Indholdsfortegnelse for 19 September 2024 i Huisgenoot

1 ‘MY KIND VERLOOR NOOIT MOED’ Die sanger Jean du Plessis, oftewel Jan Bloukaas, is bedleênd en swak weens breinkanker. Maar dis sy positiweit wat sy geliefdes staande hou Jan Bloukaas, jy is so ongelooflik sterk. Van een cancer warrior aan ’n ander, ek weet waardeur jy gaan. Almal kan nie weet van jou stille stryd nie, maar jy bly aan veg en bly positief, al is dit hoe moeilik. Ons bid vir jou. ESTHER Absolute yster! ’n Ongelooflike voorbeeld van waagmoed en durf. As jy nog nie self hierdie pad gestap het as ’n familie nie, is dit moeilik om die stryd en pyn te verstaan. Sterkte aan almal. Hierdie is ’n bitter moeilike tyd. CONRAD My hart gaan uit na julle. Ek is ook ’n ma wat daardeur gegaan…

TOE ek nog naweke vir sy sussie gaan kuier het, het ek altyd van agter vir hom geloer. Hy was toe al in die lugmag. En kyk, ’n meisie in standerd agt kan nie ’n ou met so ’n uniform miskyk nie. Hierdie mannetjie was ses voet ses en goed gebou. Met sulke mooi blou oë en ’n sagte hart. Dit het my aangetrek. Ons vriendskap het gegroei van daar, en jare later knoop ons toe ’n verhouding aan. Ek en hy het maar altyd gekuier in sy ma se erf. Ons het eendag onder die wasgoedlyn gelê – ek op sy maag – toe vra hy my om te trou. Hy was ernstig, maar dit het nie gewerk nie. Hy wou die wêreld verken en ek was besig met…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. BUURT IS ’N NAGMERRIE V Die huis waarin ek woon, is reeds meer as 30 jaar my tuiste. Dis ingerig om my lewe so gemaklik en veilig as moontlik te maak. My tuin is altyd vol blomme en my deur staan oop vir kuiermense. My man is ongelukkig reeds oorlede en dit was vir my ’n aanpassing om te leer om op my eie te wees. Die aanpassing waarmee ek egter die…

1 HOE WERK DIT? Jy doen aansoek op die voertuigverskaffer se webtuiste en verskaf inligting soos jou inkomste. Moenie jou inkomste aandik nie, want die handelaar sal dit nagaan. As jou aansoek slaag, kry jy ’n lys van voertuie wat jy kan bekostig. Dan kies jy een en teken die kontrak. 2 WATTER DOKU-MENTE WORD BENODIG? Die laaste drie maande se bankstate en betaalstrokies, ’n bewys van jou woonadres, ’n geldige Suid-Afrikaanse rybewys en jou ID. 3 SAL DIE AAN-SOEK MY KRE-DIETTELLING BEÏNVLOED? Gewoonlik nie. Die handelaar doen meestal net ’n “sagte” navraag, wat beteken dis nie gekoppel aan ’n spesifieke kredietaansoek nie. 4 HOE LANK IS ’N SUBSKRIPSIE? Gewoonlik ’n minimum tydperk van 30 dae tot ses maande. Daarna kan jy kanselleer. Maak seker jy weet wat die kennistydperk is en of jy…

TEDDY SWIMS PYN BETAAL DIE REKENING Hy’t die wêreld aan die brand gesing met sy deurbraaktreffer, “Lose Control”. Met sy growwe rasperstem wat moeiteloos die hoë note tref, betower die Amerikaanse sanger en liedjieskrywer Teddy Swims sy aanhangers met sy musiek. En nou is ons weer in sy greep. Met sy nuutste liedjie, “The Door”, wat daaroor gaan om die liefde in jou lewe die deur te wys as hulle sleg is vir jou, sit hy reeds gemaklik in die 48ste posisie op Billboard se Hot 100-trefferlys. “Lose Control” boer nog heerlik in die negende plek. Oor die sukses van “Lose Control” sê die 31-jarige Teddy hy is dankbaar teenoor die persoon wat sy hart gebreek het, want dit het hom in staat gestel om die treffer te skryf. “Hoewel…

