Indholdsfortegnelse for 18 April 2024 i Huisgenoot

1 SÝ WAS DIE HARTEDIEF Brendan Peyper het Janae Stander gekies nadat hy in Op my eish! na liefde gesoek het, maar ongelukkig was die romanse van korte duur Wow, dit was alles so mooi gewees. Die rokke, die vroue, Brendan en ook die venue. Ek het my verkyk aan die drie mooiste vroue in hul spogrokke. Ek gaan die program en al die vroue baie mis. RIANA My gunstelinge was Rachelle en Katja. Julle is droomvroue vir enige man. Julle is pragtig, spontaan en selfstandig. Die regte mens sal julle op die regte tyd baie gelukkig maak. Vertrou en glo dit. Baie seënwense vir julle twee. HANNELIE En daar val 13 weke se kyk toe so plat soos ’n pannekoek wat my betref. Rachelle is duidelik die oulikste en standvastigste…

WATER is my lewe. Die strand by Durban en die see. En hy. Hy was daar besig om reg te maak om die Midmar-myl te swem toe ek hom die eerste keer sien. Toe al het ek geweet hy is die man vir my. Maar dit was in die kerk by die dans vir die Downs-deelnemers daardie aand toe my hart vol word. Ek het hom saam met sy vriende sien staan, toe vra ek: Wie is hierdie? Ek het toe al gesê ek wil met hom trou. Hy het na my pa gekom en gevra of hy sy dogter kan ontmoet. My pa het gesê: “Ja, natuurlik kan julle saam dans.” Hy het in Johannesburg gebly, maar hy het baie by ons kom kuier. Ek was nooit voorheen verlief…

HY HET alles verloor. Sy huis, sy kar, sy waardigheid en sy wil om te leef. Hy het op die vloer geslaap in sy kind se ouma se huis. In dié tyd het hy ook gedraai van die een vriend na die ander vir ’n bed, ’n bord kos of koekie seep. Die ergste was toe hy en sy dogter nie meer onder een dak kon woon nie omdat hy nie meer vir haar kon sorg nie. “Ek het selfvernietigend geword. Ek wou myself dood drink. Ek wou nie meer leef nie.” Aan die woord is die akteur Marlon Roelfze wat in Maart sy eerste behoorlike salaris in sewe jaar ontvang het. Nie as akteur soos die land hom leer ken het nie, maar as motorverkoopsman in Pretoria. Marlon (50)…

ROKKE PATRONE EFFEKLEUR DIT EN DAT TOPS BROEKE & ROMPE SKOENE STEWELS TEKKIES AANGLIPSKOENE HAKSKOENE BYKOMSTIGHEDE OORBELLE HALSSNOERE SONBRILLE3 HANDSAKKE KRY DIT HIER AFI SHOP.AFRICANFASHIONINTERNATIONAL.COM; BASH.COM; BATHU.CO.ZA; BLACKBETTYDESIGN.COM; COLLECTIVEANDCO.CO.ZA; DESRAY.CO.ZA; FREEDOM OF MOVEMENT 066-185-8879; IMPRINTZA.COM; KONKHE.CO.ZA; LEIGHSCHUBERT.COM; MALONDIE.CO.ZA; MARETHCOLLEEN.COM; MEANDB.SHOP; MERAKIJEWELLERYDESIGN.COM; QUEEN SHEILA SHOPWGP.COM; ROF-STYLE.COM; SAINTANDSUMMER.CO.ZA; SOEKSUNGLASSES.CO.ZA; SWEETPEAS.CO.ZA; VAYA4IT.CO.ZA; VELDSKOEN.COM; YDE 021-203-0083 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

MY GEDULD IN DIE WINKELS IS OP V Ek kan nie meer nie. Ek het vandag besluit om uit die winkels te bly, want ek gaan aan ’n beroerte beswyk. Met my weeklikse aankope vanoggend het ek by die betaalpunt gevra waarom die kos so gegooi word nadat dit geskandeer is. Die sjokolade het onder meer in stukke gebreek binne-in die omhulsel. Die bestuurder wat nader gestaan het, het toe te vertelle dat personeel dit geleer word om tyd te spaar. Ek was verstom en het aangedring op nuwe sjokolade. By ’n ander kruidenierswinkel staan ek in die ry tot ’n outomatiese stem my na ’n betaalpunt stuur. Die oomblik toe ek voor die dame staan, gooi sy ’n armstrek en enorme oopmond gaap. Sy val amper van haar stoel…

