Indholdsfortegnelse for 9 May 2024 i Huisgenoot

1 ‘WAT HET GEWORD VAN RESPEK?’ Jonger mense het ’n gebrek aan goeie maniere en toon geen respek vir ouer mense meer nie, kla ’n leser. En vra: Wat het dan van goeie waardes geword? Dis onregverdig om ’n generasie oor dieselfde kam te skeer. Ek het twee jong kinders. Hulle het ongelooflike vriende wat mens net met respek hanteer. Dis onnodig om die ganse jonger generasie te probeer verguis. MARIDA Opvoeding, maniere en respek begin tuis. Die kinders groei op soos wat die houding in hul ouerhuis is. Wat mamma en pappa hulle leer. Wat mamma en pappa doen en sê, hoe hulle met mekaar praat en ander behandel. RINA My kinders is geleer om te respekteer. Maar respek word verdien. As jy nie respek het vir my kind nie,…

DIT was die 1995-Wêreldbekerrugby-toernooi. Ek was by ’n kuier iewers in Stellenbosch toe hierdie man daar instap. Hy was daar saam met sy neef wat saam met my op skool was. Kyk hier: mooi, hoor, mooi. Ek het mos ’n ding vir ’n aantreklike donkerkopman. Veral daai jare. My hart het verskriklik vinnig geklop. Ek het butterflies gekry en daar was ’n magnetiese aantrekkingskrag tussen ons. Ons het dadelik gekliek. From the start. Ons het daai jare in Kuilsrivier gebly en by mekaar begin kuier. Dit was love love love, maar ons was baie jonk. Ons het ná ’n ruk besluit om eers te kyk wat die wêreld daar buite bied. Ons was té ernstig en té verlief. ’n Tydjie daarna het hy sy vrou ontmoet en hulle is toe…

Maskers op! Bobaas onderlaag Veelsydige velsorg Pamperlangpakkie Perfekte parfuum Skrop-skrop skoon Ekstra liefde vir ma KRY DIT HIER AVROY SHLAIN BY SHOP.BYDESIGN.COM/AVROYSHLAIN; BOBBI BROWN BY BOBBIBROWN.CO.ZA; BRAMLEY BY TAKEALOT.COM; ELIZABETH ARDEN EN LELIVE BY WOOLWORTHS 0860-022-002, WOOLWORTHS.CO.ZA; EARTHSAP EN ESSE BY FAITHFUL-TO-NATURE.CO.ZA; LIPSANO BY AVIDBRANDS.CO.ZA; MILK AND HONEY BY POETRY POETRYSTORES.CO.ZA; PORTIA M BY CLICKS 0860-254-257; VITADERM BY SALON33.CO.ZA HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

Prikkelbare dermsindroom (IBS) is soos daai irriterende familielid wat net nie weet wanneer om huis toe te gaan nie. Soms kom kuier hulle ongenooid en bly vir ure, en dan sukkel jy om van hulle ontslae te raak. Dit kan ’n groot, pynlike en ongemaklike impak op jou lewe hê as jy nie weet hoe om dit te bestuur of wat om te vermy nie. ’n Gesonde eetpatroon kan help om die simptome te verlig, maar soos met so baie ander dinge is een van die booswigte wat dit kan vererger ’n hoë stresvlak. WAT IS DIE SIMPTOME? Dit verskil van mens tot mens, maar baie mense sukkel met maagkrampe, moegheid, angs en slapeloosheid. Die maagpyn kan krampagtig of brandend wees. Soms is daar skerp steekpyne, of stadige krampe wat…

NUWE BEGIN: DIE ORANJERIVIER- KOLONIE EN NATAL IN DIE NAOORLOG- JARE,1902-1910 Deur KAREL SCHOEMAN Protea, R420 Die sesde en laaste deel van die reeks Imperiale somer word gewy aan die twee kleinste Britse kolonies in Suid-Afrika gedurende die jare ná die Anglo-Boereoorlog, en meer spesifiek aan Bloemfontein, Harrismith, Pietermaritzburg en Durban. Aandag word ook geskenk aan die swart gemeenskap in Bloemfontein en op die Vrystaatse platteland, die kwessie van deelboerdery wat toenemende weerstand by wit boere uitgelok het en die interne spanning in Natal wat tot die Bhambatha-opstand van 1906 gelei het. Só word die sesde deel op die voorplat opgesom. Die eerste vyf is Imperiale somer: SA tussen oorlog en unie, 1902-1910; Rekonstruksie: Die naoorlogsjare in SA, 1092-1905; Babilon: Johannesburg in die koloniale tydperk, 1902-1910; Herlewing: Transvaal en die…

