Indholdsfortegnelse for 1 August 2024 i Huisgenoot

1 ‘EK IS MY EIE MENS’ LJ van Binnelanders is die seun van die nuusleser Freek Robinson. En al geniet Julian (19) dit nes sy pa voor die kamera, ‘kap ek my eie pad oop’ Nee kyk, ek moet erken, ek was uit die bloute geslaan toe ek dit hoor. Ag, maar hy is baie ougat. Kom ons kyk hoe baie kere hy ons nog gaan kwaad maak wanneer ons Binnelanders kyk. BERTUS Dit lyk vir my ons, die kykers van Binnelanders, hou klaar van jou. Ons sien die dieper kant en ware siel van jou karakter raak. Moet nou nie vir Ella te veel moeilikheid gaan staan en gee nie, hoor! ANNALISE Julian, ek onthou jou nog as ’n ougat redenaartjie in gr. 1 by die Laerskool Unika. Jy…

TOE my vrou – daai tyd was sy nog nie my vrou nie – ’n post op TikTok maak van ’n video waarin sy sê “this is how I look when I am single”, het ek daarop reageer en geskryf: “The Lies”. Ek kon glad nie glo dat só ’n mooi vrou single is nie. Soos hulle in TikTok-taal sal sê: Ek het toe in haar DM’s ingeslide. Ek dink dit was ná die tweede of die derde dag wat ons nommers uitgeruil het, en van daar het ons gewhatsapp en gevideo-call. Ek het in Port Elizabeth gewoon en ons het elke dag gepraat tot ek vir haar in die Kaap kom kuier het. Sy het my by die busstasie kom haal en ek dink sy was bietjie geskok toe…

MET hordes nuwe produkte op die mark en eindelose aanlyn grimeerlesse, kan dit moeilik raak om te weet wat die korrekte volgorde is om grimering aan te wend. Dis omdat daar nie regtig streng reëls is nie – en selfs skoonheidskenners verskil onder mekaar daaroor. Tog stem almal saam oor ’n paar algemene riglyne wat jy kan volg vir grimering wat heeldag goed lyk. Ons verduidelik stap vir stap hoe jy elke keer suksesvol kan wees. WENK Voor jy jou grimeersakkie nader trek, is dit belangrik om jou vel met goeie velsorg voor te berei. ’n Skoon, gehidreerde vel sal help dat jou grimering beter aan jou vel kleef en nie deur die dag verdof of afsmeer nie, terwyl dit ook jou vel meer stralend en gloeiend laat vertoon. 1…

Die meeste van ons ken een of meer mense wat soggens leepoog met ’n koppie koffie in die hand sit en net nie op dreef kan kom nie. Maar kom laatmiddag wanneer jy al moeg gewerk is, dan spring hulle met ’n vaart weg. Die idee bestaan dat naguile gevolglik deur die dag niks gedoen kry nie, maar volgens navorsing aan die Imperial College in Londen, wat 26 000 mense by die studie oor intelligensie, redeneringsvermoë, geheue en reaksietyd betrek het, is dit nie waar nie. Die Engelse gesegde lui: “The early bird catches the worm”, maar hulle het bevind dat naguile beter presteer het in die toetse as mense wat vroeg opgestaan het. Die hoeveelheid slaap wat mense gekry het, het egter ook ’n invloed op hul breinfunksie gehad.…

JO SE TYD IS NOU Dis die soort musiek wat hoop skep. Musiek met woema, musiek met diepte en lirieke met betekenis. En met Jo Black se nuutste liedjie, “Jou tyd is nou”, merk hy weer eens elkeen van daardie boksies af. “Die hele idee agter die lied is om mense aan te moedig om te baklei deur die storms wat hulle in hulle lewens ervaar,” sê Jo. “Ek het een aand ná ’n vertoning met ’n ou gepraat wat deur hel was. Hy het sy vrou en twee kinders verloor, en kanker oorwin. Terwyl hy met my praat, het ek net gevoel om vir hom te sê: Jou sukseskoers om deur jou donkerste dae te kom is nou 100%. Niks kan in jou pad staan nie. Jou tyd is…

