Indholdsfortegnelse for 8 August 2024 i Huisgenoot

MAAK JOU POTLOOD SKERP VIR ◼ groot blokraaie◼ fotoblokraaie◼ blitsies◼ koderaaie◼ breinknopers◼ anagramraaie◼ liedjieraai◼ sudoku’s As jy eers begin, sal jy nie kan stop nie! BESTEL SÓ: AANLYN media24.shop.com of huisgenootwinkel.com BEL 021-406-4962 E-POS koop@huisgenoot.com Gaan na www.media24shop.com…

Ons sê mos “opposites attract”. Partykeer “attract” hulle so hard dat hulle saam eindig aan dieselfde kant van die heining. Soos ons Kaapse gunsteling: “guur” en “onguur”. Om ’n lang storie kort te maak: Hulle twee is sinonieme, behalwe ons gebruik “onguur” net vir mense. “Guur” was in die Middeleeue “gehuer”, en dit het beteken “liefies, fyntjies, aangenaam”. Ons sou vandag seker sê “nice”. “Onguer” was sy tee n-oorgestelde. Dalk het mense vergeet, of dalk was mense lank erg sarkasties – iets wat ons almal dalk sou doen as ons die Swart Dood moes deurmaak. Hoe dit ook al gebeur het, “guur” het net so negatief soos “onguur” geword. Vandag se bronne sê “onguur” word vir mense gebruik en beteken “rof, onbeskof, gemeen”. “Guur” is wat die weer buitekant doen:…

BELANGRIK Tensy die aanbevole hekeldraad gebruik word, kan Saprotex nie verantwoordelikheid aanvaar vir die eindproduk nie. BENODIGDHEDE ◼ 7 x 100 g-Elle Seasons-bolle in die kleure van jou keuse A en B (ons het Rainfall 005 vir A en Sandy Beach 720 vir B gebruik) ◼ 4,5 mm-hekelpen GROOTTE ± 120 cm x 200 cm Die aanwysings is slegs vir een grootte. SPANNING 18 ste en 24 rye = 10 cm oor patroon met ’n 4,5 mm-pen. Vir die beste resultate is dit noodsaaklik om die regte spanning te verkry. As daar te min steke in die toetslappie is, gebruik ’n dunner pen; as daar te veel steke is, gebruik ’n dikker pen. OM TE HEKEL Let wel: Wees versigtig om die gls nie te styf te hekel nie, anders…

LEEU 22 JULIE – 22 AUGUSTUS ’n Groepsprojek het nie net jou aandag getrek nie, maar ook jou steun en geesdrif. Of dit ’n gemeenskapsprojek, werksdinamika of vriendskapsgroep is, dit kan heelwat baat vind by jou deelname en leierskap. Jou vermoë om mense te verenig en leiding te gee is nou van onskatbare waarde. Verwag ’n paar kopsorge oor finansiering wat nie sommer net in plek sal val nie. Jy sal maar net moet skouer aan die wiel sit en geduldig wees. MAAGD 23 AUG – 22 SEP Jou loopbaan is in ’n opwaartse siklus, en dit gee jou selfvertroue ’n hupstoot. Maar so belowend as wat dit is, sou jy kortsigtig wees om te dink alles is dooddollies en jy kan ontspan. Aangesien jou planeet, Mercurius, nog agteruitbeweeg, sal…

KARLIEN SE PELGRIMSTOG Karlien van Jaarsveld se jongste liedjie neem haar terug na kleintyd-oomblikke van seerkry. Aanhangers weet reeds sy’s iemand wat hou van diepte en betekenis in haar musiek, en met haar nuwe liedjie, “Katrientjie Katryn”, kyk sy na daardie pynlike dinge wat ’n indruk op haar as kind gemaak het. “In die liedjie keer ek terug na daai kleintyd-oomblikke van seerkry waar ’n mens partykeer voel jy het jouself ook op daai plek in tyd agtergelaat, net soos ander het,” sê sy. “Omdat ’n kind opkyk na die volwassene, sal die kind eerder die volwassene se manier van kyk na die situasie glo. Dit word dan soos ’n kamerdeur wat toegetrek en nooit weer oopgemaak word nie. Tog is die kamer altyd daar. “Ek het gekies om terug…