RAM 21 MRT – 19 APR Die kollig val tans op kwessies rondom geld. Al voel jy optimisties dat jy deur ’n gelukkige fase gaan, kan jy net so maklik die waagstuk verloor. Wees dus eerder bestendig en konsekwent met die hantering van jou geldsake. Met die lig van die volmaan op die 24ste kan jy nie aan die werklikheid van jou skuld ontsnap nie. Om te kla sal nie help nie; aksie is nodig. TWEELING 21 MEI – 20 JUN Jy doen dalk jou bes om ’n goeie vriend tevrede te stel, maar niks is skynbaar genoeg om sy/haar guns te wen nie. Miskien moet jy net terugstaan en jouself afvra hoekom hierdie persoon vir jou so belangrik is. Dis dalk ’n herhaling van ’n ou patroon om goedkeuring…

Die deelnemers moenie op hul baadjie getakseer word nie, sê Leroux. “Jy dink jy sien ’n sterk, ge- spierde man, en jy het ’n vooropgestelde idee van die rol wat hy gaan vervul, maar dan verras hy jou. “Of jy sal sien iemand is in diep water, dan dink hulle strategies en weeg eindelik genoeg.” Albei spanne het verskillende aanslae, voeg hy by. “Die twee plase verskil hoe dit in stand gehou word, en die spanne se speelstyle verskil ook. Dis interessant om te sien waaraan hulle voorkeur gee, en waar hul krag en swakheid lê. “Dis iets wat ons nie kon voorspel het toe ons die spanne saamgegooi het nie, so dis wonderlik om te sien hoe die kombinasie eindelik werk. “Dis eintlik werklik fassinerend om dit dop te…

“Jy moet net onthou,” begin hy gewigtig, “sy was skoukoningin! Ek sien haar helder voor my oog. Te pragtig agterop ons buurman se lorrie by die skouterrein op die rooi kombers wat oor die stapel lusernbale gegooi was vir haar om op te sit. ’n Ware koningin. Al om die arena het die buurman met haar gery.” “Dis baie jare gelede wat haar blinkpapierkroon agter op die lorrie geskitter het, Pa. En die kombers is net oor die bale gegooi omdat sy ’n baie kort rokkie aangehad het en die strooihalms in haar bene en boude gesteek het.” Boonop is Miriam op die lorrie om die arena vertoon net ná die koeie om die baan gelei is. Dit onthou ek ook goed. Die aroma van koeimis wat onder die lorrie…

WYS Jannie sit ’n foto van sy pa en ma in sy skooltas. Sy ma sien dit en vra: “Hoekom vat jy die foto skool toe?” Jannie: “Want die skoolhoof kerm omtrent elke tweede dag dat hy julle wil sien.” WOLLIE, PRETORIA DIE KAT KOM WEER Gehoor hoekom katte altyd so goed met videospeletjies is? Want hulle het nege lewens. L. SAAYMAN DIE BOODSKAPPE VLIEG Twee mossies groet mekaar voor elkeen sy eie rigting in vlieg. “Ek bel jou later,” sê die een. “Ag, ek twiet sommer terug,” antwoord die ander. SAN MARCHAND KUBERVERKLIKKER Pasop vir hierdie nuwe app op Facebook wat jou wys hoe jy gaan lyk as jy oud is. My vriendin het haar seun laat “ouer word” en toe lyk hy nes die buurman! DENISE, PRETORIA FYNPROEWER…

1 Wat is die hoofstad van Suid-Korea? 2 In watter land is Machu Picchu? 3 Wat is die naam van die seerowerkaptein in Peter Pan? 4 Op watter datum word Vryheidsdag in Suid-Afrika gevier? 5 In watter sport gebruik jy terme soos “arend” en “putjie”? 1 Seoel2 Peru3 KapteinHook4 27 April5 Gholf BRONNE EDITION.CNN.COM, BBC.COM, THEGUARDIAN.COM, MG.CO.ZA, NEWS.ARTNET.COM, SMITHSONIANMAG.COM, THECONVERSATION.COM, NZHERALD.COM, DOGONEWS.COM, ALJAZEERA.COM, INDIANEXPRESS.COM, WIKIPEDIA.ORG, NETWERK24, LATIMES.COM…