MAAK JOU POTLOOD SKERP VIR ◼ groot blokraaie◼ fotoblokraaie◼ blitsies◼ koderaaie◼ breinknopers◼ anagramraaie◼ liedjieraai◼ sudoku’s As jy eers begin, sal jy nie kan stop nie! BESTEL SÓ: AANLYN media24shop.com of huisgenootwinkel.com BEL 021-406-4962 E-POS koop@huisgenoot.com Gaan na www.media24shop.com…

1 Watter katte word as ongelukkig beskou? 2 Hoeveel blokkies is daar op ’n skaakbord? 3 Wat is tans die grootste sosialemediaplatform in die wêreld? 4 Watter pretpark word die “gelukkigste plek op Aarde” genoem? 5 Wat is die broers wat die eerste vliegtuig gebou het se van? ANTWOORDE: 1 Swart katte 2 64  3 Facebook 4 Disneyland 5 Wright BRONNE MEDIUM.COM, ALLABOUTBIRDS.ORG, THEGUARDIAN.COM, NEWS.SKY.COM, SCMP.COM, EURONEWS.COM, CNN.COM…

MENSE maak al van die vroegste tye af staat op die see om hulleself, hulle families en gemeenskappe van kos te voorsien. Soutwaterdiere soos visse, skulpvis en ander ongewerweldes is baie voedsaam. Eens op ’n tyd het dit gelyk asof hierdie voorraad onuitputlik was. Ongelukkig word die voortbestaan van ’n deel van hierdie oseaanbevolkings bedreig, met party ekostelsels wat op die randjie van ineenstorting is. Met meer as 77 miljard kilogram seelewe wat jaarliks deur die mens uit die see gehaal word, hoe kan ons seker maak hierdie kosbare hulpbron raak nie op nie? Die antwoord is volhoubare vissery. WAT IS DIT? Volhoubare vissery verwys na ’n stel riglyne wat opgestel is om oorbevissing deur kommersiële en ontspanningsvissers te keer. Hoewel dit kan lyk asof daar ’n eindelose aantal visse…

HY IS al byna 100 jaar oud, maar sy karakters bekoor elke nuwe geslag kinders – en geen wonder nie. As die skoorsteenveër Bert in Mary Poppins (1964) en die eksentrieke Caractacus Potts in Chitty Chitty Bang Bang (1968) oorkom hy uitdagings met humor, sang en dans. Dick Van Dyke se legendariese voetspore wals oor die hele spektrum van komedie en musiekspele. Hy het sonskyn in hele geslagte aanhangers se harte gebring. Wie kan ooit sy liedjie uit Mary Poppins vergeet: Chim chiminey, chim chiminey, chim chim cher-ee, a sweep is as lucky as lucky can be. Chim chiminey, chim chiminey, chim chim cher-oo, good luck will rub off when I shakes ’ands with you. Now as the ladder of life as been strung, you may think a sweep’s on the…

Wat is geluk vir jou? Om in die nag te gaan slaap met die wete dat my gesin veilig en in vrede is, dat ons die dag oorleef het en warm en gesond is. Dit is die vrede wat gepaardgaan met die opsê van ’n gebed voor jy jou oë toemaak en weet dat ons nie alleen is nie. Wanneer en waar was jy op jou gelukkigste? Wanneer ek óf alleen rus en knus is óf wanneer ek by familie is. Wat verveel jou? Herhaling. Waaroor is jy spyt? Dat dit my so lank geneem het om my stem te vind. Wat sou jy anders doen as jy jou lewe kon oorhê? Ek sal begin deur minder om te gee oor opinies en meer oor voornemens. Hoe sal die mense…

VIR die Kruger-gesin van Kaapstad is dit niks vreemds om ma Jana op TV te sien nie. Deur die jare het die donkerkopaktrise met die weerbarstige krulle al rolle in alles van die sepie Egoli tot die dramareekse Erfsondes en Wyfie vertolk. Maar toe sy vir haar gesin die eerste episode van Een keer om die son wys, het dit hulle so aangegryp dat almal in trane was, sê Jana Kruger oor die kykNETfamiliedrama waarin sy Lani van Wyk speel. “Die gesin in die storie is nogal na aan ons s’n. Hulle het ook ’n ouer boetie, suster en klein sussie en dan ek wat die ma speel,” sê sy. Net soos haar TV-karakter haar gesin onvoorwaardelik liefhet, is Jana (44) se man, Hannes (47), hul seun, Ohan (14), en…

