: “Ek sal die helfte vat, jou netso los en dan teruggaan na my ma toe.” Man: “Net wat ek wil hoor. Ek het R12 in die Lotto gewen. Hier is jou R6, en sê groete vir jou ma!” HEIDI MELEMMA BOEKWURM ’n…

‘EK HET MY LYF DEUR SO BAIE GESIT. DIT WAS TYD OM LIEF TE RAAK VIR MY LYF’ IN DIE TV-program Die brug sien jy vele kante van hom. Die maer man met die manbolla op sy kop en die mooi glimlag; die ou wat so aangenaam en behendig is dat hy selfs tot leier van die groep verkies is. Maar daar is een faset van hom wat kykers nie te sien kry nie, al speel dit ’n groot rol in sy lewe – kaal op ’n jogamat! Sam Marais (32), die kykersgunsteling in dié opspraakwekkende kykNET-reeks, het al baie draaie in sy lewe gemaak. Hy het al ’n dwelmgewoonte oorkom, en hy het al sy brood as fopdosser verdien. Een van die interessantste dinge waarmee hy hom besig hou…

1 OSCAR SE PA: ‘HOEKOM EERS NÁ KERSFEES?’ Henke Pistorius is “stomgeslaan” dat Oscar eers op 5 Januarie 2024 uit die tronk sal stap. Hy meen die paroolraad se besluit moes reeds ingeskop het Ek stem, Oscar moes al vrygelaat gewees het. Hy het sy tyd gedoen. Hy gaan vir ewig lewe met die wete van wat daar gebeur het. Nie een van ons was daar nie. Net Oscar, Reeva en God weet wat daar gebeur het. Gun hom sy vryheid. MANDA Met alle respek, Oom, hy het moord gepleeg. Hy is gelukkig om parool te kry. Hy moes eintlik vir die res van sy lewe in die tronk gebly het. Hoe moet tannie June voel? Hoe sou Oom gevoel het as Oom in haar skoene was? NICO Parool beteken…

AS VONKELWYN ’n mens was, was dit dalk sy. Só borrelend is sy dat sy skaars ’n oomblik nié doenig is met iets nie. Gesels-gesels, hier met haar span; daar oor die foon. Tussendeur skeduleer sy vergaderings en reël gou dit of dat. Sy lag maklik; sy’s heeltyd besig. Die naam van haar webtuiste en Instagram- blad verkondig haar lewensbenadering nie om dowe neute nie: “Amy Kleinhans The Brand”. Eers wanneer die kamera vir die voorbladfoto’s moet begin kliek, sit Amy Kleinhans-Curd, oftewel Amelia, soos sy gedoop is en deesdae verkies om genoem te word, haar foon neer – en dan lig sy haar ken nét reg vir elke foto. Só word ’n vrou ’n handelsnaam – met genoeg energie, planne en dryfkrag om sommer drie dae se dinge in…

MEDITERREENSE SLAAI met KOUEVLEIS GENOEG VIR 4 MENSE / BEREIDING: 10 MIN. GAARMAAK: 20 MIN. ◗ 30 ml (2 e) olyfolie◗ 1 knoffelhuisie, fyngedruk◗ 1 rooi-ui, in 8 wiggies gesny◗ 1 eiervrug, in wiggies gesny◗ 1 murgpampoentjie, in die lengte gehalveer◗ 1 rooi soetrissie, in kwarte gesny en saad verwyder◗ 1 x 400 g-blik kekerertjies, gedreineer en afgespoel◗ 400 g kouevleis, in repe gesny◗ 100 g gemengde slaaiblare◗ 3 middelslagroma-tamaties, elk in◗ 8 wiggies gesny JOGURTSOUS ◗ 125 ml (½ k) natuur-like jogurt◗ 60 ml (¼ k) fyngekapte vars origanum◗ 30 ml (2 e) suurlemoensap◗ 5 ml (1 t) fyngerasperde suurlemoenskil◗ sout en peper, na smaak 1 Meng die olie en knoffel in ’n klein bakkie. Verf die ui, eiervrug, murgpampoentjie en soetrissie met die knoffelolie. 2 Verhit ’n roosterplaat…

