Indholdsfortegnelse for 6 June 2024 i Huisgenoot

Wat is binne? ◼ Truitjies vir kinders◼ Truie vir vroue◼ Truie vir mans◼ Allerlei interessanthede◼ Knus komberse◼ Kussings met ryk tekstuur◼ Boekmuis en hondejassie◼ Warmwatersak en meerminkombers AANLYN media24shop.com of huisgenootwinkel.com E-POS koop@huisgenoot.com BEL 021-406-4962…

VIR dekades het hy as handearbeider ’n karige bestaan gemaak. Hy en sy gesin het gewoon in ’n vervalle huis in Detroit wat hy vir $50 gekoop het. Sy drome van ’n musiekloopbaan? Lankal vergete nadat sy eerste twee albums in Amerika klaaglik misluk het. Toe hoor hy eendag in ongeloof hoe ’n wildvreemde platewinkelbaas van Kaapstad hom oor die foon vertel: “Hier is jy groter as Elvis …” En so het dit gekom dat Sixto Rodriguez in 1998 sy Suid-Afrikaanse aanhangers eers ná ’n kwarteeu van gewildheid hier kom ontmoet het. In volgepakte stadions het hulle elke woord saamgesing: Garbage ain’t collected, women ain’t pro- tected. Politicians using, people they’re abusing. The mafia’s get ting bigger, like pollution in the river. And you tell me that this is where it’s…

SY WÁS ‘GE TROUD MET RUGBY’. MET MENÉÉR RUGBY. MAAR ALTYD OP DIE KANTLYN, SO BYNA WEGGESTEEK AS DAAR nou een mens is wat die naam van ’n sepie vir haar eie lewe kon eien, was dit sy. Sy wás “getroud met rugby”. Met Menéér Rugby. Maar altyd op die kantlyn, so byna weggesteek. Die een wat moes toekyk hoe haar man die land se liefling word. Die een wat sake tuis op koers moes hou terwyl hy op die vliegtuig spring om weer iewers te gaan rugbygeskiedenis maak. Die een wat hul drie dogters moes grootmaak terwyl hy sy manne in die Springbokspan na glorie lei. Die een wat weet hoe dit voel as jou man se kop en hart áltyd op die veld is. En die een wat…

‘JY HET DIE MAG OM TE BESLUIT WIE JY WIL WEES EN WAT JY IN JOU LEEFTYD WIL VERMAG’ DIE deelnemers aan die Mej. Suid-Afrika-kompetisie het deur die jare met verskillende voorkomste, liggaamsvorme, ouderdomme en persoonlikhede gekom. Maar een ding het hulle feitlik almal in gemeen gehad: Hulle kon moeiteloos in swemdrag en aandrokke op die verhoog paradeer, hul bene lenig, hul treë lank, hul balans foutloos ten spyte van hul hoë hakke. Maar Laura Wagner-Meyer wou die uitsondering wees. Kyk ’n mens na ’n kop-en-skouers-video van Laura, sien jy aanvanklik niks wat verklaar hoekom dié deelnemer aan vanjaar se kompetisie mense aan die praat gehad het nie. Sy is ’n brunet met olyfkleurige vel, ’n breë glimlag en donker amandel-oë. ’n Klassieke skoonheid. Maar zoom jy uit om haar…

BAADJIES HEMDE BROEKE TEKKIES RITSBAADJIES JOGGERS DEFTIG POLONEKKE BUITELUG HOEDE BELDE HORLOSIES DASSE SAKKE KRY DIT HIER AMERICAN SWISS 0860-834-834; EXACT 0860-834-834; IDENTITY 021-460-2400; MARKHAM 0860-834-834; NIKE.COM; PICK N PAY CLOTHING 0860-303-030; THE FIX 0860-834-834; SUPERBALIST.COM; TAKEALOT.COM; TEMU.COM; THAT BLOKE 072-525-1527; TRUWORTHS 021-460-2400; TUFFINGTON.CO.ZA; TYPO 087-550-4383; WOOLWORTHS 0860-022-002; ZARA ZARA.COM/ZA HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. HOE GEMAAK MET MY MOEILIKE PA? V My pa het einde 2023 afgetree. Hy is finansieel in ’n goeie posisie om vir homself te kan sorg. My ma is verlede jaar ná ’n kort siekte oorlede. Nadat hy ’n gerieflike blyplek in ’n aftreeoord bekom het, het hy om die beurt vir my broers gaan kuier wat al ’n hele ruk oorsee woon. Ek het gesukkel om te verstaan waarom hulle albei…

