Indholdsfortegnelse for 20 June 2024 i Huisgenoot

Alle breiliefhebbers, hier is Huisgenoot se nuwe Brei-uitgawe. Propvol patrone om hierdie winter af te skop sodat daar iets vir elkeen in die gesin is: truie vir peuters en kleuters, volwassenes en selfs jul geliefde brakkie. Allerlei komberse en kussings is ingesluit, met selfs ’n warmwatersak en boekmuis. Daar wag soveel pret, avontuur en plesier op jou. Kry jou HG Brei nou! Wat is binne? ◼ Truitjies vir kinders◼ Truie vir vroue◼ Truie vir mans◼ Allerlei interessanthede◼ Knus komberse◼ Kussings met ryk tekstuur◼ Boekmuis en hondejassie◼ Warmwatersak en meerminkombers AANLYN media24shop.com of huisgenootwinkel.com E-POS koop@huisgenoot.com BEL 021-406-4962…

Letterlik ondermaans: Dis nie aldag dat ’n woord mense aan die praat kry nie – hoe teenstrydig dit ook al klink. Maar dié week het die internet kortstondig stilgestaan by een van daai “vonkelfeite”. Het jy geweet van al die planete is daar net een wat ons nie weet wie vir sy naam verantwoordelik is nie? Nes baie “vonkelfeite” is dit nie vreeslik boeiend nadat jy ’n bietjie daaroor gedink het nie. Die woord “Aarde” en sy verskillende variasies dateer terug tot veel meer as 1 000 jaar, en in vreeslik baie tale deel dit daardie dubbele betekenis: die grond en die planeet. Die planete is vernoem na gode uit die Griekse of Romeinse tradisie. Mercurius, Venus, Mars, Jupiter en Saturnus. Hulle ken ons al uit die voorgeskiedenis. Uranus (1781)…

AS JY in die verlede net die Afrikaanse weergawes van die Real Housewives-franchise gekyk het, is jy waarskynlik goed vertroud met divas soos Mel Viljoen en Karen Schwendtke se manewales – hulle sorg dat daar nooit ’n gebrek aan intrige en katgevegte in dié reekse is nie. Maar nou is dit tyd om die groot liga te aanskou: Welkom aan Christall Kay. Diegene wat ook die Engelse reekse gekyk het, sal al vir Christall ken. Sy was in die eerste twee seisoene van The Real Housewives of Johannesburg, maar het die trekpas gekry nadat ’n onderonsie met twee van haar medehuisvroue, Brinnette Seopela en Gugu Khathi, so erg handuit geruk het dat Christall met ’n blou oog gesit het. Nogtans het iemand agter die skerms blykbaar gedink daar kan nooit…

t – teelepel/s e – eetlepel/s k – koppie/s SUURLEMOENKOEK BEREIDING: 20 MIN. / GAARMAAK: 30-40 MIN. KOEK ◗ 220 g amandelmeel◗ 50 g glutenvrye hawermoutmeel◗ 5 ml (1 t) bakpoeier◗ 2,5 ml (½ t) sout◗ 3 groot eiers, by kamertemperatuur◗ 75 ml gesmelte en afgekoelde klapperolie◗ 100 g witsuiker◗ 115 ml volroommelk◗ 5 ml (1 t) vanieljegeursel◗ 100 ml vars suurlemoensap◗ 30 ml (2 e) papawersaad◗ 30 ml (2 e) gerasperde suurlemoenskil, plus ekstra vir versier VERSIERSEL ◗ 170 g versiersuiker, gesif◗ 15-30 ml (1-2 e) vars suurlemoensap Voorverhit jou oond tot 190 °C. Bespuit ’n broodpan met kossproei en voer dit uit met bakpapier. 1 Koek Plaas die amandel-en hawermoutmeel, bakpoeier en sout in ’n middelslagmengbak, en meng deur met ’n ballonklitser om enige klonte op te breek.2…