DIE Machangara-rivier sny Quito, die besige hoofstad van Ecuador, middeldeur. Hy vloei van hoog in die Andes tot diep in die metropolitaanse hart van die historiese stad, waar hy al eeue lank deel is van die lewe. Maar die stad het gegroei, die mense het vermeerder, en die rivier se eens helder water kruip nou in ’n stink sloot vol chemikalieë en riool. Waar die rivier eers voorspoed gebring het, bring hy nou siekte. En vir die visse in die rivier het hy ’n graf geword toe die suurstofvlak so laag gedaal het dat amper geen waterlewe meer kan oorleef nie. Vir Dario Iza, ’n gemeenskapsleier van Quito, het die toestand van die rivier ’n nagmerrie geword. Hy en baie inwoners het ’n hofstryd aangepak om die regering van Ecuador…

BENEWENS die opstel wat jy elke eksamen moet skryf, word ook van jou verwag om twee transaksionele tekste te kan skryf. In die Blitsgids van 6 Junie vanjaar het ons gekyk na verhalende en beskrywende opstelle. In hierdie Blitsgids kyk ons na die verskillende soorte transaksionele skryfstukke waarmee jy te doen gaan kry. TRANSAKSIONELE TEKS Transaksionele skryfwerk verwys na die keuse van skryfstukke wat geskryf word om inligting aan die leser oor te dra. Dis met ander woorde nie ’n storie nie, maar niefiksie. Die vorm van hierdie tekste is die belangrikste deel, en jy kan baie punte kry as jy die formaat presies volg wanneer jy dit skryf. Hierdie stukke sluit in: instruksies, die formele of informele brief, ’n brief aan die media, ’n dialoog, ’n koerantartikel, ’n advertensie,…

‘EK HET GEHUNKER NA SUKSES. EN KREATIEWE VERVULLING. EN GELD. EN VROUE. EN ROEM. AL DAAI COOL DINGE’ HOLLYWOOD-akteurs bereik soms ’n vlak van tevredenheid – dis nou nadat hulle verby die honger ambisie-fase is maar nog nie naby aftrede nie – en hulle bloot voldaan voel as akteur en rustig as mens. Kevin Bacon (65) bevind hom nou by daardie punt. Hy het dekades lank deurentyd werk gehad, en hy deel sy Manhattan-woonstel en plaas in Connecticut met sy vrou van 35 jaar, die aktrise Kyra Sedgwick, en hul twee volwasse kinders, Travis en Sosie. Kevin is in ’n countrymusiekgroep saam met sy broer, Michael, en hy wys sy kreatiewe musiektalent ook in oulike Instagram-video’s van die Bacon-gesin (plaasdiere ingesluit) wat popliedjies sing. Die honger van die 1980’s toe…

DAAR is baie dinge waarvoor Alec Baldwin eendag onthou kan word. Vir sy rits rolle in gewilde flieks. Vir sy uitstekende toneelspel. Vir sy sjarmante glimlag. Vir sy eerste huwelik met die smeulende Kim Basinger, en sy tweede met die veel jonger jogaliefhebber Hilaria Baldwin, die ma van sewe van sy spruite. Maar eindelik sal dit als tweede viool speel wanneer daar eendag teruggedink word aan die loopbaan van dié ster van flieks soos It’s Complicated, The Hunt for Red October, Married to the Mob en Beetlejuice. Dít wat mense waarskynlik sal sê, is: “O ja, dit was mos hy wat iemand op stel doodgeskiet het.” Want met daardie skoot – ’n fratsongeluk – het die akteur die lot van sy nalatenskap beklink. En al is die strafsaak wat gevolg…

DIS hul tweede huweliksherdenking, maar pleks daarvan dat 16 Julie as die kroon op hul liefdesverhaal gevier word, het JENNIFER LOPEZ en BEN AFFLECK die dag apart deurgebring. Ondanks gerugte van ’n naderende egskeiding, en J.Lo se nuwe album en kortfliek wat misluk het en glo meer as R366 miljoen gekos het, lyk dit asof J.Lo vasbeslote is om positief te bly. Sy het ’n bietjie saam met vriende gaan ontspan in Italië, waarna sy ’n paar dae in die Hamptons deurgebring het saam met Ben se oudste dogter, Violet (18). Noudat die egpaar hul herehuis in Beverly Hills amptelik vir sowat R1,2 miljard in die mark gesit het, is dit dalk net die afleiding wat sy nodig het. Op die dag van hul huweliksherdenking is Jennifer (55) gesien waar…