Proloog Ek verwurg my slagoffers. Ek put geen sensuele genot daaruit nie, want dit is ’n onpersoonlike en kliniese proses. As my gehandskoende hande om ’n nek sluit, dink ek nie meer aan die persoon nie. Dan word dit net ’n tegniese handeling wanneer ek my krag na my duime verplaas sodat ek harder op die strot kan druk. Ek sorg dat my ander vingers diep wegsink in die nekvel vir ’n stewige greep. My eerste twee slagoffers se reaksies was amper identies. Vingers wat desperaat poog om die klemgreep op hulle kele te verbreek en bene wat wild skop. Maar sodra die besef by hulle insink dat ek die oorhand het, gee hulle hul oor aan die onafwendbare. Dan begin daar roggelgeluide uit monde ontsnap, oë peul uit kasse,…

HERKOMS Die landdros vra vir Koos: “Meneer Van der Merwe, waar is jy gebore?” Koos antwoord: “In die Kaap, Edelagbare.” Die landdros vra: “Watter deel?” Koos antwoord: “My hele lyf, Edelagbare. Net die tande kom uit Johannesburg.” LOUISE NOETH VLIETEND WYS Teen die tyd dat jy 80 jaar oud is, het jy regtig alles geleer. Die probleem is dan net om dit te onthou. WOLLIE, PRETORIA ALMAL OF NIEMAND “Ek het nog nooit tevore gevlieg nie,” sê die senuagtige vrou vir die vlieënier. “Jy sal my veilig terug aarde toe bring, nie waar nie?” “Al wat ek kan sê,” antwoord die vlieënier, “is dat ek nog nooit iemand daar bo gelos het nie!” JOHANNA RADEMEYER KOSKENADES ’n Eier en ’n repie spek stap by ’n restaurant in en vra ’n…

1 Watter rivier vloei deur Angola, Zambië, Namibië, Zimbabwe en Mosambiek? 2 Watter kleur is die edelsteen smarag? 3 In watter kinderreeks verskyn die karakters Elmo en Big Bird? 4 Watter land staan bekend as die “land van die middernagson?” 5 Wat berg kamele in hulle boggels? Antwoorde: 1 Zambezi-rivier  2 Groen 3 Sesame Street  4 Noorweë 5 Vet BRONNE: CNN, THE GUARDIAN, BBC, HISTORY.COM, BBC.CO.UK, GOODNEWSNETWORK.ORG, SURVIVALINTERNATIONAL.ORG, WWF.ORG.EC, APNEWS.COM, OXFORD LANGUAGES…

DEESDAE se prinsesse kom in allerlei gedaantes. Toe Bulgarye se prinses Kalina onlangs die eerste keer in vier jaar haar verskyning in die openbaar maak, was haar oranje hare en blougrys gelaat reeds ’n afwyking van die beeld van Disney-prinsesse waarmee ons grootgeword het. Maar dit was nie die ding wat die meeste uitgestaan het nie: Dié prinses se bultende boarms lyk beslis nie soos dié van ’n Raponsie wat sal rondsit en wag dat ’n prins haar kom red nie. Trouens, ’n mens vermoed sy sal ’n oorlamse prins met een klap kan platvee. Die geleentheid was ’n ongewone soort begrafnis. Die Bulgaarse tsaar Ferdinand I is 76 jaar al dood, maar sy liggaam is nou onlangs eers vanuit Duitsland na die Vrana-paleis in Sofia, die hoofstad van Bulgarye,…