KERSBOME KRANSE GESKENKE TOEDRAAI…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie, en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur ’n e-pos na vravirirma@gmail.com of SMS Vra vir Irma gevolg deur jou vraag na 36489. MY MAN IS VERSLAAF AAN SY REKENAAR V Ek en my man is al 36 jaar gelukkig getroud en het nou albei afgetree. Ek hou van die natuur en buitelewe, maar my man bring nou ure per dag op sy rekenaar deur. Ons het altyd een rekenaar gedeel, maar eendag is die wagwoord sommer net verander. Toe ek daaroor uitvra, het my man woedend…

BOOGSKUTTER 22 NOV – 20 DES Ongeduld kan soms jou grootste vyand wees, so probeer om nie oorhaastig te wees om dinge af te handel of op die laaste lyn te teken nie. Verwarring oor ’n huishoudelike kwessie lyk dalk oppervlakkig, maar baie foute is in die proses gemaak en die detail is oor die hoof gesien. Jy en jou wederhelf is ten minste op ’n goeie plek om openlike gesprekke oor belangrike besluite, veral oor geld, begrotings en skuld, te hê. GELUKKIGE NOMMERS 9, 21, 32, 42, 27, 18 EIENSKAPPE VAN DIE BOOGSKUTTER ■ Onbesorg en geniet die lewe. ■ Hou daarvan om dinge in die oortreffende trap te doen. ■ Kan nooit genoeg kry nie; wil altyd meer en meer hê. ■ Die een wat die hardste lag.…

DIT was vir haar vernederend toe drié mans moes help om haar lyf van 147 kg op die boot te kry nadat sy gaan snorkel het. Dít, het sy gevoel, was ’n laagtepunt. Haar gewig het reeds gemaak dat sy nie haar wittebrood in Mauritius ten volle kon geniet nie. Sy kon nie saam met haar nuwe man gaan perdry, rotsklim of lugsweef nie. En toe hulle gaan snorkel, was die uitklimslag vir Tracey-Lee Lusty (32) die laaste strooi. Net daar het sy besluit sy moes iets drasties aan haar grootte doen. Want haar gewig het nie net haar lewensgehalte beïnvloed nie – dokters het haar ook gewaarsku sy kon gesondheidskomplikasies soos diabetes ontwikkel. Haar lyf was so swaar, dit het alledaagse take moeilik gemaak. Iets eenvoudigs soos kruideniersware koop…

LECHÉ SE KOMBUISTEE PROPVOL BEDERF LOCAL IS LEKKER DIE Vergeet my nieaktrise LECHÉ JOU-BERT is op pad kansel toe. Sy is onlangs omtrént deur haar familie en vriende bederf met ’n spesiale kombuistee wat gehou is by die Alpine Attitude-hotel in Pretoria. Ongeveer 20 van haar hartsmense was daar. Die tema van die dag was “On cloud nine” – en dis presies hoe sy gevoel het. “Letterlik in die wolke van blydskap,” sê Leché. Sy kon nie uitgepraat raak oor hoe spesiaal die geleentheid was nie. “My ma, sussie, strooimeisies, my verloofde se ma en sussie het almal saamgewerk om hierdie besonderse dag te beplan en bymekaar te sit. Hulle het my so spesiaal en geliefd laat voel.” Haar hoogtepunt van die dag was die oulike speletjies wat hulle gespeel het…

Meer as ’n dekade gelede het sy die eerste keer as ’n “nepo baby” in die kollig beland. Deur die jare het haar modekeuses in styl toegeneem. Hier is hoe Sofia Richie se styl as partytjiemeisie en ’n rooitapyt-liefling verander het tot in haar huidige tydlose glans en skoonheid. SOFIALE VLINDER TYDLOSE GLANS SY’S SO SAAKLIK ROOITAPYTLIEFLING…