MENG twee dele peroksied met een deel ammoniak en borsel dit deur jou hare, was haar blonde vriendin se ma se raad. Dis presies wat dié rooikopkind gedoen het – min wetende dat daardie “peroxide blonde” so ’n ikoniese deel van haar verhoogbeeld sou word. Sy moes selfs aanhangers oortuig haar naam is nie “Blondie” nie, dis die gróép se naam… Háár naam is Debbie Harry. Eintlik het die sexy sangeres se biologiese ouers haar Angela Trimble gedoop toe sy in 1945 in Miami gebore is. Op drie maande is sy aangeneem en haar naam is na Deborah Ann Harry verander. Danksy haar unieke styl en smeulende skoonheid sou sy een van die vernaamste kunstenaars in die grinterige New York van die 1970’s word. Tog het sy eers op 31…

Wat is geluk vir jou? Om tevrede te wees met wat jy het en wie jy is. Wanneer en waar was jy op jou gelukkigste? Op my troudag en die dag toe ek The Voice gewen het. Wat verveel jou? Simpel gesprekke. Waaroor is jy spyt? Dat ek nie minder geëet het toe ek jonger was nie. Ek was lekker groot. Nee, ek joke. Ek dink nie ek is spyt oor enigiets nie. Hoe sal die mense wat jou goed ken jou beskryf? As redelik simpel en hopelik as onselfsugtig. Wat is jou beste eienskap? Ek kan oplossings kry vir probleme. Met watter slegte eienskap in ander kan jy saamleef? Mense mag wees wie hulle wil wees. Wie of wat kan jy nie verduur nie? My kat. Hy miaau elke…

ONLANGS nog was hulle saam op Huisgenoot se voorblad: “Só lyk verlief!” En ai, ja, hy wás “smoorverlief” op haar, sê Francois Jacobs. Dis nou op Nykie Pretorius, die langbeenskoonheid wat haar weg tot in sy hart gevind het in Op my eish!. Hy’t gedink sy’s “Die Een”. Gedink hulle sou trou. Hulle het saam ingetrek, saam nesgeskop. Saam planne beraam, en saam gedroom. En toe, eensklaps, is als verby. Nét so kan dinge wat van buite volmaak lyk, skeefloop. En dit was séér, erken hy. Tog is daar vandag weer ’n glimlag op die gesig van die akteur. ’n Speelsheid in sy oë en ’n vrolikheid in sy stem. Hy’t hom voorgeneem om “ten minste vir ’n jaar single te bly, net om myself weer te vind” nadat die…

WENK Koop ’n gaar braaihoender, gooi die vel en bene weg, en versnipper die vleis. HOENDER-&- MURGPAMPOEN-LASAGNE GENOEG VIR 6 MENSE / BEREIDING EN GAARMAAK: 1 UUR ◗ 2 groot murgpampoentjies (500 g)◗ 750 ml (3 k) versnipperde braaihoender◗ 800 g klaarbereide pastasous◗ 125 ml (½ k) rysnoedels◗ 500 ml (2 k) gerasperde mozzarella Voorverhit die oond tot 180 °C. 1 Sny die murgpampoentjies met ’n skerp mes skuins in dun skywe van sowat 5 mm breed.2 Plaas die hoendervleis in ’n bak. Roer 375 ml (1½ k) van die pastasous in.3 Strooi die ryspasta oor die bodem van ’n reghoekige oondvaste bak met ’n inhoudsmaat van 10 k.4 Bedek met die helfte van die hoendermengsel. Bestrooi met die helfte van die kaas. Rangskik die helfte van die murgpampoentjies oor…

