Indholdsfortegnelse for 28 December 2023 i Huisgenoot

1 ‘MOET ONS NIE UITSLUIT NIE’ Só sê die outistiese Clayton Botes (16) van Kalkbaai, wie se skildertalent aan hom en sy ma ’n nuwe inkomste gegee het nadat sy haar werk verloor het. Dis outisme-blessings! Ek wens net meer mense wil leer oor outisme en ’n bietjie tyd neem om dit beter te verstaan. Sodat ons kinders minder geoordeel en beter aanvaar kan word in die samelewing. Welgedaan! JAQUELINE Wow, wow, wow! Die gesegde is so waar: “Autism is not a disability, it is just a different ability.” Jy is geseënd. Van ’n ma wat ook ’n kind op die spektrum het. SHAMILA Baie geluk met jou puik skilderye. Ek is vreeslik trots op jou. Ek is ook ’n ma van ’n outistiese kind. My seun kan ongelukkig glad nie…

60 000 Soveel mense is dood, en meer as 100 000 beseer, toe ’n aardbewing en sy naskokke in Februarie deur Turkye en Sirië, op sy knieë ná jare van oorlog, geskeur het. 1 NAG So lank het dit orkaan Daniel geneem om in September meer reën oor Libië te laat uitsak as wat die woestynland gewoonlik in ’n jaar kry. Toe ’n damwal boonop bars, het die vloedwater meer as 4 300 mense meegesleur en ganse woonbuurte weggespoel. 2 Die getal flieks wat saam bygedra het tot die Barbenheimerfenomeen toe fliekgangers besluit het om Barbie en Oppenheimer albei te gaan kyk nadat dit op 21 Julie begin wys het. Barbie (oor die pop) het teen druktyd meer as $1,4 miljard laat inrol, en laasgenoemde (oor ’n wetenskaplike agter die…

t – teelepel/s e – eetlepel/s k – koppie/s DRIELAAGJOGURT-TERT met BESSIES LEWER 1 MIDDELSLAGTERT / BEREIDING: 30 MIN. VERKOEL: 1 UUR 30 MIN. / STOL: 4-6 UUR / OORNAG KORS ◗ 200 g vesel-of Tennisbeskuitjies, fyngedruk◗ 100 g botter of margarien, gesmelt◗ 15 ml (1 e) ligbruinsuiker (opsioneel) LAAG 1 ◗ 250 ml (1 k) dubbelroom-natuurlike jogurt◗ 30-45 ml (2-3 e) aarbeikonfyt◗ 250 ml (1 k) vars of bevrore bloubessies◗ 10 g gelatien, gespons in 30 ml (2 e) water LAAG 2 ◗ 250 ml (1 k) dubbelroom-natuurlike jogurt◗ 45 ml (3 e) aarbeikonfyt◗ 250 ml (1 k) vars of bevrore frambose of aarbeie◗ 10 g gelatien, gespons in 30 ml (2 e) water LAAG 3 ◗ 1 x 80 g-sakkie kersiejelliepoeier◗ 125 ml (½ k) kookwater◗ 125 ml…

BIANCA FLANDERS Die aktrise en kinderboekskrywer woon in Woodstock, Kaapstad, saam met haar akteurman, Dean Balie. Die gunstelingplek in hul huis is beslis hul sitkamer en kombuis, sê hulle. Hier word daar gekuier, gekook en dinner parties gehou. “Dis ’n groot vertrek, dus is dit lekker as ons mense oornooi, dan kan ek almal sien terwyl ek kook. Dit het ook die mooiste groot vensters vir baie natuurlike lig,” sê Bianca. Sy beskryf haar dekorstyl as ’n vreemde kombinasie van kunsdekor en vintage. “Ons het ’n paar stukke wat ons van my ouma gekry het en ’n paar goed wat nuut is. Ek hou vreeslik baie van kleur, daarom is ons huis baie kleurvol.” Die mees onlangse dekoritems wat sy gekoop het, is twee hangplante en ’n blikkie pienk verf…

