Indholdsfortegnelse for Huisgenoot Koninklikes i Huisgenoot

AS ’N jong meisie het ek die stories verslind wat Huisgenoot oor die koninklikes geskryf het. Om dus as deel van my werk die kans te kry om hulle onder die vergrootglas te bekyk, is soos ’n droom wat waar geword het. Hierdie vroue is meer as net koninklikes: hul vasbytvermoë, hul verstommende verhale en hul vasberadenheid om bo teenspoed uit te styg, maak hulle nóg boeiender. In hierdie uitgawe fokus ons op die prinsesse en koninginne van Europa, Brittanje en die Ooste. Party is as koninklikes gebore, soos prinses Caroline van Monaco met haar tragiese liefdeslewe, en prinses Mako van Japan, wat haar koninklike titel vir die liefde verruil het. Dan is daar die burgerlikes, soos Kate, prinses van Wallis, en ons eie prinses Charlene van Monaco, wat nie…

TOE sy die man ontmoet met wie sy eendag sou trou, was sy baie bekender as hy. Sy was op die toppunt van haar rolprentloopbaan, ’n Oscar het op haar kaggelrak gepryk en sy kon kies en keur tussen die beste rolle. Maar prins Rainier van Monaco het Grace Kelly se voete onder haar uitgeslaan en haar die prinses van sy piepklein prinsdom aan die Franse Riviera gemaak. Voor hul troue het min mense van Monaco geweet, maar sedertdien is die staatjie sinoniem met glans en rykdom en word die doen en late van die koninklike Grimaldi-gesin met opgehoue asem oor die wêreld heen gevolg. GROOTWORDJARE Grace Patricia Kelly is op 12 November 1929 as die derde van vier kinders gebore vir ’n welgestelde Iers-Katolieke gesin in Philadelphia, Amerika. Haar…

PRINSE duik soms op die vreemdste plekke op – soos in ’n Australiese kroeg. Dit was September 2000 en die Slip Inn, ’n gewilde drinkplek in Sydney, was vol mense van oor die wêreld heen wat die Olimpiese Spele kom bywoon het. ’n Aantreklike Deen het ’n geselsie aangeknoop met Mary Donaldson, ’n advertensiebestuurder. “My naam is Fred,” het hy hom voorgestel. “Iets het net gekliek,” het Mary jare later onthou. “Daar het nie vuurwerke ontplof of so iets nie, maar daar was ’n gevoel van opwinding.” In daardie stadium het Mary geen benul gehad dat plat-op-die-aarde Fred in der waarheid kroonprins Frederik was nie, erfgenaam van die 1 000 jaar oue Deense troon. Sy het amper van haar kroegstoeltjie afgeval toe sy dit uitvind. Toe die twee later die…

TOE sy moes besluit saam met wie sy die res van haar lewe wil deurbring, wou sy nie haar toekoms laat bepaal deur die saamvloei van adellike bloedlyne nie. “Die moderne manier is om te trou met iemand vir wie jy lief is,” het Swede se kroonprinses Victoria gesê. “Dit gaan nie oor waar hy of sy vandaan kom nie.” En dis presies wat die toekomstige koningin gedoen het. In 2010 is Victoria getroud met haar persoonlike fiksheidsafrigter, Daniel Westling, ’n Sweed met ’n voorliefde vir bofbalpette. Victoria (45) en Daniel (48) het twee kinders, prinses Estelle (10) en prins Oscar (6), en nadat hulle ’n paar struikelblokke moes oorkom, lyk dit nou of hulle vir ewig en altyd gelukkig sal leef. SO HET HULLE ONTMOET In 2000 het Victoria…

DIT het jare lank gevoel of sy nooit liefde sou vind nie, veral nadat ’n lang verhouding op die rotse beland het. Maar toe prinses Beatrice op Die Een besluit, het sy nie op haar laat wag nie. Ná ’n warrelwindromanse en verlowing het sy trou gesweer aan die aantreklike Italiaanse sakeman wat in haar hart kom woon het. Haar verhouding met Edoardo “Edo” Mapelli Mozzi was nie sonder drama nie, maar die prinses het vasgebyt. Met hul troue in 2020 het sy die eerste koninklike geword wat ook ’n kits-stiefma was. DIE ONTMOETING Edo is in Londen gebore as seun van Alex Mapelli Mozzi, ’n Brits-Italiaanse voormalige Olimpiese skiër en lid van die Italiaanse aristokrasie, en Nikki Williams-Ellis, ’n lid van die Britse adel. Hulle was bevriend met Beatrice…

1 | Waar is prinses Charlene vanMonaco ge-bore? A ⚪ Benoni B ⚪ Bulawayo, Zimbabwe C ⚪ Johannesburg 2 | Hoe oud was koningin Rania van Jordanië toe sy destyds die wêreld se jongste koningin geword het? A ⚪ 33 B ⚪ 24 C ⚪ 28 3 | Op watter werklikheidsprogram het prinses Sofia van Swede verskyn voor sy ’n koninklike geword het? A ⚪ Big Brother B ⚪ Love Island C ⚪ Paradise Hotel 4 | Hoe het kroonprinses Victoria van Swede haar man, Daniel, ontmoet? A ⚪ Hy was ’n onderwyser by ’n skool wat sy besoek het. B ⚪ Hy was ’n persoonlike afrigter by ’n gim waarby sy aangesluit het. C ⚪ Hy was ’n ruikerontwerper by ’n geleentheid wat sy bygewoon het. 5 | Wie het Kupido vir Zara Tindall en…