YEE-HAW! Dis countrymusiek se tyd om te skitter. Wel, in Amerika skitter dit al donkiejare lank, maar danksy Beyoncé se nuwe album, Cowboy Carter, het country wêreldwyd trefferlyste oorgeneem en talle rekords laat spat. Beyoncé maak nie musiek saam met enigeen nie, maar op dié album het sy haar miljoene aanhangers bekendgestel aan ’n jong rapper wat nie in een nie, maar in twee van die liedjies op die album gehoor kan word. Hier is vyf dinge wat jy moet weet oor dié Amerikaanse rapper wat saam sing in die liedjies “SPA-GHETTII” en “SWEET ★ HONEY ★ BUCKIIN’”. 1 Shaboozey, gebore in Amerika, is ’n sanger en rapper wat veral bekend is vir sy country-hiphop-musiek. Sy enkelsnit “Let It Burn” is al meer as 9,5 miljoen keer op Spotify geluister. 2 Hy…

DIS dikwels een van die roerendste oomblikke op ’n bruilof wanneer die bruidegom sy hande om sy vrou sit en op die maat van ’n romantiese liedjie die dansbaan open. Maar toe Abigail Hensel en Josh Bowling onlangs dié dansie op hul troue aanpak, het dit effens anders gelyk – Josh se nuwe skoonsuster, Brittany Hensel, moes saamdans. Sien, die tweeling Abigail en Brittany is sedert hul geboorte vas aan mekaar. Die grootste deel van hul torso’s is gedeel, en hulle het net twee arms en twee bene, wat hulle op die oog af amper soos iemand met twee koppe laat lyk. Dié twee kan nie geskei word nie, want hoewel elkeen haar eie hart, longe, maag en een nier het, deel hulle ’n dikderm, blaas, rektum en geslagsdele. In…

KORT gelede was mans van Mars en vroue van Venus. Deesdae word mense gesien as “Golden Retrievers” of “Black Cats”. Dis die nuutste manier waarop aanhangers op TikTok hul gunsteling-sterre etiketteer. Golden retrievers word beskou as mense wat opwindend, lojaal en nie skaam is om hul gevoelens te wys nie, asook baie ondersteunend is. Die swart katte, aan die ander kant, word beskryf as introverte wat nie baie sosiaal is nie en min emosie wys. Die golden retriever waaroor waarskynlik die meeste gegons word, is TAYLOR SWIFT se kêrel, TRAVIS KELCE, wat nie skaam is om sy bewondering vir haar te wys nie. Van sy eerste poging om Taylor (34) van hom bewus te maak by een van haar konserte, tot boodskappe op die voetbalveld en vlugte oor die aardbol…

In die Kaap is daar ’n woord wat verduidelik hoekom ons woorde uit ander tale in Afrikaans gebruik. As jy in jou buurt rondstap en ’n baie mooi blom sien groei, dan stap jy na die mense se deur toe en jy klop aan. Jy vra mooi of jy ’n steggie of ’n saadjie of ’n bol kan kry. En by die huis plant jy hom in jou “aankloptuintjie”. En as iemand eendag aan jóú deur klop, dan gee jy weer sonder om te huiwer. Taal is ’n aankloptuintjie. ’n Gentleman, ’n lady, ’n gin-en-tonic. Dit kry ons uit die Engelse country garden. Maar ons braai in ’n lapa (van Sotho). Trouens, ons is foendi’s (Zoeloe) as dit kom by braai. Indoenas (ook Zoeloe) van steak en tjop (Engels). Soesji…