I HAD SOME HELP POST MALONE EN MORGAN WALLEN Sy gesig vol tatoes kan dalk vir baba bang maak, maar sy rap en sang bekoor. Kyk nou maar hoe dié eksentrieke Amerikaner se duet met die countryster Morgan Wallen die rekords laat spat! “IHadSomeHelp” wasindietweedeweek van Mei boaan die trefferlyste Billboard Hot 100 én Hot Country Songs. En dit lyk of aanhangers nie genoeg kan kry van dié mengsel van country en pop nie. Daardie sterk kitaar-en vioolklanke is net die ding vir ’n dans in die skuur! SAFER TYLA Daar’s geen keer aan Suid-Afrika se eie Grammy-wenner nie! Die musiekvideo “Jump”, saam met die rappers Gunna en Skillibeng, van haar debuutalbum, Tyla, is alreeds gewild. Nou is aanhangers boonop gaande oor “Safer,” ’n tweede liedjie van dieselfde album. In…

GROOT BLOKRAAI WEN ’N BOEK VAN QUEILLERIE PLUS KOM IN AANMERKING VIR DIE MAANDELIKSE TREKKING VAN R1 000. NO 2 547 KOMPETISIEVRAAG Watter vrug is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Dwelm deur Rudie van Rensburg (Queillerie, R340). Twee oudspeurders is koelbloedig langs ’n plaasdam afgemaai. Kassie en Rooi moet die moordsaak by ’n uitgedunde Paarlse speurspan oorneem. Met talle aspekte van die ondersoek afgehandel, voel dit vir Kassie of hulle ’n saak erf waarvan die karkas al skoongevreet is. Hy bevraagteken die Paarliete se afleiding dat diefstal die motief was. Toe hy en Rooi ander moontlikhede ondersoek, raak dinge dol. Geraamtes uit die verlede, ’n oudlid van Brixton se moord-en-roofeenheid,…

THE SPEEDY SIX OLYMPICS – ROSLYNNE TOERIEN Het jy al gewonder watter dier die vinnigste is? Of watter dier ’n resies by die Olimpiese Spele vir diere sal wen? In hierdie boek kom Moeder Natuur se diere bymekaar om na dié resies te kyk. Die olifante is daar om met hul trompette musiek te maak, en die skilpad is daar, vir, wel, emosionele ondersteuning … Maar dan gebeur tipiese natuurdinge: Chaos ontstaan, daar’s ’n geknoeiery, ’n geskel, ontevredenheid en dinge wat (letterlik) struikelblokke is. Hoe gaan die resies eindig en watter lesse gaan die diere hieruit leer? KAPTEIN ONDER-BROEK EN DIE IN VAL VAN DIE KOELBLOE-DIGE KOSTANNIES UIT DIE RUIMTE (ÉN DIE AANVAL VAN DIE EWE BOSE ZOMBIE-NERDS) – DAV PILKEY In dié derde “maltrapboek” het George en Harold al…

OP ’N dag in 2005 het sy in haar volgepakte Toyota Tazz die langpad van Grabouw na Johannesburg aangepak. Sy was 25, met ’n kop vol drome en geen plan B nie. Maar haar wit tjor se nommerplaat het sy as ’n goeie voorteken beskou: CEO, “soos in chief executive officer”, sê Tracey-Lee Oliver. “Ek het destyds vir al my vriende gesê ek gaan net om my demo op te neem; ek kom ná ’n maand of twee terug. Maar dinge het nie so uitgewerk nie. Jy sien, toe ek in Jo’burg kom, het ek tuis gevoel; dinge het nie vreemd gevoel nie,” sê die sangeres en Diepe waters-aktrise vandag. Ná ’n paar maande het haar ouers gebel om te vra wanneer sy huis toe kom. Maar met ’n sesmaandekontrak…

ONS WEER-PROBEER-WITTEBROOD Daar word mos gesê goeie dinge kom na dié wat wag. Die sanger DEON GROOT en sy vrou, LUCRETIA, het geleer dié uitdrukking is die reine waarheid. Die twee verliefdes het onlangs op Mauritius uitgespan vir hul wittebrood – meer as vier maande nadat hulle op 13 Januarie getroud is. Hoe nou, Gehasi? Wel, dis nie dat hulle nie wittebrood wóú of kón hou nie. Jy sien, hul troudag was dalk die mooiste dag in hul lewe saam, maar ’n verwoestende sikloon het groot dele van die eiland platgevee en hulle gedwing om die wittebrood met ’n paar maande uit te stel. Maar gelukkig skyn die son altyd weer – letterlik, ja. “Ek gaan nie jok nie, ons was destyds so bietjie teleurgesteld dat ons ons wittebrood moes…

