Indholdsfortegnelse for 8 February 2024 i Huisgenoot

1 HULLE STEUN HOM, TEN SPYTE VAN ÁLLES Baie mense het Werner de Jager die rug toegekeer, maar ’n ma en dogter, voorheen huisvriende van die egpaar, staan hom by en besoek hom selfs in die tronk Dit is goed daar is nog mense met goeie harte. Nêrens sê dit die vroue sê Werner is onskuldig nie. Dit beteken net die vroue weet dat almal sondig en hulle laat die hof toe om hom te oordeel. SUANET Daai twee mooie dogtertjies kry die seerste. Wat ’n pragtige mamma wat hulle sal onthou. Hulle sal nooit weer ’n mamma soos sy kry nie. FERCIA Die arme kinders. Wat is die moontlikheid dat hul oupa en ouma aan moederskant dalk hul van kan verander terwyl hulle nog jonk is? Die samelewing is wreed.…

t – teelepel/s e – eetlepel/s k – koppie/s GESKROEIBRAAIDE CALAMARI met SAFFRAANRYS GENOEG VIR 6 MENSE / BEREIDING EN GAARMAAK: 45 MIN. ◗ 600 g babacalamari, skoongemaak◗ 80 ml (⅓k) ekstrasuiwer olyfolie◗ 30 ml (2 e) suurlemoensap◗ 1 prei (350 g), fyngekap◗ 2 knoffelhuisies, fyngekap◗ 1 rooi soetrissie (200 g), gekap◗ 5 ml (1 t) gerookte paprika◗ ’n ruim knippie saffraandrade◗ 400 g (2 k) rou paellarys◗ 1 x 400 g-blik gekapte tamaties◗ 1 L (4 k) visaftreksel VIR VOORSIT ◗ mikro-bronkorsslaai en suurlemoenwiggies 1 Sny die calamaribuise in dun ringe, maar moenie dwarsdeur sny nie. Sit die calamaribuise en tentakels in ’n bak met 2 e van die olie en suurlemoensap. Werk deur om alles te bedek en plaas in die yskas tot gereed. 2 Verhit die oorblywende…

STUDENTE en selfs skoolkinders het deesdae duur besittings. Hoe beskerm jy hulle teen verlies wanneer hulle op kosskool of kampus woon? 1 KAN EK MY KIND SE BESITTINGS WEG VAN DIE HUIS VERSEKER? Ja, versekeraars laat ’n mens gewoonlik toe om van hul kinders se besittings op hul polisse te verseker, want as dit gesteel of beskadig word, is dit dikwels die ouers se verlies. Versekering is dan eintlik een manier waarop jy jou finansiële belegging in jou kind se opvoeding kan beskerm. Die items wat die meeste vir studente en leerders verseker word, is voertuie en elektroniese toestelle. 2 TOT OP WATTER OUDERDOM KAN JY GOED NAMENS JOU KIND VERSEKER? Die versekeraar kan byvoorbeeld vereis dat die kind steeds finansieel van jou afhanklik is. Maar eerder as ouderdom pas versekeraars gewoonlik…

SONDEGELD Die mense bly vir my sê ek sal nog eendag vir my sondes moet betaal. Nou wonder ek net, met geld wat ek waar gaan kry? EMMIE, MOSSELBAAI MEDIES ONGESKIK Aanvallige Annie: “Ek kan om mediese redes nie jou meisie wees nie.” Gladde Gawie: ”Agge nee. Hoe dan so?” Aanvallige Annie: “Want jy maak my siek.” SAN MARCHAND LOKKE Die voordeel van om ’n verhouding met ’n meisie te hê wat ’n pruik dra, is dat jy met haar hare kan speel, al is sy by die werk. WOLLIE, PRETORIA GERIEFBOETE Santjie het ’n spoggerige sportmotor en hou van spoed. Uiteraard keer die verkeerspolisie haar gereeld voor. Ná haar soveelste oortreding vra sy vir die verkeerskonstabel wat haar vasgetrek het: “Kan julle nie sommer vir my ’n seisoenkaartjie gee…