Wat is geluk vir jou? Geluk vir my is vryheid. Wanneer en waar was jy op jou gelukkigste? Ná die koms van my kinders. Wat verveel jou? Mense wat skinder en mense wat kla. Waaroor is jy spyt? Dat ek in my 20’s en 30’s te veel tyd gemors het aan verhoudings wat redelik voor die hand liggend nie gewerk het nie. Hoe sal die mense wat jou goed ken jou beskryf? Hopelik as liefdevol en kind. Bietjie van ’n weirdo. ’n Diepduiker, intens, eksentriek, baie eerlik, te eerlik. Soms kreatief. Wat is jou beste eienskap? Die feit dat ek nogal vir almal spasie gee om hulself te wees. Wie of wat kan jy nie verduur nie? Kleinigheid. Die Engelse woord is pettiness. Wie is jou helde? Ek voel so half…

Tammy Taylor, die uitvoerende hoof en stigter van Tammy Taylor’s Nails International, dagvaar die Viljoens luidens berigte vir $100 miljoen. Sy voer aan die regte wat sy hulle gegee het om haar produkte in Afrika en Australië te verkoop en salons in Afrika te ontwikkel het in onderskeidelik 2022 en 2021 verval. Sedertdien gebruik die Viljoens volgens haar die handelsnaam sonder dat hulle mag. “Mel en Peet Viljoen is nie lisensiehouers of verspreiders van Tammy Taylor Nails-produkte nie – albei die voorheen bestaande kontrakte is beëindig. Die Viljoens het nie die reg om ons handelsmerk te gebruik nie en hulle het dus nie die reg om lisensies aan ander mense toe te staan nie, mense op te lei of naelskole en salonne in die Tammy Taylor-naam oop te maak of…

HULLE is ’n uiteenlopende klompie en jy kan jou beswaarlik indink dat hulle iets in gemeen kan hê. Daar’s Wilhelmien Wolkop, ’n hippie van die dorpie Tukani wat graag kaalvoet in die reën dans en wilde perde bloots ry. Daar is die vaalseun Kevin wat in die flambojante fopdosser Iris Rainbow ontpop wanneer die son gaan slaap. En daar is ’n wildveearts, ’n onnie en ’n geoloog. Tog is daar iets wat hulle saambind. Hulle leef almal die soort opwindende lewe waarvan die meeste van ons net kan droom – en daar’s geen tekort aan drama nie. Stralerjakker-eskapades, skandalige affairs en die dubbele lewe van ’n geheime agent … in hul wêreld is enigiets moontlik. En, o ja, dié uiteenlopende groepie het nog iets in gemeen – hulle is almal…

ONS almal bring te veel tyd op ons sitvlak deur – of dit nou voor jou rekenaar is terwyl jy werk, of terwyl jy besig is om televisie te kyk. Maar om al sittend deur die lewe te gaan, is nie goed vir jou nie. ’n Nuwe studie deur navorsers aan die Universiteit van Kalifornië het selfs gewys deelnemers wat meer as 11 uur per dag sit se risiko om te sterf is 57% hoër as dié van mense wat minder as nege uur per dag sit. En selfs dít is baie. Ander navorsing wys weer dis voordelig vir jou gesondheid om elke halfuur op te staan. As jy langer as dit stilsit, verhoog jou bloeddruk en suikervlakke. HOE AFFEKTEER TE VEEL SIT JOU? ◗ Dit verswak jou been-en boudspiere.…

As jy verlede jaar die eerste seisoen van Plaasjapie misgeloop het, moet jy nie dieselfde fout met die tweede seisoen maak nie. Die kanaal het uit hul pad gegaan om ag te slaan op kykers se terugvoer oor die eerste seisoen, en die formaat heelwat verander vir daardie ekstra boeiende plaasmanewales. Daar is weer 16 stadsjapies wat na ’n plaas geneem word – dié keer net buite Malmesbury. Hulle word in spanne gedeel, neem aan uitdagings deel, stem mekaar uit én moet tussen alles deur boonop hul plaas versorg. Dis baie soos Survivor, maar hier is dit die een wat kan oorleef in die stof en mis, strategies kan dink, en weet wanneer om die nuwe “pekelpennie” te speel. “Die gehoor het ná die eerste seisoen gesê hulle sal meer…