Die bermudabroek Die atletiekbroek Die boksbroek Die cargobroek Die driekwartbroek Die leerbroek Die denimbroek Die inrygbroek KRY DIT HIER AMERICAN SWISS 0860-834-834; BASH.COM; COTTON ON 087-550-4383; FOREVER NEW 0860-018-014; FOSCHINI 0860-834-834; GALAXY & CO 0860-834-834; H&M 086-0690-707; JONSSONWORKWEAR.COM; LOVISA 010-143-0780; MANGO.COM; OUTDOORWAREHOUSE.CO.ZA; PICK N PAY CLOTHING 0860-303-030; PMCJEWELLERY.CO.ZA; QUEENSPARK 021-460-9400; SHEIN.COM; STERNS 0860-834-834; SUPERBALIST.COM; TAKEALOT.COM; THE FIX 0860-834-834; TRUWORTHS 021-460-2300; WESTERNBOOTSSA.COM; WOOLWORTHS 0860-022-002; ZARA.COM HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

TYE is moeilik vir só baie mense, en die ombud vir bankdienste, Reana Steyn, vertel haar kantoor word oorval deur vrae en klagtes oor voertuigbeslagleggings. Hier is sewe dinge wat jy moet weet. 1 AAN WIE BEHOORT DIE KAR? As jy ’n voertuigfinansieringsooreenkoms met jou bank het, behoort dit wetlik aan jou bank tot jy dit klaar afbetaal het. Eienaarskap word eers na jou oorgedra wanneer die finale paaiement betaal is. 2 WANNEER MAG ’N BANK BESLAG LÊ? Wanneer jy agterstallig raak, sal die bank gewoonlik eers die skuld deur sy interne prosesse probeer invorder. Gewoonlik is hulle tegemoetkomend betreffende terugbetalingsplanne. Dus sal ’n bankverteenwoordiger jou probeer kontak. Maar misluk hulle omdat jy byvoorbeeld oproepe of e-posse ignoreer, sal hulle regstappe doen om hul verlies te verhaal. Wetlik kan die…

Etienne is oneindig dankbaar dat die geledere van Trompoppie-akteurs sulke groot name insluit. “Ek het so bitter baie respek en waardering vir elke liewe een van die akteurs. Dis ’n enorme eer om saam met legendes soos Frank Opperman, Marion Holm, Joanie Combrink en Albert Maritz te kon werk. Elke dag was ’n plesier.” DIE AMBISIEUSE GIMNAS Melissa Myburgh is te sien as die gr. 11- leerder Luna wat in ’n enkelouerhuis grootword. Toe sy by die privaat skool beland, moet sy haar ou lewe agterlaat om by ’n ryk gemeenskap te probeer inpas. DIE WEWENAARPA Stian Bam vertolk die rol van Luna se pa, Hugo Verwey. Ná die dood van sy vrou moet Hugo ’n enkelouer vir sy tiener wees wat, nes haar oorlede ma, ’n talentvolle gimnas is.…

As ’n boorling van Uitenhage in die Oos- Kaap kon Lloyiso Gijana (24) kwalik dink dat sy musiekdrome sulke wye vlerke sou kry: In die laaste twee jaar het hy internasionaal getoer, op Nicola Peltz en Brooklyn Beckham se troue gesing, en hy was onlangs op die verhoog in Los Angeles en New York. Lloyiso het in Maart sy debuutalbum, Seasons, uitgereik, en dit is met ’n Sama vir beste popalbum vereer. Die eerste enkelsnit van die album, “You’re So You”, is in September uitgereik en is steeds ’n groot treffer. Hy het pas nuwe musiek die lig laat sien – dié keer die liedjie “I Hate That I Care”. Lloyiso het die liedjie saam met die skrywers Ethan Schneiderman en Paul E. Phamous geskryf. Paul is ’n Grammy-bekroonde liedjieskrywer…