WEERSIENS Ek het nou die dag na ’n Alkoholiste Anoniem-vergadering toe gegaan. Anoniem my watsenaam, ek het almal daar geken! DENISE, PRETORIA OU NUUS Die proffie was glad nie geskok om te hoor dit het nou mode geword vir die studente op die kampus om saam te slaap nie. Hulle doen dit al immers jare lank in sy klas! ANTON, BELVILLE BYVOORDELE Die blondine is al desperaat om werk te kry en met die onderhoud vra die werkgewer watse vergoeding sy sou verwag. “Meneer” sê sy, “ek is bereid om vir R500 ’n maand te werk so desperaat is ek.” “Net R500 ’n maand? Met plesier!” roep die werkgewer uit. “Nee, meneer, met plesier ingesluit, sal dit jou R1 000 per maand kos.” L. SAAYMAN HARDEPAD ’n Vrou besoek haar…

DIE een se gesig is welbekend, die ander woel nog altyd agter die skerms. Saam maak hulle dit groot pret om jou musikale kennis te toets. En ja, jy kan maar sê dis in hul bloed, want hulle is pa en seun. Die ouer lid van dié wenspan het geen bekendstelling nodig nie. Vir jare was Johan Stemmet een van die groot instellings van Afrikaanse televisievermaak. Wie sal dan die aanbieder van Noot vir noot se kleurvolle hemde en onderbaadjies vergeet? En maak jy jou oë toe, kan jy hom steeds “’n vyftigrandjie vir jou!” hoor uitroep. Maar vandag maak ons ook nader kennis met Carl Stemmet. Op 40 is hy dalk net meer as drie dekades jonger as sy bekender pa, maar hy is ewe nootvas as dit by…

DIE skaatser het pas haar oefensessie op die ys voltooi toe ’n man uit die skadu’s op haar afpyl en haar met ’n metaalstaaf bo die knie slaan. Toe vlug hy terwyl Nancy Kerrigan op die grond krul van die pyn, haar droom van Olimpiese goud verby. Só het een van Amerika se opspraakwekkendste sportskandale 20 jaar gelede begin. Want Nancy se vernaamste mededinger, Tonya Harding, is gou by die FBIondersoek betrek. Tonya was die speekwoordelike lelike eendjie in die sprokiesprinseswêreld van sierskaats. Sy het arm grootgeword in Portland, Oregon, en is deur haar ma mishandel. “Ek moes altyd hoor ek is lelik en vet en niks werd.” Sy het gejag, karre herstel, in biljartkamers rondgehang en gerook. Maar op die ys het sy in ’n swaan verander. Sy was…

Wanneer en waar was jy op jou gelukkigste? Toe ek tweedejaar en 20 was. Ek het ’n afro gehad, was sorgeloos en die wêreld was eenvoudig. Waaroor is jy spyt? Oor die kere in my lewe waar ek nie myself was nie of oneerlik met myself was. Hoe sal die mense wat jou goed ken, jou beskryf? Ek sal hoop hulle sal sê ek is nuuskierig. Wat beïndruk jou in ander? Ek is baie beïndruk met mense wat hulle talente ontgin. Wat is die een ding wat jy nooit sal dra nie? Goedjies om my nek. Wie of wat kan jy nie verduur nie? Ek sukkel met onregverdigheid. Wat is jou diepste put van ellende? Humorloosheid. As jy in ’n verhouding of ’n wêreld moet leef sonder humor, is dit…