BRAAIVLEIS & BONE op ROOSTERBROOD GENOEG VIR 4 MENSE / BEREIDING EN BRAAI: 30 MIN. ◗ 4 porsies oorskietbraaivleis (enige vleis – steak, tjops, hoender, vark, sosaties of boerewors)◗ 1 ui◗ 1 soetrissie◗ 2 knoffelhuisies◗ 2 sopies (so 50 ml) olyfolie◗ 5 ml (1 t) kerriepoeier◗ 1 x 50 g-pakkie tamatiepasta◗ 125 ml (½ k) witwyn◗ 1 blikkie tamaties◗ 1 blikkie gebakte bone in tamatiesous◗ sout en peper◗ snye brood 1 Haal die bene uit die vleis sodat jy net die ontbeende vleis oorhet. As jy sosaties gebruik, trek die stokkies uit. Kap die oorskietvleis in klein stukkies – kleiner is in hierdie geval beter. 2 Kap die ui en soetrissie op. Kneus en kap die knoffel op. 3 Verhit die olie in ’n groot vuurvaste pan of jou potjie,…

1 Vitamien C + niasienamied Op hulle eie het albei bestanddele wonderlike voor-dele, maar saam kan hulle rooiheid en irritasie veroorsaak. Dis oor die algemeen beter om hulle op verskillende tye van die dag of op afwisselende dae aan te wend. 2 Retinol + vitamien C Sowel retinol as vitamien C is sterk bestanddele, maar om hulle saam te gebruik kan irritasie en sensitiwiteit vererger. Retinol kan vitamien C afbreek en die doeltreffendheid daarvan verminder. Gebruik retinol eerder saans en vitamien C soggens, of gebruik die twee op verskillende dae. 3 AHA’s/BHA’s + retinol Om AHA’s of BHA’s (betahidroksiesure) saam met retinol te gebruik kan te hard op die vel wees en tot oormatige droogheid en irritasie lei. Albei bestanddele bevorder afskilfering, en saam kan hulle die vel se beskermende…

HEKS DEUR DIBI BREYTENBACH Queillerie, R320 Sy het al sewe spanningsromans geskryf, en daar kom Dibi Breytenbach met ’n verrassing vorendag: ’n roman oor hekse, die oorlog in Oekraïne, giftige grimering en owerspel. Dis moeilik om oor seks te skryf, sê ek vir haar, maar sy kry dit triomfantelik reg om dit sappig – en realisties – te maak. “Jong, ja …” sê sy. “Baie dankie vir die kompliment. Ek was sku vir die sekstonele, maar as ’n mens dit met jou binnekant eerder as jou buitekant benader, maak dit sin. Seks is ’n daad van die kop voordat dit ’n daad van die liggaam raak. Ek beskou dit as volkome kommunikasie. As woorde opraak, praat die lyf. En dis wat ek geskryf het.” Sy vertel Heks was nie ’n…

WISER THAN ME Die aktrise Julia Louis-Dreyfus wat in Seinfeld en Veep gespeel het, se bekroonde podcast is net die regte medisyne as jy afgeleef en oor die muur voel. Sy praat elke week met die een of ander formidabele ouer vrou wat oorloop van die tipe houding wat slegs met ouderdom kom. Gaste soos Julie Andrews, Gloria Steinhem, Patti Smith, Fran Lebowitz en Jane Fonda besoek die ateljee. Dis heerlike luisterstof!…

