Indholdsfortegnelse for Huisgenoot Koning Charles III - Gedenkuitgawe i Huisgenoot

EK WAS gelukkig genoeg om Londen toe gestuur te word toe koningin Elizabeth oorlede is om te skryf oor die gebeure wat haar begrafnis voorafgegaan het tot en met die merkwaardige dag self. Dit was ongelooflik om deel te wees van ’n oomblik in die geskiedenis – maar vir iemand soos ek, wat al lank oor die koninklikes skryf, was dit ook opwindend om te sien hoe die koninklike familie net ’n paar meter van my af in somber optogte stap. En al die aandag was op Charles gevestig. Die man wat al 70 jaar lank op die kantlyn wag, was uiteindelik koning en golwe het deur die skare getrek elke keer wanneer hulle hom sien. Charles is nou ook hoof van die wêreld se beroemdste familie en alle oë…

AL WAS hy op skool so ongelukkig, het Charles later erken dat hy in daardie onstuimige jare tog baie oor homself geleer het. “Ek het geleer wat ek kan doen en nie kan doen nie, en dit het my gehelp om uitdagings te aanvaar en die inisiatief te neem,” het hy vertel. Dis waarom hy besluit het om ná Gordonstoun universiteit toe te gaan eerder as om – soos die meeste jong koninklike mans voor hom – dadelik af te sit militêre kollege toe om hom op ’n loopbaan in die Britse weermag voor te berei. Die prins het ook nie na sommer enige universiteit toe gegaan nie, maar na Cambridge, een van die top- tersiêre instellings in die wêreld. Hy is by Trinity College aanvaar en het begin met…

AS DIT by die vroue in Charles se lewe kom, dink ’n mens dadelik aan die twee wat die meeste opspraak gewek het: Diana en Camilla. Maar voor hy in 1981 op 32 jaar oud met Diana getroud is, het Charles ’n reputasie as losbol gehad en is hy beskou as die wêreld se hubaarste alleenloper. Hy het met talle vroue uitgegaan – ’n groep wat deur die pers “Charlie se engele” gedoop is – maar het stilletjies onderneem om teen omtrent 30 jaar oud voor die kansel te staan. Charles het glo 20 verhoudings gehad van die ouderdom van 19 tot hy lady Diana Spencer ontmoet het, twee verbreekte verlowings inkluis. Die jong skoonhede van wie hy gehou het, was gewoonlik glansryke sosiale vlinders. Charles wou met lady Jane…

KONING CHARLES benadruk graag dat hy “net ’n gewone mens in ’n ongewone posisie” is en dat hy soos almal anders behandel wil word. Maar as jy as die seun van ’n koningin en erfgenaam van die troon grootword, word jy glad nie soos ’n gewone mens behandel nie. Dan het jy het ander wat gereedstaan om te spring elke keer as ’n gier jou tref of jy iets eienaardigs wil doen. SY MAJESTEIT SE KLEREKAS Die koning hou daarvan om goed in ’n pak te lyk – geen baadjiesak-flappe nie, geen sakdoek wat uit ’n bosak bol nie en ’n blom in die knoopsgat. Sy formele klerekas bestaan byna net uit dubbelbors-pakke van Anderson & Sheppard, een van Londen se eksklusiewe Savile Row-snyers. Sy hemde kom van Turnbull &…

LRINSES ELIZABETH was in Mei 1948 22 jaar oud en besig met haar eerste amptelike besoek aan Parys saam met prins Philip, met wie sy die jaar tevore getroud is. Vir die buitewêreld het alles soos gewoonlik gelyk. Die prinses het geglimlag en vir die skare gewaai, alle amptelike afsprake nagekom, blad geskud met hoogwaardigheidsbekleërs en leiers, toesprake gelewer en almal se voete onder hulle uitgeslaan. “Die Franse is behep met ons koninklike gesin,” het die Britse koerant The Telegraph gespog. Maar wat min mense besef het, was dat die koningin nie op haar beste was nie: Sy het met oggendnaarheid gesukkel, want sy was vier maande swanger met haar eerste kind. Destyds het ander koninklike en sosiale protokolle geheers as vandag en was daar geen amptelike aankondiging dat die…