KRY DIT HIER @HOME BY BASH.COM; DECOFURNSA.CO.ZA 087-049-4155; DESIGNSTORE.CO.ZA HELLO@DESIGNSTORE.CO.ZA; ICONOMYONLINE.COM 081-219-0576; MRPHOME.COM 064-584-1000 (WHATSAPP); POETRYSTORES.CO.ZA 0860-555-529; WOOLWORTHS.CO.ZA 0860-022-002 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFER NIE VERANTWOORDELIK GEHOU KAN WORD NIE.…

DAAR is min dinge so ongemaklik soos ’n slegte asem. Die drie grootste sondaars wat dit veroorsaak, is sigarette, mondhigiëne en jou eetgewoontes, sê prof. Ahmed Bhayat, hoof van gemeenskapstandheelkunde aan die Universiteit van Pretoria. Mondsiektes, medikasie, alkohol en kos met sterk geure soos knoffel, uie en koffie dra ook by. As jy ’n maaltyd oorslaan, lei dit tot ’n droë mond en gevolglik onaangename asem. Kunsgebitte en implantate kan ook bakterieë en kos vasvang. WAT KAN EK SELF DOEN? ◗ Drink genoeg water om enige geure weg te spoel en te voorkom dat jou mond uitdroog. ◗ Vermy drankies met baie suiker en ka-feïen. Warm water met sout is ’n goeie spoelmiddel, sê prof. Shenuka Singh, ’n tandheelkundedosent aan die Universiteit van KwaZulu-Natal. ◗ As jy valstande het, moet…

SEBASTIAN VAN WYK Albert Maritz Sebastian is ’n professor in entomologie en probeer almal in sy familie se pad gelyk maak, vertel Albert. Hy’s ’n ordentlike man, maar sy begrip vir sy vrou, Elma, is nie heeltemal op dieselfde standaard as sy kennis van insekte nie. Hy is geneig om hom aan die wêreld te onttrek. LANI VAN WYK Jana Kruger Ruan se wederhelf, Lani, is ’n natuurliefhebber wat gereeld bergklim en stap. “Sy is die gom wat haar gesin bymekaarhou, en die hart van haar huis. Haar menswees het ’n positiewe impak op elke gesinslid,” sê Jana. “Haar beste punt is haar onvoorwaardelikheid. Maar sy het ’n geheim.” SOPHIA VAN WYK Klara van Zyl Die 10-jarige Sophia is haar oupa se oogappel en die familie se sonstraal. “Sophia is…

WINDVERWAAI Ons het sulke vreeslike stormwinde gehad, en nou moet ek my nog bekommer oor die karavaan in die tuin ook. Ons het nie gister een gehad nie! CHARLOTTE PETERSEN VERKOOPVERNUF Sakeman: “Kan ek jou interesseer in ’n vergrootglas?” Klant: “Nee dankie, ek sal geen nut daarvoor hê nie.” Sakeman: “Hier is my besigheidskaartjie ingeval jy dalk van plan verander!” Klant: “Ek kan dit nie lees nie, dis te klein!” Sakeman: “Man, ek het net die produk vir jou!” JOHANNA RADEMEYER VROUALLEEN Klaas: “Waarom lyk jy so omgesukkel?” Doors: “My vrou wil ’n tweede wittebrood hê.” Klaas: “So wat’s fout daarmee?” Doors: “Ek’s nie saamgenooi nie.” SAN MARCHAND GLIMLAG Sy: “Elke keer wanneer jy lag, wil ek ’n afspraak met jou maak.” Hy: “Hoekom? Is ek dan so aantreklik?” Sy:…

1 In watter Amerikaanse staat is Hollywood? 2 Hoeveel kante het ’n oktagoon? 3 Ankara is die hoofstad van watter land in die Midde-Ooste? 4 Wie is die enigste Suid-Afrikaanse vrou wat ’n Nobelprys ontvang het? 5 In watter provinsie is die Mapungubwe Nasionale Park? ANTWOORDE 1 Kalifornië 2 Agt 3 Turkye 4 Dieskrywer Nadine Gordimer  5 Limpopo BRONNE CNN, THE GUARDIAN, BBC, ECONOMIST.COM, ABCNEWS.GO.COM, BRITANNICA.COM, CLIMATEKIDS.NASA.GOV…