DIE aanlyn landskap wemel van misdaadsindikate wat enige tyd kan toeslaan, al sit hulle ver in die wêreld. Hul gunstelingprooi? “Sagte teikens” – mense wat dalk eensaam, desperaat of goedgelowig is. Die Suid-Afrikaanse bedrogvoorkomingsplatform Yima skets vir ons vyf scenario’s van hoe swendelaars toeslaan en sê vir ons wat om te doen. 1 DIE SIMPATIEKE VRIEND Hy is skielik jou sielsgenoot en weet presies hoe jy voel, want hy het ook emosionele krisisse. Jou “vriend” gaan gou oor sy probleme begin praat en geld vra om dit te oorkom. Weier jy, word jou skuldgevoelens genadeloos uitgebuit. Of jy word deur weerhouding van vriendskap “gestraf”. Doen dít: ◼ Moenie geld leen aan mense wat jy nie baie goed ken nie. ◼ As hulle geld vra vir iets spesifieks, soos skoolgeld, vra…

Ons het gehuil, gelag en gedans – en deur alles bly luister na die wonderlike musiek wat die afgelope jaar opgelewer het. Rekords het gespat, kunstenaars het gekook, en ons was deur álles ’n gewillige gehoor, want hoe dan anders? Nou kyk ons terug na die sangers en hul liedjies wat ons vanjaar bekoor het. TAYLOR SWIFT LAAT DIE REKORDS SPAT Daar is wraggies g’n keer aan Taylor nie. Vroeër die jaar is dit amptelik bekendgemaak dat haar musiek in 2023 meer as dié van enige ander sanger aanlyn geluister is – net op Spotify is haar musiek meer as 26 miljoen keer gestroom. Haar album Midnights het ook amptelik van haar ’n miljardêr gemaak, en haar The Eras-wêreldtoer – Taylor se sesde musiektoer wat oor vyf vastelande strek en…

“Hy’t nie witpyp ingeasem daar by die smokkelhuis nie?” Altydoopvygie skud haar kop woes. “Waar’s die pa? Wat’s sy naam?” Altydoopvygie vat die maklikste opsie: “Verbygaande.” “Vir wat?” “Gaande.” “Gemaak en laat staan?” Altydoopvygie knik haar kop. ’n Skaamte tog, hierdie pa-lose kind. “Ja,” antwoord sy. “Hy’t gemaak en toe net so gelaat staan en hy’s vort.” “Jy was gaande oor hom?” Altydoopvygie knik. “Maar dis nou verby.” “Ja, tog, nè. Das weh.” Frau Kwaai moet eers die dorings uit sy vel trek. “Verbygaande,” sê sy. “Kyk, selfs hier in sy kopvel.” Die dorings het meestal afgebreek, maar hul punte sit diep en suig hulself vas in die vleis in soos pendorings mos maak. Die kind sit ’n kabaal op en brul van die pyn, sodat Frau Kwaai hom eers…

GROOT BLOKRAAI WEN ’N BOEK VAN HUMAN & ROUSSEAU PLUS KOM IN AANMERKING VIR DIE MAANDELIKSE TREKKING VAN R1 000. NO 2 524 KOMPETISIEVRAAG Watter vakansiedag is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Siembamba deur Madelein Rust (H&R, R310). Mindie Rochebrandt is swanger met haar en advokaat Marius se eersteling – erfgenaam van die Rochebrandt-fortuin. Maar ná die onsmaaklike voorval by haar ooievaarstee besef Mindie sy moet ’n streep trek. Van Marius en sy buie het sy genoeg gehad. Sodra die baba gebore is, gaan sy sak en pak trek uit Bloemfontein en met haar kind ’n nuwe lewe op De Rust begin. Dae later bel Mindie se ma bekommerd. Mandelien,…