LEEU 22 JULIE – 22 AUGUSTUS Wees versigtig om teen die 2de impulsiewe besluite te neem wat jou loopbaan en verhoudings by die werk nadelig kan beïnvloed. Met die nuwemaan op die 4de in jou teken is dit ’n gepaste tyd om nuwe voornemens vir die res van die jaar te stel om weer jou ware self te vind. Geldsake moet nie as vanselfsprekend beskou word nie, en tensy jy noukeurig daaraan aandag gee, kan dit voel asof ’n gat in jou sak jou geld stelselmatig laat verdwyn. MAAGD 23 AUG – 22 SEP ’n Uitval by die werk rondom die 2de is waarskynlik nie ernstig nie, so probeer om nie daaroor te tob nie. Die liefdesdiva, Venus, wat op die 5de in jou teken inbeweeg en allerhande gunste en…

JOPIE FOURIE: ’N BESINNING Deur ALBERT BLAKE Protea Boekhuis, R395 “Blake se werk huiwer nie om op ideologiese tone te trap nie. En, bygesê, vir die oningeligte leser wat maar vaagweg van Jopie Fourie weet of nog glad nie van hom verneem het nie, sal hierdie werk nuwe insigte bring. Dit moet (en sal na my mening) help om die glans of die modder af te skraap wat oor jare oor Jopie Fourie opgebou is.” Só skryf die historikus prof. Fransjohan Pretorius agterop Albert Blake se Jopie Fourie: ’n Besinning. Prof. André Wessels meen die boek sal beslis debat stimuleer omdat “Suid-Afrikaners van alle kultuurgroepe moet rekenskap gee van hul gedeelde verlede”. Voeg hierby ’n aanhaling van wyle aartsbiskop Desmond Tutu wat voorin gegee word as ’n moontlike sleutel tot…

KOOIGOED Waarom het die ou sy bed in die rotstuin gaan maak? Hy wou soos ’n klip slaap. L. SAAYMAN SONDE MET DIE BURE Ek en my buurman het nou erg stry gekry. Hy sê toe hy gaan my foeter as ek by die huis uitstap. Hy kan sy sterre dank ek het nie ’n rede om nou buite te wees nie! WOLLIE, PRETORIA WIT LEUENTJIES Wanneer mense vir my sê hulle kinders is nooit stout nie, wonder ek altyd of hulle belastingbedrog ook pleeg. DENISE, PRETORIA DODELIKE DIEET Piet: “Hoekom eet jy nie jou groente nie, Koos?” Koos: “Want my oom is dood daaraan.” Piet, verbaas: “Regtig?” Koos: “Ja, ’n vragmotor vol pampoene het oor hom gery.” L. SAAYMAN JAKKALSIES Klein Jannie vra sy ma: “Ma, wat is kalorieë?”…

TOWERSAND bly droog al skep jy dit in en uit ’n glas of vaas water. As jy verskeie kleure sand inspan, skep jy ’n fassinerende kunswerk wat pragtig is om te aanskou. As jy die sand uit die water haal, is dit dadelik weer droog. Jy kan selfs ’n lagie bo-op die water versprei en jou vinger daarin druk – al is jou vinger binne-in die water, sal dit droog bly. ’n Mens kan towersand in die winkel koop, maar dis baie meer pret om jou eie te maak. STAP VIR STAP 1 Bedek die bakplaat met foelie en gooi die sand daarop uit. Gebruik ’n aparte vel foelie vir elke kleur. So sal jy dit makliker kan roer sonder dat die kleure deurmekaarraak. Jy kan ook die sand tussen…

CRONJÉ LEMMER (75), POTCHEFSTROOM, ONTWERPER ‘EK’T op ’n plaas net hier buite Potch grootgeword. Ek het my vergaap aan hoe my ma werk as sy vir ons klere maak. Sy het altyd gesê ek is nou net lastig. Maar sy het my al van voorskool af stukkies lap en naald en gare gegee om my besig te hou. Of dalk om my onder haar voete uit te hou, ek weet nie. My drie broers was nou nie juis beïndruk met my nie, want ek wou nooit saam met hulle karretjies speel nie. Ek het eerder tyd saam met my ma in haar naaldwerkkamer deurgebring. Ek was ses jaar oud, toe vra die sub A-juffrou ons elkeen in die klas wat ons eendag gaan word. Ek het dadelik geantwoord: Ek gaan…