SOU jy die groot spelers van die 20ste eeu moet rangskik volgens snorre, sê ek aan ’n effens nuuskierige Tom Selleck, sal hy waarskynlik heel boaan die lys wees. Dan ’n paar verskriklike diktators soos Saddam Hoesein en Josef Stalin. Tom leun nader, lig ’n wenkbrou en lag. “Wel, myne is anders as hulle s’n, dankie tog. Maar wat van Burt Reynolds? Dit was hoog mode in die 1960’s. Burt is – was – ’n vriend. Ek het nie die snor gegroei oor Burt nie, maar ek dink hy het gedink ek het.” Ons praat oor spesifiek ikoniese snordraers. As jy enige betekenisvolle tyd in die geselskap van Tom Selleck deurbring, dan sal jy eindelik, onvermydelik, dié onderwerp aanraak. Hy sê hy en sy snor is eintlik aparte sterre…

MET daai skrefiesoë wat onder die rand van ’n breërandhoed uitgluur, en ’n pistool sekuur op sy vyande gerig, kon hy enige skurk in hul broek laat … bewe. As speurder kon hy sonder om eens ’n oomblik te aarsel vir die skelm toesnou: “Go ahead, make my day.” ’n Enigmatiese held was hy, ’n man van min woorde. ’n Aantreklike toonbeeld van manlikheid in die dae voor gebeitelde spiere die voorspelbare voorvereiste van vandag se hartebrekers sou word. Vir Clint Eastwood moes jy net in ’n poncho deur ’n stofstraat in die Wilde Weste laat stap, ’n sigaar in die hoek van sy mond vasgebyt, en die skerm was aan die brand. Dit voel soos gister, maar dit was lank terug – dis volgende jaar ’n volle 70 jaar…

4 Die getal Oscars agter sy naam (twee vir Unforgiven en twee vir Million Dollar Baby, telkens vir beste regisseur en beste fliek) 5 Die getal Dirty Harry-flieks waarin hy in die 1970’s en 1980’s die taai speurder Harry Callahan gespeel het. Een van sy bekende sêgoed uit die reeks? “A good man always knows his limitations.” 42 Die ouderdomsverskil tussen Clint se oudste en jongste dogters. Laurie is 70 en Morgan word vanjaar 28. 94 So oud het hy geword toe hy op 31 Mei verjaar het.…

WAT sal maak dat enigiemand meer as 1 500 km op ’n fiets wil rondrits? Dit klink dan soos malligheid? Vra jy egter die “Spore”-sanger, is die antwoord eintlik eenvoudig: liefdadigheid. “Hoekom op aarde sal ek van George af Mbombela toe op ’n fiets ry? Ek doen dit om jou aandag te kry! Net vir ’n oomblik,” spot ELVIS BLUE op Instagram. “En noudat ek moontlik jou aandag het, wil ek jou vra dat ons saam iets betekenisvols doen in die lewens van kinders wat jou hulp nodig het,” voeg hy by. Dis reg! Hierdie uitdagende tog, wat aan die begin van Junie afgeskop het, is eintlik die “Elvis ry vir skoolgeld”-projek, in samewerking met die Atterbury Trust, om geld in te samel vir behoeftige kinders se skoolgeld. Teen druktyd…

In 2008 was die Blink 182-tromspeler TRAVIS BARKER en die DJ ADAM GOLDSTEIN die enigste twee oorlewendes toe hulle privaat straler op die aanloopbaan in South Carolina ’n ongeluk gehad het. Twee passasiers en die twee vlieëniers is dood. MILEY CYRUS se privaat vliegtuig het in 2022 ’n noodlanding in Paraguayuitgevoer nadat weerlig dit getref het. Sy’t op haar ma, Tish, se skoot gesit. “Ek dink nie sitplekgordels sou ’n verskil gemaak het nie,” het sy gesê. HARRISON FORD was in ’n regtelewe-aksietoneel in 2015 toe hy sy tweesitplekvliegtuig op ’n gholfbaan in Venice, Kalifornië, moes land. Sy 2de-Wêreldoorlog-vliegtuig het meganiese skade opgedoen net ná opstyging.…