Diana Nyad het skaars kans gehad om af te droog nadat sy in Key West, Florida, tot aan die kus geswem het toe vrae oor die regmatigheid van haar prestasie begin opduik het. Het sy regtig die hele afstand sonder hulp voltooi? Hoekom het sy nie mense gekry om die swem op video vas te lê sodat dit bevestig kon word nie? Die vrae het nooit opgedroog nie. Guinness World Records het onlangs haar rekord van hul boeke verwyder nadat die wêreldbeheerliggaam vir oopwaterswem die gebrek aan bekragtiging geopper het. Vir ’n swem om as “sonder hulp” te kwalifiseer, mag ’n swemmer nie aan enige toerusting raak of dit gebruik nie. Al het die fliek dit laat lyk of Diana net deur een boot ondersteun is, het vyf bote met…

JACQUES POTGIETER Ná die huweliksbootjie van die glanspaar Jacques Potgieter en Angelique Gerber op die rotse beland het, het die rugbyreus aanbeweeg. Hy en die Pretoriase saloneienaar Lizane Wagner, oftewel “Lalla” soos hy haar noem, is sedertdien ’n paartjie. NEELS VAN JAARSVELD Neels en die blondekop Gerna Sivewright koer deesdae op sosiale media vir mekaar. Hy en Florinda Hearn van Op my eish! se paaie het verlede jaar geskei, waarna hy met Meg Lonergan in ’n verhouding was, maar ook dié verhouding het skipbreuk gely. MARC BUCKNER Die model en sakeman het ’n gelukkige einde vir sy storie gevind drie jaar nadat hy op die maatsoekreeks The Bachelor South Africa na die perfekte pasmaat gesoek het. Hy en sy model-meisie Jo-Marie Harteveld is sedert vroeër vanjaar saam.…

LUILEKKER MIDDAGETE VIR HAAR LUILEKKER MIDDAGETE VIR HOM OP DIE STRAND VIR HAAR OP DIE STRAND VIR HOM BRAAI VIR HAAR BRAAI VIR HOM AAND UIT VIR HAAR AAND UIT VIR HOM KRY DIT HIER BASH.COM; COTTON ON 087-550-4383; EXACT BY BASH; FOREVER NEW 0860-018-014; FOSCHINI BY BASH; GALAXY & CO BY BASH; H&M 0860-690-707; HAVAIANAS 021-511-1182; IDENTITY 021-460-2400; LOVISA 010-143-0780; MANGO.COM; OLD KHAKI 0860-444-429; PICK N PAY CLOTHING 0860-303-030; REDBAT BY BASH; SUPERBALIST.COM; TAKEALOT.COM; THE FIX BY BASH; TOTAL SPORTS BY BASH; TYPO BY COTTON ON; WOOLWORTHS 0860-022-002; ZARA.COM HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

1 Die rapper Early B het vanjaar die eerste keer sy aanbiedersbaadjie aangetrek. Wat is die naam van die kykNET&kie-kookprogram wat hy aangebied het? A: Roer B: Skep nog C: My ma kook beter as joune 2 Watter Binnelanders-akteur het sy regisseursdebuut gemaak met die dokkiereeks Net mens, wat kykers ’n blik gee op plaaslike bekendes se lewens? A: Hykie Berg B: Reynardt Hugo C: Germandt Geldenhuys 3 Wat is die naam van die VIAprogram wat die glanspaartjie Bianca le Grange en David Johnson aanbied? A: My plek of joune? B: Kom ons trou, nou! C: Trou, trek of toer? 4 Wie is vanjaar as die wenner van die derde seisoen van die talentsoekreeks Die kontrak gekroon? A: Chris Steyn B: Mirandi Mörsner C: Bianca Blanc 5 Die aktrise Erica Wessels is by kykNET se…