DAAR is mos altyd een of ander jong Springbok oor wie die wêreld gons – die een wat volgens kommentators die “toekoms van Suid-Afrikaanse rugby” is. Maar soms duik daar iemand op wat so duidelik op die veld uitblink dat jy nie eens vir die kommentators hoef te wag om jou van sy blink toekoms te vertel nie. Jy weet met die eerste oogopslag hy gaan die wêreld met sy rugbystewels oorrompel. Die 22-jarige Sacha Feinberg-Mngomezulu het skaars twee maande gelede die eerste keer vir die Bokke uitgedraf, maar reeds toe hy in Junie die groenen-goud oor sy kop getrek het vir die wedstryd teen Wallis, kon ’n mens sien hier kom ’n ding toe hy ’n strafskop van ver af deur die pale geklits het. Sy vertoning in verlede…

CRAIG EN GENNA Hulle noem die nuus oor Genna se swangerskap ’n soort wonderlike wending. Die dag toe Craig Barry, die voormalige Cheetahs-speler en deesdae ’n afrigter, en sy vrou Genna, ’n beïnvloeder op sosiale media, op 20 April uitvind dat hulle binnekort ’n dogtertjie ryker word, wou hulle van blydskap huil. “Ons is in die wolke,” vertel Genna opgewonde. “Ná ’n hartseer miskraam vroeër die jaar het ons nie verwag om so gou ons reënboogbaba te verwelkom nie. Ons is ongelooflik dankbaar vir hierdie seën.” Hulle het ondanks die terugslag gewéét ouerskap is vir hulle beskore. “Craig was besig om rugby te kyk toe ek uit die badkamer kom en die positiewe toets vir hom wys. Hy het net gelag en gesê: ‘Ek het jou so gesê!’” Genna, wat…

LADY Whistledown sou JENNIFER LOPEZ se verjaardagpartytjie in die Hamptons met Bridgerton as tema vreeslik geniet het. J.Lo was omring deur familie en vriende op haar 55ste verjaardag – almal behalwe een: haar man, BEN AFFLECK (51). Ben se afwesigheid was net nog ’n teken van die twee se verhouding wat nie meer so rooskleurig is nie. Hy is op dieselfde dag in Los Angeles gewaar toe hy ’n paar draaie gestap het. Die egpaar is weke laas saam gesien. Tog het die aktrise nie toegelaat dat dit haar pret bederf nie. “Ek is so lief vir julle,” het sy op Instagram vir haar aanhangers geskryf. “Ek wil hê julle moet op my verjaardag weet dat julle my grootste geskenk is. Benewens my familie en vriende was julle altyd daar…

1 HAILEY DRYF WEG VAN FAMILIE Sy is dalk deel van die Baldwin-dinastie, maar noudat sy swanger is, is HAILEY BIEBER (27) meer ingestel op haar eie gesin saam met haar man, Justin Bieber (30). In ’n onderhoud met W Magazine sê die dogter van die akteur STEPHEN BALDWIN en broerskind van Alec Baldwin al het sy baie mooi herinneringe van haar kinderjare, is sy nou nie “vreeslik naby” aan haar familie nie. “Ek’s nou my eie mens, en ek het my eie gesin gevorm.” Op die foto is haar suster ALAIA (31) saam met haar en hul pa. 2 SYDNEY GEKRAAK Die aktrise SYDNEY SWEENEY (26) van die reeks Euphoria het onlangs twee keer op een dag onder internetskurke deurgeloop. Bedrieërs het haar foonnommer na ’n toestel omgeskakel wat hulle beheer. Volgens…

1 JACQUES FREITAG SE MA VERPLETTER Die voormalige hoogspringkampioen se suster, Chrissie Lewis, vertel hul ma, Hendrien, is gebroke ná sy dood Ek het ook ’n seun verloor. Dis ’n bitter pad. Ek kon ’n jaar lank nie behoorlik eet nie. Drink ’n voedingsdrankie soggens en saans. Sluit aan by die Compassionate Friends-steungroep naby jou. Sterkte! SUSAN Sterkte vir julle. Dit is sleg om ’n kind op so ’n manier te verloor, ek het ondervinding daarvan. Dit is moeilik, maar wees sterk in gebed, dit is al wat help om hierdie dinge te verwerk. ’n Mens vergeet nooit. Seënwense. CHARLOTTE Baie sterkte aan die familie. Dis die grootste seer vir ’n ouer. Ek weet. Wees maar net elke dag daar vir jou ma. Sit by haar, hou haar vas, gee haar…