1 Watter land word “Bel Paese”, of die “mooi land” genoem? 2 Watter dier is die gesig van Coco Pops-ontbytgraan? 3 Wat is die naam van die dorp waar SpongeBob woon? 4 Hoeveel snare het ’n viool? 5 Watter vasteland is die warmste op Aarde? ANTWOORDE 1 Italië.  2 Coco die apie. 3 Bikini Bottom 4 Vier. 5 Afrika. BRONNE SPACEPERSPETIVE.COM, THEGUARDIAN.COM, NATURE.COM, BRITANNICA.COM, BBC, CNN, BUSINESSINSIDER.COM, NEWATLAS.COM, NEWSROOM.NORTHUMBRIA.AC.UK, BUSINESSINSIDER.COM, TENNIS.COM, SPORTSKEEDA.COM, GUINNESSWORLDRECORDS.COM, YOUTUBE…

KOMPONISTE is mense wat musiek skryf. Die musiek kan vir ’n spesifieke instrument wees, soos klavier, viool of die menslike stem. Komponiste kan ook vir groepe musikante, soos vir ’n simfonieorkes, musiek skryf. Net soos kunstenaars van mekaar onderskei kan word deur hoe hulle skilder of teken, net so kan komponiste van mekaar onderskei word deur hoe hul musiek klink. Musiek kan iets so eenvoudig wees soos ’n melodie wat gesing word, of die ingewikkelde komposisie vir ’n groot orkes. Musiek en komposisie as ’n kunsvorm kom ’n lang pad met die mensdom saam. Die oudste uitgeskrewe melodie wat bestaan, is meer as 3 400 jaar oud! Ons kyk na drie groot komponiste wat die afgelope 300 jaar gelewe het. Ons hoor en geniet vandag nog gereeld van hulle musiek.…

Nog ’n prettige seisoen van Die Babbelbende is nou volstoom aan die gang! Kyk saam na seisoen 2 op huisgenoot.com. In dié aanlyn kinderreeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer oor ons wêreld leer. Besoek huisgenoot.com, kliek op “HG Junior” heel bo en daarna “Die Babbelbende” om al die episo des te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Oor naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook media24shop.com om jou eie Paloeka-of Palawapop of die Babbelbende se Groot Storieboek te bestel. Bly ingeskakel…

ALLES het so onverwags en vinnig gebeur. Daarom is die onderneming se naam The Accidental Baker. Mense kom van die hele distrik om oor naweke hier by ons te kom brood koop. Dis nadat ek en my man ons droom kon bewaarheid om ’n klein organiese plaas te bekom op Calitzdorp met die naam Lenies Hof. Einde 2016. Mei 2017 het ons ingetrek. Aan die einde van daardie jaar kon ek nie meer die plaaslike brood verduur nie. Ek sê vir Steve, my man, ek kan nie die vierkantige fabriekbrood in die sakkies meer eet nie. Ek spoeg dit uit. As ek ordentlike brood wil eet, moet ek Oudtshoorn toe ry 100 km heen en weer. Café Brûlé toe. Ek gaan my eie bak. Soos waaraan ek gewoond was in…

DIÉ oulike meisie met haar mooi bril is sommer baie opgewonde oor die nuwe skooljaar. Sy tol in die rondte tot haar vlootblou hoërskoolromp om haar uitwaaier. Op die sak van haar wit skoolhemp staan: “Ek weet ek kan.” Dit is asof Allegra Lategan (12) reeds met haar geboorte op net 22 weke die leuse van haar skool, die Dunatos-Privaatskool in Stikland, Kaapstad, haar eie gemaak het. Sy het toe die nuus gehaal as die vroegste gebore baba in Suid-Afrika wat oorleef het. Destyds het Huisgenoot berig Allegra was met haar geboorte “streng gesproke niks meer as ’n fetus nie”. Fetusse word in die mediese wetenskap gewoonlik eers op 24 weke as lewensvatbaar beskou. En nou is die piepklein babameisietjie wat met geboorte net 515 g geweeg het – ’n…

IN HAAR somerrok wat haar middel beklemtoon, lyk Hanna Grobler vandag nog net so slank soos in die dae toe sy Kiki in Getroud met rugby gespeel het. ’n Mens sou nooit kon raai dat sy intussen ’n ma van drie geword het nie, en nog minder dat sy dáárdie gevoel ken van ’n ekstra paar kilo’s wat keer dat jy ligvoets deur die lewe gaan. “Met al my swangerskappe het ek verskriklik baie gewig aangesit, maar ek is gelukkig dat ek dit elke keer afgeskud het,” vertel die 42-jarige aktrise wat nou ná vier jaar terug is op die kassie as die aanbieder van Die groot afskud. In hierdie kompetisiereeks, nou in sy tweede seisoen op VIA, voer die deelnemers ’n verbete stryd teen die skaal. Al het…