Hy het die musiekbedryf net drie jaar gelede met sy debuutenkelsnit, “Spontaan”, betree, maar sedertdien boer Riaan Benadé pal boaan trefferlyste – en hy beplan nie om binnekort êrens anders te wees nie. Net vanjaar is die musiek van die aantreklike donkerkop met die sielvolle blou oë amper 17 miljoen keer aanlyn geluister – dis amper 50 000 keer elke liewe dag van die jaar! Dis dalk drie jaar later, maar “Spontaan” pryk steeds heel bo op die lys en is vanjaar weer meer as 6 miljoen keer gestroom. Dit roer hom nog elke dag wanneer hy dink hoe bevoorreg hy is om sy droom te kan leef, sê die sanger. “Baie dankie ook aan almal wat my musiek so ondersteun. Ek waardeer dit – maan toe en terug,” skryf…

NEE! Dis nie die tyd vir kyf en kerm nie. Dis Kersfees. Dis die tyd vir vrede en liefde. Vir jou man en stout kinders, vir die bure met die blaffende honde, vir die bakker, die slagter. Vir jou skoonmense en vir Eskom. “Is dit regtig te veel gevra, Louis?” wil Veronika amper smekend weet. “Om vir ’n verandering hierdie Kersfees as ’n gesin alleen vakansie te hou? Sonder dat jou familie van die noorde en die suide van die aardbol af saamflenter en laer trek in die karavaanpark by Uilenkraal?” En veral sonder om Skoonma soos ’n sak vol sonde saam te sleep? Met haar verweerde tasse en plastieksakke en bokse vol verkeerde klere en kos wat niemand wil hê nie. Maar Veronika sê dit darem nie hardop nie.…

RUS ROES Om enkellopend te wees is sommer baie erg. Dis amper soos ’n ketel wat heeltyd sonder water staan. Jou element kan roes. DENISE, PRETORIA ONDERDRUK Moenie ’n fout maak nie, binne my is ’n fikse, maer vrou wat wil uitkom … maar ek maak haar gewoonlik stil met wyn, hamburgers, pizza en slaptjips. HEIDI MELEMMA KOMPAK Ek is so kort, jy kan tot my voete op my ID-foto sien. DENISE, PRETORIA AWEREGS Die landdros wil van die man weet waarom hy teen ’n vrou se motor vasgery het. Verontwaardig antwoord die ou: “Dit was nie my skuld nie, U Edele. Sy het met haar flikkerlig gewys sy gaan regs draai, en toe draai sy wraggies regs!” JOHAN H, GONUBIE DRAAIBAL Die Afrikaans-onderwyser is bekommerd omdat die seuns in…

DIS weer sulke tyd. Ons neem afskeid van die ou jaar en kyk versigtig optimisties na wat 2024 inhou. Kom ons kyk na hoe ’n paar lande Oujaarsaand en Nuwejaarsdag vier. SPANJE In dié Europese land word geglo as jy op Oujaarsaand 12 druiwekorrels eet, jy met goedheid en guns beloon sal word in die nuwe jaar. Nie 11 of 13 nie. Dit móét ’n dosyn wees. Die tradisie kom uit 1909 toe daar ’n groot druiweoes was en die koning besluit het om die oorskot vir die mense te gee. Hy was ’n goeie ou korrelkop. GRIEKELAND In dié ikoniese Mediterreense land word die ou jaar gegroet deur uie buite jou deur te hang. Hoekom uie, vra jy? Want die groente het die vermoë om aan te hou groei…