EK HET baie streng ouers gehad. Voor ek getroud is, was dit skool toe, kerk toe en huis toe. Ons was sewe kinders. My ouers was bietjie strenger met my omdat ek die oudste was. Ek moes alles eerste leer. Eerste leer kos maak, leer wasgoed doen, leer brood knie. Alles het by my begin. Maar ek was stadig met die liefde. Daar was so af en toe ’n butterfly vir iemand, maar niks ernstig nie. Ons het op ’n plekkie gebly waar daar net vyf huise was. Eddie se tannie het langs ons gebly. Hy’t die aand wat ek hom ontmoet het by sy tannie-hulle kom kuier. Ons was goeie bure met sy tannie, so ons het in en uit uit mekaar se huise geloop so asof ons familie…

VIR HAAR GEDEMP KLEURVOL VIR HOM GEDEMP KLEURVOL KRY DIT HIER CONVERSE BY BASH.COM; DUNNS 0860-900-400; EDGARS 0860-111-826; H&M 0860-690-707; HI-TEC BY BASH.COM; IDENTITY 021-460-2400; LEVI’S 087-133-2369; MYRUNWAY 087-943-2444; OLD KHAKI 0860-444-429; REFINERY 0860-900-400; RELAY JEANS BY BASH.COM; SHOE CITY 0860-900-200; SOVIET SUPPORT@SOVIETDENIM.CO.ZA; SUPERBALIST.COM; THE FIX BY BASH.COM; TRUWORTHS 087-285-9401; UMBRO (TEKKIE TOWN) 0860-900-400; VANS BY BASH.COM HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. V Ons was net twee dogters in ons huis. Ek is die oudste. My sussie kon skaars loop, toe het ek reeds baas begin speel oor haar. Ek het aanvanklik gedink dis hoe dit hoort. Maar geleidelik het dit begin verander in boeliegedrag. Ek het haar soos ’n slaaf behandel, en as sy geweier het om iets te doen, het ek haar afgeknou. Van hare trek en knyp tot by klappe uitdeel.…

Misdaadreekse was nog altyd gewild. Dink maar aan NCIS, Criminal Minds, True Detective, Catch Me a Killer en The Mentalist – amper te veel om op te noem. In Afrikaans het ons ook Projek Dina, Donkerbos, Die Boland Moorde en Die Byl, wat vyf seisoene gehad het. Sulke reekse is nie net boeiende kykstof nie. Kykers speel graag self speurder van hul rusbank af om te raai wie die skuldige is. Maar wees gewaarsku, die splinternuwe Wie was dit? wat vroeg in Augustus begin, is nie jou alledaagse speurreeks nie. Dit is ’n unieke konsep en bestaan uit vyf episodes waar vier amateurspeurders onder leiding van ’n hoofspeurder ’n moordraaisel moet probeer ontrafel. En daar’s groot geld op die spel vir diegene wat reg raai. ENIG IN SY SOORT Die…

Dis amper moeilik om te glo, maar op 25 spog die Amerikaanse rap-en popprinses Latto met 10 jaar se ervaring in die bedryf. “Seven”, haar duet verlede jaar saam met die Koreaanse sanger Jungkook, het daarvoor gesorg dat sy die trefferlyste klim, die Billboard Hot 100 ingesluit. Vandag skitter sy op vele verhoë met uitverkoopte vertonings en sy sê sy is honger vir nog. “Ek soek meer,” vertel sy, en met die uitreiking van haar jongste liedjie, “Big Mama” (omslag regs), lyk dit asof sy bereid is om ook meer te gee vir haar derde album, Sugar Honey Iced Tea, wat later in Augustus uitgereik word. Tog belowe Latto, gebore Alyssa Michelle Stephens, sy gaan met die nuwe album terugkeer na haar wortels in die Suide van Amerika waar haar tuisstad,…