‘Ryan het hierdie totaal en al oorspronklike, skreeusnaakse, hartverskeurende en nou ikoniese karakter geskep – en dit al die pad tot by die Oscars gevat’– EVA MENDES DIT was die grootste lokettreffer van 2023. Dit het ’n aardige $1,4 miljard wêreldwyd laat instroom en alles pienk verkleur. Toe Barbie se manlike hoofster, RYAN GOSLING (43), vir ’n Oscar as beste akteur vir sy rol as Ken benoem word – en sy medester MARGOT ROBBIE (33) of die rolprent se regisseur, GRETA GERWIG (40), word nie eens genoem nie – was daar groot ontsteltenis. In ’n verklaring het Ryan die akademie voor stok gekry. Hy sê al is die benoeming vir hom ’n eer, is daar “geen Ken sonder Barbie nie, en geen Barbie sonder Greta nie. Hulle werk behoort erken…

DIE wildvreemde man op die foon noem haar “babe”. “Skeer jy nou die gek met my?” Sy’s reg om dood te druk. “Dis ek, babe,” sê die man weer. “Dis regtig ek.” Ses jaar lank het Shereen van Deventer gewonder hoe haar man, Gerco, se stem nou klink. Hoe hy lyk. Of hy oukei is. Of hy lewe. “Dis regtig ek.” Gerco het einde Oktober 2017 in Libië gaan werk as ’n paramedikus. Die egpaar was deeglik bewus van die gevaar. Hy het immers al vroeër in Afghanistan gewerk en Shereen toe al vertel van die gevaar dat hy ontvoer kan word. Libië was destyds in die greep van ’n burgeroorlog, maar werk is werk. Dae later, op 3 November, is Gerco deur militante ontvoer op pad na sy werk…

Informeel Ben Affleck en Jennifer Lopez se neutrale uitrustings pas by mekaar. Klassiek David en Victoria Beckham lyk sjiek in deftige donkerblou en kraakvars wit. Rock Kourtney Kardashian en Travis Barker trek graag eenders aan. Hier lyk hulle cool en ontspanne. Deftig Rita Ora en Taika Waititi is elegant uitgevat - sy in ’n baadjierok en hy in ’n pak. KRY DIT HIER AMERICAN SWISS 0860-834-834, ARTCLUBANDFRIENDS.COM, BASH.COM, BEACHCULT.COM, CAPE UNION MART 0860-333-329, DUNNS 086-000-7350, EDGARS 0860-111-826, EXACT 0860-834-834, FOSCHINI 0860-834-834, GALAXY & CO 0860-834-834, H&M 086-0690-707, JEULIA.CO.ZA, LOVISA 010-143-0780, LOWKALSA.CO.ZA, MANGO.COM, MARKHAM 0860-834-834, MR PRICE 080-021-2535, NIKE.COM, STERNS 0860-834-834, SUPERBALIST.COM, TAKEALOT.COM, THE FIX 0860-834-834, TRUWORTHS 021-460-2300, VANS.CO.ZA. HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN…

AQUARIUS 21 JANUARIE – 18 FEBRUARIE As ’n komkommerkoel, onverbonde en objektiewe mens sou jy nooit kon droom dat jy ’n week met soveel drama sal beleef nie. Staal jouself vir wan-neer Mars en die beheervraat, Pluto, op die 13de byeenkom omdat dit skokgolwe deur jou lewe sal stuur. Gelukkig is een van jou sterkpunte om nie te emosioneel te raak nie – iets wat soms situasies kan skeeftrek. Solidariteit tussen jou en jou span is nou belangrik. GELUKKIGE NOMMERS 11, 24, 43, 45, 41, 16 WATERDRAER: TEMAS ◼ Enig in hul soort en die oorspronklike hippie ◼ Moet hulle nie inperk nie, hulle is hul tyd ver vooruit ◼ ’n Rebel en ’n baanbreker ◼ Eksentriek maar straatslim ◼ Niks kan hulle skok nie, hulle is komkommerkoel ◼ Hul…

GROOT BLOKRAAI WEN ’N BOEK VAN QUEILLERIE PLUS KOM IN AANMERKING VIR DIE MAANDELIKSE TREKKING VAN R1 000. NO 2 530 KOMPETISIEVRAAG Watter antieke Griekse stad is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week se prys is Monster deur Rudie van Rensburg (Queillerie, R320). Die voering van oudspeurder Carl Bester se lewe torring los toe sy verhouding met Sarah Theron eindig. Hy sluit aan by die Kaapse tak van Mercurius, ’n gesiglose CIA-steunpilaar. Intussen word ’n wêreldbekende Saoediese joernalis in ’n konsulaat in Istanbul vermoor en ’n SA joernalis is ’n onwillige ooggetuie. Hy besef dinge is plofbaar, maar as hy sy kaarte reg speel, wen hy dalk groot. Gevolge van dié joernalis se besluite kring…