OOR die jare het CHRISTINA AGUILERA se gewig hoog en laag gaan draai – amper soos die hoë pieke en lae dale wat sy met haar stem kan bereik. Die sangeres het onlangs weer met ’n baie slanker lyf op die verhoog gespog, maar hierdie keer wonder mense of sy ook nou die maermaakmiddel Ozempic gebruik. Volgens TMZ het Christina (43) ’n verstommende 18 kg in drie jaar afgeskud in die aanloop tot haar langverwagte konsertreeks in Las Vegas, wat in Januarie begin het. In ’n onlangse uitvoering by die Tecate Emblema 2024-musiekfees in Mexiko was haar aanhangers veral verbaas oor die groot verandering in haar voorkoms. “Ozempic laat almal vreeslik ouer lyk, maar dit doen regtig wondere vir haar. Sy lyk onge-looflik,” het iemand op sosiale media kommentaar gelewer. In…

Die Furiosa-ster CHRIS HEMSWORTH se naam is onlangs tussen die sterre op die Hollywood Walk of Fame in Los Angeles verewig. In sy toespraak het Chris (40) sy vrou, ELSA PATAKY (47), bedank dat sy vir die grootste deel van sy loopbaan aan sy sy was. “Ek besef maar alte goed dat sy haar eie drome opsy geskuif het om myne te ondersteun, en ek sal altyd by haar in die skuld wees,” het hy gesê. Die Spaanse aktrise en hul kinders, die 12-jarige India en 10-jarige tweeling, Sasha en Tristan, asook sy ouers, Leonie en Craig Hemsworth, was daar om in die oomblik te deel.…

1 MY EIE GESIN NÁ MY KINDERHUISJARE Kleintyd in die kinderhuis het die akteur Ramey Short gesmag na ’n gesin – nou het sy droom waar geword, en hy kan skaars gelukkiger wees Welgedaan! Jy het ’n pragtige gesin en loopbaan. Ons is lief vir julle en trots op jou. Mense verstaan nie altyd die konsep agter ’n kinderhuis nie. Daar is nie meer weeshuise van weleer nie. Ek volg jou blad van die begin af. MARITA Ek, my niggie en nefie was al drie in die Andrew Murraykinderhuis in Wellington. Ons was nog nooit spyt oor ons ouers wat ons aangeneem het nie, en al die ander familie het my ook as een van hul eie aanvaar. ANDRÉ Ek was van twee tot 17 in ’n kinderhuis. My lewe sou…

◼ Toe Huisgenoot Rassie se prokureur, Frikkie Erasmus, nader vir kommentaar oor die bewering dat Rassie ’n verhouding gehad het met ’n ander vrou, het Frikkie geantwoord: “Geen kommentaar, en regte word voorbehou.” Hy het dié boodskap daarna uitgevee, en toe laat weet: “Ek antwoord later. Net vas met konsultasie.” Frikkie het later laat weet: “Ons lewer nie kommentaar op gerugte nie. Dit moet nie vertolk word as ’n erkenning van enige korrektheid daarvan nie. Ons reserveer al Rassie se regte ten opsigte van publikasie van enige vals, ongegronde of onbewese bewerings wat enigsins inbreuk maak op sy privaatheid.” ◼ Andy Colquhoun, die woordvoerder van SA Rugby, het by navraag gesê die rugbyliggaam antwoord nie op vrae oor werknemers se lewe buite die werk nie. BRONNE: SUPERSPORT, THE SOUTH AFRICAN,…

DIE modereeks waarvan sy nou amptelik die gesig is, sluit in kantoordrag, oorjasse, rokke en selfs ’n skouersakkie wat na haar vernoem is, die “Monica”. Al dié klere is volgens die vervaardiger ontwerp om die beeld van ’n sterk vrou uit te straal, een wat in beheer van haar lewe is. Dis ironies, want die eerste keer wat ’n kledingstuk van Monica Lewinsky in die nuus was, byna drie dekades gelede, was dit een wat ’n storie vertel het van iemand wat uitgebuit en verneder is, eerder as iemand wat aan die stuur van haar eie lewe is. Dié kledingstuk, ’n klein blou rokkie, het ’n baie stoute deel van ’n president se DNS op gehad en is as bewysstuk in ’n verhoor voor die Amerikaanse kongres ingedien. Vir diegene…