GROOT BLOKRAAI WEN ’N BOEK VAN LUX VERBI PLUS KOM IN AANMERKING VIR DIE MAANDELIKSE TREKKING VAN R1 000. № 2 556 KOMPETISIEVRAAG Watter ou bouwerk is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Weskus-omnibus 2 deur Helena Hugo (Lux Verbi, R320). Hierdie omnibus bied twee inspirerende topverkoperromans in een boek. Ter wille van Talita gaan oor die Van den Heevers van Lambertsbaai wat hulle meestal eenkant hou. Die gesin beland egter onder die soeklig toe Theuns weier dat sy dogters aan ’n Kersspel deelneem. Dit lyk of hy sy vrou en kinders met ’n ysterhand regeer. In Haar ma se kind ontmoet ons Dania Pietersen, Dora en Jonnie Stals se susterskind…

IN ’N knus eenslaapkamerwoonstel in die bedrywige Seepunt droom hulle al lank oor ’n huisie op die platteland – een met ’n tuin vir ’n hond of twee, ’n kaggel wat in die winter kan knetter, ’n huis met ’n lang tafel waarom hulle en die mense in hulle lewe ure lank kan kuier. Nou het dié droom waar geword, vertel die akteurspaar ARMAND AUCAMP en SEAN VAN NOORDWYK. “Ons is mal oor die stad en die see, maar ons het na meer kalmte en ruimte gesmag – iets met genoeg plek vir ’n hondjie, soos ’n skaaphond of golden retriever,” sê Armand. Hy het lank gevat om aan die idee van die platteland gewoond te raak, sê die akteur. Sean, daarteenoor, was lankal gereed vir so ’n groot skuif.…

NIKS is belangriker as haar fisieke voorkoms nie, sy moet perfek wees, het haar beroemde akteur-pa haar altyd vertel. Henry Fonda se raad aan sy dogter was sprekend van ’n patriargale Hollywood waar mooi vroue dikwels die etiket van “sekssimbool” gekry het. Maar sy was veel meer as dit. In haar lang loopbaan sou Jane Fonda stereotipes, diskriminasie, ongelykheid en ongeregtigheid vreesloos aanvat. Haar toneelspel is met twee Oscars en sewe Golden Globes beloon, en as invloedryke aktivis is sy telkens in polisieboeie geslaan. Jane is in 1934 in New York gebore. Sy was net 12 toe haar ma, Frances, haar eie lewe geneem het. “Ek het sonder ’n vroulike rolmodel grootgeword,” vertel sy in haar outobiografie, My Life So Far. Haar vroeë rolle was in komedies. Toe verskyn sy…

Wanneer en waar was jy op jou gelukkigste? Op my troudag. Waarmee hou jy jou die graagste besig? Om uit te vind wat die huwelik is en hoe dit werk. Wat verveel jou? Small talk. Ek haat dit. Ek wil altyd dieper gaan. Waaroor is jy spyt? Oor niks. Alles het gebeur soos dit moes. Hoe sal die mense wat jou goed ken jou beskryf? As lojaal, passievol en vriendelik. Met watter slegte eienskap in ander mense kan jy saamleef? Bennie (Fourie, haar man) hou van sy dingetjies in plek, en dit frustreer my soms, want soms wil mens net lewe en baljaar en dinge doen. Wat beïndruk jou in ander mense? Hardwerkendheid. Wie sou jy die graagste vir ete wou nooi? Ek weet nie – dis pressure om vir…

DIE swart toga hang vandag so half vergete in die hoek van sy groot kantoor met ’n uitsig oor die welvarende sakehart van Sandton. Maar dis eintlik nooit vergete nie, want dis meer as ’n kledingstuk. Dis ook ’n simbool van sy toewyding aan die gesag en integriteit van die regsproses. En dis daardie toga wat van hom ’n bekende naam gemaak het met die opspraakwekkendste moordverhoor in die geskiedenis van Suid-Afrika. Dis nou al 10 jaar sedert hy Oscar Pistorius verdedig het tydens sy verhoor vir die moord van Reeva Steenkamp, en die voormalige Paralimpiese kampioen is al op parool vrygelaat. Maar niemand wat die hofdrama destyds gevolg het, sal sy vurige tweegevegte met die staatsaanklaer, Gerrie Nel, ooit vergeet nie. Dis nie dat adv. Barry Roux gretig is…