Dis ’n jaar om te onthou vir die 22-jarige Tyla Seethal. Sy het nie net in Februarie ’n Grammy losgeslaan as beste Afrikakunstenaar nie; haar debuutalbum getiteld Tyla het ook pas aan die einde van Maart verskyn. Hierdie album, wat sy uitreik skaars vier jaar nadat sy die bedryf betree het, is ’n kombinasie van R&B, pop, Afrobeats en amapiano-klanke in 13 snitte (met ’n inleiding van 41 sekondes om die atmosfeer te skep). “Die mense wat mal was oor ‘Water’ gaan net so mal wees oor hierdie album,” sê Tyla. “Elke liedjie het sy eie boodskap – party is gelukkig, waar ander hartseer is. Maar ál die liedjies is ’n vibe.” Vandag nog moet sy haarself knyp om seker te maak sy leef nie in ’n droom nie, vertel…

BONGANI se ma staan langs ou mevrou Mathapelo en staar onseker na die kunswerk voor hulle. Dis die derde skildery wat hulle vanaand bekyk. Sy het vroeër al besef dat sy geen idee het waarom almal so baie van die werke hou nie. Sy neem ’n teugie van die gratis rooi wyn en trek haar lippe vir die suur smaak. “Ek weet nie hoe die kinders die goed kan drink nie,” sê sy en sit die wynglas op ’n tafeltjie neer. Sy soek na haar seun tussen al die mense in die bedompige galery. Bongani staan saam met ’n groepie gaste voor nog ’n skildery, hard aan die verduidelik. Hy het vir haar en ou mevrou Mathapelo kom hallo sê toe hy hulle raakgesien het, en toe is hy vinnig…

GROOT BLOKRAAI WEN ’N BOEK VAN TAFELBERG PLUS KOM IN AANMERKING VIR DIE MAANDELIKSE TREKKING VAN R1 000. NO 2 540 KOMPETISIEVRAAG Watter soort voël is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Johan Fourie se Skatryk (Tafelberg, R340). Wat maak Jeremy Irons in die reënwoud? Waarom speel die Japannese rugby? Hoe kon ’n fliek Stalin verleë maak? En wat het ’n Indonesiese vulkaan, Frankenstein en die Groot Trek in gemeen? Dis maar enkele vrae wat Johan Fourie, gewilde Rapport-rubriekskrywer, onderhoudend verken in dié heerlik leesbare ekonomiese geskiedenis wat strek van die migrasie uit Afrika 100 000 jaar gelede tot vandag. Skatryk is ’n boeiende relaas wat ons wys hoe welvaart geskep en…

TOE die Tweede Wêreldoorlog in 1939 uitbreek, is daar ses jaar lank oral in Europa belangrike geboue van historiese en kultuele waarde vernietig. In 1945, toe die oorlog eindig, is Unesco gestig. Dié Engelse afkorting staan vir United Nations Educational, Scientific and Cultural Organisation. Die doelwit van dié organisasie van die Verenigde Nasies (VN) is om vrede te bevorder deur opvoeding, wetenskap en kultuurerfenis. WAT DOEN UNESCO? Unesco wou ná die oorlog wêreldwyd vrede bewaar. Daarom ontwikkel hulle gemeenskappe wat swaarkry en fokus op basiese behoeftes asook respek vir mekaar se kultuur en erfenis. Unesco help 195 lidlande met die reg op basiese opvoeding vir almal en ondersteun die wetenskap en kultuur. Hulle borg die bevordering van wetenskap, geletterdheid, tegniese opleiding en opleidingsprogramme vir onderwysers. Hulle help ook met ontwikkeling…

Nog ’n prettige seisoen van Die Babbelbende is nou volstoom aan die gang! Kyk saam na seisoen 2 op huisgenoot.com. In dié aanlyn kinderreeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer oor ons wêreld leer. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Oor naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook media24shop.com om jou eie Paloeka-of Palawa-pop of die Babbelbende se Groot Storieboek te bestel. Kom leer ken…

SOMS sou die jong dokter tydens sy diensjare in openbare hospitale of klinieke met sy hande vol bloed in die ongevalleeenheid staan terwyl hy iemand probeer help wat vyf keer geskiet is. “Dan sou iemand anders inbars en daarop aandring om gehelp te word.” Daar was geen manier hoe hy daarby kon uitkom om almal gelyk te help nie – dít moes Juandré Klopper gou besef. Die werklikheid het hom hard getref. “Ek weet van iemand wat eenkeer 24 uur gewag het om gehelp te word,” onthou hy daardie dae. “Daar is eenvoudig nie genoeg dokters in die stelsel nie.” Die nood in Suid-Afrika se openbare gesondheidsektor is vir niemand nuus nie. Stories oor mense wat dae lank toustaan of in gange rondlê om – soms vergeefs – op hulp…