THE IRON CLAW 2023 AMAZON PRIME Die ware verhaal van die Von Erich-broers wat vroeg in die 1980’s geskiedenis gemaak het in die intens mededingende wêreld van beroepstoei. Met onder andere Zac Efron en Jeremy Allen White. COOL RUNNINGS 1993 DISNEY+ Die ware verhaal van vier Jamaikane wat hulle land se eerste bobslee-span ooit vorm om aan 1988 se Olimpiese Winterspele deel te neem. Hulle roep die hulp in van ’n onteerde en teësinnige voormalige Olimpiese kampioen om hulle af te rig. ROCKY 1976 AMAZON PRIME ’n Jong bokser van Philadelphia kry ’n seldsame kans om mee te ding vir die wêreldtitel in swaargewigboks. ’n Fliek wat drie Oscars gewen en Sylvester Stallone ’n superster gemaak het. CHARIOTS OF FIRE 1981 DISNEY+ Die ware verhaal van twee Britse baanatlete…

GROOT BLOKRAAI WEN ’N BOEK VAN LUX VERBI PLUS KOM IN AANMERKING VIR DIE MAANDELIKSE TREKKING VAN R1 000. №2 562 KOMPETISIEVRAAG Watter rustyd is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Boytjie deur Johnny Davids (Lux Verbi, R280). Johnny Davids se ma het hom in Kleinvlei by sy dowe ouma en haar bedorwe seun gaan aflaai. Hier het Johnny deurgeloop onder sy oom se vuiste en eendag besluit hy loop weg Wellington toe. By die Barons in Wellington ervaar hy vir die eerste keer liefde en begin hy heel word. Die Barons help hom in voeling kom met sy pa se familie in Walvisbaai. In Walvisbaai leer Johnny om mens te…

MERCY, DIE POSITIEWE LIG Sy kan byna als in die vermaakbedryf doen. Sy’s ’n sanger, danser en aktrise. Maar dis haar rol in Kelders van geheime wat haar behoorlik op ons radar gesit het. Sy’s Mercy Niemand, “’n hardwerkende, selfstandige, sterk en sprankelende kelnerin”, sê die jong Kapenaar. “Sy’s iemand wat altyd daar is vir almal en sal altyd ’n helpende hand uitreik na ander. Sy is ’n weeskind wat weggehardloop het van die kinderhuis om haarself ’n blink toekoms te gee, sy wil die lewe ten volle ervaar.” Tyral-Lee is mal daaroor dat haar karakter nie bang is vir ’n nuwe uitdaging nie. “Dis wat ons in gemeen het. Ons is nie bang vir ’n nuwe uitdaging nie, en ons sien die wêreld in ’n positiewe lig en glo…

MET hul swaardagtige snoet en blou-en-silwerwit lyf is hulle van die mees opvallende inwoners van die oseaan – en ook van die grootstes en vinnigstes. Hulle woon in die warm waters van die diepsee, en sportvissers is omtrént trots as hulle een kan inkatrol. Bloumarlyne kom in Suid-Afrika meestal naby die kus van KwaZulu-Natal voor, hoewel hulle in die somer soms tot so ver as Kaapstad kan swem. Hul neef, die swartmarlyn, is meer volop in ons land en kom voor in ons oostelike kuswaters en soms tot in dele van die Atlantiese Oseaan ronddom die Kaap. WAAR WOON HULLE? Bloumarlyne kom voor in die warm tropiese en subtropiese dele van die Indiese, Stille en Atlantiese Oseaan. ENORME INWONERS VAN DIE SEE Wyfie-marlyne kan tot 27 jaar oud word en…

IN HIERDIE huis vra die een waarskynlik nooit vir die ander om te help om ’n glasfles se deksel oop te draai nie. Ook nie om te help met ’n kraan wat te styf toe is nie. Nog ’n vraag wat jy seker nooit sal hoor nie, is: “Ag, liefie, wil jy my nie help om dié ding op te tel nie?” Want aan spiere is daar in hierdie huwelik geen tekort nie, en aan krag geen gebrek nie. Dit was liggaamsbou wat dié getroudes bymekaargebring het, en dis ook maar goed Alyssa Ramdass en Kiran Singh verstaan mekaar se toewyding aan die sport, want dit verg die soort dissipline wat nie in enigeen se swembroek óf huweliksbeloftes sit nie. Dis nie net dat hulle ure der ure per week…