CINDY is 29 jaar oud – stokoud, sou jy kon sê. ’n Ou vrou, blind en sieklik. Sy’s vernoem na die supermodel Cindy Crawford, maar tradisioneel mooi is sy nou nie juis nie. Tog is sy ’n aanlyn ster. Haar gewildste video is al meer as 100 miljoen keer gekyk. Sy word net twee keer per jaar gebad, een keer voor die winter, en een keer daarna. Dié gepamperlang geniet sy, ook maar tipies vrou. Maar foeitog, sy het kanker. Haar dae is getel. In November word sy 30, en dis oud vir haar spesie. As sy die dag dood-gaan, gaan almal op die plaas saam kom begrafnis hou, want liefde ken sy al haar lewe lank. Cindy is ’n bobbejaan. Skuus, nie net ’n bobbejaan nie. Sy is Ruben…

PARTY mans kan jy skaars met stokke en swaarde by die dokter kry, al is hulle halfpad dood, maar daar is drie toetse waarvoor jy kan gaan wat onnodige pyn en lyding kan help keer: bloeddruk, cholesterol en bloedsuiker. Dit gee jou dokter ’n goeie algehele blik op jou gesondheid, en as jy dit een keer per jaar laat toets, kan probleme geïdentifiseer word voor dit ernstig raak. Hoë tellings vir enigeen van hierdie drie kan lei tot probleme met hoë bloeddruk, hartsiektes en diabetes, wat van die vernaamste oorsake van sterftes is. BLOEDDRUK Die ideale telling is 120/80 Risikofaktor: Hoë bloeddruk Dit word nie verniet die stille moordenaar genoem nie. Dikwels is daar geen simptome nie, wat beteken jy kan hoë bloeddruk hê sonder dat jy daarvan bewus is.…

GEBOOIE Deur RUDIE VAN RENSBURG Queillerie, R350 Rudie van Rensburg se 19de boek het pas verskyn – “14de misdaadboek plus die vyf Hans-boeke,” sê hy. Verlede jaar is die filmregte vir Medusa deur ’n Amerikaanse vervaardiger gekoop en so gaan Kassie Kasselman nou ’n gesig kry. Wie dié rol gaan vertolk, kan Rudie nie verklap nie. Hy sê wel dis ’n bekende Suid-Afrikaanse akteur wat ook al in Amerika naam gemaak het. Nog ’n hoogtepunt verlede jaar was toe die komedie Hans steek die Rubicon oor drie van die grootste pryse op die Silwerskermfees verower het: vir beste rolprent, beste regisseur en beste akteur. Dis veilig om te sê die skrywer/skilder/oudjoernalis ry die golf van skeppendheid met oorgawe. Ek het vir hom ’n paar vrae gevra na aanleiding van sy jongste krimi,…

DAAR is ’n groep eilande langs die kus van Ecuador wat so afgeleë is dat dit soms “die wêreld se einde” genoem word. Dié vulkaniese eilande het ’n bekende wetenskaplike geïnspireer om ’n teorie te ontwikkel wat ons kennis van biologie vir altyd verander het. Dit is die Galápagos-eilande. LIGGING EN GEOGRAFIE Die Galápagos-eilande, ’n provinsie van Ecuador in Suid-Amerika, is ’n groep van 19 eilande – 13 groot eilande en ses kleiner eilande – omring deur kleiner eilandjies. In totaal is daar 127 eilande en rotse. ’n Versameling eilande soos hierdie word ’n argipel genoem. Die Galápagos-argipel lê langs die ewenaar, die denkbeeldige lyn wat ewe ver van die Noord-en Suidpool is, en wat die aarde in die Noordelike en Suidelike Halfrond verdeel. Dit lê sowat 1 000 km…