ENKELSNIT FLOWERS ’n Klompie weke lank vanjaar het dit gevoel asof hierdie liedjie ’n mens volg waar jy ook al gaan. “Flowers” deur Miley Cyrus het ’n anthem geword vir ’n menigte mense omdat dit jou so bemagtig laat voel. Dit het TikTok natuurlik oorheers en het Miley haar tweede no. 1 besorg – dit was ’n volle agt weke lank op die Billboard Hot 100. Dit was die gewildste liedjie op radio vanjaar en was amptelik die grootste snit wêreldwyd. “Flowers” is ook vir drie Grammys benoem. ’n Mens kan sê Miley het … geblom. AKTRISE CHELSEA THOMAS Showmax se Spinners het op internasionale filmfeeste uitgeblink. Die reeks het pryse gewen nog voor dit uitgereik is. Boonop was dit die Showmax-oorspronklike reeks in Mengels/Afrikaans wat die meeste gekyk is…

Nog ’n prettige seisoen van Die Babbelbende is nou volstoom aan die gang! Kyk saam na Seisoen 2 op huisgenoot.com. In dié aanlyn Afrikaanse kinderreeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer oor ons wonderlike wêreld leer. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook media24shop.com om jou eie Paloeka-of Palawa-pop of Die Babbelbende se Groot Storieboek te bestel. Bly…

Die rolprentmakers Elizabeth Chai Vasarhelyi en Jimmy Chin beskryf Annette Bening as “hul geheime wapen” en sê sy was van dag een af heeltemal toegewy aan die projek. “Sy en Warren (Beatty, haar man) het ’n lekker swembad by die huis,” sê Elizabeth. ’n Jaar lank het ’n afrigter van Olimpiese kaliber Annette by die huis gehelp om haar uithouvermoë te ontwikkel en Diana se swemstyl na te boots. Die swemtonele is oor 37 dae in ’n watertenk in die Dominikaanse Republiek verfilm. Annette kon nie wag om te spog met alles wat sy geleer het nie. “Sy het in die watertenk ingespring en jy kon dadelik sien die tegniek en krag was daar,” sê Elizabeth. “Sy kon op die ou end tussen vier en agt uur per dag in…

OM TE moet groet voel byna onwerklik – veral ná meer as twee dekades. Tog het die einde nou amptelik aangebreek: Ná 23 jaar en 5 721 episodes groet ons die geliefde gemeenskap van Hillside, en sê ons vir altyd tot siens aan 7de Laan. Noudat die laaste episode van die sepie op 26 Desember uitgesaai word, deel Huisgenoot spesiaal pryse uit vir die Laan se mense. Daar was deur die jare net te veel karakters vir elkeen om ’n prys te kry, want hoe sê mens genoeg dankie vir wat voel soos ’n hele leeftyd se dinge? As ons kon, het ons vir elkeen van die sterre ’n spesiale trofee gegee. Hier is ’n paar wat sou uitstaan. Hartebrekerprys Denzil (Jaques de Silva), George (Nico Panagio) en Zac (Robert…

EBEN & ANLIA ETZEBETH Die Bokslot het vanjaar baie gehad om te vier – die Bokke se Wêreldbekeroorwinning én dat hy en sy sangeresvrou binnekort ouers word. Die foto van sy hand op haar maag by die eindstryd in Frankryk het dié nuus verklap. HERSCHEL JANTJIES & KELSEY THOMAS Herschel is die derde Bok wat aangekondig het hy word pa. Die Stormersster was in 2019 in die Springbokspan wat die Wêreldbeker in Japan gewen het. Hy en sy jarelange meisie se dogtertjie maak in Februarie haar opwagting. HANDRÉ & MARISE POLLARD Dié Springbok en sy vrou word ook ouers. Marise het die babanuus op Instagram bekendgemaak. Sy noem die kleinding, wat in April kom, “die grootste seëning van almal”.…