GEGEWE hoe smerig sy huwelik met Angelina Jolie tot ’n einde gekom het, sou ’n mens Brad Pitt seker nie kon blameer as hy romanse vir ewig afgesweer het nie. Maar hoe gemaak as ’n lenige, intelligente, supersuksesvolle 34-jarige Franssprekende juweliersontwerper jou pad kruis? Jy maak jou hart maar weer oop vir die liefde. Op die ouderdom van 60 kan Brad blykbaar steeds die skinderpers laat gons soos geen ander Hollywood-hartebreker nie. Hoewel daar al twee jaar lank vae gerugte loop dat Brad en Ines de Ramon dalkies meer as net vriende is, het hulle eerste verskyning saam op die rooi tapyt by die Venesiese Rolprentfees dinge nou eers amptelik gemaak. Die geleentheid was die première van Brad se nuwe fliek, Wolfs. Ines was geklee in ’n lang wit rok…

GEE hom ’n skêr, ’n grimeerkwas of ’n haardroër en hy toor sommer enige asvaal aspoestertjie in ’n prinses. HANNON BOTHMA word nie verniet die Glam Guru genoem nie. Die 23ste seisoen van Hannon se televisiereeks begin op 3 Oktober op kykNET, en Huisgenoot was daar tydens opnames van die transformasiereeks. Dié seisoen sal jou mond weer in stomme verbystering laat oopval. “Ons was vir twee jaar van die lug af,” sê Hannon. “Nou is ons weer terug met ’n vars aanslag. Seisoen 23 is ’n verbetering op die vorige Glam Guru-reeks – en dié keer het ons ook manlike deelnemers.” Om mans deel van die reeks te maak is iets wat hy nog altyd wou doen. “Ons het spesiaal die barbier Ephraim Sean Ward ingekry wat die manne leer…

GRIER HENCHY (18) Toe Grier se ma, BROOKE SHIELDS (59), haar ouderdom was, was sy in ’n heel ander tyd in Hollywood ’n jong volwassene. Brooke het al openlik gepraat oor hoe sy in die 1980’s as ’n jong ster geseksualiseer is. Sy was eers huiwerig oor haar dogter se besluit om te begin modelwerk doen. “Weet jy, ek’t teëgeskop,” het sy aan People gesê. “Maar om haar haar ding te sien doen, het my laat besef, oukei, sy’s nogal ’n sterk karakter.” EGYPT DEAN (13) Met die sangeres ALICIA KEYS (43) en die hiphop-vervaardiger Swizz Beatz (45) as ouers is dit geen wonder dat hulle seun, Egypt, ook musikaal is nie. Maar al was hy dikwels saam met sy ouers op die verhoog en in die ateljee, wil hy…

PRINS WILLIAM (42) is terug by die werk met ’n ietwat ruwer voorkoms. Hy het gespog met ’n stoppelbaard met ’n besoek aan die uitstalling Homelessness: Reframed in Londen, nadat hy oor die Britse somervakansie ’n blaaskans van sy koninklike pligte gevat het om tyd saam met sy vrou, Kate (42), en hul drie kinders, George (11), Charlotte (9) en Louis (6), deur te bring.…

Kein Mensch muss müssen, sê die Namibiërs mos. Geen mens moet moet nie. Friedrich Schiller het mos so geskryf, dieselfde digter wie se woorde mos deur Beethoven gevat is vir sy Negende Simfonie. Die “ode aan vreugde”. Friedrich se punt was mos: Alle ander dinge “moet”; dis die mens, daarenteen, wat “wil”. Die woord “mos”, wat jy mos nou net gesien het, is net “moes” nadat hy ’n ompad gevat het deur baie, baie mense wat Nederlands moes leer as grootmense. ’n Groot deel van Afrikaans het mos ontwikkel uit ’n kreool: Dis wanneer grootmense (soos slawe) skielik ’n nuwe taal moet aanleer om met die mense in mag te gesels, of as grootmense (soos Franse Hugenote) skielik met hulle nuwe landgenote moet praat. En “mos” het ’n lekker kortpad…