t – teelepel/s e – eetlepel/s k – koppie/s MARTINE SE LAMS-KERRIE met SAMBALS GENOEG VIR 4-6 MENSE / BEREIDING: 24 UUR VOOR VOORSIT GAARMAAK: 2 UUR 30 MIN. ◗ 15 ml (1 e) fyn borrie ◗ 22,5 ml (1½ e) paprika ◗ 30 ml (2 e) fyn koljander ◗ 5 ml (1 t) fyn swartpeper ◗ 10 ml (2 t) sout ◗ 30 ml (2 e) gekapte vars knoffel (sowat 6 knoffelhuisies) ◗ 45 ml (3 e) gekapte vars gemmer ◗ 2-4 brandrissies, gekap ◗ 1 kg skaap-of lamsnek of -skenkel (jy kan die skenkel laat opsny) ◗ 2 middelslageiervrugte (500 g), in 2 cm-stukke gesny ◗ 75 ml (5 e) sonneblomolie ◗ 22,5 ml (1½ e) komynsaad ◗ 10 ml (2 t) fenegrieksaad ◗ 15 ml (1 e)…

KRY DIT HIER BABYLONSTOREN.COM 021-863-3852; CHECKERS.CO.ZA 0800-010-709; KNUS.CO.ZA 021-300-2702; MRPHOME.COM 064-584-1000; NIFTYGIFTS.CO.ZA HELP@NIFTYGIFTS.CO.ZA; WOOLWORTHS.CO.ZA 0860-022-002 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

BAIE mense dink nie oor wat hulle alles in ’n dag drink nie. Gestel jy drink ’n koppie koffie met volroommelk vir ontbyt, ’n mangosmoothie ná gim, ’n caffè latte laatoggend, ’n Coke met middagete en ’n glas droë witwyn in die aand. Teen die tyd dat jy in die bed klim, het jy reeds al meer as 3 000 kilojoules weggesluk. Dis dieselfde as om 10 snye bruinbrood te eet. As jy gesond probeer eet, kan wat jy deur die dag drink dalk jou pogings kelder. “Een van die grootste redes vir die toenemende voorkoms van vetsug is dat ons allerhande drankies pleks van water drink,” sê Pippa Mullins, ’n dieetkundige van Johannesburg. WAT BEHOORT EK TE DRINK? Water, water en nogmaals water. Omdat water geen kilojoules bevat nie,…

BUL 20 APRIL – 20 MEI Die Bul is nou die middelpunt van die aksie. En met dié dat die gesellige Mercurius op die 15de jou teken binnekom, is jy in die bui vir partytjies, uitstappies en met mense meng. Dit is ook ’n goeie tyd om met ’n nuwe voorkoms, haarstyl of uitrustings te eksperimenteer, veral as jy voel jy het ’n bietjie glans nodig. Die nuwe baadjie sal jou selfvertroue ’n hupstoot gee. TWEELING 21 MEI – 20 JUNIE Bring tyd in jou eie geselskap deur, al is dit iets waaraan jy dalk nie gewoond is nie aangesien jy so ’n mensemens is. Mercurius maak hom in hierdie privaat gedeelte van jou horoskoop tuis. Dis ’n goeie tyd vir ’n wegbreek of meditasie op jou eie. Die voordeel…

Dié rocker van Bellville is Majozi se plaaslike rolmodel in die musiekbedryf. Die twee het al saamgewerk en opgetree by musiekfeeste soos Rocking the Daisies en Oppikoppi. Majozi sê: “Dis wonderlik om te sien hoe Francois en sy band floreer, en 20 jaar sedert hy die bedryf betree het, is sy liedjies steeds relevant. Dit inspireer my. My gunsteling van Francois is ‘Toe vind ek jou’, wat hy saam met Karin Zoid gedoen het.” Francois sê: “Majozi is een van die vriendelikste en hardwerkendste mense wat ek al ooit ontmoet het. Ek bewonder sy nederigheid. Ons het al saam gewerk, getoer en gespeel, en ek hoop ons gaan nog baie tyd saam deurbring.”…

‘KAREL, hoe laat is dit?!” Ag jinne tog, wanneer wil oom Jakob ’n bietjie laat lê? Hy vra ’n mens elke dag dieselfde ding: Waar is Lietie? Waar is Sammie en Kosie? Maar die belangrikste van almal is, waar is sy vrou? “Karel, hoe laat is dit?!” Die tipe urgency wat deurkom, klink asof die man verslaap het vir werk. “Pa, dis nou eers vyfuur, gaan lê maar nog,” sê klein Kareltjie, soos sy oupa hom noem, met ’n klein bietjie irritasie in sy stem. “O, nee, dan gaan ek maar nog lê, man, waarvoor roep jy my in elk geval so vroeg?” Karel stap weg en skud net sy kop. Oom Meintjies, soos die neighbourhood se kinders Jakob genoem het, was eens diep streng. Alles het ’n tyd gehad…