1 STOMPNEUSIES NET WAAR JY KYK Cheryl en Malcolm Gaw het al 2 000 mopshondjies gered en by Pug Rescue SA in Benoni gerehabiliteer, versorg en nuwe huise vir hulle gevind Pug Rescue Suid-Afrika is die beste! Cheryl en Malcolm, julle en julle span verrig wondere. Dankie dat julle ’n verskil maak in die lewens van al hierdie hondjies wat julle red. Julle sal oorvloedig geseën word. DALEEN Ons het reeds 10 van hulle mopshondjies aangeneem. Pug Rescue voorsien regtig die heel beste sorg wat hierdie diere kan hoop om te kry. En Cheryl is die ongelooflikste mens wat jy jou kan indink. SONJA Dis die lieflikste mense en die mooiste plek. Alles is vyfster by hierdie toevlugsoord vir eens verwaarloosde diere. Ek was bevoorreg om die mense van Pug Rescue…

AGT mense in een woonvertrek, dae sonder kos en bomme wat uit die lug reën. Só beskryf sy haar kinderjare in Italië gedurende die Tweede Wêreldoorlog. Tog was dit nie gevaar en hongerpyne wat haar die meeste ontstel het nie. “Ons is geboelie en verwerp omdat ons ma ongetroud was. Ons ma is elke skelnaam onder die son genoem. Ek en my sussie kon nie al die haat verstaan nie, maar my ma het ons geleer om sterk en trots te wees.” Die jong Sofia Scicolone is boonop geterg oor haar “tandestokkie-figuur en groot neus.” Maar in haar tienerjare het sy geblom en skoonheidstitels begin inryg. As 16-jarige is sy Rome toe om haar akteursdroom te jaag. Daar is sy raakgesien deur die rolprentvervaardiger Carlo Ponti – wat haar ook…

DIT het 13 jaar gelede begin toe sy staan en kyk het hoe haar man en hul kinders op die grasperk rondrol en speel. Daar het sy gestaan, al 130 kg van haar, en sy kon toe glad nie saamspeel nie. “Trane het by my wange afgerol omdat ek besef het ek beleef die lewe as ’n toeskouer. Ek sit op die kantlyn en kyk hoe ander mense hul lewe geniet.” En die uiteinde van die verhaal? Dit was verlede naweek die tweede jaar op ’n ry dat Carli van Niekerk die Comrades-marathon voltooi het. Die vrou wat in ’n stadium uitasem was nadat sy iets so eenvoudig gedoen het soos om uit ’n stoel op te staan, het haar lewe soos handomkeer verander. Dié metamorfose het nie sommer oornag…

Baadjies Belê in iets veeldoelig – ’n baadjie wat maklik kan diens doen in die dag of die nag, van slenter tot sjarmant. Jasse Die ou staatmakers soos lang jasse, kunspels en gedrukte wol is almal onbeskryflik nuttig en kan jou opdress of onderbeklemtoon, nes benodig. Baadjies Style soos bomber-jackets, denim en daai pofbaadjies en windbrekers het die toets van tyd deurstaan. Hulle verseker verskeidenheid en waarde vir geld in jou klerekas. Jasse ’n Jas in jou kas sal sorg vir ’n tikkie klas en ’n ekstra skans tussen jou en die koue – en dit kan elegant óf ontspanne lyk. KRY DIT HIER ACKERMANS 0860-900-100; BASH.COM; EXACT 021-938-7096; FOSCHINI 021-938-7096; H&M 0860-690-707; JET 0860-011-3639; MARKHAM 021-938-7096; MILADYS 0800-212-535; OLD KHAKI 0860-333-329; POETRY 0860-333-329; SUPERBALIST.COM, THE FIX 021-938-7096; WOOLWORTHS 0860-022-002;…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. MAG EK ’N BELOFTE AAN MY OORLEDE VROU VERBREEK? V Ek is reeds 18 jaar ’n wewenaar. My vrou is aan kanker oorlede toe ons dogtertjies net vyf en sewe jaar oud was. Ons was baie gelukkig getroud en het groot drome vir ons toekoms gehad. My vrou het my laat belowe ek sal nie weer trou nie, want sy was bang ’n stiefma sal ons kinders se oulike persoonlikhede verander of…