600 000 Soveel etes sal daagliks in die Olimpiese dorp bedien word. 200+ Die aantal lande wat sal deelneem, insluitend die IOK se vlugtelingespan. 1,75 MILJOEN Soveel ton CO₂ sal deur die Olimpiese Spele in Parys gegenereer word. Die organiseerders noem dit die groenste Spele ooit. Die koolstofvoetspoor van die Londense Spele (2012) en die een in Rio (2016), waar 3,5 miljoen ton CO₂ vervaardig is, was twee keer groter. 50/50 Die mans/vroue-verdeling van atlete vanjaar. Dit maak Parys die eerste Olimpiese Spele om geslagsgelykheid te bereik. R87,6 MILJARD Die koste in euro van die Olimpiese Spele in Parys. 45 000 Die getal polisiebeamptes by die openingseremonie, versterk deur tot 22 000 privaat veiligheidswagte en 18 000 Franse soldate. Ongeveer 35 000 polisielede sal daagliks die Olimpiese terreine beveilig. 8,8…

EK SAL VIR JOU VEG Deur CLIFFORDENE NORTON Pan Macmillan, R189* As die naam Cliffordene Norton dalk vir jou bekend klink, is dit omdat verskeie van haar verhale deur die jare in Huisgenoot verskyn het. Pas het haar tweede roman, Ek sal vir jou veg, verskyn, en ek vra haar waaroor dié jeugroman met sy interessante tema gaan. “Wanneer ons vir Cazlee ontmoet, veg sy onwettig by ’n vegklub om kos op die tafel te sit. Sy het nie groot drome soos wat mense gewoonlik het nie. Haar grootste droom is ’n matrieksertifikaat en ’n lewe ver weg van haar swakkelingma, dronklap-pa en ’n vegkryt waarin min reëls geld. Maar haar skoolwerk ly ál meer onder die laatnaggevegte. Dan sien ’n voormalige vegkunskampioen, Joshua Dean, Cazlee se talent raak. Hy…

ALMAL hou van stories! Dink aan jou oupa en ouma se stories van hulle kleintyd. Of as jou vriende jou vertel wat hulle die naweek gedoen het. Een van die maniere hoe ’n mens iemand se taalvaardigheid kan bepaal, is om te kyk na hoe hulle stories vertel. En dit is waarom die skryf van stories, of opstelle, altyd ’n deel van jou taalvakke sal wees. In die volgende twee Blitsgidse kyk ons na die verskillende soorte skryfstukke wat jy moet bemeester. Hierdie week kyk ons na verhalende en beskrywende opstelle. In die gids van 1 Augustus bespreek ons transaksionele skryfwerk. WAT IS DIE VERSKIL TUSSEN ’N VERHALENDE EN BESKRYWENDE OPSTEL? In wese is daar nie groot verskille tussen die twee soorte opstelle nie, maar elk het wel unieke kenmerke.…

Wat is dit wat van lasagne lasagne maak? Dié gewigte vraag is vandeesweek geopper toe ons die kosblaaie moes versorg. Kan Huisgenoot in alle erns voorgee ’n bak vol doughnuts (sien bl. 29) kan deel wees van die versameling dinge wat ons lasagne noem? Lae, sê iemand. As jy lagies pak, is jy besig om lasagne te pleeg. Wat van trifle? vra iemand. Dis ook laag op laag. Is trifle net ’n soort lasagne? Is trifle al dié jare die mees undercover Italiaanse geheime agent wat die wêreld al ooit gesien het? Met jou rug teen die semantiese muur, gryp jy gereeld na die oorsprong van ’n woord om klaarheid te kry. So lyk die etimologie van lasagne: “Latyn: lasanum. Nederlands: kamerpot.” Toe gaan die span éérs op hol omdat…

Wat is geluk vir jou? ’n Lekker Vrydagaand by die huis met pelle, my kêrel (nou haar man!), my ouers en ’n bietjie braai. Waarmee hou jy jou die graagste besig? Fotografie. Ek hou baie van troues afneem. Waaroor is jy spyt? Ek probeer om nie spyt te wees oor goed nie. Ek probeer altyd gaan: “Oukei, ek het iets geleer, en dit maak my beter.” Wat sou jy anders doen as jy jou lewe kan oorhê? Ek sou meer wou reis. Hoe sal die mense wat jou goed ken, jou beskryf? As iemand wat baie praat en baie lag en baie fun het. Wat is jou beste eienskap? Dat ek altyd betyds is en dat ek kan lag oor enigiets. En jou slegste eienskap? Ek jaag dinge partykeer bietjie…