YOLANI ABRAHAMS & ANWAR ABDULLATIEF: AADAM Die TV-sjef en haar sjef-man het in Junie hul seuntjie verwelkom. Hulle het besluit om hom Aadam te noem en geniet die nuwe hoofstuk as ouers. CLINT & STEFFI BRINK: ARIELLE Die Brinks het hul dogtertjie in April met ’n watergeboorte by hul huis in Johannesburg verwelkom. Dié babapop vergesel haar bekende ouers reeds na glansgeleenthede toe. JASPER & ANJA WIESE: EMIAH Die Springbok Jasper en sy vrou bly deesdae in Engeland waar hy vir die Leicester Tigers uitdraf. Die egpaar het in Julie hul dogtertjie op eie bodem verwelkom. Klein Emiah is op Upington gebore. MELINDA BAM & ADRIAAN BERGH: RUACH Die voormalige Mnr.Suid-Afrika en Mej.Suid-Afrika se seuntjie, Ruach Michal, het in Maart sy opwagting gemaak nadat die paartjie verlede jaar ’n miskraam…

BABAS BY DOSYNE! Die ooievaar was vanjaar bitter bedrywig onder die bekendes. Vir sommige paartjies was daar dubbele vreugde met babas wat enkele maande uit mekaar gebore is. CHRISSY TEIGEN (38) het in Januarie aan ’n dogter, Esti, geboorte gegee. En vyf maande later het sy en haar man, JOHN LEGEND (45) ’n seun, Wren, deur ’n surrogaat verwelkom. PARIS HILTON (42) en haar man, CARTER REUM (42), het die surrogaat-reis met hul seun, Phoenix, en dogter, London, só privaat gehou, dat selfs nabye vriende en familie verras was toe hulle opdaag. Phoenix is in Januarie gebore, en London het in November haar opwagting gemaak. NOG NUWE MENSIES In Augustus het Serena Williams (42) en Alexis Ohanian (40) ’n tweede dogter, Adira River, verwelkom. Rihanna (35) en A$AP Rocky (35)…

BEL 021-406-4962 E-POS koop@huisgenoot.com media24shop.com of huisgenootwinkel.com…

Alison Botha het in Julie verneem die mans wat haar in 1994 in Gqeberha aangerand, verkrag en vir dood agtergelaat het, Frans du Toit en Theuns Kruger, stap buite rond nadat hulle parool gekry het. Die sogenaamde stasiemoordenaar, Norman Simons, het in Julie by sy nuwe tuiste ingetrek nadat hy jare tronkstraf uitgedien het weens die moord van die tienjarige Elroy van Rooyen in 1994. Daar was destyds bewerings dat hy moontlik ook betrokke was by die moord van ander seuns, maar hy is nooit daarvan aangekla nie. Zephany Nurse se steelma, Lavona Solomon, kon in Augustus terugkeer na die huis waarin sy ’n ander vrou se kind grootgemaak het. Sy het sewe jaar tronkstraf uitgedien nadat dit geblyk het sy het Celeste en Morné Nurse se baba kort ná…

1 In Maart het die Internasionale Strafhof die eerste keer ooit ’n arrestasiebevel uitgereik teen die staatshoof van ’n land wat ’n permanente lid van die VN se Veiligheidsraad is. Wie is die president wat dié twyfelagtige eer te beurt geval het? A ☐ Giorgia Meloni van Italië B ☐ Wladimir Poetin van Rusland C ☐ Viktor Orbán van Hongarye 2 ’n Ontploffing het die middestad van Johannesburg in Julie geskud en sowat 400 m van Lilian Ngoyi-straat oopgeruk, met ’n geraamde skade van R178 miljoen. Wat het die ontploffing veroorsaak? A ☐ Die drup-drup van ’n onklaar watermeter op elektrisiteitstrome B ☐ Die petrol van ’n kragopwekker wat tydens beurtkrag ingespan is C ☐ Die opgeboude metaangas in die tonnels onder die pad 3 ’n Energiedrankie wat deur die Amerikaanse YouTubers KSI…