CHARLES was net nege jaar oud toe sy ma aangekondig het dat haar oudste seun prins van Wallis sou word. “Ek is van voorneme om vandag my seun, Charles, die prins van Wallis te maak,” het koningin Elizabeth op 26 Julie 1958 aangekondig in ’n vooraf opgeneemde boodskap wat by die Ryk- en Statebondspele in Cardiff, Wallis, gespeel is. “Wanneer hy volwasse is, sal ek hom by Caernarfon-kasteel aan julle voorstel.” Die kasteel – waarvan die naam dikwels as Carnarvon-kasteel verengels word – is in Noordwes-Wallis en word wyd as een van die asemrowendste geboue van die Middeleeue beskou. Maar dit sou nog 11 jaar duur voor Charles se inhuldigingseremonie by die kasteel sy titel amptelik sou vier – en sy ma se aankondiging het die onbeholpe jong skoolkind destyds…

VOOR Charles tot die boonste sport van die leer geklim en koning geword het, het hy baie ander imposante titels gehad: prins van Wallis, hertog van Cornwall, hertog van Rothesay, baron van Renfrew, graaf van Carric, lord van die Eilande en prins en Groot Rentmeester van Skotland. Maar daar is een titel wat hy met baie ander mense van sy ouderdom kan deel: oupa. En dis waarskynlik die titel wat hom die naaste aan die hart lê. Dit bring hom oneindige vreugde om ’n oupa te wees, sê ’n vriend van die koning. “Soos baie grootouers beskou Charles dit as ’n bietjie van ’n luukse. Hy kan die lekkerte geniet van tyd met die kinders deurbring sonder dat hy verantwoordelik hoef te wees vir hul dissipline en alles anders wat…

TOE die 22 jaar oue Charles sy eerste toespraak oor die omgewing gemaak en gewaarsku het teen die gevare van plastiekafval en lug- en chemiese besoedeling, het kritici hom uitgejou en gesê hy is van sy trollie af. Die jaar was 1970, die plek was Cardiff in Wallis en die okkasie was die bekendstelling van die Prins van Wallis-plattelandprys. “Die idee is dat die prys toegeken word aan organisasies wat projekte bevorder het wat duidelik bydra tot die verbetering van die algemene gehalte en skoonheid van die omgewing,” het hy gesê. Afval is ’n enorme probleem, het Charles bygevoeg. “Daar is 55 miljoen van ons op hierdie eiland wat nie-herwinbare bottels en onvernietigbare plastiekhouers gebruik. Dis nie moeilik om jou die berge vullis in te dink wat ons op die…

DIE prins van Wallis kon nie ophou glimlag toe hy op 21 Junie 1982 by die Lindo-vleuel van dieS t. Mary-hospitaal in Wes-Londen uitstap nie. Hy het vir die eerste keer pa geword en die hele wêreld kon sien hoe hy straal. “Hoe voel u?” het ’n verslaggewer gevra. “Ek is duidelik verlig en verheug,” het hy geantwoord. “Dis fantasties. Dis ’n taamlike grootmensding, het ek agtergekom.” Charles, wat toe 33 was, was die hele bevalling lank langs Diana se bed. “Dit het gevoel of ek diep aan die geboorteproses deelneem en as gevolg daarvan is ek beloon met die aanskouing van ’n skepseltjie wat aan ons behoort, al het dit gelyk of hy aan almal anders ook behoort,” het hy later gesê met verwysing daarna dat William ’n troonerfgenaam…

DIE lewe van ’n werkende koninklike is propvol: afsprake toesprake, openingseremonies amptelike dinees bladskud ná bladskud ná bladskud… Maar alles is nie doodernstig nie, soos hierdie heerlike foto’s wys. Daar was talle speelse oomblikke in Charles se loopbaan – en as daar een ding is wat ons deur die jare oor hom geleer het, is dit dat hy daarvan hou om lekker te lag, selfs al is dit ten koste van homself.…