t – teelepel/s e – eetlepel/s k – koppie/s BEET-BOTTER-SKORSIE-&-PEKAN-NEUTLASAGNE GENOEG VIR 6 MENSE / BEREIDING EN BAK: 1 UUR ◗ 1 botterskorsie (1,5 kg), geskil en in blokkies gekap◗ 4 groot bete, geskil en in blokkies gekap◗ 45 ml (3 e) olyfolie◗ 10 ml (2 t) gerookte paprika◗ 6 takkies tiemie◗ sout en vars gemaalde swartpeper◗ 100 g pekanneute◗ 50 g botter◗ 50 g meel◗ 500-600 ml melk◗ 200 g vegetariese sagte bokmelkkaas, skil verwyder◗ 200 g vars spinasie◗ 9-12 vars lasagnevelle Voorverhit die oond tot 220 °C. 1 Plaas die botterskorsie en beet op ’n bakplaat. Drup die olie oor, sprinkel die paprika oor en voeg die tiemietakkies by. Geur met die sout en peper, en skud die groente tot dit met al die geurmiddels bedek is.2 Bak…

KRY DIT HIER @HOME BASH.COM; GAME.CO.ZA 0861-4263-2273; KNUS.CO 021-300-2702; MRPHOME.COM 064-584-1000 (WHATSAPP); NIFTYGIFTS.CO. ZA HELP@NIFTYGIFTS.CO.ZA; SHOP. BABYLONSTOREN.COM 021-300-3919; WOOLWORTHS.CO.ZA 0860-022-002; YUPPIECHEF.COM 0861-702-4969 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFER NIE VERANTWOORDELIK GEHOU KAN WORD NIE.…

TWEELING 21 MEI – 20 JUNIE Jy het dalk ’n bietjie meegevoer gevoel om skielik in die kosmiese kollig te wees. Hierdie neiging duur voort met ’n nuwe maan op die 6de, en dis die ideale tyd om die planne wat jy beraam het, te implementeer. Jy word hierin gehelp deur Saturnus in jou loopbaanhoroskoop, maar vergeet daarvan dat dit ’n maklike taak gaan wees, jy gaan skouer aan die wiel moet sit. KREEF 21 JUN – 21 JUL Ná die euforie van verlede week kan dit voel asof jy met ’n slag terug aarde toe gebring word. Jou uitdaging vandeesweek is dat jou werk vereis dat jy nuwe verhoudings moet bou om jou span te versterk. Dit vereis dat jy jou so-siale vlerke moet sprei terwyl jy nie eintlik…

STORIES VERTEL IS SY DING En as jy hou van hoe hy dit doen, sal Early B se jongste enkelsnit, “Tolgevang,” jou kop aan die knik kry en jou lagspiere kielie. “Ek het dit gemis om stories in my raps te vertel,” sê die boorling van Bloemendal in die Oos-Kaap. “Dis juis hoe my loopbaan begin het, deur stories te rap.” En soos gewoonlik doen hy dit op daai vermaaklike manier getrou aan sy wortels. Early B verduidelik “tolgevang” beteken jou meisie het jou uitgevang dat jy haar verkul. “Ja, daai woord was al lankal bekend, veral in my gemeenskap. Nog voor ek in die mix was,” sê hy laggend. Dis dan ook die storie wat hy in sy snit met dieselfde naam vertel – en natuurlik speel Early B…

“Komaan, Killer K!” hoor ek iemand skreeu. Ek buk en Bruneidt, of Brutal B soos sy hier by die vegklub bekendstaan, se vuis gly oor my kop. Haar knie tref my onder die ken en my kake klap so hard op mekaar dat my oë traan. Ek proe bloed op my tong. Natuurlik sal bloed die eerste ding wees wat ek op my verjaarsdag proe. Veels geluk met jou verjaarsdag, Cazlee, sê ’n stem wat baie soos Pa s’n klink in my kop. Ek keer die skop wat Bruneidt na my kop toe mik en hou haar been vas sodat sy nie weer kan aanval nie. Nog net twee minute, dan is ons laaste geveg vir die aand klaar. Bruneidt ruk haar been los, en haar elmboog tref my teen…