REDAKSIE REDAKTEUR: HUISGENOOT YVONNE BEYERS REDAKTEUR: HG KONINKLIKES KIM SNYDERS HOOF: HANDELSMERKUITBREIDINGS EN KREATIEWE HOOF MARI VAN DER BERG KUNSREDAKTEUR TERTIA DU PLESSIS SKRYWERS DENNIS CAVERNELIS, SANDY COOK, NICI DE WET, LAVERN DE VRIES JANE VORSTER VERTALER JOAN VAN ZYL KOPIEREDAKTEURS FAAN HERHOLDT, JOAN VAN ZYL FOTONAVORSER & SINDIKASIE NADIA SWARTBOOI PRODUKSIE JACQUES DU PLOOY (BESTUURDER), KURT OHLSON REPRODUKSIE JÉAN KOEGELENBERG KANTOORBESTUURDER NOLEEN MENDACE MEDIA24 LEEFSTYL HOOF: WEEKLIKSE TYDSKRIFTE NERISA COETZEE AFDELING-BEDRYFSBESTUURDER EDWINA LYNERS KATEGORIEBESTUURDER ARMAND KASSELMAN HANDELSBESTUURDER BEA VAN DER VYVER 011-217-3049 ADVERTENSIEVERKOPE WENDY CLEGG cleggy@mweb.co.za of 083-228-9025 TYDSKRIFBESTELLINGS JOHAN TERBLANCHE johan.terblanche@media24.com of 021-406-4962 UITVOERENDE HOOF: MEDIA24 ISHMET DAVIDSON HOOFBESTUURDER: MEDIA24 LEEFSTYL NERISA COETZEE HOOFBESTUURDER: MEDIA24 LEEFSTYL & NUUS MINETTE FERREIRA FINANSIËLE HOOF: MEDIA24 LEEFSTYL JAMEELAH CONWAY…

SY IS die liefde van die koning se lewe – die vrou wat die skuld kry vir die ineenstorting van Charles en Diana se huwelik en die eertydse verworpene wat die Britte verpes het en van wie die koningin nie gehou het nie. Elizabeth het al gesê sy kon dit nie verdra om in dieselfde kamer te wees as “daardie vrou” nie en het afsprake vermy waar Camilla teenwoordig sou wees. Maar dinge het verander. Camilla het met haar onopgesmukte, stil en hardwerkende aanslag tog ’n plekkie gevind in baie Britse harte en haar ook by die oorlede koningin gelief gemaak. Sy word in Mei 2023 die koningingemalin wanneer Charles tot koning gekroon word en die koninklike familie hul volgende hoofstuk betree. TERUG NA DIE BEGIN Camilla het haar kinderjare…

SY IS een van die wêreld se kluisenaar-koninklikes en in ’n stadium het sy’n dekade lank van die toneel verdwyn. Maar dit was vir die Japannese heerlik om hul keiserin terug te verwelkom nadat haar man die Krisanttroon bestyg het. Dié vrou uit die burgerlike stand het darem mos daarin geslaag om die hart van hul keiser te steel, al moes hy drie keer die jawoord vra. Masako Owada was aanvanklik van plan om ’n fantastiese loopbaan te volg en die rol van pligsgetroue prinses het nie by haar toekomsplanne gepas nie. Maar kroonprins Naruhito het haar uiteindelik oortuig en Masako, wat dikwels met prinses Diana vergelyk word, is al byna drie dekades aan sy sy. Naruhito (63) het in 2019 keiser geword en Masako (59) sy keiserin. HAAR VROEË…

NOU die dag nog was dit ondenkbaar dat ’n Britse koninklike met ’n ge skei de persoon kon trou, wat nog te sê ’n ongetroude ma. Maar in Noorweë was die koninklikes altyd ’n bietjie meer vergewensgesind – selfs as dit iemand met ’n wilde verlede is wat lief was vir losbandige partytjies en swaar dwelms. En al het die media allerhande skandale uitgesnuffel, het baie Noorweërs skaars ’n wenkbrou gelig toe kroonprins Haakon aankondig hy gaan trou met sy meisie, Mette-Marit Høiby. Mette-Marit, ’n kelnerin met ’n vier jaar oue seun uit ’n vorige verhouding, het inderdaad ’n verlede gehad waarmee min in koninklike kringe kon identifiseer. En toe sy met die toekomstige koning van Noorweë getroud is, was dit die eerste keer dat ’n Europese troonerfgenaam ’n stiefpa…