’N BABA was die heel laaste ding wat sy op 39 verwag het. Ná ’n jarelange kankerstryd het Marion Peake gedink dis onmoontlik dat sy weer swanger kon word. Maar toe, ’n maand gelede, voel sy die Sondagoggend op pad kerk toe so siek dat haar man, Matthew (41), langs die pad moes stilhou. “Is jy swanger?” terg hy. Sy was onder die indruk sy het ses jaar tevore die laaste keer geovuleer. Sy weet die hormoonbehandeling wat ná die kankerdiagnose en mastektomie voorgeskryf is, onderdruk haar ovulasie. Daarby het sy en haar pastoorman reeds 21 kinders onder hul dak. Afgesien van hul eie twee dogters, Meliyah (12) en McKenna (8), bied hulle ’n heenkome aan kinders in nood. “Ek’s heeltemal te besig vir ’n baba,” het Marion eers gedink.…

BO WENK In Engels staan dit as ’n “capsule wardrobe” bekend – klere wat saam gedra kan word. Dit sluit heelwat neutrale skakerings en spatsels kleur in. ONDER ROKKE WENK Kies rokke wat informeel saam met tekkies gedra kan word of formeel saam met hoë hakke. ’n Rok met patrone kan pret by jou klerekas voeg. BYKOMSTIGHEDE WENK Belê in neutrale rompe, broeke en kortbroeke wat saam met jou tops gaan. Hou dit eenvoudig, maar sluit detail in vir flair. BO WENK Balanseer styl, funksionaliteit en gemak deur op tyd-lose, veelsydige kernitems te fokus. ONDER WENK Hoewel die basiese items belangrik is, moet jy nie bang wees om jou persoonlikheid met jou klere te wys nie, of dit met ’n grafiese T-hemp, byderwetse baadjie of funky bykomstighede is. BO-OOR BYKOMSTIGHEDE…

WENK Maak altyd seker dat jou potte goeie dreinering het sodat water nie daarin opdam nie. KRY DIT HIER HERTEXHAUS.CO.ZA 021-948-4764, KNUS.CO.ZA 021-300-2702, MRPHOME.COM 064-584-1000 (WHATSAPP), PLANTIFY.CO.ZA 021-330-5075, STOREANDMORE.CO.ZA 011-314-0002, WOOLWORTHS.CO.ZA 0860-022-002 HOEWEL ONS ALLES IN ONSVERMOË DOEN OM KORREKTE PRYSE TEVERSKAF, KAN FOUTEVOORKOMWAARVOOR HUISGENOOT EN DIEVERSKAFFERS NIEVERANTWOORDELIK GEHOU KANWORD NIE.…

WEEGSKAAL 23 SEPTEMBER – 22 OKTOBER Jy voel dalk verwyderd van die dinge wat altyd jou lewe betekenis en rigting gegee het. Wees gerus dat dit net tydelik is. Moenie in die strik van selfbejammering trap nie, want dit pas jou nie en baat jou niks. Van die oomblik wat die son by die Weegskaal inbeweeg, is daar lig aan die einde van die tonnel. Die spanning by die huis verslap, maar die rieme moet dunner gesny word. SKERPIOEN 23 OKT – 21 NOV Jy kan voel jy word in die rug gesteek. As die liefde van jou lewe boonop betrokke is, is dit te verstane dat jy seergemaak of ontsteld sal wees. Probeer om nie haastige gevolgtrekkings te maak voor jy die volle waarheid weet nie. ’n Vriend kan…

Ek en M praat nie oor ons onderskeie gesinne nie. Hy is kinderloos. Ek het een kind. Hy het ’n vrou. Ek het ’n man. Dit is al wat ons weet. Al wat ons wíl weet. Selfsugtig. Beslis. Owerspel per definisie. Elkeen in die kassie waarin hy pas. Ons praat ook nie oor ons werk nie. Dit is nie be-langrik nie, nie vir ons nie. Waaroor praat ons dan die ure om? Alles onder die son. Visse in die see. Hoe groen die gras in die somer is. Voëls in die lug. Die ritseling van die wind deur die boomtakke. Vivaldi en Villa-Lobos se musiek. Ernesto Garcia Peña se skilderye en Maria Primatsjenko se naïewe kuns waarvan hy vir my foto’s uit Kijif stuur. Mitologie. Sprokies. Geskiedenis. Filosofie. Oor ons.…