BYNA weekliks verskyn nuwe foto’s van Bianca Censori, die musikant Kanye West se vrou. En elke keer wil ’n mens vra: Genugtig, wat drá die vrou?! Daar’s die keer toe sy in ’n deurskynende plastiekreënjas en swart stewels op straat gesien is, sonder klere daaronder. En die keer toe sy ’n goudkleurige lyfpak met ’n pers kussing oor haar borste gedra het. Onlangs het sy gekleurde sykouse aangehad sonder onderklere, met ’n band oor haar bors. Elke keer wys haar uitrustings nog ’n bietjie meer lyf en raak dit moeiliker om te beskryf, meer bisar en meer skandalig. Op ’n onlangse uitstappie na ’n winkelsentrum in Los Angeles het sy in ’n bratop, neongeel sykouse en swart hoëhakskoene verskyn, terwyl haar man ten volle geklee was in sakkerige swart klere.…

ANGELO DAVIDS Sowat 17 000 aanhangers op Instagram hou daagliks asem op om te sien in watter uitrustings dié Stormersster gaan pronk. Hy was nog altyd lief vir mooi aantrek, sê Angelo, maar dit het selfvertroue geverg om dié liefde met die wêreld te begin deel. “Dit hang alles af van hoe ek die dag voel,” sê hy. “Ek gaan maar op gevoel, maar dit moet nice wees.” Sy styl-inspirasie is die All Black Ardie Savea. MAKAZOLE MAPIMPI Die Sharks-rugbyspeler is al lank ’n ambassadeur vir Puma. Hy kan vandag nie eens onthou waar sy liefde vir mode vandaan kom nie. “Ons het nie mode-goed in my grootworddorpie gedra nie, en niemand het my oor klere geleer nie,” het Makazole in ’n onderhoud met GQ gesê. “Maar ek het ’n oog vir…

IN 1984 het dit maar gevrot in baie Suid-Afrikaanse kombuise. Letterlik. Die rede? Adriaan Nieuwoudt, ’n boer van Garies, het duisende mense oortuig hulle sou vinnig ryk word indien hulle sy melkkultuurmonster koop, dit in ’n glas kweek en droog, en die poeier vir hom stuur om skoonhdeidsprodukte te maak. Sowat R140 miljoen is binne nege maande in die Kubuskoning se vrotmelkskema “belê” voor die hof dit in 1985 in die drein afgespoel het. Sy bates van R3 miljoen is afgevat, maar hy het R2 miljoen teruggekry. Adriaan het toe vrot melk vir blink klippies verruil, maar weer was die gereg nie gelukkig met sy sakepraktyke nie. In 1990 is hy vir agt jaar na die Pollsmoor-tronk gestuur vir onwettige diamanthandel, maar ná ’n jaar was hy weer vry. Van…

VIR byna twee dekades was Benita Botha in die kloue van ’n kultusleier wat klimtol met haar emosies gespeel het. Sy is van haar familie vervreem, gedwing om geld by die bank te leen om die selfaangewese “profeet” se gierigheid te bevredig, en haar gesinslewe is vernietig. Tog sou sy enigiets doen vir Yvonne Kruger, wat sy “Moekie” genoem het. En toe sy oplaas uit Die Profetiese Eindtyd Bediening geskop word, was Benita verpletter. “Dit is die ironiese ding … Ek het nie self geloop nie,” sê Benita (nou 50). “Toe ek uitgeskop is, het ek nagte omgehuil. Ek het nie geweet wie ek is nie; ek het nie geweet wie Benita is nie. Ek het geen identiteit gehad nie.” Dis al nege jaar sedert Benita en Yvonne se paaie…