KREEF 21 JUNIE – 21 JULIE Die Kreefseisoen begin op die 20ste wanneer die wintersonstilstand in die Suidelike Halfrond aanbreek. Dit word dan opgevolg met ’n volmaan op die 22ste wat dui op ’n sensitiewe en emosionele tyd vir alle krewe. Jou behoefte aan verbintenis en kommunikasie met jou lewensmaat is nou duidelik en dit lyk lyk asof diep en belangrike dinge gedeel word. LEEU 22 JUL – 22 AUG Dis ’n uitstekende tyd om jou van die wêreld te onttrek en jou batterye te herlaai. Aangesien jou heerser, die son, nou in ’n verborge gebied van jou horoskoop is, voel jy dalk lus om die kollig te vermy, maar dis ter voorbereiding vir wanneer jy oor ’n maand skitter. Jy kan solank jou liassering en papierwerk bywerk. MAAGD 23…

▶ Die reeks is in die noordelike voorstede van Kaapstad verfilm, asook op Stellenbosch en in die Jonkershoek-omgewing. ▶ Die vervaardigers het ’n ou herehuis op ’n kleinhoewe naby Durbanville gehuur om as Oupa en Ouma se huis te dien. Hulle het die plek op ’n webtuiste vir “film locations” opgespoor. ▶ Die kunstenaar Almero het musiek vir elke afsonderlike episode gekomponeer, asook die temalied se musiek. ▶ ’n Span van omtrent 20 produksielede en akteurs moes die uitstappies in Jonkershoek vir sekere tonele onderneem. “Dit was ’n groot uitdaging om al die kameras en apparaat die berge in te karwei – en een dag was 40 °C, wat baie uitputtend was,” vertel Ivan. ▶ Albert moes vir sy rol as entomoloog vooraf navorsing oor onder meer mierneste doen. ▶…

GROOT BLOKRAAI WEN ’N BOEK VAN TAFELBERG PLUS KOM IN AANMERKING VIR DIE MAANDELIKSE TREKKING VAN R1 000. NO 2 549 KOMPETISIEVRAAG Watter metaal is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Anton Rupert: Die lewe van ’n sakelegende deur Ebbe Dommisse (Tafelberg, R395). Dit is die verstommende storie van ’n sakelegende wat een van Afrika se welvarendste maatskappye uit niks opgebou het. Anton Rupert was ’n Karooseun wat in die Depressie grootgeword het en dit skaars kon bekostig om te gaan studeer, maar sy Rembrandt-groep word eindelik ’n wêreldleier. Wat was sy geheim? Rupert se oorspronktes, like sienings oor die skepping van werk en welvaart in ’n sukkelende ekonomie is sy…

VAN PLAASKIND TOT TV-PLAAS Op e.tv se nuwe reeks, Kelders van geheime, wat reeds ’n treffer onder kykers is, speel hy die rol van Marco, die kleinseun van Soebatskloof se plaaseienaar. In die regte lewe ken die 22-jarige akteur die plaaslewe baie goed. “Ek het grootgeword in die hartjie van die Tuinroete, op ’n plaas genaamd Vetkragga Boerdery net buite Riversdal,” sê Angelo, wat deesdae op Stellenbosch woon. “Ek mis die dae waar jong Angelo nie kon wag om ná skool huis toe te gaan om te speel met sy vriende iewers op die plaas nie. Dis ’n plaas waarop hulle met skape en beeste en gewasse soos kanola boer.” ’N GROOT GESIN Hy’s een van sewe kinders. “Ver jaarsdae, Kersfees of enigiets wat geskenke betref, is altyd die…