ONS noem dit strykreekse. Dis ’n naam wat my skoonsus gebruik om te verwys na daardie programme wat jy op jou eie kyk. Sy het gewoonlik, wanneer een van die kleintjies slaap of soggens wanneer almal by die werk of skool is, haar strykplank voor die televisie gaan staan maak en dan al die strykwerk gedoen terwyl sy die een of ander reeks kyk. Dis gewoonlik ’n reeks wat niemand anders saam met jou wil kyk nie. Iets wat jou dalk ’n bietjie skaam maak om in goeie geselskap te sê jy kyk dit. Soos BRIDGERTON. Of enige van die REAL HOUSEWIVES-reekse. Definitief VIRGIN RIVER. En natuurlik OUTLANDER. Ons praat ook van ’n strykfliek. Dis daardie fliek wat jy gou-gou kafdraf en dan verras rondkyk as dit skielik by jou…

SY WAS nie die tipe persoon wat jy in ’n boks kon druk nie. En sy het daardie ondefinieerbaarheid ten volle in haar musiek uitgeleef. En vir die kort tyd wat sy hier op Aarde was, het die 24-jarige ANGIE OEH (Angelique Eurika Greeff) die wenkbroue behoorlik laat lig met haar nek-en gesigtatoes en rowwe-growwe Afrikaanse rap. Nou, ná haar dood sowat ’n jaar gelede, leef haar musiek voort met die onlangse uitreiking van die klankbaan van Wyfie, Showmax se oorspronklike Afrikaanse reeks. Haar goeie vriend en die vervaardiger van die Wyfie-klankbaan met 14 kraakvars snitte, Peach van Pletzen, sê hy sal Angie altyd onthou vir haar saggeaardheid. “Sy was ’n kind en caring persoon as jy verby die Angie Oeh-persona gekyk het,” sê hy. “Ek onthou die eerste keer…

KIES REG As jy kon kies tussen ’n vrou en ’n bakkie, wat sou jy kies – diesel of petrol? L. Saayman ONDER DIE RADAR Ek sou nou nie juis sê my ma het haar ooit vir my geskaam nie, maar sy het altyd tydens die skool se oueraande ’n skuilnaam gebruik. San Marchand DWAALSPOOR “Hoekom het Moses 40 jaar lank deur die woestyn geswerf?” vra die Sondagskoolonnie. “Seker omdat hy te hardkoppig was om te stop en aanwysings te vra,” antwoord Sannie Snip. Louise Noeth GRATIS KUUR “Dat jy herstel het, was ’n wonderwerk!” sê die dokter vir sy pasiënt. “Dankie tog, dan hoef ek jou nie te betaal nie.” Johanna Rademeyer LEUENS Die skoolhoof bel ’n ouer: “Meneer, ons het regtig groot probleme met u seun Jannie. Hy…

NUMISMATIKUS Uit die Franse numismatique, wat kom vanaf die Griekse en Latynse nomisma, wat munt beteken. Nomisma kom van die Griekse werkwoord nomizein, wat beteken om te gebruik. Ons kry daar die woord numismatikus – iemand wat munte, medaljes en note versamel. SYFERSTORIES 15 Dis hoeveel jaar verby is voor ’n skaars orgidee weer in Engeland gesien is. Dr. Richard Bate, ’n tandarts, het die plant in Augustus vanjaar opgespoor nadat hy 30 jaar lank daarna gesoek het. Waar presies hy dit gevind het, word ’n geheim gehou omdat kenners bang is dit word gesteel. Die plant staan bekend as die “ghost orchid” vanweë sy ivoorwit kleur. 30 m Dis hoe diep die Darvaza-gaskrater in Turkmenistan is. Die sogenaamde “Gates of Hell” brand al 50 jaar lank nadat ’n span…