VRYTAKTIEK “Ons gaan Saterdagaand ’n wonderlike aand hê,” sê die ou vir sy meisie. “Ek het drie kaartjies vir die konsert gekoop.” Sy, verbaas: “Wonderlik, maar hoekom dan drie kaartjies?” Hy: “Een vir jou pa, een vir jou ma en een vir jou broer!” HESTER, NAMIBIË KYKWEER Die nuwe pa hardloop uit die geboortekamer na die wagkamer waar die res van die familie sit, en skree opgewonde: “Ons het ’n tweeling!” “Maar dis wonderlik, my kind,” kom dit van Ouma. “Na wie lyk hulle?” Met ’n verwarde kyk sê die pa: “Na mekaar, natuurlik!” HESTER, NAMIBIË TYDLOOS Baas: “Hoekom is jy laat?” Piet: “Ons moes gisteraand die hoender eet wat my elke oggend wakker gemaak het.” DENISE, PRETORIA EDE-LAGBARE SKOONPA Die spietkop op ’n klein dorpie trek ’n man af…

’N NUWE, STOUTER VICKY Ons het haar letterlik op die kassie sien grootword. Sy’s al amper vier jaar lank te sien as Vicky in Binnelanders en is nóú eers 13 jaar oud. Haar storielyn het kykers onlangs aan die praat gehad. “Vicky was bietjie stout in die koshuis en is toe geskors. Nou probeer sy ’n ander plan maak om geld uit die eienaars van verlore goedere by Binneland-kliniek te maak, wat haar natuurlik wéér in die moeilikheid laat beland het,” sê Roxanne. “Dit was interessant en baie lekker om dié keer meer tonele saam met ander akteurs te kon doen.” TALENT IS IN DIE GENE Sy kom uit ’n talentvolle gesin. Haar broer, Luca (16), was die jong Benjamin Komoetie in die nuwe weergawe van Fiela se kind (2018).…

500 MILJOEN Die getal Rubik’s Cubes wat al wêreldwyd verkoop is. 1 414 Die getal mense wat in 2012 in Londen opgedaag het vir ’n Rubik’s Cube-wedstryd, die grootste geleentheid ooit van dié aard. 0.8 SEKONDES Hoe lank dit ’n robot genaamd Sub1 geneem het om die Rubik’s Cube in 2017 te voltooi. $5 MILJARD Die inkomste wat uit al dié verkope verdien is. 32 SEKONDES Hoe vinnig die waaghals Dan Knights die kubus voltooi het nadat hy uit ’n vliegtuig gespring het en voor hy sy valskerm oopgemaak het. 100 Die getal lande waarin die Rubik’s Cube verkoop word. 1,5 MILJOEN Die aantal eksemplare van die boek You Can Do the Cube wat verkoop is. Dis in 1981 deur ’n 12-jarige, Patrick Brossert, geskryf. 15.5 SEKONDES Die vinnigste wat…

TOE sy vyf jaar gelede by The Holistic Lifestyle aangesluit het, was dit tweeledig. Ja, KARIN KORTJÉ wou eindelik haar gesondheid in haar eie hande neem, maar dit was ook as ’n soort eerbetoon aan ’n vriendin wat aan kanker dood is. Die fiksheidsprogram, wat kyk na ’n holistiese benadering tot gesondheid vir mense met onderliggende siektes, is destyds deur die fiksheidsinstrukteur Claudia van Schalkwyk in Kuilsrivier gestig. Claudia se suster, Leone van Rooyen, was Karin se vriendin. Dit het vrugte afgewerp: Karin het destyds ’n volle 20 kg afgeskud. “Ek wou aanvanklik Leone se nagedagtenis eer,” sê Karin. “Ek dink sy sou baie trots gewees het.” Om gesonder te wees, het sy later besef, is op sy eie manier bevrydend. Later het die eerbetoon verander in ’n passie vir…

TOE KELLY ROWLAND by die rolprentfees in Cannes ’n veiligheidsbeampte op die rooi tapyt ingevlieg het, het almal aangeneem sy was net weer vol geite. Maar volgens Kelly (43) het sy net vir haarself opgestaan nadat die vrou haar op grond van haar ras anders behandel het terwyl sy die première van die Franse rolprent Marcello Mio bygewoon het. “Die vrou weet wat gebeur het, ek weet wat gebeur het,” het sy aan AP gesê met verwysing na die veiligheidsbeampte. “Ek het ’n grens en ek hou by daardie grens, dis maar al. En daar was ander vroue op daardie rooi tapyt wat nie heeltemal soos ek gelyk het nie, en hulle is nie so berispe, of afgedruk, of gevra om te loop nie.” Op beeldmateriaal van die geleentheid swaai…