Clint het al meer as 40 keer in die regisseurstoel gesit en in meer as 70 flieks verskyn. In The Good, the Bad and the Ugly was hy “the man with no name”, maar ná die western het álmal sy naam geken. In 1992 het hy die Wilde Weste op ’n heel ander manier getem met Unforgiven – en toe wen hy die Oscar vir beste regisseur en beste rolprent, en kry daarmee saam ’n benoeming as beste akteur. Hy het weer die goue beeldjie as beste regisseur vir 2004 se boksfliek Million Dollar Baby ontvang, en as regisseur het hy ook lof gekry vir Mystic River (2003), Gran Torino (2008) en American Sniper (2014). Vir Suid-Afrikaners is sy fliek Invictus van 2009 veral na aan die hart. Dié fliek…

ALMAL weet jy vra nooit vir ’n vrou of sy swanger is nie, want as sy soos LADY GAGA nié is nie, is dit net ’n verleentheid vir almal betrokke. Toe Gaga (38) onlangs haar suster, Natali Germanotta, se troue in Maine bygewoon het, was aanhangers oortuig hulle het ’n babamagie bespeur. Gaga, wat ook Natali se bruidsmeisie was, is by die ete vooraf in ’n noupassende swart rok afgeneem, en die volgende dag by die troue in ’n perskekleurige rok. Toe almal begin bespiegel of sy en haar kêrel, die entrepreneur MICHAEL POLANSKY (46), hul eerste kind verwag, het sy dit gou in die kiem gesmoor en die aandag op ’n belangriker saak gevestig. “Not pregnant – just down bad cryin’ at the gym. Register to vote,” het sy…

1 In watter jaar het Amelia Earhart haar geskiedkundige vlug oor die Atlantiese Oseaan aangepak – 1932, 1935 of 1937? 2 Watter metaal is ’n vloeistof by kamertemperatuur? 3 Wat is die naam van die rivier wat deur Bagdad in Irak vloei? 4 Watter bekende TV-reeks is op ’n reeks boeke deur George R.R. Martin gegrond? 5 Wat is die naam van die skaal wat gebruik word om die brandgraad van rissies te meet? ANTWOORDE 1 1932 2 Kwik  3 Tigris  4 Game of Thrones 5 Scoville-skaal…

OP DIE groot weerkaart agter haar is allerlei krulle en simbole en syfers wat jou vertel of dit braaityd of bibbertyd gaan wees. Maar maak nie saak hoe wisselvallig Moeder Natuur se buie soms kan wees nie, op een ding kan ’n mens staatmaak – die sonnige geaardheid van die jong donkerkopvrou wat die weergeite ontleed. Vir kykers van kykNET se Ontbytsake is die weerkundige en aanbieder Anika de Beer (32) al ’n welkome kuiergas in die huis. Want oor twee dinge is sy mal: “Die weer en om te gesels!” In die ateljee kan sy albei hierdie liefdes uitleef. Maar wat die meeste kykers nie weet nie, is watter hel die sprankelende aanbieder die afgelope drie jaar weens melanoomkanker deurgaan. Die diagnose in 2021 het haar soos ’n weerligstraal…

DIS een van die heel beste gevoelens – om in die aand tussen skoon lakens in te kruip. Maar as jy nie gereeld sorg dat jou lakens skoon is nie, kan jou bed ’n broeiplek wees vir dooie velselle, stofmyte en kieme. Dit kan van allergiese reaksies tot velirritasies en aknee veroorsaak. Hier is riglyne vir hoe gereeld jy jou beddegoed moet was om al die bogenoemde onplesierigheid te vermy. Lakens Was dit weekliks. Jy kan dalk af en toe ’n week oorslaan, maar moet nooit langer as twee weke gaan sonder om dit te was nie, sê Carolyn Forté van die Good Housekeeping Institute. As jy jou troeteldiere by jou in die bed laat slaap, moet jy jou lakens selfs nog meer gereeld was. Kussingslope Kussingslope moet elke week gewas…