DIE Amerikaanse maatskappy Space Perspective het onlangs ’n prototipe van hulle kapsule onthul waarin toeriste onderaan ’n spesiale ballon tot op die rand van die ruimte gevoer sal word. Ja, die meeste ouens sal maar lekker skepties wees oor enige plan om mense met net ’n ballon ruimte toe te stuur. Jy sal dalk reken so iets sal nie veel verder vorder as ’n konsep in ’n baie idealistiese verbeelding nie. Maar it’s giving! Dié innoverende besigheid van Florida het al veel verder gevorder as net ’n blink plan. Hulle het klaar ’n toetsmodel van hul ruimtekapsule gebou, wat sal bekendstaan as Spaceship Neptune. Toetsvlugte, eers onbeman en daarna met dapper toetsbemanning, word reeds vir later vanjaar beplan. Die wêreld het reeds drie jaar gelede van Space Perspective gehoor toe…

WELKOM TERUG, ARI Daar is niks so lekker soos om te hoor dat een van ons gunstelingsangeresse terugkom ná jare se stilte nie. Maar dan is ’n mens bang hulle nuwe musiek kan ’n massiewe flop wees. Hierdie keer hoef jy nie bekommerd te wees. Hallo! ? Ons praat hier van Ariana! “Yes, and?”, haar eerste liedjie sedert haar album Positions van 2020, het onlangs boaan die Billboard Hot 100-trefferlys gespring. “Ek is só emosioneel,” het sy op sosiale media gesê. “Dankie uit die diepte van my hart aan my aanhangers, die ongelooflikste engele in die wêreld, vir die liefde wat julle vir my en my liedjie gewys het.” Ons het self al so baie na die song geluister, ons is glad nie verbaas dis klaar in Spotify se top-20…

DIE viool is ’n snaarinstrument wat gemaak is van omtrent 70 stukke hout, almal gekies om die werking van die instrument te verbeter. Al die groot dele word noukeurig uitgekerf en met spesiale gom aanmekaargeplak. Daarna word die kleiner stukke bygevoeg. Ons kyk na hoe van die belangrikste dele bydra tot die werking van die viool as ’n geheel. SÓ WORD ’N VIOOL GESPEEL Die viool word vasgehou deur dit op jou linkerskouer te laat rus en met jou ken in plek te hou. Die speler se linkerhandvingers druk teen die snare op die greepbord om die toonhoogte van die note te verander. Die regterhand beheer die strykstok, wat oor die snare gestryk word om klank te skep. As jy 10 jaar of ouer is, behoort jy ’n volgrootteviool te…

DIE koningin het goed geweet haar tyd was min. Sy het mooi nagedink oor waar sy haar laaste dae wou deurbring, en dit met die familie bespreek. Tot aan die einde wou sy nie onnodige ongerief veroorsaak nie. “Daar was ’n tyd toe sy gevoel het dat dit moeiliker sou wees as sy op Balmoral in Skotland sterf,” vertel prinses Anne. Elke monarg sedert die ontstaan van die Verenigde Koninkryk is in Engeland dood. “Ons het haar probeer oorreed dat dít nie haar besluit moet beïnvloed nie. So ek hoop sy het op die ou end gevoel dit is reg.” Die presiese oorsaak van die koningin se dood, sê ’n goeie vriend van die familie, sal nooit bekend wees nie, aangesien sy in haar laaste jaar aan verskeie toestande gely…

VRA hom oor boeremusiek en jy begin verstaan hoe die hele geneuk kon begin het. Want as Willem Viljoen eers begin praat oor die musiek waarvoor hy so lief is, sukkel hy om stil te bly. Hy het báie om te sê. Dit was immers die klanke waarmee hy grootgeword het – dis vir hom deel van sy eie geskiedenis, en ook die geskiedenis van sy kultuur. Willem is die seun van die musiekikoon Ollie Viljoen, die legendariese “oom Ollie” wat sulke groot voetspore in die wêreld van boeremusiek getrap het. Maar hy is ook die aanbieder van die radiostasie RSG se program oor boeremusiek – en dís waar die klanke van die konsertinas onlangs ’n kakofonie van onmin veroorsaak het. Willem het op die lug in sy program Vastrap…