WENS jy soms jy kon ook een van daardie stelle mooi verpakte helder en kleurvolle oogskadupalette in jou winkelmandjie sit, net om dan maar weer jou vertroude neutrale skakerings nader te trek? Helder grimering kan intimiderend voel, maar jy hoef dit nie te vermy net omdat jy geneig is om van kleur weg te skram nie. Neutrale kleure is dalk meer prakties, maar ook minder pret. ’n Tikkie helderheid kan dié somer jou styl opkikker en jou modieus laat lyk. Ons sê jou hoe om kleur deel van jou grimering te maak sonder dat dit oordadig lyk. Kom uit die (oog)skadu Is jy reg vir ’n bietjie kleur in jou lewe? Om met verskillende skakerings oogskadu te eksperimenteer is eindelose pret, en ’n manier hoe jy jou voorkoms met spatsels…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie, en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur ’n e-pos na vravirirma@gmail.com of SMS Vra vir Irma gevolg deur jou vraag na 36489. MENSE OORDEEL MY OMDAT EK SKEI V Dit is my tweede huwelik. Net ’n maand ná ons troue het ek my man in ’n buite-egtelike verhouding betrap. Vir my was dit ’n uiters moeilike pad van vergifnis en herstel. Ek het steeds in ’n goddelike ingryping geglo. Ek was op 40 selfs bereid om swanger te raak sodat my man ’n kind van sy eie…

GEBEENTE Deur ETIENNE VAN HEERDEN Tafelberg, R299* Hierdie roman breek mens oop soos ’n granaat en vergryp jou hap vir hap aan al die pitte. Vir my is een van die soetstes die name. Hier is vier van hulle: ◼ Altydoopvygie. “Haar huisie se naam is Opkyk. Dis dié huisie waaruit haar seuntjie in sy derde jaar gesteel sou word.” Sy boer met sywurms en laat spin hulle stoflappies waarmee sy die Oog se lense en instrumentpanele skoonstof van maanskilfers. ◼ Dirk Ligtersoon, Jisses van die Deur Groot-Karoo. Hy is Altydoopvygie se gou gesteelde seuntjie wat nog voor hy kan loop, biblioteek toe kruip om deur hemelsterreboeke te blaai. “Vooraf weet hy wanneer ’n komeet gaan skiet. Dan gaan hy rigtingvas aan die kruip en gaan sit daar ver op…

STEENBOK 21 DES – 20 JAN Swaarmoedigheid is iets wat dikwels met jou teken in verband gebring word. Noudat die jaar einde se kant toe staan, is dit gepas om oor die hoogte-en laagtepunte te besin. Probeer om nie jouself of ander te oordeel nie, maar erken dat die lewe op-en afdraandes het. In hierdie stadium kan kommunikasie moeilik voel. Moet niks afdwing nie. Laat vir ’n slag die kind in jou toe om spontaan te wees en soveel pret en vreugde moontlik te hê. GELUKKIGE NOMMERS 3, 15, 24, 30, 18, 10 WATERDRAER 21 JAN – 18 FEB Rondom die 28ste kan ’n misverstand met ’n vriend vererger en tot ’n rusie lei, want Mercurius beweeg dan in trurat en kan streke uithaal. ’n Besluit oor jou huisen gesinslewe…

TOE Mike Temara, ’n voormalige atleet wat ’n volle 1, 9 m lank is, jare gelede met die selfs langer voormalige atleet Christine (1,96 m) getrou het, het hy haar vertel sy een wens vir hul lewe saam is om lang kinders te hê. Nie net is sy wens bewaarheid nie, die werklikheid was nog beter: Twee van hul kinders is selfs langer as hul ma en pa. Shane (28 jaar oud) staan op 2,06 m, en Troy (25 jaar oud) staan op 2,08 m. Maar daar is een persoon in die gesin vir wie dit nie altyd so lekker was om ’n hemelbesem te wees nie. Mike en Christine se oudste kind, die 29-jarige Marie, sê dit kan vir ’n meisie soms ’n pes wees as jy bo jou…