DIS stil in die kroeg in die binneplein van die Corinthia Hotel in Londen. Daar is geen ander gaste nie, net ek en ’n paar kelners wat glase blinkvryf en eetgerei was. Skielik stap Jeff Goldblum in. Die 71-jarige akteur is lig op sy voete, half dansend op die maat van ’n jazzklankbaan wat net hy kan hoor. Hy het ’n iPhone in sy hand. “Ek het nou net na al hierdie foto’s van jou gekyk,” sê Jeff. Hy waai die resultate van ’n Googlefotosoektog rond. “Hierdie foto’s laat jou ontsaglik welige aangesig nie tot sy reg kom nie.” Daarmee bedoel hy my hare. Jeff, het ek gou geleer, is tot so ’n mate welsprekend dat dit my aandag aflei. Hy is ’n talentvolle man wat heeltyd sinonieme en metafore…

HY WAS ’n laerskooloutjie met ’n asmabors wat hom van die sportveld weghou toe hy op ’n dag in die skoolbiblioteek deur ’n boek blaai. Dit was die Guinness Book of World Records en hy het vasgesteek by ’n skaatsplankrekord wat agter die naam van ’n Amerikaner, Tony Hawk, pryk. “En ek het aan daardie boek vasgehou en gedink: Eendag …” So asof hy dit nog steeds skaars kan glo, voeg Jean-Marc Johannes by: “En kyk wat gebeur toe!” Wat pas die vyfde keer gebeur het, is dat die 33-jarige Kapenaar daardie einste rekordboek gehaal het. In die boek Guinness World Records 2024 is sy naam verewig as die rekordhouer wat die meeste ollies ná mekaar kon uitvoer. “En ’n ollie is nie maklik nie. Jy moet op ’n plank…

HULLE was Suid-Afrika se eie Spice Girls in die gloriejare van Afrikaanse popmusiek, die vierstuks wat dansend voor jillende gehore opgetree het by kunstefeeste, konserte en Huisgenoot Skouspel. Van 2001 af was Shine 4 se viertal met hulle treffers “Perfekte wêreld” en “So elektries” op al wat ’n musiekverhoog is. En toe, sewe jaar en vier albums later, ontbind die popgroep en die lewe sluk die sangeresse in. Wat het van hulle geword in die jare sedertdien? Wel, deesdae is die vier vroue nie meer popsterre nie, maar suksesvolle sakevroue en mammas. Hulle is steeds vriendinne en het nietemin onlangs – 16 jaar ná hulle Shine 4-swanesang – weer saam agter die mikrofoon ingeskuif vir ’n nuwe weergawe van Nicholis Louw se liedjie “Net die een vir my”. Dié keer…

NOU, drie jaar later, kom kuier sy weer in haar tuisland – verloof én met ’n een jarige dogtertjie. Die aktrise Nadia Herbst, bekend vir haar rol as 7de Laan se Olivia, woon nou al drie jaar in Guadalajara in Mexiko, waar sy as grimeerkunstenaar werk. Sy is verloof aan Héctor Gonzalez, en die twee se dogtertjie, Camila, is hulle hart se punt. “Ek vind nog my voete, maar ek is mal daaroor om as grimeerkunstenaar te werk,” sê Nadia. “Ek kies my eie ure en is altyd daar vir Camila.” So erg het sy na haar geboorteland verlang dat haar mees onlangse besoek vroeg in Augustus amper ’n hele maand geduur het. Sy het die meeste van haar tyd in Kaapstad deurgebring. “Ek het dit gemis om my familie…

KLOMP plaaslike sterre het onlangs die vyfde dekade van hulle lewe binnegestap. Vir hulle beteken die mylpaalverjaardag tyd vir stadiger leef en meer tyd saam met geliefdes. “Veertig is vir my massief,” sê RHONA ERASMUS van Die Real Housewives van Pretoria. “Dis amper asof dit met meer aanvaarding gepaard kom, ’n soort dieper selfliefde. Ouer word is vir my ’n heerlike ontdekkingsreis.” Haar mantra is nog altyd dieselfde: Sy is spyt oor niks. “Die lesse wat ek geleer het, het my gevorm in die vrou wat ek vandag is. Ek wil in my nuwe lewensjaar daarop fokus om sagter met myself te werk, meer genade met ander te hê en nooit ander te oordeel nie.” Suidooster se Suzie, die aktrise NATASHA VAN DER MERWE, het ook in Augustus 40 geword.…