BENITO JOHANNES (28), MAMRE, BARBIER ‘MY PA het altyd my hare gesny toe ek ’n kind was. Hy’s ’n man van min woorde, my pa. Ons het nooit met mekaar gepraat as hy besig was om my hare te sny nie. Dit was altyd die normal straight cut – ’n number 1-cut. Dit was nooit lekker nie. Ek wou nie daai haircut hê nie. Maar my hare was dik, so ek was gedwing om dit vir die skool so kort te sny vir netheid. Noudat ek daaraan dink, sou ’n trim dalk beter gewees het, maar nee. Net so – die straight cut. Soos ek groter geword het, het ek later begin om saam met my tjommies na die barbershop te gaan. Ons het altyd net daar gestaan en kyk…

‘AL WEET JY DIS NIE REGTIG NIE, IS DIT VREEMD HOE JY IN DAARDIE OOMBLIKKE AMPER GLÓ DIS DIE WERKLIKHEID’ DIS die groot dag waarop Soebatskloof se mense so lank gewag het. Voor in die kerkie in Pniel in die Kaapse wynlande staan Edmund Abrahams in sy wit pak op sy bruid en wag. Dan verskyn Shireen Syster aan die arm van haar pa, asemrowend mooi in haar ivoorkleurige trourok met ’n korset van swart kralewerk. Ja, Edmund het al Shireen se hart gebreek. Maar nou gee sy daardie hart van haar vir hom – en dít vir altyd. Dis ’n hoendervleisoomblik – en nie net omdat dit hul troudag is nie. Dit is ook die heel eerste televisietroue in e.tv se nuwe daaglikse drama Kelders van geheime – die…

Wat is dan nou eintlik in ’n bord kos? Wel, dit hang af wie jy vra. Vir YUSUF DANIELS en sy dogter, THAMEENAH, gaan kos allermins net oor lekker eet: vir hulle is die ritueel van bereiding ewe spesiaal. Kos is iets waarmee hulle eintlik ook die belangrikheid van familie en gemeenskap vier. Dié pa en dogter, wat bekendheid verwerf het met hulle Facebook-blad Living Lekka, het deesdae al meer as 110 000 mense wat aanlyn na hulle koskaskenades kyk. In die video’s help Yusuf, bekend vir sy boek Living Coloured, sy dogter Thameenah, ’n joernalis by Daily Maverick, om haar Afrikaans op te skerp. En Thameenah? Wel, sy leer haar pa ’n paar kunsies in die kombuis. Die twee is ook tans op die kassie met hulle kosprogram Ja,…

Die egskeiding tussen BILLY RAY CYRUS en die Australiese sangeres FIREROSE (37) raak ál leliker nadat sy ’n klankgreep uitgereik het waarin hy haar vieslikhede toesnou. Daarin vloek en skree Billy (62) op haar. In ’n deel van hierdie opname kraak hy ook sy dogter Miley Cyrus (31) en sy eksvrou Tish (57) af. Nadat dit uitgelek het, het Billy gesê in daardie stadium van hul huwelik van sewe maande was hy radeloos. Hy het besef iets is fout. Billy het haar in Mei om ’n egskeiding gedagvaar. Hy beweer Firerose is ’n bedrieër, dat hulle onversoenbare verskille het en dat sy probeer het om die Cyrus-naam vir haar eie gewin te gebruik.…

VANJAAR se openingseremonie van die Olimpiese Spele in Parys was ’n skouspel soos min. Dis in die buitelug op die Seine-rivier gehou, pleks van in ’n stadion, en die uitdagende formaat het beteken dat dinge aansienlik anders gedoen is as gewoonlik. Die eerste uitdaging was die weer. Ten spyte van die warm somerhitte het dit die Vrydagaand van die opening gereën. Nietemin het glansmense, hooggeplaastes en sport-elite die nat weer trotseer om die spoggerige begin van die Spele by te woon, terwyl miljoene mense dit tuis op hul televisieskerms gevolg het. Prinses Charlene en haar man, prins Albert van die Franssprekende land Monaco, was daar saam met hul negejarige tweeling, prins Jacques en prinses Gabriella. Die koninklike egpaar het net enkele weke gelede aan die fakkel-aflos deelgeneem toe die brandende…