LOUIS Botha en RACHIE VAN STADEN staan later vandeesmaand voor die kansel. Die boer van Ottosdal in Noordwes het liefde by die veearts gevind in die 15de seisoen van die kykNET-maatsoekreeks Boer soek ’n vrou. Rachie is eers met ’n kombuistee bederf wat spesiaal deur haar ma, Sannie-Esther, en strooimeisies vir haar gereël is. “Dit was baie spesiaal,” sê Rachie. “Dis die grootste voorreg om soveel vroue in my lewe te hê wat ek weet my in alles ondersteun. “Dis só lekker om saam met hulle opgewonde te kan wees oor die nuwe fase wat ek en Louis gaan betree.” Sy sê die hoogtepunt van die dag was om te sien hoe almal saam opgewonde is, en om sommer net saam te kan feesvier. “Al die vroue wat daar was,…

BRAD & INES BRAD PITT (60) en die juweliersontwerper INES DE RAMON (31) het glo die skoot hoog deur. Die twee is “passievol verlief”, maar albei finaliseer nog hul onderskeie egskeidings – Brad van Angelina Jolie, en Ines van die akteur Paul Wesley. ROSALÍA & JEREMY Die Spaanse sangeres ROSALÍA (31) en die akteur JEREMY ALLEN WHITE (32) word ál hoe meer in die openbaar saam gesien. Volgens ’n bron was hulle eers vriende voor hulle in Oktober romanties betrokke geraak het. SELENA & BENNY Vriende van SELENA GOMEZ (31) meen haar romanse met die musiekvervaardiger BENNY BLANCO (35) is die ware jakob. “Sy voel baie tuis en op haar gemak by Benny.” Die twee het hul eerste verskyning saam op die rooi tapyt gemaak by die Emmytoekennings verlede maand.…

Travis (’n skuilnaam) was tot taamlik onlangs ’n paar jaar lank ’n inwoner van Wilgenhof. Hy stem in om oor sy ervaring met Huisgenoot te praat, want hy wil onderskei tussen die waarheid en moontlike oordrywing in onlangse onthullings, sê hy. Hy wil die regte inligting deel om die besonderhede wat reeds in die media aan die lig gekom het die regte konteks te gee, verduidelik hy. Hy sê hy wil beklemtoon sy jare in die koshuis was vir hom ’n “verrykende” ervaring gewees. “Ek was buite my gemaksone omdat ek nie van dieselfde demografie was as die meerderheid in die koshuis nie. Ek moes leer aanpas.” Hy bevestig die onlangse bestaan van die Nagligte en sekere strafpraktyke, maar sê studente moes vooraf toestemming gee om deel te neem aan…

OF JY tuis bly vir ’n romantiese ete, uitgaan saam met jou geliefde, of dalk Valenstyndag saam met jou vriendinne vier, daar is geen beter manier om dit te doen as met ’n stralende voorkoms nie. Kies of jy pret wil hê in pienk, romanties wil wees in gedempte kleure, wil skitter in goud, of onderbeklemtoonde grasie wil uitstraal in sagte glansryke skakerings. Brunch met vriendinne PRET IN PIENK ’n Laat ontbyt saam met jou besties vra vir helder lippe. Dit straal selfvertroue, speelse energie en hope pret uit. Hier’s die produkte wat jy kan gebruik vir helder lippe gekombineer met ’n andersins vars gesig. KRY DIE VOORKOMS → Wend ’n hidrerende basislaag aan ’n skoon vel wat reeds bevog is. → Tik ’n bietjie vloeibare verligter aan die hoogste…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie, en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur ’n e-pos na vravirirma@gmail.com of SMS Vra vir Irma gevolg deur jou vraag na 36489. HOE HANTEER EK MY KIND SE WEGGAAN? V My hart is so seer vandag. Ons het my seun die naweek universiteit toe geneem en dit was vreeslik om vandag terug te keer na ons huis sonder hom. Ek het baie hard probeer om dapper te wees, maar toe die wiele by die kampus se hek uitrol, toe is ek ’n reënstorm. Al het ek geweet…