STORIES oor die liefde, ook dié in werklikheidstelevisiereekse, het dikwels ’n gelukkige einde. Die paartjie vind mekaar, liefde blom, ’n toekoms wink. Maar die regte lewe is meer ingewikkeld. Dié wat by die spoggeleentheid in Pretoria se Pheasant Hill-boetiekhotel was waar kykNET se Op my eish! tot ’n einde gekom het, sou maklik kon dink Brendan Peyper en Janae Stander het hul sprokieseinde gekry. Hy, geklee in sy swart pak en strikdas, en sy in haar noupassende silwer aandrok met die lae hals. Omstanders het hulle geesdriftig toegejuig toe hulle hand aan hand aangestap kom. Hier kom ’n ding, sou jy dalk dink. Die pot het sy deksel gevind; en toe is dit liefde. Maar o wee. Toe Huisgenoot later met Peypies in sy huis gesels, vol hoop dat ons…

t – teelepel/s e – eetlepel/s k – koppie/s HOENDERTAGINE MET DADELS en OLYWE GENOEG VIR 4 MENSE / BEREIDING: 15 MIN. / GAARMAAK: 4 UUR ◗ 1 x 400 g-blik fyn tamaties◗ 15 ml (1 e) olyfolie◗ 1 groot rooi-ui, dun gesny◗ 2 knoffelhuisies, fyngedruk◗ 5 ml (1 t) fyn gemmer◗ 10 ml (2 t) fyn komyn◗ 10 ml (2 t) paprika◗ 2,5 ml (½ t) fyn kaneel◗ sout en peper◗ 12 medjooldadels◗ 8 hoenderfilette VIR VOORSIT ◗ 85 g groot groen olywe◗ ’n hand vol gekapte koljander◗ ’n hand vol gekapte platblaarpietersielie◗ koeskoes 1 Verhit jou prutpot op hoog. 2 Plaas die tamaties, olyfolie, ui, knoffel, gemmer, komyn, paprika en kaneel in die prutpot. Geur goed met sout en peper, en meng. Maak die pot toe met die…

DIS NOU maar een van daai dinge: G’n huis hou homself skoon nie. Waar ons leef, raak dinge vuil. Maar wie is lus vir skoonmaak ná al die aktiwiteite van die dag of week? Hier is raad vir hoe jy vinnig met die kombuis se vuil kan klaarspeel. DIE OOND Maak gou-gou’nvuiloondskoon deur dit ’n vinnige stoombad te gee: Vul ’n oondkastrol met water en 125 ml (½ k) wit asyn. Verhit die oond tot 180 °C en laat die water 30 min. kook. Skakel die oond af om af te koel. Gebruik kombuispapier om die vetterigheid mee af te vee. As daar aangebrande gedeeltes in jou oond is, maak ’n pasta van water en koeksoda en bedek die binnekant van die oond met ’n laag daarvan. Los dit 12-24…

STANLEY VENTER (24), motoronderdeleverkoopsman, Pretoria “Ek is hardwerkend, lief vir mense, het ’n borrelende persoonlikheid en is lojaal.” RIAAN SNYDER (30), SHEQ-offisier (veiligheid-, gesondheid-en omgewingsbestuur), Piet Retief “Ek is ’n kragatleet met die hart van ’n Gummy Bear.” LIEZIE WIESE (56), verkoopsverteenwoordiger en bemarker in die boubedryf, Germiston “My hart is groot; soms te groot. Ek sal my alles gee om mense te help, en ek sal veg vir regverdigheid. Ek het ook ’n crazy kant. Ek noem haar Annabel. Sy vat nie nonsens nie.” ETTIENNE DE VILLIERS (36), bruilof-en geleentheidsbeplanner, Pretoria-Oos “Ek is van kop tot tone ’n ekstrovert, en ’n baie doelgerigte man wat wil hê dinge moet te alle tye reg verloop.” LUE KESTER (39), koördineerder in gemeenskapsontwikkeling, Bellville “Ek is ’n avontuurlustige mense-mens, vriendelik en…