GROOT BLOKRAAI WEN ’N BOEK VAN TAFELBERG PLUS KOM IN AANMERKING VIR DIE MAANDELIKSE TREKKING VAN R1 000. NO 2 543 KOMPETISIEVRAAG Watter soort gebak is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Die lewe is ’n asem lank, saamgestel deur Frieda van den Heever (Tafelberg, R330). Dié bundel gedigte oor verlies en vertroosting kry sy titel uit Breyten Breytenbach se “26 November 1975”, wat in Ysterkoei-blues verskyn het. Dit lui: Mag die bome groen bly / en die sterre wit, / en mag daar altyd mense wees / wat mekaar sonder skaamte / in die oë kan kyk – / want die lewe is ’n asem lank / en die sterre op…

1 Watter soort blomme word veral met Nederland vereenselwig? 2 Hoeveel vastelande is daar in die wêreld? 3 Wat is die grootste soogdier op Aarde? 4 Wat bestudeer ’n paleontoloog? 5 Watter land het die Statue of Liberty aan Amerika geskenk? ANTWOORDE 1. Tulpe 2. Sewe 3. Blouwalvis 4. Fossiele 5. Frankryk BRONNE: BRITANNICA.COM, USATODAY.COM, NATURE.COM, BBC, CNN, THEGUARDIAN.COM, DOGONEWS.COM, NEWSCIENTIST.COM, GUINNESSWORLDRECORDS.COM, YOUTUBE, REUTERS, INSTAGRAM, SMITSONIANMAG.COM…

FLIEK THELMA THE UNICORN op Netflix vanaf 17 Mei Jammer om die nuus te breek, maar unicorns bestaan nie. Ponies wel. En daar is een wat wens sy was ’n beroemde musiekster- unicorn! Thelma droom daarvan om ’n sanger te wees en op die wêreld se grootste verhoë haar musiektalent te wys. Met ’n aangeplakte stokkie voor haar kop, wat haar ’n unicorn maak! En ’n bietjie glitter en verf transformeer Thelma van ’n onbekende ponie in ’n unicorn. Maar wil sy regtig vir altyd maak of sy ’n unicorn is? REEKS MONSTERS AT WORK Nou op Disney+ Die monsters wat jou wil laat lag is terug vir ’n nuwe seisoen van die gewilde Monsters Inc. - reeks. In dié tweede seisoen word Tylor Tuskmon se reis as ’n grapjasmonster…

ALTESAAM 41 000 e-posse, 350 stemboodskappe, 744 twiets, 106 blaaie se briewe en 46 Facebook-boodskappe. Dit was die omvang van die aanslag op hom. En eers nadat hy ses jaar van hel deurgemaak het, kon hy die moed bymekaarskraap om sy storie te vertel. En watter vreeslike storie is dit nie. Baby Reindeer, Netflix se nuwe sielkundige rillerreeks van sewe episodes, is net so aangrypend as wat dit ontstellend is – en die ergste is dat dit gegrond is op ’n ware verhaal. Die Skotse komediant Richard Gadd het Baby Reindeer geskryf en speel self daarin, en dit het hom een van die uitskietsterre van 2024 gemaak. Die reeks het reeds binne die eerste week van uitreiking Netflix se lys van top-10-reekse gehaal, asook ’n 100%-gradering op Rotten Tomatoes. Richard…

TERWYL die res van die Beckhams onlangs Victoria (50) se verjaardag gevier het, was Brooklyn se vrou, NICOLA PELTZ BECKHAM, nêrens te sien nie. Dit lyk asof Nicola (29) nog haar wonde lek nadat haar regisseursdebuut, Lola, gekritiseer is as ’n “ydelheidsprojek” en selfs as “poverty porn” beskryf is. Dié term word gebruik wanneer arm mense se toestande uitgebuit word om simpatie te wek en geld daaruit te maak. In Lola speel Nicola ’n tiener wat in ’n apteek en ’n ontkleeklub werk sodat sy kan geld spaar om haar en haar broer van haar toksiese ma te red. “Ek wou ’n storie skryf uit iemand anders se perspektief as my persoonlike beskouings en opvoeding,” het sy in ’n onderhoud met die Hollywood Reporter gesê. “Ek is ’n aktrise en…