TRUTH OR DARE Tyla Dié SA sensasie het in 2023 wêreldwyd haar stempel afgedruk met haar treffer “Water”, wat opgevolg is met haar enkelsnit “Truth or Dare”. Dit vertel hoe Tyla ’n ou vlam besoek, maar hierdie keer is sy ouer en wyser, en gaan sy nie so maklik vir sy sjarme en beloftes val nie. As deel van haar debuutalbum, Tyla, is “Truth or Dare” nes “Water” ’n ritmiese oorwurm wat jy nie maklik uit jou kop kry nie. Oor haar sukses sê Tyla sy is geseënd. “Ek werk die afgelope twee jaar aan my musiek, en ek is verheug om dit met die wêreld te deel.” KUSLYN- KOORS Aya Nixon Aya maak al musiek van 2017 af, maar die uitreiking van die enkelsnit “Kuslynkoors” op die hakke van…

NIS + MARK = NISMARK Uit die Frans niche en nicher (“om ’n nes te maak”) en die Middelengels market, wat weer uit die Latyn mercātus, mercor (“ek dryf handel, ek koop”) en merx (“ware, handelsware”) afkomstig is. ’n Mark is ’n groep mens wat dalk jou handelsware of dienste sal wil koop. ’n Nismark is ’n relatief klein en gespesialiseerde dog winsgewende mark. SYFERSTORIES 1,6 Soveel kilometer hoog is ’n ondersese berg wat navorsers ontdek het terwyl hulle die seebodem van Guatemala gekarteer het. Dis twee keer so hoog soos die hoogste mensgemaakte struktuur, die verstommende wolkekrabber Burj Khalifa (828 m) in Dubai. Seeberge vorm gewoonlik uit die oorblyfsels van uitgedoofde vulkane. Dié berg in die dieptes, wat die Schmidt Ocean Institute met ’n soort sonar-ultraklanktoestel opgespoor het, beslaan…

1 Die 24-jarige se eerste treffer, “Ella baila sola” (Sy dans alleen) het hom ’n internasionale sukses gemaak. Dié liedjie is reeds meer as 1 miljard keer op Spotify geluister en byna 500 miljoen keer op YouTube gekyk sedert dit net nege maande terug uitgereik is. “Ek voel nederig en dankbaar dat my musiek die topposisie op YouTube gemaak het,” het Peso aan Hollywood Reporter gesê. Sy musiek is verlede jaar meer as 8 miljard keer op YouTube gekyk. 2 Dis op TikTok waar “Ella baila sola” die eerste keer sukses behaal het. Die enkelsnit het viral gegaan op TikTok en het die eerste Mexikaanse liedjie geword wat die Billboard Hot 100 se top-10 haal. 3 Peso is hier om te bly. Hy’s steeds die heersende koning van “corridos tumbados”, ’n moderne weergawe…

DIE Jaar van die Draak is ’n energieke jaar vol nuwighede, gebeure en ontdekkings. ’n Positiewe gees heers en gee jou planne flair. Dit hou wonderlike moontlikhede in, maar jy moet kanse aangryp. Wat is jou vooruitsigte? Kyk watter dier oor jou geboortejaar heers. Omdat elke Chinese jaar laat in Januarie of vroeg Februarie begin, moet mense wat in hierdie tyd verjaar, die datum nagaan waarop die Chinese jaar in hul geboortejaar begin het om te bepaal onder watter teken hulle gebore is. ROT 1936, 1948, 1960, 1972, 1984, 1996, 2008, 2020 Hulle is sjarmant, stylvol en vriendelik. Geen wonder Rotte kom goed met die meeste mense oor die weg nie. Hulle kan geleenthede blitsvinnig raaksien en het goeie vaardighede en oordeel. Rotte geniet ander se geselskap en heg veral…

‘DIS ’N MALHUIS MET AL DIE BABAS. MAAR ONS SOU DIT NIE ANDERS WOU HÊ NIE’ DIKWELS is daar enetjie wat huil en enetjie wat soek na iets om aan te peusel. Altyd enetjie wat iets vra. Hulle het verskillende behoeftes, en hulle is ’n handvol. Dis wat jy kry as jy binne ses maande uitbrei van ’n gesin van vier tot een van ses – en as jou twee jongstes boonop net vyf maande uitmekaar gebore is. Maar vir John Legend en Chrissy Teigen is dit ’n droom wat waar geword het: ’n groot, raserige huishouding. “Dis ’n malhuis met al die babas,” sê Chrissy (38). “Maar ons sou dit nie anders wou hê nie.” Ja, dit was ’n opdraande stryd om hul huis in Beverly Hills vol kinderstemmetjies…