‘Ons piepie saam en hou hande vas. Hy sit, en ons vra mekaar: Wat doen ons vandag, skat?’– MEGHAN WAT jy doen in die privaatheid van jou eie huis, is sekerlik jou eie saak, maar MEGHAN TRAINOR se besluit om twee toilette langs mekaar te hê het die tonge onlangs laat klap! Meghan (29) en haar man, DARYL SABARA (30), wat in Spy Kids gespeel het, het onlangs hul huis van R225 miljoen in die mark gesit. En dis veral die einste toilette wat die wenkbroue laat lig het. Meghan is daaroor uitgevra toe sy in The Tonight Show Starring Jimmy Fallon was. Die sangeres het toe verduidelik die besluit was prakties eerder as romanties. “Ons het by hierdie nuwe huis ingetrek en gereeld in die nag opgestaan met ’n…

Af en toe voel dit asof iemand jou keel van binne af rasper. Sooibrand is nie kinderspeletjies nie. Maar wat is dié sooi wat so brand? ’n Paar honderd jaar terug sou ’n boer op die baie vlaktes van Holland vir jou vriendelik ’n sootjie hoender op ’n bord kon aanbied – letterlik ’n kookseltjie. Die woord net voor daardie een was “sode”, en as jy ’n pot water kook en hy maak borrels, was hy “sodend”, waar ons “siedend” kry (die neef van die Engelse “seethe”). Die woordjie “sode” gaan nog verder terug, na Oudduits en anderkant. ’n Borrelende, plassende stroom was “seyð” en dit het net een afferige kooksel hoender gevat om mense so na daai stroompie te laat kyk en te dink: My binnegoed voel skielik ’n…

OM AFSKEID te neem het nooit maklik geraak nie – daarvoor was sy te verknog aan haar peetkind. Tog, ná byna drie dekades, het sy die groet al meer gewoond geraak. Sy het immers g’n ander keuse gehad nie: tussen Suid-Afrika en Amerika lê die Atlantiese Oseaan – en byna 16 000 km. Deur die jare, sê tannie Esta Steyn, het die antwoord gekom: om met elke kuier die beste van hulle saamwees te maak. Toe Esta TerBlanche dus onlangs in Julie by haar tannie gekuier het, het sy haar peetkind en naamgenoot se trooskos voorgesit: onpretensieuse beestong en sagopoeding. Esta, bekend om haar destydse rol as Egoli se Bienkie, was dalk ’n glansryke aktrise uit Hollywood, maar sy was so plat op die aarde soos die platteland self, al…

Mikro Oorkruis Maksi Skouer Oophak Slenter Plathak Bandjies KRY DIT HIER ACKERMANS 086-090-0100; BASH.COM; CHARLESKEITH.COM; COTTON ON 087-550-4383; DUNNS.CO.ZA; EASYBREEZYSTORE.CO.ZA; EDGARS.CO.ZA; EXACT 021-938-7096; LEGIT.CO.ZA; MILADYS 0800-212-535; MRP 064-584-1000; PICKNPAYCLOTHING.CO.ZA; POETRY.CO.ZA; SHOECITY.CO.ZA; SUPERBALIST.COM; THE FIX 021-938-7096; TRUWORTHS 087-285-9401; WOOLWORTHS 0860-022-002; ZARA 011-302-1500 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. VEk is eintlik skaam om hierdie brief te skryf en raad te vra. Sien, ek is net vier maande getroud en reeds gereed om uit my huwelik te stap. My man slaan my nie, ek word nie verbaal of finansieel geboelie nie, maar ek is keelvol vir sy gedrag. Ek voel soos ’n bediende in my eie huis, en dit staan my glad nie aan nie. My man doen absoluut niks…