DAKOTA SE FLIPFOON In ’n onlangse onderhoud met Harper’s Bazaar het DAKOTA FANNING (30) vertel dat Tom haar in 2005 verras het met haar eerste selfoon – ’n Motorola Razr. Dit was terwyl hulle besig was om War of the Worlds te skiet. “Ek was maar net 11 jaar oud,” het sy aan Andrew Scott (47), wat saam met haar in die reeks Ripley speel, vertel. “Maar ek was mal daaroor. Ek het so cool gevoel!” Tom stuur sedertdien elke jaar vir haar geskenke op haar verjaardag. KIRSTEN KRY ’N KERSBOOM Terwyl hulle in 1994 aan Interview with a Vampire verfilm het, het Tom vir KIRSTEN DUNST (41) – toe net 11 jaar oud – met ’n Kersboom verras. “Tom Cruise het ’n Kersboom in my aantrekkamer gesit toe ek…

Daar’s lank gedink die vroegste geskrewe Nederlands was ’n krabbel agterop ’n preek wat in die 11de eeu in Engeland geskryf is. Dié probatio pennae – waarmee die monnik sy veer getoets het – lui so: Hebban olla uogala nestas hagunnan hinase hic enda thu uuat unbidan uue nu.* Overgesetsynde: Het alle voëltjies neste begin maak behalwe ek en jy, nou waarvoor wag ons dan? Die arme monnik, stil in sy scriptorium, met ’n kop vol muisneste en ’n hand vol ink. Natuurlik, per osmose, is dié mooi lyntjie ook proto-Afrikaans. Kyk veral na “uuat” – wat wys hoekom die Engelse praat van ’n “double-u”. Daar’s selfs ’n teorie dat dié lyn deur ’n vrou geskryf is, of minstens uit ’n vrou se perspektief – iemand wat verlang na ’n…

UITSTAAN MOOI & HANDIG ROKKE VIR ALMAL BESTE VOET VOOR WARM & KNUS BLINK & GLANS BEHOEDE JOU STYLVOLLE SERPE KRY DIT HIER ATELJEELIFESTYLE.COM; BASH.COM; CALLITSPRING.CO.ZA; EDGARS 0860-111-826; ELIZABETHSUMMER.COM; FACTORIE 087-550-4383; FOREVER NEW 0860-018-014; FOSCHINI 0860-834-834; H&M 086-069-0707; MAKRO 0860-600-999; MILADYS 0800-212-535; POETRY 0860-333-329; POLO.CO.ZA; QUEENSPARK 021-460-9400; STERNS 0860-834-834; SUPERBALIST.COM; TAKEALOT.COM; THELOCALEDIT.COM; TRUWORTHS 021-460-2300; WOOLWORTHS 0860-022-002; ZARA.COM HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS “Vra vir Irma” gevolg deur jou vraag na 36489. HOE SÊ EK NEE VIR VERJAARDAGPARTYTJIES? V Ek is ’n sagte, nederige en diep gelowige mens. Ek moet my sente omdraai, want as broodwinner verdien ek nie ’n groot salaris nie. Vanweë my diep geloof behandel almal my egter soos die familiepastoor wanneer dit tyd is vir gesellighede, troues, verjaardae en begrafnisse. Sodra iemand verjaar, sorg ek dat dit ’n baie spesiale dag is…

1 “Ek is ’n koffiesnob, en jy kan met my toor as jy vir my ’n goeie pour-overkoffie maak.” 2 “My grootste guilty pleasure is ’n lekker soet pasteis de nata – die Portugese vla-tertjie.” 3 Hy is lief vir boks, en as hy nie op toer is of besig met musiekoptredes nie, is hy vier keer ’n week in die bokskryt vir oefening. “My gunstelingbokser is die legendariese Tyson Fury.” 4 “Ek is nie baie kunstig nie, en kan nie eens ’n stokmannetjie behoorlik teken nie.” 5 Hy is ook lief vir spanningsverhale. “My gunsteling is die spioenasieboek The Parsifal Mosaic deur Robert Ludlum.”…