DIE vonke het nie juis gespat toe sy die prins ontmoet het met wie sy eendag sou trou nie. Om die waarheid te sê, hy het destyds met ’n vriendin van haar uitgegaan. Maar toe hulle ses jaar later weer in mekaar vasloop, was Sophie Rhys-Jones gou smoorverlief en die koningin se jongste se voete was onder hom uitgeslaan. Deesdae is die gravin van Wessex een van die koninklike familie se grootste steunpilare en het sy veral vir koningin Elizabeth II baie beteken. Die afgelope twee jaar het sy selfs meer betrokke geraak en baie van die koningin se take oorgeneem en gehelp om die gaping te vul wat gelaat is deur prins Harry en die skandemaker prins Andrew. “Sy maak ’n baie subtiele verandering, wat tipies van Sophie is,”…

HAAR ouma en tante is nie met blou bloed gebore nie, maar albei het Japannese keiserinne geword. Toe prinses Mako dus op iemand in die burgerstand verlief raak, moes dit nie soveel saak gemaak het nie. Maar dit het, veral toe die man wat haar hart gesteel het as ’n fortuinsoeker uitgeskel is. Kei Komuro (nou 31) was nie die man vir haar nie, het die nasie verklaar. Maar dit het Mako min geskeel. Uiteindelik is hulle Japan se Meghan en Harry genoem omdat die ooreenkomste so duidelik was: ’n koninklike raak verlief op ’n burgerlike, verwerp dan die status en voorregte wat met koningskap gepaard gaan en verhuis na Amerika om ’n nuwe lewe te begin. Maar anders as Meghan en Harry is Mako en Kei blykbaar vasberade om…

ERS kom die liefde, dan die troue, endan die pienkvoet …en dit was presiess wat metprinsesEugenie en Jack Brooksbank gebeur het. Die jongste dogter van prins Andrew en Sarah“Fergie” Fer-guson het haar toekomstige man in 2010 in Switserland ontmoet, en hulle stem saam dit was liefde metdie eerste oogop-en in slag. In 2018 het hulle trou gesweer 2021 is hul seun, August, gebore. DIE ONTMOETING Diepaartjie hetmekaarin2010inn Ver-(33) bier, Switserland, ontmoet. Eugeniee was met’n skivakansie daar en Jack (36) het destyds daar gewerk. “Ekwas 20 en hy 24,” vertel Eugenie. “Ons deel dieselfde passies en lewenslus. In 2011 het hulle hul eerste Royal Ascot–’njaarlikse inskrywing op die koninkli-ke kalender–saam bygewoon. Van 2013 tot 2015 het hulle ’n langafstand-verhou-ding gehad terwyl Eugenie–toe pas klaar met haar graad in kunsgeskiedenis en Engelse…

HY ’T uitgegaan met modelle, koninklikes en is in ’n stadium romanties verbind aan die aktrise Gwyneth Paltrow – maar nadat prins Felipe van Spanje vir Letizia Ortiz Rocasolano ontmoet het, het hy vir niemand anders oë gehad nie. Sy pa, koning Juan Carlos I, was nie juis gek oor sy seun se beeldskone televisieaanbieder-meisie nie. Nie net was sy ’n burgerlike nie, sy was ook geskei. Die monarg het gevoel sy is nie gepaste troumateriaal vir sy seun en erfgenaam nie. Maar Felipe het geweier om Letizia te laat vaar. Toe hy in 2003 by sy pa toestemming gaan vra om met haar te trou, het hy daar opgedaag met ’n abdikasie-brief in sy sak. Soos verwag het sy pa die huwelik afgekeur en toe haal hy die brief…

HUL verhouding het dalk onder ’n skandaalwolk begin, maar dit het beslis die toets van die tyd deurstaan. Sterk, stewig en solied is hoe ’n mens dit kan beskryf – ’n bietjie soos prinses Anne self. Prinses Anne (72) en sir Timothy Laurence (67) het verlede jaar hul 30ste huweliksherdenking gevier. ’n Mens kan met veiligheid sê hulle het die storms getrotseer wat losgebars het toe dit bekend word hulle het ’n affair terwyl Anne nog met kaptein Mark Phillips getroud was. HOE HULLE ONTMOET HET Timothy, ’n vlootoffisier, het hom in 1986 by die paleisstoet aangesluit en hy en Anne het ontmoet toe hy diens gedoen het op die Koninklike Seiljag Britannia. Hulle het ’n verhouding aangeknoop en sy het hom dikwels by sy huis in Winchester besoek. Hul…

SY IS koningin Elizabeth se oudste kleindogter en het tussen koninklikes grootgeword, maar sy was altyd nog net Zara – en dis presies hoe sy daarvan hou. Die 41 jaar oue dogter van prinses Anne is ’n plaasmeisie, meer tuis tussen honde en perde as in ’n opgesmukte Londen. Haar man is ’n voormalige Engelse rugby-ster sonder ’n druppel blou bloed en met ’n neus wat al agt keer gebreek het. HOE HULLE ONTMOET HET As dit nie vir prins Harry was nie, sou Zara en Mike dalk nooit bymekaar uitgekom het nie. In ’n onderhoud met ’n Australiese TV-program het Zara vertel toe sy haar toekomstige man ontmoet het, was hy besig om sy sorge in ’n Sydneyse kroeg te verdrink. Mike is voor die halfeindronde van 2003 se…