GROOT BLOKRAAI WEN ’N BOEK VAN QUEILLERIE PLUS KOM IN AANMERKING VIR DIE MAANDELIKSE TREKKING VAN R1 000. NO 2 555 KOMPETISIEVRAAG Watter soort hond is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Hemel en aarde en ons deur Zirk van den Berg (Queillerie, R300). Meer as ’n eeu gelede raak die dorpenaars van Kolmanskop skoon oorhoops toe die mynbaas Hans-Peter Kranz ’n dokter aanstel wat al die tyd ’n vrou is. Dokter Alexandra Stackelberg moet die x-straalmasjien by die diamantmyn bedryf – nie alleenlik om mediese redes nie, maar ook om diamantdiewe vas te trek. Haar werk raak ’n morele dilemma en twee mans ding mee om haar aandag, terwyl oorlogswolke…

SONDAG 14 Julie was ’n baie goeie dag vir Spaanse sport. Die 21-jarige Carlos Alcaraz het vir die tweede keer Wimbledon gewen toe hy Novak Djokovic geklop het. Hy het die Amerikaanse Ope in 2022 en vanjaar se Franse Ope gewen. Carlos het twee jaar gelede op 19 die jongste man geword wat die no. 1-plek op die ranglys ingeneem het sedert die Ope-era in 1968 begin het. Carlos word gesien as die gunsteling om die goue medalje te wen by die Olimpiese Spele in Parys. Tog sê Carlos, wat in El Palmar gebore is, hy voel nog nie soos ’n kampioen nie. “Dis vir my die beste om met dié ongelooflike trofee weg te stap,” het hy gesê. In Duitsland het die 17-jarige Lamine Yamal, wat net die dag…

VIER dekades al val die v o rmpi e s een- een voor ons oë. Die kleurvolle speletjie Tetris, met sy opgewekte Russiese deuntjie, is tot vandag toe, ondanks vurige kompetisie, steeds die wêreld se gewildste rekenaarspeletjie. Verkope het lankal 5 000 miljoen verbygesteek. Om 40 jaar te vier, het The Tetris Company hope nuwe projekte aangekondig. Jy gaan Tetris-produkte binnekort in speelgoedwinkels sien in samewerking met Rubik’s Cube, Hot Wheels en Transformers, en op jou rekenaar ingeklits saam met Minecraft. Maak jou reg vir kunsuitstallings, ’n nuwe app-weergawe van die speletjie en hernude gewildheid van die Tetriswêreldkampioenskap. Ons bou ’n prentjie van die speletjie wat tot nou toe sy eenvoudige pretresep behou het. GEBLOK! “Ek gaan omval, ek kan nie my vingers voel nie,” sê die 13-jarige Willis Gibson…

ONDER die dreunsang van 50 000 stemme in ’n stampvol stadion in Ierland sweef die stem van die popster op die verhoog moeiteloos oor die skare. Dis onmiskenbaar Taylor Swift dié, sal enigiemand jou sê. Maar jy hoor ook iets anders. Iets, wel… bekend: die gerol van r’e, die gesleep van die g-klank. Dis mos Afrikaans dié, hoor jy dit selfs onder die luide toejuiging van die skare, en die stem wat hier sing, behoort aan die Kaapstadse model KATRYN KRUGER. Toe sy en ’n paar vriendinne onlangs vir ’n ultimate girls’ trip, soos hulle dit noem, na Dublin gereis het, het dié Swifties Taylor se Eras-musiektoer bygewoon. En ja, hulle hét harder as almal in die stadion gesing. “Daar was ’n byna tasbare opgewondenheid en vreugde by die konsert,”…

VAN diep delf kan jy haar sowaar niks vertel nie. In haar eie lewe moes AMOR VITTONE al harde klippe kou. Daar was die verbrokkeling van haar huwelik met Joost van der Westhuizen, die hartseer van romantiese verhoudings wat gesneuwel het, en meer onlangs die dood van haar pa, Dario. Daarom was dit vir haar maklik om Leticia in Diepe waters te speel. Sy weet immers waar om diepte uit haar eie lewe te gaan haal. “Leticia is baie anders as Zelda wat ek in 7de Laan gespeel het,” vertel Amor. “Sy is broos, en ek het dit geniet om dieper te delf om by die karakter uit te kom.” Leticia, beskryf Amor haar, is ’n eensame vrou wie se geheimsinnige teenwoordigheid beloof om die rustige lewe van almal in…