SIMBIOSE Uit: Grieks, sýn (“saam”) en bíōs (“lewe”) Die letterlike betekenis van simbiose is wanneer verskillende organismes in die plante-en diereryk saamleef tot mekaar se voordeel. Byvoorbeeld: Swamme op bome trek voordeel uit hul gasheer, maar hul teenwoordigheid is ook goed vir die boom. Figuurlik gesproke kan ons ook sê twee mense of groepe het ’n simbiotiese verhouding deurdat albei daarby baat vind. Omgewingsbewaarders en herwinningsmaatskappye kan byvoorbeeld nou saamwerk in ’n simbiotiese verhouding. SYFERSTORIES 300 miljoen Meer as soveel keer is Taylor Swift se album The Tortured Poets Department op ’n enkele dag op Spotify gestroom toe dit op 19 April daar uitgereik is. Dis ’n rekord: die eerste album in die topstroomdiens se geskiedenis wat dié kerf verbysteek vir luisterslae binne ’n dag. Die snit “Fortnight” word toe…

DIE storie van Toetankamen klink amper asof dit nie waar kan wees nie: ’n Koning, toe nog ’n jong man, sterf en word as ’n mummie in die Vallei van die Konings begrawe. Duisende jare later word sy graf ontdek, maar dan gebeur sulke vreemde dinge dat mense begin glo ’n vloek rus op sy graf. Bisar, maar die reine waarheid! DIE KINDKONING Toe die ongewilde farao Akhenaten skielik sterf, het sy seun Toetankamen die heerskappy van antieke Egipte oorgeneem. Koning Toet (soos hy ook bekend is) was toe net nege jaar oud. Akhenaten het minstens vyf vroue gehad, onder wie die magtige Nefertiti. Maar omdat Nefertiti nooit ’n seun gehad het nie, het Toetankamen, die seun van een van die ander vroue, die nuwe farao geword. Koning Toet het…

Nog ’n prettige seisoen van Die Babbelbende is nou volstoom aan die gang! Kyk saam na seisoen 2 op huisgenoot.com. In dié aanlyn Afrikaanse kinderreeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer oor ons wonderlike wêreld leer. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook media24shop.com om jou eie Paloeka-of Palawa-pop of die Babbelbende se Groot Storieboek te bestel. Kom…

DIE beroemdste Theron wat Suid-Afrika al ooit opgelewer het, die aktrise Charlize, het al by twee geleenthede – in die flieks Hancock en The Old Guard – superhelde met bomenslike kragte vertolk. Maar die nuwe Theron wat tans wêreldwyd opslae maak – ’n blondine genaamd Brendali, oorspronklik van Potchefstroom – hoef nie net te maak asof sy bonatuurlik sterk is nie. Agt jaar gelede het sy die titel as Afrika se sterkste vrou in die liggewigafdeling (75 kg) gewen toe sy ’n vliegtuig van nege ton 54 m ver gesleep het. En nou, op die ouderdom van 33, het Brendali amptelik die titel as die wêreld se sterkste vrou in haar kategorie op die wêreldkampioenskapsbyeenkoms in Dubai gewen en sodoende die eerste Suid-Afrikaner geword wat dié titel verower. Dié keer…

LAG ’N SLAG Niks soos ’n bietjie humor om jou maagspiere te oefen nie! REÜNIE – FRANK OPPERMAN Die immergewilde FRANK OPPERMAN het oud en jonk laat skater met sy eenmanstuk. Hierin word die reünie van die Hoërskool Totius se 1980-matriekgroep gehou, en elke klasmaat kry ’n beurt agter die mikrofoon. Met net een maroen matriekbaadjie kry Frank dit reg om 15 verskillende karakters te speel. Dis veral die ordelike en puntenerige karakter wat destyds die hoofmeisie was, Rina Vorster, wat die gehoor laat rol het van die lag. Tussen alles deur hoor jy gereeld “Waar’s dit lekker?”, waarop die gehoor moes terugskree: “Hier’s dit lekker!” – vir seker iets wat almal op hul tone gehou het. Dis ’n stuk wat fyn spot, maar ook vol deernis en ’n tikkie…