DONKERTYD: MY NAAM IS TINA Deur MARIËL LE ROUX LAPA Uitgewers, R325* Haar sesde roman was ook haar laaste, want Mariël le Roux is onverwags in November verlede jaar ná ’n kort siekbed oorlede. Gelukkig het sy die manuskrip van Donkertyd: My naam is Tina voltooi en die voorblad was reeds teen die muur in haar studeerkamer opgeplak, maar die boek sou eers ’n paar maande later verskyn. Mariël het laat in haar lewe eers ernstig begin skryf nadat sy en haar man, Jean, op Hermanus afgetree het. Sy het tot in 2008 deeltyds verpleegkunde doseer aan die Universiteit Stellenbosch. In dié tyd (2007) verskyn haar debuutroman, Wilhelmina: Kampkind op Java. Dit is die ware verhaal van Wilhelmina (Will) van Halewijn, haar ma en twee sussies van Holland wat gedurende…

INDIË se komende verkiesing gaan die grootste een wees wat die wêreld al ooit beleef het. Die vorige grootste verkiesing was ook in Indië, in 2019. Dié Asiatiese land het die grootste bevolking in die wêreld – 1,4 miljard (1,4 duisend miljoen) mense en omtrent 969 miljoen van hulle is stemgeregtig. Dit is sowat 150 miljoen meer as in 2019. (In Suid-Afrika het net sowat 27 miljoen mense geregistreer om vanjaar te stem.) SOVEEL OPSIES! Tydens die vorige verkiesing in 2019 was daar 8 000 kandidate wat Indië se sowat 2 660 politieke partye verteenwoordig het. Uit die kandidate word 543 lede vir die laerhuis van hul parlement (sien Woord van die Week) gekies. Dit staan bekend as die Lok Sabha, oftewel huis van die mense. Die Lok Sabha verkies…

RENEGADE NELL BESKIKBAAR OP DISNEY+ VIR 12+ Nell Jackson bevind haar in ’n ongewenste situasie toe iemand haar valslik van moord beskuldig, en sy word onverwags die berugste voortvlugtige in die 18de-eeuse Enge-land. Maar toe ’n dapper gees genaamd Billy Blind verskyn, besef Nell daar is meer aan haar lot as wat sy ooit gedink het. Louisa Harland vertolk die hoofrol as Nell. WOODY WOODPECKER GOES TO CAMP BESKIKBAAR OP NETFLIX Woody Woodpecker, die animasiekarakter wat in 1940 geskep is en in verskeie kortflieks te sien was, het nou ’n nuwe tuiste: Netflix. In die nuwe fliek word Woody uit die bos geskop en deel ons sy avonture op ’n skoolkamp. Hy glo dat hy ’n ewige tuiste by Camp Woo Hoo gevind het, maar dan dreig ’n inspekteur om…

GESOEK: ’n akteur, verkieslik jonger as 50, wat goed lyk in ’n tuxedo. As hy nog boonop mense se knieë kan lam maak met sy deurpriemende kyk, is dit ’n bonus. Dis g’n grap om die regte mens te vind om ’n sjarmante, martini-drinkende, komkommerkoel geheime agent te speel nie. James Bond is immers James Bond – moontlik die bekendste rol waarna enige akteur kan streef. Sedert Daniel Craig in 2021 vir oulaas as 007 in No Time to Die te sien was, word wyd gegis wie hom sal opvolg. Rolprentmakers sê geen besluit is al geneem nie, maar dit keer nie die bespiegelings nie. Hier is van die vernaamste mededingers. HY IS JONK GENOEG DAT HY VIR MINSTENS ’N DEKADE DIE ROL SAL KAN VERTOLK REGÉ-JEAN PAGE (35) Wie…

OM JOUSELF deel van SEAN ‘DIDDY’ COMBS se binnekring te noem, was op ’n tyd ’n statussimbool. Nou skarrel celebs om seker te maak hul name word nie aan die bekende rapper s’n gekoppel nie. Verskeie bekendes is al teen wil en dank betrek by die bewerings van seksuele aanranding en mensehandel wat Diddy (54) sedert November in die gesig staar. Die polisie het onlangs met lasbriewe op sy eiendomme in New York, Miami en Los Angeles toegeslaan as deel van die ondersoek. Sy prokureur, Aaron Dyer, het hierna aan Us Weekly gesê uitermatige geweld op ’n militêre vlak is gebruik toe sy kliënt se eiendomme deursoek is. Volgens hom is daar geen verskoning vir die buitensporige vertoon van geweld en vyandigheid deur die owerhede óf die manier waarop Diddy…