DIE GROOTSTE VAKANSIEBLOKRAAI OOIT IN AFRIKAANS Hierdie Desember verskyn ’n spesiale bielieblokraai in vier afsonderlike dele in Huisgenoot. Voltooi die hele blokraai, skryf in en staan ’n kans om ’n vakansie vir vier by ’n ATKV-oord plus R10 000 sakgeld te wen. Pak dié heerlike vakansie-aktiwiteit aan saam met jou familie, vriende en gaste! DEEL 2 Dwars 8 Tierlantyntjies (12) 14 In die namiddae (8) 18 Spriet (8) 27 Vreesaanjaging (12) 29 Oudheidkundige (9) 30 Vernaamlik (5) 33 Het bevry (12) 34 Sononder (9) 35 Dromer (7) 41 Baie bang (12) 44 Beneweld (8) 46 Male (4) 55 Aanmatigend (11)  57 Bevat (5)  58 Buitelaag (brood) (4) 60 Wat die res betref (7) 68 Swoelte (12) 69 … en sat (4) 70 Homo sapiens (4) 71 Te … van (gedurende) (5) 76…

WÊRELDWYD word daar elke dag 2 miljard koppies koffie gedrink. Dit lei tot 60 miljoen ton nat koffiebone elke jaar. Van dié oorblyfsels word as kunsmis gebruik, maar die res word verbrand of by stortingsterreine gegooi. In die stortingsterreine ontbind die koffiebone en stel metaangas vry, wat skadelik is vir die omgewing en hitte vasvang. ’n Span navorsers by ’n universiteit in Australië het oor ’n koppie koffie met ’n blink idee vorendag gekom. Hulle het die gebruikte koffiebone bygevoeg in ’n mengsel om beton te maak. En die beton was 30% sterker as voorheen! Beton word van vier bestanddele gemaak: water, gruis, sand en sement. Dit is die boumateriaal wat die meeste ter wêreld gebruik word. Daar word elke jaar 30 miljard ton daarvan gebruik. Rajeev Roychand, wat aan…

1 Wat is die algemene naam vir natriumchloried? 2 Mike Wazowski en Sulley is karakters in watter Pixar-fliek? 3 Wat word dit genoem wanneer ruspes in skoenlappers verander? 4 Watter kleur is die ballon in die fliek It? 5 Watter boom se tak word as ’n simbool van vrede beskou? Antwoorde: 1 Sout 2 Monsters, Inc. 3 Metamorfose 4 Rooi  5 Olyf BRONNE CNN, BBC, AP, THE GUARDIAN, NATIONAL GEOGRAPHIC, RMIT.EDU.AU, LIVESCIENCE.COM, CONTEXT.NEWS…

VROEG Saterdagoggende al begin die koor van kinderstemme rondom Sindeka Mandoyi se huis opklink, want hulle kan eenvoudig nie wag nie. Dan breek die middaguur eindelik aan en 30 stuks kinders maak hulle so gemaklik as wat hulle kan in ’n hut naby Sindeka se blyplek. Hulle sit omtrent bo-op mekaar, maar niemand gee om nie, want gou word hulle weggevoer na ’n wêreld waar alles moontlik is, maak nie saak wie of wat jy is nie. Die klankbaan van hul drome is Sindeka (29) se stem wat boeiend vir hulle voorlees, want dié is die weeklikse samekoms van Philippi se boekklub. Twee uur lank vergeet die kinders van al die uitdagings en harde werklikhede van die lewe in hul gemeenskap. “Die kinders is mal daaroor. Hulle wil leer,” sê…

KURT SÊ Jou eerste indruk van Ricky? Paul Roos en Grey High School het teen mekaar gespeel. Hy was die grootste idioot wat ek al ooit op die veld gesien het. Wat doen julle graag saam? Ons hou daarvan om verskillende dinge saam te doen. As ek daai kant is, doen ek navorsing oor alles wat ek wil doen wanneer ek weer in die Kaap is. Ek stuur dan vir hom die lysie en ons probeer om alles af te tiek voor ek teruggaan. Sy irriterendste gewoonte? As hy besluit hy gaan nie op ’n boodskap reageer nie, dan gaan hy nie. Verkies hy braaivleis of bier? Braaivleis, veral ’n lekker skaaptjoppie. Een ding oor hom wat mense sal verbaas? Baie mense sien hom as iemand wat vol energie is,…