Sogenaamde olifantmansiekte kom wêreldwyd by net een uit 4 000 mense voor, het Mannie Manning van die Suid-Afrikaanse Vereniging vir Neurofibromatose destyds aan Huisgenoot gesê. Daar is twee soorte neurofibromatose. ◼ TIPE 1 is ’n genetiese afwyking waar die lyer se chromosoom 17 ’n mutasie ondergaan en nie meer die selle orden nie. Weens dié defek kom in-en uitwendige gewasse voor. Dis die tipe wat Chantell het. ◼ TIPE 2 is ook ’n genetiese afwyking, maar in hierdie geval groei simmetriese, niekwaadaardige gewasse op die brein. Die gewasse tas die lyer se gehoor aan. “Daar is nog geen kuur vir neurofibromatose nie,” sê Mannie. Die toestand kom boonop in verskillende grade voor. “Baie mense leef daarmee saam sonder enige tekens van gewasse of sonder dat hulle eens weet hulle het…

EFRAINE VAN HEERDEN Ja, die liefde kan ook tussen beste vriende blom. Vra maar die voormalige Op my eish!-deelnemer en haar prokureur-man, Paul du Toit. Hulle het op 20 Mei getrou, en enkele maande daarna het die paartjie aangekondig sy is swanger. Die baba word in Februarie verwag. AMPIE DU PREEZ In Augustus, ná 10 jaar saam, is die sanger met die persoonlike afrigter en fiksheidsinstrukteur Elaine Pieterse getroud. Hy het haar jare gelede in ’n koffiewinkel raakgesien, en hulle het mekaar later ontmoet by die aktrise Angelique Gerber se huis. LEA VIVIER Die aktrise en André Wilkens, ’n diepseeduiker, het op 25 Maart by Elandskloof Farm Cottages buite Greyton in die Wes-Kaap getrou. Hulle het kort daarna afgesit na die Franse eiland Réunion vir hul wittebrood. NICOLE WILMANS Die…

AMOR VITTONE Dié aktrise en dr. Charles Serrurier, ’n plastiese chirurg, het mekaar in Oktober verlede jaar op ’n toe-oë-afspraak ontmoet. Dit was haar eerste ernstige verhouding ná die verbrokkeling van haar huwelik met Joost van der Westhuizen. Maande lank het sy geblom in die liefde, maar toe beland Amor en Charles se verhouding vanjaar op die rotse. PETRÉ VERMEULEN & LOURIZE KOCH Daar was in die 14de seisoen van Boer soek ’n vrou ’n gelukkige einde vir Petré en Lourize. Die Vrystaatse boer het die spraakterapeut as pasmaat gekies, en die twee was smoorverlief. Maar ná ’n verhouding van byna ’n jaar en ’n half het hulle besluit dis beter dat hul paadjies skei. Petré het intussen by Marinel Lourens geluk gevind. IRENE-LOUISE VAN WYK Die sangeres en haar…

MARK PILGRIM Die radioreus en televisieaanbieder het ’n moedige stryd teen kanker gevoer, maar is op 5 Maart oorlede. Sy verloofde, Adrienne Watkins, was by hom toe hy sy laaste asem uitblaas. JAMES ALEXANDER Die akteur is op 28 April oorlede. Sy aktrise-vrou, Anel, het op sosiale media bekendgemaak dat kanker al in Januarie 2019 by hom gediagnoseer is. Hy wou sy stryd privaat hou. BRADLEY OLIVIER Die Binnelanders-akteur is op 20 Julie skielik van sy geliefdes af weggeruk enkele dae nadat hy by sy huis in Johannesburg weens ’n aneurisme ineengestort het. DEREK WATTS Die televisiaanbieder is op 22 Augustus oorlede nadat hy maande lank teen kanker en sepsis baklei het. Derek het in Junie aangekondig dat hy op sy gesondheid wou fokus en nie meer as aanbieder van…

GLIMMENDE GLANS PRINSESPRAGTIG…