“Dis nou maar een ding van die Van Wyks – wanneer probleme opduik, vee hulle dit altyd onder die mat in.” Dis ’n tipiese sêding in die Van Wyk-familie in die nuwe dramareeks Een keer om die son en vorm ook sommer die kern van die storie. Hierdie nuwe dramareeks is die geesteskind van die akteurspaar Ivan Botha en Donnalee Roberts, verantwoordelik vir treffers soos Pad na jou hart (2014), Stroomop (2018) en Blindelings (2023). Die reeks fokus op drie geslagte van die Van Wyk-familie en hoe hulle die skerwe van hul lewe bymekaar moet maak toe ’n hartverskeurende tragedie plaasvind. Ivan, die medeskrywer en mederegisseur van Een keer om die son, vertel die hele idee om ’n gesinsdrama te skep het in 2020 met die inperking by hom en…

MEER as 300 jaar nadat sy gesink het, gaan Colombia kyk of hulle die Spaanse oorlogskip die San José van naderby kan ondersoek. Die San José is in 1708 gesink, net 10 jaar ná haar nooiensvaart. Die skip was in ’n hewige geveg met Britse magte gewikkel toe dit op die aand van 8 Junie in die waters van die Karibiese See verdwyn het. Seshonderd mense is dood, en saam met hulle is $20 miljard se goud, silwer en juweliersware af na ’n watergraf. Die skatte was bedoel vir die koffers van die Spaanse koning Philip V. Vir jare het die skip in stille geheimenis gelê, met stories wat vertel is oor die “allerheiligste van skeepswrakke”. Dit het selfs ’n verskyning gemaak in die boek Love in the Time of…

Kry nou die nuwe Wiskunde-pakket Die splinternuwe Wiskunde-pakket bestaan uit video’s met verduidelikings wat leerders van graad 4 tot graad 6 kan help met onder meer maal-en deelsomme, breuke, geometriese patrone en somme oor tyd. Daar is ook werkvelle met memorandums wat jy kan aflaai om jouself te toets. Dié leerplangegronde pakkette is ook beskikbaar ◼ Sosiale wetenskappe: Geografie◼ Sosiale wetenskappe: Geskiedenis◼ Lewensvaardighede > Elke pakket bevat ’n verskeidenheid goed nagevorsde artikels met foto’s, infografikas en video’s wat die inhoud op ’n toeganklike en interessante manier aanbied. > Dit is gegroepeer volgens vakke en onderwerpe en kan jou kind help om klaswerk te verstaan en huiswerk te doen. Dit kan ook help met mondelinge, take en ander skoolprojekte. Besoek huisgenootjunior.com…

IN DIE gesinskamer van die Ehlers-huishouding het Mienke en haar sussie destyds gereeld konsert gehou vir hul ouers. Hierdie huiskonserte het die 13-jarige Mienke laat besef sy wil eendag ’n aktrise word. Veertien jaar later sou Mienke (27) en haar pa hulself weer in die gesinskamer bevind, hierdie keer om die eerste 10 episodes van Wyfie te kyk. Haar rol as die student Mia in die gewaagde Showmax-reeks het baie sekstonele behels, en Mienke was bekommerd daaroor. Wat sou haar ouers dink? Wat van haar ma se Bybelstudiegroepie? “Hulle was eintlik só ondersteunend,” vertel Mienke nou. “Hulle het verstaan dis die storie wat ek moes vertel, want dis ’n spieëlbeeld van wat werklik in die wêreld aangaan.” Dit sal baie mense ongemaklik maak om sekstonele van jouself op die skerm…

TOE hulle hoor hulle gaan saam in ’n kortfliek verskyn, het hulle eers ’n bietjie “uitgefreak van opgewondenheid”. Dis immers iets waaroor hulle al ’n paar jaar droom, vandat hulle mekaar ontmoet het. Nou is die Boer soek ’n vrou-aanbieder Marciel Hopkins en die Vergeet my nie-aktrise Marguerite van Eeden klaar met verfilming en is hulle opgewonde dat hul aanhangers die resultaat, Sprokie in die platteland, sien. “Sy is een van my heel beste vriendinne, en dit was só ’n groot voorreg om saam met haar te werk en bly op Kleinmond,” vertel Marciel, wat die rol van Moira vertolk. Dié is ’n onderwyseres wat eens skoolvriende met die kunstenaar Lienke (Marguerite) was. Al moes hul karakters soms nare dinge as vyande vir mekaar toesnou, kon Marciel en Marguerite nie…